رواية فعلتها لأجل أبي الفصل الحادي عشر 11 - بقلم هدير عبدالعليم
ماما : يا دنيا نفسي أفرح بيكِ.
دنيا بضحك : تفرحي فيا؟!
ماما : لا بجد نفسي أفرح بيكِ.
بابا بحكمة: مشكلتنا أننا بنشوف فرحة البنت بالجواز بس , بالرغم أننا ممكن نفرح بيها كل يوم عادى , نفرح إنها بتقابل صعوبات و تعديها ، نفرح كل مره صانت فيها نفسها من فتن الدنيا, عن كل حلم وصلت ليه ونجاح حققته كل دى إنجازات المفروض نفرح إنها بتعملها و إنها بنتنا الجميلة إللى عملت كله ده لوحدها.
دنيا بحضن : أجمل اب فى الدنيا كلها.
ماما بحزن : يعنى برضو مش هتتجوزي؟
دنيا : زى ما بابا قال أنا لسه فعلاً طالعه من تجربة محتاج أتعلم منها .
بابا بفخر : يعنى هتكملي تعليم ؟!
دنيا بسعادة: أيوة إن شاء الله.
ماما بأستسلام: مقدرش أتكلم كفاية المره إللى فاتت أنا كنت السبب , ربنا يكتبلك الخير يا بنتى و يعوضك خير .
آلاء : النتيجة هتبان بكره متعرفيش أى حاجه عنها خائفه أوي بجد ،نتيجة تالته إعدادى دى مرعبة بجد.
دنيا: لسه والله, مش عارفه أي حاجه.
ماما : مين إللى بيخبطت ؟
مالك : دا خالو محمد .
ماما : ازيك يا أبو حنين عامل آي ؟
خالو : أنا جاي أشرب الشربات ؟
دنيا بحماس و فضول: النتيجة ظهرت؟
خالو : اه.
آلاء بتشد منه الدرجات بسرعة علشان تشوف عملت أي: بابا أنا نجحت و ناقصة درجة و نص بجد مش مصدقة.
خالو : اه ما شاء الله.
دنيا بتنطت من الفرحة و بتحضني : بجد الف مبرووووووك.
معاذ: يبقا كده هنخرج مرتين الاسبوع ده صح ؟!
دنيا بضحك : ان شاء الله هى عزومة واحده .
ماما : ألف مبروك يلا بسرعة بقا هاتوا البيبسي لخالكم .
خالو بضحك : كفاية ليمون نعناع كله مق….اطعة
مالك بضحك : فعلاً ، تعرف أنا بفضل ادور كتير علشان آشوف حاجه مش م_قا_ط—عة و كأن كل المنتجات ليهم.
خالو بابتسامة: بتدور كتير أوي صح ؟
مالك : أنا بكون هطق بجد .
خالو : اخص عليك يا مالك.
مالك بسرعة : بكون مضيق علشان اخواتنا هناك المواقف صعبة أوي و الناس مش عارفه تنام بجد , لكن مش فارق معايا أشرب أى بكون مقهور عليهم.
خالو:يا عمري تسلم الام إللى ربتكم .
ماما : و يسلم الاب إللى علم الدين و المبادئ.
خالو : أكيد طبعاً.
↓↓بعد شهر
ماما : قدمتي ورقك فى ثانوي .
آلاء: اه
ماما: كأن نفسي تدخلي تمريض علشان المصاريف .
آلاء: مش عايزها.
بابا جاي من جوا :هو أنا شكيت من المصاريف؟ أنا شغال ليل نهار علشانهم أهم حاجة يعملوا إللى عليهم, كل حاجه بتيجي برزقها قولوا يارب وبس.
ماما: ملناش غير ربنا بس الدنيا صعبه فعلاً و..
بابا بعصبية: ما هو مش طبيعي تكون هي عايزه تدخل مكان بتحبه وأنا أقولها لا حتى لو هاجي على نفسي فى أى حاجه المهم عندي يكونوا هم مبسوطين.
آلاء: يا بابا ربنا يديم وجودك الطيف فى حياتنا.
بابا : أهم حاجه تعملي إللى عليكِ, أنا واثق إنك هتكوني حاجه كبيرة أوي.
آلاء: ان شاء الله
↓↓بعد شهر
آلاء: خالتك بره و جوزها .
دنيا : خالتك مين ؟
آلاء: خالتك رباب .
دنيا : اه
آلاء: الغريب أن جوز خالتك ده مش بييجي هنا من زمان ده من قبل جواز عمر مجاش هنا.
دنيا : تصدقي فعلاً جاي لي , مش بطيقه بجد كأن سبب كل الخراب الا حصل فى حياتي .
آلاء : كل تجربة صعبة فى حياتنا بتخلينا أنضج و أقوي بتعلمنا إزاى نتعايش و نعيش بتعرفنا إن الدنيا مش هتقف على موقف صعب مر علينا , و أكيد أنتِ اتعلمتي وده المهم و موضوع و اتقفل.
دنيا : بس كل ما أفتكر إللى حصل أفتكر أصعب فتره مرت عليا , فترة كنت فاقدة فيها الثقه فى نفسي و الناس و كل حاجة.
آلاء: و أهي عدت و اتعلمتي , أنتِ لى بتتكلمي و كأنك لسه عايشه فى نفس الفترة؟
دنيا : المواقف الصعبة بتعدى و بتخلينا أنضج بس بتفضل محفورة فى الذاكرة مش بنقدر ننسى, ما هو أنتِ هتنسى أى؟ فترة كانت أيامك فيها شبه بعض و لا خوفك إنك تقابلي حد و يسألك عاملة أى و تقولى الحمد لله كذب! ما هى الفترات الصعبة هتعدى و بتعدى بس مش هتتنسى , كل كلمة سمعتها فى الفترة الصعبة دي فاكرها و فاكر كانت فين و من مين , و بعد كله ده عايزني أنسى إللى كان السبب فى كله ده او أتعامل معه عادى ؟ ما هو مش طبيعي اتعامل معه عادى ده مستحيل إحنا بشر يا آلاء.
آلاء فى عنيها الدموع : حقيقي ربنا يعوضك خير.
دنيا بابتسامة: لا أنا تمام متقلقيش يا اختاااه , يارب يعوضنا كلنا خير يا عمري .
بابا بيخبط : ممكن أدخل ؟
دنيا بابتسامة: أكيد طبعاً أتفضل.
بابا : عرفتي جوز خالتك جاي ليه؟
دنيا : بصراحة لا , و حقيقي مش عايزه أعرف.
بابا بابتسامة: لازم تعرفي لان الموضوع يخصك .
دنيا : جاي لى؟
بابا : عايزك تتجوزي عمر .
دنيا بدهشة: ياااها , لا والله.
بابا بسعادة: اه والله .
دنيا: ورأي حضرتك أى ؟
بابا : رأيك أنتِ أى ؟
دنيا : ممكن اقول رأيي ليهم بره بعد إذنك طبعاً.
بابا : طب عايزه أعرف أنا الأول.
دنيا : …
- يتبع الفصل التالي اضغط على ( رواية فعلتها لأجل أبي) اسم الرواية