رواية فعلتها لأجل أبي الفصل الثالث عشر 13 - بقلم هدير عبدالعليم
أبو عمر: بس ده ظلم .
دنيا بقهرة : ظلم؟!!! ياها دا حضرتك عارف الظلم أهو, مكنش ظلم لما رافضت من الأول ولا اي ؟ أكتر حاجه صعبة ممكن تعملها ل ابنك إنك تخيره بينك و بين بنت بيحبها, بابتسامة ساذجة, وأنت عملت كده .
أبو عمر: لا دا شكلك اتعلمتي كتير أوي يا دنيا .
دنيا بابتسامة و ثقة : اه اتعلمت جدا , بس أنا مش بقول لعمر اقعد لحد ما اخلص تعليم عالفكرة , هو حابب يتجوز عادي يتجوز زي ما حصل قبل كده , لكن أنا هعيش مره واحده ليه اعيش ادور على شخص يكون هو محور الكون!؟ ليه أفضل مستنيه حد ييجي يخلي لحياتي قيمة أنا إللى لازم أخلي لحياتي قيمة و هكمل تعليم .
أبو عمر: إللى هو شايفه بقا حابب يستنى هو حر .
↓ بعد فترة طويله ↓
آلاء: بابا أنا هنزل أشتغل.
بابا بدهشة: ليه يا آلاء أنا مش مقصر معاكِ فى حاجة .
آلاء: لا بس صدقني عايزه آشوف الناس و أتعامل معهم أكتر.
بابا : كل الناس من بعيد جميلة لكن لما نقرب بنتخض, خليكِ بعيد أحسن أنا خايف عليكِ و خاصةً إنك داخلة ٣ ثانوي السنه الجاية مش عايزكِ تضغطي نفسك .
آلاء: بس الشغل مهم و..
بابا بسرعة : أنا مش بقول أنه مش مهم بس أنتِ فى فترة محتاجة ترتاحي .
آلاء: ..
بابا : أوعى تكوني فاكرة أني بصرف عليكِ كده وخلاص دا فرض عليا يا بنتي أنت ِ مسؤول مني , و بعدها بتكوني مسؤول من جوزك يعنى أوعى تكوني فاكره علشان بيصرف عليكِ تكوني كده بتتذلي ليه, لا يا بنتي ما أنتِ بتربي عياله و بتشوفي هو عايز أى و تعمليه ،الدنيا صعبة فلازم كلنا نشيل بعض علشان الدنيا تمشي.
آلاء بضحك: والله يا بابا أنت كبرت الموضوع أوي مكنش فى بالى غير اني عايزه أنزل و آشوف الدنيا فيها آي .
دنيا داخله من بره : سلام عليكم و داخله على اوضته.
آلاء: هى دنيا مالها؟
بابا : مش عارف .
آلاء: هدخل اشوفها زعلانة لى .
بابا كان سبقني على الاوضة : فى أى مالك يا دنيا ؟
دنيا بدموع مكتومة : مفيش .
بابا : لا فيه؟ أنتِ بنتى وأنا عارفك و عارف أمتي تكوني زعلانة و أمتي لا.
دنيا بدموع : تمريض مش نصيبي , مش متخيله إنها فرقت معايا على درجه واحده بس .
بابا : يااها درجة .
دنيا : والله درجة أنا جايبه ٢٥٩ و هي قبلت ٢٦٠ .
بابا بهدوء و حكمة : عارفة يا دنيا ممكن ندخل طريق بنحبه أوي و نكتشف أنه فى النهاية مش طريقنا و ممكن ندخل طريق تانى مش عايزينه و زعلانين أوى أننا دخلنا الطريق ده علشان نكتشف ان الطريق ده هو سبب خير كتير أوي لينا بعدين, متزعليش على أى حاجه حصلت كله خير {عَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ ۖ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ ۗ وَاللَّهُ يَعْلَمُ وَأَنتُمْ لَا تَعْلَمُونَ }
دنيا بدأت تمسح دموعها : تصدق فعلاً كلامك جميل أوى.
بابا : أنا راضي بكل حاجه هتعملوها طالما أنتوا بتحاولوا يبقا خلاص أكيد ربنا شايف إنكم بتحاولوا مش هيضيع تعبكم.
دنيا : حقيقي.
معاذ: و بعدين التمريض وحش.
دنيا: وحش لى ؟
معاذ : علشان بيفضلوا فى المستشفى طول الليل , و أنا مش عايزكِ تبعدي عنى .
دنيا بحضن : يا عمري , و أنا هفضل معاكم طول العمر .
مالك : يعنى مش هتتجوزي عمر؟
دنيا بضحك : دا أنتوا بجد محصلتوش , مش إحنا اتفقنا هكمل تعليم .
بابا : بنت أبوها الجميلة إللى هتكمل تعليم .
آلاء: ربنا يكرمها و تكون أشطر دكتوره او مس تمريض من ثانوي.
دنيا : يارب يا لولتي.
^^بعد شهر^^
آلاء: بابا يا حبيبي اعملك شاي ؟
بابا بابتسامة: قولى يا آلاء عايزه أى ؟ طالما فيها يا حبيبي يبقا أكيد فيها حاجه عايزها دلوقتى .
آلاء بكسوف: …..
يتبع…
- يتبع الفصل التالي اضغط على ( رواية فعلتها لأجل أبي) اسم الرواية