رواية قسوة احفاد ال هتان الفصل الحادي و الثلاثون 31 - بقلم هاجر النعيمي
part 31
بقلمي ( هاجر النعيمي )
" يأتي أليك تعويضاً عن كل ماتمنيته
وكأنه أعتذار عن سنوات الحزن
فقط لأنك أمنت باللَّه "
.................
ماسه : ولككككك تميممممم صخاممممم وينكككك
تميم : يمه شكو ليش تعيطين
ماسه : حدر وياي
راحو للغرفة بس بابها مفتوح وصوتهم جان عالي
ينسمع واني وملاك بالصالة كاعدين على التخم
ماسه : ولك مرتك طرحت تعرف شنو يعني طرحت
تميم : اعرف ليش تسألين
ماسه : لو تعرف ماتتكرب منها
تميم : مرتي امنع نفسي شلون
ماسه : محد كالك اغلط وخليها تحمل تتحمل نتيجة
غلطك مو كافي الطفل راح نوب تريد تدهور حالة
مرتك
تميم : انتي كلتيها مرتي يعني اني الي اعرف شنو
بصالحها مو انتي
ماسه : انجب حيوان من احجي وياك تحجي بأدب
ترا اكول لابوك
تميم : اي كوليله شنو يسوي يعني ما عليكم بيه
مثل ماجنتو ماتهتمون قبل هسه هم لا تهتمون بحياتي
ماسه : فريت السالفه عليه اني مو ذنبي
تميم : ذنبج كلكم ذنبكم
التفت يطلع لزمته وصاح بوجها وهيا رفعت ايدها
وجابته براشدي بقه بصدمه عافها وطلع بس شافني
لزمني من شعري وسحلني فوك واني اريد اخلص نفسي
مااكدر كلت
هاجر : عوفني اشبيككك
ماسه : عوفها معليها
دفعني للغرفة وكعت على وجهي التفتت دفع عمه
ماسه وسد الباب وقفله كال
تميم : اول مره امي تضربني والسبب انتي
هاجر : اني معليه
تميم : انتي السبب ضربتني بسببج
لزمني من شعري وكومني دفعته ولا تحرك كلت
هاجر : عوفني تميم اشبيكك جنيت
تميم : ايييي جنيتتتت انييي مجنونننن كللل مااسوي
شيييي تكلوليييي مجنوننن انيييي مووو مجنوننن
هاجر : اي اي انت مو مجنون عوف شعري
ضربني براشدي فر وجهي من حرارته نزلت دموعي
بسرعه لزمت خدي واجيت احجي دفعني على الجرباية
وبلش يضربني من الصدمة ماحجيت ولا شي ماحاولت
ادافع عن نفسي من هول الصدمة شك ملابسي وكال
تميم : اميييي تضربنييييي لانننن ****** انييي
اعلمجججج
تقرب مني واخذ شفايفي بين شفايفه بس بقسوة
وعنف لدرجه نجرحت شفتي عافني لما حس بطعم
الدم اخذ حاجته وعافني بدل وطلع دخلت عليه عمه
تبجي وتلطم كالت
ماسه : اني السبب الله ياخذني الله يكسر ايدك
ان شاءالله
هاجر : ملاك تلفوني حبابة
جابت التلفون الي ردت اتصل باامي اخذت التلفون
عمه وكالت
ماسه : ازرعيها بوجهي فدوه لا تكولين لهلج والله
تصير مشكله جبيرة فدوه الخاطري اسكتي اني اخلي
يعتذر منج
هاجر : مااريد اعتذاره اني بعمري مانضربت غير
لما عرفو بعلاقتي بي وهو المفروض يعوضني مايضربني
ماسه : فدوه اروحلج غلسي انه مااخلي يجي يمج
لا شنو حتى نامي بغرفة ملاك خوش عقاب اله
هاجر : تمام بس اذا عادها مااسكت
ماسه : ولا انه راح اسكت اوعدج
ملاك : ماما سبحيها شوفي حالها بين مااعزل الغرفة
ولازم نروح لبيت عمو ادريان
اخذتني عمه واني مستحيه ياربي شهل موقف بالكوه
اوكف وهما يساعدوني الله لا يوفقك خلصت وطلعت
جابتلي ملابس ولبستني كالت
ماسه : نامي نص ساعه هيج ارتاحي
نمت ودموعي بخدي ماجنت متصوره تميم يضربني
اصلا اني ماعليه شلون ضربني شسويت اني كعدت
على صوت عمه ماسه كالت
ماسه : كومي البسي اي شي لان راح نروح عدهم
وبعدين نطلع للقاعه يلا بنيتي
لبست عباية لان مااكدر ابدل وملاك هم نفسي اجه عمو
محمد اخذنا ورحنا هناك وصلنا سلمت وبسرعه كعدت
تعبانه لدرجه مو طبيعيه الوجع يزيد مايقل تغدينه
وكامو يغسلون المواعين كالت بيبي
راوية : هاجر خانوم ماتساعديهن
قبل لا اجاوبها جاوبت عمتي
ماسه : مريضه ماتكدر
راوية : ليش مريضه شبيها
هاجر : والله يابيبي اكو ناس حاطه عينها عليه وبسببها تمرضت
راوية : هو انتي احد بحالج
هاجر : شعبالج بيبي اني مو قليله
وغمزت الها تعصبت وكالت
راوية : من سميتها كوبره تحجون عليه شفت مرتك
تميم : مالي خلك مشاكلكم
عافنا وطلع ديلا هو احد الو خلكك كملت بيبي
راوية : شمسويه بــ زلمه ولج مخبلته الله يعلم شمسويه
هاجر : شنو راح اسوي مثلاً هو حبني واخذني
راوية : انتي شكد صلفه
هاجر : لان اكول الحق اصير صلفه
راوية : والله صلفه من اول يوم شفتج فلا رتاحيت
الج
هاجر : ديلا عادي المهم ماما تحبني فدوه الكلبها
وبابا يحبني وتميم يحبني كافي
راوية : منو بابا وماما قصدج ماسه و محمد
هاجر : بالضبط
راوية : كوبره وين ينكدرلج
ابتسمت واخذت تلفوني اشوف شبي مابي رديت على
بنات خالاتي بقيت احجي وياهن لحد ما عمه كالت
ماسه : يلا كومي حضري نفسج علمود العرس
كمت بصعوبة بس قاومة رحت لغرفة زهراء شويه واجو
البنات بدلنا كلنا وزهراء كالت
زهراء : هاجر ليش جسمج بي اثار ضرب
هاجر : تميم ضربني
زهراء : شتحجين يولي انتي عروس
هاجر : لان عمه كالته لاتقرب منها هسه طرحت
وضربته هو جن عليه
زهراء : دقيقه شنو طرحت شلون طرحتي انتي غير
قبل كم يوم عرسج
هاجر : ردت اشوفج واكلج
حجيت الها كلشي صار قبل العرس وبذاك اليوم المشؤوم
انصدمت خطيه كلت
زهراء : عزه بعيني
هاجر : الكلام مايطلع حبابه
زهراء : ولا يهمج حتى امير مااخلي يدري
ملاك : امير منتظر يعرف منج هو غير من يوم الي
صار امير واحمد يعرفون كلشي
هاجر : تشاقين
ملاك : لا لان سمعت تميم يحاجيهم وثنينهم يلومون بي
هاجر : ياربي شلون نفضحت
ملاك : لا تخافين محد يلومج كلهم لامو تميم
كملنا وطلعنا اتجهنا لبيت مريم وصلنا ونفس عرسي
هوسات بس الي بعرسي جانت الهوسات اكثر توجعهنا
للقاعه وصلنا ودخلو على اغنيه كلش حلوة جانت نازله
جديد بقينه نركص شكد لحد ماتعبنه
جان ظهري على الباب طلعو اغنيه مال زعل التفتتت
اشوف شكو وراي لان الكل يدحكون وراي شفت تميم
بيدو باقة ورد تقرب يمي باس راسي وكال
تميم : اسف على الي صار الصبح عذريني ماجنت
بوعيي
اخذت الباقة منو وركصنا سلو شويه وطلع فلا اسامحك
بعدها دخلو يقدمون الاكل جان اكو بالميز الي يمنه
بنات راح تميم وحيدر يقدمون الهم جان صوتهم يوصلنا
وحده منهن كالت
- ياحلو تفضل
دحك عليها تميم من فوك لجوه وابتسم بستهزاء وعافها
وهيا تفشلت برد كلبي بحركتو واجو يمنه يسولفون شويه
بعدها راحو كملنا اكل ورجعنا نركص مانتوب هلكنا من
التعب و زهراء كالت
زهراء : مريم هيا كالت تعالو كل شويه كوموني اركص
واني نسيت اكومها خلي نروح نكومها هسه
رحنا يمها اخذناها وكلت ل احمد
هاجر : عذرني بس احتاجها هسه
ضحك وكال
احمد : ترديها الي
هاجر : طبعاً
عفته ورحنا نركص بنص القاعه تجمعو البنات يمنه
يركصون كمل العرس على خير وجان يجنن الله يتممها
عليهم رجعنا للبيت وطلعت لغرفتي سبحت وبدلت بسرعه ونزلت يم ملاك انام شنو يعني عبالو اذا اعتذر
انسى والله فلا انسى
دخلت لغرفة ملاك جانت تحجي بالتلفون بس دخلت
خافت من عرفت هاي اني رجعت طبيعي كلت
هاجر : يولي توبي بلكي احد اجه غيري
ملاك : ديلا واذا نحنا بكل الاحوال نزوج
هاجر : مايشد حيلو ويجي يخطبج
ملاك : بس يكمل كم شغله ويجي يخطبني
هاجر : كليلو لا يطول ترا بزعت منج
ملاك : شني هاي اشو اله اكله يطول على كلبج كاعده
هاجر : ديلا اخبار علي
ملاك : شلون تكون اخباره تميم تعارك ويا وراح على
امير يسب ب علي وامير يريد زله على اخو وتعاركو
وعمه غالية بجت ومن شافوها عافو بعض والسبب
اخوي
هاجر : من زمان تعرفين تميم و علي ما يتوالمون
ملاك : هو مايحجي معا اخوانو ليش بس مايحجي
معا لو علي مايعجب
هاجر : علي يمشي مع عباس وكرار اما امير واحمد
ويا تميم عرفتي ليش
ملاك : الله لا يشوفج عصابات عباس و كرار و علي
وأركان هذول عصابة و امير و احمد و حيدر و رأكان
و تميم هذول عصابه ثانيه وكل مايجتمعون يتعاركون
هاجر : مدري شكلج هسه نحنا عدنا عصابات بين
البنات ما بين الاولاد
ملاك : لو بين البنات احسن غير كل مايشوفون بعض
يتعاركون وضرب ومدري شنو
دخلت عمه ماسه علينا وكالت
ماسه : نامن باجر نروح على بيت ادريان الصباحيه
مال مريم واحمد
ملاك : اي ندري وعزيمه هم وعركه هم
ماسه : عركة شنو
ملاك : ماتعرفين ابنج ولد عمه مسوين عصابة
ماسه : معليج بيهم لا تدخلين لان تجيج مشاكل
ملاك : ونحنا لازم نضل نسكت على افعالهم بس اذا
نحنا نسوي نفسهم نطلع كح***
ماسه : معليج يا يمه اسكتي
ملاك : اي راح انجب واسكت
ماسه : يكون احسن
رجعت وجهة الكلام الي
ماسه : انتي تنامين هنا مو
هاجر : اي
ماسه : خوش
بقينه نسولف كلنا لحد مااجه عمي ناده عمه وكال
محمد : عايفه زوجج ورايحه ويا البنوات
ماسه : جايه
عافتنه وطلعت ونحنا نضحك شويه ودخل تميم للغرفة
مال ملاك وكال
تميم : حضرتج ماناويه تجين
هاجر : لا
تميم : يعني
هاجر : راح انام يم ملاك اليوم
تميم : ممم حلو كملتي
هاجر : اي
تميم : دكومي كدامي
هاجر : كلت انام هينه
تميم : انتي ماينفع وياج الحجي
اجه لزم ايدي واخذني ويا واني احاول افك ايدي منه
طلعنا برا الغرفة وكلت
هاجر : ماما عمه لحكيني عمه
طلعت بسرعه من شافتني سحبت ايدي من تميم وكالت
ماسه : انت الي راح تتعاقب هسه وهيا راح تنام يم
ملاك
تميم : مو بكيفكم مرتي واني حر بيها معليكم خوشش
محمد : صوتك مايعلى على امك ادبسززز
تميم : لعد كول الها لا تدخل بيه
محمد : امك هاي حيوان
تميم : اي مااعلي صوتي نطوني مرتي
محمد : مثل ماانت ضربتها تتحمل غلطك
تميم : انت اخر واحد يحجي بالغلط محد جان يعاقبك
هسه تريد تعاقبني
محمد : صوتك حيوان كافي
تميم : كلمة الحق تزعل مو
محمد : شلون راح اوكلك وحل كافي سد حلكك
تميم : اي راح اسده بس عوفوني معليكم بيه
ماسه : ماكو عوفها ماتاخذها
هاجر : عمه فدوه مااريد اروح معا
تميم : غصباً عليج خوش تعالي
محمد : عوفيها تروح ويا بس ماتضربها
تميم : مااضربها
محمد : خوش اخذها وروح
ماسه : محمد شبيك شلون تخلي ياخذها
طلعنا للغرفة سد الباب وكال
تميم : حضرتج عاجبج الي صار
هاجر : انت الغلطان ما اني
تميم : لا تردين بوجهي
هاجر : ليش ماارد اني ماغلطت
تميم : لا تردين بوجهي
عفته ورحت للجرباية تمددت عود انام اجه يمي وصار
فوكي كلت
هاجر : عوفني
تميم : مو صالحتج واعتذرت منج بالعرس ليش بعدج
زعلانه
هاجر : الي سويته مو قليل
تميم : بس عتذرت
هاجر : واني ماقبلت اعتذارك
تميم : شلون تريد تنسحل
هاجر : عوفني وكوم مني
تميم : چؤ
اخذ شفايفي بين شفايفه بقسوة نزلت دموعي من كد
ماتأذيت وهو مايحس ماعافني اختنكت وخر مسح
دموعي ونزل الركبتي كلت
هاجر : حباب عوفني ماريد مااكدر
مايسمع مني شكد حجيت وتوسلت وقاومت بس ماكدرت
كمل وعافني وراح يسبح بقيت اتلوع من الوجع طلع
من الحمام وراح للمرايه كمت بسرعه دخلت للحمام
ودموعي على خدي ماوكفت طلعت عيوني حمر منفوخه
من التعب نمت كعدت على صوت عمه دحكت على
الساعة جانت بــ 11:30 دخلت للحمام غسلت وحطيت
مرطبات لوجهي روتيني الطبيعي مثل كل يوم كملت
وطلعت جان تميم مدد يلعب بالتلفون رحت للمراية
مشطت شعري وبدلت تراك طويل ونزلت وعفته شويه
ونزل
ساعدتهم بحط الريوك كملنا وراحو يصيحون عمو محمد
وتميم اجو وبدينا ناكل كملنا وعمي كال
محمد : هاجر تعالي شويه
رحت واني مبين عليه الضوجه منه دخلت لغرفة عمي
واجت عمه ماسه وراي كال عمو
محمد : ادري بيج اخذتي على خاطرج مني
هاجر : اي
محمد : انتي سمعتي الي صار وشلون يحجي وياي
واني ابو
هاجر : اي
محمد : مااريد تزعلين مني بس اني لو معانده جان
هو عاند اكثر واخذج غصب عنه وعيب بحقي ابني
يعصي كلمتي صح
هاجر : اي صح
محمد : وانتي الله شاهد حالج حال رشا وملاك انتي
بنيتي الثالثة مااريد تزعلين مني اني اعرف ابني احسن
من الكل
هاجر : ولا يهمك انت هم ابوي
محمد : فدوه لبنيتي الحليوة
طلعت منهم بس ارتحت من كلامه توجهت للمطبخ
علمود اعزل واغسل مواعين عمه كالت
ماسه : روحن بدلن بسرعه
هاجر : خلي نساعدج
ماسه : روحن مااريد يلا بسرعة
طلعت الغرفتي دخلت جان تميم يخابر مدري منو كال
تميم : منو كال اني ماسمعت
انتظر المقابل يرد رجع كال
تميم : جذابين يهمبلون
انتظر المقابل بعدها كال
تميم : عود من اشوفك نحجي هسه طالع يلا دعبل
سده وكال
تميم : حضريلي ملابسي التيشرت الاسود والبنطرون
الاسود والشوز الابيض
هاجر : تمام
حضرت الي كال عليهم بدل واني بدلت رحت على المراية
احط شويه مكياج والبس شال حطيت مسكارة وحمرة
وردي شويه عميقه وايلاينر لفيت الشال واني اعدل بي
اجه تميم وحضني من وره صار ظهري على صدرو
كلت بهدوء
هاجر : وخر خلي انزل
تميم : زعلانه مني بعدج
هاجر : كلت وخر
لفني علي وكال
تميم : ماتحمل تزعلين مني
هاجر : اعتقد ما عدحجي هندي
تميم : شبيج ياعيني
هاجر : Get away from me ( ابتعد عني )
تميم : No
هاجر : اعذرني لو اعرف اكولها بالإيطالي جان كتلك
تميم : اعلمج Allontanati da me ( ابتعد عني )
هاجر : هسه راح نضل نحجي لغات لو شنو جاي اكول
وخر
تميم : چؤ
دفعتة بخفة لزمني من زندي وقربني علي بحيث مسافة
قليلة بينه كال
تميم : اسف بس بكل مره ترفضيني مدري شيصير بيه
كتلج اني مامتعود على الرفض
هاجر : بس هذا الشي غلط واني ما مجبورة اتحمل
هذا الغلط
تميم : مثل ماانتي عندج اشياء ماتكدرين تتخلين عنها
اني هم
هاجر : تمام خلي اروح عوفني
ندك الباب كال تميم
تميم : منو
ملاك : اني يلا انزلو
تميم : روحو اني اجي بسيارتي لان ما كملنا
ملاك : خوش بس لا تتأخرون
هاجر : اني اريد اروح معاهم
تميم : مانروح لحد ماترضين
هاجر : ماارضى
تميم : طبج طوب امشي
طلعنا للسيارة ورحنا لبيت عمو ادريان وصلنا ونزلت
اسلم عليهم شفت مريم كلت
هاجر : الف مبروك شايفه كل الخير يارب
مريم : الله يباركلج كلبي
طلعت اساعدهم بالمطبخ اجت بيبي كالت
راوية : هاي شنو هاجر بالمطبخ منج من الشيطان
هاجر : استغفرالله
راوية : معاجبج
هاجر : شدخل بس اني اريد استغفر حرام يعني
راوية : حيه كوبرة انتي والله محد يكدرج حتى هذا
المصكوع مايكدر
ابتسمت الها وهيا نغثت وطلعت كالت زهراء
زهراء : اوففف مي بارد ونزل على كلبي رحم الله
والديج
هاجر : عبالها تغثني واسكت ماعيب
زهراء : وشبيج انتي وتميم
هاجر : شلون عرفتي
زهراء : سمعت تميم وامير يحجون
هاجر : مو اكول شلون عرفت تعالي اسولفلج
حجيت الهم مختصر ومريم كالت
مريم : مافهمت ليش انتو مو راضيين على مااعتقد
انتو عرسان يعني عادي
زهراء : مو هيا طرحت شلون
مريم : دقيقة اخذوني على كد عقلي شلون هيا مو
تزوجت قبلي بيومين
هاجر : يبو هاي ماتعرف اكلج وماريد احد يعرف
حجيت الها هم مختصر نصدمت كالت
مريم : عزه يمه شلون شصار بحالج
هاجر : غير اجيت اموت شهر حالي حال الثوله ماعرف
شنو اسوي بس كاعده وابجي عبالك ارملة
مريم : يلا ميخالف هسه تزوجتو
هاجر : ياريت ماتزوجنا
زهراء : كلشي ينحل لا تخافين
هاجر : ان شاءالله
حطينا السفرة وبدينه ننقل بالاكل كعدنا ناكل وحيدر
جان يضحكنا واني من اضحك مااكدر الزم ضحكتي
فضحكت بصوت عالي وجان منتبه عليه عباس وهو
من دحكت علي بتسم
تميم عصب وضرب المعلقة بالصحن ونكسر الصحن
راحت عمه ماسه علي خايفه علي كالت
ماسه : يمه بيك شي
تميم : ماكو شي
هاجر : اكيد
تميم : كافيييي شبيجنننن
عفنه ورجعنا ناكل وعمه ماسه كامت صبتله غير صحن
وجابته اكل شويه وكام طلع برا راح احمد ورا شويه
ورجعو جان احمد يضحك مدري شبيهم احلف مو
صاحيين
نقلنا المواعين زهراء و رشا يغسلون مواعين و اني و مريم نعزل المطبخ لمار تسوي الجاي وميار تشيل المواعين النظاف وتصفطهم كملنا ودخلنا للصالة نشرب
جاي خابرت وحده على تلفون بيبي وكلهم يحجون وياها
كلت
هاجر : ويا منو يحجون
زهراء : عمتهم ميرال تجنن كلش حبابه عكس بناتها
هاجر : هاي الي بنتها حوراء
زهراء : بالضبط
هاجر : ايععع
بقو يحجون معاها ويمها بنات ولد هم يحجون كالت
ميرال : انطوني العروسات احجي وياهن
قدمو التلفون الي كلت
هاجر : هلا عمه اشونج
ميرال : الحمدلله كلبي انتي مرة احمد لو مرة تميم
هاجر : تميم
ميرال : هلا بيج بنيتي الف مبروك على العرس والذريه
الصالحه
هاجر : تسلمين عمه يوم لبناتج
ميرال : بوجودج عذريني ماكدرت اجي بس صار
عدنا ميت وعيب اجي للعرس
هاجر : الله يرحمو كال تميم معذوره كلامج يكفي
ميرال : بعد كلبي انتي انطيني مرة احمد
انطيت التلفون ل مريم ونفس الحجي الي كالته الي
كالته ل مريم بقو يحجون لحد ما واحد منهم كال
أركان : معزومين على عرسي بعد اسبوعين
تميم : وعمك الي مات
أركان : مرت عمي وابن عمي كالو سوي العرس
تميم : عود افكر اذا اجي او لا
أركان : شلون بيج زيجج
تميم : هاي من اخلاقك الطيبه
رأكان : بعد تمالخو من النقال
تميم : وانت هتلي ماتزوج
رأكان : بعدين عود مو هسه خلي اكون نفسي
تميم : حتى اذا كونت نفسك محد تقبل بيك ياهي تاخذ
عار
رأكان : لا تروح بعيد هاجر ماتزوجت عار
تميم : ايا عار
رأكان : نتعلم منك
تميم : اني اقصف الناس تجي انت تقصفني هتلي
امير : اي تمالخو بعد
رأكان : باع منو يحجي ابو خيخه
امير : ابن القندرة شبيك هتلي
رأكان : يمه تقبلين ابن اخوج يسب زوجج
ميرال : امير عيب يمه
امير : عمه غير هو يخليني احجي
رأكان : جذاب قابل شمسوي
امير : راح احط النعال بحلكك بالعرض
رأكان : ليش مو بالطول
امير : ولا يهمك نعال ثاني بالطول
تميم : حلكك جبير يوسع جميع النعالات
رأكان : ها تميم شمسويلك
تميم : لعد اني عار يا عار ياهتلي
رأكان : اهوووو الله وكعني بيد امير وتميم شيخلصني بعد
تميم : بيك خير تجي لا تضل تهمبل من التلفون
رأكان : بس اشوفك اله اشكك
تميم : ولك من ايمتا صاير زلمه وتشك
رأكان : المشكله ابوك خالي مااكدر اسبه
محمد : شبقيت انت افندي
رأكان : خالي والله ابنك هتلي فلا ينجرع
تميم : دمشي لك هتلي
سدو التلفون مشه اليوم عادي رجعنا للبيت واول مارجعت نمت كعدنا الصبح يوم طبيعي مشه اليوم بين
تحضير وتعزيل وحجي مع ماما وبس لليل ماجان عندي
شي كاعدين كلنا بليل مجتمعين ومتونسين ونتابع
مسلسل اني وعمه ماسه وملاك اندك الباب طلعت عمه
ودخلت رشا وابنها دانيال ورشا تبجي
ملاك : شبيج ليش تبجين
رشا : يعني نفس كل مره والله تعبت
ماسه : من ايدج من زمان كتلج لا توافقين بي لج هذا
ابن نيرال
رشا : شعرفني غير جنت احبه ساعة السوده يوم الحبيته
ماسه : تعالي كولي شصار
دخلت شافتني وسكتت وبقت تهز رجلها عرفت وجودي
ماعاجبها وتريد تحجي بس ماتريد كدامي كلت
هاجر : من رخصتكم اطلع انام تعبانه
ماسه : كعدي يمه انتي منا وبينه
هاجر : اريد اخابر ماما
ماسه : دكعدي شبيج ماما رشا هاجر اختج حالها حال
ملاك واذا تكولين شي هيا ماتكول لاحد لا تخافين
رشا : مااحبها
هاجر : على فكرة مو مجبورة تحبيني ولا مجبورة تكولين شي كدامي خوش
كمت علمود اطلع عمه مسكتني وكالت
ماسه : ثنينجن تنجبن رشا لا تخلين حقد عمتج يوصل
لمرة اخوج اعرف هاي الحيه الي عبت راسج عنها بس
هيا ماكو احسن منها هيا اختج يمه
رشا : ماعندي شي وياها اني بس مااحبها
هاجر : مو ميته على محبتج وبعدين شعور متبادل
رشا : شفتي يمه هيا شلون تحجي
ماسه : كومن بوسن بعض يلا وتصالحن انتن خوات
محد تحرك بيه رجعت عاطت
ماسه : والله مااحجي وياجن بعدين يلا كومن
كمنا بستها وباستني وكالت
رشا : اني ضايجه من بيت حماي وحطيتها بيج اسفه
هاجر : ولا يهمج
رشا : يمه شغل البيت كله عليه وغير ابني لازم اهتم
بي وغير سجاد الي لازم احضرله كلشي تعبت والله عبالك
خدامه عدهن
ماسه : هو شلونه وياج
رشا : هسه ضربني واجيت كتله ماابقه عندك اله اذا
طلعتني بيت وحدي يمه تعبت والله ماكدر اتحمل بعد
كافي كل يوم يضربني واني لازم اسكت تعبت
ماسه : يجي ابوج واخوج وكلوليلهم
رشا : لا ابوي وتميم مالازم يعرفون شي تميم مايتفاهم
وابوي يطلكني لا انسي
ماسه : والحل
رشا : ابقه يمكم فترة عود اجيت فترة نقاها
ماسه : وابوج واخوج زواج حتى يصدكون
رشا : فدوه يمه لا تكولين
ماسه : خوش
بقت تسولف على الي يصير بحالها نقهرت عليها خطيه
ماتستاهل طلعت حبابه واني جنت اكرها من لا سبب
ترخصت منهم وطلعت اخابر ماما ردت
هاجر : اشونج اخبارج بابا حسن وحسين اشونهم
مروة : الحمدلله انتي اشونج
هاجر : الحمدلله
مروة : مرتاحه
هاجر : اي الحمدلله
مروة : شوفي منو عدنا
فرت التلفون جانت عمه اميرة كاعده ويمها اسيل وآيلا
عمه اخذت التلفون تحجي وياي
اميرة : اشونج يولي تزوجتي وكمتي ماتسئلين
هاجر : هههه لا والله بس شغل وصار عدنا عرس التهيت
آيلا : اي ادبسزز من يوم تزوجتي الى هسه ماحجيتي
معايه
هاجر : ديلا على اساس انتي من تزوجتي حجيتي معايه
آيلا : غير متزوجه اضل اخابر عليكم
هاجر : اي اني هم نفس الشي متزوجه مو فاضيه الج
اميرة : صايره ادبسز يولي
هاجر : شعبالج عيني
دخل تميم شافني وراح للحمام يسبح حجيت شويه وياهم لحد ماطلع من الحمام كلت
هاجر : يلا اروح اني اجه زوجي حبيبي
اميرة : علمودو تروح وتعوفنه والله ادبسزز
هاجر : شعبالج
سديته منهم كال
تميم : اريد التراك الزيتوني
طلعت التراك وحطيته على السرير اخذه وبدل ونزل
عشتو هو زعلان من البارحه مايحجي وياي اي احسن
عبالك اني ضربتو ما هو ضربني
تمددت اشوف الستوريات مال انستا بس دخل طفيت
التلفون سويت نفسي نايمه تقرب مني ومشه اصبعو
على وجهي قشعر جسمي طبع بوسه خفيفه على خدي
وبعدها طبع بوسه على شفتي من الصدمه فتحت عيوني
مو على اساس زعلان شلون يبوسني شافني نصدم
كلت
هاجر : مو انت زعلان شكو تبوسني
تميم : لازم اخذ اذنج علمود ابوسج
هاجر : لا خذ خشمي
تميم : استغفرالله بابا بطلي تفاهه شبيج
دحكت علي من فوك لجوه كال
تميم : عيونج لا افكسها
رفعت ايدي وكلت
هاجر : خفت شوف
لزم ايدي وتقرب مني وكال
تميم : ماتخافين مو
هاجر : لا عوف ايدي
تميم : سكتت حتى لا اضوجج وانتي معليج بس طلعت عينج
هاجر : على شنو تسكت ليش اني اش سويت
تميم : تضحكين ويباوعلج القندرة ويضحك على ضحكتج مكرن اني مو
هاجر : واني اشعليه اذا هو ماستحي
تميم : مو حضرتج ضحكتج ضحكت رقاصه
هاجر : مااسمحلك تحجي عليه
تميم : صدك
هاجر : انت صاير تتماده كثير عبالك اسكت فلا اسكت
ترا سكتت اول مره علمود عمه بس هسه مااسكت واكول
لاهلي عليك
تميم : صدك واهلج شيسوون
هاجر : اكللهم ونشوف شنو يسوون
ضربني براشدي وكال
تميم : انيييي مااتهدددددد خوششششش مووووو تميممممم اليييي يتهدددد
دفعته عني وكمت وكلت
هاجر : ماتستاهل اسكت وراح اكول لاهل عليك واخليهم يربوك
بس كملت كلامي جن وهجم عليه ضربني براشدي من
قوته وكعت لزمني من شعري وكومني وكال
تميم : اني مااتهددددد وانيييي مربههه احسنننن منجججج
هاجر : عوفني الله ياخذك
تميم : صوتج مااسمعه خوششش
هاجر : عوفني حيواننن
ضربني براشدي وكال
تميم : سبي بعد وشوفي شنو اسوي
هاجر : عوف شعري شبيككك
تميم : صوتج ادبسزززززز
..................
انتهى البارت
عذروني صار فترة مانزلت بارت بس مشغولة
كلش ومابيدي مجال اكمل وهسه خلص شغلي
رجعت بقوة شنو رأيكم بالبارت وشنو تتوقعون
- يتبع الفصل التالي اضغط على (رواية قسوة احفاد ال هتان) اسم الرواية