رواية الريح و الهوايل الفصل التاسع 9 - بقلم هند عبدالله

  

رواية الريح و الهوايل الفصل التاسع 9 -  بقلم هند عبدالله 

عند وصول عايد لمدينة كازبلانكا بالمغرب

حضر مقابلات عمل كان محدد لها مواعيد مسبقا وحصل على صفقة عظيمة مع احدى الشركات الأجنبية بالمشاركة مع رفقاء رحلة الكفاح هشام وسليم وراجح

الأربعة بدأو سويا في نفس المكان في الشارقة كمهندسين في احد المشروعات الكبرى

جمعهم العمل والسكن والهموم الواحدة ومرو بنفس الخيارات الصعبة بين نترك اسرنا هناك ونرسل لهم المال ام نحضرهم هنا ولن ننجح في إدخار شيئا

حتى كانت ليلة إجازة اقترح عليهم هشام الخروج لبعض الوقت الى احد أماكن الترفيه القليلة الموجودة في هذا البلد

وهناك تعرف هشام على رجل أعمال مصري مقيم وقص عليهم ان لديه بعض المشكلات مع الجهاز الاداري والتصاريح

وافترقو على وعد بالتفكير في طريقة للمساعدة

هشام شخص مرح محب للحياة يحب اللهو والاستمتاع كلما حانت له فرصة ولما لا طالما يعمل بجد ويجتهد قدر الامكان

بينما سليم وعايد نفس الطباع الهدوء والالتزام الشديدين والحرص في التعامل مع الناس والخوف الشديد على استقرار أسرهم

اما راجح فمنذ توفت زوجته وتركت له ولده الوحيد فقد أهمل موضوع الزواج تماما وقرر ان ينهي مهمته في تربية وتعليم ولده ثم يعيش لنفسه

وبالفعل بمجرد ان انهى ولده الدراسة الثانوية أرسله ليدرس الهندسة بإحدى الدول الاوروبية ثم تفرغ للعمل ورحلاته حول العالم

من ينظر لهم يشعر ان عايد وسليم اكبرهم سنا على الرغم من انهم الاصغر ولكن الحياة الشاقة والشعور المتعاظم بالمسؤلية ينحت اثره على الوجه

هذا الأثر الذي يراه عايد كلما لمح وجهه في المرآة

مر بعض الوقت على لقائهم برجل الأعمال المصري وصارت صداقة ثم طلب شراكتهم في مشروع صغير هو بماله وهم بعلمهم وخبراتهم

وقد صادف هذا المشروع توفيقا عظيما لم يكن احدهم يتوقعه اختصر عليهم سنوات طويلة من العمل ونقلهم من خانة الشقاء لخانة الثراء

واتخذ كل منهم سبيله لتنمية ثروته والاستمتاع بها

عايد اول ما بدأ به ان أراح كل من حوله فقدم لكل واحد من إخوته مبلغا يصلح لمشروع صغير يدر عليه دخلا واشترى لاخته بيتا في حي راقي وتكفل بتعليم ابنائها في مدارس أبناء الطبقة الراقية

حتى عائلة زوجته عرفو طريق السفر للخارج اكثر من مرة في العام الواحد وركبو السيارات الفاخرة

ولكن منذ بدأ كل هذا تنغص عيشه مع لميا فصارت كثيرة الشكوى لا يعجبها شئ تعرف مدى امتنانه لها وتضغط دائما على نقطة ضعفه وهى شعوره بالذنب تجاهها فتبكي كثيرا وتمرض كثيرا وهو حولها كطفل تنهره امه فلا يقوى على مواجهاتها ولا يخلو من نزعات الطفولة

نادى سليم على عايد : ايه مش هتروح معاهم بقى تسهرو في عين دياب

: لا لا ماليش في السهر انا ممكن اروح اركب خيل لو عايز تيجي معايا

: يلا بينا

: حجزتو ولا لسة

: والله الجماعة عايزين يطلعو من هنا على اسبانيا يومين

: لا لا انا وعدت ندى اصيف معاها مقدرش

: اهو ندى دي اللي بتعرف تاخد حقها منك

ضحك عايد : اه والله عيلة مجرمة تصور بتقولي عايد حاف كده

: احمد ربنا انا ابني بيقولي ياسمك ايه

ضحك الاثنان وعاد كل منهم لغرفته

تعددت المكالمات الهاتفية بين لميا وزهوة وصارت تعاملها كأن بينهم صداقة قديمة

وطلبت معونتها في مشكلة بكاء امل الذي لا تعرف له سببا فطلبت زهوة لقاء يجمعها بالبنت على انفراد

وقد كان اخذتها امها للقاء زهوة وتركتها معها واصطحبت ندى لمنطقة العاب الاطفال

مرت ساعة قضتها زهوة مع أمل استطاعت فيها مالم تستطعه امها في أسبوع

بعد هذا اللقاء اختلت زهوة بلميا: بنتك في واحد بيهددها ينشرلها صور مخلة عالفيس بوك

دقت لميا على صدرها : يا مصيبتي ازاي وليه بنتي تعمل كده

: اهدي بنتك معملتش حاجة ولو عملت يعني ماهى عيلة وانتي مش قريبة منها

: انتي بتقولي ايه تصاحب شاب من ورايا وانا اللي مش قريبة منها

: بعدنا عن ولادنا بيخليهم يدورو على الاهتمام في حتة تانية وده مش معناه ان غلطت

: مش بتقولي معاه صور ليها

: ياستي اهدي لما نشوف متركبة ولا حقيقية ولا قصتها ايه

: حقيقية ايه لا يمكن دنا كنت ام.وتها بايديا دول

هزت زهوة رأسها : ماهو ده بالظبط اللي خلاها تقعد شهور ما تحكليكيش

لميا في دهشة : شهور بتقولي شهور دي بتعيط بقالها كام يوم بس

: ماهو في الأول طلب منها فلوس تمن سكوته وهى بعتتله فلوس

: فلوس وبعتتله انتي بتقولي ايه

: بنتك بعتتله فلوس كذا مرة وفي الفترة الأخيرة طلب منها فوق الفلوس انها تروحله يا كده يا ينشر الصور

لطمت لميا خديها وبكت فهدأتها زهوة : ما تقلقيش هحلهالك واجيبه هنا تحت رجليها

: ده ابوها لو عرف مش عارفة هيعمل فينا ايه

نظرت لها زهوة بمكر : وايه بس اللي هيخليه يعرف قولتلك هجيبه واحلهالك

: ده يبقى جميل في رقبتي طول العمر

: ماتقوليش كده دنتي اختي وبنتك بنتي

اعتاد عايد على تحميل تطبيقات مختلفة للمكالمات الدولية للتواصل مع ابناؤه في اوقات تنقله

ضغط تحميل برنامج جديد ومان ان انهى تحميله حتى بدأت التنبيهات باقتراحات الصداقة فلان موجود على بوتم فلانة موجودة وهكذا

مرت عدة دقائق حتى وجد رسالة مفادها

هو انا سجلت الرقم من الكارت ونسيت الموضوع خالص لحد ما لقيت تنبيه بيقول الطف دقن شفتها في حياتي موجود على بوتم

ضحك عايد من التعبير وأرسل علامة استفهام

فاجابته: انا شمس اللي طلعتك عالرصيف ونزلت ازعقلك ياترى فاكرني ولا ؟؟

يتبع…

• يتبع الفصل التالي اضغط على (رواية الريح و الهوايل ) اسم الرواية