رواية زوجتي الجريئه الفصل الثاني عشر 12 - بقلم منة محمد
في بيت عائله يحيي
خديجه : ازاي يعني تعب غريب
علام: يعني مرض مش عادي
خديجه عقدت حواجبها: ليه قلت كده
علام: لانها بعد الاكل ع طول بتتقيئ
خديجه : ما يمكن عندها قولون ومعدتها بتتعب بسرعه
علام : وشنطه العلاج الي ع طول معاها
خديجه: جايز مجرد مسكنات
علام :كل دي مسكنات لا الموضوع ده وراه حاجه
خديجه: يعني هيكون وراه ايه وبعدين هي وحيده اهلها لو عندها حاجه يقدروه يعالجوها وبعدين ابوها قالك مجرد صداع خلاص ليه تقلق
علام: ده صداع مزمن
خديجه : لاء طبيعي مش مزمن
علام بثقه: وانا بقولك الصداع الي عند مراه ابنك مزمن ده لما بيهاجمها بتبقي عايزه تضرب دماغها في الحيط وتتجنن معقول صداع يعمل فيها كده انا قرئت ع الحاله دي والصداع المتكرر اسمه مزمن وبيقلب بامراض خطيره
خديجه بهدوء: شوف يا علام انا مش عايزك تقلق ع الفاضي, ده مجرد صداع نصفي عادي بيحصل امر طبيعي انا لما برجع بعد المدرسه وبسبب دوشه الطلاب بحس بالصداع ولما باخد برشام ببقي كويسه وبقالي سنين محصليش جنان ولا حاجه مجرد صداع مساله بسيطه
علام بتأكيد: وانا بقولك رشا عندها مرض خطير فهمني ابنك ياخدها لدكتور اخصائي يعملها اشاعه ع المخ وهتشوفي كلامي صح
……………………………
ع الموبيل
توتا بلهفه: ها يا مراد فيه اخبار كويسه
مراد: صاحبتي قالت لي ان رشا غريبه بتحب تكلم نفسها
توتا رفعت حاجب: ده بس منا بحب اتكلم مع نفسي ساعات
مراد: لاء هي مش بتكلم نفسها بتكلم شخص مش موجود
توتا نفخت : مش فاهمه حاجه وضح
مراد : فكري شويه هو منطقي بنت جميله جدا ومن عيله غنيه تتجوز من واحد اقل منها بكتبر اكيد ابوها وامها مخبين سر وخايفين ينكشف ورموها ع يحيي الي كان رافض تجوزها
توتا : يعني عايز تقول انها مجنونه مش كده
مراد :اكيد
توتا قفلت وقررت تتأكد من مرضها وبعدها تاخد يحيي منها بكل سهوله
…………………………..
في المكتب
حاتم بصله وخبط ع سطح المكتب : يحيي كنت طول كلامي سرحان في ايه
يحيي بتنهيده عميقه: عارفه نفسي ارمي نفسي في البحر
حاتم : انت الي بتجيب المتاعب لنفسك ليه اخدت توتا للبيت قابل بقي العواقب
يحيي رفع كتافه لفوق: معرفش بس الموضوع غريب عملت كتير اطفش رشا بس هي بتتجاهل كل ده
حاتم : ده الي قدرت بس تشوفه وايه عن مشاعرها الي مش عايزه تظهرهالك ياتري عارف عنها هي مراتك وواحده ست
يحيي : انا عارف اني جوزها وهي محستش بالغيره عليا
حاتم: يعني انت زعلان انها مغرتش عليك والله واحده عاقله وكنت اتمني يكون عندها اخت كنت اتعرفت عليها
يحيي بنرفزه: جرالك ايه
حاتم ابتسم : اسمع يا يحيي الي بحاول اقلهولك هو ان مراتك بنت ناس غنيه ومحترمه ونشات في بيئه كلها حب وعطاء من عايلتها عشان كده من السهل عليها تسيبك وتبعد مش زي توتا
يحيي بحيره هتجننه: ايوه السؤال هنا ليه رافضه تسبني رغم قولتلها اني مش بحبها وبحب غيرها وجبتها قدامها لحد البيت
حاتم بجديه: السؤال ده اجابته لوحده عندها هي بس انا عايزك تعرف ان الي عملته كان غلط كبير مكنش يصح تاخد توتا ع بيتك طالما وافقت تاخدها النهارده بكره او بعده توتا هتجرش في بيتك او تعيش معاكم ياتري فكرت في مشاعر ريشه فكر في الامر
يحيي تلفونه رن وحاتم شاروله انه طالع وهو حط التلفون ع ودنه ورد: ايوه يا ماما
خديجه: انا لسه راجعه من عند اختك ليلي
يحيي : خير في مشكله
خديجه: لا ياحبيبي بطمن عليها بس ابوك طلب مني اقولك تاخد مراتك يشوفها دكتور اخصائي
يحيي: وقولت لك هي رافضه ومش عايزه
خديجه :وانا كمان مش عايزه اسمع كلامك ابوك المزعج بس هو قلقان لو كانت حامل هيبقي الامر صعب مع العلاج
يحيي : حامل تمام هقولها حاضر
خديجه : حاجه كمان بلاش تشد معاها طالما بيجلها صداع ياريت تتعامل بشكل حنين
يحيي : هو انتي اتكلمتي معاها عرفتي ازاي
خديجه: ابوها قال لـ ابوك ان الضغط بيجبلها صداع وافتكر خدها للدكتور يشوفها ويعملها تحاليل
يحيي: تمام هقولها
خديجه: لو فيه اي حاجه اتصل بيا سلام يابني
يحيي :سلام يا امي
علام قرب عليها وبصلها :ها اتصلتي بيه
خديجه بضجر : ياربي عليك ايوه اتصلت وكان مشغول وانت ماشاء الله تعرف تدي بس اوامر لما انت بالك مشغول متصلتش ليه بيه بنفسك
علام : وانتي ايه الي معصبك
خديجه وهي ماشيه: انا رايحه اصلي العصر
زوجتي للجريئه جدا بقلمي منه محمد كاتب
يحيي اخد ريشه ودخلوا مول كبير جدا للازياء الراقيه
ريشه مسكت درس بسيط جدا وسألته: ها ايه رايك في الدرس ده؟
يحيي: انا مش فاهم موقفك ليه بتلبسي لبس بسيط كده واحنا خارجين رغم لبسك في البيت رائع وكله ماركه وبرندات
ريشه : عشان في البيت لازم اظهر جمالي لجوزي وبس لكن وانا خارجه ليه اظهر جمالي للناس
يحيي: بس احنا بنلبس لنفسنا قبل الناس
ريشه بعقلانيه: حبيبي جدتي الله يرحمها كانت دايما تقولي لما البنت تتجوز كل جمالها واهتمامها بمظهرها يبقي بس قدام جوزها تلبسله المدلع والمشخلع عشان كدا لما بخرج بحب البس واسع والم شعري وامشي زي العسكري اما ليك البس واتمكيج وممكن ارقصلك كمان
يحي : ايوه بس انتي زوجه مدير تنفيذي وبعدين ايه الشنطه الكبيره دي هتمليها بدل رقص
ريشه ضحكت : طبعا مش شايفها كبيره
يحيي بسخريه: مش احسن كنتي جبتي كيسه( سحب شنطه صغيره رقيقه) اسمعي خدي الشنطه دي صغيره وحلوه اوي خديها
ريشه : مش عايزها هو انا بخرج من البيت
يحيي : عارف بس دي اول مره اشتريلك فيها حاجه ع ذوقي خديها ايه الصعب في كده
ريشه : تمام لو عايز تجبلي حاجه اشتري برفن لجوزي عليه عرض ارخص
يحيي: لاء مش عايز لو كانت توتا في مكانك كانت اشترت لنفسها لبس شيك وجميل
ريشه بعيظ: المشكله اني مش هي وبعدين انت ناسي عندي دولاب مليان برندات وماركات من كل بلد في العالم عشان كدا متجبليش حاجه وفر فلوسك تصرفها ع صاحبتك
زوجتي للجريئه جدا بقلمي منه محمد كاتب
توتا واقفه في المطبخ بتحاول تتعلم الطبخ خصوصا لما داقت طعم اكل رشا وقد ايه كان هايل وهي سالتها بتعرف تطبخ اصل يحيي مش بيحب الا الاكل البيتي
توتا بغيظ: بنت الذينا اكلها حلو اوي لاء ويحيي قاعد ياكل بنفس مفتوحه لا ء مقدرش اسيب ده يعدي لازم اتعلم اطبخ غير كدا حتي لما يطلقها هيحب الاكل البيتي , كله بسبب الست دي ولحد ما اعلمها درس عمرها مش ههدء ولا هسكت مسكت الموبيل تتصل بيه
توتا بصوت ناعم مصطنع: الو يا حبيبي بتعمل ايه
يحيي ابتسم: كنت هنام
توتا: هتنام لوحدك ولا معاها
يحيي حب يضايقها وقال : كالعاده هنام معاها
توتا بنفعال: بطل هزار انا قولت لك نام ع الكنبه
يحيي : مقدرش انام ع الكنبه
توتا: يحيي انت ضعيف جدا , ازاي هتكرهك لازم تاخد موقف وتقف قدامها بثبات وترفض شروطها السخيفه زيها
يحيي : توتا دي تركيبتي اعمل ايه مقدرش اجرح حد
توتا: انت خايف من ابوك مش كده
يحيي: عشانه مضطر اتحمل شروطها السخيفه حتي لو هروح جهنم
توتا: لاء يا يحيي انا شايفه انك ديما بتخضعلها لو مش قادر تعمل معاها حاجه سبني انا اعلمها درس
يحيي: ممكن نغير الموضوع لو سمحتي ها احكيلي بتعملي ايه
…………………………………
يحيي قاعد ع السرير وفاتح الجهاز وبيكتب ارقام ع الاله
ريشه قربت منه وبصت للارقام وقالت: ايه ده ارقام كتيره مش شيفاها بحس بدوخه لما ببصلها
يحيي: بلاش تبصي انا بحبها هي تعتني لي كتير
ريشه : بس انا بكرهها بس لو كنت ذكي جاوبني ع السؤال ده
يحيي اترسمت ع شفايفه ابتسامه عريضه: ايه هو حتي لو عطتيني عشر اسئله قادر اجاوب عليهم
ريشه : اوكيه مستعد
يحيي: ايوه
ريشه ايه هو العدد الي لو ضربناه في نفسه وضفنا عليه (5) يديني ناتج (30)؟
يحيي: العدد هو (5)، 5 × 5 = 25 + 5 = 30
ريشه شدت خده: انت مش زي ده انت عبقري
يحيي: يله اسأليني اكتر
ريشه بخبث: واحد زائد واحد يساوي كام
يحيي: اتنين
ريشه قربت شفايفها من شفايفه وقالت بصوت ساحر: غلط واحد زائد واحد يساوي واحد
يحيي ارتبك من اسلوبها واتوتر وقال: هو انتي اتعلمتي الرياضه فين روحي نامي
ريشه: تمام
يحيي: تحبي الازعاج
ريشه: تصبح ع خير يا حبيبي وع فكره بعتذر عن اي غلطه عملتها اليوم يعني سامحني
ريشه لفت وحطت دماغها ع المخده وهي بتفكر في حياتها البسيطه معاه
يحيي: ريشه تسعه نضربهم في اتنين ايه المجموع
ريشه: 18
يحيي: صحيح
ريشه: تصبح ع خير
يحيي: وانتي من اهله
قعد وبصلها و شرد ليه بقي يحب مشاكستها ومبقاش بيخاف من جرائتها واكتشف انها لطيفه ورقيقه وجميله عايز ايه اكتر من كده اه توتا حلوه ولطيفه وهو فعلا بيحبها ولما يتجوزه بعدين اكيد هتبذل كل جهدها عشان تسعدوه ازاي يفكر في ريشه وتوتا في نفس الوقت
ريشه قامت اتعدلت: حبيبي لو عطيتك حق الاختيار بس انا مش عايزه اشتغل عايزه اركز عليك واكون اسره لكن لو عايزني اشتغل هسمع كلامك
يحيي: شوفي انا معنديش مانع للي عايزه تعمليه
ريشه: يحيي ممكن تكون واضح لو كان الف قول الف لو ب قول ب لا يمكن فجأه تختار ت لان كلمه الزوج امر عشان كده هسمعها لو كانت الافضل
يحيي: لاء مش عايزك تشتغلي حتي لو في شركه ابوكي لاني مش هحرمك من اي حاجه تطلبيها مني
ريشه لفت ايدها حوالين رقبته بخبث : لسه برضو متأكد مش عاوزني الليله
يحيي مسك ايدها ونزلها : اظن انتي عارفه اجابتي
………………………………………
يوم جديد ع الموبيل
وجدي: اهلا يا روحي عامله ايه
ريشه: انا الحمد لله
وجدي: يعني بجد بنوتي بخير
ريشه: اكيد بجد انا بخير
وجدي: عايز اخرج معاكي راندفو ممكن
ريشه ضحكت : يعني عايز تاخد مني معاد وانا معنديش اي اعتراض هتصل بيحيي اسأله
وجدي: تمام يا بنتي
ريشه اتصلت بيحيي قالها: ايه الحكايه لحقت اوحشك
ريشه: رغم عايشين في بيت واحد لكن دايما بتوحشني
يحيي: ع العموم انا كنت لسه هتصل بيكي
ريشه: ليه فيه حاجه
يحيي: ابدا كنت هقولك ماما طلبت مني اخدك نكشف عند دكتور اخصائي
ريشه ارتبكت وخافت: ليه
يحيي: بسبب تعبك هي قلقانه وشايفه ان تعبك مش عادي
ريشه:يعني انت شايفه غير عادي
يحيي: تمام لو مش عايزه براحتك انا قلت ابلغك رساله ماما وبس كنتي متصله بيا فيه حاجه
ريشه: ايوه بابي عازمني بره
يحيي: روحي اكيد حاسه بملل من قاعده البيت اظن قلت لك معنديش مانع تشتغلي وانتي الي رفضتي
ريشه: انا مش حاسه بملل بعد ما اخلص مع بابي ممكن تيجي تاخدني لان بابي هيرجع الشركه
يحيي: اجيلك ده صعب جدا عندي اجتماع مهم ومش عارف هخلصه امتي لكن ممكن ترجعي في تاكسي
ريشه: تمام في الحاله دي ارجع بيتك بسرعه اصلي مجهزلك حاجه خاصه بيك يله سلام
يحيي: سلام
……………………………
في المطعم
ريشه ببتسامه: اكيد مامي بتغدي مع اصحابها في الناي
وجدي: امك كالعاده اظن عارفها بتشوطني زي الكوره لو كان وراها حاجه تعملها
ريشه: واضح انك عايز تقولي حاجه
وجدي: هي مش حاجه خطيره كنت عايز اقعد اتكلم معاكي من غير طرف تالت
ريشه: هو انت مش بتاخد راحتك في وجود يحيي
وجدي: ليه هو كان يحيي عايز يجي معاكي
ريشه: لاء احسن انه مش هنا ولا هيمل لو اتكلمنا
وجدي: بحب اشوفك مبسوطه كده
ريشه: مش قلت لك انا زي الفل مفيش داعي تقلق ولا هزعل
وجدي سألها بهتمام : تمام يعني مبقاش يهاجمك الصداع حاليا وانتي مبسوطه وفرحانه ويحيي بيعاملني بلطف مش كده يا بنتي
ريشه ببتسامه هاديه: ايوه بابي بفكر اعمل عيد ميلاده هنا واحجز تربيزه ايه رايك هتبقي حفله ليها ذكري جميله مش كده
وجدي: اكيد وان شاء الله تعيشي وتحتفلي كمان بذكري جوازكم سنين وسنين
ريشه: ان شاء الله
امجد دخل نفس المطعم وهو بيكلم صاحبه ع التلفون: انت متاكد انهم في نفس المطعم لاء مش شايفها تمام اقفل انت وانا هتصرف
امجد مد بخطواته ودخل وفي نفس الوقت دخلت توتا وراه وهي بتتكلم مع شخص ع الموبيل : ايوه وصلت هي هنا مش كده تمام اقفل تمام اشوفك بعدين باي
توتا فضلت واقفه ع باب المطعم لحد ما يحيي قرب عليها مفزوع: ايه الموضوع المستعجل
توتا ببتسامه واسعه: مفاجاه النهارده الذكره السابعه لينا سوي وحجزت تربيزه نحتفل بيه سوي
يحيي :وقعتي قلبي طيب ليه مبلغتنيش من الاول
توتا قرصت خده : عشان مترفضتش ده انت رفضت تتعشا معايا كذا مره ولا حتي تتغدي وحاسه انك مبقتش تحبني نفس الاول
يحيي : ندخل كل ما هنحتفل اسرع كل ما هنمشي بسرعه
توتا سحبته من ايده : يله
وجدي بيقوم بعد ما دفع الحساب وهو ورشا الي شافت يحيي داخل ايده في ايد توتا وحست بشعور صعب جدا شعور يوجع يكسر القلب الف مره
وجدي : فيه حاجه
ريشه: لاء حضرتك ارجع شغلك اصل انا عايزه اروح صيدليه
وجدي سألها بقلق: صيدليه ليه انتي تعبانه اتصلك بيحيي
ريشه :لاء انا كويسه
وجدي :متاكده
ريشه: ايوه هشتري حاجه بناتي يا بابي
وجدي :تمام اهتمي بنفسك
ريشه: حاضر سوق ع مهلك
ريشه طلعت من المطعم وفضلت ماشيه تايهه حاسه مش عارفه تبدء منين جواها ضغوطات وصراع محدش حاسس بيها ومطلوب منها تعدي كل ده من غير ما تزعل ولا تجرح حد …. لحد ما قعدت ع كرسي ومسكت دماغها
امجد جه من وراها ميل عليها وقال: هاي
ريشه مسحت دموعها بسرعه ولفتله باجمل ابتسامه : امجد
امجد: لسه عندك الصداع
ريشه :وانت لسه فاكر تعبي
امجد : ازاي انسي لما كنتي في الشركه كان دايما عندك صداع لحد ما تستفرغي وشكلك بيبقي زباله اوي
ريشه : معلش يا امجد انا لازم اروح الصيدليه اشتري مسكن وازازه ميه
امجد فتح كيسه معاه :اتفضلي الميه والمسكن نسيتي كنت بشتريلك الدواء دايما
ريشه :انا دايما مرمطاك معايا
امجد بنظرات عاشق: وانا مستعد اتمرمط عشانك بدل ما اسيبك في الحاله دي
ريشه: بصراحه صعب القي صديق مخلص زيك الايام الصعبه دي
امجد: فعلا انا الوحيد الي بيفتكر اصحابه دايما وهما ع طول نسينه زيك انتي ونيلي شبه بعض الخالق الملي في النداله الا بالحق هي فين اتجوزت وهاجرت
ريشه توهت الموضوع: امجد مش عايزه ازعجك اكتر فلو مشغول تقدر تمشي انا محتاجه افضل لوحدي شويه
امجد هز دماغه بقهر: تمام ارتاحي كويس واتصلي بيا لو احتاجتي اي حاجه اوكيه
ريشه تابعته لحد ما اختفي وبصت قدامها ونزلت دموعها وقالت : نيلي مش عارفه اعمل ايه ازاي هواجهه يحيي لما يرجع البيت بعدين بنوبه غضب ازاي اقدر بعد ما وعدته باني مش هدخل في علاقته مع توتا. اه هو في الييت هو ليا لكن بره هو ليها هي
نيلي : بصي انا عارفه وحاسه النار الي انتي فيها وخاصه انك بتحبيه بس انتي لمصلحتك انه ميعرفش انك شوفتيهم وسبيهم لله وعيشي وتانسي واعتبريه انه في الشغل كلميه كل شويه شديه ليكي متخليش بالنكد والمشاكل تخسريه
ريشه مسحت دموعها : بس انا غبيه الوعد الي قطعته بيدمرني شويه شويه و شايفه مش هقدر اتحمل الي بيحصل تاني وهتعب
نيلي:اما تتعبي افتكري انه بلاء واشكي لربنا واطلبي منه يصبرك وكفايه انك عارفه ان فيه سبب صبري نفسك بيه
ريشه نزلت دموعها بغزاره: عايزني اعيش وابقي ع الهامش انا فضلي ايام قليله ونفسي بجد اعيشها معاه هو ده كتير عليا
نيلي :مش كتير انتي تستاهلي كل حاجه حلوه
ريشه: بس انا تعبت من القهر وكسره القلب والحزن والحمد لله ان امجد كان هنا امر يضحك مش كده لما احس بالحزن القي امجد موجود دايما جنبي هو الوحيد الي بيقدر يخليني احس بالسعاده طبعا بعدك انتي
استوب ورايكم في الاحداث وتعالوا لما توتا تشكك يحيي في رشا وامجد ينتقم لرشا من يحيي ومن توتا ياتري نيلي دي شبح ولا فين وياتري رشا ليه فضلها ايام قليله مع يحيي
- يتبع الفصل التالي اضغط على (رواية زوجتي الجريئه) اسم الرواية