رواية امتلكت قلب صعيدي الفصل الاربعون 40 - بقلم نرمين حمدي
إمتلكت_قلب_صعيدي
وعد عينيها احتبست بالدموع: وهو انا عملت اي يخليك متعصب كدا
لينظر لها صخر ولدموعها ويركز بنبره صوتها ثم يمسح علي شعره: دخولك حياتي من الاول كان غلط
وعد: صخر هو انا بالنسبالك ايه
لينظر لها وعينه تلمع وفضل ساكت لثواني ثم يقول: رغبه...انتي مجرد رغبه وهتروح لحالها
لتنصدم وعد من رده القاسي لتبكي وتقف: انا هروح انام مع عمتو كريمه
ليمسكها صخر من زراعها ويجذبها اليه وهي تتجنب النظر اليه وتبكي: بصيلي
وعد تحاول تفلت من بين ايده بس مبتقدرش: ايه في كلام جارح تاني نسيت تقوله اتفضل قوله مانا اتعودت خلاص
صخر بتوهان: ياريت الي جوايا يبجي هو الكلام الي بيطلع مني كنت ارتحت
وعد: للدرجادي انا تعباك
صخر: جوي انا عمري محد تعبني ذيك كديه لي هتعملي كديه
وعد افتكرت كلام حبيبه لما قالتلها لو حاسه بحاجه من ناحيته قوليله يمكن يتفك الحاجز الي مابينكم
وعد بضعف: صخر انا انا
صخر: انتي ايه
وعد بتتردد: انا لازم انزل عايزه انام تصبح علي خير
وعد نزلت عند كريمه
كريمه: ايه ياوعد مالك يابتي جايه في وجت ذي دا لي
وعد: انا عايزه انام عندك
كريمه: تعالي تعالي في ايه عاد
وعد حكتلها علي كل الي حصل
كريمه: انتي متوكده صخر جال كديه معجوله دي
وعد: مش عايز ينطق ياعمتو بيعاند حتي نفسه
كريمه: معذور يابتي اديلوله وجته مش سهل عليه يتجبل فكره هو رافضها من وهو عيل صغير
وعد: ازاي يعني هو الحب بايدينا ياعمتو انا بس الي وهمت نفسي وانا الي حبيته وهو ولا حاسس بيا
ولا انا فارقه معاه انا مجرد رغبه فعلا ذي مقال
كريمه: يابت افهمي هو مش هيعترف بالسهوله دي الي حصله من اجرب الناس ليه مكانش سهل برضو
وعد: حصله ايه
كريمه: امه يالي منها لله هربت مع عشيجها من وهو صغير ورفعت جضيه خلع علي اخوي صخر كان متعلج بيها جوي جوي لدرجه انه في مره هرب وراحلها من غير منعرف وحشته ونفسه تاخده في حضنها لكن هي عملت ايه سمعته اسوء الكلام وطردته طردت الكلا*ب بات تحت بيتها في الشارع في عز الشتا ولما شافه جوز امه نزلتله وفر*جت عليه امه لا اله الا الله ومش كديه وبس لا دي رمته في دار ايتام يتمته واحنا عايشين عشان ميفكرش يروحلها تاني احنا فضلنا سنه ندور عليه لحد ملجيناه رجعلنا واحد تاني خالص لا بيحب حد ولا عاوز يتعلج بحد
وعد فضلت تعيط ولنفسها: انا اسفه ياصخر معرفتش افهمك كل الفتره دي معرفتش افهم انك بتداري حبك ورا قسوتك عشان كدا كنت بتتبرع لدار الايتام كنت حاسس بكل طفل يتيم وانا الي كنت فاكره انك من غير قلب واحساس
كريمه: ويكون في علمك هتتعبي جوي لحد ميعترف انه بيحبك بس لو بتحبيه متسبيهوش يابتي اوعاكي تسبيه
وعد: مش هسيبه وهيعترف يعني هيعترف
****
عدا اسبوع والحال كما هو عليه صخر مش عايز يعترف بس كل يوم بيعدي عليه بيحبها اكتر وبتشغل تفكيره اكتر لدرجه انه مش عارف يشتغل ولا ينام ولا يعمل اي حاجه وبيتجنب انه يبصلها او عينه تيجي في عينها
ووعد بتحاول بكل الطرق انها تحنن قلبه بس مفيش فايده
اما عن زين وساره فكل يوم بيتقابلوا لحد مزين وقع في حبها وقرر انه يتجوزها
في البيت الكبير
الكل موجودين وبيهزروا
أدهم لوعد بهزار: والله لو معاكي أخت كنت اتجوزتها من زمان هههه
لينظر له صخر نظره مليئه بالغضب فلا يحق له ان يتجاوز حدوده معاها
ثم يأخذ وعد من زراعها ويصعد لغرفته
اما عن حنان فحست انها ادايقت رغم انها عارفه انه هزار وطلعت لاوضتها
حنان لنفسها: مالك يابت وانتي مالك بيه يتجوز ولا يتنيل
في غرفه صخر ووعد
صخر دخل الاوضه وقفل بالمفتاح وجذب وعد علي الحائط وبغضب: ازاي تسمحيله يجولك كديه
وعد بخوف: في اي ياصخر دا بيهزر
صخر بغضب وتسرع: محدش ليه الحج يهزر ولا يستخف د*مه ولا حتي يكلمك انتي بتعتي وملكي انا
وعد باستفزاز عشان يخرج كل الي جواه: انا مش بتعتك ولا ملكك انت معتبرني مجرد رغبه وبس
ليخبط صخر بيده علي الحائط وبغضب شديد: واهي جلبت معاي بز*فت ح ثم يصمت
وعد بتستفزه اكتر ومن جواها مبسوطه: ع العموم احنا كل الي بينا ورقه انما انت مبتحبنيش
صخر بضعف: ب ب بحبك بحبك ياوعد كفايه الي هتعمليه فيا ديه جننتيني
وعد سمعتها من هنا وقلبها وقع في رجليها من هنا مبقتش عارفه تسند طولها من الخضه اخيرا اخيرا الصخر نطقها
وعد: قولت ايه
صخر ينظر لها: خلاص بجي
وعد بعفويه بتتتعلق في رقبته وتقف علي اطراف صوابعها
ليتزلزل قلب صخر فهذه هي اول مره تحتضنه دون سماع صوت للرعد ليحاوطها بزراعيه ويرفعها من علي الارض
لتخرج وعد من حضنه وتقول: اخيرا قولتها انا كنت قربت ايأس
صخر: انتي كمان بتح
لتقاطعه: ايوا ياخي بحبك وانت قلبك حجر مش راضي يحن ابدا
ليبتسم صخر: واهو حن ولان ووجع وبجي بين يدك
وعد بتحاول تطمنه: اوعدك اني هحافظ عليه ذي عنيا
صخر يضع يده علي وجهها وبهدوء: سامحيني علي كل حاجه عملتها فيكي انا أذيتك كتير جوي جوي وجرحتك بكلامي وجسيت جلبي عليكي ومشوفتش منك غير كل حنيه انتي الوحيده الي تستحجي اني اجولها انا اسف والوحيده الي هتسمع مني كلمه بحبك الي عمرها مطلعت مني ولما طلعت طلعت للانسانه الصح انا هعوضك عن كل الاذي الي شوفتيه معايا ايامك الي جايه كلها هنا وسعاده استعديلها بجي
وعد فضلت تعيط
ليمسح لها دموعها: مش عاوز اشوف الدموع دي تاني واصل حلو؟
لترتمي وعد بحضنه: حلو
صخر: انتي خدتي علي الاحضان ولا ايه هههه
لتخرج وعد من حضنه: لا لو علي الاحضان فاانا جربتها كتير قبل كدا
صخر بغزل يجذبها اليه من خصرها: يبجي لازم تجربي حاجه انتي مجربتيهاش
وعد بتوتر: لا لا شكرا
صخر يقربها اكثر: مش شويه جولتي انك مش بتعتي ولا ملكي وكل الي بينا ورجه انا بجي مش هطلعك من هنيه إلا لما تبجي مرتي رسمي
وعد: كنت بهززرررر
صخر: ولا كلمه
نكمل شويه لما نخترعلهم رومانسيه بقي كانوا مريحيني وهما مش طايقين بعض😂
•تابع الفصل التالي "رواية امتلكت قلب صعيدي" اضغط على اسم الرواية