رواية ضوء القمر الفصل الخامس عشر 15 - بقلم سحر

    

 رواية ضوء القمر الفصل الخامس عشر 15 - بقلم سحر

*صرخت تولين حاتم بتعمل ايه هنا

:نسيتوا  ان معايا  نسخة من مفتاح الشقه جيت ارجعه واخذ حقي بعد ما اتسجنت

: حق ايه انت اتعاقبت على ضربك لاختي وقتلت ابنها مش كفايه كنت بتاخد كل فلوسها

*تهجم عليها وضربها عده لكمات وصفعات على وجهها وهي تصرخ واغمضت عينيها وقالت ليوسف

: الحقني ده طلع حاتم وبيضربني

: ابن ال ….. انا جاي بسرعه

*سحبها من شعرها وهو يتحدث بصوت عالي مليء بالغضب والغل بداخله

:انا هاخذ كل حاجه منك انت انا من الاول عيني عليك وكل ما ابص لك بتبصي لي باحتقار ودائما قرفانه مني اما بشوفك بعد اللي هعمله هتفضلي قرفانه ولة  هتجري ورايا علشان اتجوزك وتبوسي رجلي

*واخذ يربط كلتا يديها بحبل ويعلقها في ظهر السرير وهي تصرخ في داخلها

: الحقني يا يوسف هيضيعني ابوس ايدك بسرعه

*كاد يوسف ان يصطدم بالماره وهو مسرع على الطريق

*ظل حاتم يتحسس وجهها بيده فبصقت في وجهه فغضب وبدا ينزع عنها ملابسها لكنها قاومت ورفصته بقدمها فتالم بشده

:هي رجلك المعاقه دي بتعرف تضرب طب انا هربطها هي كمان

*فذهب الى المطبخ ليبحث عن حبل اخر لانه لم ياتي الا بواحد فقط

بقلمي سحر السحرتي

*حاولت ان تفك نفسها لم تستطع فعاد اليها وهو يصرخ

:ما لقتش حبل بس هفضل اضرب فيك لغايه لما تتهدي واخذ اللي انا عايزه وتجري ورايا وجوز امك يدفع لي كل اللي انا هطلبه عشان ارضى اتجوزك وتغنيلي لوحدي

*وهجم عليها فصرخت صرخه عاليه تكاد تفجر الكون من قوتها لم يستمع حاتم  من خلالها لكسر الباب ودخول يوسف

*فامسكه يوسف وضربه لكمات عنيفة جعلت الدم يتطاير من وجهه

*نجح حاتم في الافلات من يوسف والهروب خارجا من المنزل

*جرى يوسف خلفه للامساك به فقالت له تولين وهي تبكي

: يوسف فكني  وغطيني

*فعاد اليها بعد استماع صرخاتها التي مزقت قلبه الى اشلاء فاسرع  إليها والقى الغطاء عليها وفك وثاق يدها واخذها بين احضانه

*بكت بشده في حضنه

:كنت هضيع ما قدرتش اجري منه كنت عاجزه حسيت بس النهارده قد ايه انا معاقه

: اهدي يا حبيبتي عايز اروح الحق الكلب ده

*امسكته بقوة واحتضنته وكانت ترتجف

:لا ما تسيبنيش لوحدي يا يوسف انا خايفه قوي

:طب هتصل ابلغ البوليس وهما يمسكوه مش هيسيبك خلاص

:لا ما تبلغش  هتبقى فضيحه واروح تحقيق ونيابه ويكشفوا علي ويسالوني عن اللي حصل واقعد افتكر واشرح لا لا يا يوسف ارجوك هتبهدل اكثر ابوس ايدك بلاش كفاية اللي حصل

:كده حقك هيضيع ولو شفته هقتله

:لا ارجوك ما تضيعش نفسك على واحد زي ده

:انت وولاء بتحسسوني بالعجز اني مش قادر اجيب حقكم

: معلش انا اسفة بس انا مش حمل بهدلة التحقيقات عايزة انسى اللي حصل وكل شوية هفتكره لو بلغت من نظرات الناس ومحدش هيصدق اني بريئة

:طب انت كويسه لحق يعمل حاجه نروح نكشف

: انا كويسه بس تجربه مره قوي كل جسمي بيترعش ومش قادره اعصابي كلها سايبه

:طب هروح اعمل لك ليمون يهدي اعصابك

:لا ما تسيبنيش

*صرخت وتمسكت به كانها طفل صغير يحتمي بامه

: تولين كل جسمك بيترعش هعمل لك ليمون يهديكي انا هنا معاكي في المطبخ حاولي تقومي تغيري هدومك او خدي دش اساعدك تقومي

: لا روح هحاول اقوم لوحدي

*بعد ان تحاملت على نفسها ودخلت الحمام اسقطت الماء الساخن على جسدها تغسل اثار يديه التي لمستها وكانت تدلك نفسها بالليفه بقوه كأن الجرب اصابها كل هذا وهي تبكي تحت الماء صوتها و همهماتها تصل الى الخارج تقطع قلب يوسف فطرق  الباب

بقلمي سحر السحرتي

: تولين انت كويسه

:اه خارجه اهوه

: تعالي يا حبيبتي اسندي عليا ادخلي اي اوضه ثانيه احسن

: هدخل اوضه ماما

: انا هكلمها تيجي بس قلت اشربك الليمون الاول

: لا بلاش ماما انت عارف هتزعل قوي وتلوم نفسها انها اتجوزت وقعدت مع جوزها بعيد

: طب هتصل على ولاء

: لا برضة جوزها يعرف انها كانت متجوزه مجرم كفايه انها شافت المر معاه

:مهند مش كده وبعدين هنقول ايه لماما لما تشوف الكدمات اللي في وشك

:مش هروح الفتره دي هقول لها عندي امتحانات الميد ترم وتمرين

: صحيح انت داخله على امتحانات هتعملي ايه

: مش عارفه ده كمان يومين ولازم اروح لانها بتساعدني في النجاح اخر السنه الدرجات دي مهمه

:طب انا هاخد اجازه واوصلك واستناكي و ارجعك ولو حد من زمايلك سال قولي انك وقعت من على الاسكوتر

: انا خايفه يرجع تاني هقعد هنا ازاي لوحدي وانت في شغلك

:هكلم حد من زمايلي دلوقتي يجي يركب كاميرا واوصلها بتليفوني على ما وشك يخف وتروحي تقعدي عند ماما مش هينفع تقعدي هنا لوحدك

:ونسيب البيت افرض بابا رجع

*رد بانفعال

:مش هيرجع بابا مش هيرجع

:عرفت منين ….  انت عارف حاجه انا ما اعرفهاش هو بابا حصله حاجة

*ظل يوسف صامتا لا ينطق

:يوسف انت عرفت منين ان بابا مش هيرجع ….. قول شكلك  عارف حاجه ومخبيها عليا

انطق

*امام اصرارها وحالتها وإحساسه أنها قد تنهار بعد ما حدث لها

:طب اهدي وانا هقول لك بس ارجوكي اهدي

*بدا يقص عليها ما فعله جدهم

:جدو لما عرف ان بابا خالف كلامه واتجوز ماما لفق لها قضيه سرقه واتحبست  … وهددوا انه لما طلقهاش هيلفق لها قضيه اداب …..  بابا كان هيتجنن مش عارف يخرجها من قضيه السرقه عشان كده طلقها وما قدرش يرجع لنا تاني لان جدك لو عرف لسه تهديده موجود ….. ماما اتبهدلت واستحملت عشانا حاجات كثير

:كلكم كنتم عارفين وانا لا

: لا انا بس لان الفتره اللي ماما كانت في السجن بابا شايلني مسؤوليتكم وكان بيكلمني يطمن علينا لانه ما قدرش يرجع احسن جدك يعرف انه مخلف وياخذنا بالعافيه وبابا كان عارف ان ماما مش هتستحمل تتحرم مننا

:يا حبيبي  يا بابا يعني هو هنا في مصر ما سافرش

:اه حرم نفسه من انه يعيش معانا او يشوفنا لانه ما قدرش يحمي ماما من ابوه وعمل لكل واحد فينا شهاده باسمه في البنك وولاء زينا عشان ماما تقدر تصرف علينا من الفوائد لانه مقدرش يتواصل معانا خايف احسن جدي يعرف وينفذ تهديده او يحرم ماما مننا

: يا حبيبي يا بابا ده انا كنت بحوش عشان اسافر ادور عليه طب ما عرفتنيش ليه من الاول

: ماما قالت لما تكبروا عشان صوره بابا ما تتهزش في نظركم وتفهموا هو عمل كده ليه

:هو في انسان قاسي قوي كده يبهدل مرات ابنه ويحرمهم من بعض لمجرد انه مش موافق انه يتجوزها

:هو انت مش شفتي مامت زياد عملت معاك ايه ما هو نفس اللي حصل تقريبا كل واحد بيفرض رأيه على اولاده  بطريقه مختلفه وفي الاخر مفكرين انهم بيعملوا لمصلحه اولادهم

:انا تعبت قوي يا يوسف صدمتين في يوم واحد محتاجه انام

:طب تصبحي على خير هطفي النور

*صرخت: لا ما تطفيش النور  ينفع تنام جنبي النهارده انا خايفه قوي

: حاضر هصلح الباب وزمان صاحبي جاي يركب الكاميرا وهاجي اطمني واهدي

*بعد ساعتين وجدت من يضع يده على كتفها فانتفضت وهي تصرخ

: اهدي انا يوسف بصحيكي جبت لك اكل عشان تاكلي وخلصت الباب والكاميرا

:مش عايزه اكل جسمي مكسر من الضرب وبيوجعني قوي

*وكانت تبكي بحرقه

: عارف حبيبتي عشان كده جبت لك دواء ودهان بس لازم تاكلي ما ينفعش الدوا على معده فاضيه

:حاضر هاكل حاجه بسيطه عشان اخذ الدواء مش عارفه هينزل يسكن ايه ولا ايه

:معلش الدهان كمان هيريحك يلا يا حبيبتي

*مر يومين على هذه الحادثه وقدم يوسف على اجازه ليوصل  تولين الى الجامعه لتؤدي الامتحان شاهدهم زياد كانت تولين ترتدي كاب ونظاره شمسيه تخفي نصف وجهها وكانت تمسك يد يوسف بقوة كأنها طفل خائف من ترك يد والدته وتحاول بصعوبه الدخول وكانت متردده فاحتضناها يوسف وطبطب عليها ومسح دموعها التي سقطت دونا عن ارادتها وقبل راسها

*ذهبت تولين للامتحان الاول وكان بعده امتحان ماده زياد فتاخرت في صعود السلم فطرقت باب القاعه اذن لها زياد بالدخول

بقلمي سحر السحرتي

: اتفضلي سجلي اسمك هنا في الورقه دي

*لاحظ علامات زرقاء حول معصم يدها الاثنتين

:لو سمحت ممكن تقلعي النظاره والكاب ممنوع جوه القاعه

*فاضطرت لخلعهم فصعق زياد عند رؤيه وجهها الممتلئ بالكدمات رفض سؤالها حتى لا تحرج امام زملائها فهمس في اذنها

: حصل ايه

:وقعت من على الاسكوتر

:طب اتفضلي هسمح لك ب 10 دقائق زياده عشان تعوضي التاخير

:شكرا يا دكتور

*ادت الامتحان وانفضت القاعه من جميع الطلبه الا تولين التي لم تستطع التركيز في الامتحان الاول والثاني فسلمت ورقه الاختبار قبل انتهاء الوقت

: لسه الوقت الاصلي ما خلصش وانت لسه لك 10 دقائق

: مش فارقه ده بس اللي قدرت احله

: انت خلصتي ولا لسه عندك محاضرات

:لا خلصت

: ممكن اوصلك

: لا يوسف هيوصلني

:يعني هو تحت دلوقت

: اه مستنيني من اول اليوم

: طب هسبقك اسلم عليه

: اتفضل انا باخذ وقت على منزل السلم

*اسرع زياد ليتحدث مع يوسف قبل ان تنزل تولين

: ازيك يا يوسف عامل ايه

: كويس ازيك انت

: ايه اللي حصل لتولين وبلاش تقولي انها وقعت من على الاسكوتر لان لاحظت كدمات ايديها ووشها مليان زرقان مالوش علاقة باي خبطة او حادثة

*خفض يوسف راسه في الأرض وصمت

: يوسف انا هتجنن من ساعه ما شفتها غير وهي داخلة الجامعة كمان كانت خايفة تدخل وتسيبك كأن حاجة وحشة حصلت لها وفي مليون سيناريو بيدور في دماغي ارجوك طمني عليها

: مش عارف لو قلت لك هيكون صح ولا غلط

:انطق يا يوسف قبل ما تولين تنزل

: من يومين حاتم حاول يغتصبها ولحقتها على اخر لحظه

:وعملت معاه ايه الكلب ده

:هرب ما قدرتش الحقه وخصوصا انها كانت مربوطه وبتصرخ

:يعني البوليس بيدور عليه دلوقتي

: لا رفضت اني ابلغ مش عايزه تسترجع الحادثه في التحقيقات هتقعد تحكيها والفضيحه وماما مش عارف اعمل ايه خايف عليها ولو ما تعاقبش ممكن يكررها حاسس بالعجز اني ما قدرتش احميها او اجيب لها حقها

:كويس انك ما بلغتش ابعت لي اسمه وعنوانه وصورته لو عندك

: اسم ايه وعنوان مين

*كانت تولين قد نزلت واستمعت لاخر جملة فقط

:ده كافيه يوسف بيشكر فيه كنت عايز اعزم بابا وطنط هدى على العشا اركبوا يلا عشان اوصلكم

:لا شكرا يوسف هيوصلني

: هو يعني معاه عربيه اركبي بقى اصل يوسف واحشني قوي وعايزه اقعد معاه

*ركبت رغما عنها وجلست خلف زياد الذي كل لحظه كان ينظر لها في مراه السياره بحزن على حالها وقلبه ينفطر عليها

*هي كانت شاردة تنظر من زجاج السيارة وتخفي وجهها بالكاب والنظارة الشمسية ودموعها تسقط في صمت

*الى أن وصل أمام أحد المطاعم وتوقف

: اتفضلوا انزلوا

تولين : ننزل فين ده مش البيت

:عازم يوسف على الغداء

: طب روحني الاول واعزمه براحتك عندي مذاكره كثير

: انا ممكن اساعدك لو يوسف يسمح لي

*رد يوسف سريعا قبل أن تنطق هي فهو يعلم أنها لازالت تكن لزياد المشاعر وهو من يستطيع اخراجها من هذه الحالة

: طبعا هي هتلاقي حد يشرح لها احسن منك نتغدى ونروح تذاكر لها في البيت عندنا

: انا هنام الاول وبعدين اصحى اذاكر

: خلاص نامي واصحي براحتك هكون انا ويوسف خلصنا لعب مع بعض على البلاي ستيشن اصل ليه تار عنده من اخر مره كنا بنلعب فيها مع بعض

: ايه اللزقه دي

: ايه بتقولي حاجه

: مش هعرف انام من صوتكم لانه بيجيب لاخر الشارع

*رد يوسف سريعا

:هنلعب في اوضتي ومش هنطلع صوت

*واغمضت عينيها

: انت بتدبسني انا عايزه ازحلقه

: يا بنتي مصلحه يذاكر لك ايه المشكله هو احنا اللي طلبنا هو اللي اتطوع

: في ايه مالكم مغمضين عينيكم هي الاضاءه عاليه

:ابدا بس دي حركه بنعملها بنغيظ بعض بيها

: ازاي يعني

: حاجه بين التوام ما تاخدش في بالك عازمنا على ايه بيقولوا المشويات هنا تحفه

: اللي تطلبه توليه

: وتولين مش عايزه حاجه كلوا انتم

: لا لازم تاكلي عشان تعرفي تذاكري وتحلي في الامتحان

# كيف سيساعد زياد تولين لتخرج من أزمتها وهل ستعود علاقتهم سويا ام تزداد سوءا

يتبع….

• يتبع الفصل التالي اضغط على (رواية ضوء القمر) اسم الرواية