رواية اسرار الماضي لبنت ناس الفصل الحادي عشر 11 - بقلم رينا الهادي
بسم الله الرحمن الرحيم
اسرار الماضي لبنت ناس
بقلم / رينا الهادي
الجزء الثاني الفصل الحادي عشر
المواجهة (١١)
الصورة من جامعة سينام
عائشة أغلقت مع عبد الله ثم إتصلت ماسنجر بإيمري : إية فكرك بيا عائشة أنا قولت خلاص نسيتينا .
عائشة: هو أنا لازم أتكلم كل يوم هو بس إمبارح أقفل ولا مشغول؟
إيمري : لا أحكي انا بفطر اصلا و مشغل السماعات قولي .
عائشة : هحكي لك علي إللي حصل و قول رائيك بصراحة أسمع بقي و حكت لو كل ما حدث .
ايمري : لية و صلتي لزوجك الكلام دة و لية سألني عن رد فعلة ؟
عائشة : قولت أخوفة يقرب مننا و أعرف شخصية أكتر, هل بيخاف و بيستعرض القوة علينا و لا هيكمل و يجي يتهجم علينا ؟ أنا طول الليل مش عارفة أنام و مجهزة جنبي الصاعق قولت كمان أوصلة رسالة أنة كدة كدة خسرنا يقوم يطلق لكن لا إلي عملتة فية نفع و لا حتي إللي قولتة .
إيمري : برضو مش فاهم هدفك إية ؟
عائشة : يطلفني قبل ما الشهر إللي نديم إعطاة لي ينتهي أو اعرف هو بيعمل فيا أنا و بنتي لية كدة ؟ ما هو ما فيش حد بيحب حد و متمسك بة و يوجعة كدة أنا سمعت حاجات عنة رهيبة مع أن رقية دائما واقفة جنبة كمان أنا مع إني عاوزة أفهم كل حاجة حواليا الي اني خايفة أدخل أوضة النوم الخاصة بيا هنا خايفة قوي و مش قادرة أدخلها .
إيمري : حددى إنت عاوزة اية ؟ عاوزة تفتكري أو لأ ؟ عائشة اللي عرفتها قوية و شجاعة لية بقيتي جبانة كدة الوقت بيمر وانت لسة مكانك و نديم مش هيمد لك ساعة واحدة عن الشهر .
عائشة : خايفة قوي افتكر وأرجع لشخصية رقية إللي مش عارفة تحمي نفسها أو بنتها , خايفة أحن لعمر , خايفة أضعف ايمري أنا حبيت نهر و سينام جداً وأهل مصطفي مش كلهم وحشين صحيح مش مستريحالة و لا متقبلة الريف هنا لكن خايفة من الماضي و كل ما فية إيمري أوعي تتخلي عني و ما بعتش شغل؟ أنا أملي اشتغل و اكون مسئولة .
إيمري : لا يا ستي شغل الترجمة عندي كتير لأني بتعامل من كذا شركة بالخارج و محتاج حد موثوق فية , الترجمة الفورية فيها كتير غلطات و مش ديما بتكون صحيحة كمان محتاج تكوني معايا في صفقات المهمه أنا هبعت النهاردة ملف عاوزة بكرة ضروري وإنت شوفي هتعملي إية في حياتك .
عائشة : طيب إبعت أتسلي فية .
إيمري : تمام .
في هذه الأثناء ذهب نديم الي جامعة سينام و قابلها بعد أن إستطاع أن يحصل علي رقمها .
سينام : خير عمو مش حضرتك إللي كونت عندنا من فترة و بابا و آنة رقية قالوا عنك صديق مشترك .
إبتسم نديم فيبدو أن كلامة معها سيفيدة وها هي أول الغيث قطرة قالت إسمها المصري رقية فلم يستطيع الحصول علي معلومة واحدة غير اسم رقية من إيمري عنها عندما قابلة و أصر أن تأخذ عائشة وقتها كامل .
نديم : مش هعطلك سينام أنا فعلا صديق مشترك كنت طالب في نفس الجامعة مع عائشة و كنا أصدقاء و إتفجات بها عايشة لسة مع إني حضرت مراسم الدفن من غير ما أعطلك الأول تعالي نشرب شاي أو قهوة قريب و نتكلم مع بعض أنا عاوز أطمن علي عائشة عايشة إزاي علشان أقدر تساعدها .
سينام : هي قررت تسافر لنهر مع إنها عرفت أهلها فين من ساعة ما بقت عائشة و هي محيراني و المسكينة نهر كانت هتموت من القلق عليها ما صدقت بعدتها عن المتوحش جوزها ربنا يستر و ما يعملش مشاكل معاهم زي كل مرة .
نديم بإبتسامة : حبيبتي يا سينام أنا عندي أولاد أكبر منك الظاهر هتكون أصحاب.
أخذها علي الكافية ليستمع إليها و يعرف ما يريد و بدون مجهود منة حكت لة سينام كل ما تعرفة و بالطبع لم يذكر لسينام أنة زوج أخت عائشة .
ظنت سينام إنها تساعد عائشة و نهر لكنها لم تستطع أن تخبر نديم عن إسم عائشة بمصر او إسم نهر كامل لأنها لا تعرفة أصلا فهي دائما ما تقول نهر و رقية فقط بعد أن حكت لة كل ما تعرفة .
نديم : سينام حبيبتي ممكن تحاولي تجيبي إسم نهر أو عائشة بمصر الموضوع مهم بالنسبة ليا .
سينام : هسال نهر لكن نهر هتسالني لية أقول أية ؟
نديم : طبيعي الواحد يعرف إسم صديقة كامل .
سينام : لية ما أنا بتكلم معاها براحتي عادي و بنتقابل في الإجازة لما بروح مصر .
نديم : لأي ظرف سينام هي مش ليها حساب علي تويتر والفيس بوك أو ميل طب هاتي رقم تلفونها .
سينام : لا طبعا عملت كدة مرة و خاصمتني عشر أيام لا دي صاحبتي الوحيدة .
نديم : طب إفتحي و شوفي إسمها علي الفيس مثلا .
سينام : إسمها علي الفيس رينا و بس ودة إسم الشغل بتعها إختاروا لها جدو عبد العزيز .
نديم : مين جدو عبد العزيز .
سينام : لا دة قاعدة تانية بقي علشان المحاضرة سلام عمو .
نديم : هتصل بك سينام .
سينام : أوك عمو باي .
عند عائشة : بدأت بالترجمة لكن لم تتخيل كم المصطلحات الطبية الموجودة بها لتستعين بالنت و تترجم عروض الشركات إلي أن رن المنبة الموجود ليعلن أن انها لابد أن تتحضر لتذهب وتحضر نهر .
ذهبت المدرسة و وصعدت لفصلها و كان الجميع ينزل و هي صاعدة و صلت كانت نهر تجلس علي مقعدها و بجانبها كلا من أنهار ورانيا .
رانيا : برضو جيتي يا خالتي .
عائشة : طبعا و معايا اللي هيساعدونا ننزل الدور .
العامل : إحنا تحت أمرك يا ست أم نهر .
عائشة : معلش بتعبكم معايا .
نهر : آنة أنا بحبك قوي أنا انبسطت قوي النهاردة و كان فية حاجات كتير إتنافشت مع المدرسين فيها ربنا يخليك ليا يا رب .
عائشة : ماشي ست لمضة كلة هيبان في النتيجة .
أنهار : ما تخافيش علي النتيجة نهر طول عمرها سوسة بتطلع من الأوائل و هي بتشتغل أومال بقي لما تكون فاضية هتكون الأولي علي الجمهورية .
عائشة نظرت لها بصدمة : بتحسديها عيني عينك كدة أعوذ بالله من الشيطان الرجيم بسم الله الرحمن الرحيم قُلۡ أَعُوذُ بِرَبِّ ٱلۡفَلَقِ (1) مِن شَرِّ مَا خَلَقَ (2) وَمِن شَرِّ غَاسِقٍ إِذَا وَقَبَ (3) وَمِن شَرِّ ٱلنَّفَّٰثَٰتِ فِي ٱلۡعُقَدِ (4) وَمِن شَرِّ حَاسِدٍ إِذَا حَسَدَ صدق الله العظيم .
أنهار : أنا أحسد نهر لأ طبعا إحنا ديما أوائل مع بعض وأول مرة نتفرق عن بعض في الأقسام والله .
عائشة : يعني تقولي سوسة و معرفش اية يلا يا جماعة ننزل و نبقي نشوف موضوع سوسة دة في البيت أنا هسبق علي تحت وأنتم خليكوا واراها.
رانيا : شكل خالتي رقية هتنفخك , لسانك عامل لك مشاكل يا أنهار .
أنهار : فعلا لساني عاوز لجام .
لتضحك نهر وتقول : فاكرة عبد الفتاح القصري و هو بيقول في فيلم , دة قوام عاوز بردعة ولجام .
أنهار : لا ياختي عاوز لجام بس و قدام خالتي بس وبعدين بقيتي بيئة يا نهر معاك كذا لغة و مصاحبة أجانب و ناس عليوي و تقولي بردعة و لجام و أمك إتغيرت قوي يا نهر يعني شكلها أرق و لسانها أستغفر الله العظيم .
نهر : أمي حلوة و عجباني في كل حالاتها حتي و هي بتحاول تقسي عليا بموت فيها و انا متربية في الريف و أعرف البردعة و اللجام
دخلوا جميعا البيت و جاء إبراهيم ليساعدهم في طلوع عدة درجات المدخل و ترك نهر بالكرسي عند حجرتها إستأذن و مشي .
نهر : أول مرة أحسن أن اليوم طويل قوي كدة وإني حمل علي الجميع .
عائشة : لو ما كنتيش كذبتي عليا ما كنتش المتوحش دة هجم عليك ان شاء الله ننظم الدوا و تخفي .
انهار : إحنا هنروح بقي يا نهر و هنيجي العصر نذاكر شوية .
رانيا : ينفع يا خالتي آبات معاها النهاردة ؟ كدة كدة بتباتي في المضيفة.
عائشة : تعالوا ذاكرواة ,مع بعض لكن بيات لأ ما يصحش بنت تبات برة بيتها .
رانيا : أبويا موافق و عارف إنكم الإثنين لوحدكم حتي مش معاكم عمر يبقي هيرفض لية ؟
عائشة : حبيبتي لا أنا و نهر هنسهر شوية مع بعض حلو كدة ؟
نهر : بجد آنة هنسهر مع بعض ؟
عائشة : أيوة جالي شغل علي اللاب و في شوية حاجات مش تمام هنقعد نضبط مع بعض و تفهميني شوية حاجات ؟
نهر بفرحة : تمام آنة .
بصوت منخفض لنهر : بتقولك شغل مش إللي في بالك .
نهر بصوت منخفض : مش مهم شوية شوية هتحن و تصالحني .
رانيا : طب يا خالتي سلام هنيحي سلام يلا يا نهر .
نهر : ممكن نقعد مع بعض دلوقتي لو تحبي .
عائشة : لا نتغدي الأول و نشرب شاي و ريحي ساعة أو إثنين لو فية وقت نقعد أنا وأنت قبل ما أصحابك يجوا و تذاكروا مع بعض .
رن الهاتف
عائشة : دة علي .
نهر : ردي علية طيب.
عائشة ردت : خير يا دكتور مش كنت هنا إمبارح .
علي : إزي حضرتك يا مدام عائشة .
عائشة : علي حسب إللي هتقولة أدخل في المفيد بتتصل لية ؟
علي : من غير ما أضيع وقت حضرتك كنت عاوز أطمن عليكم أولا وثانيا أبويا و عمي كانوا عاوزين يعزموكم زي ما عزمتونا إية رائك و لو وافقتم هاجي آخدكم و أرجعكم ؟
عائشة :سبني أفكر و أرد عليك غالبا هرد عليك بكرة أو بعدة بالكتير ؟ أما بالنسبة لينا تمام نهر راحت المدرسة و لسة جاية دلوقتي وإن شاء الله هتتحسن فية حاجة تانية ؟
علي : لية يا خالتي بتآفلي في الكلام علي طول هو أنا قالقك في حاجة ؟
عائشة : أنا مش عارفة أنا بتعامل مع مين فطبيعي مش مستريحة لحد و خصوصا لو كان لة صلة بالي بتقولوا علية جوزي فسامحني لأني مش هقدر اثق في مخلوق غير لما اتاكد من صدق نيتة إثنين بس بثق فيهم هنا نهر لكن زعلانة منها ووالدتك وبس .
علي : بالله عليك إزعلي من الكل زي ما إنت عايزة لكن بلاش نهر كانت بتموت في اليوم ألف مرة في بعدك ؛ نهر بتحبك فوق ما تتخيلي و عمري ما شوفتها منكسرة زي ما شوفتها بعد فراقك لأنكم ديما ظهر بعض مش أم وبنتها لكن إنتم زي الروح والجسد .
حست عائشة بصدق كلامة و قالت : ربنا يسهل يا دكتور سلام علشان ورايا حاجات كتير و أغلقت الخط .
توجهت رقية للمطبخ وخرجت طاسة صغيرة و أشغلت البوتوجاز للتسخين جاءت إليها نهر متعكزة علي عصاها و أخرجت مكونات السلطة و بدأت في عملها .
عائشة : بتعملي اية ؟
نهر : إحنا بنحب السلطة في الأكل هعمل شوية .
عائشة : طيب هو إية البتاع اللي بسخنة دة لاقيتة في الثلاجة ؟دة شوربة و لا إية ؟
نهر : لأ ملوخية و حضرتك بتحبيها مع الرز و ممكن تتاكل مع عيش فية علبة في الثلاجة فيها بدنجان مخلل هطلع شوية؟
بعد أن أكلوا علقت نهر علي الشاي .
عائشة : حلوة البتاع اللي أكلناه دة إن شاء الله لما نروح تركيا هوديك تأكلي كوفتة تجنن هناك بس لما أبقي أسامحك الأول .
نهر بإبتسامة : إلي عملت الأكل الي في الثلاجة تيزة إنتصار وهي نفسها في الاكل حكاية أما بقي موضوع تركيا دة فأنت إن شاء الله هتسامحيني أنا ما اهونش عليك تفضلي زعلانة مني كدة .
عائشة : بالمناسبة دكتور علي إتصل قال عمة و أبوة عازمينا علي الغدا إية رايك ؟
نهر : زي ما تحبي .
عائشة : وإنت تحبي إية ؟
نهر : بصراحة مش حابة أروح رغم إني عارفة تيزة إنتصار مش هتقصر في واجب و أكيد هتعمل كل إلي بنحبة .
عائشة : ما تتنازلش عن حقك في أن يكون لك موقف مش عاوزة قولي مش عاوزة ومش هجبرك علي شئ لكن زي ما تحبي دي أنا مش هتقبلها فهماني؟
نهر : فاهمة حاضر لكن حضرتك قولتي إية علي العزومة .
عائشة و هي تصب الشاي : قولت هفكر لكن هروح الهروب مش حل هروح اتفاهم معاهم علي إلي جي أنا أصلا مش حابة آخدك معايا لأن من الواضح أن مدخل أهلة في كل كبيرة و صغيرة في حياتنا هروح و أواجهة .
نهر : ولو إتهجم عليك ؟
عائشة : مش في حالة يتهجم عليا ؛و هروح قبل ما يسترد صحتةهروح وهو عينة مكسورة مني ؛خالي تفكيرك في مذاكرتك وبس وما تشغليش فكرك بمشاكل الكبار .
شربوا الشاي و دخلت نهر تريح ساعة و قامت وذهب إلي امها في المضيفة فراتها علي اللاب تعمل .
نهر : محتاجة مساعدة في حاجة .
عائشة : صحيتي بسرعة لية ؟
نهر :مش متعودة أنام الظهر كتير كنت بخطف نصف ساعة في الشغل بس.
عائشة : طيب روحي صلي العصر إذن .
نهر تؤضات وصلت العصر و عملت شاي ونادت علي امها لتشرب معها الشاي .
عائشة : لسة مش عارفة تمسكي صينية ؟
نهر :للاسف لأ .
عائشة : ممكن أمسكها إنت بايد واحدة خصوصا أن مافيهاش غير كوبيتين .
نهر : صعب تتحكمي بايد واحدة إلا لو هتمسكي كوباية واحدة لكن صينية ما أعتقدش خالينا نشرب الشاي هنا احسن .
عائشة : أوك مع إني كنت حابة أشرب قدام اللاب في شوية حاجات عاوزاك فيها علشان هبعت الشغل باذن لله بالليل .
نهر : حاضر أنة نشرب الشاي بسرعة ونروح نشوف الحاجات دي .
فعلا شربا الشاي وذهبا إلي المضيفة لتقول رقية كل ما تريد وتجاوب عليها نهر عملي علي اللاب الي أن جاءت أنهار ورانيا للمذاكرة مع رفع اذان المغرب لتصلي بهم عائشة المغرب ويدخلوا للمذاكرة بعد فترة دخلت أنهار ورانيا المطبخ ليعملوا شاي ويعطوا عائشة واحده وهي بالمضيفة .
عائشة : شكرا لكن كفاية شاي كدة إبقوا إعملوا عصير المرة الجاية و أعطوا نهر الأدوية بتاعها كمان ساعة العشاء وهنتعشي مع بعض .
أنهار : حاضر يا خالتي سلام .
بعد العشاء كانت رقية إنتهت من عملها و بعثت بة الي إيمري الذي علم للتو ما قالت سينام لنديم
ايمري : مش من حقك سينام تتكلمي عن حد من غير اذنة نديم امبارح طلبني لنفس السبب وهو متفق مع عائشة يمهلها شهر فأوعي تتكلمي مع مخلوق عن عائشة مفهوم .
سينام : إنتم قولتوا صديق مشترك و هو قال عاوز يساعدها ترجع لأهلها وحضرتك عارف هي ونهر متعذبين قد إية مع الحيوان إللي هناك ما تخيلتش أن دة هيضيقكم أنا آسفة .
إيمري : حبيبتي لو عائشة عاوزة تعرفة شئ عنها كان عطتة رقمها لكن هي حرة في حياتها إحنا ما نعرفش ماضيهم إية وهو بالنسبة لها إية أنا أعرفة كشغل مش معرفة شخصية عائشة مش مسامحة بنتها علشان كدبة كانت بتحميها بيها لو عرفت بالي قولتية لنديم هتعمل اية ؟ هي مش صغيرة أنا هتصرف مع نديم وهخلية مش يتعرض ليك تاني وكويس انت حكيتي لي علي مقابلتكم .
عند عائشة بعد العشاء مع البنات .
عائشة : يلا يا بنات علشان الشوارع هنا هتبدا تفضي روحوا وكملوا في بيتكم .
رانيا : هنمشي بعد نصف ساعة كمان بس بيوتنا مش بعيدة .
عائشة : طيب هستنا علشان أقفل الأبواب وراكم و أنام يلا أسيبكم تكملوا.
وفعلا بعدما خرجوا أغلقت الأبواب وارئهم ومشت إلي غرفة النوم الرئيسية بقلق و خوف و فتحتها للتدخل و فتحت النور ما أن دخلت حتي احست بالارتياح رأت بعص الصور علي المرآة فتحت درج لتجد البوم صور فتحتة لتشهق بصدمة و تنزل دموعها علي خديها مع رجوع الأحداث الي عقلها كانت تبكي بقهر و هي تقلب الصفحات إلي أن إنتهت و وضعت الالبوم في حضنها و هي تبكي و تكتم صوتها .
أمسكت بعد فترة صورة لأحمد لتقول : شايف يا أحمد بنتك هان عليها تبعدني عنها بحجة أنها بتحميني المغفلة مليون مرة أقول لها أنها قطعة من روحي إزاي ما فكرتش إني لو رجعت ليا الذاكرة هموت ألف مرة في بعدها إزاي أقدر أعيش من غيرها و هي البنت و آلام و الأخت و الصديقة دة أنا دخلت راجل غريب حياتي علشان يكون لها حد جنبها لو جراي ليا حاجة و إستحملت علشان اخوها يكبر و يبقي سند ليها إزاي دة الهوا في بعدها نار بتنفسه يرضيك عمايل بنتك دي و الله مقهورة يا أحمد مقهورة قوي ربنا ينتقم منك يا مصطفي إنت السبب بكت من كل قلبها
و بعد فترة طرقت عليها نهر الباب.
لترد عائشة : أمشي يا نهر مش عاوزة أشوف حد دلوقتي عاوزة أنام انام .
نهر : طب إنت كويسة فية حاجة صوتك مش طبيعي ؟
عائشة : قولت أمشي شوفي هتذاكري ولا تنامي ولا تعملي إية وسيبيني في حالي مش عاوزة أتكلم ولا أقعد مع حد .
نهر : آنة أرجوك طمنيني عليك مالك فيك إية لية صوتك كدة وهمشي علي طول والله .
فتحت عائشة باب الغرفة و هي تنظر لنهر بجمود : عاوزة إية انت لية مش بتفهمي غير نفسك و بس قولت عاوزة أكون لوحدي كفرت .
نهر وهي تنظر إلي وجهها : لية كل البكي دة حصل إية ؟
عائشة : إنت مالك فهميني!!! انت مالك؟ قولت كذا مرة أكون لوحدي إنت أمي أو وصية عليا بتخنقيني لية زعلانة أو مضايقة؟ ببكي أو بضحك قولت مش عاوزة حد وصفعت الباب في وجهها .
فكرت نهر أن تخبط عليها لكنها رجعت وقالت أكيد افغتكرت كل حاجة وعلشان كدة إنهارت وأكيد فاكرة إني إستغنيت عنها في حياتي وزعلان مني آآآآآة يا رقية والله ما كان قدامي حل والله ما بايدي أبعد عن حضنك جلست نهر علي باب غرفة والدتها تبكي وعائشة تبكي هي الأخري في غرفتها الي أن اخذهما النوم .
أفاقت عائشة علي صوت يقول لها : بنتنا علي الباب يا رقية مكسورة و حزينة قومي دخليها أوضتها و إدفوا في حضن بعض .
فتحت عائشة الباب لتجد نهر تقع أمامها فقد كانت مسنودة علي الباب و أفاقت نهر من نومها فجاءة وهي تنظر لوالدتها بترجي .
عائشة : قومي أوصلك أوضيك إية منايمك هنا علي البلاط و كمان الدنيا بردت إحنا داخلين علي الشتا .
نهر : آنة إنت زعلانة مني صح ؟
عائشة : إستغنيتي عني يا نهر و إنت عارفة ومتأكد أن روحي فيك هنت عليك تسفريني وكنت متأكدة إني مش هفتكر حاجة ما دام بعيدة عن الماضي ، لية يا نهر أنا من غيرك إنت و أخوك معرفش أعيش أنتم كل حياتي .
نهر : و أبوك وأمك واختكووحياتك إية ؟ وفوق كل دة أمانك هعمل إية انا بوجودك معايا إذا كنت متهددة كل ساعة إني أخسرك بمليون طريقة أعمل إية أنا وأنت كل فترة إما مضروبة أو محبوسة أبعد عنك آة هستحمل وأنا عارفة إنك بخير هيبقي فية أمل في يوم أشوفك لكن أفقدك لأ ومليون لأ أنا بموووت يا أنة فاهمة بموت بمجرد ما إفتكر حالتك وإنت فاقدة الوعي والدم حوالين راسك من كل إتجاه مش هستحمل كدة تاني والله ما هستحمل وبكت بكل قهر علي حالهم .
قعدت عائشة علي الأرض وضمت إبنتها إليها بقوة : مهما حصل ما تبعديش عني أو تبعديني عنك فاهمة هسامحك المرة دى لكن ورحمة أبوك إلي صحاني علشانك وحياة أبويا أنا المرة الجاية هختفي من حياتك خالص يا نهر لو بعديني عنك .
نهر و هي تخفف دموعها : خلاص يا روقة سماح الحمد لله إلي جمعنا تاني علي خير .
عائشة : مش عاوزة مخلوق يعرف إني إفتكرت حاجة مفهوم يا بنت رقية .
نهر : مفهوم يا عائشة هنام في حضنك النهاردة ؟
عائشة وهي تساعدها في النهوض هنام في أوضة أبوك وندفي بعض .
دخلا الغرفة ونامت رقية وهي معطية إبنتها ذراعها لتضع رأسها فوقة ويناما معا في مشهد جميل لام وابنتها في أحضان بعض .
اذان الفجر لتسمعة كلا منهم ويقوما يصليا بعدها ذهبتا للنوم مرة أخري وضبط المنبة ليقوما ؛ عائشة تعد بعض الأشياء لنهر و تجهز نهر للمدرسة ؛ بعد أن أوصلت ابنتها إتصلت بعلي تبلغة موافقتها علي أن تأتي لزيارتهم يوم الجمعة .
جاء يوم الجمعة وقبل أن تذهب عائشة مع علي .
عائشة : نهر لو جة أخوك معايا إياك ثم إياك تعرفية إني فاكرة حاجة .
نهر : عمر دة طفل ؟ وبعدين مين قال هيجي معاك ؟
عائشة : أنا أعرف مصطفي كويس قوي مش هيتقبل إني أطلق منة بسهولة , مين يلاقي زوجة خدامة لية و ٱبنة و بتظهرة بين الناس مش ناقصة حاجة ومش بتكلفة حاجة غير بواقي الاكل ليها مصطفي أناني ونرجسي مش مستبعدة يقولي خدي عمر مع نهر لانة هيفكر يعجزني لانة عارف إني مش هعرف أشتغل حاجة في البلد ومش معنا غير معاش أبوك فهيحملني عمر ومصاريفة ودروسة و أكلة ولبسة علشان أرجع لة وأنا خاضعة ما يعرفش إني بشتغل دلوقتي و من ناحية تانية يلاقي إلي ينتقل أخبارنا لة و يعرفة كل كبيرة و صغيرة عننا و هو كدة كدة هيشوفة في المدرسة كل يوم .
نهر : ممكن يعمل كدة فعلا عمل كدة و دخلة ينام عندي علشان يفتش عليك لما رجعت البيت بس يا ريت علي الأقل نكون مطمنين علية معانا .
عائشة : بس انا هربية كعائشة مش رقية يا نهر أنا لما رجعت رجعت معايا كتير من شخصية عائشة ومش هسمح بأسلوب عمر هيعقد معانا بأسلوبها إحنا هنكون ايد واحدة ويساعد في البيت مش هيكون أمير و إحنا خدمة فلو حصل وجة أوعي تعترضي علي اي شئ يخصة هنا
يوم الجمعة
جاء علي يطرق البوابة الخارجية لتخرج عائشة وتسلم علية .
علي : مش هنستني نهر أدخل اجيبها .
عائشة : لا نهر مش هتاجي مش عاوزة وأنا كمان عوزاها هنا يلا علشان ما أتاخرش عليها .
علي : ادخل أسلم عليها طيب .
عائشة : و إحنا راجعين علي علشان تقدر تقعد معانا شوية يلا يا دكتور .
مشي علي علي مضض و إتجة للعربة وفتح بابها لعائشة لتركب بجانبة وذهب لمقعد السائق لينطلق إلي البيت الكبير بعد فترة و جيزة وصلوا البيت ليفتح علي الباب و وراؤة عائشة .
عائشة : أقعد فين يا دكتور فين أوضة الضيوف عندكم .
ليخرج مصطفي و يقول هو إنت ضيفة ؟
عائشة : أيوة بالضبط كدة و ماليش أي صفة تانية حاليا حتي صفة إني أم إبنك أنا مستغنية عنها يا أستاذ مصطفي أنا طبعا عارفة إنك مش موافق بس دة مش هيغير شئ لأني مستحيل أرجع لك و لو فيها موتي فياريت نقصر و تقول باعتين تستضيفوني لية ؟
محمد من خلف أخوة تقدم يسلم عليها : إزيك يا أم نهر سلامتك مال إيدك ؟
عائشة : دخلت في حيطة والله يسلمك ممكن نقعد في مكان و أعرف عاوزني في إية ؟
الحاجة : حيلك حيلك علينا لتكوني فاكرة نفسك السفيرة عزيزة .
عائشة : لا أنا عارفة نفسي عائشة بنت الحسب و النسب إللي أبوها ربها كويس و علمها علي أيد مشايخ و أستاذة محترمين يا حاجة هأقف كتير ولا أمشي ولا أعمل إية ؟
محمد : إتفضلي من هنا يا أم نهر ألا صحيح فين نهر ؟
عائشة : مش حابة تجي هنا و حقها وأنا ما آمنش عليها في بيتكم .
محمد : لية كدة بس هو إحنا هنآذيها ؟ دي زي بنتي .
عائشة : من ناحية تآذوها فسبق و أخوك المحترم كسرها مش آذاها و أكتر من مرة و من حيث أنها زي بنتك فهو ينفع تروح تاخد مراتك من عندها و هي حتي مش عارفة تجيب كوباية الماية لنفسها و تقول لها كافية أن إبنك دفع المستشفي ولا تحلف بالطلاق علي إبنك ما يروح لها هي دي بنتك، علي العموم أنا عطيت حساب المستشفي لأبنك مع أن إللي إتسبب في كسرتها أخوك الغالي إلا صحيح إسم حضرتك إية يا أبو الدكتور .
محمد بإحراج: يا أم نهر كانت ساعة شيطان و كنت خايف علي أخويا نهر بلغت فية .
عائشة : حقها و لا كانت بتتبلي علية ؟ بأي صفة وأي وضع بتقول زي بنتك ؟ وقفت جنبها طبطبت عليها ولا بس وافقت أن بنتك تحط موبيل تتجسس عليها و علي مراتك اللي في أول فرصة حلفت بطلاق عليها لو حد يساعدها بص من غير رغي كتير إنتم عيلة أنا مش عاوزة أكون منها .
الحاجة : و هو إنت كنتي تطولي دة انت قدمك شوم أول جوز لك مات و التاني يا حبة عين أمة إتبهدل معاك و من مصيبة لمصيبة .
عائشة بإبتسامة : و علشان كدة برحمكوا مني بأقول مش راجعة لة لو السما إنطبقت علي الأرض مش عاوزاة أو طيقاة أنا مش عارفة الغبية رقية لغاية دلوقتي معاة لية ؟ طلقني يا أستاذ مصطفي بالذوق علشان لسة فيا حتة بتقول أبو إبنك بلاش محاكم .
مصطفي : مستعد أطيب خاطر نهر و ما تنسيش إنك ماديتي إيدك عليا ودي لوحدها كبيرة قوي .
عائشة بإستغراب : لا بجد و مش كبيرة يا محترم تفضل مجوز واحدة كرهاك ؟
مصطفي و الدموع في عينية : لية يا رقية لية كرهتني كدة ؟
عائشة : فية حديث بيقولة علي بن أبي طالب رضي الله عنه، عن رسول الله صلي الله علية وسلم : خيركم خيركم لأهله وأنا خيركم لأهلي، ما أكرم النساء إلا كريم ولا أهانهن إلا لئيم . وإنت ليئم قوي يا مصطفي بقول رسول الله .
مصطفي : فاكرة نفسك إنت الوحيدة إللي بتقرا , الحديث ضعيف يا رقية و سندة ضعيف .
عائشة : تقدروا تقولوا لي هل الرسول صلي الله علية وسلم لم يكن خير الناس لاهلة ؟
محمد : معاذ الله طبعا كان خيرنا لأهله السيدة عائشة قالت كان خلقة القران .
عائشة : حد فيكم عارف موقف واحد أهان الرسول أحد من زوجاتة , و لا كل ما وصل إلينا كان إكرامة لزوجاتة و مساعدتة ليهم حتي أنة كان يخيط ثيابة و يخسف نعلة بنفسة حتي في حادثة الإفك لم يقول كلمة تجرح زوجتة رغم إنقطاع الوحي علية لفترة .
محمد : لا طبعا مسمعناش أنة أهان أحد زوجاتة ابدأ حاشي لله .
عائشة : كمسلمين بنقتدي برسولنا بالقول و العمل فحتي لو الحديث إسناده ضعيف لكن لم يعمل الرسول إلا بكل ما فية كان خير الناس لأهلة إنت بقي يا مصطفي بية هل إنت إتجوزتي و تفاجئت بأن ليا بنت؟ إنت من قبل ما تتقدم ليا كنت عارف إني أرملة و ليا بنت عملت إية لينا ؟ هل كنت أب ولا سجان البنت مع أول فرصة طلعت إشتغلت في الشارع و هي بنت ست سنين ؛ ست سنين يا مؤمن و في الاخر راحت تعيش لوحدها في بيت أبوها و بتصرف علي نفسها لية تروح لها تآذيها لية؟
مصطفي بزعيق : بعدتك عني يا رقية بعدتك عن زوجك و إبنك و بيتك و إستغلت فقدانك للذاكرة ؟
عائشة : وهو إنت بعد ما فتحت دماغي كنت منتظر أرجع ليك يا راجل دة أنا عرفت أن قعدت معاك سنين بخدمك بعد ما غدرت ببنتي و كنت هتموتها و كنت عكازك و لفيت معاك علي الدكاترة و برضو لما شميت نفسك و أقومت إستقويت علينا يعني مش عارفة جايب الثقة دى منين ؟ دة إنت إلي يخسرك كسبان الناس مسمياك في البلد هولاكو ، بس خلاص رقية ماتت و راحت أيامها الي قدامك عائشة إلي مش هتسيب حقها .
محمد : طب نتغدي و نتكلم ما تخدناش علي الحامي كدة .
عائشة : وحضرتك فاكر إني ممكن أحط لقمة من عندكم في بوقي .
محمد : إنتصار هي إلي طابخة مش حد غريب .
عائشة : وحتي لو انا سبحان الله واثقة في إنتصار و إستريحت لها من أول ما شوفتها لكن إنتم آئامن لكم إزاي ؟ مش بعيد الحاجة أو اخوك يحطوا حاجة ليا .
مصطفي : إنت كدة زوديها قوي وأنا ساكت مش ضعف لكن لصبر حدود .
عائشةبتحدي : أعلي ما خيلك إركبوا و وريني هتقدر ترجعني إزاي محمود و إبنك معرفيني الدور كلة وتقرير صغير من المستشفي بالحادثة بتاعك إنك فقدت رجولتك مع تقرير بالي عملتة فيا للمحكمة و تبقي كدة خلصت
يا تري هيحصل إية بعد كدة هنشوف الفصل الجاي أسرار الماضي لبنت ناس ( بقلم / رينا الهادي )
•تابع الفصل التالي "رواية اسرار الماضي لبنت ناس" اضغط على اسم الرواية