رواية قسوة احفاد ال هتان الفصل الحادي و الاربعون 41 - بقلم هاجر النعيمي
......................
تميم : اسمي مني واذا ماعجبج الحجي اني بيدي
اخذج لهلج بس اسمعيني اول
هاجر : مااريددد اسمععع مااريددد راحححح تجذببب عليهههه واصدكككك عوفنيييي مااريددد اسمععع شييي اطلعووو برااااا
حوراء : اصبري باعي لمار تحب تميم من جانو صغار
ويوم الي عرفت يحب وحده ومرتبط خبت هاي المشاعر
بس اني جنت ادري بيها لان من زمان كالتلي ورفضت
اكول ل تميم لان هيا تريد تعترف بحبها ومن عرفت
اكو وحده بحياته فضلت تبتعد وتنسى بس مو بكيفها
كلبها يجبرها ترجع اله....
قاطعتها وكلت
هاجر : جذابيننننننن كلكم جذابينننن برااااااا
اخذني بحضنه يهديني دموعي ماتوكف احس بخنكه
احس كلبي راح يطلع من صدري ماتوقعت تميم يخوني
ابد شعور مقرف مااتمنى لعدوي كالت
حوراء : ومن خطبج قررت تعترف لان ماتريد تخسرو
بلكي يبطل عنج وراحت حجت ويا وهو رفضها وفضلج
عليها هيا حاولت تنسى بس ماتكدر شكد حاولت تخبي
وخاصه من تعرفت عليج وشافتج شكد حبابه وماتستاهلين تتاذين
هاجر : اشششش جذابهههه وانتتت وخرررر منيييي
عوفنيييي
تميم : صوتجججج فضحتينهههه
حوراء : وهسه ماتكدر تكتم تريد تميم يتزوجها حتى
لو كانت وحده ثانيه مو مشكله واني جيت احجي ويا
تميم يلكه حل قبل لا تجي تكلج وتميم يعرف انتي
ماراح تتفهمين الموضوع وتعوفي رفض يكلج
هاجر : جذابهههه جذابينننن كلكم جذابيننن عوفنيييي
تميم : صوتجججج كافيييي عاددددد
حوراء : اجيبلج لمار تحجي اذا مو مصدكه
هاجر : طبعاً تجيبيها مهدديها ماتحجي عن علاقتهم
عوفني شبيكككك
تميم : صوتجججج
هاجر : عوفنيييي ماتخوفنيييي بصوتكككك العاليييي عوفنيي وخررر منييي
تميم : ولججج سديييي حلكججج
حط ايده على حلكي يسده وكال
تميم : كولي لابوي يسوي اوراق خروجها شهرتنه بسرعه
راحت حوراء تكول لعمو محمد واني تعبت من العياط
واحس بطني تتكطع بس كسر روحي اكبر من وجع
بطني كسر خاطري وكلبي بخيانته الي
تميم : اسمعيني زين كل الي كالته حوراء صح واني
مستعد احلف الج على كتاب الله بأن هيا ماكالت شي
غلط واحلف انو ماعندي شي وياها
سكت شويه رجع كال
تميم : راح اوخر ايدي بس اذا اسمع صوتج اكتلج خوش
شال ايده من حلكي كلت
هاجر : هسه توديني لهلي دقيقه مااضل وياك خاين
تميم : لا تجننيني
هاجر : جذاب خاين
تميم : لج حتى رأكان وامير يعرفون اناديهم
هاجر : تضحكون عليه كلكم انت كايللهم يكولون هيج
تميم : ثوله فتحي عقلج شويه شغلي والله مو بفلوس
بلاش هسه اني لو من صدك احبها واريدها ليش جاي
اقنعج ماعندي شي وياها
هاجر : حتى لا اعوفك
تميم : ها واني اذا احبها شكو مبقيج يمي
هاجر : علمود ابنك
تميم : واني شعلي بــ بني لو احبها حتى ابني مايهمني
لو احبها ماكو قوة تمنعني منها
هاجر : اذا مو علمود ابنك عوفني
تميم : لا تضلين ثوله
هاجر : يعني انت ماتحبها تحبني
تميم : اموت عليج اعشقج
هاجر : اكيد
تميم : والله وداعتج
دخلت عمه ماسه كالت
ماسه : يمه شلونج شلون صرتي
هاجر : زينه
ماسه : وهاي الحيه اني اعلمها بسيطه
طلعنا من المستشفى ورجعنا للبيت جانو موجودين
كرايب تميم كلهم اني صعدت للغرفة ارتاح شويه بعدها
كلت انزل اكعد يمهم اتونس الدرج مالنه مايكون بالصاله
بالصاله اكو باب تفتحه وتدخل من جهة اكو حمامات ومن
جهة ثانيه الدرج نزلت اريد افتح الباب وسمعت
هَتان : اذا بنت عمك تحبك اخذها عادي وشنو يعني
اذا صار عندك حرمتين
تميم : جدي هذا مو حل اني احب مرتي ليش اخذ غيرها
هَتان : اني مو احبها بس نجبرت اخذ غيرها انت هم
تنجبر
تميم : اني مو مجبرو اخذ وحده على مرتي حتى لو
كانت بنت عمي اني اريد مرتي وبس مااريد غيرها
واكيد هيا ماتقبل وحده تشاركها بزوجها
راوية : تاخذ لمار مو بكيفك
تميم : مااخذها ومحد اله يمي شي
محمد : ابني الي يريده يصير
هَتان : مو بكيف ابنك يعلق وحده بي وبعدين ياخذ
غيرها
تميم : اني ماعلقت وحده بيه واني معليه هيا حبتني
مو اني كتلها حبيني
هَتان : تاخذها
تميم : مااخذها خوش فهمتو كلكم تسمعون مااخذها
هَتان : تعصي كلامي تميممم
تميم : مااعصي كلامك بس مااريد اخذ غير مرتي والي
يجبرني اسوي شي اندمه وكل الناس تعرف شنو هذا
الشي صح هَتان
هَتان : شوف محمد ابنك يهددني واني كاعد بنص بيتك
محمد : لا مو هيج يابوي بس تميم معصب هو مايريد
يكسر مرته عوفه
هَتان : مو هذا الي اشوفه اني جاي اشوف تهديد
تميم : مثل ماتريد احسبها واي واحد عنده اعتراض
يجي يكلي حتى اعرف اتعامل ويا
كرار : هيا اختي و تميم اخوي وماارضه اخرب بيت
اخوي علمود سعادة اختي اختي يجي يوم وتنسى تميم
وتتزوج
هَتان : لو تنسى جان انت نسيت هاي الكحبه
كرار : هيا مو كحبه اشرف من الشرف
تميم : كل الي حجيته عنها جذب اني ردت اسوي فَركة
اذن ل كرار لا اكثر
هَتان : صايرين احزاب وكل واحدي يعارك الثاني من
ايمتا احفاد ال هَتان يتعاركون ويا بعض هااااا
تميم : سوه شغله ضوجتني ورديتها اله
هَتان : تميم وجهك مااريد اشوفه خوش لا تطلع كبالي
بعد دللناك هواي ودللانه فسدك
تميم : لو صدك مددليني ترجع امي ماتهدد خوالي حتى
لا ترجع لابوي
محمد : شنو
تميم : اي هَتان مهدد جدي وخوالي ماترجع الك كله
لان راوية تريد تزوجك بنت اختها
محمد : شلون عرفت
تميم : قبل فترة اجه خالي واعتذر مني وكال
محمد : سنين وانت تشوف ابنك متعذب على فرك مرته
وانت مغلس وفوكها انت السبب حتى ماترجع وليش كله
لخاطر حبيبتك حتى ترضه كله لخاطر راوية حتى ترضه
تميم : اي شفت شكد جدي قاسي ماعنده رحمه ولعلمك
حمزة هو هم بسبب دخول فلفوله للملهى
حمزة : شنو
تميم : اي لان عائلتها فقيرة ماتناسب مستواك
هَتان : تميم كافي
تميم : لا عندي بعد حجي خلي اكوله كله وبعدين
هَتان : كتلك كافي
تميم : ليش خايف يعرفون شنو مسوي وياهم ماكو واحد بينه ما مأذي ليش حتى يطلع مثلك ويصير هَتان
ثاني علمتنه وعلمت ولدك على الضرب والقسوة ولا فكرت
شنو ممكن يصير بالمسكينات الي يمنه وجان كل همك
تجيب وحده بنت عائله حتى تناسب مستواك
هَتان : لك كل هذا علمودكم اعلمكم القوة وانو محد يكدر يضغط عليكم بشي حتى كلشي تردو يصير
تميم : منو كالك نريد نصير هيج
هَتان : اني اريد اسويكم هيج ابني الدنيا ماترحم لا هي
ولا البيها
تميم : الدنيا مابيها شي ولا ممكن تتغير بس الناس هيا
التتغير هيا الي تصير حيايه
راوية : جدك يسوي كلشي لمصلحتكم
تميم : ومصلحتي جانت تبعدون امي عني صح
هَتان : انت تعرف شي واني اعرف شي ثاني
تميم : شنو تعرف
هَتان : خوالك وجدك طمعانين بسلطت ابوك
تميم : سلطت ابوي هيا نفسها الي خربت حياتنه
هَتان : كافي انسى الماضي
تميم : شلون انسى بس فهمني شلون 6 سنوات مااشوف
امي ومن اشوفها راوية تعبي براسي عليها حتى اكرها
هذا الماضي الي تريدني انسى
هَتان : كافي اني رايح
تميم : كل عاده كل ماتخسر بالنقاش تروح
طلع هَتان انتظرت شويه ودخلت مبتسمه عود ماسمعت
شي شفت لمار كاعده وبعيونها دموع شكد كرهتها وشكد
ضجت منها وهنا تبين انو تميم يحبني ومستحيل يعوفني
تبين الي شكد اختياري جان صح اله وماراح اندم لان
اخذته وحابرت علموده
من شافني اجه لزمني وكعدني على التخم وكعد يمي
بقو يسولفون شويه عن هواي امور بعدها كرار كال
كرار : اريد نروح نخطب ديانا
غادة : تدلل
راوية : ماتاخذها مو من ثوبنه
كرار : واذا هما ناس فقرة شنو يعني
راوية : لك غبي تطمع بفلوسك
كرار : ماتطمع اعرفها واعرف تربيتها شلون
تميم : راوية معليج خلي يخطبها
ادريس : كومو هسه نخطبها
كرار : صدكككك
ادريس : اي
هاجر : عادي اجي لان هيا صديقتي
كرار : اذا انتي ماتجين ياهو يجي
تميم يخزر بينه غلست وكمت ابدل واجه تميم وياي
كال بهمس
تميم : اذا انتي ماتجين ياهو يجي
هاجر : كلت شي
تميم : لا
سمعت بس غلست ادري يكره علاقتي ويا كرار وخاصه
انو هاي الفترة قوة ماادري ليش يكره هذا الشي بدلنا
ونزلنا ورحنا نخطبها اجت عمه ماسه و عمه غالية و عمه
غادة ام كرار واني و راوية و ميار من الولد تقريباً كلهم
وصلنا ونزلنا وبيبي ترزل بــ كرار لان بيتهم مو ذاك الفخم
بيت عادي لدرجه
ومن خلال بيتهم بينت حالتهم المادية شكد ضعيفه وبيبي ابد ماعاجبها بعكس غادة الي ميته فرح لان راح
تشوف ابنها عريس دكينا الباب فتحو وطلع طفل صغير
يطلع عمره 10سنوات هيج توقعت ابن اختها راح ناده
الاب دخلنا النسوان بالصاله والزلم بالستقبال بعد حجي شكد كالت غادة
غادة : نحنا جايين نطلب ايد بنتج
ام ديانا : نتشرف بيكم بس ياهي منهن
غادة : هاجر شنو اسمها صديقتج
هاجر : ديانا
ام ديانا : نتشرف بيكم
غادة : روحي ناديها نشوفها
راحت نادتها دخلت ديانا ماجانت حاطه مكياج وهاي
اول مره اشوفها بالواقع جمالها حلو بس شويه سمره
اجت سلمت علينه واجت باستني وتحضني واني احضنها
كعدت شويه وعمه غادة ماخلت شي ماعرفته عنها
راحت تجيب ضيافه رجعت حطت الضيافه كبالنا وعمه
كالت
غادة : اريدج لابني شنو كلتي
هيا ستحت ودنكت رادت تطلع بس عمه كالت
غادة : فدوة كولي موافقه
ام ديانا : خلينا نفكر ونسئل عنكم واسئلو عنه
غادة : ابني مستعجل سئل عنكم وانتو عود اسئلو بعدين
سكتت شويه ورجعت كالت
غادة : ها ديانا شنو كلتي موافقه
ديانا : موافقه
كلشي صار بسرعة بحيث الخطوبه بسبوع صارت واليوم
يوم الخطوبه مالتهم وبنفس الوقت عقد القران كعدنا
من وكت وبيت عمو ادريس عازمينه على الغده مثل كل
مره اي شخص يصير عدهم مناسبه الكل يروح يمهم
وصلنا يمهم وكعدنا تغدينه ورحنا نبدل زهراء كالت
زهراء : شلونها حلوة حبابه
هاجر : كلش حلوة وحبابه
ميار : وين حلوة اشو زركه
هاجر : واذا ترا احلى شي بيها سمارها خلي يسمعج
كرار
ميار : ماحجيت شي غلط اني
هاجر : مايصير تحجين عليها ترا حبابه كلش
ميار : لان صديقتج هيج تكولين
هاجر : لا طبعاً
كملنا ورحنا على بيتهم وصلنا ونزلنا وهلاهل وركص
بس اني جنت كاعده لان مااكدر اركص بعده وضع
الطفل مو تمام الكل جانو فرحانين طلبو موافقتها
وافقت بعدين طلبو موافقة كرار وافق والهلاهل وصوت
الهلاهل تتعالى
دخل يلبسها الحلقة وجان كلش حلو وقاطه الاسود
بارز بياضه وبارز زراق عيونه خلصت الخطوبة ورجعنا
للبيت ماصار شي مهم بهاي الفترة دخلت شهري الثالث
وجنت فرحانه وتميم فرحان قرب موعد زواج كرار
الكل جان يتحضرله اجو عماتهم وحده من البصرة
والثانيه من الموصل صار فترة ماشفت اهلي لان
الدكتورة منعتني انو اسافر حتى لو جانت المسافة
قريبة ف همَ اجو مرتين وراحو اجه اليوم الموعود
يوم عرس كرار وديانا
وصلنا القاعة ودخلنا بعدها همَ سوو دخولية شويه
ركصو وراحو للكوشه كعدو كمنا نركص وركصنا شويه
تعبت ورحت اكعد رحت يم عمه ماسه وكلت
هاجر : اشو شتهيت ليمون وملح
ماسه : اي مكان بكسمج تحكج لا تحكيها تطلع بالولد
وحمه على شكل ليمون اوكفي اصيح تميم يجيبلج
راحت كالت ل تميم وهو طلع يدور شويه ورجع وانطاني
علاكه بيها ليمون وملح عفت القاعة والركص وكاعده اكل
اجت يمي زهراء كالت
زهراء : طاح حضج شتهيت
هاجر : تعالي اكعدي
زهراء : اوكفي انادي مريم تاكل ويانا
راحت ناديت مريم واجو ثنينهن وكعدنا ناكل مريم كالت
مريم : ولجن حامض ماحبيته
هاجر : غير ليمون قابل يصير حلو
مريم : مشتهيه بقلاوة
هاجر : تدرين ابد ماشتهيت شي حلو
زهراء : حتى اني
مريم : يكولون الي تتوحم على موالح ولد والي على
حلو بنت
هاجر : يجيني ولد
مريم : اي انتي وزهراء بس اني بنيه
هاجر : شعرفج
مريم : ليش ماكتلج
هاجر : لا
مريم : غير رحت شفت جنس البيبي وطلع بنيه
هاجر : ها واني اخر وحده تدري ليش
مريم : نسيت اكلج
هاجر : تعالي ليش هو يبين بالرابع
مريم : اي بس مو الكل
زهراء : اني بالخامس بين
هاجر : ليش مايتحرك اريد احس بي
زهراء : بعد وكت اني علاوي ماترحك بسرعة يمكن
لشهر الخامس وبس ثلاث مرة حتى مرات اكو ابني
ميت لا سامح الله
هاجر : مايتحرك بطنج يتحرك بالدنيا
زهراء : ولا يكعد وهسه مجلب اريد ازوج هاجر
هاجر : كولي والله
زهراء : وعلي
هاجر : عزااا خلاص اطلك تميم واتزوجه
اجت مره يمنه هيا وبنتها كالت
: شكد عمرج
وأشرت عليه كلت
هاجر : 20 بعد كم شهر يصير 21
: العمر كله شسمج
هاجر : هاجر
: وين امج
هاجر : مو موجوده
: لعد شلون جيتي هنا انتي من طرف العريس لو العروس
هاجر : العريس ويصير ابن عم زوجي
: عزا بعيني يعني انتي مزوجه
هاجر : اي ليش ماشفتي الحلقه مالتي
: يمه نظري ضعيف مو كلش اشوف عذريني
هاجر : ولا يهمج
عافتنه وراحت زهراء كالت
زهراء : هسه تميم يموت
هاجر : ليش
زهراء : غير اجت تخطبج
هاجر : شعرفج
زهراء : من صدك تميم مايضلمج من يكول ثوله لج الي
تسئل هيج تريد تخطب
هاجر : عزا بعيني
زهراء : طاح حضج
صار وقت يدخلون الشباب يسوون هوسه ل كرار دخلو
عيوني تدور على تميم شفته يمه شكد حلو لابس قاط
اسود بس نازع الستره ولازمها بيده ويركص اجه يمي
كال
تميم : خليها يمج
اخذتها من ايده وخليتها بيدي جانو يركصون بشكل حلو
خلص العرس رجعنا للبيت وصلنا البيت بسرعة رحت
للحمام سبحت وطلعت دخل تميم وراي بدلت ونزلت
جانو كاعدين شويه وملاك كالت
ملاك : صحيح وحده خطبتج
هاجر : لا يمعوده
ملاك : جذابه زهراء كالتلي
دخل تميم وكال
تميم : شبيها زهراء
ملاك : خطبو هاجر و زهراء كالتلي
تميم : صدك
هاجر : لا زهراء تشاقه
تميم : وليش حتى تشاقه هيج شقه
غلست أشرلي بعيونه بــ معنى امشي فوك سويت نفسي
ماشفت اجاني مسج على تلفوني فتحت تلفوني جان
منه كاتب
💬 تميم : ليش غلستي اطلعي فوك جايج
شفت انو ماكو مهرب ترخصت وكمت طلعت للغرفة
جنت خايفه من رد فعله شويه واجه تميم قفل الباب
وكال
تميم : نخطبتي مو
هاجر : لا
تميم : ليش تجذبين مو الجذاب الله يذبه بالنار
هاجر : ماجذبت
تميم : لعد ليش تكولين محد خطبني
هاجر : هيا ماكالتها هيج مباشر
تميم : المهم جانت تريد تخطبج
هاجر : واذا عادي المهم اني مرتك
تميم : اي صح طبعاً هذا المهم
تقرب مني خفت رجعت لوره وهو يتقرب اكثر وصلت للكنتور ظهري نضرب بالكنتور تقرب مني حط ايديناته
على الكنتور حتى لا اشرد كال
تميم : المهم انتي الي ملكي
هاجر : اي صح اي
تميم : شبيج خايفه
هاجر : چؤ ليش حتى اخاف
خله ايده على وجهي وصار يمشي اصبعه على خدي
كزبر جسمي كلت
هاجر : خلي اروح
تميم : چؤ
هاجر : تميم.....
قاطعه حجي بــ بوسه عميقه بحب بلهفه بعد عني كال
تميم : وين اخذج شلون اخلي الناس ماتشوفج
هاجر : هههه مااكو هيج
تميم : تدرين شنو يجي بالي
هاجر : ياستار
تميم : يجي بالي احبسج بهاي الغرفة وماتطلعين منها
ابد
هاجر : تميم بيك شي
تميم : بيه انتي
هاجر : تميم خلى اروح وخر
تميم : ليش خدج ناعم
هاجر : مادري
تميم : ليش هيج انتي ترفه وحلوة
هاجر : هم ماادري
تميم : ليش تدخلين كلبي بدون استئذان شلون انتي
كاعده بكلبي وماتدفعين ايجار قابل كلبي سبيل
هاجر : احب سوالفك اصلا احبك كلك على بعضك
تميم : واني اعشقج
ابتسمت رجع كال
تميم : انتي السهم الي اخترق كلبي
رجع كال
تميم : انتي الي جنت احلم بيج وهسه صرتي واقع
هاجر : انت كُل العالم بالنسبة الي
تميم : وإي جَمال بعد عينيكي يُذكَر
هاجر : عمري جعل مانحرم منك
تميم : بسبب كلامج كل يوم يزيد حبي الج
هاجر : احبك
تميم : احبج ياقيطان كلبي
هاجر : شكد صارلي ماسمعتها منك اشتاقيت الها
تميم : وهيا شتاقت الج
تقرب مني وخذ شفايفي بين شفايفه بحب ورومانسية
بعد اخذت نفس ورجع اخذ شفايفي بس بقسوة نزلت
دموعي شافها بعد وكال
تميم : اسف والله ماسيطرت على نفسي
هاجر : وخر عني
دفعته ورحت للجرباية كعدت وصرت اهز برجلي نزل
على ركباته كبالي وكال
تميم : وربي ماحسيت على نفسي طعمهن يجنن ومادري
شلون اذيتج اسف
هاجر : مااحجي وياك عوفني
كعد يمي على الجربايه واني كمت اريد اروح سحبني من
ايدي وكعت بحضنه ادفع بي مايوخر ضحك وكال
تميم : صايره دبدوبه
هاجر : لا بله ترا بسبب ابنك
تميم : اروحله فدوه هو وامه
هاجر : بلكي طلعت بنيه
تميم : بعد احسن
هاجر : عوفني عيب ترا
تميم : اوي صدك عيب
هاجر : ايععع لا تكول اوي مو حلوة بحلكك
تميم : هو ياهو ويجي يكول اوي غير انخلقت الج
هاجر : اويييي خجلت
تميم : شتعلو اهلج
هاجر : تميممممم
تميم : اسف شتعلو اهلي اني
هاجر : انجب
تميم : هاي شنو
هاجر : عوفني اريد اكوم ترا عيب عليك هيج مكعدني
بحضنك
تميم : ترا بس مكعدج بحضني ما *****
انصدمت وفتحت عيوني على وسعها وكلت
هاجر : ادبسززز ماتستحي
تميم : شهادة اعتز بيها
هاجر : سرسري
تميم : هم شهادة اعتز بيها
هاجر : لا شيل الشقه انت ليش هيج تفشر عادي ترا
عيب
تميم : العيب بالجيب خوش حبيبي
هاجر : النقاش وياك معدوم
تميم : نفتح نقاش غيره
هاجر : اي
تميم : عندي نقاش يموت
هاجر : شنو
تميم : كومي ركصيلي
هاجر : لااااا بلههههه
تميم : غير نتونس يلا كومي
دفعني من حضنه وراح يم الديجي مخلي بالغرفة نصه
الصوت وشغل اغنيه ردح وكال
تميم : يلا لا اوكفي شويه واجي
راح واني صافنه هذا صدك يحجي رجع كال
تميم : جهزي نفسج ربع ساعه واجيج
بقيت صافنه هذا صاحي والطفل يبجي بالزاوية
كمت طلعت بدلة رقص عندي من جهازي مالبستها
ولا مره طلعتها ولبستها وحطيت حمرة حمره ومسكارة
وكحل ابيض لان الاسود يطلعني شبح
طفيت الضوء ورحت للجرباية تغطيت خلي اضوجه
شويه وبعدين دخل فتح ضوء خفيف بالغرفة وكال
تميم : كومي مو وكت نومج هسه
هاجر : تميم نعسانه
تميم : مو كتلج تجهزي ليش تغلسين طبعاً تغلسين
قابل رايحه لعرس قابل راح تشوفج الناس وتخطبج
لا لان ل تميم مايصير مو لان تميم يهودي من بني قريضه
ضحكت وكلت
هاجر : اهو تعال شويه
تقرب مني شلت الفراش عني وهو بقى مصدوم كال
تميم : لج ادبسزز شنو هاي
هاجر : عجبك
تميم : تشكين غير
هاجر : حبيبي خجلت
تميم : كومي انعل ابو الخجل
اخذ ايدي وكمت راح كعد على التخم الي بالغرفة وكدامه
النركيله حط رجل على رجل وشغل اغنيه بديت اركص
وهو يراقب كل حركاتي شويه وكفت حسيت على دفره
من ابني كعدت كال
تميم : بيج شيي
هاجر : لا بس ابنك ماعاجبه اركص
تميم : انعل ابو وابني كومي
هاجر : دفرني والله بطني توجعني
تميم : اشتعل ابوك ابن القندرة
عشنا ليلة نجنن جانت مم العمر كعدنا الصبح ونزلنا
اكلنا وكالو نروح لبيت عمو ادريس علمود الصباحيه
مال كرار
- يتبع الفصل التالي اضغط على (رواية قسوة احفاد ال هتان) اسم الرواية