رواية الضحية الفصل الثاني و العشرون 22 - بقلم أروى عادل

      

  رواية الضحية الفصل الثاني و العشرون 22 - بقلم أروى عادل

ماذا سيفعل عمر مع طارق

روان ٠٠ معقوله لسه الجواب ده موجود

عمر٠٠ انتى تعرف حاجة عن الجواب ده

روان ٠٠ اه . انا كنت مع أروى و هى بتكتب الجواب ده

عمر٠٠ انتى يا روان كنتى معاها و هى بتخونى

روان٠ استنا انت بتقول أيه .. الموضوع مش زى ما انت فاهم

عمر٠٠ مش زى ما انا فاهم . ازاى يعنى أروى كتبت الجواب ده ولا لأ

روان٠٠ ايوه هى كتبت الجواب بس

( قطع عمر عبارتها وقال)

عمر٠٠ خلاص مافيش فيها بس دى

روان٠٠ اسمعنى بس يا عمر. هى صح أروى كتبت الرسالة بس مش هى إللى كانت مقصودة بالكلام المكتوب

عمر٠٠ يعنى ايه

روان ٠٠ هى كتبت الرسالة بطلب من أنجى يعنى إللى كان عليها كلام أنجى مش أروى

عمر٠٠ براحه كده واحده واحده فهمينى كل حاجة

روان٠٠ حاضر الموضوع بدء لما

————————————–

فلاش باك

٠٠٠٠٠٠٠٠

حوار بين غاده و انجى

أنجى ٠٠ أنا بحبه بس هو مش مهتم بيا و لا شايفنى من الأساس

غادة ٠٠ لأ هو بيحبك بس هو مش من النوع إللى بيحب يظهر إللى فى قلبه

أنجى ٠٠ طيب انا أعمل ايه عشان اخلي يعترف بحبه

غادة ٠٠ هتسمعى كلامى

أنجى ٠٠ هسمع بس قولى

غادة٠٠ أكتبى له رسالة. حب

أنجى ٠٠ اكتبها على الواتس ولا على الماسنجر

غادة ٠٠ لأ يا ذكيه انا اقصد رسالة يعنى جواب

أنجى ٠٠ انتى اكيد بتهزرى صح

غادة ٠٠ لأ مش بهزر .. انا عارفه اخويا كويس هو بيحب الرومانسية و الجو القديم بتاع الجوابات

أنجى ٠٠ بس انا مابعرفش أكتب ولا ليا فى جو الجوابات ده خالص

غادة٠٠ بس أروى بتعرف تكتب كويس أوى

أنجى ٠٠ و أروى مالها بموضوع ده

غادة ٠٠ خليها هى إللى تكتب الجواب

أنجى ٠٠ انتى بتقولى إيه. انتى عارف خط أروى مميز و أكيد زين عارف خط أروى كويس

غادة ٠٠ هى هتكتب الجواب و بعد كده انتى هتنقلى الجواب بخط ايدك انتى . وانا هاخد منك الجواب و أسلمو لزين. ايه رايك

أنجى ٠٠ بس أروى مش هتوافق تكتبلى الجواب

غادة٠٠ قوليلها انك هتقولى لعمى محمود انها بتكلم عمر على النت ساعتها هتوافق غصب عنها

أنجى ٠٠ انتى عايزانى ابتز أختى

غادة٠٠ يا عبيط الحوار كله عامل زى الهزار وانتى هتقولى كده عشان توافق بس

(فعلآ قدرت غادة تلعب فى دماغ أنجى .. فعلآ نفذت أنجى كل ما قالت عليه غادة)

—————————————-

حوار بين أنجى و أروى

أروى٠٠ اتفضلى الجواب أهو ده اخر طلب ليكى عندى

أنجى ٠٠ متزعليش منى يا أروى انا كل إللى عايزاه ان زين يحبنى

أروى ٠٠ تقومى تهد*دينى انك تقولى لباب انى بكلم عمر

أنجى٠٠ واللهى انا عمرى ما كنت هقول لباب حاجة

أروى ٠٠ على عموم مالهوش لازمه الكلام دلوقتى الجواب أهو معاكى .. بس ياريت تقطعى الجواب بعد ما تنقلي فى ورقه تانيه بخط ايدك

—————————————

حوار بين أنجى و غاده

أنجى ٠٠ اتفضلى الجواب أهو

غادة٠٠ طيب فين الجواب إللى بخط ايد أروى

أنجى ٠٠ اهو معايا لسه كنت هقطعوا

غادة ٠٠ طيب هاتى اشوفوا كده

( هنا فقامت غادة بتبديل جوابات أخذت الجواب إللى بخط ايد أروى و مزقت الرسالة إللى بخط ايد أنجى ثم قالت)

غادة ٠٠ خلاص انا قطعت الجواب إللى بخط ايد أروى و هروح دلوقتى أدى زين الجواب بتاعك

—————————————

حوار بين غادة و زين

( غادة فهمت زين ان عمر و أروى انفصلوا عن بعض و ان أروى دلوقتى بتحبه هو )

زين ٠٠ أخيرآ أروى بتحبنى انا . ده كان حبها حلم بالنسبالى . لأ انا مش مصدق

غادة ٠٠ لأ صدق و اتفضل ده جواب من أروى بتعترف فى انها بتحبك

( كاد زين ان يفقد عقله من الفرحه لذلك قرر أن يخطب أروى)

————————————–

حوار بين زين و عأئلة محمود

زين ٠٠ أنا جاى النهاردة لحضرتك عشان أطلب ايد بنتك

محمود ٠٠ طيب يابنى مش الأصول بتقول أن ولدك يكون موجود معاك

زين٠٠ طبعآ يا عمى بس انا جيت الأول أخد موافقة حضرتك و بعدين بابا هيجى يطلبها بنفسه رسمى

محمود٠٠ أشجان .. اشجان

أشجان ٠٠ أنا جيت نعم

محمود ٠٠ أيه رأيك زين جاي يطلب ايد بيتك

أشجان ٠٠ يطلب ايد أنجى . طبعآ موافقه زين زى ابنى و اى واحده تتمناه

( أتصدمة زين من سوء التفاهم هو كان يقصد أروى مش أنجى .و عندما قرر يوضح سوء الفهم خرجت أروى بعد ماسمعت ما دار بينهم و قالت بفرحة)

أروى٠٠ مبروك يا زين انا فرحانه . انك هتكون جوز اختى . وانا بنيابة عن أختى أنجى موافقه

( ضحكت أشجان و محمود على تصرف أروى بينما كان زين مصدومة من تصرف أروى)

——————————‐——–

حوار بين أروى و روان

روان ٠٠ أنا مش عارفه انتى فرحانه ليه ان زين هيخطب أنجى

أروى ٠٠ بصراحة كده انا كنت حاسه ان زين بيبص عليا بطريق مش عجبنى كمان طريقته فى كلام معايا بحس انه …. بصى خلاص مش مهم …٠انا دلوقتى لما اتقدم زين يخطب أنجى أتأكد انى كان متهيألى

روان٠٠ تصدقى انا كمان كنت ملاحظه بردوا

هنا وصلت أشعار بوصل رسالة من زين على الواتس)

أروى ٠٠ أيه ده زين باعت ليا رسالة

روان ٠٠ طيب شوفى الرساله مكتوب فيها ايه

أروى ٠٠زين عايز يقابلنى ضرورى.. و ده عايز منى أيه ده كمان

روان ٠٠ بس غريبه انه عايز يقابلك

أروى ٠٠ أنا مش هرد عليه

روان ٠٠ يمكن عايزك فى حاجة بخصوص أنجى

أروى ٠٠ تفتكرى

روان ٠٠ اكيد آمال هيكون عايزك ليه . طيب هو عايز يقابلك فين

أروى ٠٠ بيقول فوق السطح العمارة

روان ٠٠ خلاص انا هاجى معاكى

————————————-

حوار بين أروى و زين و روان

روان ٠٠ طيب انا هقف بعيد عشان زين لما يجى مايشوفنيش

( أول ما وصل زين قال)

زين ٠٠ انتى أزاى بتحبينى و تسكوتى لما أبوكى افتكر بالغلط انى كنت جاى أخطب أنجى لاء كمان كنتى فرحانه

أروى ٠٠ أنت مجنون مين دى إللى بتحبك انت جبت الكلام ده منين

زين٠٠ جبتو من جوابك و لا هتنكرى ده كمان

وعندما رأت أروى الجنوب قالت

أروى٠٠ جواب أيه .. الجواب ده مش بتاعى

زين ٠٠ هو ده مش خطك

أروى ٠٠ أيوه انا كتبت الجواب ده لأن أنجى طلبت منى اكتب حاجة ليك تعبر عن أحساس أنجى حتى أسأل أختك غادة هى عارفه كل حاجة

زين ٠٠ انتى كدابه لان غادة هى إللى قالتى إن الجواب منك انتى و انك بتحبينى

أروى ٠٠ أيوه كده فهمت .. اختك ضحكت عليك . زين أنا عمرى ما حبيتك انت مش اكتر من أخ بالنسبالى

زين٠٠ أخ انا و بعد الحب ده كله تقوليلى أخ

أروى ٠٠ زين انت عارف كويس أوى انى بحب عمر

زين ٠٠ و الجواب ده

أروى ٠٠ يادى الجواب. قولتلك أختك ضحكت عليك .

زين ٠٠ وهى غادة هتعمل كده ليه

أروى ٠٠ معرفش أسألها .انا نازله

( هنا مسكها زين من معصمها وقال)

أروى ٠٠ زين انت اتجننت سيب أيدى

( هنا ركضت روان إليهم عندما كانت تسمع ما يحدث بينهم)

روان ٠٠ زين سيب ايدها

زين ٠٠ انتى عامله ليا كمين انتى و صاحبتك

أروى ٠٠ زين انا هصرخ لو ماسبتش ايدى

( هنا تركها زين و غادر المكان)

روان ٠٠ انتى كويسه

أروى ٠٠ ايدى و*جعنى شويه . شوفتى المتخلف ده عمل ايه

روان ٠٠ لأ دى الست غادة هى إللى عملت

أروى ٠٠ اه شوفتى العقربه دى عملت ايه . بس انا مش فاهمة هى ازاى تعمل كده فى أخوها

روان ٠٠ حبها لعمر خلها مجنونه ..هى فاكره كده انها بتبعدك عن عمر

أروى ٠٠ الغبية هى فاكره انى ممكن احب زين و أسيب عمر

(العوده من الفلاش باك)

—————————————-

روان ٠٠ هو ده كل إللى. حصل بالظبط زين كمل خطبته لأنجى بعدها حصل موضوع أروى و طارق

عمر٠٠ انا أيه إللى عملتوا ده …انا كنت قاسى معها أوى .و*جعتها اوى تفتكرى انها ممكن تنسا الكلام إللى انا قولتو

روان ٠٠ بصراحه مش عارفه بس فى حاجة لازم تعرفها

عمر ٠٠ أيه تانى قولى

روان ٠٠ أروى رفعت قضية خلع على طارق

عمر٠٠ نعم . اشمعنا دلوقتى هى كانت رافضه

روان ٠٠ هو انت زعلت ان أروى هتسيب طارق

عمر٠٠ هو انتى هبله ..انا بس زعلان على حظى شكلى باين عليه منحوس

☆☆☆☆☆☆☆☆☆☆☆☆☆☆☆☆☆☆☆

فى منزل عأئلة غادة

بعد كلام عمر ذهبت أروى فورآ إللى منزل غادة

غادة٠٠ ( بسخريه) معقوله مدام أروى عندنا

أروى ٠٠ مش معقولة ليه ما هو طول ما انت طبال وانا زمار مسير الافراح تجمعنا

غادة ٠٠ اسلوبك بقى بيئه اوى .. بعدين انتى قصدك ايه بالكلامك

أروى ٠٠ افهمك قصدى يعنى طول ما انتى بتجرى ورا عمر و عمر بيجرى ورايا يبقى هنتقابل كتير

غادة ٠٠( بعصبيه) أروى انتى جايه هنا عشان تعرفينى انا عمر بيجرى وراكى

أروى ٠ ٠ لأ بس انا عندى فضول اسألك سؤال

غادة ٠٠ هو ايه السؤال ده يا أبله أروى

أروى ٠٠ هو انتى جنس ملتك ايه .

غادة ٠٠ انتى جايه بيتى عشان تهزرى

أروى ٠٠ لأ واللهى انا بتكلم بجد .. تعرفى انتى الشيطان يقف قدام بضربلك تعظيم سلام

غادة ٠٠ انت جايه بيتى عشان تهنينى

أروى ٠٠لأ انا جايه هنا عشان أعرف انتى عايزه منى ايه

غادة٠٠ عايزاكى تبعدى عن خطيبى

أروى٠٠ طيب ما الاحسن تقولى لخطيبك انه هو إللى يبعد عنى. بدل شغل الخطط

و المؤامرات إللى شبهك دى

غادة ٠٠ خطط و مؤامرات ايه.. انا مش فاهمة انتى بتتكلمى على ايه

أروى٠٠ لأ انتى فاهمة . بقى يا شيخه تحتفظى بالجواب سنتين بحالهم .. ايه بتحبنى اوى كده عشان تحتفظى بالجواب بخط ايدى الفترة دى كلها

غادة ٠٠ كده فهمت انتى هنا ليه.. اكيد عمر بهدلك عشان كده انتى جاية محر*وقه اوى منى

أروى ٠٠ تعرفى انتى صعبانه عليا .. انتى فاكره باللى بتعملى ده هتكسبى عمر

غادة ٠٠ مالكيش دعوة أنتى. اطلعى منها بس

أروى٠٠ طيب و أخوكى

غادة٠٠ ماله أخويا

أروى .. ماصعبش عليكى و انتى بتلعبى بمشاعرة و تكدبى عليه و تفهمى انى بحبو مع انك عارف متاكده ان أنجى هى إللى كانت بتحبو

غادة ٠٠ كل شئ مسموح فى الحب و الحرب .

أروى ٠٠ بس ده أخوكى ازاى تعملى معاه كده.. طيب لم روحتى و أديتى الجواب لعمر ماخوفتيش على زين من عمر . و كلنا عارفين ان عمر لما يتعصب ممكن يعمل ايه حاجة

غادة ٠٠ بقولك ايه انتى مش هتكونى أحن منى على أخويا

أروى ٠٠ بس للأسف انا فعلآ أحن على أخوكى منك ..لأنه جوز أختى ابو إللى فى بطنها .. انتى مش خايفه أخوكى يعرف بكل مصيبك

غادة ٠٠ زين استحاله يصدقك عنى اي حاجة .. ولا انتى هتقدرى تثبتى عليا حاجة اه انا إللى لعبت فى دماغ أنجى عشان تضغط عليكى.

و تكتبى الجواب و كنت ناويه ابعت الجواب لعمر بس انتى سابقتينى و اتجوزتى طارق .. وانا كمان إللى بدلت الجوابات ..انا كمان إللى زرعت فكرة حبك فى دماغ زين ..تعرفى ايه كمان انا إللى اتصلت بجوزك قولتلوا انك فى المستشفى تحبى تعرفى انا عملت ايه تانى ولا كفايه عليكى كده

أروى ٠٠ كفايه أوى بصراحة ..

غادة ٠٠ بقولك ايه ما تفكك منى و ترجع بيتك عشان الكل يرتاح

أروى ٠٠ هو انا ماقولتش ليكى انى هطلق .. يعنى خلاص بقيت فاضيه ليكى .. و هترجع أروى بتاعت زمان

وكل واحد فكر انه يأذينى هياخد حقه

غادة ٠٠ هتطلقى مستحيل . انتى كدابه طارق مش هيسيبك

أروى ٠٠ عارفه ماهو مافيش حد بيحبنى

و يقدر يستغنى عنى حتى أسألى عمر سلام

( قالت أروى عبارتها الاخيره ثم غادرة و تركت خلفها غادة بتصرخ من الغضب هى لم تتوقع انفصال أروى .. لكن ما لم تكن تعلموا غادة ان أروى قامت بتسجيل كل ما دار بينهم )

☆☆☆☆☆☆☆☆☆☆☆☆☆☆☆☆☆☆☆

مكتب الصاوى الهندسة المعمارية

بعد ما تركت أروى غادة توجهت فورآ إللى مكتب الهندسة

أروى٠٠ صباح الخير

السكرتيرة ٠٠ صباح الخير يا فندم .. حضرتك عايزه المهندس عمر .. ارتاحى حضرتك المهندس عمر على وصول

أروى ٠٠ بس انا مش جاية عشان عمر .. انا عايزه اقابل زين

السكرتيرة٠٠ انا اسفه انا افتكرت انك جايه تقابلى المهندس عمر زى المره إللى فاتت على عموم حصل خير ثوانى هبلغ المهندس زين

( ذهبت السكرتيرة هنا جاء عمر عندما رأى أروى قال)

عمر٠٠ ( بأستغراب) أروى انتى هنا

أروى ٠٠ أنا جايه

( قطع عبارتها وقال وهو فاهم انها جائت توضح له سبب كتابة الجواب)

عمر٠٠ من قبل ماتوضحى حاجة.. انا أسف . اسف على كل كلمة جر*حتك بيها

أروى ٠٠ لأ يا مشمهندس عمر انا مش جايه هنا عشان اوضح تصروفاتى لحد

( هنا جائت السكرتيرة وقال)

السكرتيرة ٠٠ اتفضلى المهندس زين فى انتظارك

عمر٠٠ انتى جايه هنا تقابلى زين

( كانت الصدمة و الحيره واضحه عليه

لماذا تريد أروى مقابلة زين

هل ستقبل أروى أعتذار عمر

ماذا ستفعل غادة بعد ماتعلم ان عمر عرف الحقيقة

ماذا سيحدث فى قضية الخلع ما هو رد فعل طارق عندما يعلم بالقضية

• يتبع الفصل التالي اضغط على (رواية الضحية) اسم الرواية