رواية فعلتها لأجل أبي الفصل الرابع عشر 14 - بقلم هدير عبدالعليم
بابا بابتسامة خفيفة: قولى يا آلاء عايزه أى ؟
آلاء: بحبك وأنت فاهمني.
بابا بضحك : يعنى غير كده مش بتحبيني؟!
آلاء: لا طبعاً هو أنا ليا غيرك يا أجمل أب فى الدنيا.
بابا بضحك :عايزه أى قولى؟!
آلاء:بصراحة عايزه تلفون.
بابا بدهشة : هتعملي بيه أى ؟
آلاء: محتاجه فى الدروس و المذاكرة .
بابا : بس أنتِ بتاخدي الدروس كله عند المدرسين.
آلاء: التلفون دلوقتى مهم .
بابا : لما تحتاجي التلفون خدى بتاعى .
آلاء بتكشيرة : لا يا بابا, أنا عايزه تلفون علشان عايزه واتس و..
بابا بسرعة : بس ده مش سن التلفون يا آلاء و إحنا اتفقنا على كده و قولتلك لو دخلتي طب هجبلك واحد.
آلاء: بس أصحابي كلهم عندهم تلفونات .
بابا بعصبية: من أمتي و إحنا بنقارن نفسنا بحد!؟ المقارنة مش بييجي من وراها غير التعب النفسي متخيلة إنك كل متجيبي حاجه تلاقى غيرك جايب أغلى و أعلى وأحلى منها!؟ فتكوني عايزها او عايزه أغلى منها,متخيلة هتفضلي تقارني نفسك قد أى!؟ لو اتعودتي على المقارنة هتتعبي يا بنتي صدقيني .
آلاء بتصميم : مليش دعوه..
بابا بعصبية و صوت عالي: آلاء مش هجيب تلفون و مش عايز الموضوع ده يتفتح تانى.
ماما : خلاص يا آلاء سيبي بابا و ادخلي جوا دلوقتى.
آلاء بزعل : ماشي يا ماما أنا داخله.
ماما بهدوء : آلاء طلعت بره اهي,مش عايز تجبلها تلفون ليه؟ هو أنت مش معاك فلوس تجبلها تلفون أنا هتصرف و تجيب واحد علشان تكون زى أصحابها.
بابا بزعل على ماما : لا معايا الفلوس, بس فيه حاجات أنا كا أب شايف إنها غلط يبقا مينفعش نتناقش فيها لازم تكون عارفه إنى بحبهم و بخاف عليهم أكتر من نفسي .
ماما: …
بابا : وبعدين أى إللى معاكِ الفلوس و هتتصرفي , إزاى أقول قرار و أنا متأكد منه وأنتِ تقولى غيره!؟
ماما : مش عايزها بس تكون أقل من أصحابها.
بابا بعصبية: هى ليه تقارن نفسها أصلاً!؟ كل واحد حر فى حياته و الطريقة إللى بيربي بيها عياله بس مش كل واحد حر لما يكون متأكد ان عياله بيعملوا أو هيعملوا حاجه غلط و يسكت .
ماما: …
بابا : مش كل حاجة ينفع نعملها بحنان الام, بابتسامة أنا عارف إن حنان الام ممكن يخليكِ تعملى أى حاجه علشان بس تشوفي عيالك مبسوطين لكن خليكِ عارفه إنك المصحح الوحيد فى معظم طرق الحياة, أنا عارف ان الكلام مش مفهوم بس هيكون مفهوم لما أموت و تكون..
ماما بدموع : صدقني مقدرش أعيش من غيرك, مش هقدر اربي عيالنا لوحدي أنا من أول يوم جواز وأنا مطمنة بوجودك جنبي أنت الأمان إللى بيحميني من الدنيا كلها, بعد كله ده عايز تسيبني وتمشي ربنا يجعل يومي قبل يومك, هم كمان بيحبوك أوى و عارفين إنك بتعمل كل حاجة صح علشانهم .
بابا : بحبهم جداً دول عيالي, بس لازم أكون أنا الأب و المربي و المعلم والصاحب لازم أكون كله ده مع بعض, لو كنت واحد منهم بس عيالي يضيعوا..وأنا بخاف عليهم جدا بخاف عليهم أكتر من خوفي على نفسي, فاهمني؟
ماما : ديماً فاهمك والله , هطلع أكلم آلاء بقا و…
بابا بهدوء : لا متطلعيش دلوقتى .
ماما : ليه؟!
بابا : علشان هى لسه مقتنعة بقرارها و صعب نغيره دلوقتى, خليها تفكر مع نفسها الأول و بعدين هى هتيجي تقول إنها اقتنعت .
ماما بابتسامة: آلاء!!! دا العند كله فيها .
بابا : هى بتصمم لو هى صح , لكن لما بتحس إنها غلطت بتتراجع و دى أحسن حاجة فيها .
ماما بابتسامة: ما هو مش عيب أننا نرجع, خاصةً لو غيرنا وجهه نظرنا للصح , كلنا أتعلم ده منك و أنا كمان اتعلمت ده أخر فتره.
معاذ جاي بسرعة : بااابا بابا بابا
- يتبع الفصل التالي اضغط على ( رواية فعلتها لأجل أبي) اسم الرواية