رواية رهف الجاسر الفصل الثالث 3 - بقلم اية محمد
رهف الجاسر
البارت3
فريد:وانا عارف ان مستقبلى موجود وبيكبر كمان صح يلا سلام بقى.
جاسر:استنى عندك انا مخلصتش كلامى ومش دا الموضوع اللى كنت عايزك فيه اصلا.
فريد:طب ممكن نأجل كلام لحد ما ارجع بليل علشان انا متاخر دلوقتى
جاسر:بليل ايه يابو بليل انت بترجع وش الفجر بنكون كلنا نايمين انت فاكر انى نايم على ودانى ومش عارف حاجه انا بس اللى سيبك علشان مش فاضيلك الفتره دى وبعدين هما كلمتين احترم نفسك مع بنت عمك.
فريد:احترم نفسي،ازاى يعنى وانا عملتلها حاجه.
جاسر:يعنى مينفعش تحضنها تانى خلى فى حدود فى المعامله بينكم دى خلاص هتقيم هنا وانا مش عايز وجع دماغ.
فريد:لا والله
حدود ليه يعنى مهى بنت عمى انا مش فاهم ايه المشكله.
جاسر:بنت عمك دى كبرت يبقى مينفعش تتعامل معاها على اساس انها لسه صغيره وكدا وخصوصا ان انتم سنكم قريب من بعض مفهوم.
فريد:انت مكبر الموضوع اوى هى فعلا اختى الصغيره وبتصرف على اساس كدا مليش دعوه انا بقى بعقدك دى وعقليتك اللى مش عايزة تتطور.
جاسر بعصبية:احترم نفسك ومتنساش انى اكون اخوك الكبير واللى انا قولت عليه يتنفذ ولو شوفت تجاوز تانى انت حر مفهوم.
فريد بزهق:ماشي مفهوم فيه حاجه تانى ولا امشي
وسابه ومشي.
تحبيه عليا ي جدعان انا نسيت اعرفكم ع الشخصيات ☺️
(زين ثابت كبير عيله ثابت صاحب اكبر شركه عقارات فى مصر والشرق الاوسط
.رهف حفيدة زين ثابت بنت ابنه محمود المريض بسرطان الرئه وحالته متاخره عندها 17 سنه شعرها بنى طويل وعيونها رصاصي وملامحها طفوليه وبشرتها بيضاءوالدها ووالدتها انفصلو والدتها تزوجت من شخص اخر ياسين المنشاوى وعنده ابن وائل المنشاوى شاب عنده 21 سنه كان بيضايق رهف زى ما كان واضح فى سابق الاحداث
جاسر حفيد زين ثابت من ابنه الكبير الله يرحمه هاشم شاب عنده 28 سنه طويل جسده رياضي وشعره اسود وكثيف وعيونه بنيه وقمحى البشره وهو مدير شركه ثابت للعقارات واخوه فريد22سنه طويل جسده رياضي لكنه مستهتر عديم المسئوليه
نرمين والده جاسر وفريد شخصيه طماعه وانانيه)
دخل جاسر المنزل ودخل على جده المكتب.
جاسر:خلاص ياجدو انا كلمت كذا مدرسه هيردو عليا فى اقرب وقت وموضوع الحساب دا بكرا حد هيجى من البنك علشان عمى لازم يمضي على شويه اوراق تخص الموضوع دا.
زين:ماشي يابنى كتر خيرك.
جاسر:مالك ياجدو ايه اللى مضايقك انا قولت الابتسامه مش هتفارق وشك طالما رهف هنا.
حكاله زين على اللى قالته رهف واكد عليه انه ميفتحش الموضوع قدامها لانه حساس جدا بالنسبه ليها وهو تفاهم دا
فى غرفه رهف اخذت شاور وغيرت ملابسها ولبست فستان قصير لبعد الركبه بشويه لونه ازرق وربطت شعرها بطريقه عشوائيه وفرغت حقائبها سمعت خبط على الباب.
رهف:ادخل
زين:الجميل ازيه دلوقتى.
رهف:الحمدلله ياجدو.
زين:طب يلا بينا على الغدا.
رهف:يلا.
ونزلو على السلم وجلسو على الطاوله.
رهف:مساء الخير يامرات عمى.
نرمين:مساء النور ياحبيبتى.
زين:هو فين جاسر مش هيتغدا معانا ولا ايه.
نرمين:هو حضرتك معدتش عليه وناديته على الغدا زى رهف ولا ايه
هما الاتنين احفادك على فكره وهو الكبير وكمان هو اللى شايل الشغل كله يعنى يستحق منك التقدير اكتر من كدا ياعمى بصراحه.
زين بعصبيه:انتى مش ناويه تجبيها لبر صح
انا مش قولت ونبهت مليوون مره عليكى ماتتدخليش بينى وبين احفادى متخلنيش اوريكى الوش التانى منى يا نرمين.
على نزول جاسر.
جاسر:خير ياجماعه في ايه صوتكم عالى ليه.
نرمين بدموع تماسيح:مش عارفه ياجاسر يا ابنى جدك مش طايقلى كلمه وكمان بيزعقلى قدام اللى يسوا واللى مايسواش وهى تنظر لرهف.
زين:احترمى نفسك انتى كدا زودتيها اوى اتفضلى فوق على اوضتك ومطتلعيش منها نهائي مش عايز اشوفك النهارده سامعه واللى مش عجباكى دى حفيدتى يعنى ليها فى البيت زى ما ليكى بالظبط ويمكن زياده يبقى تتعودى عليها وعلى وجودها علشان دا هيبقى احسن ليكى واذا كنت بعديلك حاجات وبفوتها فكان علشان جاسر وفريد لكن هتسوقى فيها هتشوفى منى حاجه تانيه مفهوم
جاسر:اهدى بس ياجدو الموضوع مش مستاهل اكيد امى متقصدش اللى حضرتك بتقوله دا صح يا امى.
نرمين:لا طبعا مقصدش وانا هضايق من رهف ليه يعنى دا انا بحبها زى بنتى تمام انا كنت اقصد على الخدم كدا انا مش هعرف احكمهم ولا يسمعولى كلمه وعلى العموم انا طالعه اوضتى زى ما حضرتك طلبت
رهف:لا استنى والنبى يامرات عمى متطلعيش علشان خاطري
ياجدو هى مكنتش تقصد ومحصلش حاجه لكل دا وانتو واحشنى كلكم وعايزه نتجمع مع بعض كعيله وناكل سوا علشان خاطري ياجدو.
زين:خلاص يانرمين اقعدى محصلش حاجه وانت ياجاسر يابنى يلا اقعد علشان ناكل.
نرمين:لا معلش اتغدو انتو انا طالعه على اوضتى مليش نفس
زين:انا مش،بعيد كلامى مرتين قولت خلاص يبقى خلاص مفهوم.
جاسر مسك ايد نرمين:خلاص بقى يا امى يلا علشان نا
قعدت نرمين وهما بياكلو.
جاسر:المدرسه ردت عليا ياجدو ورهف هتكمل دراستها من اول الاسبوع اللى جاى.بس
المدرسه ليها طلبات وكدا هبعت حد يجيبهم ويجيبهم على البيت هنا.
رهف:لا معلش انا بحب اجيب حاجتى بنفسي.
جاسر:خلاص شوفى انتى عايزة تروحى امتى وانا ابعت السواق معاكى.
رهف:خلاص تمام ممكن بعد الغدا انا كدا كدا لابسه علشان كنت عايزه اجيب حاجات من برا ابقى ابعتلى ياابيه بس طلبات المدرسه علشان اجبها
جاسر:تمام.
بعد الغدا طلعت رهف لغرفتها لارتداء الكوتشي والشنطه ونزلت وسلمت على جدها وهو جالس مع جاسر بيشربو القهوه
رهف:عايز حاجه ياجدو انا طالعه.
زين:سلامتك ياحبيبتى بس متتاخريش
يكون بابا خلص الجلسه بتاعته علشان تشوفيه وخلى بالك من نفسك.
رهف:حاضر ياجدو
ممكن ياابيه تبعتلى طلبات المدرسه على فونى عقبال مااجيب رقم مصري.
جاسر:خلاص تمام ويرفع عينه ليرى رهف ويصرخ بها:ايه اللى انتى لبساه دا ياهانم وعايزة تطلعي بيه.
رهف بخوف من صوته العالى:فى ايه يا ابيه مهو فستان واسع وحلو اهو ماله بس.
جاسر:والله اخدتى بالك من انه واسع وما اخدتيش بالك من انه قصير.
رهف:هو نظامه كدا الموديل بتاعه كدا وبعدين دا مش قصير اوى يعنى حبه صغيره صح ياجدو.
زين:جاسر عنده حق يارهف انتى هنا فى مصر ياحبيبتى وفيه عادات وتقاليد معلش المرة دى اطلعى كدا وخلى بالك المره الجايه من لبسك ماشي
جاسر:معلش،ياجدو بس هى مش خارجه من البيت بالمنظر دا
يتبع....
رهف الجاسر
البارت 4
هى مش خارجه بالمنظر دا يا تطلع تغير يا اما مفيش خروج من اصله.
رهف:يوووووه بقى انا متعودتش على التحكمات والصوت العالى دا وبعدين جدو قالى اطلعى.
قام جاسر ومسك ودن رهف:شكلك نسيتى نفسك انا ابيه جاسر ولازم تسمعى الكلام وانا مبحبش اعيد كلامى مرتين فاهمه.
رهف تصوت بالم :خلاص فاهمه فاهمه.
وطلعت وهى تدبدب فى الارض من غضبها لتغير ملابسها
لترتدى فستان طويل باللون الاخضر وكوتشي وشنطه بيضاء وما زادها اللون الا جمالا واشراقه.
ونزلت وتقول:ها حلو كدا ولا فيه كلام تانى.
زين:زى القمر ياحبيبتى.
جاسر:ايوة كدا حلو
رهف:ممكن بقى تبعتلى طلبات المدرسه علشان الحق اروح واجى.
جاسر:لا.
رهف:يعنى ايه لا.
جاسر قام وقف.
قامت رهف تستخبى فى جدها:والله لو شدتنى من ودنى تانى لاصوت وانت حر بقى
ياجدو بقى خليه يبعد عنى.
جاسر:انا رايح معاكى علشان السواق راح يوصل امى عند خالتى.
رهف:يا نهار اسود هو انت هتيجى معايا لا خلاص انا هروح فى اي وقت تانى اشترى الحاجه شكرا.
زين ضاحكا:طب اطلعى من ورايا وقولى الكلمتين دول يا جبانه وبعدين مش انتى قولتى انك عايزه تشترى حاجات ليكى ليه تأجيلها.
رهف:بصراحه كدا بقى انا مش عايزة اخرج مع ابيه جاسر انا خايفه منه ليشخط فيا ولا يزعقلى.
زين:لا متخافيش انا هضمنهولك وبعدين هو بيتكلم على مصلحتك يبقى ليه تخافى.
رهف:انت مشفتش يا جدو ازاى صوته عالى و بيزعق
وكمان ودانى اه يا ودانى لسه وجعانى لحد دلوقتى.
جاسر:ايه شغل العيال والدلع الماسخ دا مش عايزة تروحى ان شاء الله عنك ماطلعتى انا غلطان سايب شغلى علشان اوديكى.
رهف:اهو شفت يا جدو لسه مطلعناش من البيت اهو و زعقلى اعمل ايه انا دلوقتى.
زين ضاحكا:حسستونى ان انا فى حضانه ما خلاص بقى يا ولاد وانت يا جاسر يا ابنى طول بالك عليها شويه هى لسه مش متعوده على الجو هنا.ويلا بقى علشان متتأخروش.
طلعو من المنزل وركبو السياره ودقائق ووصلو المول.
جابو ملابس للمدرسه ومستلزمات المدرسه دخلت محل ملابس لتشتري لها ملابس تناسب اوضعاها الجديده وخلصت.
جاسر:هو خلاص كدا ولا لسه فى حاجه تانى.
رهف:معلش تعبتك معايا بس هو خلاص كدا.
جاسر:خلاص استنينى فى الكافيه دا هطلع احط الاكياس دى فى العربيه وارجعلك دا انتى نشفتى ريقى من كتر اللف معاكى.
رهف:خلاص ماشي وبعدين مانا قولت اسفه خلاص.
جاسر:يابت هو انتى مش هتبطلى لاماضه اشدك من ودانك قدام الناس دلوقتى.
رهف:لا خلاص والنبي يا ابيه انا بهزر معاك اطلبلك حاجه عقبال ماتيجى ولا تطلب انت.
جاسر:ممكن قهوه مظبوط.
وسابها و مشي وهي راحت الكافيه وطلبت قهوه مظبوط وعصير فريش ليها.
وهى قاعده مسكت فونها وفتحت الكاميرا لتطمئن على شكلها وتلتقط كام صورها لها ليظهر،فى خلفيه الصورة شابين ويقتربو على ترابيزتها.
الشاب1:ممكن نتعرف.
رهف:لوسمحت ابعد مينفعش كدا.
الشاب2:ليه بس احنا لقيناكى قاعده لوحدك قولنا نسليكى.
رهف اتوترت من قربهم وقررت انها تقوم تمشي.
الشاب1 مسك ايديها:رايحه فين بس احنا لسنا بنتكلم.
رهف بتوتر:لو سمحت سيب ايدي مينفعش كدا .سيب ايدى بدل ما انادى على امن المكان.
الشاب2:الحق بتقولك مينفعش و تنادى على امن المكان ههههههه.
الشاب1:منا قولتلك يا ابنى شكلها مش من هنا ها بقى قولتيلى اسمك ايه....وفجاه اضرب بوكس وقع على الارض.
رهف:ابيه الحقنى يا ابيه.
مسكها و وقفاها وراه وفضل يضرب فى الشابين لحد ماجه الامن وبعدهم عن بعض و اخدو الشابين و طلعو برا و اعتذرو لجاسر فهم يعلمون جيدا من هو.
جاسر ممسك بذراع رهف بقوه:انتى ايه اللى وقفك معاهم انا مش قولتلك استنى فى الكافيه مش بتسمعى الكلام ليه.
رهف بعياط:والله انا روحت الكافيه حتى طلبتلك القهوه بس طلعت الموبيل اخد صورة ليا هما طلعو فى الصورة و فضلو يرخمو عليا وقعدو معايا على الترابيزه بالعافيه ولما مشيت وسبتهم هما جم ورايا ومسكونى وحضرتك جيت.
اااه دراعى يا ابيه بتوجعنى.
جاسر:طب بطلى عياط وبيطبطب على كتفها اهدى يارهف خلاص بقى الناس بتبص علينا.
رهف بتمسح دموعها بكفوف ايديها زى الاطفال:طب انا عايزه ايس كريم.
جاسر:هههه ايس،كريم ماشي يا اختى تعالى.وراحو و اشترو ايس كريم و بياكلوه جاسر:شفتى بقى لما زعقتلك علشان تغيري اللى كنتى لبساه كان لمصلحتك ازاى لو كنتى نزلتى باللى كنتى لابساه كان هيبقى ايه وضعك.
رهف:والله يا ابيه مش هتفرق كتير منا غيرت ولبست طويل زى ماحضرتك قولت و اتضايقت بردو و اتعاكست فملهاش علاقه باللبس.
جاسر:اى نعم حصل معاكى موقف وحش بس مش معنى كدا انك بردو تلبسي قصير ولا ضيق انتى خلاص كبرتى فاهمه ولا لا ولو كنتى نزلتى بالقصير كان زمانى متخانق عشر مرات مش مره واحده
حافظى على نفسك علشان مفيش حد هيعرف يحافظ عليها غيرك ماشي وبعدين انتى هتقابلى من عينة الناس دى تانى و تصرفك دا معجبنيش بالمرة.
رهف:امال كنت عايزنى اعمل ايه يا ابيه.
جاسر:اديله بالقلم على وشه ونادى الامن.
رهف:منا قولتله هناديلك الامن بس هو ضحك عليا ومصدقش.
جاسر:هبله
هتفضلى هبله لحد امتى مش عارف يا بنتي بقولك افعلى يعنى اضربى و نادى فعلا مش تهدديهم انك هتعملى دا فهمتى.
رهف:ايوة فهمت
بس شكرا يا ابيه انك جيت فى الوقت المناسب.
جاسر:العفو متقوليش كدا انتى بنت عمى يعنى لحمى وعرضي بردو و بص ليها واول مره ياخد باله من لون عينيها الساحره ولكن سرعان ما خرج من شروده على صوت رهف:مش يلا يا ابيه زمان بابا خلص الجلسه وحشنى اوى.
جاسر:اه صح يلا بينا.
وخرجو وذهبو للمنزل
اخذت رهف من جاسر اكياس الاشياء وقالت لهم هطلع احط الحاجه فى اوضتى وانزل على طول.
زين:انا هقوم اطلع لمحمود امهدله عقبال ما رهف تنزل تبعتوها على اوضه محمود ماشي.
جاسر:حاضر ياجدو.
بعد ما مشي زين.
نرمين:ايه هنشتغلها سواقين وشيالين كمان.
جاسر:فى ايه ياماما انتى ليه مضايقه من رهف كدا على فكره دى بنت عمى ولسه جديده على البلد مش المنطقه بس
ولازم اكون معاها واحميها انا مش شايف فيه مشكله خالص.
نرمين:يا سلام
ما خالتك نقلت من اسكندريه وجت القاهره قعدت اتحايل عليك علشان تاخد خلود بنت خالتك وتعرفها الاماكن ولا تروح معاها مشوار مهى كمان جديده فى المنطقه ولا هو عند رهف حلو وخلود لا
جاسر:ياماما انا كان عندى شغل مهم جدا الفتره اللى فاتت دى محدش ينفع يشتغل عليه غيري وبعدين خلود عندها اخوها اما رهف معندهاش غيرنا.
يتبع..
•تابع الفصل التالي "رواية رهف الجاسر" اضغط على اسم الرواية