رواية قسوة احفاد ال هتان الفصل الرابع و الثلاثون 34 - بقلم هاجر النعيمي
part 34
بقلمي ( هاجر النعيمي )
" تُحِب الوَرد والوَرد مِن حُسنِها يَرتوِي "
..........................
اتفقو على كلشي واجه الشيخ راحو للستقبال وهيا
راحت ورا الباب اخذ موافقته وارجع اخذ موافقتها
وصار زوجين النسوان تهلهل واني هلهلت مصري وضليت
اجر بيها وزهراء كرصتني وكالت
زهراء : ادبسزز شلون متعلمتها علميني
هاجر : سر المهنه
زهراء : نحسه
هاجر : حبيبي والله
كالو راح يدخل يلبسها الحلقة دخل علي وجان انيق
وجان يم شفته ازرك تذكرت الكتله وضحكت زهراء
كالت
زهراء : شبيج ضحكيني وياج
هاجر : شوفي علي يم شفته ازرك من الكتله مال تميم
زهراء : خربب يومج هههه
دخل لبسها الحلقه وتعالت الهلاهل راحو شويه عود يحجون واني وزهراء ومريم رحنا للمطبخ نجيب الضيافة
نقدمها رحنا نحضر اجو ورانا عذراء وعذاري كالت عذاري
عذاري : هاجر عود صدك تميم ضاربج
دحكت عليها من فوك لجوه وكلت
هاجر : إشاعات حبي
عذاري : بيبي ماتطلع إشاعات
هاجر : بيبي ماتحبي واكيد راح تطلع حجي ماصار
عذاري : قصدج بيبي جذابة
هاجر : اي
عذاري : صدك ماتستحين
هاجر : خليت المستحه الكم
عذراي : انجبي حيوانه
هاجر : انتي حيوانه اذا تسبيني بعد اشك حلكج ما
جيت العب معاج فهمتي
عذاري : انعل ابوج على هل تربيه
هاجر : اني انعل ابوج على امج على هاي التربية
عذاري : بنت من الموصل ماندري شنو ملعوب بيها
وجابها تميم
هجمت عليها ولزمت شعرها وكلت
هاجر : شكو بنت بالموصل اشرف منج ومن عشرة
من امثالج انتي وحده ماتستحين ساقطه
دفعتها ورفعت اصبعي احذرها وكلت
هاجر : اخر مره اسمع تحجين عليه او على وحده من
الموصل لان اذا سمعت اشعل اهلج
تميم : اي اشعلي اهلها يلا
هاجر : هيا بلشت تتحمل
تميم : اي تعاركو بعد يلا
عذاري ببراءه : تميم هيا تتعارك وياي مدري شبيها
تميم : شصار هاجر ماتتعارك ويا احد
عذاري : تميم يعني اني اتعارك اساساً معليه بيها
بس امي كالت ساعدوهن واجينه وهيا نجلبت عليه
هاجر : انتي الجلبه اكلي خرا
عذاري : ها شفت
تميم : كافي بدون مشاكل هاجر روحي لغرفتج
هاجر : بعد احسن
طلعت للغرفة شويه واجه تميم كال
تميم : مو كافي مشاكل
هاجر : ترا هيا بلشت اسئل البنات
تميم : ماتعرفين تغلسين
هاجر : انت سبب المشكله بيبيتك تكول للكل تميم
يضرب هاجر
تميم : شنو منو كالج
هاجر : هيا كالت
تميم : بسيطه راوية يصير خير
نزلنا راح يم بيبي واني كعدت قريية اريد اسمع شنو
يحجي وهل راح يحجي لو يعبرها الها
تميم : انتي ليش كايله للكل تميم ضارب هاجر
راوية : غير فرحانه لان انت ضاربها
تميم : تكولين لشكو شخص كايلتله تميم ضارب هاجر
اني فهمت الموضوع غلط مااقبل احد يعرف اسرار
بيتنه خوش بيبي ترا ازعل
راوية : يمه كلشي ولا تزعل تدلل مااحجي بعد
تميم : ليش احبج
راوية : يمه فدوه لوليدي
عافها وراح يم امير حبيت الحجي وكمت للمطبخ جبت
الضيافة وضيفت الكل كلت للبنات نروح بغرفتي نتونس
اجو مريم وزهراء بس ملاك بقت يم علي رحنا للغرفة
كعدنا نسولف شويه ودك تلفوني شفت المتصل هندرين
فرحت صارلي شكد ماحجيت وياها رديت وكالت
هندرين : هلا اشونج وين هل غيبة عيني
هاجر : مشاغل البيت تعرفين
هندرين : اي عيني صرتي مرة متزوجه
هاجر : شعبالج
هندرين : اريد اعزمج
هاجر : يالله على شنو
هندرين : خطوبتي يوم السبت
هاجر : جذبببب منو خطبج
هندرين : حمودي يوم رجعنا من عرسج على البيت
جانو عدنا وعمي كال نريد بنتكم وصارت
هاجر : عزااا وليش ماكلتيلي
هندرين : ماصار فرصه
هاجر : اي حجيلي تفاصيل حبابه
هندرين : من رجعنا من عرسج جانو عدنا وكاعدين
معاهم بارق وبابا واحنا دخلنا اول مادخلت عمي كال
تعالي اكعدي يمي رحت يمه باس راسي وكال طالبج
لحمودي اذا تقبلين كولي اي اذا ماتقبلين كولي لا
هاجر : اي وشنو كلتي
هندرين : شكد تخبصين دنتظري المهم خجلت ورحت
للغرفة اجت وراي امي كالت عيب شنو نكللهم كلت كولي
موافقه وطلعت امي كالت وكامو يهلهلون وبس والله
وهاي الايام جنَ نخطط علمود الحفلة وكلت لامج لاتكلج
لان اني اريد اكلج
هاجر : اويييي حلووو الله يوفقكم والله مبروك ياروحي
انتي تستاهلين كل الخير
هندرين : ونور هم نخطبت
هاجر : شنوووو
هندرين : اي والله حتى حجيت وياها كالت ماعليج
انصدمت هيا مو تحب حسن اخوي شلون تزوج واحد
غيرو كلت
هاجر : تشاقين صح
هندرين : للاسف لا
هاجر : ماكو هيج وحسن شنو موقعو من الاعراب
هندرين : والله حجينه وياها اني وريم وهيا قافلة
هاجر : اي خوش خلي تزوج عجل
هندرين : لا تزعلين منها انتي تعرفين هيا وحسن
نفصلو قبل فترة
هاجر : لا مازعلت عليش ازعل واذا ماصار الهم فترة
منفصلين شبسرعة تروح تزوج على الاقل تنتظر شويه
لو ميته على الزواج
هندرين : هاجر اشبيج يمعوده عوفيها بكيفها
هاجر : خوش
زهراء : لا تضوجين هاجر معليج
هندرين : يمج البنات
هاجر : اي وجانو يسمعون هم تدرين فاتحين كام
هندرين : عادي جيبي خلي اسلم عليهم واعزمهم
انطيتهم التلفون حجو وياها وعزمتهم وسديته منها
لان عدها شغل مريم كالت
مريم : ماله داعي هيج تضوجين البنيه حره بنفسها
لا تقهرين نفسج
هاجر : اخوي شنو حالته هسه
مريم : اخوج صغير يكدر ينسى يحب غيرها عادي
هاجر : مو تشوفين عمرو 16 تكولين صغير ترا حيل
يفهم ومتعلق بيها من جانو صغار
زهراء : مو قسمته عادي
نزلنا جوه مر اليوم طبيعي راحو بليل واني رحت للغرفة
اسبح طلعت من الحمام لابسه البرنص كعدت تكاسلت
ابدل شفت تلفوني نور دازتلي وعازمتني على خطبتها
وماخبره عليه بس اني جنت جوه ماسمعت باركت
الها ورحت اشوف الستوريات مال الكرايب
شويه ودخل تميم جان مبين التعب علي كال
تميم : هاجري حضريلي ملابس فدوه لعينج
حضرت ملابس وعفتهن على الجرباية لان مايحب يبدل
بالحمام طلع لابس منشفة على خصرو والثانيه ينشف
بيها شعرو درت وجهي عنو سويت نفسي مو يمو يم
التلفون تقرب يمي صار حيل قرب بلعت ريكي وكلت
هاجر : تحتاج شي
دحك على شفتي وكال
تميم : اي هذني
اخذ شفايفي بين شفايفه بحب برومانسية نصدمت
هذا نفسه تميم لو مبدلي اني زعلانه منو فه دفعتو
بقوة حتى يبعد كال
تميم : شبيجججج
هاجر : لا تصيح نعسانه اريد انام
تميم : خبلتينيييي اجيججججج بهدوءءء ترفضينن
اجيجججج بالقوةةة هم ترفضينننن انطينيييي حللللل
هاجر : تعبانه شبيك فدوه لا تصيح
تميم : اششششش صوتج مااسمعههه
تقرب مني رجع اخذ شفايفي بين شفايفه بعنف بقسوة
احاول ابعدو عني بس ماكدر نزلت دموعي من شاف
دموعي بعد ونزل لركبتي وصار يعض بيها كلت
هاجر : حباب ابوس ايدككك عوفنيييي الله يخليككك
حباببب تميممم فدوهههه
مايسمع بقيت اتوسل بي يعوفني ماكو عبالك احجي ويا
الحايط متت من الخوف كمل وعافني وكال
تميم : ماتجين بعيني واغاتي
هاجر : كتلك تعبانه اني هم انسانه من الصبح اشتغل
تقرب مني وصار وجهو بوجهي وكال
تميم : صدك انتي انسانه عبالي حيوان
دفعتو مني وكلت
هاجر : انتتت حيوانننن مووو انييي انتتتت انسانننن
بس فهمنييي هممم تنحسببب علىىى الناسسسس
تميم : صوتجججج لاااا اخفيييي لا تعيطيننن بوجهييي
انيييي تميمممم مووووو ابوججج
هاجر : ابوييي تاججج علىىى راسككك فهمتتت انتت
نعاللل مااخليكككك لابويييي خوششش
ضربني براشدي نزلت دموعي بضعف دفعته وكلت
هاجر : ماابقى عندكككك لوو دقيقههه بعدددد
نزلت جوه ودموعي عشرة عشرة رحت لغرفة عمتي
فتحت الباب وفتت كلت
هاجر : عمه تقبليها يحجي عليه وعلى ابوي ويسبنه
ماسه : عزه بعينه شبي هذا والله تخبل علينه
تميم : يمه فدوه لا تدخلين عوفينه
ماسه : شنو ماادخل شوف حالتها شبيك
تميم : انتييي معليججج اعرففف احللل مشاكلييي وحدييي
ماسه : لو تعرف جان حليتها من زمان
تميم : معليككمممم بيهههه عوفوني
عافنه وطلع فوك شويه ونزل بيده السويج وطلع كالت
ماسه : تعالي نامي يمي
رحت يمها وتمدتت على الجربايه قربتني يمها وحضنتني
وكالت
ماسه : تعدي وداعتج تبقى بس سوالف
هاجر : واني اضل هيج يضل على الطالعه والنازلة
يضرب بيه
ماسه : تعدي والله بس فترة تحتاج يمه انتي لا تردين
بوجه يتخبل مايحب احد يرادده ومايحب احد يعلي
صوته علي
هاجر : لازم كلشي بكيفو وكلشي يريد يصير عمه تعبانه
شغل من الصبح والله هلكت وفوكها يعلي صوتو عليه
ماسه : هو هيج من زمان لازم كلشي يريده يصير
كلشي بكيفه شفتي شنو سوه بملاك لان عرف بيها
ويا علي لان ملاك تخصه مايريد احد يكرب على شي
يخصه فهمتي
هاجر : بس عمه اني هم انسانه والله اتعب وهو يجي
على الحاضر ويطالبني وفوكها يأذيني
ماسه : شنو تسوين غير الصبر مابيدج شي مال يعوفج
انسيها مستحيل
هاجر : ادري
ماسه : تعالي يمه
خليت راسي بحضنها وصارت تلعب بشعري نعست وكلت
هاجر : والله احسج امي انتي نفسها حنونه وتعبتي
بحياتج نفسها
ماسه : شمدريج اني تعبت
هاجر : هيج احس
ماسه : نامي يمه
بس خليت راسي على المخده نمت فوراً كعدت مفزوعه
على دفرة الباب عمه كالت
ماسه : شبيك اكو احد هيج يطب
تميم : بكيفي وانتي كومي فوك بسرعة
هاجر : اريد انام يم عمه
تميم : جاي اكلج امشي للغرفة بسرعة وبدون نقاش
ماسه : يمه عوفها يمي باجر اخذها خليها ترتاح
تميم : كلت هسه تطلع يلااااااااا
هاجر : مااااا اريد ابقى هنا
تميم : خوش
عافنه وطلع وسد الباب بقوة استغربت عمتي وكالت
ماسه : هيج بسهولة عافج وراح
هاجر : شقصدج
ماسه : هو يريد كلامه يتنفذ مايريد احد يرفض واستغربت لان عافج وراح ومانفذ كلامه هذا الي
خلاني استغرب
دفع الباب وكال
تميم : مو عيب كلامي ينرفض مو عيب كلامي مايمشي
على احد
تقرب مني وحط السلاح براسي نصدمت وكلبي صار
بين رجلية وعمه لطمت وكالت
ماسه : شنو هاييي شتسويييي شيل السلاح
تميم : كومي وياي للغرفة بسرعة
بالكوة كلت
هاجر : ف فدوة ع عوفني ح ح حباب
تميم : اخر مرة اكول كومي وياي
ماسه : عوفها ابوج مرخصلك السلاح مو حتى تهددها
بي مرخصه الك حتى تحمي نفسك
تميم : منو كلج اهدد
ماسه : المعنى
تميم : اذا ماتطلع وياي افرغ السلاح براسها
كمت بالكوة مااحس برجلي صعدت مثل الخوش بنيه
للغرفة سد الباب وقفله وكال
تميم : صار وقت العقاب
هاجر : ليش ماكفاك الي صار
تميم : والج عين تحجين صلفه بس احس الصلفه
احبج كلج على بعضج
هاجر : اذا تحبني ليش تضربني
تميم : تستاهلين ماتجين بسرعة
هاجر : شنو تريد مني
تميم : اريدج
تقرب مني بحيث وجهي صار على صدرو نزل راسو
لمستواي وصار وجهو بوجهي وصار يمشي السلاح على
خدي جسمي قشعر كلت
هاجر : تميم فدوه وخرو
تميم : تحبيني
هاجر : حباب وخرو
تميم : تحبينييييي
هاجر : اي ايي
تميم : كولي احبج وباعي بعيوني
دحكت على عيونو حمر ويخزر بيه خفت بس حاولت
امثل القوة مادري شلون واكفه على رجلي لهسه كلت
هاجر : احبك
تميم : عيديها
هاجر : احبك حباب عوفني تميم.....
قاطعني وكال
تميم : احبج
رجع كال
تميم : وإذا ألتَقينا والعيونُ روامقُ صمتَ اللِسانُ
وطرفُها يتكلمُ تشكو فأفهَم ما تَقول بطرِفها ويردُ
طَرفي مثلَ ذالَك فتفهم
سكتت احاول اتنفس احس ختنكت بالكوة اجر النفس
باس طرف شفتي وعافني وراح حط السلاح بالخزنه
وقفلها اتذكر شايفه عاي الخزنه بس عبالي بيها فلوس
طلع مابيها غير السلاح
لزم ايدي واخذني للجربايه تمدد وفتح ايده بدون
كلام رحت تمددت على ايدي اخذني بحضنه وعطره
طب مو بس بخشمي حتى لامعائي طب جنت اتمنى
اغفه بهذا الحضن جنت كل يوم ادعي انام بهذا الحضن
ويوم الي تحقق صرت اتمنى اعوف هذا الحضن
نفس الشخص الي حبيتو كل يوم يهيني ولازم اسكت
كل يوم يضربني ولازم اسكت ليش لان اني المرة مو
الرجال الرجال كلشي تحت امرو بس المرة لا انتي
فقط تسمعين الكلام مجتمع ضالم
اعرف اذا اكول لاهلي دقيقه ماايبقوني يمو بس اذا اروح
مو بعيده تميم يدخل ابويه بشي غلط اعرف تميم يوم
يهدد ينفذ مايهمو اذا احد يتعذب المهم هو مرتاح من
وين جايب هاي الانانيه مااعرف جنت دوم احسس
إلياس بأنو هو اناني ناقص واني رحت حبيت واحد اناني
ابويه مايستاهل يتعذب بسببي يكفي الي صار بي من
عرفو علاقتي ب تميم مااريد اخلي يروح بمواقف تفشل
والسبب هو تميم نفسو الي حاربت اهلي وكل الناس
عليه الي تعبت حتى اخذتو اتحمل نتيجة اغلاطي اني
السبب
بس اذا اهلي اخذوني وبعدها تميم رتب تهمه لابوي
او لواحد من اخواني شلون واذا من صدك طلعنا محكمه
والقاضي حكم ابقه وياي تميم ممكن يخرب عيشتي
فوك ماهيه خربانه اتحمل هل فترة علمود اهلي مو علمود
شخص
تذكرت مااخذت الحبه مال مانع الحمل فزيت بسرعة
حس وكال بخوف
تميم : بيج شي
هاجر : لا بس اريد اشرب مي
تميم : عوافي مقدماً
كمت اخذت مي ورحت للجرار مال الميز اخذت حبه
لان الغرفة ظلام مراح يشوف اخذته بسرعة ورحت
نمت كعدت الصبح على صوت عمه ماسه نزلنا واخذتني
على صفحه وكالت
ماسه : سوالج شي أذاج كوليلي لا تخوفيني
هاجر : لا ماسوى شي
ماسه : الحمدلله بس اسمعيني شنو يريد منج نفذي
بدون كلام لاتعيطين بوجه ابد سايري خوش
هاجر : ان شاءالله
رحنا للمطبخ اكلنه وتميم كال
تميم : مسمعين بيبي شي حتى ضايجه ورايحه
ماسه : لا يمه هيا كالت اروح
رشا : تريد تخرب على زهراء ومريم ولهذا السبب
راحت
تميم : رشا انتي ماعليج خوش راوية ممنون احد يحجي وياها او يضوجها الكلام موجه للكل
الكل غلس كملنا تميم كال
تميم : هاجر كومي وياي حضريلي ملابس
كمت بهدوء صعدنا للغرفة كلت
هاجر : تريد شي معين لو بكيفي
تميم : بكفيج
طلعت ملابس وتقربت عليه ادلع لازم يقتنع اروح لحلفة
هندرين لازم اروح للموصل حجيت بدلع
هاجر : حبيبي اريد اكلك شي
تميم : من الحبيبي عرفت اكو شي اي كولي
هاجر : بس مو ترفض حباب
تميم : كولي ونشوف
هاجر : شوف هندين نخطبت وراح تسوي خطوبتها
الجمعه ونور هم نخطبت وراح تسويها السبت خلي اروح
للموصل الخميس حباب
تميم : چؤ
هاجر : حبيبي فدوه حباب
بست خده كال
تميم : بدون اغرائات لا ماكو روحه نسيتي راح نروح
لعرس أركان
هاجر : اي اني مااعرف لا أركان ولا ابو خلي اروح حباب
وحتى اذا تريد اروح ويا بارق
تميم : اي لان اني مكرن تروحين ويا نعل
هاجر : عوف بارق اروح ويا خالي راح ينزل الخميس
حباب خلي اروح
تميم : حبيبي بس للعلم باجر خميس
هاجر : ادري حباب خلي اروح حبيبي انتي كلبي احبك
يا عمري
تميم : كلت لا بدون ملحه فدوه لان اكره الي يلح
هاجر : حبيبي حباب
تميم : لا ماكو روحه انسي انتي معاقبه
هاجر : اييي كافي عاد كلشي ومعاقبه عبالك كاتله ابوك
ضربني براشدي ولزم شعري وصار يعيط بوجهي وكال
تميم : كل مااكول صرتي ادميه تخيبين ضني شنو
انتي شهل صلافه الي واصلتلها
هاجر : عوفني فدوه
تميم : صايرة كلش مستهتره اكول عقلت وانتي ماكو
ترجعين انكس
هاجر : كافييي عوفنيييي شبيككككك
تميم : صوتجججج لا اخفيييي
هاجر : حباب ابوس ايدك عوف شعري
ضربني براشدي ودفعني وكعت على الجرباية تقرب
وصار فوكي خفت وكلت
هاجر : حباب لا تميم لا فدوه حباب كلشي ولا هاي
تميم : هسه خفتي جان لسانج بطول النعال قبل شويه
من توصل هنا تخافين وتبجين مو انتي الي تصوليها
لهنا نوصل لهنا بسببج
هاجر : فدوه لا حباب مااعيدها صوتي ماارفعو عليك
ولا كلمة احجي حباب شنو يضوجك ابعد عنه بس عوفني
تميم : توسلي بعد
سكتت عزت نفسي عليه واني اتوسل بي وهو يتونس
من اتوسل بي احلف علي مو صاحي من شافني سكتت
قرب مني واخذ شفايفي بين شفايفه بقسوة عاف شفايفي
ونزل لركبتي بعدها صار ينزل بالتيشرت من يم صدري
وصار يأيني اريد بس يوخر بس هو ماكو مكمل مستمر
يتلذذ بعذابي
ماعافني واني متت من الوجع اريد بس يعوفني وهو
ابد ومااكدر اتوسل عزت نفسي عليه تحملت الوجع
بس بعدها ماكدرت اتحمل اكثر كلت
هاجر : عوفني حباب كافي راح اموت ابوس اريدك
كافي راح اموت
من سمع توسلاتي ابتسم وعافني راح سبح وطلع
المنشفه على خصرو والثانيه ينشف شعرو بيها اريد
اكوم مااكدر تقرب مني خفت كال
تميم : لا تخافين تعالي اساعدج
هاجر : انت بس تعوفني اكون بخير
تميم : شو طلعت عينج ترا بعدني هنا
خفت وسكتت ساعدني دخلت للحمام فتحت الدوش
وبقيت تحت الدوش ويا المي الي ينزل دموعي تنزعل
من قهري وجعي ومن الحاله الي وصلت الها اني انذل
واسكت اني كل يوم انهان واسكت ومجبورة اسكت
لخاطر اهلي
حسيت نفسي صرت احسن طلعت جان مو موجود
لبست بسرعة ونمت كعدت على ايد عمه ماسه على كتفي
كالت
ماسه : بيج شي شعجب نمتي وتميم يكول مريضه
عوفوها
هاجر : عمه ابوس ايدج سوي حل راح اموت والله
مااكدر اتحمل بس اريد افهم تميم مريض شي بي شي
لان تصرفاته مو طبيعيه
تلبكت وصارت تبلعم وبالكوة كالت
ماسه : مابي شي
هاجر : عمه فدوه كوليلي بي شي
ماسه : ها يمه مو كتلج مابي شي
اقتنعت منها كالت
ماسه : نامي يمه ارتاحي
عافتني ونزلت رجعت ابجي نمت ودموعي على خدي
حسيت على ايد على خدي عرفت تميم بقيت ساكته
بقه يمشي اصبعو على خدي طول بس ماعرف شكد
من التعب رجعت نمت كعدت واني بحضنو بسرعة
بعدت حس وكال
تميم : ليش هيج تخافين وتفزين من تشوفين نفسج
بحضني
سكتت شنو احجي وشنو اكول رجع كرر السؤال كلت
هاجر : جنت احس بالامان بهل حضن هسه احس
بموتني بهل حضن
تميم : هيج كارهتني
هاجر : اكثر ماتتصور
تميم : تكابرين انتي تحبيني كولي احبك
هاجر : تميم من صدك مال خلك عوفني
تميم : ادري أذيتج ادري عذبتج بس مو بيدي انتي
تنرفزيني
هاجر : ماحجيت شي اني
تميم : والي كلتي شنو اني اريد نعيش بهدوء مااريد
اكرر غلط اب.....
سكتت كلت
هاجر : غلط منو
تميم : غلط امير
هاجر : بس امير شعلي
تميم : امير نفس تصرفاتي
هاجر : ادري
تميم : اسف وادري ماتسامحيني
هاجر : اسامحك بشرط
تميم : الي هو
هاجر : اروح للموصل وانت من ترجع من البصرة تعال
خذني وهيج اسامحك
تميم : خليج لا تسامحيني
هاجر : ليش تريد تحرمني من اهلي
تميم : مو هيج حبيبي بس مااكدر بدونج تعودت عليج
سكتت لان شما احجي راح يطلع حجه كمت بصعوبه
غسلت ونزلت كعدت وياهم عمه كالت
ماسه : تريدين تاكلين
هاجر : لا شبعانه
ماسه : من تجوعين كوليلي
صار العشه وتعشينه اكلت شويه وكمت رحت للغرفة
شفت محد اكو وصار موعد الحبايه طلعت الشريط
وتوني بلعت الحبايه ودخلت عمه ماسه شافت الشريط
بيدي شهكت وكالت
ماسه : هاي شنو ولج شلون تاخذين منه
هاجر : اششش فدوه هسه تميم يسمع
ماسه : عزا بعيني ونوب مايعرف لا هاي هيا ولج
تردين تموتيني
هاجر : اسم الله ليش
ماسه : غير يذبحج ولج مايصير تاخذي انتي ماعندج
اطفال شلون تاخذي
هاجر : اني مااريد هسه اكو امل تميم يطلكني اذا
يصير طفل احلم يطلكني فدوه لا تكوليله
ماسه : ماراح اكله بس توعديني ماعاد تشربين منه
هاجر : وعد وعد
عافتني وراح اوف الحمدلله جذبت عليها مستحيل
اعوفه هيا هاي الطريقه الوحيده الي ممكن تضمن
يطلكني يشوف ماكو حمل يعني بيه خلل واكيد نروح
دكتورة حتى نعرف ومن نروح اتفق وياها انو على اساس
اني مايصير عندي اطفال وهيج يطلكني او يزوج
ومن يزوج ماابقى وهيج اخلص بس يحتاج صبر
مشه يومين عادي بهل يومين هو يعتذر واني مااحجي شي كرامتي نجرحت حضرت ملابسي وتميم حضر
ملابسه واغراضه وصار يوم السبت الي لازم نروح بي
للبصرة
- يتبع الفصل التالي اضغط على (رواية قسوة احفاد ال هتان) اسم الرواية