رواية قسوة احفاد ال هتان الفصل السابع و الاربعون و الاخير - بقلم هاجر النعيمي
part 47 الاخير
قلمي ( هاجر النعيمي )
البارت الاخير
......................
دخلت سلمت بقينه نسولف شويه ودخلو اسيل وإلياس
شفت إلياس انصدمت من شكله حيل تعبان وصاير ضعيف كلش وحتى مشيب صفنت علي شلون هيج تغير
شكله وصايرات هالات سود تحت عينه بس اسيل جانت
بكامل اناقتها
رحنا اني و آيلا و رسل و ناريمان لغرفتي نحجي كالت
ناريمان : خلي اضحكم على عمر
هاجر : اي
ناريمان : بليل من ينام ماعرف اش يحجي حتى انصدم واغلب المرات يكون ما مفهوم والبيحه(البارحه) يقول
انت تاخذ زبايني واني اعلمك وانت نعال ومعرف ايش
والله متت ضحك وقاعد يسب بينو
هاجر : الف الحمدلله تميم مايحجي بنومو بس مرات يحجي معايه عبالو نومي خفيف مااسمع وانا اسمع كل حكينو (حجيه)
رسل : شهم هم مايحجي بنومو
هاجر : اي احسن والله اذا يحكي اقوم اجيبو براشدي
رسل : اي حتى يطلكج
هاجر : لا حبيبي مايطلكني
اندك الباب ودخلت اسيل ويارا كالت يارا
يارا : هاجر اشوف ابنج
هاجر : تعالي شوفي
اجت يم تيم وشافته كالت
يارا : مو حلو
هاجر : ماطلبت رأيج
يارا : لو شفتي بنتي و ابن اسيل يجنن
هاجر : اكو مثل يكول القرد بعين امه غزال
دخلت اسيا كالت
اسيا : هم راح تتكاونون
هاجر : ابد اصلا مااحط علقلي بعقلكم وماانزل لمستواكم
يارا : من تحجين احجي بأدب
هاجر : من يكون المقابل مؤادب احجي بأدب
اسيا : هاجر احترمي نفسج
هاجر : صدك تذكرت هاي لحد هسه علي ماخطبج
رسل : ليش ماتعرفين
هاجر : اشنو
رسل : تزوج
هاجر : جذببب
رسل : والله
هاجر : هههههههههه اللهم لا شماته يعني جان يضحك عليج لا وفوكها يتونس براسج
اسيا : اني رفضتو
هاجر : صح صح
اسيل : هاجر انجبي وانتي رسل هم انجبي
رسل : محد غيرج ينجب عار
اسيل : رسل احترمي نفسج ترا اخرب حياتج
رسل : اذا طلع بيدج لا تقصرين
هاجر : انتي بغرفتي يعني تحترمين نفسج خوش
اسيل : بيت جدي
هاجر : بس هاي غرفتي مو غرفة جدج ف احجي بأحترام خوش
اسيل : شايفه عينج طالعه
هاجر : اي ليش لا زوجي مدللني يموت عليه بيت حماي
مايخلوني اشيل شي
اسيل : الله يعلم اش عملتي للولد
هاجر : نسحر بحبي
يارا : آيلا اريد اشوف راوي
اخذت راوي بحضنها تلعبه واجت اسيل يمها يلعبون
راوي ابني صار يبجي اخذته بحضني اهدي بي المشكله
مااعرف اسكتو كالت اسيل
اسيل : قزلقرط سدي حلكو
هاجر : قزلقرط الي ياخذج انتي وابنج ياحيوانه
اسيل : هاجر انجبي احسلج
هاجر : انتي تنجبين وهسه تطلعين برا غرفتي ياحشره
ياعار ياقندرة برااااااا
طلعت وهيا تدردم وراحت وراها اسيا شويه وطلعو كل
البنات واني تمددت وخليت تيم يمي انومو اتصل تميم
رديت وفتحت كامرة كال
تميم : اروحلج فدوه شنو هل جمال
هاجر : اروحلك فدوه
تميم : وين تيم اشوفه
هاجر : فوراً يسئل على تيم وهاجر محد يسئل عليها مو
تميم : خوب انعل ابو تيم شلونج كلبي انتي
هاجر : الحمدلله
تميم : هاي صدك عود زعلتي
هاجر : اي
تميم : حبيبي شبيج ترا ابني واريد اشوفه واذا
هاجر : على الاقل احجي وياي شويه
تميم : ها حبيبي شسويتي ماسويتي
حجيت شصار اليوم كال
تميم : معليج بيهن يولن يرحن فدوه لقندرتج
هاجر : احبكككك
تميم : اموت عليج قيطان كلبي طلعي تيم اشوفه
فريت الكامرة على تيم وتميم يحجي ويا وهو صافن مو
فاهم شي شويه واندك الباب كلت
هاجر : منو
اجانه صوت إلياس كال
إلياس : اني
هاجر : تميم اروح ينادوني باي
مانطيته مجال يحجي سديته فوراً حطيت شال على
راسي ورحت فتحت الباب دخل كال
إلياس : اشونج
هاجر : الحمدلله وانت
إلياس : الحمدلله اريد اشوف ابنج عادي
هاجر : اي طبعاً
اجه يم تيم وباسه وكال
إلياس : مايشبهج
هاجر : اي يشبه تميم
إلياس : الله يحفظو الكم
هاجر : تسلم ويحفظك
إلياس : بعدج ضايجه مني
هاجر : لا
إلياس : يعني اذا تميم يموت تزوجيني
هاجر : شتحجي انت اسم الله علي
إلياس : جاوبيني
هاجر : ماازوج احد من بعد تميم
إلياس : ليش هلكد تحبي
هاجر : زوجي ترا اشون مااحبو
إلياس : ليش ماحبيتيني نفسو
هاجر : رجاءً إلياس هاي سوالف قديمة مااريد افتحها هسه
إلياس : بس اني اريد افتحها اريد اعرف ليش تحبي اكثر مني مايستاهلج
هاجر : يستاهلني هو الوحيد الي يستاهلني
إلياس : مايستاهلج جان يروح للملاهي
انصدمت شلون يعرف كلت
هاجر : شلون عرفت
إلياس : اعرف كلشي عن تميم
هاجر : ليش شنو السبب
إلياس : اريدج هاجر بعدني احبج عوفي وارجعيلي
هاجر : إلياس كافي عاد فدوه انسى
إلياس : راح اضل احبج
طلع قبل لا ارد صار الليل وكلهم راحو صار موعد يوم الزواج مال هندرين رحنا من الصبح عدهم وهيا جانت
بالصالون الضهر اجت سلمت عليها بدلنا وكملنا واجو
اهل العريس اخذونا ورحنا للقاعة
وصلنا ماما اخذت تيم واني رحت اركص ويا البنات
كل شويه نروح نكوم هندرين تركص ويانه خلص عرسها
على خير رجعنا للبيت وتحدد موعود زواح يونس بعد
شهر ورا بيومين زواج بارق و ريم
رجعت هلكانه من التعب نمت فوراً كعدت الصبح على
صوت تيم يلعب وحده بسته وكمت غسلت وجيت
صليت ورحت اشوف تلفوني شفت تميم مراسل ويفشر
عليه ويسبني انصدمت بعدها نزلت بالمحادثة لجوة
شفت داز صورة اني كاعده ويمي إلياس وجان لازم
كتفي انصدمت حاولت اتذكر وين هاي وتذكرت قبل
بيومين جان يحجي وياي علمود ابنه مريض وماجنت
منتبه انو حاط ايده على كلتفي
اتصلت بــ تميم ماجاوب رجعت اتصلت هم ماكو جواب
اتصلت على عمه هم ماترد اتصلت على ملاك نفس الحال
محد منهم يرد اتصلت على امير جاوب بعد سلام كلت
هاجر : ليش اتصل عليهم كلهم محد يرد
امير : مادري والله هسه اشوفلج
سده شويه واتصل كال
امير : نايمين كلهم ومايدرون هسه اتصلت ب تميم
بس سديته منه اتصل تميم اول مارديت صار يفشر عليه
كلت
هاجر : بس ثواني احجي
تميم : انجبييي انتييي رايحههه هناكككك حتىىى تكعدينننن يممم إلياسسسس هاااا
هاجر : والله مو مثل الي بالك
تميم : شلوننن مووو مثلههه بسسي فهمينييي لازممم
كتفججج ليششش ولا تقنعينييي ماتدريننن
هاجر : والله ماادري اصلا جنَ كاعدين نحجي على ابنه
ليش مريض وضعيف والله
تميم : تحضري جاي اخذج
هاجر : تميم اريد ابقه يم اهلي شويه
تميم : كلتتت تحضرييييي
سده بوجهي كمت حضرت الملابس وطلعت اتريك اكلت
شويه وكمت نفسي مسدوده امي كالت
مروة : يلا بدلي نروح للصباحيه مال هندرين
هاجر : تميم جاي حتى ياخذني
مروة : ليش اصلاً ماصارلج كم يوم
هاجر : معرف منو مصورني من جنت كاعده يم إلياس
واشرحله حالة ابنو وفوكها ايدو على كتفي وماجنت حاسه
مروة : اش تحجين
هاجر : خذي شوفي حتى دزوها ل تميم
شوفتها الصورة وهيا بقت مصدومة كالت
مروة : اني احجي ويا
هاجر : مو لازم
أنتظرت للعصر اجه تميم اخذني بالبداية بقه ساكت بعدها ماتحمل وانفجر بوجهييي
تميم : مكرننن انيييي حتىىى مرتييي تكعدد يمم واحددد
وفوكهاااا ايده على كتفهااااا
هاجر : تميم شبيك كتلك يسئلني وجاوبت لا اكثر وماحسيت من حط ايدو على كتفي
تميم : ابترها مو بس اكسرها اني اعلمه
هاجر : تميم بدون مشاكل فدوه
تميم : انجببيييي صوتجججج مااسمعهههه
صرخ تيم خايف من صواتنا العالية وبقه مستمر يبجي
وشكد حاولت اسكته ماسكت تميم كال
تميم : سكتييي صوتهه راححح يموتنيييي براسييي يرننن
اخذته ورضعته بلكي يسكت سكت ونام التفتت للجامه
ادحك عليها دموعي نزلت مسحتها بسرعة كال
تميم : شلون ماحسيتي علي ماادري لهل درجه انتي بلا احساس
هاجر : كافي تميم شبيكك عبالك خاينتك ترا بس حاط
ايدو لا اكثر
تميم : عاجبجج موووو طبعاً هذا الحب القديم
هاجر : مااسمحلك تحجي هيج وياي
تميم : لا صدك ماتسمحيلييي ليشش حجييي بييي غلطط
هاجر : حجيك كلو غلط
تميم : انجبييييي
هاجر : انت انجب كافي لو كاعده بحضنه شسوي
تميم : انهيججج واللله انتيييي ملكييييي محددد يمددد
ايدههه عللىىى شييي ملكييي ابترهاااا والللله
هاجر : كافييي حراممم عليكككك الييي يشوفككك يكوللل خاينتككك
تميم : سدييي حلكججج
رجع تيم يصرخ من كعد مو معصبه كلت
هاجر : انجبب انتتت الثانييي اسكتتتتت
تميم : لا تعيطينننن عللىىىى الطفلللل
هاجر : معليككك انتت همم انجببب
تميم : صلفههه
وصلنا البيت عفته وطلعت اجه وراي كال
تميم : شنو هاي التصرفات
هاجر : اني لو انت المفروض تثق بيه تكون عندك ثقه بيه مو ياهو يحجي تصدكه
تميم : وقربج منه
هاجر : كتلك اشوف ابنه لا اكثر ولا اقل
تميم : انتي مو دكتورة حتى يسئلج
هاجر : نسيت اني صيدلانيه واعرف شنو يحتاج الشخص اذا كان مريض
تميم : بالفعل نسيت
هاجر : مو مشكلتي اذا انت نسيت
تميم : احجي زين
هاجر : شلون تريدني احجي وانت تشك بيه
تميم : مو شك
هاجر : جذاب تشك بيه
تميم : مو شك بس ضجت شكو كاعد يمج
هاجر : واذا ضجت هيج تصيح عليه وتجي تاخذني ها
تميم : اسف حبيبي
تقرب مني باس خدي وراح نزلت عمه كالت
ماسه : شبيكم
هاجر : جنت كاعده يم إلياس لان ابنه مريض ومدري
منو مصورنا ودزها ل تميم
ماسه : عزا بعيني اي وشصار
هاجر : فهمته الوضع وخلص
ملاك : تذكرين من سويتي هيج ب حوراء
هاجر : اي اذكر
ماسه : شسويتي
هاجر : تعالي احجيلج
حيجت الها وهيا بقت مصدومة كالت
ماسه : عزا بعينج يولي عيب شلون هيج تسوين
هاجر : شعرفني جنت ضايجه منها
ملاك : تغار على تميم منها
مشى اليوم طبيعي ثاني يوم بليل تميم كال
تميم : عندي مفاجئة الج
هاجر : يا الله شنو
تميم : سفرة ل ايطاليا
هاجر : جذبببب
تميم : شنو جذب قابل مجذب عليج
هاجر : بالغلط تحمست
تميم : تمام بعد يومين السفرة
هاجر : الله تعال ابوسك
رحت بست خده وهو تقرب مني واخذ شفايفي بين شفايفة صار ثاني يوم تميم كال نطلع شويه نفتر نغير
جو طلعنا واجو ويانه امير وزهراء و احمد و مريم و كرار
و ديانا و ميدو و حوراء كلت
هاجر : تميم ميدو هو هذا اسمه لو دلع هذا
تميم : ماتعرفين اسمه
هاجر : لا كلكم تكلوله ميدو وهسه اجت بالي وسئلتك
تميم : اسمه منتظر
هاجر : امممم
تميم : ابوس ل ممممم
هاجر : عيب هسه تيم يسمع
تميم : واذا يسمع باجر يتعود
هاجر : لا بله ممنوع ابني يتعلم هاي الاشياء وخاصه
الفشار تريد يصير نفس علاوي بس يفشر
تميم : طبعاً قابل علاوي احسن منه
هاجر : تميم ماكو هيج حجي
تميم : منو مخليج تحبين علاوي غير لسانه
هاجر : صح لسانه يجنن ويعرف يحجي بس مو يفشر
تميم : انجبي وامشي
عفته ورحت امشي ويا البنات خلص اليوم ورجعنا ومشى
يوم ثاني اجه يوم السفر جنت محضره غراضنا اخذت تيم وطلعنا الي راح يروحون ويانه امير و زهراء و علاوي
وبنتهم كرار و ديانا احمد و مريم وابنهم ميدو و حوراء
طلعنا بالطيارة صورت شويه وبعدها نمت كعدت على
صوت تميم انو وصلنا نزلت اشوف المكان يجنن سبحان الله ماشاءالله قمة بالروعة المكان خيال حرفياً الخضار
والورد والشوارع نظيفة كال
امير : اني جوعان كلش تميم خلي نروح ل مطعم البيتزا المشهور
تميم : جبتها الاكل يمهم يجنن وماعدهم غير البيتزا
طلعنا بالباصات وصلنا المكان نزلنا جان محل صغير مزدحم لدرجه مو مثل المطاعم الراقية بساطته كلش
حلوة تجذب الناس غير طعمه الي يجنن بعمري مااكلت
هيج بيتزا رحنا للفندق نرتاح بدلت ورحت بدلت ل تيم
نام واني نمت كعدنا بليل تميم كال
تميم : راح اخابر الولد نطلع لشي مكان
هاجر : تمام
سوينه كروب بينه حتى نضل نحجي بي وندز الصور الي ناخذها لبعض تميم اتصل على الكروب وبقو يتناقشون
تميم و امير هاي مو اول مره يجون جايين كثير بحيث
يعرفون كلشي عبالك بلدهم
اما احمد وكرار هاي ثاني مره يجون مايعرفون كثير اماكن اما ميدو ماجان يعرف شي لان حاله حالي وحال
مريم و ديانا و حوراء اول مره نجي هنا تميم مال
تميم : غبي جاي اكلك نروح الها تجنن
كرار : تذكر من رحنا جانت تلعب النفس
تميم : كو*** هاي من 5سنوات هسه تطورت صارت تجنن
كرار : مااحبها
تميم : طبك نعل لا تجي
كرار : خلاص نروح
امير : ماتجي غير بالنعال تمام بعد ساعة ننجمع كبال
الفندق
كمت بدلت وحضرت ملابس تميم وبدلت ل تيم تميم
كال
تميم : خففي مكياج مو رايحين لعرس
انصدمت اني ما حطيت غير مسكارة وحمرة وايلاينر
غلست عود خففت رجع كال
تميم : خففي كلت
هاجر : شنو اخفف قابل شحاطه
تميم : الحمرة ماله داعي هيج عميقه ورموشج ماله داعي يكونون هيج طوال واصلين لحاجبج
غلست لان كل الي كاله ماكو منه حمرة مو عميقه والمسكارة كوه مبينه رومشي لان رموشي مو ثخان
طلعنا توجهنا ميدان مايكل انجلو كلت
هاجر : شنو بيها ميدان مايكل انجلو يعني بشنو مشهورة
تميم : معالم واماكن كلش حلو نروح وشوفيها
وصلنا ونزلت اشوف المكان جان يجنن سبحان الله مكان يجنن عبالك عالم ثاني ماشاءالله جنت امشي وصافنه
على جمال الاماكن تعبنا وكرار كال
كرار : جعت كلش خلي نروح ناكل
رحنا مطعم تميم وامير يحجون وياهم لان يعرفون يحجون ايطالي ونحنا بس صافنين شلون يحجون هيج
نوب الغه تضحك مدري شلون يحجون طلبنا بروشيتا
مثل المقبلات شكلها كلش حلو
كملنا اكل ورجعنا نفتر وبعدها رجعنا للفندق نمنا والصبح
نزلنا نتريك وطلعنا بدلنا ورحنا نفتر تعبنه وهلكنا تغدينه
ورجعنا للفندق نمنا من التعب وطلعنا العصر وفترينه
وتعشينه ورجعنا جان اسبوع يجنن بأخر يوم تميم كال
تميم : راح نروح لمكان هذا المكان يجنن وغير هيج بي
فعاليات حلوة بس نروح اكللكم عليها
امير : الي بيها مي وفلوس صح
تميم : ليش احبك لان تلكفها
وصلنا مكان وكل عادة مايقل جمال عن المكانات الي زرناها وصلنا يم مكان مثل نافورا واسمها نافورة تريفى
كلش حلوة تميم كال
تميم : هسه نروح نشتري فلوس من ذول الي بزمن جدي
رحنا شترينه عملات كلنا ورجعنا يم النافورة هم فاهم شي غير امير و تميم كال
تميم : هسه تتمنون امنيه وتذبون هاي العمله خوش
الكل تمنى وذبينه العمله بعدها رحنا للجسر وجان اكو
بنص الجسر شجرة واكو واحد يمها يبيع قفاله ومفاتيح
تميم كال
تميم : هسه نشتري قفاله ومفاتيح وياهن شريط عليها احرف كل شخص يختار حرفه وحرف زوجته ونروح
للشجرة نحط الشريط مال احرف بنص القفل ونقفل علي
ويا الشجرة ونروح نذب المفتاح بالنهر حتى يدوم حبنا
كلش حبيت هاي الاشياء وتحمست الها رحنا شترينه
واخذنا احرفنا وحطيناهم بالقفل وقفلنا ورحنا للنهر حتى
نذب المفتاح ذبينا المفاتيح تميم كال
تميم : احبج وراح اضل احبج لاخر يوم بعمري يااجمل شي صار بحياتي احبج كلش هواي يا قيطان كلبي
هاجر : مو بس احبك اعشقك
بليل رجعنا لمينه الغراض ورجعنا للعراق جان احلى اسبوع بحياتي جنت انشر كلشي اصوره هناك وجنت
اخابر اهلي واشوفهم احل ايام حياتي جانت هناك
رجعنا للبيت وسلمت على عمه وملاك وعمو وعمه اخذت
تيم تبوس بي رجعت كالت
ماسه : اذا تروحون بعد ممنوع تاخذون تيم وياكم
هاجر : يا شلون اعوفه
ماسه : لعد ماتكولين خطيه اني كلبي تكطع علي
بقه يمها واني طلعت بدلت وطلعت الغراض من الجنط
رتبتهن ورتبة الغرفة ونزلت اخذ تيم حتى انيمه وانام
كلت
هاجر : عمه جيبي اروح انيمه
ماسه : اليوم يمي ينام مااعوفه يمكم مشتاقتله
بقيته يمها وطلعنا اني وتميم انام كعدنا الظهر وعمه كالت
ماسه : كومو يلا نروح لبيت ادريس بسرعة
كمنا تريكنا ورجعت بدلت وطلعنا لبيت عمو ادريس وصلنا نزلنا سلمنا وكعدنا العصر بيبي ماكدرت تسكت
اكثر وجان الكل كاعدين كالت
راوية : كرار
كرار : ها
راوية : ليش تكول انت عقيم وانت مابيك شي ليش تغطي على مرتك هااا
كرار : انتي كلتيها مرتي وبعدين معليكم خوش
هَتان : تحجي صدك وليش ماكلت نخليها تتعالج
كرار : شلون تتعالج وحضرتك خربت شغلي
هَتان : يا شغل هذا انت هم معتبر شغلك شغل روح اشتغل ويا تميم احسلك
كرار : اني احب شغلي انت شكو
ادريس : ولكككك هذااا جدككك احجيييي ويااا عدلل
كرار : يعني شلون احجي خرب شغلي وهسه يكلي عالج مرتك منين اجيب فلوس ها
هَتان : محد كالك تروح سفرة
كرار : كلهم راحو واني شلون مااروح اخليها بنفس مرتي
يعني
هَتان : من تتيسر حالتك تروح
كرار : مااخذت شي منك اخذت من تميم
هَتان : تحجي صدك
كرار : اي هو ديني فلوس
هَتان : تميم شنو هذا الحجي
تميم : مثل ماسمعت
هَتان : ولك ماعندك فلوس ليش ماتجي تكلي
كرار : اجيك حتى تشغلني تحت ايدك مو
هَتان : حيوان اخليك بالستخبارات
كرار : مااريد اكثر من مره كتلك هذا الشغل مااريده
تميم : هو حر شنو يريد يسوي وبيا شغل يشتغل محد
علي وبعدين من تخرب شغله
هَتان : غير اريده يكبر هو يفهم بهاي السوالف ذكي لدرجه يكدر يحل كل الشغل الي الحيوانات الي عدنا
ماتكدر تحله
كرار : كتلك مااريد
هَتان : طبك مرض خوش
غادة : وشنو يعني ابني يضل بدون طفل
هَتان : من ايده لو يعالجها لو يطلكها
كرار : هَتانننن معليكككك لا تدخللل
ديانا : عادي خلي يطلكني
كرار : شتحجيننننن
ديانا : رحت ويا امي قبل السفرة والدكتورة كالت العلاج مايفيد
كرار : اسوي طفل انابيب الطب تطور
ديانا : مايحتاج تميم ممكن تاخذني لهلي
تميم : امشي
كرار : شنووو تمشييي هيااا بكيفكممممم
تميم : بس اصبر فترة تتحسن معنوياتها والله بيدي اني اخذكم لدكتور تسوون طفل انابيب وعلى حسابي بعد
كرار : ماتروح
تميم غلس علي اخذها وراح يوديها حتى ملابس مااخذت وياها اني دموعي بعيوني وكوه اسكت نفسي حتى لا ابجي والبنات نفسي
زهراء : نقهرت عليها بشكل مو طبيعي
هاجر : حتى اني والله مايستاهلون
كرار : كلكم اندمكم والله هَتان اطلع كو** ناقص من الزلم اذا ماخربت كل شغلك وخططك بس اصبرلي
..................
« ديانا »
بالطريق تميم كال
تميم : معليج بكلامهم ترا كلامهم لا يقدم ولا يأخر لا تخسرين كرار مستحيل تلكين نفسه
ديانا : اعرف والله بس رحت على الدكتورة تكلي ماكو امل تصيرين ام
تميم : هيا مو اكرم من الله لا تنسين الطب تطور لو زمان جان اكلج اي مانكدر بس هسه لا وين الطب حيل تطور
و كرار مستعد يسوي كلشي في سبيل تفرحين
ديانا : ادري بس مااريد اضلمه وياي
تميم : انتي تضلمي من تبتعدين عنه
ديانا : كرار يستاهل يكون عنده طفل
تميم : من كل عقلج يعوفج انسي نحنا احفاد ال هَتان مستحيل نتخلى عن شي يخصنه اتمنى تفهمين
ديانا : مادري والله احس راسي صدع
تميم : ارتاحي فترة يم اهلج وبعدها ترجعين خوش
ديانا : اشوف
وصلني للبيت تشكرت منه ونزلت رحت على امي دخلت
وحضنتها ودموعي نتزل وهيا تهدي بيه حيل صعبه شلون مااصير ام هذا حلم كل الناس واني من حقي اكون ام
بس نحرمت من حقوقي
................
« هاجر »
رجع تميم سئل على كرار وكالوله طلع وهو راح يدور علي
رجعنا للبيت وتميم ماكو تأخر دخل للغرفة تعبان كال
تميم : حضريلي ملابس اسبح
حضرت تراك وذبيته على السرير رحت ارضع تيم طلع تميم كلت اروح احط ملابسه بالغسالة دخلت للحمام
اخذت ملابس وكفخت بخشمي عطور نسائية استغربت
اخذتهن اشم بيهن والله عطور نسائية عصبت وطلعت
كلت
هاجر : شنوووو هاييي ملابسككك كلهااا عطوررر نسائيةةة تخونييييي تميمممم
تميم : مو هيج
هاجر : شلون تفسرها هاا
تميم : مالي خلكج
هاجر : تحجيييي لووو اشوففف شغليييي
تميم : تهددينيييي
هاجر : احجييييي
عافني وراح تمدد اخذت ملابسه ونزلت جوه اروك اشكي لعمي وعمتي وهو وراي يحاول يوكفني دخلت غرفتهم بدون ماادك الباب كلت
هاجر : تقبلوهاا تميمم ملابسهه كلهااا عطوررر نسائية
محمد : جيبيهن
هاجر : اخذ
صار يشم بيهن عصب وكال
محمد : هاييي شنووووو
تميم : مو مثل ماانتو مفكرين
ماسه : شلوننن
تميم : مااكدر احجييي
محمد : هسه تحجي
تميم : تعال اكلك ليش
هاجر : تحجيي كدامناااا كلنااا
تميم : مااكدر
هاجر : اذا ماتحجي اروح لبارق احجيييي
محمد : احجي
تميم : احجي بس مايطلع خوش
اجت على صواتنا ملاك وهيا هم بقت تسمع كال
تميم : رحت جبت كرار وجدي كال روحو هددو فلفولة تعوف حمزة ورحت هددتها بنشر فيديوهاتها
محمد : يافيديوهات
تميم : عندي فيديوهات هيا وحمزة كتلها انشرهن وغوش وجه حمزة وكلشي يخصه بس اخليج انتي واضحه ودخلنا بنص الملاهي وهددناها وهيج صارت ريحتي كلها نسائية
هاجر : منو هاي فلفولة
تميم : مايخصج
ماسه : يخصها احجي
تميم : هاي هيا وحمزة جانو يحبون بعض ونحنا ندري بيها تروح ملاهي وجدي هدد حمزة حتى يعوفها وهددها
وعافته وهسه رجعو ويريد يحبلها ويجيبها حتى يتزوجها غصب عن الكل
ماسه : وليش ساكت كول مرتك شنو يعني
تميم : اكيد تكول للبنات وهيج توصل ل مرته وينخرب بيته
ماسه : هو مو سائل على بيته
تميم : هيا فرت عقله
محمد : ها بنيتي عرفتي ليش
هاجر : ايي اني اسفه
طلعنا للغرفة كلت
هاجر : ليش ماكلتلي
تميم : جدي مايقبل احد من النسوان تعرف
هاجر : هيا اسمها الحقيقي فلفولة
تميم : لا هذا مجرد لقب اني طلعته الها
هاجر : ممم
تميم : تعاليي
تقرب مني اخذ شفايفي بين شفايفه عشنه ليلة حلوة
مشت الايام ديانا بعدها زعلانه وعرس يونس على ايليف صار وعرس بارق على ريم صار وخلص ورجعت لبغداد
ومشت سنه كاملة ديانا سوت طفل انابيب وجابت ولد ثنين توم جانو يشابهون بكلشي هندرين صار عدها
بنوته
حسن خطب نور ابني كبر وصار عمره سنه وصار يمشي
ويطلع اسنان راوي نفس الشي راوي يشبه ابو بشكل مو طبيعي عبالك تيم كدامنا بس فرق لون العيون لان عيونه نفس آيلا تيم محد بينه نسى ولا ممكن يجي يوم وننسى
الكل عاش بسلام راوية صارت زينه ويانه مع مرور الوقت هَتان كلش زين وهو الي دفع تكاليف علاج ديانا بعد ما كرار وتميم اتفقو وسوله مصيبه بليل اجاني تميم كال
تميم : مشتاقلج
هاجر : واني هم
باس خدي وكال
تميم : عيونج
هاجر : شبيهن
تميم : من شفتهن صفنت صفنه طويلة وكلت بيني وبين
نفسي اني متأكد الي اخترع جملة " حط عينك بعيني "
ما مرت علي عيون مثل عيونج
هاجر : احبكك
تميم : احبج ياقيطان كلبي
.................
انتهى البارت
طبعاً هاجر كملت دراستها وتخرجت
وجان تخلص الرواية هسه نعوفهم يعيشون حياتهم
الرواية الي عشنه وياها بكل تفاصليلها بمشاكلهم بحبهم
والسحر الي صار على تميم وبالاخير الحب هو دائماً ينتصر
ماعرف شلون اوصفلكم مشاعري بس كلش مقهورة لان
خلصت الرواية من صدك تعلمت منها الصبر وانو ربي
يعوض كل الناس حتى لو بعد طويل وانو ربي عادل
يردها بالمثل
( ومابعد الضيق الا الفرح )
عبارة صغيرة بس ممكن تنطينه فرحه عضيمه بعد كل
المعانات الي عاشتها هاجر و زهراء الله عوضهن بزلمه
كد كلمته ومن وعدوهن بعد مايدمون ايدهم عليهم نفذو الوعد وتميم من وعد هاجر يعوضها عوضها
بنوتات شكراً الكم على تفاعلكم الحلو صوتو وعلقو بين
الفقرات واتمنى التوفيق للجميع
- يتبع الفصل التالي اضغط على (رواية قسوة احفاد ال هتان) اسم الرواية