رواية بياع الورد الفصل الثاني 2 - بقلم نور محمد
ورد بتعجب:شرط ايه؟
جلال بخبث:اجوزك الاول على سنه الله ورسوله وبعد الثلاث شهور هطلقك وهاخد فلوسي وكل واحد يروح لطريقه بعدها قولتي ايه؟
ورد بصدمه:نعم ياحيلتها تتجوزني انا يابيئه يابياع الورد في الشوراع
جلال بغضب مكتوم:انا هسكت كأني مسمعتش حاجه منك بس لو كترتي في الكلام معايا هسيبك وهمشي وانتي تتصرفي بقى في حوار جدك ده على كيفك
ورد بضيق:بقولك ايه انا هشغلك عندي وهتاخد حق الشغل ده يعني اجري بالفلوس فلازم تحترمني وتسمع كلامي كويس انت هتمثل قدام جدي انك خطيبي بس تمام
وقف جلال بغضب:يفتح الله انا مش هودي نفسي في داهيه علشان وحده مجنونه وشايفه نفسها على خلق الله زيك براحتك سلام
مشي من قدامها بكل كبرياء بس ورد مسكت ايده بسرعه وقالت:طيب اهدي نتفاهم انت مش عاوز الفلوس دي فكر دول ميه الف جنيه عمرك ماهتجمع قدهم من بيع الورد بتاعك
بقلم نور محمد..
جلال شد ايده منها بحده وقال:وحتي لو محتاجهم بس انا ابن ناس ومتربي واهلي علموني مقربش من بنات الناس حتي لو تمثيل مش حقيقه علشان كده طلبت منك اجوزك تحسبا لو بالغلط قربت منك قدامهم ابقى محسش نفسي اني عملت حاجه غلط او حرام قولتي ايه؟
ابتسمت ورد بسعاده من كلامه وتأكدت انه فعلا محترم وتقدر تطمن ليه فقالت: تمام وانا موافقه نجوز ثلاث شهور بس على الورق قدام جدي وبعدها نطلق
جلال ابتسم لانها وافقه وقعد قدامها تاني ببسمه ساحره وقال
: وكده اتفقنا نقرأ الفاتحه بقى الاول
وبعد ماقرأوا الفاتحه سوى نادي جلال بصوت عالي
: فينك ياعلوه الشاي على النار وزمانه فار وانا هموت من الانتظار هنا ياجدع
ورد ضحكت بقوه على كلامه وقالت بهمس
:مجنون بس جدع وانا مطمنه ليه اوي
وبعد وقت في العربيه ورد
ورد:ها تحب نروح علطول على الفله او معاك حاجه عاوز تعملها الاول
جلال:لا وانا هعمل ايه انا اصلا وحيد ويتيم بس حيلتي بقره مربيها عندي لازم اروح اطمن عليها الاول
ورد بصدمه:بقره تصدق انا اللي بقره علشان سمعت كلامك و..استني عندك انت قولت يتيم امال ايه اهلي علموني دي وانت يتيم اصلا
جلال بسخريه:مانا يتيم بس جيراني القدام كانوا زي اهلي انا وصغير واخدوا بالهم مني لغايه ماكبرت فهمتي
ورد بتفهم:اه تمام كده بس البقره دي تنساها خالص او روح بيعها احسن
جلال بصدمه:ابيعها انتي مجنونه في ابن يبيع امه في الرضاعه
ضحكت ورد عليه بقوه وجلال كمل بحزن:دي ياما شربتني من لبنها زمان وقت ماكنت مش لاقي لقمه العيش اكلها ودلوقتي اروح ابيعها كده بسهوله ليه قالولك قليل الاصل
ورد بتأثر:خلاص خليها دي مهما كانت في مقام حماتي يابن البقره
كتمت ضحكتها بصعوبه قدامه وهو بص عليها بضيق وقال:علفكره دي مش شتيمه لانها شربتني من لبنها اكتر من اولادها اللي من لحمها ودمها كمان فلو سمحتي متغلطيش في ام فتحي علشان دي خط احمر عندي
ورد بصدمه:ام فتحي مين؟
جلال بضيق:البقره اسمها ام فتحي ليكي شوق في حاجه
ورد بضحك مكتوم:لا ابدا طيب ياله نروح الاول نشوف ام فتحي ونطمن عليها وبعدها نروح الفله سوى تمام
جلال ببسمه:تمام ياله بينا
وبعد وقت في بيت جلال المتواضع
جلال بدموع:هتوحشيني اوي ياام فتحي انا مش عارف هعيش الكام شهر دول ازاي بعيد عنك
ورد بضيق:كفايه كده يااعم الرومانسي دي حته بقره يعني مش محتاجه المشاعر دي كلها
جلال سمعها وابتسم بخبث وقال:طيب وانتي مالك واحد وبيودع امه في الرضاعه متغاظه منها كده ليه يكنش غيرانه منها ياورد
ورد بردح:نعم ياروحي انا بنت العز اغير من بقره ماتوزن كلامك ده معايا ياض انت
وقف جلال قدامها بضيق وقال:والله انا اصلا شاكك انك بنت ناس أغنيه علشان اسلوبك في الكلام بتاع شوراع زينا
ورد ببسمه:عندك حق بس انا كونت مصاحبه بنت من عيله متوسطه وعايشه زيك كده في حاره وكونت بحب طريقه كلامها معايا فتعلمت منها شويه كلام حلو من بتاعكم
جلال في سره:الله يخرب بيتها صحبتك دي ايه ياربي يوم مااقابل بنت من عيله راقيه تطلع بنت حواري كمان زيي ايه الحظ الهباب ده
ورد بتعجب:انت ياحلو سرحت مني فين؟
جلال بانتباه:لا مفيش انا معاكي بس بصراحه انا مش هقدر اسيب ام فتحي هنا لوحدها وحيده كده مين هياخد باله منها في غيابي
ورد بردح:نعم ياعنيا قصدك ايه يعني بالكلام ده
جلال بخبث:قصدي اني هاخد ام فتحي معايا الفله علشان اخد بالي منها هناك اصل انا هنا وحيد ومش عندي حد ياخد باله منها غيري فهمتي
ورد بغضب:انت بتقول ايه بقره تعيش معانا في فله راقيه ازاي ده جدي كان طردني انا من الفله قبلها
جلال باصرار:بقولك ايه انا مش هتحرك من هنا بدون ام فتحي انا مش خسيس او قليل الاصل علشان ارميها كده دي زيها زينا محتاجه حد ياخد باله منها
ورد بضيق:تمام انا هتصرف فيه مخزن قديم عندنا في الفله تقدر تقعد فين ام فتحي مرتاحه ها كده مرضي ياشبح
جلال بضيق وهمس:الله يخرب بيتك على بيت الشبح انثي بثوب رجل ايه الحظ الهباب ده بس ياربي
وابتسم بصعوبه قدامها وقال:تمام يامعلم ورد كده اتفقنا
وفعلا بعد كام ساعه وصلوا للفله وورد مشت البواب اللي قدام الفله علشان تقدر تدخل البقره بدون ماحد ياخد باله منها
الكاتبه نور محمد
ورد بهمس: تمام دخلها الدنيا امان بس خد بالك اكتم بقها علشان محدش يسمع صوتها هنا
جلال بضيق وحده:اكتم بقها ازاي عاوزاني اموتها يعني انتي مش عندك رحمه في قلبك
ورد:خلاص دخلها ياله بس بسرعه
جلال جر ام فتحي بحنيه وقال:حاضر ياله ياام فتحي ندخل بس بدون صوت علشان منتكشفش
ورد بصتله بضيق وقالت:انت بتكلمها ليه دي بقره ومش هتفهم كلامك اصلا
جلال بحده:وانتي مالك دي عشره عمر وانا كنت كل يوم اقعد اتكلم معاها وهي بتفهمني صح ياام فتحي
ورد بصت على البقره اللي صدمتها لما بصت تجاه جلال كأنها فهماه فعلا وقالت:انت لسه هتسبل لها ياله دخلها قبل ماحد يخرج من الفله ويقفشنا بالجرم المشهود هنا مع البقره
جلال بسخريه وضيق:جرم ايه ياختي والله انا عارف ان حظي هباب ماتعدلي ام بقك ده يابت واتكلمي زي بنات الناس الاغنيه وبلاش طريقه كلامك دي معايا
ورد نفخت بضيق منه وقالت:اقسم بالله هدخل الفله وهقول انك حرامي وجاي تسرقنا وبعدها هتشرف السجن انت وام فتحي بتاعك كمان
جلال بخوف:لا خلاص كله اللي ام فتحي انا هدخلها فورا ياله ياام فتحي همي خطوتك معايا احنا مش قد قعدت السجن ياختي
جلال جرها بسرعه اكبر والبقره جرت معاه تحت صدمه ورد منهم وهي بتقول بزهول:دي طلعت بتفهمه بجد ايه فلم الكرتون ده بس ياربي
وبعد عشر دقايق جوه المخزن
جلال بحنيه:ايه الاخبار ياام فتحي مرتاحه هنا او ادخلك الفله بتاعتهم احسن
ورد بصدمه:نعم ياروح امك
جلال بحده:انتي بتغلطي في امي يابت
ورد بخوف:احم..لا مش قصدي دي زله لسان اسفه خلاص
جلال:تمام بحسب صحيح ناس تخاف متختشيش
ورد بغضب:لا بقولك ايه مش سكتناله دخل بحماره احفظ لسانك معايا علشان انا اصلا خلقي ضيق تمام
جلال بص عليها بخبث وقرب منها بسخريه وقال:طيب هتعملي ايه لو محفظتش لساني معاكي ها احب اعرف وحده زيك تقدر تعمل معايا ايه؟
ورد بلعت ريقها بتوتر وخوف وبصت على ام فتحي بخبث وقالت بتهديد:هبيع ام فتحي لو مسمعتش كلامي
جلال بصدمه وخوف:لا كله اللي ام فتحي خلاص هلم لساني عنك و
قبل مايكمل جملته سمعوا صوت باب المخزن بيتفتح بقوه ودخل رجل كبير في عمر الستينات بملابس شيك وانيقه جدا وقال بصدمه وحده:ايه اللي بيحصل هنا في مخزن بتاعي ياورد؟!
ورد بصدمه وزهول:يانهار اسود جدي وووو
- يتبع الفصل التالي اضغط على (رواية بياع الورد) اسم الرواية