رواية قسوة احفاد ال هتان الفصل السابع و الثلاثون 37 - بقلم هاجر النعيمي
..................
بقت توجعني مدري شبيها حس عليه كال
تميم : بيج شي
هاجر : بطني توجعني
تميم : امشي نروح للدكتورة
هاجر : مايحتاج هسه تطيب
اعرف هذا الوجع مال دورة غلست وتوضيت وصليت
تميم صار فترة مايصلي استغربت اني اعرف يصلي
كلت
هاجر : ليش بطلت تصلي
تميم : اني بذات نفسي ماعرف كل مااتوضعه يضيك
نفسي ومااكدر اتنفس واذا اقاوم واجي اصلي تفتل
الدنيا بيه وراسي يثكل عبالك سكران
هاجر : ممكم تكون مريض اكيد مو بسبب الصلاة
تميم : راجعت دكتور كالي مابيك شي
هاجر : دكومي صلي يلا
سمع مني وكام يصلي توضه واجه كال
تميم : راح اموت مختنك كلش مادري شبيه عبالك
ماكو هواء
وكف على السجادة وبلش يصلي اول ماسجد وكع
ركضت علي جان مغمه علي اخذت راسه حطيته بحضني
واحجي ويا بس مايسمع كمت بسرعة اخذت تلفوني
اتصل على امير اول مارد كلت
هاجر : امير فدوه الحكني تميم مدري شبي وكع من
طوله حباب تعال
امير : جايييي
سديته وبقيت انتظر كمت بسرعة لبست عباية حتى
نروح للمستشفى ربع ساعة واجه امير ويا زهراء وعلي
اخذنا للمستشفى صحه والدكتور كال
الدكتور : مابي شي وضعه عادي
تميم : ماادري احس بدوخه وراسي يوجعني
امير : دكتور خاف حامل
ضحك الدكتور وكلنا ضحكنا ويا تميم كال
تميم : اكل نعل
الدكتور : حالته طبيعيه ماكو شي يخوف لا تخافون
طلعنا من المستشفى ورجعنا للبيت تميم تمدد على التخم
الي بالصالة وكال
تميم : اني مريض انت روح شوف المعرض
امير : خاب كم والله يالله لو تموت كلشي مابيك
تميم : مريض يمعود
امير : كافي بطل دلع احسك مرتي وجاي تتلوك الي
تميم : خاب لو اني مرتك اطم نفسي بالطين هو زهراء
شلون تقابل شكلك الخايس احمد ربك هيا قبلت بيك
وين تلكه مثلها جمال واناقه وانت اجلح املح
امير : غير بس ارفع رجلي اغطيك انت وزهراء
تميم : طبعاً جنك تيل منتول تعال ليش مسوي شعرك
كيرلي
امير : احبه والله بعدين انت شكو
تميم : غسلت ايدي من ذوقك
امير : انت مو مريض غير تنجب وتاكل نعل وتسكت
تميم : اني غير اذا امرض اضل امسلت ومااسكت
اذا مااكرهكم عيشتكم كو***
امير : ياربي شبيك
تميم : تعال صدك شنو صار على المشروع الجديد مالتك
امير : بعدني مابلشت
تميم : ليش
امير : يحتاج شغل واني ماشاءالله كل يوم طالعتلي
سالفة كلت اكمله بهذا الاسبوع طلعتلي عمتك اذا ماتجون يوم السبت مااحجي وياكم بله هاي شتحجي وياها
تميم : احمد ربك اكو احد يكلبك بس تدري هيا ماتريدك
بس كالت خطيه حتى لايضل وحده نفس الجلب خلي
يجي
امير : ايمتا يصير الاكل حتى اولي
تميم : شنو لا بله ان شاءالله تاكل يمنه
امير : منو اخذك المستشفى على الاقل وكلني
تميم : اوكلك نعل امشي اطلع برا بس خلي زهراء
وحتى ابنك العار اخذه وياك يلا
امير : هاجر اريد دكمه اطفي بيها موتني
ضحكت وكلت
هاجر : موجوده ورا اذنو
كام امير من صدك وكرص تميم من اذنو وكال
تميم : انعللل ابوككك لابووو امككك شبيككككك
امير : ابن القندرة شكو تحجي على ابوي وامي
تميم : لان مخلفين عار نفسك هسه لو صاير نفس احمد
امير : ليش مادريت
تميم : ياستار شصار
امير : هاي راوية تعبي براس احمد على مريم وهو
مايسوي شي نوب من تحجي علي يكلها اني مو مضحكه
نفس امير وتميم عود شقصده
تميم : هتلي بس اشوفه احط رجلي بــ ط*** صاير
يمسلت هواي
امير : اني رزلته كدام الكل راوية تكلي اي يستاهل
تميم : عاد راوية ماتحب المشاكل
امير : ابد لا تضلمها لك ماتدري
تميم : ياستار
امير : فلفوله رجعت على الخط
كال اسمها وتميم جان مدد بس سمع اسمها تعدل وكعد
كال
تميم : شجابها ومنو كلك
امير : العصفورة كلتلي
تميم : بلا مسلته منو كالك
امير : كرار كلي وكال سوي شي انت وتميم وابعدوها
تميم : شمدري
امير : سمعهم وكالي
تميم : هو جان يدري
امير : طبعاً يدري لا تنسى جان ويانه
تميم : شلون انسى بس هاي الكح*** اني اعلمها
امير : بدون مايدري خوش
تميم : ولا يهمك تجي وياي لو وحدي
امير : روح وحدك واذا تريد اخذ كرار اني ماعندي
وكت
تميم : اني اخذ كرار تخسي
امير : حبيبي خلي اكلك شي كرار حجه ويا هاجر وجان
يقنعها بيك وبصفاتك الزينه وانت تكره ودائما تذله بهاي
الي يحبها لان ماتريده
تميم : شمدريك
امير : هو كالي وكال انت فهمه بطرقته لا يضربها
صح هسه اني الوحيد الي اعرف باجر الكل يعرف
وضل يحجي بيك بالزين
تميم : هاجررررررر
خفت ورحت يمهم كال
تميم : صحيح كرار يحجي وياج بالزين عليه
هاجر : اي
تميم : خوش
امير : تصالحه مو
تميم : اي طبعاً
امير : وتنسى الي صار صح
تميم : صح
بقو يحجون احنا كملنا الغده وحطينا على السفرة وناديناهم كعدنا ناكل وعلاوي كال
علاوي : هاجر شكد عمر الولد المناسب للزواج
صفنت شنو قصده امير كال
امير : يكون فوك ال25
علاوي : اني عمري 4 يعني باقي
بقه يحسب بيده بعدها دحك وكال بفرح
علاوي : بعد 21 سنه ونكدر نزوج خوش هاجر
تميم : كافي ابن الركعه شبيك
علاوي : انجب ابوي تاج راسك
تميم : ابوك *** مالعبه مو تخلي تاج على راسي
اني وزهراء دنكنه راسنه ستحينه من الكلام الي كاله
تميم علاوي كال
علاوي : مااقبل تحجي شي عيب كدام زهراء و هاجر
تميم : خاب كم انت الثاني
هاجر : حبيبي ازوجك بنتي اني كبيرة مايصير
علاوي : مااريد بنتج اريد انتي
تميم : يصحلك بنتي تاخذها
علاوي : هاجر كالت بنتها مو بنتك
تميم : ليش بنت هاجر مو بنيتي يا غبي
علاوي : اهووو انجب خلي اكل
تميم : استغفرالله
صفنت على كلامه هذا من وين يجيب هاي الافكار كملنا اكل امير راح على شغله وتميم راح هو بس مادري وين كلت
هاجر : تعرفين منو فلفوله
زهراء : لا
علاوي : اني اكثر من مره سمعتهم يحجون بيها بس
معرف منو
بقيت محتارة منو هاي وليش هيج مهتمين بيها وليش
يريدون يبعدوها افكار كثيرة براسي زهراء كالت
زهراء : كومي نحضر شغلات ونتابع مسلسل
حضرنا شاميه وعلاوي راح يشتري حلويات سوينه
كيكه او زهراء سوت كيكه اني جنت ادحك عليه
ماعرف حتى اطبخ نوب اسوي كيك كالت
زهراء : لازم تتعلمين الطبخ مايصير
هاجر : احب الطبخ بس مالي خلك اتعلم
زهراء : ولج مايصير يعني مثل هسه منو يطبخ الكم
هاجر : هو يطبخ او يجيب من برا
زهراء : تميم مو كلش يحب اكل البرا
هاجر : اي صح بس شنو اسوي ماعرف
زهراء : لازم تتعلمين
حضرنا كلشي وكعدنا نتابع مسلسل صار اليل وكالت
زهراء : كومي نحضر اكل الهم هسه يرجعون ميتين
جوع
حضرنا عشه واجو سوه وجانو يحجون مافهمت شي
منهم كالت زهراء
زهراء : غسلو وتعالو
راحو شويه واجو تميم مبدل ومنطي امير ملابس
بدينه ناكل علاوي ياكل وحده وجان ياكل بيده تمن
صارت ايده وصخه ولزم امير تميم عاط بي
تميم : ملابسي ابن الزمال قابل ملابس ابوك
امير : شكد ماتريد الزمني حبيبي انت
تميم : تخسرلي تراك خوش
امير : يخسي شاربك
تميم : علاوي اركع ابوك زيج حبيبي
علاوي : هاي عود انتو كبار
تميم : دباع منو يحجي
علاوي : باجر ابوي يجبلك تراك غيره
تميم : ميت على تراكات ابوك اشاقي ياغبي
علاوي : عبالي تحجي صدك
تميم : لا حبيبي اشاقه اصلا اني وامير واحد ياخذ من
الثاني تتذكر بالجامعه امير هههههههه
امير : يبو تميم مايحب يروح للجامعه بلبس لابسه
من قبل جان ياخذ مني واني اخذ منه لان كل واحد
قسم وكل خميس ننزل للسوق نشتري
تميم : اي والله ايام حلوة
تذكرت اني لازم هسه مرحله ثانيه بس اجلت لان راح
اتزوج لو مكمله ولا هاي السالفه راحو ومشت الايام
ماعاد فتح موضوع الحبوب او غير شي صار طبيعي
بس اذا اعيط بوجه يضوج
اجه اليوم الي لازم يرجعون بي من البصرة كعدنا
الصبح على صوت تلفون تميم اخذ التلفون وكال
تميم : هلا يمه
ماسه : يمه جيب وياك غده عمتك جايه ويانه راح
تكعد يمنه اسبوع لان يريدون يحددون موعد لزواج
حوراء
تميم : بس الثلاث سنوات ماخلصت
ماسه : ميدو يريد يزوج مستعجل
تميم : خوش ايمتا تجون
ماسه : صار النه ساعه من طلعنا
تميم : خوش
سد التلفون باس راسي وكال
تميم : يلا حبيبي صحصحي عيب حتى نستقبلهم
هاجر : كلهم نستقبلهم لو بس حوراء
تميم : استغفرالله بابا شبيج عوفيها معليج بيها ومن
هسه اكلج مااريد مشاكل وبس تجي اكللها ماريد مشاكل
خوش حبيبي
كرص خدي وكام اخذت تلفوني اشوف الستوريات
سويت ريوك تريكنا وكال
تميم : راح اطلع ساعه هيج اجي خوش لا تعبين
نفسج واذا تعبتي اتصلي عليه
هاجر : مابيه شي
تميم : ادري بيج متأذيه
غلست راح بدل وطلع خابرت ماما جانو الكل يمهم
حجيت وياها وبعدها بقيت احجي ويا العمات آيلا كالت
آيلا : كومي شوفيني غرفتج
هاجر : دلليي
طلعت للغرفة فتحت الباب وشوفتها جانو كلهم يمها
كالت
آيلا : ليش غرفتج بيها بابين
هاجر : فشلتينه هذا حمام
فتحت باب الحمام شافته وصارت تحضك كالت
آيلا : واني اكول بيت جدي بي كلشي جديد وحديث
طلعت غلطانه
رسل : بيتكم كبير
هاجر : لا ما كثير لان نحنا ما كثار
رسل : ديلا سويلنه جوله بيتكم
نزلت رحت للمطبخ شوفتهم وبعدين للصالة وفريت
البيت كلو كعدت بالصالة كلت
هاجر : تعبت الله لا يوفقكم
رسل : بطرانه انتي هو بيتكم صغير بس حلوة
الاثاث ولالوان
هاجر : صدك ماعرفتو جنس البيبي
آيلا : ولد
هاجر : حبيبي قبانو
رسل : اني بعد مايبين واسيل هم ولد
هاجر : مبروك الكم حبيبي يتربه بعزكم ودلالكم
آيلا : صايره تعرفين تحجين يولي
هاجر : لا بله شايفتني معرف احجي
آيلا : وانتي
هاجر : لا بعد شكو مستعجلين
انشال التلفون من آيلا وصار كدامي تيم وعيطت كال
تيم : اي عيني من تزوجتي نسيتي تيم
هاجر : لا والله بس مابيدي مجال
تيم : ليش نعطلج عن شركاتج عيني
هاجر : اي تعرف يحتاج وقت
تيم : بيج زيج
هاجر : اشونك وربي مشتاقتلك
تيم : المشتاق يراسل لو اني غلطان
هاجر : يمعود هو اني امي مااكدر احجي وياها كل
يوم اكثر الايام مانكون بالبيت
تيم : مو اكلج شركاتج متعبتج
هاجر : صدك شلونها الجامعه معاك
تيم : تخبل شلون بنات يبووو
بس كمل كلامه رجع عاط كال
تيم : عمه مريم تعالي على بنتج تعضني اشنو ماخذ
جلب من عدكم
صارو يضحكون هيا زعلت وكالت
آيلا : شلون بنات مو ادبسزز
تيم : انتي ليش اجلتي جان كملتي
هاجر : زواج وجامعه صعب
تيم : عادي هاي اني
هاجر : اني عندي مشاغل مو مثلك
تيم : بس لا تطبخين والبيت كله عليج
هاجر : لا يمعود تريدهم يتسممون
تيم : اي ما اكول مايصير تطبخين هو انتي اقوة شي
عندج البيضة ومرات تشعليها
هاجر : لا بعدني ماحركت ولا وحده
تيم : اي عيني كلو حركت ومدري وبعد شنو
هاجر : اشكد سخيف صارلي ساعة احجي موصل بس
شويه قلبت حجيت عليه يبو منك
سمعت صوت السيارة مال تميم كلت يلا خلي يشوف
احجي ويا تيم دخل للصالة ورفع حاجبه عود ويامن
تحجين بعدها تيم كال
تيم : ها هاجر وين رحتي صفنت نفس ابو صابر
تميم يخزر بيه كلت بضحك
هاجر : دنجب بس اجه تميم ودحكت علي
تيم : سلميلي علي
هاجر : تدلل يلا اروح بعدين نحجي
سديته وتميم كال
تميم : لا اخذي راحتج كملي ويا
هاجر : عادي ترا اخوي
تميم : مو اخوج ابن عمتج
هاجر : وانت هم مو اختك بنت عمتك من تبطل تحجي
ويا حوراء عود افكر ابطل احجي ويا تيم
تميم : صارلي يومين ساكتلج واكول انجب لا تضربها
مرتك هاي عيب بس انتي تجبريني
غلست وكمت اريد امشي مسك ايدي وكال
تميم : من احجي وياج ماتعوفيني وترحين
هاجر : شتريد
تميم : احجي زين
هاجر : اي حبيبي تفضل تريد شي
تميم : لا تستهزئين احسلج
هاجر : اهووو حيرتني اش احجي تكلي ما هشكل
اش اعمل
تميم : كافي حضريلي ملابس اريد اسبح حتى
اطلع اشتري اكل وانتي تجين وياي
هاجر : مااريد اجي
تميم : تجين حبيبي
هاجر : شنو تريد احضرلك
تميم : التراك الاسود
هاجر : ياهو منهم
تميم : بي كتابه بلون ابيض
هزيت راسي حضرتهم بدلت وكعدت احط مكياج
طلع من الحمام لابس منشفه على خصرو والثانيه
ينشف شعرو دحك عليه ورفع حاجبه وكال
تميم : رايحين نجيب اكل مو رايحين عرس
هاجر : مو بس علمود الروحه علمود من يجون
يشوفوني مكيجه وحلوة
تقرب مني وهو يحجي كال
تميم : ليش منو يكول عليج مو حلوة
صار يمي ردت اكوم رجعني على الكرسي الي كبال
الميزتواليت حط ايدي على جانب الكرسي وتقرب مني
وكال
تميم : واذا يجون خطار يصير تحطين هيج حمره
هاجر : عادي
تميم : هاي الحمره تحطيها بالغرفة مو كدام الخطار
ونوب ماروني لونها يجنن وصايره ويا شفتج تجنن
عضيت شفتي وكال
تميم : مو هيج حبيبي تعالي اعلمج
تقرب مني اخذ شفايفي بين شفايفه بكل هدوء وحب
انصدمت من هدوئه تميم مو هيج استسلمت حتى
لا يأذيني بعد وضحك وكال
تميم : هيج احلى
دحكت على المرايه وشهكت هاي شنو الحمرة ملطخه
يم شفتي اخذت كلينس ومستحتها واجيت احط من
جديد كال
تميم : شكد ما راح تحطين منها راح اشيلها بطريقتي
عفتها واخذت وحده فاتحه حطيت منها وكمت رحت
للسرير شفت تلفوني حجيت ويا ديانا بين ماتميم كمل
نزلنا اشترينه اكل ورجعنا طلعت لبست دشداشه مال
فراشه شافني وكال
تميم : احلى فراشه اشوفها بحياتي فراشتي
باس خدي ندك الباب نزلنا جانو جايين جانت بــ 8
فتحنه الباب سلمت عليهم ودخلو كعدو رتاحو بعدها
راحو يبدلون اني حضرت الاكل وخليته بالصحون
وحطيت سفرة بالصالة وحطيت عليها كل الاكل ناديتهم
وكعدنا اكلنا
بليل اجو امير و زهراء ومريم واحمد وكرار تميم سلم
عليهم وراح سلم على كرار واعتذر منه كدام الكل وكال
تميم : اني غلطت بحقك بس انت هم غلطان بحقي
كرار : عادي انت اخوي لو شكد ماتغلط ابقى احبك
اجه اتصال على تميم جان كاعد شويه وكام وكف على
حيله كال
تميم : صدك يعني راح تجي وين انت بس كلي اني
اجيك
انتظر المقابل يرد كال
تميم : خليك بالمطار جاي
انتطر المقابل يرد رجع كال
تميم : بس اوكف اجيك
انتظر المقابل وكال
تميم : ننتظرك مو تتاخر
سده وبعيونه دموع الكل منصدمين من حاله ليش
هيج يحجي ويا منو جان هيج يحجي اسئلة صارت
براس الكل امير كال
امير : ويا منو جنت تحجي
ضحك وكال
تميم : هَتان هسه جاي بالطريق
الكل صار يبجي بس اني و زهراء و مريم مو فاهمات
شي مو على اساس هَتان ميت بقينه ننتظر شكد بعدها
اندك الباب كلهم طلعو يركضون تميم فتح الباب دخل
واحد كبير بالعمر ويا بنات ثنين وحده بالاربعين من
عمرها والثانيه عشرينات
كلهم يحضنون الرجال الكبير واني بعدني صافنه هذا
مو ميت شجابه سلم على الكل وشافنه اني و زهراء
و مريم واكفين يم بعض كال
هَتان : منو هذني
تميم : هاي هاجر مرتي هاي زهراء مرة امير وهاي
مريم مرة احمد والي وراهن مرة أركان
هَتان : ولكم متزوجين ومحد عازمني ماتكولين عيب
نزوج وجدي ماكو
امير : هَتان غير صار عندي طفل عمره 4 سنوات
وانت ماكو بس تميم و احمد و أركان كلهم مزوجين
جديد
تقرب مني باس راسي وراح باس راس البنات البنات
باسو ايدو واني بعدني بصدمه شنو فلم هندي كعد
يشرحلنه ليش هو مختفي بقى شكد يحجي وكلهم
يسمعون بعدها تميم كال
تميم : منو هذني الي وياك
هَتان : مرتي وبنت اختها
بيبي فتحت عيونها وشهكت راح يمها باس راسها وكال
هَتان : تدرين شكد احبج بس نجبرت والله علمود
المهمه
راوية : عادي
استغربت انو مو هامها الموضوع معقول
الكاتبة : ( بنوتات الابطال مايقبلون يذكرون ليش جدهم
جان مختفي وهاي السالفه يريدوها تبقى بينهم مايريدون
احد يعرف بيها )
كامو يصلون العشه جماعي وراح وياهم تميم بدو يصلون
بعدهم باول ركعة تميم وكع ركضنا علي هَتان اخذه بحضنه ويحجي ويا وتميم مايرد عاطت زهراء ندحك
على امير نفس حال تميم اخذناهم بسرعة المستشفى
طلع الدكتور وكال
الدكتور : مابيهم اي مرض بس انصحكم اسئلو شيخ
هَتان : ليش
الدكتور : اسئلو احسن هسه ادزكم على شيخ من اهل
الله انسان طيب
تميم رفض يروح يكول هذول جذابين كلهم امير يكول
تعبان من الشغل مشه كم يوم بعدها نفس الحاله تتكرر
هَتان رفض انو يسمع منهم اخذهم لشيخ وبس رجعو
صدمونه
هَتان : يكول مطعمين
عمه شهكت هيا وعمه غالية واني مو فاهمه كلت
هاجر : جدو شنو يعني مطعمين
هَتان : مسحورين
انصدمت رجع كال
هَتان : وين ماكلين بس اريد افهم منو اله مصلحه
تميم : نحنا ناكل بهواي اماكن وين ممكن يكون
هَتان : هو هذا الي غاثني والسحر مسوي من زمان
زهراء : شلون يعني مايروح
هَتان : لا بنيتي يبقى وياهم بس بالعلاج يتحسنون
وممكن تبقى نسبة قليله
زهراء : يكون مدفون بشي مكان
هَتان : حطيلهم بالاكل سحر وهمَ ماكلي يعني صار
بطنهم وراح يضل لو مدفون يطلع بس راح يبقى بطنهم
وهذا السحر هو السبب بكل هاي تصرفاتهم العدواينه
امير : يا تصرفات
هَتان : اعتقد تعرف قصدي انت وذاك الثاني
كلت بهمس
هاجر : يعني تصرفاتهم ويانه بسبب السحر
زهراء : اي هيج فهمت
رجعنا للبيت لان جنَ بيت عمو ادريان تميم بس صافن
مايحجي كلت
هاجر : انطاكم علاج
تميم : مي عزم علي كال تشربو دائما ومن يخلص تجوني
هاجر : بس
تميم : ومادري شنو طعمنا وتقيئنه كلشي وجان اكو
دم
هاجر : وشلون تضلون هيج
تميم : للاسف نضل هيج بس يخف بالعلاج بس مايروح
ابد لان ماكلي بس اريد افهم منو وشلون مسوي
هاجر : شوف اني فهمتي شغله من كلام جدو بس لاتعصب
تميم : قصدج على تصرفاتي وياج
هاجر : اي
تميم : الشيخ كال هاي مو برغبتكم هيا خارج عن رغبتكم وانتو مو مسؤولين على الي يصير وياكم
حتى اني ماجنت هيج جنت اكره الزلمه اليضرب المره
وطول عمري احجي عليهم وماجنت اريد يكاولي نفس
ابوك
هاجر : ابوك شعلي
تميم : لا شعلي معليه بس جاي اخربط بالحجي اريد
انام
نقهرت علي ويوم بعد يوم يبين حنانه ويرجع تميم الي
اعرفه وطلع مشاكلنه بسبب السحر الله لا يوفق كل
شخص يسوي سحر للناس صارت تجي كوابيس
ويكعد باليل يغلط ويفشر ويرجع ينام ومايكدر يصلي
ابد
مشه شهر كامل بين علاجهم تعبنه بهذا الشهر امير وتميم
حالتهم مو زينه بسبب التفكير صار اليل وتميم ماكو
عبرت 12 وهو ماكو ومو من عادته يتاخر نزلت لغرفة
عمي دكيت الباب كال
محمد : تفضل
هاجر : بابا تميم ماكو اتصل علي مغلق
محمد : ماسه جهازي
اتصل على احد وكال
محمد : عزلتو المعرض
انتظر المقابل يرد كال
محمد : بس تميم ماكو شلون راح بمكان ويا احد
رجع يمسع المقابل كال
محمد : هاي هيا روح
سده وكال
محمد : معزلين من 8 المغرب
ماسه : يمه ابني وينه
محمد : اكيد ويا الولد اوكفي
خابر ادريان وفتح سبيكر كال
محمد : تميم يمكم
ادريان : لا ليش
محمد : بس شوفه يم امير لو احمد لان ماكو بالبيت
والمعرض معزله من 8 وهو مااجه لهسه
ادريان : خليك وياي
سئل عليهم طلع حتى امير ماكو محد هتم لان يكونون
يتفرون رحت لغرفتي مادري شلون نمت كعدت الصبح
على صوت عمه فتحت عيوني اشوف تميم ماكو معقول مااجه لهسه
نزلت جوه وسئلت اذا طلع كالو لا وصارو يدورون علي
وفوكها امير ويا وثنينهم ماكو صار يومين هما مختفيين
ثلاث يوم الكل جان بيت ادريان اجه اتصال لعمو محمد
رد شويه صار يعيط محد فاهم شي كال
محمد : شنوووو تريدددد يصيرررر ابنيييي معليييي
خفت وكلبي صار يوجعني سده والكل يستفسر كال
محمد : جماعه........خاطفين امير وتميم ويكلي اكتلهم
واجيبلك راسهم اذا ماتطلع........ من السجن
ماسه : يمههه ابنييي محمدددد فدوههه طلععع ابنييي ابوسسس ايدككك
غالية : ابنييي ليششش خاطفييي ابنيييي شعليي بهذااا ليششش دخلوننن ولدكممم بمصايبكممم
محمد : يا مصايب انتي الثانيه واحد لزمته تاجر مخدرات وطلع ويا ناس وهما خاطفين امير وتميم
وبس اطلع هذا الي لازمه يرجعون
الكل مخبوصين حالتنا حاله تميم بعد ماصار زين انخطف
شلون ماادري وشصار مادري بقينه اسبوع بقلق وخوف
ورعب عليهم محد يحجي شي عمي ساكت وعمو ادريان
مايقبل يحجي هَتان مشغول وياهم عمتي ضغطها ارتفع
وعمه غاليه صابتها جلطه
واني مريضه وجهي اصفر ومااكل زهراء مو اقل مني
علاوي يبجي حال البيت يبجي اجتي عمه كالت
ماسه : حالتج ماتعجبني ليش هيج شكلج تعبان يمه
نحنا اخذناج ورده وهسه ذبلتي تردين تميم يرجع يشوف
رودته ذبلانه امشي وياي للدكتورة
رحنا للدكتورة انتظرت دوري اجه ودخلت وصدمتني
من كالت
الدكتورة : دلع الحمل الف مبروك حبيبتي
انصدمت ياحمل هاي شبيها صح وقفت العلاج بس
مو بشهر احمل مو معقول كلت
هاجر : متأكده
الدكتورة : تشكين بيه غير مجيبه هواي بنات
هاجر : بيما شهر
الدكتورة : ثلاث اسابيع
ضحكت بفرح وصرت ابجي اني حامل وتميم وين
ياربي مايصير شي علي ولا على امير كلت لعمتي وطارت
من الفرح وتكول
ماسه : بس يرجع ابني اني ابشرة محد غيري
يبشره
رجعنا للبيت بس ماحجينه كالت شويه تعبانه
.................
« امير »
طالعين نتعشه اني وتميم عازمني علمود اشترى سيارة
طلعنه من المطعم راجعين للبيت وكفت سيارة كبالنه
راد يرجع تميم لوره شويه وشفت سيارة ورانا اجه من
يمي واحد فتح الباب وضربني بوكس اريد الحك احجي
ماكدرت دفعني من السيارة وكعت بالكاع وصار ثلاث
يضربون بيه اريد ادافع عن نفسي مااكدر
واحد منهم حط شي على حلكي وماحسيت بشي
فتحت عيوني اني بغرفة فارغه مابيها غير عامود
رابطيني بي صحت
امير : تميممم وينههه ويننن تميممم
تميم : وراككك انييي اذنييي احتاجهههه
عرفت تميم وراي رابطي كال
تميم : كو**** اذا انتوو زلم تجون واحد واحد مو
عشه مخانثه
دخل واحد كال
: منو بيكم تميم
تميم كال
تميم : ليش تريد توقيعي
: لا اريد راس ابوك
عصب تميم وضل يفشر علي كلت
امير : نحنا ليش هنا وشنو مطلوب منه
: اخذناكم حتى نطلع اخو الزعيم
تميم : يا نعل هذا
: احجي زين
راح وضرب تميم وكال
: ابوك اخذه ومثل مااخذه هو وهو بنفسه يرجعه
تميم : لك ابن القندرة هذا ابوي محمد ابن هَتان تخسي
يسمع الك والامثالك
: يسمع وغصباً علي لان اذا مايسمع ماراح نكتفي بالسحر
لا راح ندزله راس ابنه
تميم : يعني انتو مسوين سالفة السحر
: حجينه ويا ابوك بهدوء ورفض اجينه باكثر شخص
يحبه واكيد هو ابنه بس ابن عمك جان وياك كلنا يفيد
امير : ونحنا نضل هنا اذا ماطلع صاحبكم
: عفيه ذكي انت
تميم : مايطلع صاحبكم لو اعرف اموت فهمتتتت
: مو لمصاحتك لان انت وابن عمك تموتون وغير هيج
ابوك يلحكك
.................
« هاجر »
اجه اتصال على عمي رد وكال
محمد : شنوووو بيا مستشفى جايين
سده وكال
محمد : طلعوهم بس امير مصاب وهسه هو بالمستشفى
طلعو هو وعمو ادريان رحت يم كرار جان راح يطلع كلت
هاجر : كرار بداعت امك اخذني حباب الله يخليك
كرار : بسرعة
لبست عباة عمتي وهيا لبست عباة ملاك واجت ويان
غاليه وزهراء وهَتان وصلنا المستشفى نزلنا ركض
كرار سئل الرسبشن راح ركض ونحنا نركض ورا
وصلنا غرفة كال
كرار : ثنينهم بهاي الغرفة عياط مااريد مفهوم
دخلنا شفت حال تميم وجهو ورام وكله كدمات وجان
ملابس تيشرت وصدرو كلو جرح اني وعمه نبجي
وهو يسكت بينه عمي محمد يبجي تميم حجه النه الي
صار وكال
تميم : من طلعنا واحد منهم ناداني وجان رافع سلاحه
بس امير دفعني وصارت الطلقه برجله
ماسه : يمه الحمدلله على سلامتكم وابوك هو يتصرف
وياهم
شويه وطلعو عمي كال اخذو راحتكم ابتسمت وكلت
هاجر : الحمدلله على سلامتك جنَ ننتظر ترجع
تميم : من اشوفج اصير بخير
هاجر : بس ماسئلت منو ينتظرك وياي
تميم : مبينه اهلي
هاجر : لا
تميم : لعد
اخذت نفس وكلت
هاجر : ابنك
ضحك وكال
تميم : يعني انتي حامل
هاجر : اي ثلاث اسابيع
تعدل وكال
تميم : تعالي بحضني مااكدر اجيج
كمت يمه وحضني اوف مشتاقه لحضنه كلت
هاجر : بعد لا تعوفني هيج منو يهتم بيه
بعد يومين طلعو من المستشفى تميم متغير 180درجة
ابد مو نفسه يوم تزوجنا رجع تميم الي حبيته الي
يحبني وماراح يأذيني كال
تميم : اريد تسامحيني
هاجر : صعبه شويه
تميم : راح اخذج شهل عسل
هاجر : جذب يعني نسافر
تميم : اي طبعاً
هاجر : وين
تميم : شنو جانت المكان الي تحبين تروحيلها وتحبين
لغتهم
هاجر : اسطنبول
تميم : راح نروح الها بعد يومين اني وانتي و امير
و زهراء و احمد ومرته
كمت حضنته وبست خده كال
تميم : لو ادري هيج كل يوم اسفرج ها تسامحيني
هاجر : صح تصرفاتك مو انت المسؤول عنها بس تبقى
انت الي ضربتني احتاج وقت
تميم : الوقت كله بيدج
....................
انتهى البارت
اختصرت الحداث بهذا البارت بشكل مو طبيعي وراح
ننهي الرواية بعد كم بارت
اتمنى محد يحجي على تميم تصرفاته جانت بسبب
السحر وهو مو مسؤؤل عنها وامير جان ويا بكلشي
وهو هم صار مسحور نفسه تصرفاتهم هسه رجعت
نفس قبل
بنوتات شنو رأيكم بالبارت وشنو تتوقعون يصير
- يتبع الفصل التالي اضغط على (رواية قسوة احفاد ال هتان) اسم الرواية