رواية حواديت من الواقع الفصل الخامس عشر 15 - بقلم ليل السيد
بارت"15" والأخير
وعلشان مع الاسف طلع طويل اوي هقسمه علي جزئين جزء دلوقتى وجزء باليل أن شاء الله شكرا جدا لك حد جميل دعاء لي وشكرا لتقديركم تعبي وسؤال ناس كتير عن واهتمامها بحالي كل الناس الي بعتتلي او الي كتبتلي كومنت ومعرفتش ارد عليه حقكم كلكم عليا بس والله شكرا من كل قلبي ليكم وجزاكم الله كل خير يارب اتمني متكونوش نسيتوا احداث الرواية يلا نكمل ❤️
________________________
بارت "15" الجزء الأول
بعد شهر بالتحديد
بشقة ليلي وزين
ليلي
- طب يازين اجي معاك انا مش خايفه علي نفسي وبعدين طنط لطيفه لسه في المستشفي ونورا في بيتها يعين بيت العيله مفيش فيه حد ممكن ياذيني وهما كلهم وحشوني
زين
- لا برضو يا ليلي البلد تاني دلوقتى لا احنا ما صدقنا ياستي خالنا بقا مظبوط وبعدين انت غاوية غلبه ليه انا قولتلك هما يومين وراجع علطول
ليلي
- يازين بالله ما هقدر هتوحشني مش هعرف انان في الشقه لوحدي
زين
- انزلي نامي في اوضتك تحت
ليلي
- هممم يعني انت هتعرف تنام في شقتك هناك عادي
زين
- يا ليلي بالله بلاش بقا نبدأ في الشعلانه اقبل عليها وهو يقبل راسها بحنان
- انا معرفش انام بعيد عنك تاني خلاص لكن لنا مضطر وانتي عارفه طبيعية شغلي من بدري بين هنا وهناك هما بجد يومين وراجع تاني
ليلي
- طيب خلاص سماح المره دي بس المره الجايه مش هتنزل وهسافر
زين
- وعد حاضر
يلا جهزيلي غيارين في الشنطه دي لحدما اخد شاور
ليلي
- ماشي ياسي زين انت تؤمر
جهزت ليلي ليه الشنطه وخرج من الحمام بدل ملابسه
زين
- خلي بالك من نفسك تلفونك الزفت ده يتشال من السيلانت تردي عليا علطول وقبل ما تنامي تبعتيلي تعرفيني علشان مرنش في الوقت ده واقلق نومك خلي بالك من اكلك
ليلي
- لا تقلق يا بشمهندس يلا روح علشان توصل بدري يلا يلاااا
زين
- طب مش هتنزلي معايا تروح تقعدي مع عمو ومراتعمي تحت
ليلي
- لا طبعا كنت بهزر هنام في شقتي انا مش هخاف
زين
- متأكده
ليلي
- متأكده اه يلا بقا امشي توصل بالسلامه مش هرن عليك خالص وانت سايق اول ما انت توصل لوحدك رن عليا
زين
- حاضر يحبيبي سلام
سافر زين الي البلد وصل بعد عدة ساعات
محمود
- حمدلله علي السلامه ياعريس وحشتنا والله
زين
- عريس ايه بقا دنت الي هتبقي عريس خلاص انا راحت عليا
هلال
- مقولتش ليك انك جاي وليلي مش معاك يعني
زين
- نازل يومين بس المره الجايه هتنزل معايا علي فرح قمر ومحمود علطول علشان تكون مع قمر
هلال
- نورت يا حبيبي شوف يا محمود مين بيجهز الاكل
زين
- لا لا انا مش جعان خالص هروح اطلع الشقه صحيح مروة فوق
هلال
- مروة مشيت
زين باستغراب
- مشيت راحت فين !!
هلال
- مشيت مع اهلها من البلد
زين بغضب
- ده من غير اذني ومن غير متعرفني ازاي يعني وامتي
هلال
- هفهمك كل حاجه بعدين بس ناكل الاول
زين
- اكل ايه يا حج فهمني الاول مشيت ازاي
هلال
- ماشي تعالي معايا المكتب
بغرفه المكتب
هلال
- انا روحت اتكلمت مع اهلها وهددت نعيمه امها لو فكرت تأذيكم تاني قولتلها لطيفه دلوقتى في المستشفي يعني لو حاجه حصلت مفيش غيرك قدامي السبب فيها قولتلها تسيب البلد وتمشي منها خالص بدل منا اخلص عليها
زين
- انا مش قولتلك تستني لما اجي
هلال
- انا متكلمتش مع مروة
بعد أقل من أسبوع ملقناش مروة في البيت ولا أهلها في البلد
زين
- ولما الكلام ده حصل محدش قالي في وقتها ليه
هلال
- مخلاص تغور وانت عايزاها في ايه عايز تسيب مراتك في أول جوازكم وتنزل علشانها يعني
زين
- دي علي ذمتي يعني مراتي
هلال
- طلقها غيابي وريحك دماغك من العيله الملعونه دي
زين
- انا كنت عايز اعرف الاول هي ليها دخل في الموضوع ده ولا لا
هلال
- طالما هربت مع اهلها من غير محد يجي جنبها ولا يكلمها يبقا عامله معاهم حاجه وكانت خايفه زي امها فمشيت
زين
- انا هرن عليها يكش ترد
هلال
- الي يريحك اعمله
رن عليها زين مره واتنين وتلاته في الرابعه ردت
مروة بخوف
- الووو يا زين
زين بعصبيه
- انتي فين
مروة بتوتر
- اصل اااااصل انا مع اهلي
زين
- بتمشي ازاي من غير اذني ومع اهلك فين
مروة
- مش هينفع اقولك
زين
- مروة لو مرجعتيش البيت بكره هتبقى طالق
مروة
- مش هعرف اسيب امي
زين
- الي عندي قولته لو مصحتش بكره لقيتك اعتبري نفسك طالق من غير سلام
هلال
- زين ما عملت
زين
- انا ايوه مش عايزاها بس مكنتش عايز نهايتها معايا تكون كده
هلال
- تحب تروح تزور امك هي في مستشفية ....
زين
- لا لا انا طالع اريح في اوضتي
خرج زين من الغرفه
ليلي عمته
- حبيبي حمدلله علي سلامتك مجبتش ليلي ليه
زين
- الله يسلمك يعمتي المره الجايه بإذن الله هننزل اجازة طويله علي فرح قمر ومحمود
ليلي
- وخطوبة عمر بإذن الله
زين
- بتهزري عمر هيخطب
ليلي
- اه واحده معاه في الشغل من القاهره برضو عرفها هناك والخطوبه هتبقي عندها يعني كلها اسبوع كده وكلنا جايين نخنقك انت وليلي
زين
- الف مبروك فرحني ابن الذينا تشرفوا الله البيت بيتكم ليلي هتفرح قوي
ليلي
- ربنا يخليك يا زين والله
مش هتتغدا معانا
زين
- تعبان هطلع اريح شوية لما اصحي ابقى انزل اكل اي حاجه
ليلي
- ماشي يا حبيبي باليل نبقى نتكلم
صعد زين غرفته
اخرج هاتفه ورن علي ليلي فيديو كول
ردت ليلي وهي نايمه علي السرير مش قادره تفتح عينها
ليلي بنعاس
- همم وصلت
زين بضحك
- لا واضح انك قلقانه عليا فعلا ده حتي النوم طار من عينك
فتحت ليلي نصف عين ونظرت له
- قصدك ايه يعني نعسانه الله
زين
- ياست انتي براحتك منزلتيش تحت لسه نايمه من ساعتها
ليلي
- لا لا قعدت علي التلفون شوية وبعدين نمت انت قاعد فين اوضتك دي مش كده!
زين
- ايوه اوضتي
ليلي
- مطلعتش شقتك ليه انت لسه مشوفتش مروة
زين
- منتي قومي كده وصحصحي معايا علشان عايز اتكلم معاكي في موضوع مهم واخد رايك
ليلي وهو تجلس نصف جلسه وتزيل شعرها من علي وجهها بعشوائيه وتضعه خلف اذنها وتقول باهتمام
- الموضوع شكله خطير صحيت اهو
كان زين بيضحك علي رد فعلها
- لا لا مش اوي المهم اسمعيني بس براحه من غير اي انفعال انا كنت ماجل اي كلام في للموضوع لحد ما ارجع ونكون قدام بعض بس علشان الدنيا مطلعتش زي ما كنت فاكرك فلازم اعرفك دلوقتى
ليلي
- ايه الرعب ده انت هتطلقني ولا ايه
زين
- ينفع متقوليش الكلمه دي تاني ولو حتي هزار
ليلي
- حاضر خلاص اخر مره بس قولي يلا في ايه وانا مالك كده مضايق ليه
زين
- مروة سابت البيت ومشيت
ليلي
- ايه ليه حد ضايقها
زين
- محدش جه جنبها بس هي مشيت مع اهلها من البلد
ليلي
- اهلا مشيوا من البلد ليه وازاي مقالتلكيش
زين
- اسمعيني للاخر
ليلي
- حاضر سامعه قول
زين
- انا جيت لقيتها مش هنا سألت هلال قال انهامشيت من بدري علشان امها السبب في كل الي حصلنا ولطيفه كانت بتعمل عندها هي الأعمال وهي كانا بتساعدها وهي برضو الي عملت عمل علشان تخليني اتجوز بتها علطول وقتها زي الاعمي مسلوب الارادة الحج هلال راح لأمها البيت وهددها انه عرف كل حاجه وانه لو فكرت تعمل حاجه تاني مش هيسيبها في حالها وانها الأحسن ليها تمشي م البلد
انا وقتها طلبت منه ميتكلمش مع مروة في حاجه لحد ما انا انزل واتكلم معاها انا بس انا نزلت ملقتهاش رنيت عليها وقولتلها لو مكنتش قدامي الصبح تعتبر نفسها طالق
ليلي
- بس بس ازاي انا دماغي لفت امتي ده كله حصل وازاي
يعني مروة مش طيبه زي منا كنت فاكراه وازاي مشيت مع اهلها مش كانت بتقولي هيموتوها لو رجعتلهم بتمشي معاهم لوحدها دلوقتى ازاي
زين
- انا مش عارف انا كمان انا كنت ناوي اديلها فرصه لو طلعت ملهاش علاقه بالي امها بتعمله بس معني انها تمشي مع امها لوحدها من غير محدش يكلمها نص كلمه يبقا هي خايفه من حاجه هي التانيه علي العموم مروة لو مش عامله حاجه وطلعت طيبه زي ما كنا متخيلين هترجع بكره طلعت مصيبه هتخاف ترجع ووقتها انا هطلقها انا كده كده وجودها وعدمه عندي واحد
ليلي
- يمكن تكون خايفه علي مامتها طيب
زين
- اناي مش فاكراه كانت بتكلمنا عن اهلها ازاي دلوقتى خايفه عليهم هما بس اتكشفوا
ليلي
- خلاص متزعلش اعمل الي يريحك المهم بس عندي متكونش مضايق من حاجه وانا حقيقي مش فارق معايا والله تطلقها ولا لا انت مش مقصر معايا في اي حاجه وزي ما قولت انا وانت وهي عارفين وجودها وعدمه واحد انا بس في الاول كنت رافضه تطلقها علشان منظلمهاش وعلشان خايفه عليها م اهلها بس طالما هي الي مشيت لوحديها يبقا خلاص
- انا اسفه ليك يحبيبي علي كل الناس المؤذيه الي دخلت حياتك دي بسببي حقك عليا يا زين
زين
- انتي عبيطه يا ليلي بسببك ايه دول ناس ملعونه ربنا ينتقم منهم علشان بس يعرفوا ان ارادة ربنا فوق كل شئ وان كل القرف الي عايشين بيه ده ما هو إلا حاجه بيتعبونا بيها شويه وبيخسروا هما بسببها اخرتهم وانا عمري ما هسامحهم كل الي فارق معايا في الدنيا كلها امك الحمد لله معايا ويارب دايما في حضني
ليلي
- انا حقيقي هما مش فارقين معايا خالص والله انا كل الي فارق معايا دلوقتى انك تكون كويس ومش مضايق ومش خايف من حاجه احنا كويسين الحمد لله وبإذن الله ربنا هيحمينا دايما من اي شر او اذي ممكن يجي من ناحيتهم او ناحيه اي حد مؤذي زيهم
زين
- بإذن الله يحبيبي بإذن الله
ليلي
- شوفت طنط لطيفه ولا لسه
زين
- في المستشفي لسه وانا مش عايز اشوفها
ليلي
- من غير متعرف حد من بعيد بس روح شوفها علشان تطمن
زين
- ليلي هي مش فارقه معايا خلاص
ليلي
- بس هي لسه امك ومهما حصل هيفضل في جزء جواك كده صغير خايف عليها علشان خاطري حاول بكره تروح تشوفها هي كده كده مش هتحس بيك ومحدش دايما هناك معاها
زين
- لما يجي بكره ربنا يسهل بقولك ايه صحيح
ليلي
- قولي بصحيح
زين
- مش خطوبة الواد عمر الاسبوع الجاي فى القاهرة وكلهم هيجوا
ليلي
- بتتكلم بجد الله اواي ملقيش الحيوان ده دنا هخربيته
زين
- ده لو حد كان كلمك منهم وقتها انا كنت انا الي خربت بيته
ليلي
- شفاك الله زوجي المصون
زين
- عفاكي الله زوجتي
ليلي
- فرحتني يابني لما تجي نبقى ننزل سوا تجيب فستان
زين
- ان شاء الله يحبيبي
ليلي
- اكلت ولا لسه
زين
- لا لسه مليش نفس هغير وانام
ليلي
- مفيش الكلام ده انزل هات الاكل من المطبخ يلا وانا هقوم اشوف اي حاجه أكلها انا كمان وناكل سوا يلا يلا قوم
زين
- قومي انتي كلي وانا معاكي اهو
ليلي
- والله ما هاكل غير لما تعمل الي قولت عليه
زين
- مااااشي يا ست هنزل اجيب اكل
ليلي
- وانا معاك علي التلفون يلا
زين
- طب البسي طرحه احسن حد يكون قاعد تحت ويجب يسلم عليكي
ليلي
- اوكي لحظه هجيب الاسدال واقوم انا كمان اجيب اكل
نزل زين ودخل المطبخ لقي عمر
زين
- مستني تقولنا بقا بعد ما تكتب الكتاب
عمر
- والله والله كنت خايف ارن عليك تفجر التلفون في دماغي وطبعا لو رنيت علي ليلي نفس الكلام
سمع صوت ليلي بتضحك في التلفون
- ايه ده هي ليلي معاك
زين
- اه
ليلي بصوت عالي
- مبروووك يعمرررر اخيرااا ياخي
اخذ عمر الهاتف من زين
- الله يبارك فيكي يا لوله
برق له زين
- يا ليلي ليلي
وحشتينا والله مجتيش مع الواد ده ليه
ليلي
- هستناكم انتوا تيجوا بقا المهم حلوة واسمها ايه ومنين وعرفتها ازاي
عمر
- براحه براحه اه جميله واسمها مريم شغاله معانا في الشركه الي في القاهره يمكن زين ميعرفهاش بس انا عرفتها صدفه برضو لانها مش في التيم بتاعنا وتقريبا عندها ٢٤ سنه
ليلي
- تقريبا لا كتر خيرك والله
عمر
- انا دماغي دفتر المهم يعني هنطب عليكم الاسبوع الجاي كده كلنا
ليلي
- تنوروا والله كلكم الواد زين بياكل
عمر
- اه اه بياكل اهو هي بياكل تحت التهديد ولا ايه
ليلي
- بالظبط
عمر
- خديه هو معاكي اهو
زين
- خلصتي انتي اكلك ولا لسه
ليلي
- اه بسخن البيتزا بتاعت امبارح
زين
- طب حلو
بعد قليل من الوقت
زين بغرفته
- يلا هقفل علشان اريح شويه لو احتاجتي اي حاجه رني عليا
ليلي
- ماشي يحبيبي تصبح علي خير
زين
- وانتي من اهله ياست ليلي
باليوم التالي
ذهب زين للمستشفي ليري لطيفه
ودخل لها العنايه
نظر لها زين بحزن علي حالها وحزن منها أيضا بدا يتحدث
- ليه عملتي كده فيا وانتي عارفه انك كده بتوجعي قلبي
دنا كنت بقول في بالي انك لما تعرفي اني بحب وقلبي متعلق بحد هتجري اول واحده تخطبهالى اول ما اقولك واعترف ليكي تجري تعملي أعمال لابنك علشان تبعديها علي هونت عليكي ازاي طيب دنا ابنك الوحيد كان نفسي تحبيها كان نفسي اعيش مبسوط وانا شايف علاقتك بيها كويسه كان نفسي تحضري فرحي وكتب كتاب وتفرحيلي زي اي لم عريس والفرحه تكون مش سيعاكي مش تسبيني يوم فرحي وتروحي تعمليها أعمال
عارفه كنت خايف عليكي تموتي اه كنت خايف عليكي تموتي وانت ملعونه كده انا
بتمني تفوقي وترجع تتوبي يمكن ربنا يقبل توبتك بتمنى تفوقى وتبعدى عنى انا ومراتى خالص
انا معتش عايز منك اي حاجه ولا حتى عايز وجودك انتى بقيتى واحده غريبه بالنسبالى وهتفضلي كده العمر كله
أمسكت لطيفه يده برفق وهى مازالت تحاول أن تفتح عيناه
حاول زين الإبتعاد عنها حتى يغادر ولكنها شددت على يده
فتحت عيناها برفق وازالت ماسك الأكسجين بيداها الاخر وهمست بصوت ضعيف
- ز .. ين
زين
- انا لازم امشي عن اذنك
لطيفه
- سامحنى يا زين
زين
- عمرى عمرى كله ما هسامحك ولاهنسي
لطيفه
- انا سمعت كل حاجه انت قولتها ابوس ايدك سامحنى
زين
- انا ادعيلك تعيشي لكن اسامحك صدقيني عمره ما هيحصل
لطيفه
- عمريما هاذيك تاني لا انت ولا هي ولو ربنا كتبلي عمر تاني هفضل عمري كله اطلب منك بس السماح
زين وهو ينهض ويتركها
- يبقا هتحتاجي عمرين تاني فوق عمرك
زين بخارج غرفتها للمرضه
- قولي للدكتور بتاعها انها فاقت ورني علي نورا بتها تجيلها مش سيبالكم رقمها
الممرضه
- حضرتك مين طيب
زين
- مش مهم تعرفي
وسابها ومشي
وذهب زين الي المنزل لما يجد مروة قد عادات رفع هاتفه وأخرج رقمها
بعد عدت مكالمات أجابت
زين
- مجتيش ومش هتجي صح
مروة
- مش بايعه عمري علشان ارجعلك برجلي بعد ما عرفتوا كل حاجه دنتوا الي من لحمكم مرحمتوهاش وفي المستشفي لحد دلوقتى
زين
- يعني كنت عارفه بالي بيحصل فعلا مش مظلومه ولا حاجه ده الي انا كنت عايز اتأكد منه علي العموم يا مروة انتي طالق بالتلاته ووقت ما تحبي تاخدي ورقتك هتلاقيها عن المحامي **** طالما مش عايزاه تعرفيني مكانك ولو لمحت طيفك انتي او امك يا مروة او فكرتوا تعملوا حاجه تاني هوصلكم لو تحت الارض صدقيني
اغلقت مروة الهاتف سريعا
نعيمه امها
- انا مش قولتلك مترديش عليه تاني وتقولي تلفونك خالص
مروة
- طلقني بالتلاته
نعيمه
- الحمد لله انه طلقك كده من غير ما يعمل حاجه انتي مشوفتيش الشر الي كان في عين ابوه وهو عندي ومشوفتيش عمل ايه في لطيفه
مروة
- قولتك من الاول احنا مش قدهم مصدقتنيش
نعيمه
- انتي الي معرفتيش تربطيه بيكي
مروة
- هو كان بينام حتي في الشقه دنا مكنتش بشوف وشه حتي صدفه علشان اعرف اعمل حاجه
نعيمه
- الي حصل بقا
فاضل كام من الفلوس الي جبتيها معاكي وانتي جايه عايزين ننزل نصرف الدهب ده
مروة
- الخير كتير دي الحسنه الوحيده الي طلعنا بيها من الجوازه
نعيمه
- احسن من بلاش
ببيت العيله
دخلت نورا المنزل وهي تسند لطيفه
هلال من علي الدرج
- وانا اقول البيت قلب زعابير ليه وغم في لحظه
ليلي بغشوله عل كلامه
- حمدلله علي السلامه يا لطيفه نورتي بيتك
لطيفه
- بنورك يا ليلي البيت معدش بيتي خلاص طالما صاحبه مش رايد دخولي
هلال
- انتي ملكيش صالح بصاحب البيت ولا بابن صاحب البيت ليكي اوضتك وبس هنا وده علشان خاطر بناتك الصغيرين مش الحربايه التانيه الي جنبك
لطيفه
- ومش ناوي تسامحني لسه شايف ان الي حصل فيا مش كفايه
هلال
- ولا يكفيني عذابك العمر كله يا لطيفه الي انتي عملتيه ميتغفرش
زين
- خلاص يا حج هلال سيبها تطلع طلعيها يا نورا اوضتها
لطيفه
- كتر خيرك يابني والله
زين
- اسمي زين تقولي زين وبس
علي العموم مش موضوعنا انا مسافر يحج وهستناكم كلكم في خطوبة عمر ان شاء الله علشان مش عايز اسيب ليلي اكتر من كده لوحديها
لطيفه
- خلي ليلي تسامحني يا زين ليلي قلبها طيب انا عارف
زين
- كويس انك عارفه ان قلبها طيب بس ياريت هي كمان متجبيش سيرتها علي لسانك وتبعدي عنها وعن سيرتها سبينا في حالنا
نورا
- ما براحه علي امك انت كمان هي اجرمت لما قالت اسمها هي غلطانه ايه كله رص كلام رص كلام مفيش حمدلله علي السلامه
زين
- مش عايز اسمع صوتك يا نورا ولا اقولكم انا ماشي احسن الطيب احسن
أمسكت لطيفه معصمه وهو خارج من جانبها
- سامحني يابني سامحني انا مستعده اعمل اي حاجه تطلبها بس سامحني
زين
- الي عملتيه متغفرش يا حجه لطيفه عن اذنكم
هلال
- خلي بالك من نفسك ومن سواقتك يا زين
زين
- حاضر يا حج مع السلامه
ذهب زين بسيارته
هلال
- انا خارج يا يا ليلي اتمني ارجع الاقي البيت هادي زي مكان
لطيفه
- هترجع مش هتلاقيني ان شاء الله
هلال
- يارب والله
ليلي
- خلاص امشي يهلال امشي تعالي يا لطيفه اطلعي اوضتك
طلعت لطيفه ونورا
نورا
- معناه ايه كلامك الي قولتيه تحت
لطيفه
- لميلي خلقاتي هروح اقعد في بيت ابويا القديم مليش قعده وسطيهم خلاص
نورا
- وبناتك الصغيرين هتسبيهم لمين وبعدين خلاص هتسيبيلها كل حاجه ولدك وجوزك حتي البيت
لطيفه
- كفايه يا نورا لحد كده كفايه انا اقدر علي قسوة هلال لاني عمري كله ما شوفتش غيرها لكن زين ميبصش في عيني ولا حتي يقولي امي ويفضل كارهني عمره كله لا يانورا كفايه خلاص
نورا
- لا بقا مش كفايه لو انتي هتسكتي فأنا مش هسيبها في حالها
لطيفه بعصبيه
- لما انا اقول كفايه يبقا كفايه سمعاااني
بدل ما اقصم بالله يا نورا اربيكي من اول وجديد كفايه حتي علشان ربنا يكرمك بالخلف الصالح الي نفسك فيه
نورا
- براحتك يامي براحتك خلاص انا ماليش صالح بس اهدي علشان انتي لسه عيانه
لطيفه
- لميلي خلقاتي يلا وخلصي خلينا نغور
بالقاهره
حسين
- زين يابني حمدلله علي سلامتك
زين
- الله يسلمك يعمي
حسين
- اخبار البلد ايه وهلال وباقى اعمامك كلهم عاملين ايه
زين
- كلهم بخير الحمد لله وكلها اقل من اسبوع وكلهم يجوا خطوبة عمر هنا السبوع الجاي
حسين
- لا والله بجد
زين
- ايوه ان شاء الله
حسين
- الف مبروك ام ادخل اكلمه
زين
- ليلي فوق ولا عندكم
حسين
- ولا شوفنا وشها يابني امها رنت عليها علشان تتزل النهارده تتغدي معانا قالتلها انها اكلت وبتنضف الشقه قبل ما انت تجي
زين
- تمام هطلع اشوفها انا
حسين
- ماشي يحبيبي
ترك زين حسين وصعد شقته فتح الباب بمفتاحه ودخل بهدوء
دخل غرفته كانت ليلي نائمه علي السرير بتعب فمال عليها زين وقبل راسها بحنان
ليلي وهي بتقوم تحضنه بنعاس
- حمد لله علي السلامه اتاخرت ليه
زين
- انا جاي بدري يوم عن اتفقنا علي فكره
ليلي
- لا لا مسافره تاني من غيري مينفعش احكيلي بقا عاملين ايه كلهم
زين
- كويسين
- تنهد ثم قال
لطيفه خرجت من المستشفي
ليلي
- بتتكلم بجد انت روحتلها طيب
زين
- اه وفاقت وانا هناك
ليلي بسعاده
-طب ياريتك سمعت كلامي وكنت روحتلها من بدري شوفت وجودك فرق ازاي
زين
- ليلي أنا عمري ما هعرف اسامحها
ليلي وهي تقبل جفون عيونه بحنان
- مش هتهون عليك وهي اكيد هيجي يوم وتندم والله وتعرف ان الي مانت بتعمله غلط
زين
- هي عملت كده فعلا وطلبت مني اسامحها بس انا عمري ما هقدر اسامحها
ليلي
- الكلام ده من قلبك بجد ولا من وراه
زين
- انتي عايزاني اعمل ايه اقولها خلاص مسامحك انك كنت عايزاه تموتي مراتي بالأسحار والاعمال وانك كنتي عايزاه تحرميني من اغلي بني ادمه في حياتي دي عملت لابنها عمل انتي متخيله
ليلي
- كل إنسان وبيجي وقت عليه وبيكون شخص مش كويس وشيطانه بيغلبه يا زين بس ربنا نفسه بيسامحنا ويغفر لينا وبيقبل توبتنا مره واتنين والف مش هنقدر احنا نسامح بعض
زين
- بالظبط كده مش هنقدر فعلا ربنا غفور رحيم بس انا بني آدم عقلي مش قادر يستوعب اني دي امي فعلا وقلبي مش قادر يسامحها هي اذتني يا ليلي بدل ما تكون جنبي يوم فرحي وفرحانه بابنها الوحيد كانت بتعملي عمل علشان مقدرش اقرب من مراتي الي ربنا خلاص اخير احلها ليا اليوم الي كل الناس بتستناه هي خلته أصعب يوم في حياتنا لا عمري انا ولا انتي هنعرف ننسي الي حصل فيه
ليلي بحزن
- انا عارفه ان ده كله صعب بس انا مش عايزاه اشوفك انت مضايق انا عارفه انك جميل وقلبك جميل وهتسامحها في يوم من الايام
زين
- عمري يا ليلي عمري
ليلي
- ينفع متقولش كده
زين
- بقولك ايه انتي انتي وحشتني وبعدين ايه الجمال ده اول مره اشوفه ده
ليلي
- اشطر حد في تغيير اي موضوع بس خلاص الي يريحك
زين
- خدي تعالي هنا رايحه فين بقولك وحشتني
ليلي
- هعملك غدا طيب
زين
- تعالي بس اقولك وبعدين نبقا نشوف الغدا ده
ليلي
- يا زييين
زين
- يعيون زين
بقولك ايه صح انا طلقت مروة لسه هترد ليلي عليه قاطع كلامها بقبله عميقه
بعد مرور بعض الوقت ليلي وهي بحضن زين
- طلقت مروة امتي
زين
- مش قولتلك لو مرجعتش هطلقها وفعلا حصل ورنيت عليها كمان بعد ما رجعت من المستشفي وحكي ليها زي الي حصل في المكالمه
ليلي
- مكنتش متخيله انها ممكن تطلع كده
زين
- توقعي اي حاجه من اي حد وبعدين مش موضوعنا احنا كنا بنقول ايه
ليلي
- مكناش بنقول حاجه نااام يا زين ناااام
زين
- انا ايه بقولك وحشتينينيني
بعد مرور اسبوع كان هلال وليلي وعمر وقمر ومحمود وضياء وكوثر ومحمد وهناء وعمرو كانت جميع العائله بالقاهره معادا لطيفه وبناتها
قمر
- والله يا ليلي مش هينفع ننام معاكم فوق بجد
انتوا لسه عرسان جداد هنام كلنا هنا مع عمي ومرات عمي
ليلي
- عرسان جداد ايه دحنا بقالنا شهرين شهرين ونص اتقي الله يا زين قووول حاجه
زين
- زي ما ليلي بتقول كده احنا كلنا الرجاله هنام هنا تحت وانتوا كلكم ومرات عمي كمان معاكم فوق يلا مع ليلي علشان تكونوا براحتكم
هلال
- خليك انت بس مع مراتك واحنا هنتصرف هنا وهاخد انا الشباب ونروح شقة الزمالك
حسين
- والله ما يحصل
زين
- في ايه يجماعه هو احنا متجوزين امبارح كبرتوا الموضوع ليييه طب عليا الطلاق الحريم كلهم فوق واحنا هنا تحت خلاص خلصنا
ليلي بصدمه
- انت بتخلف طلاق علياااااا
هلال
- وكمان قدام ابوك
زين
- منتوا زهقتوني بصراحه لا خليك مع مراتك لا مش عارفه ايه هما يومين مش مستاهله
ليلي
- رد عليا انت بتحلف عليا طلاق يعني لو حد عاند دلوقتى ابقى انا طالق!!!
زين
- اكيد لا يا ليلي محدش هيعمل كده
ليلي وهي تقترب منه بعصبيه وتربع يداها أسفل صدرها وتهز جسدها
- وافرض حد عمل كده فعلاااا هتطلقني يعني بسهوله كده
زين
- استهدي بالله بس نفيش الكلام ده
هلال
- اقسم بالله تستاهل ايوه يا ليلي متسكتيش
زين
- في الحالات الي زي دي بنهدي الدنيا هاااا بنهدي
حسين
- ليلي يحبيبي زين بس قال كده علشان عايز يصر علس رأيه علشان مش عايز ولاد عمك يباتوا في مكان تاني بس
ليلي
- علي فكره مش مبرر مينفعش يخلي الجمله سهله علي لسانه كده ممكن لقدر الله الشخص الي قدامه فعلا ميعملش الي هو حلف عليه
علي العموم براحتك يازين يلا يجماعه نطلع احنا فوق علشان الرجاله السبب في كل المشاكل
زين
- خدي بس تعالي هنا هتطلعي وانتي زعلانه كده والله مكنش قصدي فعلا
ليلي
- حصل خير يلا يعمتو يلا يطنط هناء وكوثر يلا ا ماما يلا يلا كلنا
طلعوا كلهم وتركوا الرجاله جميعا بالأسفل
محمود
- اشرب بقا يجامد فيها نكد اسبوع دي
زين
- ياريتها ترسي علي اسبوع دي شكلها هتدخل في شهر
هلال
- كلامها صح علي فكره بلاش تخلي الجمله سهله علي لسانك
زين
- والله اتعصبت منكم بس اكيد مكنش قصدي
هلال
- الكلام ده مفهوش قصد ولا مش قصد انا مش عيل صغير والنهارده قبل متنام تصالح مراتك
حسين
- براحه يهلال الموضوع مش مستاهل هي ليلي الي بتزعل بسرعه
هلال
- لا مستاهل وهي عندها حق وهو عارف ده وعارف انه غلطان متحاولش انت تشيل الغلط عليه زي ما بتعمل كل مره ليلي مش بتدلع
عمر
- صلوا علي النبي يجماعه الغي الخطوبة خالص والله
هلال
- شوف المتخلف التاني ده بنتكلم في ايهوهي بيقول ايه انامش قايل الحلفان مش سهل واحد يحلف علي مراته والتاني دلوقتى بيحلف علي الخطوبة ايه العبط ده متعقلوا
زين
- هصالحها ان شاء الله ومن غير متقول كنت ناوي اعمل كده اكيد
هلال
- لما نشوف
عند الستات فوق
ناهد
- ليلي مكنش ينفع الي عملتيه مع زين تحت كلنا عارفين انه مكنش يقصد اكيد
ليلي عمتها
- وبعدين هو يقدر ياستي حتي يفكر في الموضوع ده مصدق اتجوزك
كوثر
- هما كل الرجاله كده وفي الصعيد بالذات بس ده بيكون علشان هما عارفين ان الي قدامهم اول ما يقول كده مش هيوقع حلفانه
هناء
- واحنا اكيد محدش مننا كان هيوقع حلفان الطلاق يعني
ليلي
- حصل خير يجماعه خلاص موضوع وعدي حد يحب يشرب او ياكل حاجه اعملهاله وبعدين ايه ده غيروا لبسكم يلا واقعدوا براحتكم البيت بيتكم والي عايز اي حاجه براحته
قمر
- انا عن نفسي هتدخل اعمل قهوة حد عايز
ليلي ٢
- معاكي واحده مظبوط
هناء وكوثر
- عايزين شاي
ناهد
- وانا هقوم اعمل سندوتشات جبنه جنبهم كده
ليلي
- براحتكم خالص هدخل اغير واخد دش وارجعلكم الحمام التاني شغال لو حد حب ياخد دش
دخلت ليلي غرفتها وامسكت الهاتف بعصبيه رأت زين مرسل اليها رساله
زين
- ممكن تطلعي تستنيني في البراندا الي فوق علشان محتاج اتكلم معاكي في حاجه
ليلي
- لا والله مش ممكن
زين
- ليلي بتكلم جد اطلعي استنيني فوق
ليلي
- مش طالعه في حته ومش عايزاه اتكلم في حاجه ومش فاضيه
زين
- والله اطلع اخدك انا انتي فاكراني هتكسف
ليلي
- والله محدش يقدر يخليني اعمل حاجه غصب عني ماشي
واغلقا هاتفها ودخلت الحمام
في نفس الوقت كان زين صعد الي الشقه وطرق الباب عدت مرات بخفه
كانوا جميعهم بغرفه اليفينج أمام التلفاز لبست قمر حجابها وخرجت تفتح الباب
زين
- في حد خالع راسه
قمر
- لا لا وكلهم في الليفينج جوا اصلا محتاج حاجه
زين بهمس
- عايز اصالح صاحبتك الي دماغها ناشفه مش عايزاه تنام زعلانه جيت اكلمها قفلت التلفون في وشي هي معاكم جوا
قمر بابتسامه
- لايعم في اوضتكم قالتلنا داخله تاخد شاور
زين
- حلو اوي
ظبطيلي الدنيا انتي بقا علشان وانا خارج من الاوضه هبعتلك احسن يكون حد في الصاله خالع راسه خمس دقايق بالظبط وهنزل والله
قمر
- براحتك يعم
دخلت قمر اليفينج
ناهد
- كان مين يقمر
قمر
- كان وين بيسالني لو محتاجين حاجه من بره وكده قولتله لا كل حاجه تمام
ناهد
- فيه الخير والله
بغرفه ليلي وزين كانت ليلي مازالت بالمرحاض وزين جالس ينتظرها
خرجت ليلي وهي تجفف شعرها ولاف الفوطه علي جسمها
زين
- والله مش عارف انا ايه الجمال الي ملهوش نهايه ده
ليلي
- انت دخلت هنا ازاي يخربيتك خضتني
زين
- هو انا ابن الجيران انتي عبيطه انا جوزك ودي شقتنا
تركته ليلي وذهبت جلسه أمام التسريحه تمشط شعرها
- جوزي اه الي لسه حالف عليا طلاق دلوقتى
زين وهو يقترب منهل ويأخذ الفرشه ويبدأ هو بتمشيط شعرها كما اعتاد علي فعل ذلك
زين
- انا عارف اني غلطت قوليلي اعمل ايه وتسامحيني
ليلي
- متعملش حاجه تنزل تنام وخلصنا
زين
- واسيبك تنامي زعلانه مني
ليلي
- كنت فكرت في لحظه قبل متقولها لحظه لو انا فارقه معاك انا عارف انا فضلت لحظه كده مش مستوعبه الجمله
قبل زين شعرها بحنان
- حقك علي عيني يا ست ليلي أنا آسف والله
ليلي
- خلاص يا زيت مش زعلانه ويلا بقا انزل منظري ايه انا لما نخرج انا وانت من الاوضه دلوقتى واحنا عاملين هوليله تحت ان فيها ايه لما نبات كل واحد في مكان
زين
- محدش يعرف اني هنا غير قمر متقلقيش وهما مشغولين بالفيلم في الليفينج
مش موضوعنا ده دلوقتى انا فعلا بحبك يا ليلي ومكنش قصدي ابدا والله انا مقدرش استغني عنك
ومش هسمح لده انه يحصل ابدا
ليلي
- خلاص خلاص مش زعلانه بجد اخرج يلا علشان اغير واخرجلهم
زين
-طب متغيري يلا انا اديني مستني علشان حتي أصدق انك مش زعلاانه
ليلي
- اقسم بالله يعني انت شايف ان ده وقته يلا بجد بقا مينفعش
زين
- طب حضن سريع برئ علشان انا مضايق من الي حصل وعايز احضنك
ليلي
- انت الي مضايق
زين وهو بيقرب منها وبيحضنها بحب
- مضايق من نفسي يا ليلي مضايق مني انا حقك عليا تاني
ليلي وهي تلف يداها حول ظهر وتربت عليه بحنان
- انا مش زعلانه خلاص كفايه اني مهونتش عليك انا مش مضايقه انت حبيب عمري يا زين
زين
- ايه الكلام الي يخلينا منمشيش ده بقا
ليلي سريعا
- لا يحبيبي انسي ويلا طرقنا كده دي جلسه ستات بس
زين
- خلاص ياست متزوقيش نازلين اهو استني بس ابعت لقمر علشان تأمن الجو
- قمر انا هخرج دلوقتى
قمر
- آاااامان اخرج
ليلي
- ايه شغل المخابرات ده
زين
- ده احتياطات امنيه يلا عن اذنك هتوحشيني اربع مرات سلااام وافتحي تلفونك يحيواااانه
ليلي
- اه وماله ان شاء الله اتكل علي الله انت بس
خرج زين بهدوء بدون أن يشعر به احد
مسكه هلال وهي بيتسحب وبيدخل الشقه براحه
- ايه الدنيا يبتوع الليلي وآخره انتوا
زين
- زي الفل اتصالحت الحمد لله
هلال
- اتمني متتكررش تاني بقا
زين
- ان شاء الله
هلال
- يلا ادخل شوف هتنام فين مع اني متأكد انك هتدخل تنام في اوضه ليلي
زين
- بالظبط كده تصبح علي خير بقا
هلال
- وانت من اهله يحبيبي
باليوم التالي
كانوا يجتمعون كلهم حول المائدة
عمر
- نحاول نخلص اكل ولبس في السريع علشان الوقت ميسرقناش لان بيتها بعيد عن هنا
هلال
- احنا مش هناخد وقت في لبسنا الدور والباقى علي الستات
ليلي
- ساعتين بالظبط وهنكون قدامكم ابقوا لموا انتوا الاكل بقا مش احنا الي بنتاخر يلا لشقتنا
ناهد
- يابنتي ميصحش
هلال
- لا عندها حق الشباب هيلموا الدنيا اطلعوا انتوا يلا بس علشان منتاخرش خلصوا لبس
ليلي٢
- والله طالما مصرين خلاص يلا
طلعوا فعلا وكل واحده لبست الدريس الخاص بيها وليلي وضعت لمساتها الخفيفه عليهم جميعا
ليلي كانت لابسه فستان شيفون اسود ساده وعليه طرحه سوده وهيلز سيلفر
وقمر كانت لابسه دريس زيتي شيفون برضو
تحت عند الشباب كانوا خلصوا لبس وبدأ يستعجلوهم
نزلت ناهد
- خلصوا ونازلين اهم والله
بعد وقت قليل نزلت ليلي وقمر
والباقى
زين بهمس
- انا مش قولت بلاش ميكب خالص
ليلي
- البس اسود في اسود وكمان بلاش ميكب نخليها عزا بقا مش خطوبه
زين
- عزا اه كله بحسابه براحتك امسكي بس المنديل ده خففي الزفت الي علي بوقك ده شوية حاطه احمر يا ليلي احمرررر
ليلي
- ده نبيتي علي فكره مش احمر او كمان نبيتي علي بني كده
زين
- لا والله تصدقي مخدتش بالي بقولك امسحييييه
ليلي
- خلاص اسكت لما نركب العربيه اهدي
زين
- لما نشوف
ركب حسين وناهد عربيه
وهلال وليلي اخته عربيه وضياء ومحمد وكوثر وهناء عربيه
وقمر محمود عربيه وعمر في عربيه لوحده علشان هيجيب فيها للعروسه
وليلي وزين عربيتهم
واتحركوا
زين
- أمسحي يلا الي انتي حطاه ده
ليلي
- يا زين معلش بقا مش اليوم ده فرح
زين
- يعني ايه يعني فرح مش فاهم يعني مفيش فيه ذنوب يعني ولا ايه
ليلي
- مش قصدي طبعا بس يعني خلاص حطيته
أوقف زين العربيه فجأه وامسك المنديل بيد وفكها وقرب وجهها منه باليد الاخري وبدأ في مسح الروج
زين
- لما اقول علي حلجه متحصلش متنشفيش دماغك تاني وتقرري تحطيني قدام الأمر الواقع وتفتكريني كل مره هوافق عادي علشان خاطرك انا قولتلك قبل كده ده ميحصلش تاني في اي حاجه عموما صح ولا غلط
ليلي
- يا زين وجعت بوق سيبني طيب همسحه انا خلااااص بهدلتني
زين
- مفيش حاجه اتبهدلت انا مسحت الروج بس
ابقى حطي الي انتي عايزاه في البيت احمر بني عنابي الي انتي عايزاه
ليلي
- خلاص يا زين مش مسحته خلاص خلصنا
زين
- ايوه ايوه اتقمص يلا
دور زين العربيه واكمل طريقه
ليلي
- مش مقصوصه علي فكره زعلانه
زين
- براحتك كده كده انتي الي غلطانه
ليلي
- والله ماشي يا زين ماشي ينفع احط مرطب علي شفايفي طيب علشان بتوجعني
زين
- ماشي لو ده حطي عادي
بعد قليل
- هو بيلمع كده ليييه
ليلي
- لا بقا والله ارميلك نفسي من العربيه
زين بضحك
- خلاص خلاص بهزر ياستي
يلا علشان وصلنا
كان عمر ومريم يجلسون علي الكرسي الخاصين بهما وليلي والدته لا تكف عن الزغاريد والفرح متشره بينهم والأجواء سعيده جدا ومفرحه
ليلي
- جميله اوي يا زين ماشاء الله
زين
- مش أجمل منك ياست ليلي
ليلي
- اه طبعا انت هتقولي يلا بس نسلم عليهم
زين
- يلا
ليلي وهي تقترب منهم بفرحه شديده
- ازيك يا مريم انتي جميله اوي علي فكره بالمناسبه انا ليلي بنت عم عمر ومرات زين ده زين اكيد تعرفيه
مريم
- شكرا لذوقك والله يا مدام ليلي بجد حضرتك الي جميله جدا ماشاء الله عمر حكالي كتير اوي عن حضرتك وعن بشمهندس زين كنت مستنيا بفارغ الصبر اليوم الي هشوفك فيه حقيقي والله
ليلي
- ايه حضرتك ومدام دي انا لسه ٢٢ يعني اسمي ليلي بس وده زين عادي ده قد عمر ويعتبر اخوه
مريم بخجل
- الي حضرتك تحبيه
ليلي
- هتقولي حضرتك تاني يابنتي انا ليلي وده زين وللي هناك ده عمرو وده محمود ودي قمر كل دول بأسمائهم بس انتي بقيتي واحده مننا خلاص
مريم
- محظوظه بيكم والله عيله جميله ربنا يحفظكم
زين
- ده من ذوقك الف مليون مبروك نورتي العيله مبروك يعمر
عمر
- الله يبارك فيك يا زين
ليلي
- مبروك يعمر يا زين ما اختارت والله مبورك يمريومه نورتي العيله
مريم
- الله يبارك فيكم ولله شكرا
انتهت الخطوبة بأجواء سعيده وكانوا في طريقهم الي المنزل
ليلي
- زين لو عدينا علي صيدلية فاتحه ابقى أقف محتاجه انزل اشتري حاجه
زين
- تنزلي انتي ليه في الوقت ده هنزل انا
ليلي
- هنزل انا يا زين هجيب حاجات بنات
زين
- لا والله علي اساس بقا اني مش عارف حاجات البنات الي انتي عايزاها دي وبعدين ده مش معادها ولا انا يتهيالي
ليلي
- يا زين بقااا اتاخرت شوية ايوه بلاس كلام كتير بقا الله يخليكي وخليني انزل علشان هتشتري كام حاجه تاني خاصه بيا
زين
- خلاص ياستي انا هسيبك علشان عارف هرموناتك طافحه دلوقتى
انا في العربيه اهو لو احتاجتي حاجه معاكي الفيزا صح
ليلي وهي بتنزل من العربيه
- اه معايا مش هتاخر
دخلت الصيدليه لما تطول وخرجت حامله كيس به اكثر من غرض
زين
- محتاجه حاجه تاني من اي مكان قبل ما منروح
ليلي
- لا لا كل حاجه في البيت كامله
وصلوا اخيرا البيت وصعدت ليلي فوق وزين مان تحت مع الرجاله
ناهد
- ايه اتاخرتوا عننا ليه
ليلي وهي تدخل غرفتها
- ابدا كنت بتشتري حاجات نقصاني هغير واجيلكم
قمر
- وانا هدخل اخد دش انا كمان
دخلت ليلي غرفتها وأخرجت اختبار الحمل بتوتر ونظرت له والي طريقة استخدامه بدلت ملابسها ودخلت المرحاض
خرجت من الحمام تنظر الي الخطين الاحمر الموجودين به بتوتر شديد
ليلي بخوف
- ازاااي انا كنت واخده بالي ومكنتش بنسي ازاي انا مش فاهمه اكيد في حاجه غلط هجرب التاني
جربت مره اخري وكانت نفس النتيجه
في ذلك اللحظه دخلت قمر
- بقولك ايه شوفيلي عندك بيجامة مريحه علشان الي معايا اتبلت في الحماااا
ليلي بتوتر سقط منها اختبار الحمل
قمر
- ايه ده مالك يابنتي لونك مخطوف كده ليه وايه الي وقع من ايدك ده
التقطت ليلي بسرعه
- لاااا... ولا ح...ااجه
قمر
- ولا حاجه ازاي وريني بس كده الي في ايدك وشدته منها ونظرت اليه بصدمه تحولت الي فرحه سريعا
- ليلي انتي حااامل انتي حامل بجد يا ليلي
ليلي
- هششش هششش انا انا في حاجه غلط اسكتي
قمر
- غلط ازاي يعني مش فاهمه
ليلي
- انا كنت باخد مانع الحمل معرفش ده حصل ازاي معرفش يمكن لغبطت الايام طيب وانا مستغربه هي مجتش ليه الشهر ده انا مش عارفه هعمل ايه بجد انا متوتره وخايفه خايفه معرفش اخد بالي منه يا قمر
قمر
- مانع حمل ليه وزين يعرف بالكلام ده وخايف ليه ما كلنا معاكي وطنط ناهد وزين وكلنا مش هتكوني لوحدك
ليلي
- زين عارف اه عارف بس انا مش عارفه ده حصل ازاي طيب
قمر
- علشان دي ارادة ربنا وده الي ربنا عايزاه يلا بقا افرحي كده علشان نفرحهم كلهم
ليلي
- لا لا انا اتوترت ناديلي ماما بالله عليكي
قمر
- عيوني
دخلت ناهد الغرفه
- في ايه يحبيبي قمر قالتلي انك عايزاني ومالك لونك مخطوف كده ليه
ليلي
- ماما بصي انا حامل
نظرت لها ناهد بصدمه ثم أمسكت اختبار الحمل بيدها ومن فرحتها زغرتت عدت مرات ورا بعض
ليلي
- باااس بااااس انا خايفه انتي بتزغرتي
ناهد
- خايفه خايفه من ايه
ليلي
- خايفه معرفش اخد بالي منه يا ماما انا لسه بدرس
ناهد
- يحبيتي انا دايما موجوده معاكي متخافيش وافرحي واول ما تبداي تحسي بيه جوا بطنك هتنسي اي خوف وهتبقى مستنيا لحظه ولادته علي احر من الجمر كمان
دخلت ليلي وكوثر وهناء وقمر علي صوت ناهد
ليلي٢
- في ايه
ناهد بفرحه
- ليلي حامل
ليلي ٢ بفرحه وهي بتجري تحضنها
- الف مبروك يحبيبتي مبروك وهي الحامل بتبقى وشها مخطوف كده لا لا افرحي كده دي هتبقى فرحة اول حمل ليكي عمرك ما هتنسيها
هناء
- مبروك يا ليلي يحبيتي
كوثر كذلك
ليلي
- يجماعه بالله خلاص سيبوني استوعب
بس
ناهد
- اهدي بي كده وخدي نفسك ومتخافيش من اي حاجه كلنا جنبك والله
ليلي
- بجد يما ما يعني هعرف اخلي بالي منه انا خايفه
ليلي٢
- طبعا هتعرفي ومش هتكوني عايزاه حد غيرك يلمسه كمان ومتقلقيش في الاول كلنا هنكون معاكي ده اول حفيد في العيله ياست ليلي يعني هياخد كل الدلع
- يلا بقا علشان نعرفهم تحت
ليلي
- لا استنوا استنوا
في الجهه الاخري تحت
هلال
- حد سمع زغاريد
حسين
- تلاقيهم لسه بيكملوا الخطوبة فوق الستات بقا لما بتتلم علي بعض
هلال
- عندك حق والله
فوق في شقه ليلي
ليلي٢
- ليه اناي مش عايزاه تعرفي زين
ليلي
- مش مش عارفه اعرفه ازاي طيب انا متوتره
ليلي٢
- احنا هننزل نتعشي معاهم دلوقتى محمود كلب اكل لينا كلنا واحنا بنتعشي قوليله
قمر
- لا لا احنا نلف اختبار الحمل بحاجه ستان كده ونحطها في طبق زين
ناهد
- لا لا هي ليلي ترن عليه
ليلي٢
- ترن عليه ايه لا طبعا تنزل تقوله
هناء
- تبعتله رساله
كوثر
- مش للدرجه دي
ليلي
- ممكن تسكتووووا ومحدش يفكر تاني خلاص بس انا هتصرف بس لو سمحت محدش يقول اي حاجه لحد منا اقول يلا ننزلهم علشان نتعشي
قمر
- اه يلا محمود بعتلي ان الاكل جه خلاص سيبوها علي راحتها
لبست كل واحده الاسدال الخاص بيها ونزلوا وليلي كان معاها اختبار الحمل
كانوا الجميع حول المائده كل واحد بجانب مراته
اقترب زين من ليلي وهمس
- انتي شكلك مخطوف كده ليه تعبانه اطلبك مسكن
ليلي
- لا لا انا..ااا كو..يسه
زين
- كويسه ازاي يعني شكلك تعبان طب نزلتي ليه كنتي نامي وانا كنت هطلعلك الاكل انا عارف انك مش بتقدري تتحركي
هلال
- لا كلام علي طعام يبهوات كلوا
ليلي٢
- متسيبهم براحتهم مش كفايه مخلينهم كل واحد في شقه
هلال
- نخلص اكل ويقولها الي عايزه
زين
- ان شاء الله حاضر
اقترب من ليلي مره اخري وهمس
- تعالي نطلع فوق طيب لو مش مرتاحه كده كده هيفضلوا قاعدين مع بعض حبه هفضل معاكي لحد متنامي بس واعملك حاجه دافيه
ليلي بتوتر وهمس وهي تخرج اختبار الحمل من تحت كم الاسدال أسفل السفره بين رجلها ورجل زين وتردد بتوتر
- زي..ن زيي...ن ان...اااا حااام..ل
نظر لها زين بصدمه غير مصدق او مدرك
- بتقولي ايه
اشارت بعينها تاجهه اختبار الحمل
- والله حتي شوف
اسمك زين بكلتا يداه ونظر اليه بصدمه ثم نظر الي ليلي وشدها من اديها
- تعالي معايا
هلال
- في ايه يابني وشك اتغير كده ليه وواخدها ورايح علي فين
زين
- معلش ثواني وراجعين ليكم يجماعه هستاذنكم
دخل بها زين الي غرفتها وأغلق الباب ونظر لها وجمع شتاته وضم وجهها بين كفوفه
زين
- انتي فرحانه ولا خايفه ولا مش عايزاه
ليلي واخيرا سمحت لدموعها ان تنزل بين يداها
- انا انااا خايفه يا زين خايفه مقدرش خايفه يتعب بسببي او بسبب ضعفي
زين
- في فرف بين خايفه وبين مش عايزاه يا ليلي عرفيني بس انتي انهي فيهم
ليلي وهي تضع يداها علي بطنها بسرعه
- اكيد لا يعني ده جزء مني انا بس خايفه ومكنتش عامله حساب اي حاجه انا معرفش ده حصل ازاي
زين
- دي ارادة ربنا وبكره هنروح للدكتورة وهي الي هتقرر انتي ضعيفه ولا لا واكيد هتكتبلك علي فيتامينات متقلقيش وانا دايما معاكي والله مش هسيبك لحظه بس انا مش عايز احس انك ندمانه
ليلي
- انا مش ندمانه لا انا بحبك يا زين واكيد نفسي يكون عندي بيبي منك انا بس كنت قلقانه من الخطوة دي دلوقتى
حضنها زين بشده وسمح لدموعه ان تنزل هو الاخر
شعرت ليلي به يبكي
ليلي بحنان
- زين انت بتعيط!!
لم يكن هناك جواب الا زياده بكائه وهزته جسده
لفت يداها حول رقبته وبدأت تربت علي شعره بحنان
- خلاص خلاص كل حاجه هتبقى كويسه انا كفايه عندي انك مبسوط كده انا لو كنت اعرف انك مستني اللحظه دي بالشكل ده مكنتش اخدت اي وسيلة منع حمل والله يقطع التعليم ياسيدي كله يهون لاجل عيونك وعيون حبيبي الي جاي في الطريق
زين ضم وجهها بكفوفه واقترب منها
- انا حاسس اني ممكن اموت دلوقتى من كتر الفرحه الي في قلبي يا ليلي
ليلي
- بعد الشر عليك يعيون ليلي
زين وهو يقبل جفون عيناها
- انا هبقى اب اخير ومن مين من اكتر انسانه حلمت ودعيت بيها طول حياتي انها تكون ام لأولادي اخيرا يارب
ليلي
- يابختها ولا يبخته بيك وباب زيك والله الحمد لله اني عرفت اختار حد حنين وجميل زيك يا زين
زين
- احنا لازم نروح لدكتورة علشان نتابع ونطمن عليكي ونعرف في الشهر الكام ونعرف كل حاجه وكل التعليمات وكله كله
ليلي
- اهدي بس براحه بكره هنعمل كل حاجه ان شاء الله
يلا بس نخرج نعرف الي بره دول علشان هنا قلقوا واحنا داخلين
زين بسعاده
- يلا
خرجوا من الغرفه
هلال بقلق
- في حاجه حصلت ليلي انتي بخير قلقتوني يولاد مالكم حد يرد
زين
- شوف انت بتقلق علينا احنا الاتنين ازاي من أقل حاجه مع الاسف يؤسفني اقولك قلقلك ده مش هيقل بل هيزيد ويزيد كمان بغلاوة اكتر علي حد اغلي مننا كده
هلال
- انا مش فاهم حاجه انت بتقلقني اكتر دلوقتى ليه
زين
- علشان حفيدك جاي في السكه خلاص
كلهم اتصدموا والستات كانوا مبسوطين برد فعلهم اكتر
هلال بصدمه هو وحسين
- ليلي حااامل
ليلي
- شوف ازاي سبحان الله
حسين وهو بيحضنها
- هتخليني جد يابنت حسييين جد الف مليون مبروك يعمري كله الف مبروك يحبيبة بابا
ليلي
- الله يبارك فيك يحبيبي
هلال
- تعالي تعالي في حضني مش متخيل هيجيلي حته صغيره كده اشيلها بين ايديا من اغلي اتنين في حياتي يااااه يا ليلي اخيرا شدي حيلك بس انتي وهاتي او هاتيها بالسامهوهي هتعيش معايا انا عمرها كله مبروك يجبيبتي مبروك
ليلي
- يبخته بيك يابابا والله هيجي يلاقي أجمل عيله حواليه ربنا يخليكم ليا كلكم
حضن هلال زين وهمس
- مش قولتلك ارادة ربنا فوق كل شئ الحمد لله يحبيبي ربنا أراد يراضيكي ويراضي قلبك علشان انا مهانش عليك تزعل مراتك
زين
- الحمد لله يارب الحمد لله
- بارك الجميع لهم بسعاده كبيره وكان اليوم طويل للغايه ولكنه انتهي اخيرا بكل أحداثه الجميلة
باقى البارت الجاي هكتب ليكم في نهايته حقيقه كل شخصيه ونهايتها بخلاف نهاية الرواية شكرا ليكم بحبك ❤️
وكلامكم حقيقي فرق معايا وبرغم تعبي كنت بكتب كل يوم جزء علشان خاطركم حقيقي شكرا والله ❤️
حواديت_من_الواقع
البارت الاخير "15" الجزء التاني
بصباح اليوم التالي ليلي وناهد وزين عند الدكتورة
الدكتورة
- لا لا عاال اوي كل حاجه كويسه متقلقيش
- اهم حاجه بس تهتمي باكلك الفترة دي كويس والفيتامينات الي هكتبها بلاش مسكنات الي للضرورة ويكون بنادول بس وهدي أعصابك شوية هو بس علشان اول حمل
ليلي
- هو في الشهر الكام
الدكتورة
- في نص الشهر التاني كده او أوله علي حسب كلامك وتأخر البريود عندك
هتحتاجي متابعه كل اسبوعين كده ياريت تنوريني لحد ما نطمن وتبقى كل شهر أو تلات أسابيع بلاش تشيلي حاجات تقيله او تعملي اي مجهود علشان الحمل لسه في أوله يثبت واعملي الي عايزاه
ليلي
- انا هبدأ دراسه كمان شهر وانا بدرس طب ده ممكن يأثر عليه حضرتك اكيد عارفه فرهدت الكليه
الدكتور
- لا ابدا اهم حاجه انتي بس تاخدي بالك من نفسك ومن اكلك
ليلي
- حاضر يا دكتورة شكرا
زين هممم جنب الدكتورة كده وقال
- بالنسبه للعلاقه يا دكتور
الدكتورة
- بلاش دلوقتى خالص علشان الحمل لسه في الاول في التالت كده وكمان بحرص
ليلي
- تمام شكرا لحضرتك يا دكتورة
الدكتورة
- تحت امركم والف مبروك ولو حصل اي جديد او احتاجتي اي استشارة ابعتي علي رقمي الي في الكارت ده رساله وانا هكون مع حضرتك شخصيا
زين
- شكرا جدا يا دكتورة اللله يبارك في حضرتك يلا يا ست ليلي
- سند ليلي من علي السرير وخرجوا لناهد
ناهد
- طمنوني الحمل مستقر
زين
- كل حاجه زي الفل الحمد لله
ليلي
- زين لحظه هدخل اسئله عن حاجه نسيتها بسرعه وراجع
زين
- اجي معاكي طيب لا لا خليك
دخلت ليلي للدكتورة
- دكتورة معلش انا اسفه محتاجه اسأل عن حاجه
دكتورة
- اتفضلي طبعا مدام ليلي تحت امرك
ليلي
- انا انا يعني كنت باخد برشام مانع حمل بانتظام وحضرتك كنت عارفه ومتابعه معايا فعايزاه اعرف ده ممكن يكون حصل ازاي
الدكتورة بابتسامه
- بتحصل عادي يا ليلي ممكن تكوني نسيتي تاخدي جرعه او بدلتي بين جرعه وجرعه او ماخدتش جرعه في معادها في أسباب كتير بس في الاول والاخر دي ارادة ربنا
انتي مضايقه من الحمل ولا ايه
ليلي بنفي سريعا
- لا لا ابدا انا بس كنت عايزاه اعرف الأسباب الممكنه شكرا لحضرتك يا دكتورة
الدكتورة
- متقلقيش يا ليلي انا كنت زيك واتخرجت وابني معايا في حفله التخرج ومفيش اي حاجه أثرت عليا الموضوع هيكون مرهق شويه ده اكيد بس الاتنين يستاهلوا الإرهاق وزين شكله بيحبك اكيد هيساعدك كتير متقلقيش
ليلي
- اكيد يا دكتورة خير بإذن الله شكرا لحضرتك
خرجت ليلي
ناهد
- في حاجه ولا ايه
ليلي
- لا لا مفيش يلا نروح بقا علشان كلهم في البيت مستنين
زين
- يلا يحبيبي
روحوا البيت
هلال
- عملتوا ايه
زين
- الحمد لله كله تمام وفي بداية الشهر التاني اهو
هلال
- يعمري يجي بالف سلامه يارب
ليلي٢
- اهم حاجه يا لولي تخلي بالك من اكلك يحبيتي ده دلوقتى بتاكل لاتنين انتي والبيبي
ليلي
- حاضر يعمتو متقلقيش
قمر
- تحبي افضل معاكي مسافرش معاهم علشان اساعدك
ناهد
- متقلقيش عليها يحبيتي انا معاها بس ده طبعا ميمنعش ان وجودك في اي وقت ده بيتك وانتي اختها
ليلي
- شكرا يحبيتي يا قمر انا كويسه متقلقيش وكده كده دراستي هتبدا الشهر الجاي هنشغل فيها وزين وماما وكلهم موجودين
قمر
- لو احتاجتي اي حاجه في اي وقت ابعتيلي بس وانا همرمط محمود واخليه يجبني علطول
محمود
- دحنا أوامر ماشيه علي الارض لاجل اول حفيد وباشا يشرف انتي بس اومري يا ليلي
قمر
- حفيد ايه بنت ان شاء الله
ليلي٢
- لا ولد بإذن الله
حسين
- ايوه ولد
زين
- خلصتوا كل الي يجيبه ربنا فهو نعمه انا راضي باي حاجه اهم حاجه عندي ليلي والي جاي يكونوا هما الاتنين بخير
هلال
- بالظبط كده اهم حاجه صحتكم يحبايبي
ليلي
- ربنا يخليكم ليا يجماعه كان نفسي تقعدوا معانا اكتر من كده بجد
هلال
- مينفعش كلنا نسيب الشغل والدار ونمشي مره واحده يابنتي اكيد بإذن الله هنجي زيارات كتير وهنستناكي انتي وجوزك تنوروا البلد قريب
ليلي
- ان شاء الله بس الحمل يثبت علشان الطريق واكيد هنجي
زين
- الحمد لله اني رفضت اخدك معايا من اسبوع أحمدك يارب
هلال
- ايوه متجيش من غير ما الدكتورة تقولك ينفع تسافري علشان الطريق طويله منفعش احنا كلنا الي هنجيلك عادي
ليلي
- حاضر يحبيبي
عمر
- فرحان من قلبي والله يا ليلي نشوفك علي خير دايما يارب
ليلي
- عقبال جوازك انت ومريومه يعمر آمين يارب
عمر
- هترن عليكي صح اخدت رقمك مني تمام
ليلي
- تمام هستناها
هلال
- يلا يجماعه علشان نلحق نمسك الصحراوي فتناكم بعافيه وانت خلي بالك منها
زين
- متقلقش يا حج توصلوا بالسلامه يارب
مشيوا الجماعه البلد
ناهد
- اطلعي يلا غيري لبسك وانا هخلص الغدا وهطلعه ليكم فوق
علشان تاخدي علاجك
ليلي
- ليه ننزل ناكل معاكم
ناهد
- احنا اكلنا مع الجماعه الي صحيتي متأخر
يلا بس بلاش لكاعه
ليلي
- حاضر ياست ماما
مسك دراعها زين وهي طالعه علي السلم
ليلي
- لا مش للدرجه دي اكيد مش هقع يعني
زين
- احتياطي برضو
ليلي
- اه فرحة البدايات دي انا عارفه كمان شوية وهتشقلبني علي السلم زي الكورة
زين بضحك
- انا والله عيب عليكي
طلعوا وغيرت ليلي ملابسها وناهد طلعت ليهم الاكل ونزلوا
ليلي
- ابغى اقولك ما الي نفس بس استحي
لم تكمل الجمله ودخل زين الاكل في بوقها ومعلقه ورا التانيه ورا التانيه مش سايب ليها فرصه تتكلم
زين بتنهيده
- بس كده الطبق خلص اشربي العصير ده يلا
ليلي
- يخربيتك انا عارفه اخد نفسي كنت هتفطسني
زين
- بعد الشر عليكي متقوليش كده خدي يلا الفيتامينات دي
ليلي
- حاضر
زين
- تحبي تعملي ايه دلوقتى
ليلي
- انااااام يوووم شاااق عايزاه انااام
زين
- انتي كنتي لسه صاحيه واحنا رايحين عند الدكتورة تنامي ايه
ليلي
- بالله عليك نعسانه
نظر لها زين ونظر الي بطنها بحب وقال وهو سرحان
- انا مش مصدق ومش متخيل يا ليلي ان الي عايش فيه ده دلوقتى حقيقه هنا في جزء مني جزاكي بيكبر كل يوم انا مش مصدق والله من كتر ما هو يوم فرحته كبيره اوي علي قلبي ومن كتر الصعب الي مرينا بيه مكنتش متخيل اني هوصله بالسهوله والسرعه دي
ليلي وهي بتضم وجهه بين كفوفها وبترفع عينه لمقابل عيناها
- لا صدق دي حقيقه انت حبيت تراضيني وتراضي طلبي ومحبتش تجي عليا او تجبرني علي حاجه وربنا حب يراضيك وحقق الي كان نفسك فيه في الوقت الي كنت عايزه انت جميل اوي من جوا يا زين وطيب اوي وربنا بيحبك
زين
- شكرا يا رب والله شكرا انتي عارفه رغم انت كنت عارف اننا ماجلين الموضوع بس مفيش صلاة مكنتش بدعي فيها ربنا يرزقنا بالذريه الصالحه
والحمد لله ربنا استجاب انا هكون جنبك دايما ياليلي واي حاجه صعبه هتعدي علينا احنا الاتنين سوا متقلقيش هوديكي الجامعه كل يوم وهجيبك هقوم انا بكل أمور البيت جنب شغلي انتي بس روحي الجامعه وذاكري وكلي وارتاحى مش عايز منك اي حاجه تاني
ليلي
- انت هتكون اب جميل اوي انا متأكده
زين
- وانتي هتكون اجمل واحن أم واشطر دكتورة
ليلي
- يلا بقا انا رايحه انام
زين
- يخربيت النوم
ليلي
- في الاول كنت بنام ليا لوحدي دلوقتى ليا ولبيبي يبقا هنام الضعف
زين
- والله
ليلي
- صدقني بقولك
اطفي النور ده بقا ابقى شيل انت الاكل انا تعبانه
زين
- تحت امرك سمو الأميرة
طفي فعلا النور واخد الاكل وخرج من الغرفه
بعد
بعد شهرين بالظبط لطيفه كانت لسه في بيت ابوها هي وبناتها وفعلا اتغيرت وطلبت السماح كتير من هلال ولكنه رفض مش عارفه توصل لزين وخايفه تسافر ليه يطردها او حسين ميقبلش بوجودها في البيت
ليلي كانت بدأت دراسه ويومها كان صعب والحمل كان أصعب كان تابعها جدا بس زين مكنش بيخليها تعمل حاجه فعلا وناهد كانت دايما بتعمل حسابهم في الغدا وبتحاول تساعد زين في حاجات كتير
عمر وخطيبته قرروا ان فرحهم يكون مع قمر ومحمود بعد كام شهر هما الاتنين سوا في البلد
وحاليا كل واحد بيجهز شقته في بيت العيله
مروة وامها اختفوا تماما واكتفوا بالفلوس الي مروة اخدتها وبمهرها الي وصلها وبالدهب
في يوم من الايام
صحيت ليلي علي مغص شديد في بطنها
- زين زين آآآآآآه زين قوم بطني
زين
- مالك في ايه دنتي لسه في الرابع
ليلي
- مش عارفه مش عارفه مغص فظيع مش قادره الحقني وكلم الدكتورة
زين
- اهدي اهدي طيب هرن عليها حالا
ايوه يا دكتورة انا اسف اني برن علي حضرتك في وقت زي ده بس ليلي تعبانه
الدكتورة
- خليها تشرحلي مالها او حاسه بايه
زين
- بتقول مغص شديد في بطنها
الدكتورة
- مغص ولا البيبي بيضرب بطنها
زين
- متأكده انه مغص يا ليلي
ليلي
- اه اه تحت صدري كده في بطني من فوق
الدكتورة
- كويس دي المعده اكيد دخلك برد بس فيها مش اكتر وعلشان انتي بترجعي كتير الفتره دي وهي اصلا تعباكي لكن بعيد عن البيبي متقلقيش تقلي لبسك وانت يا زين اعملها حاجه دافيه
زين
- حاضر يا دكتورة شكرا
أغلق زين الهاتف
ليلي
- الدكتورة دي متخلفه بجد معدة ايه
زين
- انا الي مش عارف انتي في طب بتعملي ايه هقوم اعملك حاجه دافيه
وقومي البسي حاجه احنا في الشتاء
ليلي
- والله دلوقتى قومي البسي حاجه ماشي يا زين ماشي
زين
- والله علشان مش هاين عليا اشوفك تعبانه بسببي مثلا
ليلي
- ماشي هلبس
بعد وقت
زين
- حاسه بايه
ليلي
- احسن فعلا الحمد لله هقوم اغير علشان تنزلني الجامعه عندي سكشن
زين
- مبلاش النهارده
ليلي
- مش هينفع غبت كتير قبل كده يلا بس بلاش كسل يلا
زين
- أمري لله قومي غيري وتقلي لبسك
هروح اجهزلك حاجه تفطري بيها
باسته ليلي من خده وقامت بسرعه
- أجمل زين في الدنيا والله
زين
- متجي ننام وبلاها جامعه
ليلي
- والله انت بتندمني اقرب منك باي شكل برئ روح اعمل الفطار متاخرريين
زين وهو ماشي من الغرفه
- والله دنا غلبان
وصل زين ليلي الجامعه
زين
- ارجع علي امتي
ليلي
- اربعه كده تمام
زين
- تمام خلي بالك من نفسك
ليلي
- حاضر يحبيبي سلام
-
الايام كلها كانت بتعدي شبه بعض وبطن ليلي كانت كل شوية تكبر اكتر واخيرا بعد تلات شهور كان معاد فرح قمر ومحمود وعمر ومريم قرب وكان لازم ينزلوا البلد
ليلي
- يلهوي مبسوطه اوي بس مكنش نفسي احضر افراحهم ببطني دي مكنتش لاقيه فستان ياربي
زين وهي بيبوس بطنها
- اجمل حاجه هتبقى في الفرح والله وبعدين الفستان شكله حلو فيكي اوي
-يلا بس علشان منتاخرش ونلحق نوصل بدري لأننا هنمشي براحه علشان الاستاذ الصغير ميضايقش
ليلي وهي بتحط ايديها علي بطنها بسعاده
- بس انا شكلك كنت عايز بنت فعلا بس مش مهم انا فرحانه اوي انه ولد علشان يبقى هو الي اكبر من اخته طول حياتي كان نفسي يكون عندي اخ اكبر مني بجد يازين ان شاء الله هيكون جدع وحنين زيك ويعرف ياخد باله من باقى اخواته بس ده بعد عمر طويل طبعا
زين
- عمر طويل ايه هي اخرهم سنه علشان سنهم يكون قريب من بعض حتي وبعدين والله ولد بنت اي حاجه تجي نعمه بالنسبالي
ليلي
- يلا طيب علشان منتاخرش فعلا احنا مش بنخلص كلام
شال زين الشنط ونزلوا
حسين
- امشي براحه يازين علشان نفضل ورا بعض وعلشان ليلي
زين
- كنا سافرنا في عربيه واحده احسن
حسين
- يابني دول فرحين ممكن حد يحتاج العربيه او حاجه
- يلا بس توكلنا علي الله
زين
- ماشي يعمي
اتحركوا وبعد كام ساعه وصلوا البلد
هلال
- الحبايب نوروا اخيرا قرب من ليلي وحط ايده علي بطنها وحبيب جدو ده عامل ايه
ليلي
- مطلع عيني والله بس هو كويس يعني
ليلي٢
- يا خوفي منك تولدي في الفرح انتي يا ليلي
ليلي
- لا دي حدوته تخوف انا لسه في آخر التامن لسه هبدأ في التاسع اهو متقوليش كده
ناهد
- امسكي معانا بس الأسبوع ده وبعدين اولدي براحتك
ليلي
- ده كابوس لو حصل بجد باااس محدش يفكر في الكلام ده
زين وهو بيضحك عليها
- بس ابوس ايدكم دي بتتلكك علشان تكتئب كل شوية سيبوها في حالها
في نفس اللحظه دخلت البيت لطيفه وبناتها
لطيفه
- حمدلله علي السلامه يا زين يابني وبصت علي ليلي وبطنها وابتسمت والف مبروك حمل مراتك محدش قالي يعني
هلال بغل
- كنت عايزاه تعرفي علشان تعملي للعيل الي لسه مجاش الدنيا عمل جديد ولا ايه
لطيفه
- لو انت مش عايز تسامحني سيبني في حالي سيبني اعرف اطلب السماح من ابني الوحيد
زين
- مش وقته الكلام ده عن اذنك يت حج هلال هاخد ليلي وهطلع علشان المشوار كان طويل عليها شد زين ليلي من ايديها وسحبها
لطيفه
- طب اسمعني الاول يا زين اسمعيني انتي طيب يا ليلي
وقفت ليلي زين بصلها زين بمعني يلا
بصت ليه برجاء انها تسمعها
وقفت ليلي وبصت للطيفه وبكل طيبه قالت
- قولي يا طنط انا سمعاكي
هلال بعصبيه
- خد ليلي واطلع يا زين
زين
- يلا يا ليلي يلا
ليلي
- علشان خاطري استنوا نسمعها علشان خاطري يا زين
لطيفه
- حقك عليا يا ليلي يابنتي حقك عليا كان الكرهه والغيره عاميين قلبي انا بقالي يمكن ٩ شهور وانا قاعده لنفسي قافله بابي كش بعمل حاجه غير اني بطلب من ربنا يسامحني ويغفر ليا ويلين قلب زين ابني عليا وان انتي كمان تسامحيني عايشه الشهور دي كلها مش عارفه انام بصحي علي كوابيس وانام علي كوابيس ابوس ايدك يا ليلي سامحيني بس وخلي زين يسامحني هو بيحبك يا ليلي وبيسمع منك انتي
اقتربت منها ليلي بحنان شدها زين بخوف
ليلي بهمس
- زين متخافش سيب ايدي
ترك زين يداها بقلق
اقتربت ليلي من لطيفه وامسك كف يداها
- انا مسامحاكي يا طنط وزين بس هياخد وقته الي حصل مكنش سهل عيله بس هو قلبه طيب واكيد هيسامحك انا عارفه بس اتمني تكوني اتغيرتي فعلا يا طنط مش علشاني والله علشان حضرتك وعلشان ده حرام
وطت لطيفه بسرعه علي ايد ليلي كانت هتبوسها
لكن ليلي سحبت ايدها بسرعه
- لا لا ابدا والله وحضنتها بحنان
لطيفه حضنت ليلي وهي بتعيط وبتردد حقك عليا يا ليلي حقك عليا
ليلي
- خلاص بقا عندنا فرح كفايه نكد
نورا وجني وياسمين جهزوا فساتينهم ولا لسه
لطيفه
- نورا عايزاه تستسمحك هي كمان قرب يا نورا بوسي ايديها
ليلي
- ايه ده مفيش الكلام ده نورا زي اختي ومن غير اي كلام انا مسامحها
نورا
- حقك عليا يا ليلي انا غلطت كتير في حقك
ليلي
- انا بسالكم دلوقتى جبتوا الفساتين ولا لسه
نورا
- محدش قالنا انهم هيتجوزوا يا ليلي
ليلي
- حصل خير لسه باقى اسبوع نبقا ننزل نشتري الفساتين الي محتاجينها وزين هيجي معانا مش كده يا زين
زين
- انا طالع انام يا ليلي خلصي الي بتعمليه وتعالي
سابهم زين وطلع شقته الي بالمناسبه كل حاجه فيها اتغيرت بطلب من ليلي
بصت ليلي بياس من زين الي احرجها وطلع وبعدين جعت بصت لنورا ولطيفه
- متزعلوش هياخد وقته بس ووعد هيكون كويس قريب ولو سمحت يابابا متخليش طنط لطيفه تمشي من البيت تاني
هلال
- انا مطردتش حد اولاني من البيت هي الي مشت بمزاجها
لطيفه
- هقعد وسطيكم ازاي وانتوا كل يوم تدعوا عليا ومحدش عايز يسامحني
هلال
- انتي تضحكي علي ليلي براحتك كلنا عارفين هي طيبه ازاي البيت بيتك وبيت بناتك متمشيش منه لكن انا مش مسامحك لسه وانتي عارفه لو فركتي بس تعمل حاجه تاني هيحصلك ايه
لطيفه
- والله العظيم ندمانه صدقني والله العظيم ما هعمل حاجه تاني بس خلي زين يبص في وشي حتي
هلال
- البيت بيتك يا لطيفه عن اذنكم سابهم ومشي هو التاني
بصت لطيفه لناهد
- وانتي يا ناهد مش هتسامحيني انتي كمان
ناهد
- بنتي الي اذتيها وعذبتيها سامحتك مش هسامحك انا يا لطيفه ربنا يهديكي يارب وتكوني فعلا اتغيرتي
ليلي٢
- كفايه جماعه وصلة النكد دي احنا عندنا فرحين مش فرح يلا يا نورا يلا جني انتي وياسمين اطلعوا اوضكم يلا عندنا حاجات كتير هتتعمل وانتي يا لطيفه البيت بيتك واوضتك لسه زي ما هي ياختي يلا
اطلعي يا ليلي لجوزك
كل واحد راح مكانه وليلي طلعت لزين وهي خايفه منه وعليه
ليلي
- ينفع الي عملته تحت ده
بصلها زين بجمود
- هو انتي الي اخدتي رأي في الي عملتيه تحت ده
ليلي
- هنفضل لأمتي كده يعني خلاص ده ربنا غفورا رحيم يا زين كل الشهور دي مش قليله عليها انا ام دلوقتى وحاسه بيها دنا متعلقه بيه من قبل مشوفه مبالك هي شوف مبرت قدامها كام سنه خلاص هي ندمانه سامحها يا زين انت نفسك مضايق انك مقاطعها حرام عليك نفسك يا زين ومتخافش قل لن يصيبنا الي ما كتب الله لنا وانت دايما بتقولي كده سيبها علي الله وهتعدي بإذن الله اخواتك الصغيرين ملهمش اي ذنب يا زين حرام عليك حتي دول مش بتصلهم دول ذنبهم اي يا زين
زين
- انتي قولتيلهم هتجبيلهم فساتين امتي
ليلي بفرحه
- بكره لو عايز
زين
- اتفقي معاهم وهستناكم بكره في العربيه
باسته ليلي من خده
- انت أطيب زين في العالم والله
زين
- شكرا يا ليلي شكرا انك دايما كويسه وجميلة وطيبه كده يابخت ابني بيكي
ليلي
- صحيح عايزين نختار اسم احسن اولد في الفرح زي ما بيقولوا
زين
- اختاري انتي ياستي ده من حقك انتي حد تعب زيك
ليلي
- هممم ممكن نسميه مش عارفه افكر في اسم الحمد لله
زين
- طب ايه رايك في نوح
ليلي
- جميل بس مش ماشي مع اسمك نوح زين لا لا
زين
- عندك حق طب عدى
ليلي
- باااس هو يونس
زين
- تاه عن بالي فعلا حلو يونس
ليلي
- اتفقنا يابو يونس
زين بضحك
- ماشي يام يونس ماشي
عد اليوم بتفاصيلها
في اليوم التالي
ليلي
- يلا يا نورا بسرعه زين خلقه ضيق
نورا
- نازلين اهو يا ليلي
نزلت نورا وجني وياسمين
وخرجوا لزين علشان يركبوا العربيه
زين
- اتاخرتوا ليه
ليلي
- مكنتش لاقيه جزمتي
نورا
- حقك عليا يا زين
زين
- بلاش نتكلم في الي فات يا نورا خلاص عامله ايه في حملك سمعت انك حامل الحمد لله
نورا بابتسامه وهي بتضع يداها علي بطنها
- الحمد لله يا زين اخيرا حامل بس لسه في التالت عرفت ازاي
زين
- عارف كل اخباركم يا نورا
ليلي بفرحه
- مبروك يا نورا مبروك بجد فرحتني
نورا
- اللهي بارك فيكي يا ليلي فيكي ايه انتي عادي واد ولا بت
ليلي
- فيا يونس
نورا
- مليون مبروك يجي بالسلامه يارب
ياسمين
- ان شاء الله يطلع جميل زيك يا ليلي
جني
- علي اساس زين مش جميل يعني
ياسمين
- ليلي احلي
جني
- زين احلي
ليلي
- بااااس يلا ننزل وصلنا
قعدوا حبه يشتروا الفساتين وكانوا بياخدوا راي ليلي بكل حب لان ذوقها حلو
وبعدين زين اخدهم واتغدوا بره كان اسعد يوم في حياتهم تقريبا
واخيرا روحوا البيت شافهم هلال وهما داخلين سوا مبسوطين وفرح بس من جواه مبينش
هلال
- كنتوا فين
ليلي
- كنا بنتشتري فستانين علشان الفرح صح يا بابا نورا حامل
هلال بص لنورا
- ده بجد
نورا وهي بابتسامه وتبصله برجاء
- ايوه بجد يابوي
هلال
- الف مبروك يا نورا الحمد لله يابتي
جريت عليه نورا وحضنته وعيطت
وزين كان طالع ليلي طلعت وراه
- متجي نعدي نشوف طنط لطيفه الاول
زين
- بلاش دلوقتى يا ليلي
ليلي
- علشان خاطري مخرجتش خالص من اوضتها
تنهد زين وذهب لغرفة لطيفه طرق علي الباب بخفه فاتي صوت لطيفه
- ادخل
دخل زين وليلي أغلقت الباب من الخارج وخرجت
لطيفه بسعاده وهروله
- زين اتفضل يا ولدي اتفضل
زين
- عامله ايه يحجه
لطيفه
- هبقى بخير وزينه لما تسامحني يا زين
اسمك زين المصحف الي علي الكومود
واقترب منها
- أحلفي علي المصحف ده انك صافيه من ناحية مراتي ومش هتفكري تاذيها تاني
حطت لطيفه المصحف بين ايدها وحلفت وهي بتعيط
- وكتاب الله الشريف ده انا صافيه من ناحية ليلي وعمري ما هفكر اذيها تاني انا ندمانه علي كل حاجه عملتها واتمني ربنا يغفر ليا ويسامحني وابني يرجع يبص في وشي حتي تاني بس
نظر زين اليها
- انا مسامحك يحجه
لطيفه
- متقولي يا أمي يا زين وحشتني اسمعها منك يابني
زين
- مسامحك ياما وقريب كمان هكبرك وهتبقى جده ياستي
اقتربت منه لطيفه وحضنته بقوة وظلت تبكي
حقك عليا يا زين حقك عليا يابني
زين
- خلاص بقا كفايه عدمتي عنيكي
لطيفه
- قولي بقا هتبقى ابو مين
زين
- ابو يونس
لطيفه
- يعمري انا ولد الحمد لله يارب يجي بالسلامه وأمه تقوم بالسلامه يارب
زين
- يارب يا أمي يارب
بعد وقت كانوا جميعهم حول المائده
لطيفه
- زين سامحني يابو زين مش ناوي انت كمان ترضى عني
هلال
- كل حاجه في وقتها يالطيفه
كلوا بس دلوقتى مش وقت كلام
عدت الايام الي قبل الفرح بسعاده وفرحه وكل يوم ليلي من كتر الضحك الي بتضحكه بيفتكروها هتولد
واخيرا يوم الفرح جه
ليلي
- يلهوي عليهم يا زين قمر ماشاء الله ربنا يحميهم
زين
- عارف يا حبيبتي بس اتهدي شوية احسن تولدي مننا وبطلي رقص
ليلي
- انا بحرك دراعي بس
قمر
- ليلي براحه
محمود
- سبيها فرحانه ياستي
قمر
- فرحانه ايه والله خايفه تولد
محمود بضحك لا لا متقوليش كده
فرحان ان عمي هلال صالح مرات عمي اخيرا
قمر
- انا فرحانه اكتر ان العيله كلها متجمعه دلوقتى وفرحانين الحمد لله
عمر
- ايه رايك يامريومه في افراحنا
مريم
- كنت فاكراه أفراح الصعيد زي التلفزيون بس طلعتوا بتعملوا أفراح في قاعات افخم من الي في القاهره ماشاء الله الفرح جميل
عمر
- مش أجمل منك صدقيني
هلال
- ايه الي لابسه ده يا لطيفه
لطيفه
- ده فستان مرات ولدك الي جابتوهلي مليش صالح
هلال
- ليلي دي عليها حاجات بس حلو عليكي
لطيفه
- ربنا يخليك ليا يا هلال
قاطع لحظاتهم كلهم السعيده صوت صرخت ليلي
ليلي
- الحقني يا زين انا بولاااااااد
زين
- قولتلك بلاش رقص بلاش رقص
- جريوا كلهم علي ليلي وسالها زين وطلع يجري علي العربيه وكل واحد وراه بعربيته
طلعوا علي المستشفي
زين
ترولي بسرعه
جابوا الترولي واخدوا ليلي
ليلي وهي بتمسك ايد زين
- ابوس ايدك ادخل معايا متسبنيش
زين
- حاضر حاضر متقلقيش معاكي معاكي
- دخلوا العمليات اخيرا وكلهم بره علي اعصابهم
- ومريم وقمر بفستاينهم
بعد عدت ساعات سمعوا صرخات الطفل
ابتسم هلال بفرحه
- حبيب جدو اخيرا شرف بالسلامه
امسكه زين بحب وقربه من ليلي
- ليلي قومي شوفي يونس شعره جميل زي شعرك
ليلي
- وعينه جميلة زي عينك يا زين وغابت عن الوعي
خرجوا من غرفة العمليات وزين شايل يونس علي ايده وليلي علي السرير
قربه زين من هلال
- مسكه هلال بكل حب وبدأ يكبر في ودنه بحنان
- نورت يا عيون جدك
حسين
- اديني اشيله يا هلال
شاله حسين بحرص ودخلوا ليلي بعد ما فاقت
لطيفه
- حمدلله علي السلامه يحبيتي
ليلي
- الله يسلمك يا طنط يونس فين
ناهد
- اهو يابنتي معايا خدي
شالته ليلي بين ايدها وهي بتبصله بحب قرب منها زين
- ان شاء الله نجيب عشره تاني زيه طالما بالجمال ده
ليلي
- اه وماله وابقى اولد انت بقا دنا كنت بموووت ضحكوا كلهم بصوت عليها وعلي رد فعلها
محمود
- طب الف حمد لله علي السلامه نستأذن احنا بقا يلا يا قمر شد قمر ومشي
عمر
- اكيد هعمل نفس الحاجه يعني حمدلله علي السلامه يا لوله يلا يا مريومه يلا وشدها هو كمان وخرج
قعدوا يضحكوا عليهم
وليلي ضمت يونس ليها وبصت لعيلتها الجميلة وهمست في ودنه
- انت هيكون عندك اجمل عيله يا يونس
وبكده تكون خلصت روايتنا
اتمني تكون عجبتكم
هحكيلك بقا شوية عن كل شخصيه وحقيقتها
مروة في الحقيقه من الاول هي بنت خالت زين وكانت بتحبه من زمان برضو لما لقيت زين مش شايفها خالص اضطرت تتجه للاعمال وبما انها مامتها بتعرف تعمل ده فده سهل عليها الموضوع
الي لعبت في دماغ لطيفه من الاول انها تبعد ليلي عن زين بالأعمال كانت نعيمه مامت مروة بعد ما مروة اقنعتها فعلا تعمل أعمال وسحر
وعلشان شايفه ان زين فرصه مش هتتكرر تاني
مروة كانت لئيمه من الاول وفضلت علي ذمة زين سنتين حتي بعد ما اتجوز ليلي
بتكره العيله كلها وبتكره ليلي كره العمي وحاولت تاذيها كتير اوي في الحقيقه
نورا
اخت زين في الحقيقه فعلا مكانتش بتخلف ولسه ربنا كارمها دلوقتى بعد وقت طويل اوي ادعولها ربنا يسهل حملها ويعديه علي خير يارب بس عايزاه اقولكم نورا في الحقيقه لسه مش عارفه تحب ليلي هي يمكن بتمثل انها بتحبها بس ليلي عارفه ان نورا لسه بتكرهها
لطيفه
- في الحقيقه زين قاطعها سنتين مش كام شهر ولسه لحد الان مش زي الاول معاها خالص ومش عارفه يسامحها هي مطلبتش منه السماح كتير كده زي الرواية هي لسه مش عارفه تحب ليلي علشان كده زين لسه مش عارف يسامحها
هلال
- شخصيته في الرواية هي هي في الحقيقه مفيش اي حاجه فيه اتغيرت
ليلي
- مع الاسف لسه مجابتش بيبي واضطريت اكتب نهايه تليق بالرواية بس ان شاء الله الي فيه الخير يقدمه ربنا المهم انها عايشه مع زين فعلا ومبسوطين الحمد لله
اتمنا تكونوا استمتعوا بالرواية وشكرا ليكم ولاراكم❤️
هتوحشوني❤️
حواديت_من_الواقع
يتبع الفصل كاملا اضغط هنا ملحوظه اكتب في جوجل "رواية حواديت من الواقع دليل الروايات، لكي تظهر لك كاملة
•تابع الفصل التالي "رواية حواديت من الواقع" اضغط على اسم الرواية