رواية زوجتي الجريئه الفصل العاشر 10 - بقلم منة محمد
يحيي شاورلها تسكت : ممكن توقفي الكلام عن الحب الفارغ لان الانسانه الي بحبها هي الي بتأذيها ولما بتتأذي انا كمان بتأذي فاهمه عشان كده ارجوكي
ريشه انهارت: انت الي ارجوك تفهم انك متجوز انساها
يحيي زعق فيها بشده : انساها بقولك بحبها مقدرتش اشوفها زي الاول بسببك انتي
ريشه دخلت غرفتها ورمت حالها ع سريرها ومسكت دماغها وفضلت تتألم لحد ما اغمي عليها
لحد ما فاقت ع صوت بيكلمها
نيلي : اهدي يا رشا اهدي كده هتتعبي نفسك وتمرضي
ريشه بصتلها ببكاء: دماغي هتنفجر يا نيلي لو فضل يحيي يعاملني بالطريقه دي هفضل اعاني بستمرار من الصداع النصفي
نيلي بعطف: ممكن تهدي نفسك خالص لو جرالك حاجه محدش هينفعك ولو مكنتش جنبك ممكن تاخدي بالك من نفسك كويس بلاش تتوتري
ريشه: انا بحاول متوترش بس الي اسمها توتا بتزعج يحيي وبطارده بلاتصال او الرسايل ويحيي يتلقب عليا اكيد هحس بالتوتر
نيلي: متشغليش عقلك بامور صغيره لازم تكوني قويه ومتنسيش تذكري الله دايما
يحي اصر ياخدها رغم تعبانه تقضي يوم مع اهله وقعدين بعد الغداء وبيكتب لتوتا رسايل وهي بصاله بقهره
يحيي رفع عيونه وبصلها: بتبصي ع ايه
ريشه : متخلقش معايا مشاكل هنا
يحيي بص في التلفون وهو بيقولها: ريشه اديني شويه افكار للغزل عشان بعدين اكتبهم لتوتا بس تكون لطيفه
ريشه شوي وتبكي قهر ومسكت وري رقبتها واتألمت
خديجه جايه بالشاي شافتها: رشا مالك عندك صداع يحيي مراتك عندها صداع اكيد تعبانه ويمكن منمتش كويس
يحيي بيكتب وقال: قله نوم كانت كويسه في البيت هي بتمثل قدامك
خديجه: بس كفايه تعالي يا حبيبتي اطلعك تنامي
ريشه قامت مجهده مع خديجه وعيونها ع يحيي بدموع محبوسه
يحيي بشخط فيه: ياريت تبطل لعب في موبيلك
يحيي كشر وقام مضايق
خديجه: يابني خد مراتك طلعها اوضتك امسكها وع مهلك
………………….
في كافيه
امجد بصله: متأكد ان الي في الصوره دي توتا
صاحبه: ياعم هو انا هتوه عنها
امجد بستفسار: ومين الشاب الي معاها في الصوره
صاحبه: يمكن واحد مرافقها لانه متجرء ع بيتها بس في السر
امجد هز دماغه: تمام والي بعده
صاحبه شرب من لعصير وقاله: كانت هي غضبانه من يحيي انه اتجوز واحده تانيه والي عرفته انها مكنتش تعرف انه اتغصب ع الجواز
امجد: ازاي يحيي يتجوز رشا وهو ع علاقه بتوتا وهي متعرفش مش هي بس ده انا كمان مكنتش اعرف عنه اي حاجه اعتقد دي مؤامره مدبره
صاحبه: هو ممكن
امجد: توتا حلوه بس عاديه وحته موظفه وجريئه ومتحرره اما رشا جميله جدا وبريئه ومتعلمه ومحترمه وغنيه شتان بينها وبين توتا للاسف راحت اتجوزت واحد اقل كتير من مستواها مجرد موظف في شركه لو اتطرد هيخسر كل حاجه والا هو طمعان في ثروه ابو رشا نفس طمع ابوه وللسبب ده اجبره يتجوزها
صاحبه: هو احتمال ع العموم هعمل تحريات اكتر واجيلك الخلاصه
امجد: تمام
……………………………….
ريشه نامت شويه وحست انها نوعا ما اتحسنت وكلهم قاعدين في الصالون لقوا ليلي بتعيط وطلعت ع فوق
خديجه بتعجب: منه مالها امك
منه بدموع: اتخانقت مع بابا هو ع طول بيعمل مشاكل معاها
خديجه اتغاظت ومسكت الموبيل ويحيي سألها: ماما هتعملي ايه
خديجه: الو انا خديجه اسمع كويس الكلام الي هقوله ممكن تبطل تعمل مشاكل مع بنتي
علام نازل سمعها وزعق: هو انا مش قلت متدخليش في حياتهم هو انا كلامي مش بيتسمع ليه
خديجه كملت: لو مشكله صغيره ليه ليلي عيطت لما جات هنا ليه
علام شد منها الموبيل وهو بيقول: هاتي انا اكلمه بلال انت عارف هتعمل ايه مش كده… كويس
علاك قفل وبصلها: كم مره قلت لك متقوليش لبلال يعمل ايه هو عارف يمشي بيته ازاي
خديجه: ازاي يتعامل كده مع مراته وبنته ولا عشان اختيارك نسيبه يبهدل فيها
علام بغضب: احنا نهدي مش نكحلها
يحيي طبطب ع منه وقالها بعطف: معلش يامنه جدك متعصب شويه
ريشه اتسحبت من وسطهم وطلعت عند ليلي لقتها قاعده تعيط قربت وقعدت قدامها وليلي انفجرت في العياط
ريشه” ليلي ممكن تقوليلي ايه المشكله بلاش تكتمي جواكي انا خايفه عليكي تتعبي
ليلي : محدش هيعرف يحل مشكلتي
ريشه: ليه لاء جايز لو عرفتها اقدر اساعدك انا مش عايزه ابقي واحده متطفله
ليلي بصتلها بقهر وقالت: عارفه يا ريشه احنا الاتنين نفس المصير اتجوزنا برجاله لانعرفهم ولا بنحبهم عارفه انا كل يوم بموت لاني عايشه مع شخص زي بلال
يحيي دخل : يله نرجع الييت
ريشه: وايه عن ليلي
يحيي: هي تعبانه مش كده يا ليلي وبعدين انتي متدخليش وتساعدي حد, ليلي لو عندك مشكله مع جوزك متدخليش بنتك فيها انا مشفق عليها
ليلي بصتله المفروض يبقي سندها لكن هي عارفه يحيي بيخاف من جبروت ابوه
يحيي: يله يا ريشه نمشي بابا مش بيحب حد يدخل في شؤن حد
ريشه بحده: وهي ليلي غريبه
يحيي اتك ع سنانه: قلت يله بينا( شدها من ايدها )
……………………..قصص منه محمد كاتب………………….
توتا بغيظ: هو ليه مش بيرد ع مكالماتي كان كويس وفجأه مش بيرد خالص هما كدا الرجاله دايما يخلفوه وعودهم ولما بقي عنده واحده ساب كل حاجه وراه والي متجوزها شكلها ست عقربه الاول كا ابويا ودلوقت الست الفاتنه زي ما بكرهها بقيت اكرهك يا يحيي
لينا طالعه بالقهوه : مالك مكنتيش كدا هعيط معاكي
توتا بين دموعها: افتكرت لما كنت طفله عديت بمعاناه كبيره في حياتي واتبهدلت
لينا: انتي لسه منستيش ياتوتا يابنتي انسي وكملي في طريقك
توتا : معرفش خطر ع بالي فجاه اتكومت حاجات فوق بعضها ويمكن لما ظهر ابويا وطلب مني فلوس
لينا بغيظ: لما تكون حياته صعيه يدور عليكي هو الراجل ده جنسه ايه نسي لما رماكي ونسيكي ولا كئنك بنته
توتا بقهر: وللسب ده الست دي اخدت مني يحيي حسست بالالم مره تانيه انت فهماني
لينا طبطبت عليها: اهدي ياتوتا متفكريش في كل ده والا هتتعبي
توتا ضيقت عيونها بشر وهي بتمسح دموعها: انا تعبت وجبت اخري وشايفه اني لازم ادي الست دي درس قاسي عشان تعرف مين انا
……………قصص منه محمد كاتب………………
وجدي: بدئت احس بالقلق يادلال من ان عايله يحيي تعرف ان ريشه عندها صداع متكرر
دلال: وعرفت ازاي ده
وجدي: جوزها اتصل بيا امبارح وقالي هاجمها صداع لما كانوا في بيت ابوه
دلال: وليه مقولتليش اقوله الحقيقه
وجدي: كنتي نايمه وهو اتصل بيا في وقت متأخر ازاي يعني اصحكي غير كده هو طلب مني مقولش لريشه انه بلغنا خاف لتزعل منه
دلال: مش شايف ان رشا تعبانه واحنا سمعنا كلام الدكتور لما طلب منا منضغطش عليها وعشان مش عايزها تتوتر جوزنها لكن مرضها مش بيقل لسه بتتعب
وجدي بحيره: يمكن العلاج مفعوله مشتغلش وجايز فيه خلافات بينهم لانهم لسه بيتعرفوا ع بعض ويمكن ده الي بيشد عليها الصداع
دلال: مش حاسس بالذنب ناحيه علام لانتا خبينا عليه تعب ريشه انا قلقانه يفكر اننا كدبنا عليه
وجدي: احنا مقلناش ع تعبها لـ اي حد
دلال: ايه رايك نسفرها للخارج
وجدي بتنهيده طويله : اظن انتي عارفه طبع بنتك صعب عليها تسافر بره وتتحجز في مستشفي هترفض مش قلتي رايحه للنادي قومي هاتي شنطه ايدك اوصلك ع سكتي وانا رايح للشلاركه
دلال وهي بتقوم : لحظه واحده
وجدي لنفسه: ياتري يابنتي عارفه بحبيبه يحيي وجايز ده الي خلالها مريضه يارب من فضلك احمي بيت بنتي هي وجوزها وابعدهم عن الفتن
………………………………….
ريشه بعد اخر خناقه بينها وبين يحيي قررت التجاهل لكن ده زود مرضها و هجمها الصداع المتكرر لحد ما رقدت مريضه في السرير ويحيي اخد اجازه من الشركه وفضل معاها
يحيي راحلها وقعد جنبها ا: انتي كويسه تحبي نروح المستشفي او عياده
ريشه قامت اتعدلت: لا مفيش داعي عندي العلاج الي كتبهولي دكتوري
يحيي: تمام عملتلك فراوله باللبن
ريشه بتعجب: انت الي عملته
يحيي مبتسم : ايوه بس اشتريته من المحل
ريشه ابتسمت: يا ربي قادر تهزر دلوقت
يحيي بحنيه: يله اشربي
ريشه بصتله وهو سألها: فيه ايه
ريشه: شربني بأيدك
يحيي ابتسملها: تعالي بس هتشربيه كله
ريشه: اشرب انت كمان
يحيي: بس انا مش بحب اللبن
ريشه: اشرب شويه وانا هكمله
يحيي شرب منه شويه ومدهولها وهي شربت مكانه
يحيي: ها لذيذ
ريشه إبتسمت : جدا
يحيي ضحك ع شكلها : ايه الي عملتيه قلتي عليا فوضوي انتي طلعتي زي
يحيي لما ايده لمست شفايفها كل انش فيه اتخدر وداب من جمالها اتعلقت عيونها بعيونه الواسعه وضاعت فيها..مرت لحظات وعيونهم معلقه في بعض
يحيي قام برتباك وقال: شايف انك لازم تنامي هرجع الكوبايه للمطبخ
ريشه فردت جسمها المجده وقالت: تصبح ع خير
يحيي: وانتي من اهله
غطاها في نفس الوقت اتصلت توتا وهو بص للموبيل ورجع بص لريشه ورفض يرد عليها احترام لمشاعرها
……………………
يوم جديد بعد اسبوعين يحيي وقف يلبس في المرايا ريشه لفته ليها تربط الجرافته
يحيي اتوتر : سبيها ممكن اربطها لنفسي
ريشه: ايه قول تاني كده
يحيي بيحاول يبعد : انا ممكن اربطها لنفسي
ريشه قربت عليه وهو في سره: يالله ريحتها حلوه تجنن
ريشه: ريحتي حلوه مش كده والراجل المز ده جوزي انا حاسه نفسي اجي معاك
يحيي ضحك: ايه الهزار ده يا ريشه
ريشه بهمس ناعم : سيد يحيي متنساش تقفل سوسته البنطلون لهيكون عيب
يحيي بصدمه: عرفت ازاي اني مقفلتش السوسته شكلها مركزه معايا ماشاء الله
ريشه: يله يا حبيبي عشان تفطر مش عايزك تتأخر
يحيي: ملوش لزوم انا فطر في المكتب
ريشه: ده كان قبل ما تتجوز
يحيي: ريشه هفطر في المكتب
ريشه: يحيي انت ليه عنيد انا مش قولت لك لازم تفطر في البيت ده جزء من اتفاقنا الشرط الرابع
يحيي: بس انا مش عايز اكل هو انا بجبرك ع الاكل
ريشه وهي بتحط اكل كتير قدامه وقالت: كل
يحيي بغيظ: خلاص ممكن كفايه
ريشه قعدت قدامه وحطت ايدها ع خدها تتأمله بتمعن
يحيي بغيظ : وهاكل وانا بتجبر ع الاكل كمان ايه مش هتاكلي
ريشه: يحيي الحق ايه ده
يحيي: ايه
ريشه بمكر: بص هناك
يحيي لف وشه وهي باسته من خده وقالت: انت لطيف خالص
يحيي ارتبك ووشه احمر وشرب من العصير
………….قصص منه محمد كاتب……………………….
في بيت وجدي
امجد : اتفضل ياعمي ده اقتراح للمشروع المشترك بينا وبعت نسخه مكتوبه في البريد امبارح
وجدي :ايوه شوفتها بس كويس انك معاك نسخه مطبوعه سهل اقرء اصل انا دقه قديمه مليش في الكمبيوتر وادقق في الخط
امجد ضحك : قولي ياعمي سبق واشتغلت في شركه حاتم احمد حاتم للمقاولات
وجدي بتفكير :اسم الشركه مش غريب عليا
امجد : ده اسم صاحب الشركه الي شغال فيها جوز بنتك والمدير هو ابن خالته حاتم
وجدي: اه افتكرت دلوقت اصل انا بعاني من النسيان ع المدي القصير اصل انا راجل كبير في السن
امجد : فهمت هو لسه شاب ورئيس تنفيذي ووسيم مش غريبه يبقاله صديقه
وجدي : ما انت كان عندك جيش من الاصدقاء وانت كمان رئيس تنفيذي
امجد : انت بتتكلم عني لاء يا عمي انا مخلص لواحده , ع فكره انا قابلت يحيي مره
وجدي: بجد شوفته
امجد بخبث: ايوه بس استغربت انه مكنتش مع رشا كان مع واحده تانيه بس انا معرفهاش
وجدي: امجد اظن عادي دي طبيعه شغلنا ووارد نقابل مهندسين سيدات
امجد: اكيد طبعا كلامك صحيح يمكن عشان شوفت وجودهم سوي غلط لان قعدتها واسلوبها معاه بتقول انهم حبيبه
وجدي: ازاي
امجد : يعني مقضينها ضحك وهزار ورحرحه
وجدي : انا فاكر ان والده مره قالي ان يحيي كان بيحب بنت بس ده من فتره طويله وسابها عشان كده جوزه لبنتي رشا
امجد : حضرتك لازم تتاكد لان الي شوفته بينم حاجه مهمه وجايز والده مقلكش كل حاجه معرفش وحضرتك صدق زي ماتحب انا بحكيلك الي شوفته وواضح ان يحيي اتجبر ع الجواز
وجدي : بس انا شايف يحيي شاب حنين وبيعامل بنتي كويس جدا
امجد: اتمني يكون كلامك صحيح ياعمي
…………………..
يحيي وصل الشركه جات له رساله كتب: اسف يا توتا مقدرتش افطر معاكي طلع عندي اجتماع مهم لسه حاتم مبلغني
توتا كتبت : تمام انا كمان عندي اجتماع
يحيي ابتسم براحه ودخل مكتبه لقاه ملفات كتير ع سطح المكتب اتصدم
حاتم بمرح : دخل اهلا ياسي يحيي افندي اخيرا رجعت يا مدير تنفيذي
يحيي كشر بستياء: مدير تنفيذي ايه بقي بص شوف الملفات المتكومه من اسبوعين مش انا كنت باخد اجازه يوم او اتنين او تلاته بس المره دي اسبوعين ادي الي اخدته من الجواز. انا مكنتش عايز اتجوز
حاتم : مش اخدت اجازه اسبوعين وقبلها شهر عسل ع الاقل استمتعت
يحيي: ايه المتعه في كده
حاتم : وبتسال يعني معاك البحر والوجه الحسن اكيد يعني شهيصت
يحيي: انا بجد مستغرب ليه الكل بيحب ريشه حتي الي يشوفها مره واحده بيتسحر بيها ع سبيل المثال السكرتيره من يوم ما شافتها في الفرح كل يوم تسالني عنها وتقولي انسانه لطيفه جدا رغم توتا الي شافوها اكتر من ريشه محدش ولا مره قالي ان توتا لطيفه
حاتم: بعد اسبوعين من غيابك الاسم الي اتكرر هنا ريشه
يحيي : لاء توتا
حاتم: لاء ريشه
يحيي : وانا قلت توتا
حاتم: لاء ريشه انا مش اطرش يايحيي
يحيي : انا هتجنن كلهم بيشكروا فيها مش امر غريب
حاتم: اكيد شافوا فيها الي انت مش شايفه واكيد هنا محدش حب توتا سبق وسالتهم
يحيي كشر : لاء براحتهم ارجع مكتبك ياحاتم عايز اخلص شغلي
حاتم قام وقف وبصله شويه واتنهد وراح ع مكتبه شافها داخله متعصبه وزقت السكرتيره
توتا بعصبيه ازاي تلغي اننا نفطر سوي
يحيي بصلها بضيق :مش شايفه الشغل كتير ازاي وبعدين مش قلت لك هتغدي معاكي ليه جيتي هنا
توتا :عشان انت مقولتلهاش انك هتتغدى معايا خلفت بس وعدك نفطر سوي
يحي: مره تانيه هنتخانق حوالين ده توتا انا تعبت من الخناق حوالين نفس الموضوع انا مشغول لكن لو عايزه تتغدي ممكن تروحي مع حاتم
توتا: انا مش عايزه اكل مع حاتم انا عايزه اكل معاك انت
يحيي: ايه الفرق ده مجرد غداء مش مهم يكون مع مين المهم تاكلي
توتا: اوكيه يا يحيي انا مش عايزه اكل معاك وجيت هنا اشوفك لانك وحشتني اوي
يحيي عارف انك مش عايزه تخرجي معايا بس انا حقيقي مشغول
توتا: وانا نفسك كمان ساعه عندي اجتماع مهم عشان كده هقوم امشي سلام
يحيي كان بيكلمها وعيونه ع اللاوراق : سلام
يحيي سرح لما افتكر الحركه الي عملتها ريشه معاه وهي بتبوسه وتقوله انت قمر اوي
……………………….
حاتم شافه راح عليه: يحيي ليه ماشي بسرعه مش هتخرج مع توتا
يحيي : لازم ارجع البيت في معادي والا ريشه تقوم القيامه
حاتم ابتسم : ده ع فكره شئ كويس اظن جوازك هينجح
يحيي قلب وشه : هيمنجح انا متعذب ياحاتم مش عارف اخرج اي مكان
حاتم :ليه تخرج وبعدين المفروض تقعد الليل مع مراتك انت طول النهار في الشركه
يحيي: انت كدا لما الموضوع بيتعلق بريا تقف في صفها بقولك انا متعذب عامل زي المسجون وريشه السجان
حاتم ربع ايده: وانت بقي معتقد هتكون حر لو اتجوزت توتا
يحيي : هو انت متجوز ازاي هتحس بمعاناتي
يحيي فتح الباب ودخل قعد بدون نفس
ريشه مبتسمه : رجعت في الوقت المحدد شاطر
يحيي بصلها بضيق : عارف منا مش هتحمل اسمع شكوتك ونفذت الشرط السادس مش كده عشان كده من فضلك اقفلي بؤك واسكتي خالص
ريشه مره واحده قعدت ع الارض تحت رجله تخلعه الشوز والشراب
يحيي: هو انتي مفكراني سي السيد هتقلعيه الشراب
ريشه : سبني اعملها لو سمحت
يحيي بعصبيه : انا عايز زوجه تفهم مشاعري مش زوجه تحط من نفسها بالطريقه دي
ريشه رفعت عيونها وبصتله: ليه هي الست لما تقلع جوزها الشراب تبقي بتحط من نفسها انا عارفه ان مكاني مش تحت رجلك ولا مكانك فوق راسي مكانا جنب بعض
يحيي تابعها وهي ماشيه وقد ايه بتعجبه بكل حركه جديده بتعملها معاه بتحسسه انه هارون الرشيدي
………………قصص منه محمد كاتب………………..
يوم جديد في الشركه
يحيي: بتعملي ايه بس هنا
توتا: قلت لك عايزه اتعشا معاك لحقت تنسي
يحيي: وقولت لك لازم ارجع البيت ع معادي لحقتي تنسي
توتا: حتي الناس بتخالف القانون ناهيك عن شروطك الغبيه
يحيي: المسأله مش متعلقه بشروط المسأله متعلقه بجحم المشكله الي هقع فيها لو خالفت الشروط فهمتي
توتا: ايه هتسيب ريشه ماهو ده الي احنا عايزينه لو مشت نقدر نتجوز
يحيي: لاء مش هي انا خايف ابويا يعرف عننا ده وعدي له وهتفضل علاقتنا في السر لو مخالفتش شروطها من فضلك قدري وضعي
توتا بغيظ: تمام اكيد مش هتقدر تخرج معايا بس انا ممكن اجي معاك الييت
يحيي بنرفزه شديده: انتي اتجننتي في عقلك افرض جرالها حاجه
توتا : هو انت بتحبها اكتر مني
يحيي لف وشه عنها: لا متحرفيش كلامي انا بحبك انتي مش بحبها هي
توتا: لو زي ما بتقول نفذ الي بقوله عملي يا يحيي
يحيي بالفعل اخدها وطلعوا ع البيت وهو فتح الباب ودخل
ريشه بستقبال مبهج: رجعت بدري
توتا ظهرت من وري دهر يحيي واتعلقت بدراعه وبصتلها بتحدي وريشه فضلت بصالها وهي مش مصدقه الي عيونها شيفاه ازاي هي بالجرائه دي وهو بالقلب الجامد ده لكن لازم تفضل ثابته بارده وتخلف كل توقعاتهم
- يتبع الفصل التالي اضغط على (رواية زوجتي الجريئه) اسم الرواية