رواية قسوة احفاد ال هتان الفصل الرابع و الاربعون 44 - بقلم هاجر النعيمي
................
«ملاك»
ابوي صدمنا من كال
محمد : حيوانننن راجععع للبيتتت سكراننننن
تميم : مو سكران
محمد : وهاييي ريحتكككك شنوووو
تميم : لا تلح كتلك مو سكران
محمد : امشيييي منننن كداميييي اخذييي للعاررر
امي لزمت تميم لان مايكدر يمشي صعد الغرفته وصار
يكسر بأغراضه كلنا خفنا علي وامي تتوسل حتى يفتح
الباب وهو مستمر بعدها ماسمعنا صوته رأكان و أركان
قررو يكسرون الباب كسرو ودخلنا جان متقيئ شي اسود
ومغمي علي واكو دم بالكاع بس ماندري منين اخذنا
للمستشفى بقينه ننتظر يطلع الدكتور ياربي كون مايصير
بي شي هذا اخوي الوحيد ربي احفظه النا طلع الدكتور
طمنا على حالته مابي شي
طلعنا على البيت وليل كله امي يمه لان حرارته مرتفعه
ويهلوس ويتوسل بأمي ترجع هاجر وشويه يفشر عليها
وبعدين يرجع يتوسل حتى ترجع عجزت افسر حالته
ثاني يوم جدو جاب شيخ نفس الي اخذ تميم علي وبقه يشرح حالته كال
الشيخ : ابنكم مسحور وهذا السحر كلتلكم مايروح لان
بمعدته لو مدفون ممكن يطلع بس مطعم صعب لازم
تنتبهون اله ولا تخلو يزعل كل مايزعل راح يتمرض ويوكع عليكم
قاطعه جدو وكال
هَتان : يعني شلون مانزعله لازم يزعل وخاصه هسه
حياته مو مستقره
الشيخ : هذا الي رجع حالته للاسوء وهذا الي خله يرجع
لنقطة الصفر رجع عبالك مو معالج وكل علاجنا راح
اعتقد جان عدكم واحد ثاني هم نفسه صح
هَتان : اي
الشيخ : بس هذا ماصارله شي صح
هَتان : من يوم الي عالجتهم سوه ماصار بي شي
الشيخ : وهذا دليل على انو ماعنده ضغوطات ومرتاح
ربي يديم هاي الراحه واهم شي تخلون الولد يرتاح
وشنو يريد جيبوله بس هاي الفترة على الاقل
هَتان : شكراً الك ماقصرت
طلع جدو يوصله رجع كال
هَتان : هسه تروحن تجيبن مرته
ماسه : مو راضيه ترجع
هَتان : مو بكيفها مو مستعد اخسر حفيدي لخاطرها
ماسه : من يصحه هو يحلها وياها
هَتان : كلت ترجعوها فهمتن
رشا : وشنو يعني ترجع غصب
هَتان : ايييي
رشا : حرام عليكم تحملت كلشي منه وهسه تريدون
تغصبوها ترجع حتى مايتأذه ابنكم وهيا اذا تتأذه عادي
هَتان : وانتي هيج مو هامج حياة اخوج
رشا : طبعاً تهمني بس تميم غلطان هيا حامل شلون يضربها وفوكها علمود حوراء الي كل ماتجي تسوي مشاكل بينهم
حوراء : معليه والله بدون قصد تصير المشاكل
رشا : هيا كالتلج جوزي عني ليش تخليها تسوي شي
تندمج علي
هَتان : رشاااااا
رشا : مايعجبكم الي يحجي الحق صح
كامت وراحت للغرفة مالتي بقو يتناقشون علمود يرجعون
هاجر امي خابرتها ورفضت ترجع للمرة الثانيه ورغم امي
كالتلها مريض وهيا ماهتمت حسيت ماعاد تحبه هيج
صارت هاجر ما تهتم ل تميم
مرت يومين تميم حالته تتراجع ويضل يتقيئ هذا الاسود
ويجي الشيخ يقرأ على راسه ويروح بعدها مر يومين ثانيه وتميم حالته من سوء الى اسوء بطل ياكل تكول
زعطوط
اخذت الاكل اله وكفت يم الباب اسمعه يحجي ويا امي
يكول
تميم : اريدها رجعيها يهون عليج ابنج متعذب
ماسه : ماترضه شنو اسوي يا يمه
تميم : اني اريدها اريدها
ماسه : اجيبها الك والله بس تحتاج وقت اصبر ياروحي
تميم : ل يمتا اضل اصبر تعبت ماعاد عندي طاقه او صبر
ماسه : ميخالف حبيبي الله يختبرك
تميم : بس مو يختبرني براحتي يمه هيا راحتي هيا
كل حياتي شلون اعيش بدونها مااكدر والله احس
صارلي سنه ماشفتها
ماسه : حاجيها
تميم : اخاف ترفض ترجع واعصب عليها واجبرها ترجع
ماسه : جدك يريد يجيبها حتى لو غصب عنها احجي ويا
يعوفها هيا تجي وحدها بس تحتاج ترتاح
تميم : راح يصير اسبوعين بعد شكد تريد ترتاح
ماسه : ميخالف
تميم : رچيچَة كلوبنة وطاريك يرد الحِيل
ماسه : ادري تعبان بس اصبر وما بعد الضيق اله الفرج
تميم : هو هيج
دكيت الباب ودخلت مبتسمه رد الابتسامه الي كلت
ملاك : شنو هاي متحسن اليوم يلا عيني شو مغلس
كوم طلعني
تميم : تدللين كم ملاك عندي
ملاك : ابوسك
رحت يمه خليت الاكل ورحت بسته كال
تميم : مو جوعان والله
ملاك : تاكل
تميم : مو جوعان والله
دخلت رشا وكالت
رشا : لخاطري
تميم : خاطرج جبير بس مااشتهي
رشا : خوش لعد اني هم مااكل
ملاك : اي واني هم
تميم : شعليجن بيه اني مااشتهي بس انتن شكو حتى
ماتلكلن
رشا : مانشتهي صح ملاك
ملاك : اي صح
تميم : تصرفاتجن مال زعاطيط
ملاك : ديلا على اساس تصرفاتك مال كبار
تميم : ها مو شفتيني مريض تذبين كلام عبالج مااكدر
اكوملج
ملاك : مخيالف كوم اذا تتحسن
تميم : تعالي ابوسج هو اني كم ملاك عندي
ملاك : هيا وحده وشالعه كلبك
تميم : اتفق
ملاك : هااااا
تميم : اقصد هيا وحده يعني
دخل دانيال واجه يمنه للجربايه صعد وبقه يكمز و رشا
تعيط علي لا يجفص بطن تميم وهو مستمر بطل وراح
يم تميم يحضنه كال
دانيال : كوم خالو طلعني هنا محد يطلني صارلي اسبوعين محصور حصرة الجلب
تميم : لا هسه اكوم اطلعك يلا بنات كومن بدلن وخلي
البنات حوراء وزينب يبدلن وهسه اخابر امير يجي
رشا : لا تخابر امير
تميم : ليش
رشا : حوراء و زهراء علاقتهم مو تمام وماريد يلتقن
بعدين تصير مشاكل بين امير و زهراء
تميم : خوش لعد
رشا : انت هم ابعد عن حوراء ياعيني مرتك تغار ومن
حقها انتو مزوجين عن حب هسه انت مو جنت تغار من
تيم الله يرحمه وهيا تغار من حوراء اذا تريد هاجر ترجعلك عوف حوراء
تميم : هو هيج
رشا : عفيه بحبيبي واخوي وتاج راسي
تميم : انتي تاج راسي يلا كومي بدلي
طلعنا نبدل وبقت امي يم تميم تحضر ملابسه بين ما
نحنا نبدل هو يسبح كلت للبنات بدلنا وكملنا وبقينه
ننتظر تميم يخلص شويه وخلص نزل ورحنا بقينه نفتر
حيل تونسنه بس حوراء جانت ضايجه لان بسببها خربت
حياة تميم
رجعنا ب 11 ورشا راحت تحجي ويا هاجر تقنعها ترجع
طلعتني من الغرفة تريد تحجي وياها براحتها وابد ماتوقعت هاجر و رشا تقوة علاقتهم لان جانن وحده
ماتطيق الثانيه
.....................
« هاجر »
خالي عزم خالاتي وامي واني و بارق رحنا يمهم وكال
محد يرجع تنامن عندي كلنا بقينه بس بارق رجع بليل
اجاني اتصال اخذت نفس وجاوبت
رشا : هلا حبيبتي شلونج
هاجر : هلا كلبي الحمدلله وانتي
رشا : مو زينه ابد
هاجر : ليش ياستار
رشا : شلون تردين اكون زينه واني اشوف اخويه ينهار
هاجر : مافهمت
رشا : اعرف الي سوه تميم بيج غلط وصعب ينغفر بس
هاجر تميم تدهورت حالته وكل يوم من سوء الى اسوء
محد يكدر يشافي غيرج انتي علاجه وبسبب الي صار
رجع لنقطة الصفر وصار السحر يأثر علي والشيخ كال
يحتاج راحه لا ترفضون طلب اله ولا تخلو يزعل
هاجر : المعنى
رشا : ارجعي حتى لو مؤقت بس فترة يتحسن و روحي
ومثل مااني مااقبل على نفسي من سجاد يضربني مااقبل
عليج تنضربين من اخوي
هاجر : بس اني كلت لامج ماريد ارجع واريد اطلك
رشا : وبرأيج هذا حل
هاجر : اي حل
رشا : اذا تتوقعين تميم يعوفج ف انتي غلطانه تميم
ما ممكن يتخلى عنج هاي اول شي ثاني شي اكو طفل
بطنج شلون يتربه بدون ابو
هاجر : اني اصير امه و ابو
رشا : وتميم يعوف ابنه تتوقعين يتخلى عن ابنه بسهولة
هاجر : اني كتله عوف حوراء وهو مايسمع مني خلاص
ماعندي حل وتعبت منهم ومن مشاكلهم ماعندي طاقه
اتحمل اكثر
رشا : انصحج ترجعين برضاج لان جدو مايعوفج وهو
يدري انتي علاج حفيده واكيد يرجعج غصب
هاجر : ماكو شي اسمه غصب
عجزت تقنعني سدته بوجهي وراحت ثاني يوم رجعنا
لبيت بارق وامي وخالاتي رجعن لبيوتهن بقينه اني
وبارق مر كم يوم وبارق خطيه مايتعبني كله يجيب
من بره وهو ينظف بقيت يم بارق فترة طويله دخلت
شهري السادس
بلشت احضر ملابس للطفل وبارق بكلشي وياي وحتى
من فلوسه يشتريلي لان هو متكفل بيه وبكل شي يخصني بعتبار اخته بالرضاعه بيوم اندك الباب طلع
بارق رجع كال
بارق : اكو واحد چبير بالعمر يريدج بس مااعرفه منو
هاجر : اكيد هَتان اجه ينفذ تهديده
بارق : تهديد شنو
هاجر : رشا كالتلي اذا ماتجين برضاتج راح يجي جدو
ياخذج غصب عنج
بارق : وانتي تتوقعين اعوفج
هاجر : طبعاً لا ماتشوف مو خايفه لان اعرف وراي
زلمه
ابتسم وطلع دخل هَتان وبارق كعدو ضيفتهم جاي
وكعدت بعد صمت دائم واخيراً نطق كال
هَتان : ايمتا ناويه ترجعين
هاجر : بصراحه مو ناويه ارجع وبصراحه اكثر حابه
اطلك
هَتان : لان هو بكيفج
بارق بعصبيه : عمي انت بيتنه ياريت ماتنسى
هَتان : وشنو يعني تهددني
بارق :ابد بس انتبه لكلامك
هَتان : اني مو جاي احجي وياك المهم كومي وياي نرجع
هاجر : تعذرني والله
هَتان : شنو رأيج نسوي اتفاق
هاجر : مااريد
هَتان : بس اني حاب اتفق وياج
هاجر : شنو
هَتان : حسب مااعرف تحبين اهلج صح
هاجر : اي ليش
هَتان : وانتي تعرفين شكد احب حفيدي
بارق : ياريت تختصر و بدون مقدمات
هَتان : اي مو تدلل يا تجين وياي يا ادز ناس تكتل واحد
من اخوانج
بارق بعصبيه : انت شتحجييي
هَتان : وبعتبار انت واحد من اخوانها انتبه لنفسك
هاجر : لان الدنيا سايبه وتمشي بكيفكم
هَتان : ابني ترقه واعتقد تعرفين هذا الشي
هاجر : اي
هَتان : صار اقوة من قبل تتوقعين صعب يدز ناس
تكتل اخوج
هاجر : اكو قانون واكو كلشي نشتكي عليكم قبل لا تسوون شي
هَتان : تتوقعين احد يصدك انتي جاي تتهمين ال هَتان
هاجر : وشنو يعني واذا اتهمكم
هَتان : هاجر اعرفج ذكيه وتفهمين على الطاير معقول
صرتي غبيه
بارق : احترم نفسك انت بيتي
هَتان : ترجعين لو لا
هاجر : لا
هَتان : براحتج
طلع وعافنه مر اسبوع وماكو شي عرفت انو جذاب وبس
جان حابب يخوفني حتى ارجع واني اعرف عمو محمد
مستحيل يأذي احد من اخواني بيوم بارق تأخر على
الغده واني جعت كلش اتصل علي مايرد اتصلت اكثر
من 10مرات وماكو رد بعدها كلت اتصل اخر مره رد
خوش واذا مارد اعوفه اكيد مشغول اتصلت و رد واحد
غريب كال
: صاحب الجهاز مسوي حادث ونحنا بمستشفى ****
وكع التلفون من ايدي وبقيت ارجع بالكوه سيطرت على
نفسي اتصلت على خالي انطيته عنوان المستشفى يجي
هناك خفت اخذ تكسي وماعندي غيره خابرته رد كلت
هاجر : كرار ماعندي غيرك تعالي اخذني اريد اروح
لمستشفى **** ابن خالتي مسوي حادث
كرار : جايج تحضري
تحضرت وبقيت انتظر شويه واتصل كال برا ينتظرني
طلعت واخذني للمستشفى وبقه وياي نزلت ركض اسئل
دلوني على مكانه رحت وشفت خالي كال
ابو ايليا : بالعمليات
هاجر : وهيج حالته خطره
ابو ايليا : اي
بقيت ابجي وادعي ربي يطلعه بسلامه بعد فتره طلع
الدكتور رحنا يمه كال
الدكتور : الحمدلله المريض صار بخير ننتظر يفكه البنج
واتدخلون علي
بقينه ننتظر يفكه البنج شويه وكال
الدكتور : تكدرون تدخلون
دخلنا وخالي بقه يسئله شلون صار الحادث وهو بلش
يسولف كال
بارق : طلعت من الشغل رايح اجيب اكل رحت بسيارتي
وجان تجي سيارة تضل تكسر عليه لحد ماكلبت بيه
السيارة
ابو ايليا : يعني متعمد
بارق : مادري
فوراً تذكرت تهديد هَتان كلت
هاجر : من رخصتكم اروح للحمام
طلعت ماعندي رقم هَتان خابرت على كرار رد كلت
هاجر : كرار اريد رقم هَتان
كرار : شلون صار ابن خالتج
هاجر : الحمدلله بخير
كرار : هسه ادزه بمسج
بقيت انتظر يدزه دز اتصلت علي رد كلت
هاجر : انت السبب بحادث بارق مو
هَتان : من اكول عنج ذكية يلوموني
هاجر : اذا عبالك نسكت تحلم وشوف شنو ممكن اسوي
هَتان : لا تهدديني اني هَتان مو تميم اسمع كلامج واسكت
هاجر : يصير خير
سديته شويه واجو الشرطه ياخذون اقول بارق خالي
راح يجيب اكل وهمزين ماجان موجود كلت
هاجر : نحنا نعرف الي دبر الحادث
الضابط : منو
هاجر : هَتان ***** هو مسوي الحادث
الضابط : قصدج ***** محمد هَتان
هاجر : اي اكيد يعرف
الضابط : وشنو مصلحته
هاجر : هددنه
الضابط : من كل عقلج تحجين
بارق : الي كالته الك هو الصح
الضابط : ياهو يكدر يلعب ويا *** محمد
بارق : خايفين يعني
الضابط : انت ماتعرف منو هذا لو تغشم نفسك
هاجر : محمد يكون عمي ابو زوجي
الضابط : واذا ابو زوجج تتبلين علي
هاجر : مااتبلى عفت ابنهم واريد اطلك وهما هددو بقتل
اخويه
الضابط :*** محمد راح يلعب وياكم انتو منو حتى
يعوف شغله ويجي يلعب وياكم
عافنه وراح كلت
هاجر : بسيطه
بارق : لا تتهورين
اندك الباب ودخل هَتان كلت
هاجر : والك عين تجي هنا
هَتان : لا هاجر عيب عليج اي بارق الحمدلله على سلامتك بس شلون طلعت سالم هذا الي تعجبت منه
توقعت تروح لربك
هاجر : وبكل عين وقحه تجي تعترف
هَتان : ليش ماشتكيتي علينه
هاجر : محد صدكني
هَتان : شكتلج وانت هاي المره طلعت سالم وعد المرة
الثانيه ماتطلع منها
هاجر : كافي حرام عليك
هَتان : اني حرام عليه لو انتي يا عديمة الضمير عايفه
رجلج وباقيه تفترين ويا هذا وتحضرين لابنج وهو بالبيت
مريض حتى شغله مايروح وبسببج محمد اخذ اجازه
علمود يهتم بأبنه الي محد يعرف شلون صار هيج وشلون
رجعت حالته حفيدي وصل للموت وانتي السبب تتوقعين
اشفق عليج
هاجر : حفيدك هو سوه بيده هيج محد كله يضربني
هَتان : هو ضربج بس اني مااضربج اني اقتل اني مو
تميم الرچيچ اني هَتان
طلع وعافنه بقينه يومين بالمستشفى وطلعنا اسبوع
بارق تحسن راح لشغله بس الغريب انو رجع ورا ساعه
كلت
هاجر : ليش رجعت
بارق : هَتان منطي فلوس لصاحب المحل وكاله شرط
تبطل بارق منك
انصدمت لهل درجه وصلت بي عفت بارق ورحت لغرفتي
اتصلت بعمه ماسه وكتلها على كلشي نصدمت وكالت
هيا تحل الموضوع
......................
« ملاك »
كلهم مجتمعين يمنه علمود يشوفون تميم عمه ميرال راحت وره فترة رجعت تطمن على حال تميم الي من
سوء الى اسوء محد يعرف ليش ضعف وصار بالكوة
ياكل واذا اكل كله يتقيئه وهسه عايش على المغذي
كاعدين كلنا وامي اجاها اتصال راحت وره نص ساعه
رجعت معصبه وكالت
ماسه : محمد شلون تسوي هيج ب مرة ابنك
محمد : شمسوي
ماسه : ماتعرف انت مدبر حادث ل بارق حتى يموت
وانت طارده من الشغل واشتكو عليك ومحد صدك من
العسكر
محمد : دقيقه شتحجين انتي اني ماسويت هيج
هَتان : انت ماسويت بس اني سويت وبأسمك
محمد : شلون شلون
هَتان : اي واذا ماترجع ل حفيدي اقتل كل اهلها مو
بس اخوها
محمد : شلون تسوي هيج ماخفت على ابني اذا عرف شنو ممكن يسوي
هَتان : وابنك شلون راح يعرف هيا راح ترجع وغصباً عليها وتصير ادميه ويا تميم
دخل تميم وكال
تميم : ومنو سمحلك تتدخل بحياتي
هَتان : كل هذا لمصلحتك
تميم : اكدر اجبرها ترجع بس مااريد اريدها ترجع بس
برضاتها مو غصب
هَتان : ولك انت شنو بعدك خايف عليها وهاي عايفتك
ورايح تتونس
تميم : وانت شعليك بصفتك شنو تتصرف هيج هيا
مرتي لو مرتك انت اهتم بنسوانك الثنين وعوف مرتي
عوفني
هَتان : مااعوفها لحد ماترجعلك
تميم : معليك اني مااريد ترجع شعليك
هَتان : اعرفك ولك مرضك كله بسببها ولك حتى ماتكدر
تكوم من فراشك وعايش على المغذيات حتى اكل ماتكدر
تاكل شوف وين وصلتك
تميم : مو هيا وصلتني لهنا اني وصلت نفسي اني هنتها
وضربتها واتحمل غلطي انتي اطلع منها عوفي حياتي
كافي الي صار بسببك بالماضي
هَتان : مااعوفها وارجعها الك
تميم : تعوفها واذا اعرف مسويلها شي اني اشتكي عليك
فهمت ومو بس هيج تحلم بيوم من الايام اباوع بخلقتك
هَتان : ولك تفضلها عليه
تميم : افضلها عليكم كلكم كلكم ماتستاهلون هيا بس
تستاهل هيا الي تستاهل اتعب واتمرض وحتى اموت
علمودها مو انت الي تستاهل
وكع واغمى علي اخذنا بسرعة للمستشفى والدكتور قرر
يسويله عمليه ثاني يوم صارت علميته بقينه ننتظر يطلع
.....................
الكاتبه : ( الابطال ماذكرو شنو نوع العمليه الي سواها تميم )
.............
« ملاك »
رشا خابرت هاجر وهاجر رفضت تجي وامي اتصلت عليها وتوسلت بيها ترجع وهيا رافضه كالت
هاجر : هو طلب من جدو يقتل اخويه ماارجعله
ماسه : والله محد مايعرف غير هَتان حتى محمد ماجان
يدري
هاجر : شلون يعني عمو محمد معلي
ماسه : والله مايدري بشي هَتان هو مسوي كل هذا محد
بينه يدري بي
هاجر : هسه اجي
سدته نص ساعة اجت هيا وبارق وبقو ينتظرون ويانه
بعد مرور 5 ساعات طلع تميم دخلنا نشوفه وهو تحت
تأثير البنج شاف هاجر وبقه يتغزل بيها من شاف هَتان
بقه يفشر علي
تميم : انت السبب انت خربت حياتي فلا اسامحك
هَتان : انت بس صير زين مااريد شي منك
ماسه : نادو الدكتور يشوفه
تميم : وهذا الدكتور ابن الكح*** يسويلي عمليه يريد
اموت ابن القندرة فوك ما منطي فلوس واهليه ابن
الزفره مايعرف يشتغل زين ابن الكو***
عمه تسد حلكه حتى يسكت بعد ايدها وشاف امير
يضحك كال
تميم : امير القندرة متونس على وجعي طبعاً كو**
شترجه منك وهذا كرار الكو** مايجي عليه طبعاً ملتهي
بمرته ابن الزفره
وبقه يسبهم واحد واحد واحنا ميتين ضحك عليه وامير
يصوره حتى يهدده بي وره يومين طلع من المستشفى
بهاي اليومين جان كله نايم والدكتور هو الي ينطي مهدء
حتى يتحسن وغير المغذيات الي ياخذها طلع من المستشفى تمدد بغرفته كال
تميم : هاجر ليش مااجت
ماسه : حبيبي ماعافتك وانت بالمستشفى
تميم : ماشفتها
ماسه : انتي غير جنت نايم ماتدري
تميم : يعني اجت علمودي
ماسه : اي غير تحبك بس جدك الله يصلحه هو خرب
كلشي
تميم : مو جدي ماعندي حجي ويا ولا اعرفه ولا يعرفني
ماسه : مايصير
تميم : يصير ومااريد احد يناقشني
ماسه : صير زين حتى تروح تجيب هاجر
تميم : ماتقبل
ماسه : انت ماشفتها شصار بيها
ثاني يوم بارق جاب هاجر وبقه يحجي وياها شويه يم
الباب باسته وراح
..............
« هاجر »
قررت ارجع ماعرف ليش كل مااشوفه اضعف اكره
ضعفي كدامه من اشوف عيونه ينتهي كل حزني من
اشوف شكله انسى الحزن وانسى العاركات وانسى
كل شي سواه الي اكره نفسي الضعيفه كدامه
دخلت سلمت على البنات وعلى عمه ماسه واعتذرت من عمو محمد لان عبالي هو السبب بحادث بارق واعتذرت
من عمه ماسه ومن البنات دخلت غرفتي وانصدمت
اكثر الاشياء ماكو مثل التخم والميز والعطور والكنتور
مكسور
رحت يمه للجربايه خليت ايدي على شعره فز من شافني
ابتسم كعدت يمه وبقينه بس نباوع بعيون بعض اشوف
بعيونه الندم واشوف بعيونه يطلب السماح مني اشوف حبه الي اخذني بحضنه وكال
تميم : لا تعوفيني تميم مايسوه شي بدونج
هاجر : مااعوفك ابد اصلا عمري ينتهي بس اعوفك
تميم : احبج ياقيطان كلبي
هاي الكلمة كفيله حتى ارضه مر شهر ماكو شي جديد
نفس الروتين واجه عرس حوراء الي اصلا ماراح اروح
علي علمود تيم الله يرحمه عمه اميرة كالت
اميرة : روحي على العرس حتى لا يزعل ويضوج لان
بس نحزن مانفرح
هاجر : مااكدر اروح لعرس واخويه صارله فترة من
مات
اميرة : ميخالف ياعيني
اقتنعت اروح بس ماجان عندي ملابس تميم بيوم العرس
الصبح كال
تميم : كومي اشتريلج ملابس
هاجر : مو لازم
تميم : يلا عيب عليج
كمت ويا واشتريت فستان مرتب لونه اسود وبي شذر
ابيض على الحنه مارحت بس راح اروح على العرس
وصلنا القاعه ورحت كعدت بطني تمشي كدامي دخلت
شهر السابع واحس بتعب فضيع اريد بس اجيب واخلص
بقو يركصون شكد مريم دخلت شهرها الثامن و زهراء
دخلت شهرها السادس شويه واجه دانيال وعلي ودانيال
فرحان و رشا كالت
رشا : شبيك فرحان
دانيال : شفت ابوي
رشا : صدك وينه
دانيال : برا وكال خلي امك تجيني اريد احجي وياها
باوعتلي وكالت
رشا : راح اروح بس مو تكولين لاحد
هاجر : حتى اذا احد عرف معلي هذا قرارج
طلعت وبقيت انتظرها واشوف الناس تركص واتحمس
واريد اكوم واغلس علمود الطفل شويه ورجعت رشا
كالت بفرح
رشا : سجاد شترى بيت وباجر يجي يصالحني
هاجر : ان شاءالله تعدي على خير وترجعين يم زوجج
رشا : اي عفيه دعليلي انتي زينه بلكي ربي يستجاب منج
خلص العرس على خير واني خلصت من حوراء وثاني
يوم اجو بيت عمه نيرال وصالحو رشا واخذها سجاد
علمود يرتبون بيتهم ويدرون اثاث بليل اجاني تميم كال
تميم : باعي اريد اغير الغرفة احس ضايج منها كلش
هاجر : براحتك
تميم : راح اسوي لونها فيلي عميق
هاجر : الي تشوفه سوي
تميم : وبس نكمل نشتري كريكوت ل تيم
هاجر : ثواني شنو كلت
تميم : نشتري كريكوت ل تيم
هاجر : واخيراً اقتنعت اسمي تيم
تميم : اي فكرت بيها وحبيت الاسم راح يصير اسمه
تيم تميم اللههههه هههههههه
ابتسمت اخذني بحضنه ونمنا كعدنا الصبح نزلنا تريكنا
وهو راح للشغل سوينه غده ونظفنا البيت ورتبنا رجع
الظهر تغدينه ونمنا والعصر رحنا للسوق اشترينه غرفة
نوم مع تخم ثنين وبس واحد يكعد بي اشترينه كريكوت
ويا لون الغرفة
واشترينه ميز صغير دائري زجاج نفس الي جان عدنا
رجعنا للبيت وتميم جاب ناس تشد الغرفة واجه امير
وكرار واحمد يساعدو كمل كلشي طلعت اشوفها تجنن
بعد احلى من غرفتي القديمه القديمه جان لون الخشب
ابيض بس هذا الشخب لونه فيلي عميق يجنن ولون
الغرفة ابيض وبيها ديكور بالسقف
نزلت جانو يضحكون الولد وكل شويه واحد يصيح
ماصار الجاي وترجع ملاك تعيط دقيقه وكل شويه
يعيدوها متت ضحك عليهم كرار كال
كرار : باع كرشها شكبره
تميم : عينك الفكر عين الحاسود بيها عود تفففف
وصار يتفل على كرار كال
كرار : شبيكككك شبعتني تفل
تميم : غير اسبحك الله يعلم ايمتا سابح
كرار : نوب يكلولي ليش ماتجي عدنا شوفي عمه
ابنج شلون يحجي وياي
ماسه : ولك تميم عوف كرار
تميم : يمه قابل ***** شبيكممم
شهكت ونزلت راسي ستحيت كرار كال
كرار : على الاقل مو كدام البنات كولها بينه
تميم : عادي قابل يفرق
كرار : شلون راح اشكك
تميم : تمشي من كدامي لو احط رجلي بط***
كرار : عمه العشه ترا متت جوع عيب عليكم جايبنه
نشتغل على الاقل اكل شويه دلعونه
تميم : ماتروح لبيتك تاكل مخلفك وناسيك
كرار : ابن القندرة نكسر ضهري واني اشتغل بغرفتك
على الاقل طعمني
تميم : اطعمك سم
كرار : حتى لو سم قابل المهم اكل
امير : عوفه امشي اخذك ناكل مندي بويه يجنن فتح
جديد
تميم : يلا امشي
امير : كلت ل كرار مو الك
تميم : تفرق
امير : ابد وادعتك اذا تريد حتى كرار مايجي
تميم : هاي هيا
كرار : ولد الجلاب مو هيج
بقو على العشه تعشو وسهرو يمنه وراحو وامير عزمنا
يمهم باجر دخلت لغرفتي تعبانه رغم ماسويت شي
بس كاعده دخل تميم شافني كال
تميم : ها تعبانه
هاجر : كلش
تميم : من دخلتي شهر السابع صايره ثكيله
هاجر : غير ابنك تعبت
تميم : ماضل شي
تقرب مني اخذ شفايفي بين شفايفه شويه وعافني راح
يسبح طلع لاف منشفه على خصره والثانيه ينشف بيها
شعره لبس شورت واجه يمي كال
تميم : فَهل للورد يلدُ ورداً بهيئة بشر يُشابهُكِ
ابتسمت وكلت
هاجر : احب كلامك
تميم : كلامي قليل بحقج يااحلى انتصار بحياتي
....................
- يتبع الفصل التالي اضغط على (رواية قسوة احفاد ال هتان) اسم الرواية