رواية حبي الأول الفصل الثاني 2 - بقلم روان احمد
نبدأ”بسم الله الرحمن الرحيم”
_____________________
وقفنا لحد أما مي كانت بتساوم عمر عشان السر……..😂
.
صفاء:يلا يولااااد خليكوا تفطروا انتوا قاعدين عندكوا ده كله بتعملوا اي.
عمر ومي ف نفس واحد:جايين اهو
عمر:صباااح اللوز على عيونك الجوز يا قمر انتي😉
صفاء:بس يوااد بطل تبقى بكاش كده…صباح النور يا حبيبي يلا تعالى الفطار جاهز على السفرة
عمر:الله عليكي يا صفصف ريحته تجنن 😍 تسلم ايدك يا حبيبتي
صفاء:الف هنا يا قلب امك
=يلا خلصوا انتوا فطار وانا هنزل اشتري شوية حاجات من تحت مش هتأخر
عمر:لا إله إلا الله يا حبيبتي لو عوزتي حاجه رني عليا
صفاء:محمد رسول الله
مي بأبتسامة خبيثه:بقولك يا موري
عمر ف سره:طالما قالت موري يبقى عايزة حاجة ربنا يستر
=خير يا حبيبتي ابهريني
مي: حبيبي اللي حافظني
كنت بقول يعني بما أن النهاردة انت إجازة ف تعمل جميل ف اختك حبيبتك وتاخدني تفسحني🌚
عمر:اه قولي كده بقى
=قولي انك بصالي ف إجازتي
مي متصنعه نظره البراءة:يرضيك يعني أفضل كدة قاعدة ف البيت اذاكر يااما انزل الكليه وخلاص ده حتى صحابي مبقتش أخرج معاهم مين هيخرجني مش لو كان معايا قرة عيني دلوقتي كان زمانه مفسحني وعملي اللي أنا عيزاه🥹🥹🥹🥹
عمر ف سره:يارب يجي خلينا نخلص🥲🥲
=لا يا حبيبتي ميرضنيش خلصي اكل يلا وقومي البسي
مي بفرحه:هييييييي يسسس يعيش عمر يعيش💃🏻😂
عمر بأبتسامه:خلاص يا مجنونه انتي بدل ماارجع ف كلامي
مي بخوف متصنع:خلاص خلاص اهو
ف مكان تاني كان قاعد عبد الرحمن ف البلكونه ولكنه سرحان بيفتكر حاجات حصلت معاه ف الماضي ولسه مأثره عليه
نسرين:اي يابني بقالي ساعه بنادي عليك ولا انت هنا..في اي يا حبيبي مالك
عبد الرحمن:مفيش يا حبيبتي بس سرحت شوية كده كنتي محتاجه مني حاجه اعملهالك!
نسرين:لا بس كنت عايزة اقولك أننا نازلين إسكندريه عند خالتك كمان كام يوم تكون الإجازة جت
عبد الرحمن: اسكندريه؟!!
غريبة يعني اشمعنا افتكرتيها دلوقتي ده احنا آخر كنا هناك ساعت أما كنت ف الثانوي
نسرين:أيوة يا حبيبي ماانا عارفة عشان كده عايزة انزل اقعد مع اختي شوية وحشتني
واهو بالمرة اتطمن عليهم وأشوف البت مي وحشاني اوي بنت اللذينه دي وعمر بقى عامل ازاي ف بدلته الجديدة🥰واهو بالمرة انت كمان تشوف الجو بتاعك🌝
عبدالرحمن:جو اي بس يا ماما انتوا لسه فاكرين الموضوع ده
كنا ساعتها صغيرين ومش فاهمين احنا بنقول اي وانا اصلا نسيته
نسرين بصتله بجنب عنيها:نسيته؟؟؟؟
امممم طيب على العموم متنساش تجهز نفسك وتشوف تاخد إجازة كام يوم كده يااما تنقل الفرع اللي هناك المهم اتصرف لحد اما نرجع
عبدالرحمن: حاضر يا أمي
نسرين بابتسامة عريضة:حضرلك الخير يااخويا
&&&&&&&&Rony&&&&&&&&&&
“تعريف للشخصيات الجديدة”
عبدالرحمن ياسين/الابن الأكبر لنسرين،عنده ٢٧ سنه متخرج من كليه صيدله وفاتح شركه أدوية بيشتغل فيها هو وصاحب عمره ويعتبر جاره ومتربيين سوى
هنتعرف عليه بعدين
نسرين محمود/اخت صفاء وعندها ٥٠ سنه،اطول منها بشوية ومحجبه بردوا ،عندها ولدين عبدالرحمن وحمزه،متجوزة من ابن عمها لكنه توفى من ٥ سنين.
….
- يتبع الفصل التالي اضغط على (رواية حبي الأول) اسم الرواية