رواية قسوة احفاد ال هتان الفصل السادس و الاربعون 46 - بقلم هاجر النعيمي
قبل الاخير
........................
هاجر : اعشق كلامك
تميم : كلامي نخلق بس الج
هاجر : احبك
تميم : احبج ياقيطان كلبي
باس خدي وراح نزلت ويا تغدينه وطلعنا نبدل جابو حوراء من الصالون مع اختها ومرة أركان ونحنا رحنا
نبدل بدلنا وحطينا مكياج كالت ملاك
ملاك : هاجر حبابه انتي خلصتي روحي على تميم جيبي
من سيارته حذائي نسيت انزله
ديانا : اني اجيبه شوفي بطنها
هاجر : عادي مو مشكله اني اريد امشي
نزلت ادور تميم لكيته رحت يمه وكلت
هاجر : بس اطلع جيب من صندوق السيارة حذاء ملاك
تميم : شني هذا المكياج خلي اشدلي كرون
هاجر : عوف لكرون فدوه بس جيب الحذاء
تميم : اوكفي وهاي الثولة دزتج انتي بمكان ماهيا تجي
هاجر : مو مكمله واني اريد امشي من اكعد اتعب
تميم : هذا الحيوان متعبج مو
هاجر : لا تحجي على ابني
تميم : امشي من كدامي احسن مااجيبج براشدي
هاجر : يمه خفتت شوفف
رفعت ايدي واهز بيها عود خفت اجه وراي رحت ركض
للمطبخ كال
تميم : على كيفج يولي
ضحكت ودخلت للمطبخ بيبي من شافتني كالت
راوية : صوت ضحكتج واصله لسابع سماء عيب عليج
انتي مو بيت وحدج حتى هيج تتمضحكين
هاجر : تميم شافني اضحك ماكال شي يعني عاجبه
تميم : بلا مشاكلكم
طلعنا جبنه الحذاء ورجعنا وبقه وراي كلت
هاجر : راح تجي وياي لفوك يعني
تميم : غير اوصلج
هاجر : يلا
طلعنا فوك وسحبني من ايدي لغرفة فارغة سد الباب
ودفعني ورا الباب خله ايديناته على الباب يمنع اشرد
كال
تميم : اوفف شني هذا الجمال
هاجر : استحي والله
تميم : هو ياهو يجي يستحي
هاجر : اويييي كلامك يجنن
تميم : شتعلو اهلج لا تكولين اوي
هاجر : اوييييي
لزم راسي واخذ شفايفي بين شفايفه شويه وعافني كال
تميم : مو شفايف ضيم تروي العطشان
هاجر : يلا خلي اروح
تميم : دخيل عيونج شكد بيهن سوالف
هاجر : اوييي والله استحي
تميم : امشي من كدامي لا اشكج يلاااا
طلعت واني اضحك رحت للغرفة ديانا بس شافتي وكعت
من الضحك بقيت مصدومه وكلهم انتبهو الي وصارو يضحكون كلت
هاجر : شبيكم بيه شي يضحك
ديانا : شوفي شكلج بالمرآيه
رحت اشوف شكلي وانصدم الحمرة خربانه بقيت فاتحه عيوني احاول استوعب كلت
هاجر : هاي مو تلزك على الشفايف شلون
زهراء : الظاهر تميم اقوة
هاجر : انجبي ادبسزززز
بقو يضحكون عليه واني شويه وابجي من الفشله رجعت
حطيت مكانها وعفتهم ونزلت شافني كرار كال
كرار : لك شني هاي شنو هل جمال شنو هل اناقه
هاجر : جمال عيونك
كرار : باع بطنها والله تضحك
هاجر : ترا اكول ل تميم عليك
كرار : اسف كلشي اله يعرف تميم
هاجر : يلا ولي
انصدم واني هم انصدمت كلت
هاجر : اسفه والله طلعت بالغلط عذرني
كرار : ولا يهمج عادي شبعت منهن
ابتسمت عفته وكعدت بالصالة ويا الكل بعدها رحنا للقاعة
محد من الولد اجو لان عيب هما اهل العروس جانت حلوة الحفلة وكل عائده بقيت كاعده ماكدرت اكوم واركص وزهراء يمي ومريم هم وكل شويه زهراء تحجي على وحدي كلت
هاجر : ولج كافي ابني راح يطلع مُعوق من كد التمنر كافي يولي
زهراء : يمه يعني بنتي هم تتعوق
هاجر : شعبالج
مريم : لا يربي اني معليه هنَ جانن يتنمرن
ضكيناها بضحكه اني وزهراء خلص العرس رجعنا للبيت
ثاني يوم راحو النسوان الكبار ومشت ثلاث اشهر بهاي
الاشهر ماصار شي بليل نايمين كعدت على وجع بطني
كلش قوي كلت
هاجر : تميم حباب راح اموت بطني توجعني
تميم : نامي يمعوده
هاجر : تميم اخخخخخ يمههه الحكينيييي
فز بسرعه كال
تميم : شبيججج
هاجر : راححح اموتتتت فدوههه سويييي شيييي اخخخخخ يمهههه بطنييييي لحكونييييي
عافني وراح شويه ورجع ويا عمه ماسه لبسوني عباية
ورحنا للمستشفى بطني توجعني كلش وصلنا ودخلوني
للطوارئ بقيت اصيح بطني تموتني وجع فضيع عيوني تغوش الدكتورة كالت
الدكتورة : اصحي وياي ساعدي ابنج عيني
بقيت افتح بعيوني واغمض كالت
الدكتورة : اضربيها راشدي راح يروح الطفل من ايدنا
حسيت على راشدي رجعت اعيط من الوجع كالت
الدكتورة : اييي عفيه بعد يلا حبيبتي ساعدي ابنج يلا
سمعت صوته ابتسمت بتعب كلت
هاجر : اريد اشوفه حبابه
حطته على صدري بست راسه واخذو غمضت عيوني بتعب ونمت حسيت على صوت تميم وعمه يحجون عمه
شافتني كالت
ماسه : الحمدلله على سلامتج يمه يتربه بعزكم ودلالكم
هاجر : الله يسلمج وينه اريد اشوفه
ماسه : هياته شوفي
اخذته بحضني واجعص بي كالت
ماسه : يولي مايصير طفل بعده مايتحمل
هاجر : غير احبه
تميم : واني شنو
هاجر : هم احبك بس تيم اكثر
تميم : دباع ماكو هيج صلافه بس ابقه احبج
ابتسمت وصار يبجي كلت
هاجر : صوته كيوتت يربييي يجننن اريد اشوف عيونه
بلكي نفس تميم
ماسه : مايبين هسه رضعي يمه وانت امشي نسجله
راحو دخلت ملاك كالت
ملاك : اريد اشوفه
هاجر : بس يكمل رضاعه شوفي
كمل وهيا اخذته وبقت تتغزل بي شويه وكالت
ملاك : شوفي عيونه نفس لون عيون تميم
هاجر : جيبي اشوف
جابته يمي شفت عيونه نفس تميم بالضبط كلش حتى سحبت العين والرموش كلت
هاجر : صار عندي تميم ثنين بس تمنيت يطلع يشبه تيم
ملاك : الله يرحمو
شويه ودخلو عمه ماسه وتميم وعمو محمد تميم كال
تميم : ابن القندرة اجه بــ 4 الصبح باجر يكبر بالشكد يجي ابو راس
هاجر : هههه شوف عيونه نفسك
تقرب يمه شاف عيونه كال
تميم : اروحلك فدوه يمه تعالي شوفي عيونه نفسي
عمو محمد اخذه وصار يكبر بأذنه رجعنا للبيت حطينه
الكريكوت يمي وخلينه نمت كعدت عمه انطتني اكل تميم
النهار كله موجود والعصر اجو عمام تميم وعماته علاوي
ابن امير كال
علاوي : هاجر انتي مو كلتي من اجيب بنت ازوجك ياها
زوجيني بنتج
هاجر : يبووو ولك هذا ولد نفسك
علاوي : صدك عبالي بنيه
هاجر : لا ولد
علاوي : خلي يولي لعد مااريد كوم دانيال نلعب
دانيال : خاب انجب شوفه شكد حلو
راحو ورا اسبوع كدرت اكوم وامشي مريم جابت قبلي بشهر واليوم ولدت زهراء بس بشهر الثامن جابت الطفلة حالتها شويه تعبانه مشى شهر والكل بخير بيوم اهلو اجو
وسووها مفاجئة وجابو وياهم آيلا شافت ابني وكالت
آيلا : اروحلك فدوه شنو هل جمال حبيبي
امي ماعافته طول الوقت بيدها واني طول الوقت بيدي
ابن تيم كلت
هاجر : يشبه تيم بس عيونه نفس لون عيونج
آيلا : كل مااشوفه اذكر تيم
صارت تبجي رحت يمها وكلت
هاجر : الله عوضنه بهذا هذا تيم الي راح يكبر ويسندج
هذا الي راح يسكت الكل من يحجون عليج هذا تيم الثاني
آيلا : تعبانه اريده والله ماجاي اتحمل فراكه
هاجر : اذكري الله ترحميله
آيلا : والله دائما ادعيله واذكر الله دائما اطلع عن روحه
هاجر : اي عفيه عليج ابد لا تنسي
آيلا : ليش اكدر انسى هاي شكد مرت على وفاته لهذا اليوم اتذكر وجهو من يجي تعبان من الشغل لو من الجامعه
هاجر : لا تذكريني تدرين شكد جان يحجي عليه ويكول
صغيره اتذكر جنت بالسادس وهو اول سنه واجه يمنا
كال هاي بعدج بالسادس عجل شكد صغيره
آيلا : سوالفو تضحك
هاجر : اي والله وابد ماانسى سوالفو
آيلا : اي والله
هاجر : كومي سوي ممه ل راوي بس ليش سميتي راوي
آيلا : تيم جان كلش يحب اسم راوي وسميته
هاجر : اي خوش
آيلا : تدرين اسيل حامل للمرة الثانيه
هاجر : الله يكومها بالسلامه
آيلا : من جابت بطلو مشاكل علمود الطفل
هاجر : اي خوش الحمدلله
آيلا : بس تدرين لهسه إلياس نفسه بيج
حطيت ايدي على حلكها وكلت
هاجر : اششش ابوس ايدج لا يسمع تميم هسه يسويلي
مصيبة
آيلا : يبو مادري والله
هاجر : اخذي ابنج رضعي واروح اخذ ابني امي احتلته
رحت للمطبخ امي وعمه ماسه يسولفون كلت
هاجر : ماما جيبي تيم ارضعو
اخذتو منها وطلعت للغرفة رضعتو دخل تميم شافني
كال
تميم : شوف المسربت مكيف واني مو خطيه ابقه جوعان
هاجر : روح كل
تميم : چؤ اريد اكلج
هاجر : شتاكل مني يمعود
تميم : ايمتا يكبر اخذه وياي
هاجر : ترا عمره شهر شبيك
تميم : اي هو اريده يكبر
دك تلفوني تميم جابه الي وكال
تميم : هندرين
فتحت الخط بعد سلام كالت
هندرين : عرسي بعد اسبوعين تعالي خوش
هاجر : اي ان شاءالله اجي
بقينه نسولف كالت
هندرين : طلعي تيم اريد اشوفو
فتحت كامره وخليتها على تيم وهيا تحجي ويا وهو
مو فاهم شي شويه وصار يبجي كلت
هاجر : اروح اني انومو
هندرين : نوم العوافي
سديته منها ونيمته ونزلنا تذكرت عيد ميلاد تميم يوم
الاثنين واليوم خميس لازم احضر كلشي علمود نحتفل
بعيد ميلاده بليل كلت
هاجر : تميم اريد باجر نروح للسوق
تميم : عندي شغل والله
هاجر : نروح اني وامي وامك والبنات حباب
تميم : چؤ وحدكم لا
هاجر : تميم حباب يلا خلي نروح فدوة حبيبي
تميم : و تيم وين يضل
هاجر : ناخذه هم اشتريله ملابس
تميم : روحي
رحت بست خده كال
تميم : تضحكين عليه بهاي البوسه تعالي
سهرنا سهره حلوة ثاني يوم العصر رحنا للسوق شتريت
شموع اعلكهن بالغرفة وشتريت شموع على عمره راح يصير عمره 27 شتريت ملابس ل تيم وشتريت هديه
ل تميم ورجعنا السبت راحو اهلي والاحد نعزمنه بيت
عمو ادريان
كعدنا الصبح ونزلنا تريكنا رجعت رضعت تيم بدلنا وطلعنا
وصلنا ونزلنا سلمنا رحت على عمه ماسه وكلت
هاجر : خلي تيم يمج اروح يم البنات واساعدهن
ماسه : جيبي هذا ابني يمه فدوه شنو هل جمال
رحت يم البنات كعدنا نسولف شويه وبيبي كالت
راوية : ولجن كملن طبخ عوفن السوالف
هاجر : بيبي غير نسولف ونحجي شبيج
راوية : سدي حلكج واشتغلي الكوبرا
غلست عليها وهيا استلمت ديانا وكل شويه تكلها شوكت
تحبلين وديانا طلعت تبجي اني وزهراء و مريم و ملاك
ندري بيها عقيم ماتجيب اطفال و كرار هم يدري بس هو
رفض يكول لاحد حتى اهله مايعرفون مايريد احد يحجي على ديانا اجه كرار معصب وكال
كرار : راوية شبيج ويا ديانا كل ماتشوفيها وتكوليلها
شوكت تحبلين شعليج
راوية : احجي وياي زين ترا اكول ل جدك عليك
كرار : كوليله خايف منكم مرتي مابيها شي اني عقيم
مايصير عندي جهال رتاحيتي
شهكت بيبي وعمه غاده لطمت وكالت
غاده : يمه صدك هذا الحجي
كرار : اي ومحد يحجي ويا ديانا مو كافي متحملتني
واني مااجيب اطفال اذا اسمع واحد حاجي بهيج موضوع
اكرها عيشته خوششش
عافنه وطلع نقهرت ونزلت دموعي مسحتها وكلت
هاجر : ها راوية رتاحيتي خربتي حياة الولد عوفي بحاله معليج بي
هَتان : هاجرررررر
التفتت على الباب وشفت هَتان وراي كال
هَتان : شلون تحجين ويا راوية هيج
هاجر : كل ماتشوف ديانا تسئلها شوكت تحبلين واليوم
كرار كد ماضاج كال هو عقيم
هَتان : شتحجين انتي
هاجر : اي والسبب راوية
هَتان : تحجين ويا راوية بأدب فهمتي
اجانه صوت تميم وكال
تميم : مرتي تحجي بالطريقه الي تحبها وبعدين ماكالت
شي غلط
هَتان : ولك تحجي على راوية
تميم : راوية بكلشي دخل نفسها خلي تحل عن الولد
شويه وبعدين مثل ماانت ماتقبل احد يحجي على مرتك
اني هم مااقبل احد يحجي على مرتي والي يحجي يروح
بيها صح هَتان
هَتان : تهددني
تميم : ابد بس لو تروح تلتفت ل حمزة وتعوف سوالف
النسوان يكون احسن
هَتان : امير و احمد يكومون بالواجب
تميم : ماعلي بيهم اني راح ادخل اعرف ماراح يكدرون
يحلوها
هَتان : انت تبقه بعيد
تميم : لا تخاف عليه مرتي تعرف ماضيي وماتعوفني ارتاح
عافنه وطلع اجاني تميم وكال
تميم : اكص لسان الي يحجي عليج واذبه للجلاب
هاجر : يلوموني لان احبك
تميم : اموت عليج
راوية : طاح حضك
غمتنه وطلعت ضحكنا على تصرفاتها كرار جان اليوم كله مو طبيعي وكل شويه بيبي تهدي وعمه غادة تصبره كال
كرار : مااريد هذا الموضوع ينفتح
عافنه وطلع برا كمت ادور على ديانا شفتها بغرفة زهراء
تخابر وتحجي وتبجي دخلت الها هيا كالت
ديانا : يلا يمه اروح من ارجع احجي وياج
سدته واني رحت كعدت يمها كلت
هاجر : مو نهاية العالم اذا ماصار عندج طفل لاتنسين هسه الطب تطور تكدرين تتعالجين واذا ماكدرتي تتعالجين سوي طفل انابيب كرايبنه سوتها قبل فترة
وهسه عدها اطفال
ديانا : شلون
هاجر : دحكي هيا سوتها مره وصارت ومن بعدها صارت
تحمل بدون مايسوولها طفل انابيب يعني اكو امل واكيد
الله ماينساج
ديانا : انقهر على كرار مرات من اشوفه يلعب علاوي او دانيال او مجتبى انقهر شلون هو ماعنده اطفال وكل العالم عدها
هاجر : كرار يحبج وشفتي علمودج كال انو هو عقيم
حتى لا احد يزعلج بكلمه
ديانا : صدكككك
هاجر : اي والله تعارك ويا بيبي وكاللها اني عقيم مااجيب ولد وهيا صابرة عليه وانتو تحجون عليها
صارت تبجي كلت
هاجر : يعني شوفي شكد يحبج ومستحيل يعوفج
هديتها ونزلنا رجعنا للبيت وثاني يوم اللعصر تميم راح
على اساس جماعته يحتفلون ويا بالكوفي وصينه على
كيكه عليها صورته وصورتي وسويت حلويات وكلهن
تعلمتهن من النت
ملاك جانت تساعدني كملت وطلعت ارتب الغرفة زينتها
وكملت بليل حطيت الحلويات والكيكه على الميز الزجاجي الي بالغرفة رحت سبحت ولبست بدلة ركص
جانت مخصرة وكل تفاصيل جسمي مبينه اعرفه يحب
هاي السوالف
كملت ورحت احط مكياج حطيت كثير بحيث عبالك
رايحه صالون كلت ل ملاك تاخذ تيم يمها اليوم وماكالت
لا اخذته يمها بــ 12 دخل تميم شافني وبقه صافن بيه
تقرب مني كال
تميم : شنو هل جمال ياربي
هاجر : جمال عيونك
تميم : راح انجلط من جمالج
اخذ ايدي وفرني نفس العرسان رجع سحبني علي وكال
تميم : كل هذا لان اليوم عيد ميلادي
هاجر : طبعاً قابل كم تميم عندي
تميم : يروحلج فدوه تميم
هاجر : اني اروحله فدوه
تميم : اعشقج ياقيطان كلبي
هاجر : احبك تميمي
تميم : احبج هاجري
هاجر : كل عام وانت بالف خير وكل عام ونحنا سوه كل عام وانت كل حياتي كل عام وانتي سندي وضلعي انت كل حياتي
تميم : لها عينين تُشبه المحيط،هادئة تَجعَلُك تغرق بهدوء
سهرنا سهره كلش حلوه كعدنا الصبح على صوت عمه
ماسه نزلنا تريكنا ومشت الايام قبل يومين من عرس
هندرين قررت احجي ويا تميم علمود العرس كلت
هاجر : اريد اروح لعرس هندرين
تميم : روحي حبيبي
هاجر : احبككككككككك
بست خده كال
تميم : حضري ملابسج اخذج
حضرت ملابسي وملابس تيم تميم يوديني للموصل وثاني يوم يرجع ل بغداد وصلنا العصر دكيت الباب
طلع حسن اخذ تيم من ايدي ويحجي ويا وعافني
ودخل للبيت بقيت صافنه شني هاي دخلت اني وتميم
وامي اخذت تيم من حسن وتلعب بي وكلهم التمو يمه
واني محد اجاني كلت
هاجر : هسه اخلي تميم ياخذو اشنو هاي منو بنتكم اني او هو
مروة : تعالي حبيبتي كلبي انتي
باستني كلت
هاجر : بعد وكت وين بابا
مروة : بالعيادة عندو مراجعين كثار
تميم ترخص وراح لبيت حيدر ماما كالت
مروة : امشي نروح نفتر احسن ماكاعده بالبيت
حسن بابا مشتريله سيارة وهو طلعنا بقينه نفتر وتيم
ذبحني مايسكت امي اخذته تسكت بي اشو هذا سكت
كلت
هاجر : يذبحني عما يسكت وهسه بسرعة سكت
مروة : انتي ماتعرفين تتعاملين مع الاطفال غير هذا
اول طفل الج
هاجر : اي صح حسن عود ودينه على بيت عمه مريم
اشوف ناريمان و آيلا صحيح يونس مااخذ إيليف
مروة : على اساس هل فترة لان ماعيلكون حجز للقاعة
هاجر : اي خوش
وصلنا بيت عمه مريم نزلت دكيت الباب طلع عمر كال
عمر : ها خاف متيها بيتج
هاجر : لا يمعود جيت عدكم
عمر : لا هاي ما بغداد خاف متيها
هاجر : اهو اشكد سخيف
دخلنا سلمت على البنات وكعدنا نسولف حيل تونست
رجعنا للبيت وثاني يوم اجو عماتي اتصلت على رسل
حتى تجي وخطيه شهم جابها واربيل مو بعيده على
الموصل بساعه وصلتنا
- يتبع الفصل التالي اضغط على (رواية قسوة احفاد ال هتان) اسم الرواية