رواية قسوة احفاد ال هتان الفصل الثامن و الثلاثون 38 - بقلم هاجر النعيمي
part 38
بقلمي (هاجر النعيمي)
......................
حضرت غراضنه واجه يوم السفر تحقق حلم من احلامي
وباقي كم حلم يصيرون حقيقه جنت فرحانه بشكل مو
طبيعي ومو بس نحنا راح نروح يجون وياي مريم وزهراء
قبل مانطلع من البيت ودعنه الكل صارت كبالي ملاك
عفتها ورحت كالت
ملاك : ادري بسببي تعذبتي بس والله ماجان يهون عليه
اشوف اخويه يتعذب
هاجر : انتي اكبر جذابه جان كل همج تميم يصالحج
وينسى الي سويتي حتى لو جان سبب بأذيتي ماانسى
شنو صار بيه بسببج
ملاك : والله ادري بس كلت يمكن تتصلح علاقتكم
هاجر : انتي شفتي تصرفات اخوج اخر فترة جان ممكن
يموتني وهو مايعرف بسبب السحر الي محد جان يعرف
بي والسبب اعداء ابوج هسه صرت اخاف على عمو محمد وعلى تميم الي يسوي سحر ويخطف كلشي يسوي
ملاك : ابوي طلع صاحبهم وماعاد يسوون ماشكل ويا
ابوي يعني لا تخافين بس اريد نرجع نفس قبل تتذكرين
شكد مقربات جنَ
هاجر : مااكدر تعذريني
تميم : يلا كافي سوالف راح نتأخر
طلعنا واني كلي فرح وصلنا المطار تميم اتصل على امير
حتى يعرف وينهم ونروح يمهم وصلنا يمهم سلمت عليهن
وكلت
هاجر : واخيراً الحلم تتحقق
مريم : يم تميم كلشي يتحقق
زهراء : سامحتي
هاجر : لا وانتي
زهراء : لا وهاي السفرة عبالهم راح نسامحهم والله لو يموتون مانسامحهم
هاجر : اخلص هاي السفرة واروح لاهلي ارتاح فترة يمهم
وبعدين افكر اذا اسامحه وارجع او افكر بالطلاق
مريم : حرام عليج اكو طفل بطنج
هاجر : ادري الطفل يعيش وياي طبعاً
مريم : حرام راح ينحرم من ابو
هاجر : ومو حرام الي اني عشته
مريم : لاتنسين جان مسحور والسحر جان علمود تخرب
حياته واذا تطلكتي يعني خربت ونجح مخطط الي مسوي السحر
هاجر : مايهمني عانيت كثير صار لازم ارتاح
مريم : فكري زين وراح تعرفين تختارين اكيد
نادو بالطيارة على الركاب طلعنا وكعدنا تميم لزم ايدي
وكال
تميم : متحمسه
هاجر : اي كلش
ابتسم بوجهي وطارت الطيارة بعد فترة قصيرة وصلنا
نزلنا واخذنا تكسي ورحنا للفندق تميم كال
تميم : يحجون انكليزي مو
امير : طبعاً
راح تميم يحجي وياهم حجزنا ثلاث غرف علاوي طاير
من الفرح وبس يكمز تميم كال
تميم : شبيك قابل اول مره تسافر
علاوي : اي اول مره وبعدين انت شعليك
تميم : تفضل
رحنا للغرفة حطينا غراضنه وطلعنا علمود نفتر وكفنا
بمكان سياحي جان كلش حلو حرفياً جانت ايام تجنن
بقينه مدة اسبوع ورجعنا جانت من اسعد ايام حياتي
بس رجعنا لكينه عمي وعمتي وملاك ورشا دانيال وبيت
عمو ادريان وياهم راوية وهَتان
رجعنا للبيت من التعب فوراً نمت كعدت ثاني يوم تريكنا
وكلت
هاجر : اريد اروح للموصل
تميم : مايحتاح
هاجر : مو تريد اسامحك
تميم : استغفرالله روحي بس اول شي نروح الدكتورة
ونسئلها اذا خطر على الطفل او لا
ومن صدك رحنا للدكتورة وكتلها كالت
الدكتورة : اي عادي روحي حالة الطفل كلش زينه
بنفس اليوم حتى ماصبرت الثاني يوم رحنا للموصل
جنت حيل متحمسه اشوف اهلي شفتهم بس مرة من بعد
زواجي هما اجو وبعدها ماشفتهم ابد شكد مشتاقتلهم
الطريق كله اني فرحانه وبس اضحك وابتسم تميم كال
تميم : ادفع عمري كله مقابل هاي الضحكه
خجلت معرف شنو ارد رجع كال
تميم : انتي بعيني احلى بنيه انتي بعيني احلى انسان
اعرفه انت كل حياتي حياتي بدونج مثل حديقة مابيها ورد
بقيت مبتسمه وخجلانه اخذ ايدي باسها ورجع كال
تميم : كل شي بوقته حلو الا انتِ وعيونج وصوتج
وكلامج بكل الاوقات حلوين
ماجنت اعرف شنو احجي بقيت مبتسمه كلت
هاجر : ماعرف شنو اكول
تميم : مو ضروري تكولين باعي بعيني بحب هاي عندي
تسوه السلف كله
وصلنا الموصل بعد تعب شفت المناطق شفت كلشي بيها
نفسها مو متغيرة بس متطورة بعد صاير بيها اشياء حلوة
وصلنا منطقتنه شفت بيوت الجيران بيت رزان بعدها شفت بيتنه نزلت ركض دكيت الباب طلعلي حسن
كال
حسن : منو
هاجر : انييييي
فتح الباب بسرعة شافني وحضني وصار يبجي واني ابجي عبالك ميت احد اسم الله راح يم تميم سلم علي
ودخلت ركض اريد امي جانت بالمطبخ وتصيح
مروة : حسن منو ع الباب
هاجر : انييي
شافتني وصارت تبجي وتحضني وتبوس بيه عبالك سنين ماشايفين بعض ماجان احد بالبيت غيرها هيا وحسن لان حسن مريض وماراح للشغل انتظرت للعشه حتى يرجعون
لان اني وصلت المغرب وبابا يرجع بــ 9 سمعت صوت السيارة مال بابا رحت ركض للكراج واسمع تميم يكول
تميم : على كيفج ابوج ماطاير
شافني ودمعت عيونو رحت يمي بستو وحضنتو هو يبوس براسي احس بالامان والدفئ احس رجعت طفله
تدور حضن ابوها ذبيت حيلي كله علي دخلنا جوه ونحنا حاضنين بعض امي كالت
مروة : اي بس ابوج هيج تحضني مروة منو
هاجر : لا والله بس انتي احجي معاج هو مااتذكر ايمتا حجيت معا
رفعت راسي علي وكلت
هاجر : ليش ماتتصل عليه ماتكول بنتي عايشه ميته
علي : اسم الله اعرف اخباركي من امكي
بقينه نسولف ماما سوت عشه حسين وجدي حيل تأخرو
بابا خابرهم كالو بالطريق من دخلو رحت سلمت على حسين وبعدها رحت على جدي استغربت منه يحضني حيل ويبوسني كال
جدو : وين عفتينه وغحتي ( رحتي) البيت صاغ اضلم
بدونكي
هاجر : البيت منور بيك جدو
جدو : وين هاي الغيبه ليش ماتسئلين
هاجر : والله صار عندي شغل وكثير اشياء
راح تميم سلم على جدي وكال
تميم : اني اترخص راح اروح لبيت عمتي
علي : عيب عليك نحنا اهلك تعوفنه وتغوح
تميم : انتو اهلي بس ابن عمتي محتاجني بشغله
مروة : على الاقل ضل اليوم عدنا وغدا روح
تميم : لا تسلمين لازم اروح لان باجر العصر ارجع ل بغداد
مروة : ليش يول ضل مع هاجر
تميم : والله عندي هواي شغل لازم يكمل
مروة : براحتك حبيبي
طلع ماما كالت
مروة : دروحي ودعي
طلعت ورا شافني ابتسم واجه حضني يحضني عبالك راح اروح بعد ماارجع باس خدي وكال
تميم : انتبهي على نفسج وعلى الطفل اسبوع واجي اخذج
هاجر : وانت هم ديربالك على نفسك
قربني على باس شفتي وعافني وراح حسيت بشعور حلو
راح اخلص من خوفي وراح ارتاح من شخص جنت اضن
هو اماني دخلت للبيت جانو اهلي فرحانين واني فرحانه
صار اليل رجت لغرفتي
فتحت الباب غرفتي نفسها محد مغيرها نفس كلشي تركته كلت ل حسن يجيب الجنطه مالي راح جابهم وحده
مال مكياج وعطور والثانيه ملابسي كعدت ارتبهن كملت
شفت تلفوني جانت زهراء متصله عليه اتصلت عليها
ردت
زهراء : لك هلاااااا
هاجر : هلا بيج شنو شتاقيتيلي
زهراء : لا طبعاً بس علاوي يريد يحجي وياج
هاجر : مو اكول جيبي احجي معا
زهراء : علاوي ماما تعال هذا وينه وين صار
عافت التلفون ونزلت جوه دور عليه طلعت وكالت
زهراء : اني مو الف مره كتلك يم هاي الحيه ماتروح
هاجر : يا حيه يمعوده
زهراء : هاي الي جابها هَتان
هاجر : مرته
زهراء : لا بنت اختها
هاجر : شبيها
زهراء : ولج شنو شبيها مره تزحف على امير ومره على
علي ومره على كرار ومره على تميم
من كالت اسم تميم كلبي وجعني كلت
هاجر : وتميم شنو يسوي
زهراء : محد معبرها
اندك باب غرفتها ودخلت مريم تدردم زهراء كالت
زهراء : شبيج
مريم : يعني شنو بيه جايبين هاي يمنه مايكولون اكو
ولد هَتان ليش مايطلع بيت وحده
زهراء : هو جان يريد يروح البيته بس لان بيبي كالتله مااجي وياك بقه وياها وبقت مرته وبنت اختها بس ليش
مريم : لج رحت اسوي جاي ل احمد رجعت لكيتها كاعده
يمه وتحجي ويا ومن كتلهم شكو تكلي اسئله على جامعه
زينه حتى ادخل بيها تخيلي
زهراء : لا تضلمين احمد ترا احمد خوش احمد بس هيا
الحيه ليش مبقيه واحد من الولد
مريم : طبعاً هيا وين شايفه حلوين وهنا ماشاءالله ماتلكين ولد مو حلو
زهراء : اي والله لج هَتان هو سر جمالهم كلهم طالعين
على بس كرار لا
هاجر : ترا تميم يشبه عمي محمد
زهراء : بس لا تنسين عمو محمد يشبه هَتان
هاجر : ليش كلكم تكولوله هَتان محد يكول جدي
زهراء : اي ولج تخيلي محد يكله جدي وليش لان هو مايحب يكول كولولي هَتان احسن بس راوية تضوج اذا
احد يكللها راوية تكول كولو بيبي اني مو بعمركم بس امير وتميم يكولولها راوية عادي
هاجر : احلف عليهم كلهم مو صاحيين
زهراء : بدون ماتحلفين اصدكج
هاجر : والله ماكو هيج تصرفات
بقينه نسولف بعدها نعست وسديته ونمت كعدت الصبح
على صوت آيلا شفتها ومتت ضحك بطنها شكبرها كلت
هاجر : بطنج تضحك
آيلا : تضحكين على ابني والله بس يجي تيم اكلو
هاجر : وينو ليش ماجه
آيلا : عندو شغل بس يكملو يجي مايطول
هاجر : مشتاقتلو كثير
آيلا : حتى نحنا مشتاقيلج ليش هيج غبتي
هاجر : اوف شنو اكلج زوجي طلع مسحور ونخطف
آيلا : يمه كولي والله
هاجر : والله ومشاكل ماتخلص بسبب السحر يبو ايام سوده والله
آيلا : الحمدلله عدت
هاجر : اي والله ماكتلج
آيلا : شنو
هاجر : اني حامل صارلي شهر
آيلا : جذبببب
هاجر : والله
آيلا : راح يصير عندج نفس الكرش مالتي
هاجر : لا ايععع
آيلا : عجل اشون ياثولة
طلعنا للصالة جانو كاعدين عمه مريم وعمه اميرة رحت
سلمت عليهم وحضن وبوس بعدها سلمت على اسيل بطنها شكبيرها بعد اكبر من بطن آيلا سلمت على ايليف
وعلى لارا كلت
هاجر : يارا وين
اميرة : تزوجت بعد وكت وليش ماجيتي
هاجر : والله ولا اعرف
اميرة : كتولها اعزمي هاجر
هاجر : والله محد عزمني
اميرة : يلا همزين جيتي حتى نعمل عرس يونس وإيليف
هاجر : الله خوش الف مبروك حبيبي
إيليف : الله يباركلج
هاجر : عمه وين ناريمان
مريم : بيت اهلها
هاجر : لا بله ماتعرف اني جيت
مريم : لا ماتعرف من البيحه ( البارحه) غاحت
هاجر : هسه اخابرها خلي تجي اريد اشوفها اصلا اني
مااطول ارجع الخميس
مريم : ليش مستعجله
هاجر : هو تميم كال اسبوع وترجعين جيت البارحه جان الخميس فه توقعت الخميس ارجع
مريم : لا ضلي تونسي اشقد صاغلنا ماغيشعيكي ( اشكد صارلنا ماشفناج)
هاجر : والله معرف هسه المهم اروح اخابرها وارجع
رحت للغرفة اخذت تلفوني اتصلت عليها ردت كالت
ناريمان : بعد وكت جان انتظرتي ليش هسه تاخبريني
هاجر : غير جيت على الموصل واليوم كلهم يمنه وانتي ماكو والله عيب عليج اهلج تشوفيهم دائما بس اني وين تشوفيني
ناريمان : هسه اذا عمر مايجي عليه اخلي اخويه يرجعني
هاجر : انتظرج
ساعة واجت ناريمان كلش مشتاقتلها بقينه نسولف للعصر
اجه تيم وعمر دخلو سوه كلت
هاجر : لا هاي شنو ثنينكم سوه لا مستحيل
تيم : هلااا اشونج عيني شنو هاي الغيبه
عمر : لا هاجر مااتفقنا هشكل غير تسئلين والله عيب عليج
هاجر : مو المفروض انتو تسئلون عليه اشون اخوان
عمر : بهاي معاج حق نحنا مقصرين
تيم : مقصرين لو تاييي ههههه
هاجر : ههههه عبالي من تزوجت عقلت
عمر : ها شقصدج تيم خبل والله عيب عليج
تيم : ها هاجر ما عيب عليج هسه اني طلعت خبل
هاجر : ماعاش الي يكول عنك خبل
تيم : وانت هيوو تريد تسوي مشاكل بينه ادبسزز
عمر : ماصارت حرامات يلا غير مره هو انت وهيا بكلمتين ينضحك عليكم
اني وتيم حجينه سوه وكلنا
: هااااا
عمر : ابد ما متفقين
كعدنا وسوالف وضحك عمه كالت
اميرة : وايمتا تروحون على السوق ترا بعد غدا الحنه
والبعدو الزواج اشون
هاجر : نروح اليوم اني اصلا لازم اجيب ملابس لان ماجبت معايه
اميرة : خوش يلا كومو بدلو كلكم
كامو يبدلون كلت اخابر تميم اكله لان مايصير اطلع بدون
مايعرف اتصلت علي شويه وجاوب كلت
هاجر : راح يروحون على السوق لان باجر الحنه مال ابن عمي عادي اروح
تميم : روحي بس عندج فلوس
هاجر : اي عندي
تميم : اي خوش
هاجر : شنو هاي الاغاني الي يمك
تميم : هاي مو اغاني قصائد
هاجر : اي بس شنو هاي
تميم : طالع على بغداد
هاجر : ليش هيج مستعجل
تميم : عندي شغل مهم
هاجر : تمام انتبه النفسك
تميم : وانتي هم
سديته ورحت وياهم وصلنا السوق نزلنا اشتريت فستان
لونه وردي فاتح صح مااحب الوردي والاحمر بس نجبرت
لان نحنا البنات راح نسوي فقرة بالحنه وجان مشلح وقصير لحد الركبه
رجعنا للبيت وصار اليل راحو واني رحت نمت كعدت
الصبح على صوت ماما كالت
مروة : خواتي من سمعو جيتي راح يجتمعون بيت جدج
يلا كومي
كمت غسلت وتوضيت صليت وطلعت تريكنا شكد جنت
مشتاقه لهاي الايام الي نكعد بيها كلنا كملنا اكل وطلعت
ابدل ماما ماقبلت اساعدها لان حامل رغم مابيه شي وحتى اذا اساعدها مأياثر بس هيا فرحانه بحملي طلعنا
واني الطريق كلو متحمسه
وصلنا بيت جدي نزلت دخلنا وسلمت عليهم حيل مشتاقتلهم يعاتبوني لان مااخابر احد واني اكعد ابرر
البنات ستلموني حاصل فاصل كعدنا بجها وحدنا نحجي
كلت
هاجر : ديلا على اساس جنت فاضيه بس انتو فاضيين ليش ولا وحده اتصلت عليه
هندرين : جنت ملتهيه بخطيبي
هاجر : اهو بدت سالفه خطيبي
نور : طبعاً غير خطيبها
هاجر : وانتي افنديه ليش اخويه مايعجب
نور : فسخت الخطوبة
هاجر : جذببب ولا اعرف
نور : اني عملت هشكل حتى اخوج يحس
هاجر : ليش اخويه اشبي
نور : حتى لا يضل يكول انتي اكبر مني ومايصير ومعرف ايش
هاجر : ها حلو وانتي سويتي كل هذا علمود تغثي يعني
نور : اي صح وهو راسلني وكلي افسخي الخطوبه واني بس اكبر شويه اجي اخطبج
هاجر : حبيبي فدوة للزلمه مايعوف حكو
نور : شنو هاي الهجه
هاجر : اني مصدومه من نفسي حرفياً صايره احجي خبط بين بغداد وموصل
هندرين : اني كلت بس ترجع تكوم تحجي بغدادي
هاجر : لا يمعوده احب لهجتي بس شكد مايحجون حتى كمت انسى لهجتي
هندرين : حقج والله بشنو جنتي مشغوله
هاجر : بينه الحجي زوجي جان مسحور ومخطوف
هندرين : يمه كولي والله
هاجر : والله ومااحجيلج عن المشاكل الي تصير يبوو
هندرين : الله يعينج
بقينه لحد اليل ورجعنا ثاني يوم صارت الحنه مال يونس
رحت وياهم للصالون وسويت عناية وكذا وآيلا تكول
آيلا : اخاف هو يحبج هسه صار مخبل بيج
هاجر : يمه من عين الحاسدين
آيلا : دمشي ولي
هاجر : اهو شلون ناس غثه
آيلا : ماشفتي إلياس
هاجر : لحد هسه لا
آيلا : احسلج
هاجر : ليش
آيلا : صاير يخوف والله لو تشوفين وجهو صاير اسمر
وتحت عيونو اسود وبس يسكر وهالكنا والله
هاجر : بس لا بعده يحبني
آيلا : لا بس لان تصير مشاكل بينو وبين اسيل
هاجر : شنو سبب المشاكل
آيلا : معرف والله هيج على غفله وتطلع صواتهم
هاجر : رسل وين مو حنة اخوها
آيلا : اليوم جت الصبح
هاجر : حيل ليش لحد اليوم
آيلا : زوجها مشغول عيني كلها مشغوله خوما مثلج فارغين
هاجر : ها قلبتي عليه
كملنا ورجعنا لبيت عمو تامر سوينه حفلة وبعدها رحنا
للقاعة ماكدرت اركص بسبب الحمل بس تحمست بس
ركصت شويه حتى لا تضل حسرة بكلبي وامي كل شويه
ترزلني حتى اكعد
................
« امير »
اجه تميم يمنه تعبان روحه طالعه كعدنا بالغرفة مالتي وبقينه نحجي واجت على هاجر كتله
امير : ايمتا تجيبها
تميم : مااعتقد ترجع
امير : مافهمت
تميم : عبالك بس راحت للموصل ممكن ترجع مستحيل
اصلا هسه متونسه لان مو يمي خلصت من قسوة تميم
شلون ترجع الها
امير : حبيبي انت مسحور مو بيدك وهيا لو تحبك وتقدر ماتعوفك
تميم : ليش زهراء ماناويه تعوفك
امير : مااعتقد
تميم : اعتقد حبيبي اذا مو اليوم فه باجر
امير : مااخليها تروح
تميم : وترجع نفس قبل ترجع شيطان بجسم انسان
امير : نحنا احفاد هَتان صعب نعوف شي ملكنه
تميم : ادري صعب بس هيا ماتقبل تعيش وياي شنو اسوي تعبت من يوم نكشف كلشي وهيا وياي علمود تقوم بواجبها كزوجه مو اكثر بهاي الايام ماشفت نظرات حب
بعيونها اني انظر الها بحب وهيا تنظر الي بخوف صعبه انسانه انت تحبه بس هيا تخاف منك
امير : مثل ماحاربت حتى تاخذها تحارب حتى ترجعها
تميم : مااكدر اجبرها على شي اصلا كاره روحي شلون
جنت اضربها شلون جنت أذيها
امير : مو بيدك لا تضل تلوم نفسك علي شي انت مو سببه ابني انسى
تميم : ماانسى خوفها مني واني اقرب منها ماانسى الخوف الي بعيونها اخذها بحضني بس هيا خايفه مني
صعبه
امير : ترجع انتو صار بينكم طفل
تميم : تخيل تخاف مني على ابنها الي هو ابني
امير : ترا حقها جانت تشوف تصرفاتي ويا ابني وتخاف لاتنسى ماجنه بوعينا وبس نكمل ننقهر ونضوج على الي سوينه ممنوع تستسلم
تميم : ماعندي طاقه لشي تعبت من كلشي هيا الوحيده
الي تكدر ترجعني ترجع ضحكتي اني عانيت وجان لازم
ارتاح بس أذيت راحتي
امير : اني هم أذيت راحتي بس بدون قصد مو اني اكيد ماجنت اني اسوي بيها هيج
تميم : تدري لهسه اشوف طبعات الضرب على جسمها
من اشوفها اكره نفسي شلون اني انسان قاسي ماعندي رحمه
امير : ليش تلوم نفسك لوم ابوك هو الي دخلنا بهاي العبة القذرة
تميم : شلون الوم ابوي صعبه هو يريد راحتي اذا الومه
راح ينكسر
امير : ابوك سبب كلشي منو وصلنا لهنا غير ابوك وشغله
تميم : بس ابوي جان يحاول يشيل كلشي خطر على العراق هو شمدري راح يحاربو بأبنه
امير : عجيب بعدك تدافعله نسيت الي صار
تميم : مانسيت ولا راح انسى جنت ضحيه لغلط ابوي
امير : بس ابوك صلح غلطه
تميم : بعد شنو بعد ماعشت 6 سنوات بدون امي
امير : هياتها امك رجعت يمك
تميم : لو تريد من البداية ترجع
امير : جدك وخوالك السبب مو هيا لا تنسى هيا ضعيفه
لا حول ولا قوة
تميم : ماانسى ولا راح اسامحهم
دخل كرار ضايج كال
كرار : رجعت فلفولة تعال شبيك راح تبجي
امير : على مرته
كرار : همزين مو مزوج
تميم : دمشي الهتلي اكص ايدي اذا مو ميت على كلمه منها
كرار : اي والله ميت على كلمه
تميم : حيوان انت حيوان لا حشى الحيوان
كرار : تميمي الغالي تاج وباج
تميم : تمشي من كدامي لا اجيبك بدفرة اكعدج ****
فلفولة
كرار : من صدك لازم نلكه حل بس يكون نهائي
تميم : اخوك بلا كرامه اني شعلي
كرار : انجب عوف اخوي
تميم : احل مشكلتي وبعدين احل مشكلت اخوك العار
نزلنا جانو كاعدين بالصالة
................
« هاجر »
خلصت الحنه واجه العرس وهم خلص حيل تونست
تميم حاولت انسى موضوعه مااريد افكر لان قراري ما
يتغير وهو الطلاك اتصل تميم رديت كال
تميم : ايمتا اجي اخذج
هاجر : مااريد ارجع
تميم : شقصدج
هاجر : افهمني خلي ننفصل احسن حل
سده بوجهي ومارد عليه نمت وثاني يوم كعدت الصبح
نشيطه كعدة الاهل لا تُمل احلى شي بحياتي اهلي اهلي
هما كل شي بالنسبه الي
..............
« ملاك »
جنت احجي ويا علي وسمعت صوت عياط سديته وطلعت من غرفتي مرعوبه شفت اهلي يرحون لغرفة
تميم ونسمع تميم يعيط ويكسر ويبجي من بعد فترة
طويله اسمع تميم يبجي شنو الي مبجي خفنه علي
وامي تبجي وتتوسل يفتح الباب وهو مستمر يبجي
ويكسر ويعيط رشا تبجي ويا تريد يفتح الباب دانيال
مرعوب اجه ابوي وطلع علينه ركض كال
محمد : شكو شصاير
ماسه : ماادري ابني تخبل يمه ابني محمد فدوة اريد
ابني
محمد : تميم بابا افتح الباب نحجي شبيك يابويه
بس كلي شبيك شنو تريد اجيبلك
تميم : عوفوني مااريد شي منك بس عوفني
بعدها ماسمعنا صوته امي تدك بالباب خايفه علي وابوي
دفعها وكسر الباب تميم واكع بالكاع واكو دم يم راسه
اخذنا بسرعة للمستشفى دخلنا طوارئ الخوف واضح
علينا مابيدنا غير الدعاء طلع الدكتور رحنا كلنا علي
نركض كال
الدكتور : لا تخافون مابي شي بس ارتفع الضغط
محمد : والدم
الدكتور : من واكع صار راسه بالارض ونفتح خيطنه بس
اربع طعن لا تخافون ماكو شي
دخلنا على تميم حالته تعبانه ساكت نحجي مايرد على
احد ابوي كال
محمد : شنو بيك بس فهمني
واخيراً نطق كال
تميم : هاجر تريد اطلكها
محمد : انت تريدها
تميم : اي
محمد : اجيبها يمك بس انت لا يصيرلك شي
تميم : اريدها
محمد : اجيبها وداعت عيونك كلشي تريده يمك
تميم : بسببك انت علمتني كلشي اريده يمي
محمد : اجيبها يمك والله تدلل
تميم : اريدها بس برضاها انت السبب بكلشي انت ربيتني على الانانيه على حب التملك على الهوس
مااريد اصير مثلك
ماسه : يمه عيب تحجي ويا ابوك هيج واني اوعدك ارجعها الك
سمع من امي وطلعنا راح يرتاح بغرفته وامي خابرت
هاجر وكالتلها على حال تميم وانو ترجع امي تريدها بموضوع كلش مهم واذا ماعجبها الحجي ترجعها للموصل
...................
« هاجر »
خابرتني عمه ورديت عليها كالت تميم مريض وهبا اريدني بموضوع رجعت ويا بارق ل بغداد وصلت سلمت عليهم كلت
هاجر : اريد اشوف تميم
ماسه : مو قبل ماتسمعين مني
هاجر : خوفتيني
ماسه : ابني تعب بطفولته ابني حيل تعب وجان يريد انتي تكونين عوض ربه بس انتي عفتي بوقت هو محتاججج
هاجر : بس الي صار بيه مو قليل
ماسه : خلي اكمل الي صار بيج هو مو بسببج ولا بسبب
تميم بسبب ناس حاقده
هاجر : اعرف بس
قاطعتني وكالت
ماسه : الكلام الي راح اكوله ناس قليله تعرفه وتميم مايريد تعرفي حتى لا تعوفي
هاجر : شنو
ماسه : ...........
................
- يتبع الفصل التالي اضغط على (رواية قسوة احفاد ال هتان) اسم الرواية