رواية فعلتها لأجل أبي الفصل السادس عشر 16 - بقلم هدير عبدالعليم
الدكتور بدهشة: مالك!!؟
معاذ : اه مالك أخويا فين؟
الدكتور : هو أخوك شبهك أوي؟أنا اتخضيت بجد .
معاذ : ما إحنا توأم.
الدكتور بابتسامة: أنا قولت إزاى اتحرك على رجله دا أنا لسه مجبس جوا .
معاذ بابتسامة: إحنا شبه بعض فعلاً.
الدكتور بابتسامة: هو جوا جاي أهو.
معاذ شاف مالك جرئ بسرعة: مالك عامل أى!؟
مالك بابتسامة: علشان نلعب كوره تاني.
معاذ بضحك: ما أنا قولتلك خلى بالك أنت إللى صممت تلعب بضمير.
مالك : هعمل أى؟!
بابا : أكيد خير إن شاء الله.
آلاء: شكراً يا دكتور.
^^ بعد فتره طويلة^^
آلاء: أنا مش قادرة أكمل ثانوي .
بابا : يعنى أى؟
آلاء: يعنى هاجل السنه.
بابا بيكتم غيظه : لو كل واحد مننا مقدرش يتحمل الضغط و قرر أنه مش هيكمل محدش فينا هيوصل لحلمه لازم نحارب لتحقيق ما نريد , الناس لازم تكمل حتى و هم فى أسوأ حالاتهم النفسية علشان يوصلوا لهدفهم إللى مؤمنين بيه.
آلاء بدموع : بس أنا مش قادرة صدقني الموضوع صعب .
بابا بحضن : مش صعب على بنوتي الجميلة أنا بقولك اسعى بس حتى لو جبتي معهد أنا مش هزعل بس أهم حاجة تكوني عملتي إللى عليكِ.
ماما : مش هينفع تأجلي , سنه من عمرك هتضيع .
بابا : بعيد عن سنه هتضيع ولا لا, بس إللى بيخاف من التجربة لأول مره بيفضل خائف من التجربة طول حياته مش عايزكِ تخافي من حاجه طول ما أنا معاكِ .
آلاء بدأت أبتسم, و حقيقي إللى بيهون الدنيا الناس إللى حوالينا .
دنيا داخله من بره : سلام عليكم يا اهل الببت, عاملين أى؟
ماما : أهي دنيا جات , أى رأيك فى إللى آلاء عايزة .
دنيا بدون فهم: عايزه أى!؟
ماما : عايزة تأجل .
دنيا بضحك: اخص عليكِ اخص دا أنا بقول البت هتجيب طب و تفرحنا .
آلاء: والله غصب عنى .
دنيا : كله ده علشان اتخنقنا مع بعض الصبح , يا ستى حقك عليا .
آلاء: …
دنيا : هو حد ليه غير أخته , دا أنا بكون مسنودة بيكِ و ليكِ .
آلاء:..
دنيا بابتسامة: لسه زعلانه ؟! خلاص يا ستى يلا نخرج بكره وعلى حسابى .
معاذ : من غيري أنا و مالك ولا أى؟
بابا بضحك : البيت ده مفيش فيه أى خصوصية, أنتوا بتطلعوا من أين يا مالك أنت و معاذ .
مالك : وصلنا لما دنيا قالت إن فيه خروجه .
ماما بضحك : اه من غيركم ومش عايزه إسمع صوت كفايه فلوس الرحلة بتاع الاسبوع إللى فاتت.
معاذ : احمم , أنا بقول هدخل أنام بقا .
ماما : يلا والقلب دعيلك .
مالك بضحك : يلا نمشي بكرامتنا.
دنيا : و إحنا كمان هندخل ننام , بعد إذنكم.
بابا : اتفضلوا
^ ^^^^
دنيا : زعلتي منى ؟!
آلاء: عايزة أنام.
دنيا : مينفعش نزعل و نبعد لأننا أخوات نتعاتب و صوتنا يعلى و نعمل كل حاجة بس لازم قبل ما ننام نكون مصفيين كل حاجة بينا ,لا العمر مضمون و لا العمر طويل علشان نبعد عن بعض, دا العمر بيعدى علشان إحنا مع بعض .
آلاء بسرعة و بحضن لدنيا : وأنا مليش غيرك بحبك أوى ربنا يجعل يومي قبل يومك .
دنيا بضحك: بعد الشر علينا إحنا الاتنين .
آلاء: نسيت أقولك حاجه مهمه حصلت النهاردة .
دنيا : أي ؟!
آلاء: عارفه أصحابي كانوا بيتكلموا على مين النهاردة .
دنيا : على مين؟!
آلاء: على عمر إبن خالتك.
دنيا : لى ماله؟!
آلاء: …
- يتبع الفصل التالي اضغط على ( رواية فعلتها لأجل أبي) اسم الرواية