رواية قسوة احفاد ال هتان الفصل الثاني و الاربعون 42 - بقلم هاجر النعيمي
بقلمي (هاجر النعيمي)
مَازلتي تزهرين بقلبي
أحببتُكِ في مُنتصف أيامي السيئة وفِي ازدِحام يومي
وبين جميع أفكاري وكُنتِ انتِ الفكرة الوحيدة التي
اتمسكُ بطرفِها دائماً لأنجُو
.....................
وصلنا بيت عمو ادرس نزلنا وسلمنا عليهم كعدت ويا
البنات اجتني لمار كالت
لمار : هاجر عادي احجي وياج
هاجر : ماعندي حجي وياج
لمار : بس افهمج حبابه
كمت وياها طلعنا لغرفتها كالت
لمار : اني اعتذر منج كلش اسفه بس والله ماجنت
اكدر اخبي اكثر والله احبج ومااريد اخرب بيتج بس
بنفس الوقت جاي اتعذب اريد انسى بس مااكدر حتى
لما جنتي تحجين علي جانت سجاجين بكلبي ومن تفشرين علي كلش اضوج وجنت اتمنى مكانج حتى لو
يضربني مايهم
هاجر : بس هو يحبني مايحبج
لمار : ادري والله بس جيبي الي يقنع كلبي شكد صارلي
اخبي الموضوع بس كشفتني حوراء ومن عترفت وهو
رفضني قررت انسى بس مااكدر والله مااريد علاقتي
وياج تخرب اريد نضل صديقات واصلا اجاني عريس
راح اوافق علي صديق حمزة اخوي
هاجر : شلون جنتي تكدرين تحبين زوجي وتخبين عني
ضميرج شنو موقعه ليش مايأنبج شلون جنت احجيلج
عنه وعن تصرفاته وانتي جنتي تتمنين مكاني جنتي
تتمنين تكونين بمكاني ويكون الج حرام عليج ترا اني
مااستاهل الي صار ابد وجدج وبيبيتج من يكعدون يجبرون تميم يتزوجج حتى لو كان بالغصب انتي شنو
تحسين بس اريد افهم
لمار : ماقبلت والله ماارضه اخذ شخص مايريدني
هاجر : عجل غير تعوفين تميم ليش لازكه بي عوفي
عفتها ونزلت كعدنا بقو يحجون هواي امور دخل كرار
وحيدر حيدر من شافني كال
حيدر : هلا بــ هاجر هلا بنت ولايتي
هاجر : هلا بيك
حيدر : اشونكي وين غحتي وين جيتي
هاجر : الحمدلله بخير انت اشونك
حيدر : الحمدلله ليش ماتغوحين للموصل لو نسيتيها
هاجر : ماعيب انساها بس الدكتوىة ماتقبل تقلي ضلي
هوني مايصيغ تغوحين
حيدر : الله يساعدكي تقومين بالسلامه
هاجر : يوم الي نفغح ( نفرح ) بيك
كرار : يمعودين نحتاج مترجم
هاجر : مو لهل درجه
كعدو يسولفون الشباب تميم كال
تميم : حيدر القندرة الف مرة كتلك من تنجب وتجي
هنا احجي نفسنه ترا ماافهم عليك لا تحجي مصلاوي
حيدر : حكيكم مااعغفو كلو ( حجيكم مااعرفه كله )
تميم : جيب الي يترجم
هاجر : يمعودين اشبيكم ترا حجينه واضح ليش مكبرين الموضوع
تميم : يا واضح كلكم تحجون بالغاء والله فلا فتهمت
شي
هاجر : ترا مبينه
كرار : هسه مثلا تريدون تكولون مغرب تكولون مغغب
هاجر : لا يمعود نكول مغب
كرار : خوب كولو مغرب وفضت
هاجر : مو كل الراء تقلب غاء
اجاني اتصال من ماما ترخصت وطلعت للكراج احجي
سمعت صوت بجي كلت
هاجر : ماما اشكو خفت والله
مروة : تيم اندعم ومات
هاجر : شنووووو شتحجيننن مامااا كولييي تشاقيننن حبابهههه لا ربييي اله تيممم
مروة : بالطريق داعمتو تريله ومات
اسمع صوت بجي وناس واخاف اصدك رجعت كلت
هاجر : ابوسسس ايدججج كولييي غيرهااااا
اجاني تميم من كد مااعيط كال
تميم : شكو شبيج
وكع التلفون من ايدي وكلت
هاجر : تيم مات راح
تميم : شتحجين شلون
هاجر : تميم حباب لا ربي لا تاخذه من عدنا ربي يكون
بخير يارب يطلعون مخربطين ما مات صح تميم حباب
كلي ما مات
تميم : بس اوكفي نفهم
هاجر : لا ربيييي كلشييي اله تيممم ربي اخذ روحي ورجع تيم
تميم : بس اصبري
اخذ تلفوني يحجي بقو يحجون زهراء لازمتي اجاني تميم كال
تميم : امشي نجيب الغراض ونروح للموصل
هاجر : كلي مابي شي حباب
تميم : مابي شي بالعمليات امشي نشوفه يلا حبيبي
طلعنا للبيت جبت اي شي وتوجهنا للموصل الطريق
كله ادعي يكون مابي شي ربي هذا اخوي الي ماجابته
امي هذا الي دافعلي وصار سندي ربي كلشي اله هو
ربي اخذ من عمري وانطي
وصلنا بيت عمه اميرة وشفت جادر مال عزاء كلت
هاجر : ليش حاطين جادر هو ما مات ليشش
تميم : اهدئي هو مات بس ماكدرت اكلج
هاجر : لا حبابببب كولللل غيرهاااا ابوسسس ايدككك ربيييي صبرككك راححح اخويييي راححح سنديييي تميمممم فدوهههه رجعهههه
تميم : انزلي بسرعة
نزلت مثل المجنونه اركض ادور دخلت المطبخ كلهم كاعدين يبجون كلت
هاجر : وين تيم وين تيم وينه
مريم : ماطلعنا انتظرنا تجين
هاجر : عمه حبابه كولي مابي شي حبابه
مريم : مات ابني اختي راح ابني
وكعت يم الباب اريد امشي مااكدر رجليه ماتحملني
بالكوه دخلت شفته بالكفن الابيض يمه حبيبي مغطيك
الكفن يابعد روحي انت رحت يمو جان وجهو مبين
لزمت وجهو وكلت
هاجر : منو يدافعلي غيرك منو يوكف وياي غيرك منو
يصير سندي بعد ابوي غيرك كسرت ظهري ياريت الموت
الي ولا اجاك انطيك نص عمري بس ارجع ارجع اشوف
طولك الحلو وجهك المبتسم
بقيت احجي ويا واعاتبه اريد يكوم ربي صبرك انت
اعلم بحالنا تقربت آيلا يمي من شفت شكلها تعبت
بالزايد تحجي وتعاتب بي
آيلا : كتلك لا تروح عوفها غير مره وانت لا اله تروح
منو الي غيرك ابني نحرم من ابو ابني ماشاف ابو حبيبي
انت حتى ابنك ماشفته ولا تهنيت بي ليش تعوفني وتعوف ابنك يهون عليك تعوفنه تيم حباب قبانو الوجهك
قوم الله يخليك قوم ابوس ايدك منو الي غيرك عفتني
ورحت ماتسئل شنو يصير بحالي منو الي من بعدك منو
يربي هذا الطفل ليش ربي ياربي صبرك يالله
وكعت علينه اريد اروح الها بس رجعليه ماتساعدني
مشت ثلاث ايام العزاء جانت ايام كلها بجي رجعت
البغداد بس مو اني نفسي رجعت غير وحده اخويه
راح سندي وضعلي راح اخذ حيلي ويا اجتني عمه
ماسه كالت
ماسه : حرام الي تسوي يمه مايصير تعذبي هيج وابنج
ماعلي
هاجر : خسرت اخويه عمه صعبه والله ماجاي اقتنع
والله احس حلم وراح اكعد منه بعد شويه
ماسه : ادري والله وحقج يمه بس ابنج ماله ذنب حرام
عليج من يوم رجعتي لهسه ماتاكلين يمه مو زين على
الطفل على الاقل اذا مو الج للطفل واخوج صارله اسبوع
ميت حرام هيج تعذبو بقبرو
هاجر : ان شاءالله
كعدتني على ميز الطعام وراحت جابت اكل وجبرتني
اكل اكلت شويه وكمت رحت لغرفتي خابرت آيلا بالي
مشغول عليها ردت والتعب مبين من صوتها كعدنا نحجي
شويه وكالت
آيلا : مااكدر اصدك اشون راح بهل سهوله عقلي رافض
يصدك
هاجر : احس نفسي بحلم صعب اكعد منو
آيلا : اريده يمي اشون يهون علي يعوفنه ويروح ليش
عافنه
هاجر : عافنه وراح منو يصير سندي منو يحميني منو
يشاقه وياي منو يضحكني منو يكعد ويضحك عليه اريد
يرجع مااكدر اعيش بدون تيم
آيلا : شنو اكول كل يوم انام بحضنه وهاي اسبوع مانمت بحضنه اريده يمي احتاجه دخلت شهري اشون يجي ابني وماراح يشوف ابو غير بالصور ماراح يشبع من حنان ابو
هاجر : آيلا فدوه اسكتي مااكدر اتحمل اكثر والله
دخل تميم مسحت دموعي بسرعة وكلت
هاجر : آيلا اروح انتبهي النفسج خوش واكلي زين
وانتبهي للطفل هذا الوحيد الي راح يعوضنه عن تيم
سديته منها اجه تميم يمي لزم ايدي ويفرك بيها دموعي
نزلت مسح دموعي وكال
تميم : الي تسوو حرام عليكم هيج راح يتعذب يهون
عليج تعذبي
هاجر : ابد والله بس مو بيدي ليش عافنه ليش راح
تميم : حرام الي تحجي هاي الحياة كلنا باجر نموت ومحد يضل بهاي الدنيا انتي جاي تهملين نفسج والطفل
شنو ذنبه يتحمل حزنج وعدم اكلج لازم يتغذه شلون
يعيش
هاجر : اكلت قبل شويه
تميم : الطفل راح يصير عمره اربع شهور ولهسه بطنج
مو كلش مبينه وين اكو وحده راح يصير اربع شهور على
حملها وماعدها بطن
هاجر : يعني طفلي تعبان
تميم : طبعاً يتعب انتي تحزنين وهو عايش بطنج ياخذ
حزنج وقهرج وياخذ كلشي منج اذا كان حزن ولو فرح
وانتي ماتردين طفلج يموت قبل لا يشوف الدنيا
هاجر : وعد راح اكل واديربالي علي
تميم : هذا الي اريده أما تيم ادعيله بالمغفرة والرحمه
هو هسه يحتاج الدعاء صح هو موجود بالدنيا بس يبقى
بكلوبنا وما ممكن ننساه
هاجر : الله يرحمو ويغفر الو ويسكنو فسيح جناتو
تميم : امين كومي بدلي نطلع تتغير نفسيتج يلا
هاجر : مااريد مالي خلك
تميم : مو بكيفج يلا بدلي بسرعة حتى اخابر امير حتى
نطلع
بدلنا وطلعنا بس مادري وين وصلنا سوق وكفنا ننتظر
يجون اجو امير و زهراء و علاوي ابنهم و احمد و مريم
و كرار و ديانا و علي بدينا نفتر وهما كل شويه يحجون
وياي حتى اضحك وكل شويه كرار يذب نكته لو يحشش
على الناس
اجت من يمنه وحده لابسه بنطرون ضيك حيل وتيشرت
هم ضيك ولابسه شال ضجت شنو هذا البس بديت احجي عليها وكرار يحجي عليها وياي بعدين تميم كال
تميم : يمعوده عوفيها راح تطلع بالطفل
حطيت ايدي على حلكي بمعنى بعد مااحجي على احد
وصارو يضحكون رحنا نتعشه بالمطعم كعدنا ناكل وتميم
وكرار بس يتعاركون كال امير
امير : من جنتو متعاركين مامخلصين منكم نوب حتى من تصالحتو تتعاركون ماكو هيج قابلية
كرار : شبيك انت بس ضايج يمعود
تميم : مضروب مية نعال
امير : تميم اكل نعل مالي خلكك
تميم : شكو اجيت ويانه لعد امشي لا اركعك بدفرة
اذبك بحضن ادريان
امير : اذا مااكله اطلع كو***
تميم : جذب يمعود ابوك معلي
امير : ها خفت
تميم : لا كرار عيب بدون زيج
كرار صار يضحك امير ضرب تميم بالمعلقه الي يمه وكال
امير : اكل خرا انت وكرار
كرار : حبيبي مشكور والله شبعان
صارو يضحكون رجعنا للبيت بسرعة بدلت ونمت حتى
ماسبحت اجاني بالحلم تيم وجان شكله كلش حلوة
وابيض حيل وجان يلومني لان زعلانه علي وجان بمكان
حلو كله خطار ومكان يجنن وكال لا تزعل آيلا وامي عليه
اني مرتاح وانتي عيشي بدون زعل بس لا تنسيني
كعدت مرتاحه على الحلم تميم حس كال
تميم : بيج شي
هاجر : لا بس حلمت حلم حلو بشكل مو طبيعي ب تيم
يكلي لاتزعلين
تميم : شفتي حس انو انتي زعلانه ورفض يشوفج
زعلانه روحه ويانه
نزلت دموعي ومر شهر ونص بدون مشاكل ولا شي
لمار انخطبت وسوت خطوبه بس مارحت لان تيم ماصارله شي من مات تحسنت واليوم عندي موعد
ويا الدكتورة نشوف جنس البيبي تميم مايعرف جنت
حابه اسويله مفاجئة صارلي فترة متناشفه بوجهو
رحنا اني وعمه ماسه وملاك ورشا للدكتورة رشا لحد
هسه زعلانه يمنه وتميم وعمو محمد مايقبلون ترجع
رغم اجه سجاد يرجعها بس رفضو يريدون بيت وحدها
وهو جاي يسوي المستحيل حتى يشتري بيت الهم
وصلنا الدكتورة وبقيت انتظر دوري نادت اسمي دخلت
اني وعمه ماسه شافت حال الطفل وكالت
الدكتورة : ابنج بحاله جيدة جداً
ماسه : مو مبين يمج اذا ولد لو بنيه
الدكتورة : كتلجن ابنج بخير يعني ولد
هاجر : صدك يعني بيه ولد
الدكتورة : اي حبيبتي الف مبروك
دحكت على عمه حضتنتي وطلعنا راحت تبشر البنات
واني خابرت ماما وكتلها فرحت حيل وبعدها رجعنا
عمه ماسه هيا تعرف تسوق وعدها سيارة خاصه بيها
ف هيا اخذتنه وهيا رجعتنا رجعنا للبيت كلت
هاجر : اريد مساعدتكم
رشا : تدللين بس بشنو
هاجر : اريد اسوي مفاجئة ل تميم لان مايعرف اليوم
اروح اشوف جنس البيبي واريد اسوي مفاجئة واكشف
جنس البيبي
رشا : حلو بس شلون
هاجر : راح اسوب كيكه ونزينها نرسهم عليها اني وتميم والطفل ونكتب بلون ازرق بعد 4 شهور واجيكم ونصير
ثلاث اشخاص
رشا : فكرة حلوة بدلي وتعالي نسويها بين ماادز ماما
تجيب الغراض يلا ركض اقصد مشي يلا
طلعت بدلت ونزلت بسرعة بقينه ننتظر عمه ماسه ترجع
اجت وياها الغراض بدينه نسوي اني ماعرف ولهذا السبب
طلبت مساعدتهن سوينه الكيكه وبدينه ننتظر تصير
رشا راحت تسوي الزينه مال كيك واني اباوع بالفرن
انتظرها تستوي
كملت وبدينه نزين بيها سويت كلشي مثل مااريده سويت
كاستر وجلي وصيت عمه على شويه حبشكلات من السوبر ماركت بقيت ارتبهن اتصل تميم وكال مايرجع
على العشه معزوم ويا واحد وعلمود يتفقون على سعر
السيارة مدري تميم يشتريها مدري هو يبيعها مادري
رتبت كلشي بالغرفة ورحت سبحت عندي شموع خليتهن
بس اسمع صوت السيارة اعلكهن رتبت نفسي ولبست
دشداشه قصيرة لونها اسود تبرز بياضي حطيت شويه
مكياج وخليت كلشي بمكانه سمعت صوت السيارة دحكت من الشباك شفت سيارته تدخل للكراج بسرعة طفيت الاضويه وعلكت الشموع وبقيت واكفه قريب من الباب انتظر يدخل
فتح الباب وانصدم وبقه واكف شويه يم الباب ابتسم
ودخل اجه حضني وكال
تميم : شني هاي الاغرائات
هاجر : عندي مفاجئة
تميم : يالله شني
اخذت ايده ورحت على الميز زجاجي دائري صغير موجود بالغرفة كبال التخم والتخم هما ثنين ويكعد
بيهن نفر واحد شافهن ضحك وكال
تميم : بيج ولد
هاجر : اي
حضني وكال
تميم : واخيراً راح يجي هَتان
دفعته وكلت
هاجر : مو هَتان تيم
تميم : نحنا متفقين هَتان من وين اجه تيم
هاجر : اذا تحبني خلي نسمي تيم والثاني هَتان
تميم : لا حبيبي الثاني تيم
هاجر : كلت تيم
تميم : واني كلت هَتان
هاجر : هيج تكسر خاطري والله فلا احجي وياك اذا
تسمي الطفل غير تيم
تميم : غبيه لا تحلفين اسمه هَتان
هاجر : تيم
تميم : شلون حتى وهو ميت يبقه يشاركني بمحبتج
انصدمت كلت
هاجر : من كل عقلك تحجي هذا اخوي تعرف شنو
اخوي
تميم : مو اخوج كافي هذا ابن عمتج
هاجر : اخويه مو بكيفك
تميم : لا تنرفزيني
هاجر : شنو يعني واذا لك مات وماخلص منك ومن غيرتك عليه
تميم : سدييي حلكجججج كافيييي
هاجر : مااسدهههه وهذاااا يتسمىىى تيممممم
تميم : مو بكيفج ابني
هاجر : وابنييي هم انييي حملتتتت بييي موووو انتتت
تميم : وانيييي اليييي خليتههه بطنججج
هاجر : اسمه تيم ومايتغير خوش
تميم : مايتسمى نعل خوشششششش
دفع الميز وانكسر وصار كزاز بالكاع نزلت دموعي عافني
وطلع كعدت بالكاع وبقيت ابجي دخلت عليه عمه ماسه
و ملاك و رشا شافن الغرفة وشهكن اجتي عمه كالت
ماسه : سوالج شي
هاجر : لا
ماسه : لعد شبيكم
هاجر : كتله اسمي الطفل تيم وهو عصب وكسر الميز
وخرب الكيكه والاغراض الي جانت على الميز وراح
تعبي
ماسه : ياربي هذا شبي راح يجنني
هاجر : بابا محمد مو بالدوام خلي انام يمج
ماسه : تعالي وياي
رحت اخذت تلفوني ونزلت وياها كعدت على الجربايه
مالتها ونزلت دموعي صارو يسكتون بيه كلت
هاجر : عمه تقبليها يكول ميت وماخلصت من مشاركته بمحبتج تخيلي
رشا : هو يغار شويه
هاجر : مو شويه كثير
رشا : عذري ياعيني
هاجر : شلون يحجي على اخوي
رشا : ميخالف متأكده يندم والله بس هسه مو بوعيه
يحجي كلشي يجي يكباله بدون مايركز
هاجر : بس تيم ماعلي
ملاك : ميخالف حبيبتي
رحت تمددت ماكدرت انام عمه نامت والبنات راحن
لغرفة ملاك وراحن نامن بقيت شكد بالكوه نمت حسيت
على ايد تمشي على خذي فتحت عيوني بفزع خفت
شافني ونصدم عباله ماراح احس
التفتت ونطيته ظهري ارجع انام سحبني من ايدي
حسيتها نخلعت اجيت احجي حط ايده على حلكي
شالني واني ادفع بي كلت
هاجر : عوفني ترا اصيح
تميم : قابل *** شبيج
هاجر : فلا تستحي عوفني
تميم : چؤ
وصلنا باب الغرفة مال عمه ضربت الباب دفرة علمود
عمه تكعد خطيه كعدت مفزوعه شافتنه كالت
ماسه : عوفها نزلها
اجت يمه وصارت تسحبني علمود ينزلني كال
تميم : لا تدخلين
ماسه : انجب ماتكول الامك لا تدخلين
تميم : عوفيها راح توكع شبيج
ماسه : نزلها
تميم : ماانزلها وخري عنها
هيا تدفع بي واني ادفع نزلني وكال
تميم : ماتجين
هاجر : لا
تميم : يصير خير اني اعلمج
ماخفت رجعنا للغرفة بعدني ستوني تمددت رجع وبيده
السلاح الي هددني بي نفس هذيج المره خفت ولزمت
بطني لزمني من زندي وكال
تميم : وهسسه تطلعين
هاجر : تميم السلاح مو لعبة وكل شويه تجيبه
تميم : كتلج اطلعي برضاتج وانتي رفضتي تتحملين
يلا كدامي
هاجر : واذا ماجيت
تميم : عبالج اخاف عليج لو على الي بطنج مستحيل
والله افرغ المخزن براسج امشييي كدامييي
شدد على اخر كلمتين خفت يرجع يجن عليه مشيت
ويا وصعدنا قفل الباب والتفت عليه وكال
تميم : كلمتي ماتصير ثنين فهمتي
هاجر : تهددنييي تكتلنييي
تميم : اييي اكتلججج موووو انيييي اليييي ينرفضضض
كلاميييي موووو انيييي الييي كلامييي مايمشييي
هاجر : وشنو يعني تطبق هذا القانون براسي
تميم : لا تستفزيني
هاجر : هسه صرت استفزك مو ماتصير ادمي ابد
لزمني من شعري انصدمت عاط بوجهي وكال
تميم : بلااااا سخافتجججج الشياطيننن تنطنططط
براسيييي استريييي نفسحججججج منييييي
هاجر : عوففف شعرييي واللههه فلااا اضللل وياكككك
تميم : غصباً عليج تبقينننن وياييي
هاجر : مو غصب راح هذا الزمانننن
تميم : لا تعيطين بوجهي اشكججج وعلي
هاجر : عوفني
دفعني على الجرباية وصار فوكي خفت كلت
هاجر : تميم الطفل لا تتهور
ماسمع مني وصاير يشك ملابسي بقيت اصيح واتوسل
بي يعوفني وهو مستمر اخذ شفايفي بقسوة نزلت دموعي وخفت منه حيل اظافري جانت طويلة خمشت
صدره وصار ينقط دم وهو ماهتم بقه مستمر
اخذ الي يريده وعافني ابجي من قوة الوجع وخوفي
على الطفل راح يسبح شويه وطلع لاف منشفه على
خصره والثانيه ينشف شعرو بيها دخلت اسبح جسمي
كله يوجعني شويه وطلعت رحت بسرعة نمت
كعدت الصبح على صوته يعتذر مني جان حاضني
ويحجي غمضت عيني واسمع اعتذاره كال
تميم : مادري شلون صار هيج الله يكسر ايدي يوم
الي مديتها عليج والله مادري شصارلي اني وعدتج
مااضربج بس مادري والله مادري مو بوعيي
صار يهمس بكلمات حب شويه ورجعت نمت كعدت
على صوت رشا تدك بالباب دحكت بالغرفة هو ماكو
رحت غسلت ونزلت جان كاعد يتريك وكلهم كاعدين
كعدت اكلت شويه وكمت تميم طلع يبدل وماناداني واني غلست نزل وكال
تميم : اني طالع تحتاجون شي
ماسه : سلامتك
تميم : دانيال تريد شي من الماركت
دانيال : من ترجع نروح نشتري
تميم : لا امشي اخذك هسه نشتري وارجعك بنات تريدن
شي
ملاك : راح اكتبهن وانطيك الورقه ثواني
رشا : اوكفي اجي وياج تكتبين الي اريده
ماسه : بنيتي ماتردين شي
هاجر : لا
عفتهم وطلعت لغرفتي حجيت ويا ماما شويه كملت
وسديته منها ونزلت اساعدهن كملنا تحضير الغده
وننتظر يجون شويه ورجعو بدلو واجو وكعدنا ناكل
كملنا ولمينه المواعين رحت اصب جاي لعمي وعمتي
وتميم رشا تغسل مواعين ملاك تعزل المطبخ وتنظفه
انطيتهم الجاي رحت يم تميم اخذه بدون ميباوعلي
وجان مندمج يسولف ويا دانيال كملنا كلشي وكل
واحد راح لغرفته يرتاح لان ظهر اني رحت نمت
قبل لا يجي تميم مابيه حيل مشاكله بعد توني غفيت
وسمعت يحجي واكف يم الشباك ومدري ويا منو يحجي
كال
تميم : ماعليج ولا يهمج
انتظر المقابل يرد رجع كال
تميم : عادي بس شلون عرفتي
انتظر المقابل رجع كال
تميم : ديانا يم فلفوله ماترحين وكرار مايخونج هاي
نحنا عدنا وياها شغل لا اكثر ولا اقل وانتبهي لتصرفج
عيب تكولين علي خاين بعد ماسحل نفسه عليج
انتظرها ترد رجع كال
تميم : اذا مو مصدكتني اسئلي امير احمد اي شخص
بس يم فلفوله ماترحين خوش
سده وتقرب يمي غمضت عيوني بقوة اجه تمدد ورفع
نفسه صار ظهرو على التاج مال جربايه شالني بهدوء
وخلاني على صدره بعده عباله نومي ثكيل صار يمسح
على راسي وكال
تميم : مااكدر اعتذر منج اعتذاري مايقدم ولا يأخر
اريد اثبتلج انو تغيرت اريد اشوفج هاي مو تصرفاتي
والله مو اني مو بيدي كله مو اني
سكت شويه اخذ نفس ورجع كال
تميم : احبج كلش هواي حتى من اهددج تبقين وياي
لان احبج مااكدر اعوفج زين اكو شخص يعوف راحته
وروحه وكلبه وعمره انتي قيطان كلبي
تحركت عود يعني ضجت فتحت عيوني شفته دفعته
وتمددت وانطيته ظهري سحبني من خصري شهكت
صار ظهري على صدرو هو يتنفس بقوة واني خفت
كلت
هاجر : عوفني
تميم : اشش تعبان اريد انام مااريد اسمع صوتج
هاجر : تميممم شبيكككك عوفنيي
عاط بيه
تميم : كلتتت صوتججج
سكتت والدمعه بعيني حتى مافكر يراضيني دفن راسه
بركبتي وصار ياخذ نفس بقوة جسمي قشعر من حركاته
مدري شلون نمت كعدت على صوت عمه
تميم : جايين
غسلت وتوضيت وصليت ونزلت جانو كاعدين يسولفون
من حجيهم فهمت اكو عرس كلت
هاجر : منو راح يزوج
ماسه : حوراء وراح يصير العرس هنا
هاجر : يعني بغداد
ماسه : اي وباجر يجون يمنه حتى يكملن كلشي ويتزوجون بسرعه
هاجر : وليش يمنه ماكو غيرنه ماتروح لبييت عمو
ادريس او ادريان
ماسه : عزا بعيني ولج خطار
هاجر : مااحب هيج خطار
رشا : حقج والله
ماسه : عزا ولج حتى انتي
رشا : يمه حوراء كل ماتجي تصير مشاكل بين هاجر
وتميم وصح مو قصدها بس تعرفين هاجر تغار على تميم
هاجر : مااغار
ملاك : اي صح اعرفج
دحكت عليها من فوك لجوه ورحت كعدت شويه ونزل
تميم مبدل وكال
تميم : ابوي راح لو لا
ماسه : ابوك راح للمعرض وكال بس تميم يكعد يجيني
تميم : خوش ايمتا يروح للدورة مالته
ماسه : اسبوع او اسبوعين ويروح مادري بعد مانطو
امر
تميم : عجيب بعد ماجان هو ينطي الامر بــ الدورات
صارو يتأمرون علي
ماسه : يحتاجون ابوك لان خبره اكثر من الباقي و***
يثق بــ ابوك اكثر من غيره
تميم : اي عيني محمد يحقق حلمه
ماسه : راح تجي ترقيه
تميم : ياحبيبي هو من زمان يريدها وهيج راح يكبر
سيطه وراح تكثر اعدائه
ماسه : الله لا يقدر شبيك تفاول علي
تميم : لا تنسني منصبه حيل عالي وكلمته ماتصير
ثنين وهو لا لواء ولا حتى فريق خوش واذا استلم
هذا المنصب راح يصير شخص مهم بالدوله
رشا : بدون مايستلم هو مهم
تميم : صح بس اهميته راح تكبر
ملاك : ليش ماصرت نفسه
تميم : جنت حابب بس حضرت جنابه ماقبل يكول
الصيدلة احسن الك يلا بله شنو ستفاديت منها
ماسه : افتح محل انت ومرتك
تميم : مكرن اخلي مرتي تشتغلي ليش ماعندي فلوس
لو شنو
رشا : هيا درست وتعبت مايصير
ملاك : صدك راح تبلش الجامعه تداومين
هاجر : اي اداوم
ماسه : واني اعتني بالطفل
هاجر : حبيبتي انتي
طلع تميم بدون رد فعل عمه كالت
ماسه : امشن نروح ناكل حلويات محل فتح جديد
هاجر خابري تميم وكوليله بين مااخابر محمد وكل وحده
تاخر زوجها تاخذ رأيه لان حرام يلا بناتي
طلعت للغرفة ماجنت اريد اتصل بس الطلعه ماتتفوت
اتصلت بي رفض ضجت شكو يرفض رجع اتصل رفضته
واتصل مره ثانيه ورفضت بالثالثه رديت كال وهو معصب
تميم : سديته لان عندي نعل شغل وانتي شكو تسدي
بوجهي
هاجر : وحده بوحده
تميم : بنت القندرة ياوحده بوحده جاي اكل خرا ويا
الزبون
هاجر : انت القندرة لا تغلط على بابا اشك حلكك
تميم : اي من ارجع نشوف ياهو يشك حلك الثاني
هاجر : اهووو يالله شكد بوخه انت
تميم : تردين ارجع اشك حلكج
هاجر : المهم عمه كالت اسئلي تميم راح نطلع
تميم : ها حلو اي ماترحين
هاجر : اريد اروح
تميم : چؤ ماترحين
هاجر : مو بكيفك يلا باي راح اروح
سديته قبل لا يحجي رجع اتصل سديته ورجع اتصل
رديت يعيط ويفشر عليه كلت
هاجر : كتلك خلي اروح انت تعاند
تميم : بنت القندرة انتي مخابرتني ترزليني لو تطلبين
تطلعين
هاجر : لا تسب ابويه
تميم : استغفر الله
هاجر : يلا باي لان لازم ابدل
تميم : ماترحين
هاجر : اروح
تميم : اذا عناد ترا ماترحين خوش
هاجر : مو عناد بس اريد اروح اغير جو
تميم : خلاص روحي بس بشرط
هاجر : شنو
تميم : دزيلي بوسة هسه يلا
هاجر : بالتلفون
تميم : اي يلا
انطيته بوسه كال
تميم : افيشششش
سديته منه وهو يضحك يلا المهم وافق اروح بدلت
بس ماحطيت مكياج علمود تيم اجيت انزل وتلفوني
دك راحت اشوف منو شفت آيلا المتصل دمعت عيوني
فتحته وكلت
هاجر : هلا حبيبي شلونج
آيلا : الحمدلله تحدد موعد علمود العمليه راح يجي
تيم الصغير بعد اربع ايام
هاجر : ياكلبي صدك
آيلا : اي والله
هاجر : تكومين بالسلامه يارب ويتربه بعزج ودلالج
آيلا : ياكلبي وانتي هم
هاجر : شخبارج شلونها المعنويات
آيلا : خايفه والله احتاج تيم بهاي الحظات يمي
هاجر : شدي حيلج ميخالف حلمت ب تيم جان بمكان
حيل حلوة وجان يكول لا تزعلون انتي وامي وآيلا اني
مرتاح وجان حيل حلو ويضوي
آيلا : الله عليج
هاجر : اي والله
آيلا : فرحت والله
دخلت ملاك وكالت
ملاك : يلا هاجر تأخرنا
هاجر : جايه
راحت ملاك وكلت
هاجر : راح اروح عمتي راح تطلع تديحنه
آيلا : اي تونسي
هاجر : يلا بيباي
سديته منها ونزلت بسرعة طلعنا نفتر دخلنا على محل
الحلا كعدنا اخترنا ميز ورحنا كعدنا طلبنا وننتظر يجي
كعدنا نسولف شويه و رشا كالت
رشا : يمه سجاد راسلني يكلي صعب والله اسوي بيت
هسه يمه حاجي ابوي و تميم خلي ارجع
ماسه : يمه علمودج والله
رشا : والله تعبنا من هاي الحاله اني وابني بعيدين عن
زوجي كلنا تعبنا
ماسه : احجي ويا اليوم
شويه وجابو الطلب اكلنا ورجعنا دخلت للحمام سبحت
وطلعت لابسه البرنص وبقيت افتر علمود اختار ملابس
اختاريت وبدلت كملت ورحت تمددت اطمش بالتلفون
بقيت ساعه اطمش دخل تميم كال
تميم : حضريلي ملابس
كمت احضر ملابسه حضرتهن وخليتهن على الجربايه
ورحت اتمدد شويه وطلع من الحمام لاف منشفه على
خصرو والثاني ينشف شعرو بدل وراح للمراية يعدل
شعره لبس ساعه وعنده سوار زنجيل تعجبت لان من
ينام ماليلبسهن كال
تميم : طالع انتي نامي اتأخر
هاجر : وين رايح
تميم : يهمج
هاجر : لا طبعاً
تميم : لعد معليج
ضجت من كلامه وكلت بهمس
هاجر : طبك مرض
تميم : سمعتج
هاجر : اركصلك يعني
تميم : ياريت
هاجر : شلون يخليني احجي
تقرب مني رجعت ظهري لتاج الجرباية كعد كبالي
وتقرب مني كلت
هاجر : اريد انام
تميم : مو اريد تحجين
هاجر : نسيت شنو اريد احجي
تميم : لا احجي يلا
هاجر : نسيت شبيك
تقرب اخذ شفايفي بين شفايفه بهدوء خليت ايدي على
صدرو احاول ادفعو لزم ايديه عافني بس بقه لازم ايديه
كلت
هاجر : عوفني
تميم : مو كتلج بس ارجع اشك حلكج
هاجر : شلون
تميم : بطريقتي الخاصه اشوفج
كملها وغمز كلت
هاجر : لا مااريد
تميم : بس اني اريد اشوفج
هاجر : حباب عوفني
تميم : چؤ ضوجتيني
هاجر : ترا المفروض انت تعتذر انت غلطان مو اني
نسيت شنو سويت البارحه بلكي صار للطفل شي
تميم : مو غبي ترا اعرف
هاجر : بس اذيتني يهون عليك
تميم : طبعاً مايهون بس مادري بروحي والله شلون
صار هيج مادري وعيت على نفسي وعفتج فوراً
اجه اتصال على تلفونه رد كال
تميم : مااجي روحو انتو
انتظر المقابل يرد رجع كال
تميم : معليك باي
سده كلت
هاجر : ليش مارحت
تميم : اعوف هذا الجمال واكابل امير الكو***
ابتسمت بقه يعتذر ويحلف بعد مايأذيني سهرنا وبعدين
نمنا كعدنا الصبح على صوت عمه ماسه نزلنا تريكنا وكالت
ماسه : دخلو بغداد شويه ويصلون
تميم : خوش وكلهم يجون يمنه صح
ماسه : اي
بقينا ننتظرهم ساعه واجو سلمت عليهم سوينه غده
تغدينا كالو نروح للسوق لان حوراء تريد تكمل جهاز
عرسها تميم كال روحي وياها ما جنت حابه اروح
بس هو جبرني اروح كال ل بيبي
تميم : راوية عود اشتري ملابس نوم ل هاجر
انصدمت وفتحت عيوني كالت
راوية : ها ما تونسك
فتحت عيوني اكثر كال
تميم : اي والله فلا تسوي شي علميها
راوية : معليك خليها يمي
التفتت الي وغمتني واني بعدني بصدمتي
.
- يتبع الفصل التالي اضغط على (رواية قسوة احفاد ال هتان) اسم الرواية