رواية رهف الجاسر الفصل التاسع 9 - بقلم اية محمد
رواية رهف الجاسر
البارت9
منال:صباح الخير ياقلب ماما.
رهف:انتى بتعملى ايه هنا.
الجد:اقعدى ياحبيبتى واتكلمى مع ماما وانا هطلع اطمن على ابوكى واروح المكتب.
وسابهم ومشي.
جلست رهف امام والدتها وعينيها مليئه بالدموع.
منال:ايه يارهف دا استقبال بردو ياحبيبتى وانا قولت زمانى وحشتك.
رهف:وحشتينى
كويس والله انك عارفه الكلمه دى انا بقى موحشتكيش انتى لاسالتى عليا وانا مسافرة امتى ولا اى حاجه ولا اهتميتى انى بقولك هعقد فى مصر ومش راجعه ولا حتى اطمنتى عليا اذا كنت وصلت ولا لأ
ولا انا عملت ايه الفترة اللى الفاتت دى وانتى جايه تعتبى عليا انا بجد.
منال:حبيبتى انتى عارفه انه غصب عنى انكل ياسين و وائل مانتى كنتى عايشه معانا وعارفه ايه اللى بيحصل انتى محتاجه انى اشرحلك يعنى.
رهف:لا مش محتاجه انا طول الوقت عارفه انهم عندك اهم من بنتك مش حاجه جديده طب ابويا اللى كان تعبان وكانو بيكلموكى ليه مقولتليش حاجه عن الموضوع دا.
منال:مكنتش عايزة حاجه تعطلك عن دراستك وحياتك.
رهف:وانتى ليه مهتمتيش بدراستى ولا حياتى لما قولتلك انى نازله مصر ومش راجعه
ليه مهتمتيش ولا سالتى ولا عرفتى.
منال:امال ياحبيبتى انا بعمل ايه هنا مش علشان اعرف ياحبيبتى
ها قوليلى قدمتى فى مدرسه ولا لسه انا عندى علاقات هنا تدخلى المدرسه اللى انتى عايزاها بس قوليلى.
رهف:متاخر والله ياماما ابيه جاسر وجدو قامو بالواجب وهبدأ مدرسه من بكرا.انتى بقى نازله مصر علشانى.
منال:طبعا علشانك انا جيت من المطار على هنا على طول.
رهف بفرحه:بجد ياماما انتى جايه علشانى انا.
منال:طبعا ياحبيبتى يلا اطلعى جهزى شنطتك علشان تيجى تقعدى معايا.
رهف: ايوه بس مينفعش اسيب بابا بصى انتى ادينى عنوانك انا هبقى اجيلك كل يوم بعد المدرسه.
منال:طب ماتعكسيها ياروحى تعالى اقعدى معايا وابقى تعالى لابوكى بعد المدرسه و قضي معاه اليوم واخر النهار ترجعيلى تانى.
رهف:مش عارفه ياماما.وتذكرت كلام مرات عمها انها نحس وكدا وزعلها من جاسر اللى قرر يحبسها ومد ايده عليهاهنا قررت رهف بصي ياماما انا هروح معاكى النهارده واجى بكرا لبابا بعد المدرسه لاقيت الموضوع بالنسبالى عادى ومرتاحه هطلع اجيب حاجتى واعيش معاكى.
منال:طب ليه وجع القلب دا ما من الاول يابنتى.
رهف:معلش ياماما انا كدا هكون مرتاحه.
منال:طب يلا بسرعه علشان منتاخرش على اونكل ياسين ولسه هنروح البنك انا وانتى قبل مانعدى على البيت.
رهف:اونكل ياسين هنا بيعمل ايه فى مصر وبنك ايه اللى نعدى عليه.
منال:اونكل ياسين ياحبيبتى عنده صفقه مهمه هنا فى مصر وهيعقد فتره وانتى عارفه مش بعرف اقعد لوحدى فجيت معاه وهنعدى على البنك علشان ترجعى حسابك تانى علشان انتى خلاص هتعيشي معايا.
رهف بصدمه:دا انا كنت مغفله بجد
وانا كنت مفكره انك سبتى الدنيا وجيالى اتاريكى انتى كدا كدا كنتى نازله مصر بس قولتى تستفادى من قعدتك هنا صح
وبعدين موضوع انك متقعديش لوحدك ما هو وائل معاكو هنا.
منال:ايه اللى انتى بتقوليه دا وازاى تكلمينى بالطريقه دى واه احنا عيله واحده وبنتحرك مع بعض وانتى عارفه كدا كويس.
رهف:صح عارفه كدا كويس زى مانا عارفه انى مش من العيله دى واتفضلى امشى وسبينى وروحى لعيلتك وانسينى تماما انا مش عايزة اعرفكم تانى.
وسابتها وجريت على غرفتها.
منال بزعيق:انتى قليله الادب علشان حد يكلم امه كدا بالطريقه دى
دى اخره دلعى فيكى.
خرج الجد على صوت منال العالى:منااااال هنا مفيش صوت يعلى ابدا سامعه.
منال بدموع تماسيح:اسفه ياعمى بس حضرتك شايف بتكلمنى وبتعاملنى ازاى مين مقوى قلبها عليا كدا ياعمى.
الجد:عيب يامنال اللى انتى بتقوليه دا احنا لو عايزين نعمل كدا كنا عملناها من زمان وخدناها منك بس اهدى انا هطلع اشوف مالها وارجعلك مهو مينفعش بردو تكلم والدتها بالاسلوب دا ميصحش.
منال:لا معلش ياعمى انا مضطرة امشي بس دا رقمى وحضرتك حاول تفهم مالها بس واسمحلى اتواصل مع حضرتك علشان اطمن عليها وعلى مستقبلها ودراستها.
الجد:طبعا من حقك.
ومشيت منال وخرجت من البيت.
صعد الجد عند غرفه رهف ودخلها وجدها بتبكى بشده اقترب منها واخدها فى حضنه مالك ياحبيبتى بتعيطى جامد كدا ليه طب لو هى وحشاكى كدا انتى ممكن تروحى تقعدى معاها يومين ولا حاجه واحنا مش هنزعل والله.
رهف:دى مش جايه علشانى دى جايه علشان الحساب اللى فى البنك عايزانى افتحولها تانى.
الجد بصدمه:ايه بتقولى ايه اكيد لا لا انتى فهمتى غلط بس.
رهف وهى بتتشحتف من كتر العياط وهى بتحكيله اللى حصل تحت بينها وبين مامتها.
الجد:لا حول ولا قوة الا بالله فى كدا ايه اللى عاميها كدا فى حد يعمل كدا فى ضناه حته منه.
وطبطب على رهف ويقولها اهدى متزعليش نفسك ياحبيتى انتى اهو فى وسطينا وكلنا بنحبك
وبعدين كمل كلامه بسخريه انتى عارفه لو كنتى سمعتى كلامى وروحتى قعدتى معاها يومين ولا حاجه كنت هزعل بصراحه.
تضحك رهف:انا عارفه ياجدو بيبان عليك لما تكدب على فكره.
الجد:اه يامفعوصه فى حد بيقول لجده انت بتكدب ويزغزها.
رهف بضحك:هههههه حقك عليا والله مكنتش اقصد انا اسفه.
الجد:تعالى ياحبيتى واخدها فى حضنه وطبطب على ضهرها.
رهف:جدو عايزة اقولك على حاجه بس تجاوبنى بصراحه.
الجد:قولى ياروحى.
رهف:انت حكيت لابيه جاسر على موضوع وائل اللى كلمتك فيه.
الجد بتوتر:لا طبعا مش دا كان سرنا احنا ازاى يعنى اقوله عليه.
رهف:ياجدو طب عينى فى عينك كدا.
الجد بيضحك:شوفو البت اللمضه يلا ريحى شويه عقبال ما الغدا يجهز وعلشان تتغدى ونيمها على السرير وقام.
رهف:لا ياجدو لو سمحت خليهم يبعتولى الغدا على هنا انا مش قادرة انزل معلش.
الجد:ماشي ارتاحى انتى طيب.
وخرج و وقف على باب الغرفه وسال رهف:انتى كنتى بتسالى اذا كنت حكيت لجاسر ولا لأ ليه.
رهف:لا و لا حاجه انا بس كنت عايزة اعرف و اطمن انك بتحافظ على السر ياجدو.
الجد:يابت بطلى لماضه اهى لمضتك دى هتوديكى فى داهيه.
وسابها ومشي.
رهف بتفكير فى اللى حصلها وليه مقلتش لجدها انها هتاكل هنا علشان جاسر طلب منها كدا لا طلب ايه قصدى امرها بكدا وانه خوفها امبارح وحكى موضوع وائل لو جده مقلهوش هو عرف منين تشهق رهف وتجلس على السرير معقول يكون ابيه جاسر بيلمع اكر لالا دا كبير وعاقل ميعملش الحركات دى لأ
يتبع...
رواية رهف الجاسر
البارت 10
طب انا ليه بردو مقولتلش لجدو على اللى عمله معايا تسكت شويه
وبعدين مهو جدو كان هيزعقله ويزعل منه وانا معرفش اصلا اذا كان رضاه فى موضوع فريد ولا لأ.وساعتها معرفش جدو ممكن يعمل فى ابيه جاسر ايه ولا يعاقبه ازاى.وبعدين انا مالى مهتمه بيه ليه وباللى هيحصله
مهو عامل فيا ايه بيزعقلى وبيتحكم فى كل صغيره وكبيره وبيخوفنى وبيوجعنى انا ليه بقى فارق معايا
ما اخليه يزعل ويضايق زيى
لا انا اكيد مش هعمل كدا اكيد يعنى مش علشان خاطره والهبل دا اكيد علشان جدو ميتعبش ويزعل وكدا وطنط مرات عمى يبقى عندها سبب تولع فيا
بسببى ابنها الصغير اضرب من اخوه الكبير وكمان ابنها الكبير هيتعاقب من جدو بسببى لالا انا فعلا بتاعت مشاكل ووشي نحس على العيله دى ولا ايه وقامت تنظر فى المرايه امال مكنش شغال ليه مع عيله المنشاوى.ذهبت للحمام تاخد شاور دافى علشان تهدا وتهدى دماغها من التفكير شويه فى هذه الاثناء وصل جاسر المنزل
نظر الجد بصدمه:انت كويس يا ابنى فى حاجه اللى جابك بدرى كدا.
جاسر:لا ياجدو متقلقش انا بس خلصت شغلى بدرى مش اكتر وقبل يده افهم من كدا خلاص انك رضيت عنى ياسيد الكل.
الجد:مش هتبطل كلامك دا
يبقى يا ربى اخلص من لماضه رهف تطلعى كلامنجه جاسر ياكلامنجى.ويضحك الجد.
جاسر:بقى كدا انا كلامنجى بردو ياجدو ماشي.
الجد:اه عندك مانع.
جاسر:لا طبعا بس خليها بينى وبينك علشان هبتى بس متقلش قدام الناس.
الجد ومسك ودان جاسر:اه صحيح البت رهف سالتنى النهارده اذا كنت حكيتلك على موضوع وائل ولا لأ ليه انت معكيتش الدنيا صح.
جاسر:اه ياجدو سيب ودنى الخدم الله
وبعدين انا كبرت على شد الودان دا لا طبعا ياجدو معكتش حاجه تعرف عنى كدا.
الجد:ماشي هصدقك يا جاسر بس لو عرفت غير كدا هيبقالى تصرف تانى معاك وانت حر وبعدين ايه كبرت دى كبرت عليا ولا ايه.
جاسر:لا طبعا يا جدو ودى تيجى بردو لا
بس هو موضوع هيبتى بس اللى حاسس ان اخرتها على ايديك ان شاء الله.
الجد يضحك:هى اللماضه دى عدوى ولا وراثه فى العيله دى وانا مش واخد بالى.
ينظر له جاسر بعدم فهم.
الجد:البت رهف بردو كنت قاعد معاها شويه واللماضه بتاعتها زيك كدا تمام
يلا اطلع غير عقبال ما الغدا يجهز.
ياسيده.تاتى الخادمه
الجد:طلعى اكل لرهف هانم لغرفتها.
الخادمه:حاضر يا بيه.
جاسر لنفسه:انا مقلتش للخدم انها تطلع الاكل لغرفتها علشان حجه تكلمنى كل شويه تسالنى امال ايه اللى حصل.
•تابع الفصل التالي "رواية رهف الجاسر" اضغط على اسم الرواية