رواية قسوة احفاد ال هتان الفصل التاسع و الثلاثون 39 - بقلم هاجر النعيمي
part 39
بقلمي (هاجر النعيمي)
...............
ماسه : راح احجيلج من البداية وبالتفصيل اسمعي مني
زين خوش
هاجر : والله خفت
ماسه : ماكو شي يخوف
هاجر : عجل
ملاك : خلي تحجي اصبري
ماسه : انتي تعرفين اني من الانبار محمد جان عندو
شغل هناك وصدفه شفته وشافني حبينه بعض من اول
نظره اجه خطبني واهلي سئلو علي وافقو تزوجنه بداية
الزواج ابد ماجنَ متفاهمين وكل يوم مشاكل وجانت
عمتي تسوي مشاكل وتحجي براسه ويجي يضربني
او تحجي شي ماصار حتى يضربني هذا الشي مو بس
اني جنت اعاني منه
هاجر : عجل منو هم
ماسه : غالية واختها نفس العذاب وهذا كله لان نحنا
غريبات
هاجر : ليش تعاملكم هيج الغريبة شنو ذنبها
ماسه : من اكمل قصتي اكلج على قصة الغريبه
هاجر : كملي
ماسه : شهر وحبلت ب رشا تخيلي ضرب وهيا اجت بعد
التعب والضرب بس مابيها شي الحمدلله كبرت صار عمرها 5 سنوات بيوم جنَ نتعارك نفس كل يوم مدري
شلون وطلعت منه كلمة طالك طلكني خابرت اخوي اجه
اخذني محمد حاول شهرين علمود يرجعوني واهلي قافلين انت طلكتها
رشا : تعذبت على غياب امي حيل رغم جنت مدلله بس جنت احتاجج
ماسه : محمد مل منهم وبيوم اجانه للمزرعه واني جنت
هناك واجه يحجي وياي ويقنعني ارجع رفضت ارجع للعذاب وحاولت حتى اخذ بنتي رفض انو يسمع مني وبوكتها اغتصبني وهو مطلكني بعد ثلاث شهور عرفت
نفسي حامل وعمر الطفل ثلاث اشهر بعد عناء تسع اشهر
اجه الطفل
هاجر : وعمي مايعرف
ماسه : لا رفضت اكول اله لان راح ياخذ الطفل مني
هاجر : والطفل هو تميم
ماسه : اي تميم تربة يمي ثلاث سنين بعدها مدري شلون
محمد عرف واني اشك بمرة اخوي هيا كالتله المهم اخذ
ابني اخواني كالو خلي ياخذه يربه يم ابو تعبت على فراك ابني وبنتي ماشفتها ثلاث سنوات ونص كل يوم الوم نفسي لو ساكته ماجان اهلي رفضو يرجعوني تعذبت على فراك ولدي جنت اتوسل بيهم اريد خبر حاولت اقنعهم ارجع بس رفضو
رشا : تعبنه يمه تعبنه بعدج كلش هواي
ماسه : بوكتها ابني تربة على الدلال على انو كلشي يريده يجي شنو يطلب يحضر ابني مو نفسه الي ربيته
تغير صار نسخه من محمد خفت على مستقبل ابني بعد تعب 6 سنوات كدرت اتواصل ويا محمد وكتله اني موافقه ارجع بس خواني مايقبلون
تحجي وتبجي كطعت كلبي اخذت نفس واردفت
ماسه : اجه ورجعني ابني مايريدني ابد جان ينام يم
راوية يحب عمتي والي جان يكرهني وراوية تعلمه عليه
تكله هاي عافتك وفضلت نفسها عليكم اختارت ساعدتها علمود تضحي بيكم وابني وبنتي كرهوني تعبت فوك تعبي وبوقتها حبلت ب ملاك اجت ملاك وجان تميم يضوج منها ويكرها
مسحت دموعها ورجعت اردفت
ماسه : جان يكلي راح تاخذيها وتعوفينه اني ورشا جنت اقنع بي انو ماراح يصير هيج وبيبي غلطانه بس هيا جان الها تأثير على ابني تميم سنتين ماينطيني وجه صار عمر ابني 11 سنه بهاي السنين ابني بعيد عني يفضل بيبي عليه جان يتعارك ويا الولد جان يكول اني ابن حرام
جانو يكولوله انت ابن حرام ماجان عنده اصدقاء بالمدرسة كل يوم يرجع لو كاتل لو مكتول واجي اخاف
علي اريد اداوي جروحه يدفعني ويسمعني كلام مو حلو
رشا : كافي يمه
ماسه : من حقها تعرف مااريد تعوف ابني ابني تعب مااريد يرجع يتعب ماعاش مثل الاوام عاش كل حياته
على الكره وعلى حب الذات صار نسخه من محمد هَتان
جان يدلله وياخذه وين مايروح ومحمد نفس الشي بين عباس وتميم ثلاث سنوات جان عباس يتيم يريد يكعد
يم جده جان تميم يمنعه وجان يتعارك ويا ويضل يكله انت يتيم وعباس يكله انت ابن حرام
سمعنا صوت تميم راحت ملاك علي وعمتي رجعت اردفت
ماسه : جان يرجع يبجي يكول لابو ليش اني ابن حرام وهو لا ليش يكلولي هاي الكلمه شنو معناها فهم ونضج قبل وقته بسبب ابو بقه تميم على هاي الحال لحد ماتعرف عليج تغير صار يظهر حنيته
هاجر : وايمتا تقبلج
ماسه : لحد ماصار عمره 13 كعدت حجيتله على كل
الي صار بحياتي واقتنع وصار يميل الي
هاجر : كل هذا صار
ماسه : جان يلوم ابو على افعاله جان يكره يصير نفس
ابو وجان دائماً يكول اني مااضرب مرتي ادللها احبها
بس القدر جان اله رأي اخر
هاجر : معرف شنو اكول
ماسه : مااريد تكولين شي سامحي ابني ارجعي ويا
اذا مو علموده علمود الطفل لا يتعذب نفس عذاب تميم
هاجر : ان شاءالله
ماسه : اما سالفة الغريبه هم حزينه ومااريد تكرهين راوية لان هيا هم نظلمت نفسنه
هاجر : شلون
ماسه : راوية قبل ماتزوج تقدم الها ابن عمها بس هيا
رفضت وفضلت الغريب صاحب السلطه على ابن عمها
بس هَتان جان يعذبها ويضربها ويهين بيها عاشت نفسنه
بكلشي ولهذا السبب ماتريد غريبه تريد الكرايب تخاف على حفيداتها من الغربة لان ماتريد يصير بيهن مثل ماصار بيها وماكو حل غير انو يزوجون حفايدها
وهاي مختصر عن قسوة هَتان ولده واحفاده
هاجر : خطيه نحنا نكرها بس مانعرف شنو صار معاها
ماسه : شنو قررتي
هاجر : خايفه
ماسه : انطيج وعد ابني مايمد ايده عليج ابد واذا مدها اني اكسرها واخلي يطلكج بس لا تكسرين كلبه لاترجعين تكسرين ابني
هاجر : راح اعتبر كلامج هو الدليل على انو مايعيدها
ماسه : كلامي دليل الج
هاجر : راح اسامحه وارجع
كامت واجت يمي باستني وكالت
ماسه : ماانسى معروفج
هاجر : انتي امي الي تكولي يصير
ماسه : اطلعي فرحي ابني
هزيت راسي ب اي وطلعت فوك جنت خايفه ومتوتره
من رد فعله دخلت جان نايم تقربت على السرير حاط
ايده على عيونه ونايم على ظهره وصدره عاري همست
هاجر : تميم
مارد خليت ايدي على ايده الي حاطها على عيونه وكلت
هاجر : تميم
وخر ايده من عيونه وبقه صافن عليه رجع غمض عيونه
وفتحها بقوة كال
تميم : شجابج
هاجر : رجعت
تعدل وسحبني من ايدي وكعت بحضنه كلت
هاجر : حباب خلي اكوم اكعد يمك والله
تميم : اششش واخيراً رجعتي ليش كلتي ماارجع
هاجر : عرفت شكد احبك ومااكدر اتخلى عنك وهم علمود ابني الي جاي مااريد يعيش بدون اب
اخذني بحضنه ويستنشق عطري ويهمس بكلامات حب
بعدها كال
تميم : والله اعوضج عن كلشي مااخليج تندمين لان رجعتي
ابتسمت كال
تميم : عطشان رويني
اخذ شفايفي بين شفايفه عشت ليله حلوة رومانسيه
مليئه بالحب كعدنا ثاني يوم على صوت عمه ماسه
نزلنا نتريك عمي فرحان بجيتي وكل شويه يسمعني
كلام حلو تميم مو مصدك رجعت وسامحته رشا فرحانه
لوجودي ولفرح اخوها ملاك ماسامحتها راح عمي على
الشغل وتميم اصر يروح ويا رغم هو مريض بس فرحان
عمه كالت
ماسه : ملاك وهاجر تصالحو مااريد مشاكل بالبيت يلا
تصالحنه اني وملاك رشا زعلانه يم اهلها هما يسوون غده واني العب ويا دانيال وكل شويه عمه تصيح عليه وتكول
ماسه : على كيفج انتي حامل
اجه اتصال على عمه راحت ترد شويه ورجعت كالت
ماسه : عوفن كلشي وروحن بدلن هسه شويه ويجي تميم ياخذنا راح نروح لبيت ادريان راح توصل ميرال
بعد شويه يلا بسرعة
اهو هم راح تجي حوراء شكد اكرها بدلنا وكملنا وانتظرنا
تميم يجي اجه وصعد للغرفة صعدت ويا كال
تميم : حضريلي ملابس اخذ دوش سريع
هاجر : بكيفي لو اكو شي معين
تميم : بكيفج
طلعت ملابس خليتهن على السرير ورحت كعدت طلع
تميم لابس منشفة على خصرو والثانيه ينشف شعرو
بيها ابتسمت رد الابتسامه لعبة نفسي ورحت اتقيئ
ذبيت كلش بطني اجه تميم خايف عليه كال
تميم : كومي نروح للدكتورة بسرعه
هاجر : مابيه شي هاي مال بداية الحمل لازم هيج يصير
كمل تميم وطلعنا لبيت عمو ادريان وصلنا ونزلنا دخلنا
سلمت جانو واصلين بيت عمه ميرال من وصلت يم حوراء عفتها ورحت وهيا مصدومه تميم رفع حاجبه
بمعنى ليش سويتي هيج غلست اجه يمي كال
تميم : بلا تصرفات الزعاطيط
هاجر : خاف تزعل عليها
تميم : شكد تحبين المشاكل
هاجر : تمشي بدمي
تميم : من نرجع اسويلج مشكله بس على طريقتي
كمل كلامه وغمز كلت
هاجر : ادبسزز اشو صاير ماتستحي
تميم : شكو واحد كايلج اني استحي هذا جذاب وابن
نعال هم
هاجر : محد كال لان كلهم يعرفون انت ماتستحي
تميم : شهادة اعتز بيها
عفته ورحت اساعدهم تغدينه وكملنا تعزيل وكلشي
زهراء كالت
زهراء : امشو على غرفتي نسولف شعدنا باقيين ويا العجايز
ملاك : اصبري انادي لمار واجي
صعدنا على غرفتها شويه واجت لمار وملاك شكد احب
لمار هادئه معليها بأحد ولا تدخل بشي مايخصها كاعدين
نسولف ودخلن حوراء وزينب كالت حوارء
حوراء : اني جيت حتى اصالحكم
زهراء : منو كلج حابين نصالح
حوراء : مااعرف ليش تكرهوني والله مامسويتلجن شي
هاجر : سؤال وبس تجاوبين علي بصراحه اصالح
حوراء : شنو السؤال
هاجر : هسه لو بنت عم ميدو تضل تلزك بي وشويه
وتكعد بحضنه ومن تشوفه تحضن بي وتبوسه تقبلين
حوراء : طبعاً مااقبل
هاجر : عجل اشون تريدين نحنا نقبل
حوراء : بس هما اخواني ترا كل الولد خواني مو بس
تميم وامير
هاجر : مايهمني صيري اختهم كلهم بس عوفني تميم
عوفي زوجي وبعدها نصالج واذا تضلين هيج اسويلج
مشاكل
زينب : اي يطلع منج كلشي
هاجر : اذا تعرفين يطلع مني كلشي بعدن عن زوجي
زينب : ترا نعرف تميم من جان هلكد ومانعوفه خوش
هاجر : انتي الحيه الج جتله هم لا عبالج ساكته بس علمود الطفل الي بطني
حوراء : انتييي حامللل صدكككك
حسيتها فرحت هواي واجت حضنتني انصدمت بعدت عني وكالت
حوراء : الف مبروك حبيبتي يربه بعزكم
زينب : الف مبروك
حوراء : عجيب ليش تميم ماكالي
هاجر : مايحجي وياج بعد علمودي
حوراء : خوش عندي حل بس احجي وياهم من بعيد خوش
هاجر : اوكي ميخالف
زينب : شبيج تسمعين كلامهن انتي ثوله بعدين منو
هنَ حتى تسمعين كلامهن من قبل انتو هيج ليش هسه
تغيرين
هاجر : كافي عاد احترمي نفسج ترا كوه ساكتتلج
زينب : لابله خفت
كمت وضربتها براشدي ولزمت شعرها وكلت
هاجر : اذا بعد تحجين وياي شي مايعجبني اطلع بروحج
لا عبالج هينه واسكت والله اكرهج عيشتج حلي عني
خوش
لمار طلعت تصيح تميم لان نتعارك رجعت هيا وتميم
تميم بس شافني لازمه شعرها بعدني عنها وكال
تميم : زعاطيط انتو شبقيتو للزعاطيط مو كلت مااريد
مشاكل
هاجر : هيا تحجي كلام اكبر من راسها
تميم : بدون مشاكل
زينب : شوف شنو سوت بيه تسكت الها
تميم : شنو اسويلها يعني
زينب : هذيج المره شسويت بيها وهسه ماتحجي شي
تميم : بسبب السحر مو تصرفاتي اني مااضرب مره
زينب : لا عبالك هيا مسويتلك سحر
هاجر : اي مسويه سحر انت شعليج شكو ضايجه
همس بذني
تميم : ها ملعونه واكول ليش هيج احبها طلع سحر
ضحكت وهما صافنين علينه كال
تميم : الكل يسمع مااريد مشاكللللل مفهومممم
عافنه ونزل حوراء كالت
حوراء : اني مثل ماوعدتكم
صالحناها وكعدنا نسولف شويه وندفر الباب كلبي صار
بطني من الخوف دخل كرار معصب وراح لزم ميار ويعيط بوجها ونحنا مو فاهمين شي مسكت ايدو اهدي
بي وهو مايسمع دخل تميم شافني سحب ايدي من كرار
وحضني بقوة وكال
تميم : ملاك شال بسرعة
انتبهت النفسي ماحاطه شال على راسي انطتني شال
ملاك خليته على راسه وتميم معصب كرار سحل ميار
لجوه ويفشر عليها نزلنا وراهم وماندري شكو امير سحب ميار من كرار وكال
امير : شنو مسويه غير ندري شكو تضربها
كرار : هيا و رأكان القندرة على علاقه
امير : شعرفك
كرار : جنت اني و رأكان بالديوان نعزله كال طالع اشرب مي واجي راح واجت مسجات على تلفونه هواي صار عندي فضول اعرف وشفتها من اختي تسئل وينه تريد تشوفه
امير : هذا الحجي صحححح
ميار ساكته رجع كال
امير : سئلتج هذا الحجي صححح
بالكوة طلعت منها
ميار : صح
امير : وين القندرة وين راح
كرار : رجع شاف التلفون بيدي واني مصدوم كتله شعندك ويا اختي وشرد مدري وين راح
تميم : يرجع قابل وين يروح ماله احد بــ بغداد
تميم : شكد صارلج ويا
هيا ساكته رجع عاط بيها
تميم : شكددد صارلججج وياااااا
ميار : سنتين
امير : منو يعرف بعلاقتكم
ميار : كل البنات
امير : حددي
اني خفت ولزمت ايد زهراء خاف تكول نحنا كالت
ميار : حوراء و زينب و لمار و ملاك و مريم و زهراء
امير : بسس
ميار : اي
تميم : ومرتي ماتعرف
ميار : شلون هاجر هم تعرف
دحك عليه وعيونه حمر تخوف ويخرز بيه نزلت عيوني
وكلت
هاجر : هاي اخرتنه
راوية : طبعاً شلون مرتك ماتعرف غير هيا الحيه كوبره
هاجر : أي مشكله تصير حطوها براسي
راوية : شوف شكد صلفه
هاجر : انتي تتهميني اني اشعليه اصلا من سنتين ماجنت اعرفها هو اني صارلي مزوجه اربع شهور شعرفني
راوية : انتي وهاي الحيه زهراء وبنت خالتها معلمينها
زهراء : شنو معلميها شعلينه نحنا
راوية : لعد منو معلمها غيرجن
هاجر : اذا حجيت ويا تميم مو معناها اعلم الكل خلي نيتج صافيه عيب عليج شوفي اشكبرج استحي على شيبتج
تميم : هاجرررررررر
سكتت وهيا صارت تبجي وكالت
راوية : شوف مرتك شلون تعاملني
تميم : هاجر روحي لغرفة امير بسرعةةةة
رحت لغرفة امير وميته خوف شويه واجه تميم سد
الباب وكال
تميم : ليش ماكلتيلي ليششش
هاجر : خفت عليها والله
تقرب مني حطيت ايدي على وجهي حتى امنع الضربه
اذا تجي على وجهي هو وخر ايدي وكال
تميم : اني مو تميم الي جنت اضربج مو زلمه اذا اضربج
انتي روحي احد يأذي روحه
بقيت ارجف خايفه كلت
هاجر : اني معليه والله
تميم : ليش ماكلتيلي
هاجر : خفت عليها والله ماكدرت اكول خاف تضربوها
تميم : ماعلينه كلشي بين هسه تنزلين تعتذرين من راوية كدام الكل
هاجر : لا بله
تميم : كلت تعتذرين
هاجر : شكو اعتذر ترا هيا بدت
تميم : كلت تعتذرين
هاجر : مااريد
عاط بيه
تميم : تعتذريننننننننن
نزلت دموعي من الخوف لزم وجهي بثنين ايدي ومسح
دموعي وكال
تميم : دمعتج تسوه الكون والمبجيج مو زلمَه
ابتسمت رجع كال
تميم : يلا حبيبي اسمعي الكلام وانزلي اعتذري منها
هاجر : مااا اني ماغلطت بحقها
ضرب باب الكنتور وكال
تميم : لا تجننيني انزلي اعتذري
هاجر : اي
تميم : يلا كدامي
نزلت كدامه رحت يم بيبي وكلت
هاجر : اني اعتذر عن الكلام الي كلته
راوية : كوبره ماتتواخذين
دحكت على تميم وخزرتو وهو ضحك بصوت عالي
مدري شلون واندفع رأكان كدامنا وكع وجهو كلو دم
ورا كرار وحمزه تميم راح علي ركض وكال
تميم : هاي شمسوين بي
كرار : لان صاحبك تخاف علي
تميم : لك حيوان مو هيج تنحل
كرار : انت اخر واحد تحجي خوش اذكرك شنو سويت
بــ علي
سكت تميم وعمه ميرال نزلت على ابنها وتبجي كالت
ميرال : الله لا يوفقكم ولكم جيتنه ل هنا علمود نخطبها
كرار : مانريد نسبكم
أركان : احجي ويا امي زين فهمت
كرار : لا بله اذا مااحجي شيصير
أركان : تصير مو زينه
كرار : اعلى مابخيلك اركبه
هجم أركان على كرار وصارو يتعاركون تميم وامير يفكون
بينهم اول مره اشوفهم يتعاركون لان الكل يعرف انو كرار
و أركان كلش مقربين وماتصير بينهم مشاكل بس هسه
صارت
تميم : كافي ثيران انتو جاي تكللكم نخطبها يعقد عليها
وفضت وانتهت
كرار : على موتي
تميم : ماتموت احد كاضبك اسمعني زين رأكان يعقد عليها ومحد يفتح حلكه بحرف
كرار : ولك انت شسويت من عرفت بــ اختك وعلي هسه تريد نحنا ننجب ونسكت
تميم : اييي وشصاررر مووو عقددد عليهااا غصباًااا علييي
كرار : اي غصب عنك مو عني
دخلو عمو ادريس وعمو ادريان خايفين كال
ادريس : اصواتكم عاليه شبيكم
كرار : رأكان يحجي ويا ميار بالتلفون وبينهم علاقه
عمو ادريس نصدم عمو ادريان كال
ادريان : ومن كل عقلك تنحل بالضرب انت حيوان يعقد
عليها وفضت
كرار : يسخي
ادريان : انت تخسي تميم وامير اخذو للمستشفى
امير وتميم اخذو رأكان للمستشفى خابرو هَتان يحلها
اجه معصب ورزل كرار وكال
هَتان : يزوجون مفهوم كلامي مايصير ثنين
كرار : مانريدهههه شنيييي كوهههه
هَتان : صوتكككك حيوان انت مجاي تحجي ويا واحد
بعمرك اني جدك رأكان وميار يعقدون واذا اسمع واحد
يعارض اشكه خوش كرار
الكل خايفين على رأكان شويه ورجعو وايده مجبسه
وتميم يشاقه ودخلو يضحكون هَتان كال
هَتان : تعالي ابني
راح رأكان يمه وكال
هَتان : مو عيب عليك تحجي وياها ليش مااجيت وخطبتها فوراً
رأكان : جانت زغيرة وكل ضني ماينطوها
هَتان : ميخالف تحجزها
رأكان : جدي هسه وكفت عليه اشو كلهم مزوجين عن
حب هاي عندك تميم اخذها من الموصل بعد شكو
هَتان : صدك تميم
تميم : اي
هَتان : وشلون انطوك ياها
تميم : متت الف موته بين مااخذتها تخيل حاطين السلاح براسها حتى ترفضني
هَتان : والله انتي كفو
ابتسمت رجع كال
هَتان : رأكان وليدي راح نعقد الكم باجر خوش
رأكان : الي تشوفه مناسب سوي واني اعتذر من خالي
ادريس كلش اسف منك
ادريس : انت هم ابني ولا يهمك
خلص الوقت ورجعنا للبيت جنت تعبانه مدري خايفه
تمددت واجه تميم تمدد يمي حط راسو على رجلي
خليت ايدي على راسو وبديت العب بشعرو كال
تميم : ليش ماكلتيلي عاجبج الي صار بـيهم
هاجر : والله عبالي تعرف لان زهراء يوم الي كلتلي
كالت اكيد امير وتميم يعرفون لان قريبين من رأكان
تميم : اممم
رجع كال
تميم : صايرة حلوة بزيادة
هاجر : عيونك الحلوة هيا تشوفني حلوة اريد الطفل
يصير عيونه نفسك
تميم : رُموشُ عَينّيها أجنحة فَراشات
ابتسمت وكلت
هاجر : كلامك يدخل بنص كلبي
تميم : يلا دورج ابهريني
هاجر : أعشقُك عشق ك مريض، لايستطيع التعافي من
عشقك
تميم : كلامج مو بس دخل بكلبي دخل باحشائي
هاجر : اذا جانت بنت شنو تسميها واذا جان ولد شنو
تسمي
تميم : سؤال حلو باعي اذا بنت بصراحه مو مقرر بس
اذا ولد اريد هَتان
هاجر : ليش هَتان مو محمد على اسم ابوك
تميم : باعي هسه طبيعي احب ابوي بس هَتان كلش
متعلق بي جنت حتى انام يمهم اغلب الوقت ماجنت
احب بيتنه جان بي هواي مشاكل
جنت حابه هو يعترف كلت
هاجر : مثل شنو يعني
تميم : مشاكل حالها حال المشاكل الباقيه
فقدت الامل انو يحجيلي كلت
هاجر : خلي نام تعبت
نمنا كعدت الصبح على صوت دانيال اول مره هو يجي
يكعدنا كال
دانيال : يلا كومو شكد كسلانين
تميم : خلصت من علي يجي دانيال
دانيال : ليش بشنو زاعجيك عيني
تميم : لا ابد جعل محد يزعجني غيرك
اخذه بحضنه ويحجي ويا طبعاً تميم مايعرف رشا زعلانه لان زوجها ضاربها كالولو مشكله بين نيرال وهيا كال
دانيال : ليش ماحاسبت ابوي
تميم : ليش احاسبه
دانيال : انت مو كلت هذيج المره اذا سجاد يمد ايده
على امي تكسرها ليش ماتكسرها غير تنفذ كلامك
تميم : بس ابوك بطل يضرب امك
دانيال : لا منو كالك هو ضربها قبل لا نجي هنا
تميم : شنوووو شنوووو عيددددد
دانيال : هو ضربها والله وهيا طلعت من هناك تبجي حتى بيبي كالتلها ماتاخذين دانيال بس هيا اخذتني غصب عنهم
تميم : وخر شويه رشااااااااا
عافه ونزل واني بسرعة لبست دشداشه طويله ونزلت
ركض وجنت راح اوكع على الدرج شفته يعيط عليها
كال
تميم : ليش ماكلتي شلون اسمع من دانيال بس فهميني
رشا : دانيال جذاب
تميم : طفل شلون يجذببب انتي جذابههههه احجيييي
ضاربجججج ابن النعل
ماسه : اهدئ يمه يبقى زوجها
تميم : واذا نعلها شنو يعني هيا تايها ويضربها
طلع لفوك ونزل لابس تراك وطلع ونحنا نعيط ورا ومايرد
حيل خفنه بعد ساعة تقريباً خابرت نيرال وتفشر على
عمه ماسه وعلى رشا سجاد مكسورة رجله ورايحين بي
للدكتور وخشمه نزيف بي بعد ساعه رجع تميم وايده دم
راح يم رشا وكال
تميم : هذا دمه النكس وأي واحد يمد ايده عليجن ماعاش اشرب دمه
راح يغسل اجه عمي معصب كال
محمد : شلون تضرب ابن عمتك هيج
تميم : مثل مايضرب اختي اضربه
انصدم من سمع انو سجاد ضارب رشا كال
محمد : بس نيرال ماكالت هيج
تميم : الله يعلم شنو كالت وشنو حجت اكيد حجت شي صار وشي ماصار
محمد : وانتي شكو ساكته ماتكولين ناخذ حقج
ماسه : ليش تاخذ حقها هيا تعاني بسببك وبسبب ابنك
مثل ماضربتو بنات الناس الله ردها ببنتكم ليش على نسوانكم تقبلون وعلى بناتكم لا ليش شنو الفرق بينهن
محمد : كافيييي اسكتيييي
تميم : يمه كافييي
ماسه : مو كافي كافي اسكت تعبت منك ومن ابنك
نفس النسخه حتى انت جنت اتأمل تطلع غير ابوك
وماتصير نفسه وانت لا شنو جان يسوي محمد تسوي
نفسه صاير نسخه عنه
تميم : كافيييييييي موووو نفسههه انييي
ماسه : ليش تبخي ليش تخاف تعترف تخاف هاجر تعوفك لا ماتعوفك هيا تعرف كلشي اصلا لا تخاف
ماراح تعوفك
تميم : شنوووو تعرفففففف
ماسه : عن كل ماضيك وماضي ابوك وماضي جدك
الي واحد اقذر من الثاني عبالك هيج نسكت لا ماعاد
اسكت وهسه اروح لهلي
محمد : مالججج طلعهههه منننن البيتتت
تميم : هاجررر شنوووو تعرفففف بالضبطططط
ماسه : تعرف الشييي الييي انتتت خايفففف منهههه الييي تعيرررر نفسكككك بييييي اليييي تكرههه احددد
يكولهههه الكككك انوووو انتتتت ابننننن حرامممم انتت
مو هيجججج انييييي امككككك وهذااا نفسههه وابوككك
شلونننن تقتنععع بيهااا صدكتتت راويةةة وجذبهاااا الكك
تميم : انيييي مووو ابنننن حرامممم موووو مقتنععع بيهاااا شكوووو واحددد يكلججج هيج هوو *****
مو مقتنععععع كافييييي تعيدوهااااا اجيتتتت بغلطططط
منكممم تحملتتتت كلاممم الناسسسس اليييي ماليييي
ذنببب بييييي انتييييي وهذاااا السببببب بييييي موووو انيييي
وكع ركضنه علي وعمه تدعي على نفسها محمد كال
محمد : هسههه صرتييي خايفههه عليييي ابنييي اذاااا
صارررر بييي شيييي انهيجججج
عمو محمد شاله وراح ركضت ورا كلت
هاجر : ابوس ايدككك بس انتظرنييي اجييي
محمد : بسرعةةة
بدلت بسرعة ونزلت جانو عمتي والبنات مكملين نزلت ركض رحنا للمستشفى وبقينه ننتظر طلع الدكتور رحنا علي كلنا كال
الدكتور : لا تخافون بس ارتفع ضغطه يحتاج راحه
هاجر : عادي اشوفه
الدكتور : انطيته ابرة مهدء شويه وادخلي بس يصحه
بقينه ننتظر ساعتين بين ماكعد من كعد دخلنا كلنا وعمه
تعتذر منه وتبوس بي وهو صافن عليه واني احاول ابعد
نظري عنه واباوع بكل الغرفة ماجنت اريده يعرف جنت
اريد هو يكلي بس عمتي خربت كلشي بوقت عصبيه
ماطلع منه غير كلمة
تميم : طلعوني
عمو محمد سوى اوراق خروج طلعنا رجعنا للبيت راح
للغرفة خفت اروح ويا عمه كالت
ماسه : يحتاجج روحي
طلعت ورا جان مدد كلت
هاجر : سلامتك حبيبي
مارد عليه كلت
هاجر : شبيك حبيبي
عاط بوجهي وكال
تميم : تعرفيننن كلشييي وتسوينننن نفسجججج ثولةةة
وكاعدهههه تسألينننن.
هاجر : بس اسمعني والله جنت اريد اعرف منك ماجنت
اريد تعرف انو اني اعرف
تميم : بعددد شنوووو باقيهههه وياييييي لانننن متعاطفهههه ويايييي مووو
هاجر : لا والله مو هيج
تميم : اطلعييي برااااا يلاااا براااا
طلعت ودموعي تنزل كعدت على الدرج ابجي شنو سويت
اني شعليه حتى هيج يعصب مني هدئت وكمت نزلت
عمه كالت
ماسه : شصار
هاجر : طردني
ماسه : ميخالف يمه معصب
هزيت راسي وكعدت على الكرسي حسيت بدوخه وبطني
صارت توجعني عمه كالت
ماسه : بيج شي
هاجر : تعبانه
ماسه : كومي نروح للدكتورة صارلج زمان مارحتي عليها
خلي تنطيج علاج مثبت اشياء تفيد الطفل
كمت وياها وهيا خابرت كرار شويه واجه اخذنا ورحنا
كال
كرار : شبي تميم
ماسه : عرف انو هاجر عرفت ماضي
كرار : واذا شبيها هو ليش هيج مزودها
ماسه : من زمان مايحب يحجي بي
كرار : ماصار شي كم يوم ويرجع طبيعي
نزلنا وكرار وكفني وكال
كرار : ادري مو وكتها هسه بس شصار بموضوع ديانا
هاجر : صرت اعز من اختها يعني تحجيلي كلشي وهيا
مغمضه
كرار : من تفض هاي المشكله احجي وياها وكلليها اني
كرايب كرار واقنعيها بيه
هاجر : تدلل اصلا اني جنت مفكره اكلك هيج وهيا هسه
صارت تسمع مني
كرار : احلة هدية الج اذا تصير
اجت عمه كالت
ماسه : يلا شبيج واكفه تحجين ويا
هاجر : جان يسئلني عن حال تميم
دخلنا للدكتورة وانطتني علاج وكالت
الدكتورة : تحتاجين راحه طويله وركض ممنوع تركضين
ممنوع تشيلين شي ثكيل بصراحه وضع الطفل مايطمن ابد اذا ماتردين تخسري انتبهي النفسج خوش
هزيت براسي وطلعنا عمه كالت
ماسه : سمعتي ماكو ركض وشغل تضلين متمدده
هاجر : اي
رجعنا للبيت شفت رشا وملاك يحضرون العشه كلت
هاجر : تميم ماسئل عني
رشا : لا
رحت لغرفة ملاك وتمددت شويه وغفيت كعدت على
صوت ملاك تكعدني كالت
ملاك : كومي عدلي نومتج مو زين هيج تنامين على بطنج
هزيت راسي حتى مالي طاقه احجي اجت عمه كالت
ماسه : كومي اكلي يلا
كمت وياها اكلت شويه وكمت اخذت علاجات ورجعت
كلت
هاجر : تميم اكل
ماسه : لا رفض ياكل
هاجر : رشا راح اتعبج حضري صيني اني اخذها اله
ماسه : خاف يحجي شي يضوجج
هاجر : عادي
حضرت الصيني وهيا شالتها ومن وصلنا باب الغرفة انطتني ياها وفتحت الباب شويه وعافته وراحت دخلت
سديت الباب برجلي نسد قوي فز تميم شافني وكال
تميم : مووو كلتت مااريددد اتزقنبببب
هاجر : اكل وخلي نتفاهم حباب
تميم : اخذي الاكل واطلي برااا يلا
هاجر : تميم خلي نحجي شبيك
تميم : اعتقد كلت براا ماتسمعين
هاجر : مو بكيفك
كعدت يمه كال
تميم : اذا تمشين بالعناد ف اسوي نفسج
هاجر : مو عناد بس مايصير بعدك ماماكل من الريوك
بس اكل وخلي نتفاهم
تميم : مااريد شلون هسه
هاجر : اني اطعمك ترد ايدي
تميم : هاجر مااريد اضوجج ولا اريد ازعلج عوفيني
هاجر : ضوجني زعلني المهم افهمك
تميم : شنو افهم يعني
هاجر : عمه من حجتلي علمود اعرف شكد انت تعبت
بحياتك وشكد تستاهل الراحه هيا ماكالتلي هيج حتى
تضوجك بالعكس حتى تخليني ارجع
تميم : يعني رجعتي شفقه مو برضاج
هاجر : لا والله رجعت برضاي اني احبك والله مااكدر
اعيش بدونك حاربت الكل علمودك ولو ينعاد الزمن هم احارب لا عبالك اذا عرفت شي عن ماضيك راح اعوفك
انت ابو ابني مستحيل اعوفك وانت قبل لا تكون ابو ابني انت حبيبي وحياتي وعمري وروحي وكل دنيتي
اخذني بحضنه وباس راسي وكال
تميم : واني احبج واموت عليج باع يلوموني لان
احبج خاب انعل ابو شكو واحد يلومني بس انتي مضايجه من انو زوجج ابن حرام
حطيت اصبعي على شفتو وكلت
هاجر : اششش انت مو هيج والي صار غلط بس عادي
هما مزوجين ولا تنسى رجعو يعني انت مو هيج
تميم : جعل مانحرم منج
هاجر : ولا اني
كعدت اوكله بيدي كمل ساعدته وراح للحمام غسل ورجع
تمدد وفتح ايده وكال
تميم : تعالي لمكانج
رحت تمددت على ايده حضني وكال
تميم : احبج وطمعان بيج ولغيري مااخليج
ابتمست وكلت
هاجر : وانت هم لغيري متصير واذا صرت اموتك
تميم : شتعلو اهلج مسترجله
هاجر : عوف اهلي
تميم : اصلا الف رحمه على والديهم لان خلفوج
نمنا وكعدنا ثاني يوم على صوت رشا
- يتبع الفصل التالي اضغط على (رواية قسوة احفاد ال هتان) اسم الرواية