رواية أنا والمغرورة الفصل السابع 7 - بقلم أروى عادل
نظر جاسر من الشباك و اتسعت عينيه مما رأى
كانت أسيل ترتدى ملابس رياضيه و تقوم بعمل تمارين رياضيه فى الجنينة

و كان الجميع ينظرون إليها .. النساء كانوا ينظرون بأستغراب و غيره أما الرجال كانوا ينظرون لها بأعجاب من جمالها و رشاقتها بينما أسيل لما تكون منتبها بما يحدث حولها )
سميرة ٠ شايف مراتك و بتعمل ايه
( كانت عروق جسده بارزه من شدة الغضب حينما نادى على أسيل)
جاسر٠( بغضب)أسيل .. أسيل ..أسيل
( نظرت أسيل الى اتجاه الصوت عندها رأت ان الجميع ينظر إليها )
أسيل٠ نعم
جاسر٠ تعالى عايزك اطلعى بسرعة
أسيل٠ فى ايه
جاسر٠ (هو يجز على أسنانه) تعالى هنا حالآ
أسيل٠ طيب جاية
☆☆☆☆☆☆☆☆☆☆☆☆☆☆☆☆
——فى الغرفة جاسر—–
أسيل٠ نعم فى ايه
جاسر٠ ايه المسخرة إللى كنتى بتعمليها بره دى
أسيل ٠ مسخرة ايه انا مش فاهمة حاجة
جاسر٠ لأ انتى فاهمة كويس أوى خلاص وصل بيكى الاستهتار انك تستعرضى جسمك قدام إللى يسوى واللى مايسواش
أسيل٠( بصراخ) اوعى تنسى نفسك انت بتتكلم مع أسيل المرشدى مش واحده من الشارع
جاسر ٠ واللهى… طيب فهمينى يا بنت المرشدى حضرتك كنتى بتعملي إيه بره
أسيل٠ عادى كنت بلعب رياضه
جاسر٠ انت ازاى عادى .كده انتى مش حاسة انك عملتى غلط
أسيل٠ ايه الغلط فى انى اعمل تمارين رياضيه
جاسر٠ فى ان كل واحد شافك بلبس ده عينه كانت بتخترق جسمك و حضرتك مش فارق معاك أى حاجة
أسيل٠ التمارين إللى كنت بعملها انا بعملها فى الجيم وكمان فى النادى و بنفس البس اظن انت كابتن و عارف ان البس إللى انا لابسه ده محتشمة بالنسبال الملابس الرياضيه
( كان جاسر يعلم أن أسيل عندها حق)
جاسر٠ احنا هنا فى الصعيد اكيد شايفه الستات هنا بتلبس ازاى. و فجأة حضرتك تكسرى كل القيود تطلع لهم بشكل ده
أسيل٠ المفروض انا اعمل ايه البس زيهم مثلآ
جاسر ٠ انا ماقولتش كدا بس ياريت تحسبى على تصرفاتك .. مش ايه حاجه تطلع فى دماغك تعمليها
أسيل٠ أنا مش طفله صغيرة بعمل إللى يجى فى دماغى وخلاص
جاسر٠ ياريت كنتى طفله كان هيكون لكى عذرك
أسيل٠ طيب انا كده و مش هتغير. واللى مش عجبوا يشرب من البحر
( قالت كلماتها ثم دخلت الحمام دون انتظار رد جاسر مما جعل جاسر يزداد غضبآ
☆☆☆☆☆☆☆☆☆☆☆☆☆☆☆☆☆☆☆
————-فى غرفة سميحة——–اليوم التالى
نعمات٠ ٠ شوفتى إللى عملتوا مرت جاسر
سميحة٠ عملت ايه
نعمات ٠ كانت لابسه خلجات لصقه على جسمها و بتترجص فى الجنينه
سميحة٠عارفه كانت بتعمل رياضه مش كانت بتترجص
نعمات ٠ واه ياما يعنى انتى يلد عليكى إللى عملتو عاد
سميحة٠ لاه .. بس هى لساتها متعرفش عوايدنا بكره تتعلم ..
نعمات٠ يعنى يا كبيرة هتعدى الموضوع ده عادى اجده
سميحة ٠ عشان انى الكبيرة الدوار لازمآ اتصرف بالعجل
نعمات ٠ بصراحه ياما جاسر ماكنش لي الجوازه دى مالها بنتى سعاد مش أحسن من بتاعت مصر
سميحة ٠ ربنا يشندل بالك يا بعيدة .. انتى لساتها الحكاية دى فى دماغك
نعمات٠ انتى خابره أن سعاد رايده جاسر من زمان
سميحة٠ يا مرارى أنى خلاص مخابراش اجولك ايه .. بجولك ايه جومى من أهنه روحى على دارك هتمو*تينى ناجص عمر
☆☆☆☆☆☆☆☆☆☆☆☆☆☆☆☆☆☆☆
——-فى غرفة جاسر——–
كانت اسيل تجلس على الفراش تتحدت مع أصدقائها فيديو كول من الاب توب عندما دخل جاسر الغرفة و هى لم تنتبه له)
(المكالمة الفيديو)
أسيل٠ هاجر روحتى تزورى جدو زى قولتلك
هاجر ٠ واللهى روحنا كلنا امبارح حتى أسألى جدو لم تتكلمى معاه
أسيل٠ هو كويس انا آخر مره كلمتوا صوته كان تعبان
نوران ٠ واللهى جدو صحته احسن منى ومنك
أيه ٠ ايه أخبار جاسر
أسيل٠ يا كل*بة أسألى على صاحبتك الأول
هاجر٠ قوليلى قادره تتأقليمى على الحياة فى الصعيد
أسيل٠ الموضوع صعب اوى بس بحاول اتأقلم
نوران ٠ أسيل رامز معايا عايز يسلم عليكى
رامز ٠ هاى أسيل
أسيل٠ هاى يا رامز ( رامز شقيق نوران)
رامز ٠ أخبارك ايه يا بنتى
أسيل ٠ انا تمام
رامز ٠ والله وحشتينا
( إنتهت المكالمة)
( عندما سمع جاسر أسيل تتحدث مع رامز كان واضح عليه الغضب عندما قامه بقفل الاب توب من أمامها)
أسيل٠ (بأستغراب) ايه إللى انت عملتو ده
جاسر٠ احمدى ربنا انى قفلتوا بس مسكرتهوش على دماغك
أسيل٠ تكسر ايه على دماغ مين انت ازاى تتجرأ و تكلمنى كده
جاسر٠ طول ما انتى مش عارفه تفرقى بين الصح والغلط بيقى هتخلينى أتجرأ اكتر من كدا
أسيل٠ حصل ايه عشان ده كله ممكن تفهمنى
جاسر٠ حصل ان حضرتك بتتكلمى مع راجل غريب عنك عادى كدا
أسيل٠ اه انت تقصد رامز ده اخو نوران.انت عارفها
جاسر٠ لما هو اخو نوران بيتكلم معاكى ليه
أسيل٠ هو كان عايز يسلم عليا بس
جاسر ٠ كان المفروض انك ترفضى تتكلمى معاه
أسيل٠ الفيديو كان مفتوح . انا ملحقتش ارفض
جاسر٠ تقوم تتكلمى معاه و أنتى فى أوضتة نومك على السرير كمان
أسيل ٠ لا كده كتير بجد . بعدين انا مفكرتش فى ده كله
جاسر ٠ هى دى المصيبه انك مابتفكريش ( ثم شاور عل مخها) عارفه لو تستعملى مخك ده ماكنش ده بقى حالك

جاسر ٠ بعدين ازاى تسمحى لواحد يقول وحشتنى
أسيل٠ قول كده بقى ده إللى مدايقك
جاسر٠ لما اسمع راجل بيقول لمراتى وحشتنى دى حاجه مدايقش كرامتى كراجل
أسيل٠ على فكره هو قال وحشتينا و مش وحشتينى
جاسر٠ هتفرق
أسيل٠ طبعا و كتير كمان . و اكيد انت عارف الفرق بينهم
جاسر٠ انا كل إللى اعرفو انك متكلميش الشخص ده تانى و ياريت متكلميش صحابك فيديو تانى و خصوصآ وانتى فى أوضتة النوم مفهوم
( قالت أسيل وهى تبتسم )
أسيل٠ حاضر
( استغرب جاسر من ردها )
جاسر٠ غريبه دى أول تسمعى كلامى من غير مقاوحه بعدين ايه سبب الابتسامة على على وشك دى
أسيل٠ اصلآ إللى يشوفك دلوقتى و انت بتتكلم يفتكر انك بتغير
جاسر ٠ ( ضحكه بسخريه) عشم ابليس فى الجنة انا اغير عليكى انتى تبقى بتحلمى لو فكرتى كدا. القصه كلها انى بحافظ على كرامتى كراجل.. انتى بردوا فى حكم مراتك على إللى قدام الناس
( كلام جاسر جر*ح كرامتها كأنثى و خصوصآ انها تعلم جيدآ مدى جمالها و ان جميع الرجالة كانوا يتمنوا منها حتى نظره .و فجأه اتحول وجهها إلى عبوس)
أسيل٠ لأ ماتخفش انت لو آخر راجل فى الدنيا انا عمرى لا أفكر و احلم بيك
جاسر٠( بغضب ) الحال من بعضه
☆☆☆☆☆☆☆☆☆☆☆☆☆☆☆☆☆☆
———فى الجنينة———اليوم اليوم
( كان جاسر يقوم بعمل جلسات العلاج الطبيعى على ركبته مع د.هشام فى الجنينة و كانت تجلس سميحة مع أسيل ايضآ فى الجنينة)
سميحه٠ مالك
أسيل٠ رقبتى و*جعانى
سميحة٠ اكيد نايمه على حاجه عاليه. امسكى قهوتك
أسيل ٠ ميرسى . قصدى شكرآ
سميحه ٠ خابره ميرسى يعنى ايه
أسيل٠ صح يا تيته انتم هنا مش كلهم بتتكلموا اللهجه الصعيدى
سميحة ٠ قصدك على سميرة
أسيل ٠طنط سميرة و جاسر و عمى عمران ساعات بيتكلم عادى
سميحة ٠ سميرة مش من أهنه من بحرى
أسيل٠ يعنى ايه من بحرى
سميحة ٠ من اسكندريه . اساسآ عمران سميرة و جاسر كانوا عايشين فى اسكندريه
بس ايجوا عاشوا أهنه من كام سنه
بس همآ بيسافرا الاسكندريه كتير لان عمران معظم تجارته هناك
أسيل٠ اه عشان كده اللهجة مختلفه . بس دلوقتى همآ مقيمين هنا
سميحة ٠ اه عايشين هنا من خمس سنين بعد مو*ت ولدى الكبير إسماعيل الله يرحمة جوز نعمات
أسيل٠ سورى يا تيته فكرتك
سميحة . و هى فى أم بتنسى ولدها يابتى
أسيل ٠ و طنط نعمات
سميحه٠ يابويا افتكرنا حاجه عدله
أسيل٠ تعرفى انا كنت فاكره انها ساكنه معانا هنا فى نفس البيت لسه عارفه من يومين بس انها ساكنه فى
البيت إللى جانبا
سميحه٠ بجولك قفلى على سيرتها احسن هى بتجى على السيره
و هنا ضحكت أسيل بصوت عالى مما جذبه اهتمام جاسر و د.هشام
////////////////////////////////
فى نفس الوقت الجهة الاخرى عند جاسر
————-
هشام٠ لأ احنا كدا فى تحسن كبير
جاسر٠ الحمدالله انا حاسس رجلى بقيت احسن كتير
هشام٠ خلاص انا بكره اجيبلك عكاز عادى بدل العجاز الطبى ده
جاسر ٠ ياريت عشان انا زهقت من العكاز ده..
وهنا جذبه جاسر صوت ضحكات أسيل التى كانت تبدو مثل اميرات ديزني هى ضحك انها حقآ فاتنه لكن حاول يتجاهل الأمر ثم نظر إللى هشام الذى كان ينظر إللى أسيل بأعجاب عندها قال)
جاسر٠ ( بغضب)هشام .هشام .هشام
هشام ٠ نعم فى ايه
جاسر٠ ( بغضب ) انت إللى فى ايه
هشام٠ بصراحه جاسر انت محظوظ بمراتك بجد يا بختك
جاسر٠( احمر وجه من الغضب) قوم على عيادتك يا هشام عشان معملش جر*يمة دلوقتى مش مكمل الجلسة النهاردة
هشام٠ ايه يا كابتن انت بتغير
جاسر٠ قوم يا هشام اما هفتح دماغك دلوقتى
( ركض هشام من أمام جاسر هو يعلم أنه مجنون ممكن يعملها)
//////////////////////////////////
فى نفس الوقت فى الجهة الاخرى عند اسيل
—————-
أسيل٠ بس بقى يا تيته هتمو*تنى من الضحك
سميحه٠ والله زى مابجولك نعمات دى مصيبه
( جاءت سعاد)
سعاد٠ صباح الخير يا جده
سميحة٠ صباح الخير يا بتى. تعالى احنا كنا جايبين سيرة أمك بكل خير
( هنا قهقهة أسيل من الضحك)
سعاد ٠ ( بأستغراب) خير أيه اللى بيضحكك أجده
سميحة٠ كنت بجولها نكده قبل ما تجى
هشام٠ صباح الخير يا جده صباح الخير يا مدام
سميحة. ازيك يا هشام
هشام٠ الحمدالله
سميحه٠ انت كنت بترمح( بتجرى) اجده ليه
هشام٠ من حفيدك المجنون كان عايز يفتحلى دماغى
سميحة ٠ اقعد اشرب كوبية قهوة و جولى . عيملتوا ايه.
( هنا جاء جاسر )
جاسر ٠( بعصبية) انت لسه واقف هناك
هشام ٠ بقولك ايه انا دلوقتى ضيف الجده صح يا جده
سميحة٠ صح يا ولدى
أسيل٠ لو سمحت يا دكتور هشام كنت عايز اسألك
(قطعها هشام وقال )
هشام٠ انت تأمرى
أسيل٠ كنت عايز أسألك على اي دهان عشان رقبتى.. عندى ألم فظيع فيها
هشام٠ تحبى اعملك مساج فيها
( تقريبآ كان جاسر وصل مرحلة الانفجا*ر فى وجه هشام مع أنه كان بيحاول يبدو طبيعى )
جاسر٠ هشام انت اتجننت
هشام ٠ فى ايه مالك هو انا مش دكتور علاج طبيعى ولا ايه
( لحظة أسيل عصبية جاسر لذلك قالت)
أسيل٠ على العموم انا متشكره يا دكتور هشام بس ياريت تشوفلى نوع دهان كويس
(جاسر قال بعصبيه وهو ينظر الى أسيل)
جاسر٠ أسيل قومى اعمليلى عصير
أسيل٠ اوكى هطلب من شاديه تعملو
جاسر ٠( بغضب) انا بقولك انتى
أسيل٠ هو فى ايه بعدين انت بتزعقلى ليه
جاسر٠ لان مش كل ما اطلب منك حاجه تعمليلى مرشح
سعاد ٠ انا هروح اعملك عصير يا جاسر
و متعصبش نفسك
أسيل٠ لو سمحتى مالكيش دعوه انتى
هشام ٠ ماينفعش كدا يا جماعة
جاسر٠ لو سمحت مالكش دعوة انت
سميحة ٠ وااه اتهدوا انت و هى
( الاتنين فى نفس واحد لو سمحتى مالكيش ثم سكتوا فجأه عندما علموا انهم بيكلموا جدتهم)
أسيل٠ أنا أسفه يا تيته عن أذنكم( ثم غادرة)
جاسر٠معلش يا جده
سميحة ولا يهمك يا ولدى
( هنا غادر هشام )
سميحة ٠ خدى يا سعاد اغسلى الكبابى( كوبيات) دى
سعاد ٠ حاضر يا جده( غادرة سعاد)
سميحة٠ جولى بقى فى ايه
جاسر٠ مافيش يا جده
سميحة٠ بتغير عليها يا جاسر
جاسر٠ انتى بتقولى يا جده طبعآ لأ
سميحة ٠ ياعبيط بتخبى عليا ايه دى مرتك ياولدى
جاسر٠ لأ بس انتى فاهمه غلط انا بس بدايق من تصرفاتها
سميحة٠ طيب و هي عملت ايه المره دى
جاسر٠ يعنى انتى مش سامع ضحكتها الملفتة
سميحة ٠ و هى تعمل ايه اذا كانت ضحكتها حلوه
جاسر٠ انت بتستفزينى انتى كمان يا جده
سميحة٠( بضحك ) ايه هتغير منى انا كمان
جاسر٠ يويو بقى يا تيته انا ماشى
سميحة ٠ تعالى أهنه بس
☆☆☆☆☆☆☆☆☆☆☆☆☆☆☆☆☆☆☆☆
———-فى غرفة جاسر——–فى المساء
جاسر٠ رايحه فين
أسيل ٠ هنام على الكنبة
جاسر٠ لأ تعالى نامى على السرير
أسيل٠ و انت هتنام الكنبة
جاسر ٠ لا طبعآ .السرير كبير
أسيل٠ انت عايزنى انام معاك على سرير واحد
جاسر٠ مش أحسن ماتروحى تشتكى من رقبتك لدكتور
( كانت أسيل تعبت من النوم على الكنبة غير انها كانت تشعر بصداع يفتك برأسها لذلك كانت لا تريد أن تتجادل مع جاسر لذلك قالت )
أسيل٠ طيب بس انا هحط مخدة فى النص
جاسر٠( بضحك) شكلك بتتفرجى على افلام عربى كتير. .. تعالى رتبى السرير عشان ننام

( ثم فجأه بدأ بخلع قميصه)
لماذا ستفعل أسيل مع غيرة جاسر
هل سيكتشف جاسر حبه لأسيل
هل سيكتشف جاسر كلام الدكتور لأبو عمران
- يتبع الفصل التالي اضغط على ( رواية أنا والمغرورة) اسم الرواية