رواية حب بالإجبار الفصل السابع عشر 17 - بقلم رنا سليمان
"١٧"
_قتلتها!
_كان لازم اعمل كدة يا امي...........لو مكنتش عملت كدة كانت هتحاول تأذي خديجة تاني
_كان في حلول كتيرة غير انك تقتلها يا ياسين
_مكنش في غير الحل دا انا عارف ياسمين كويس وكانت هتحاول بكل الطرق انها تأذي خديجة علشان كدة عملت كدة..........سامحيني يا امي علي اي حاجة عملتها............كُنت غبي لما مشيت وراها وحبيتها واديني بدفع ثمن غلطتي ..........قولي لخديجة تسامحني وتنسي اللي فات قوليلها اني اسف واني ندمان علي كل حاجة عملتها في حقها ونفسي تسامحني
_مسمحاك يبني .........خديجة قلبها طيب واكيد هي كمان هتسامحك
_خلي بالك منها ومن يزن يا امي كان نفسي اقعد معاه فترة اطول بس مبقاش ينفع خلاص
_حاضر
_كفاية كدة يلا قدامي علي البوكس
اخدني من ايدي وشدني علشان امشي معاه..........مشيت وانا بفتكر اللي حصل واللي عملته معاها
_خديجة فين يا ياسمين
_مالك خايف عليها اوي كدة ليه...........فاكر انك ممكن ترجعلها ولا اية
_ياسمين انا لحد دلوقتي ب اتكلم بهدوء متختبريش صبري يا ياسمين وقولي وديتي خديجة فين
_وديتها المكان اللي المفروض تكون فيه يا ياسين...........قولتلك قبل كدة وهقولك تاني مش انا اللي واحدة تاخد مني جوزي واقعد اتفرج عليها...........عملت اللي كان لازم يحصل ...........حبيبتك خلاص ماتت ومبقاش ينفع حتي تشوفها
مسكت ايديها بعصبية وبدات اتكلم بصوت عالي
_خديجة فين يا ياسمين بقولك............اخر مرة هسالك
_قتلتها يا ياسين...........قتلتها واخدت حقي منها ودفنتها في مكان عُمرك ما هتتخيله
_انتي اكيد اتجننتي...........اكيد معملتيش كدة
_لا يا ياسين عملت كدة……..ايه مش مصدق ان حبيبة القلب بتاعتك راحت………صدق لاني مُستعدة اعمل كدة تاني لو لقيت واحدة فكرت تقرب منك بس ……….عارف ليه يا ياسين لاني بحبك بحبك وكُنت فاكرة انك انت كمان بتحبني بس طلعت غلطانة ورميتني مع اول مشكلة بينا بس انا مش هسكت ومش هسيبك تكون لغيري يا ياسين انت ليا انا
_انتي اكيدة مريضة
_عندك حق انا فعلا مريضة مريضة علشان بحبك وعندي استعداد اعمل كل اللي اقدر عليه علشان تكون ليا انا وبس
_ياسمين خديجة ملهاش اي ذنب انا اللي بحاول اقرب منها لو سمحتي قوليلي انها لسه عايشة وصدقيني انا هبعد عنها بس قولي انها كويسة
_بردو مش مصدقني يا ياسين……….خلاص حبيبتك راحت ومبقاش ينفع ترجع تاني
ساكت ومردتش عليها ………مكنتش مصدق انها ممكن توصل معاها للقتل بصيت علي السفرة لقيت سكينة محطوطة اخدتها براحة وحطيتها ورا ضهري وبدات اتكلم وانا بقرب منها
_عارفة يا ياسمين أكبر غلطة عملتها في حياتي كانت اني سيبت خديجة علشانك خديجة الوحيدة اللي حبتني بجد وانا قابلت حبها دا ب اني رميتها هي وابني في الشارع واختارتك انتي ………..رغم كل المشاكل اللي كانت بينا حاولت اني افضل معاكي وافضل احبك بس مقدرتش وحبي ليكي بدا يقل مع الوقت واكتشفت ساعتها اني خسرت اكبر خسارة في حياتي لما سيبتها وجاتلك انتي وندمت علي اني سيبتها وانتي دلوقتي جيتي واخدتي ام ابني اكتر انسانة حبيتني بجد واكتر انسانة اتظلمت في الحكاية دي وانا لازم اخد حقها منك
في لحظة واحدة كانت مرمية علي الارض والدم حوليها من كل حته فضلت باصص عليها وساكت………..كانت تستحق ان يحصل فيها كدة دمرت حياتي وحياة خديجة وحياه ابننا اللي دلوقتي بقي من غير ام واللي عاش لحد انهاردة من غير وهيفضل كدة……….تلفوني رن رديت عليها وانا باصص عليها وهي مرمية علي الارض
_ايوه يا ماما
_ياسين احنا لقينا خديجة خلاص
_لقتوها!……..لقتوها فين
_مش مهم احنا دلوقتي في المستشفى وهي محتاجة نقل دم وفضيلة دمها زي فصيلة دمك من فضلك تعالي حالا المستشفى……….هبعتلك العنوان
_حاضر……..حاضر
قفلت معاها وقومت من مكاني………..بصيت عليها وهي مرمية علي الارض رجعت بضهري وانا باصص عليها جريت فتحت الباب وجريت علي الشارع
"رُفيدة"
_خديجة فين يا راندا
_وانا هعرف مكانها منين يا رُفيدة
_راندا………..هي اتصلت بيا واخدت عنوانك علشان تجيلي ومن ساعتها ومحدش عارف هي فين احسنلك تقولي هي فين وعملتي فيها اية يا راندا احسن ما ابلغ عنك البوليس
_قولتلك معرفش حاجة اكيد مش هكذب علشان واحدة زي دي يعني
_اية الدم دا
_دم………..دم ايه دا اللي بتتكلمي عنه ……….مفيش دم ولا حاجة دا تلاقي فاطمة وهي بتجيب العصير وقعته ولا حاجة
_راندا ارجوكي قولي انها كويسة والدم اللي علي الارض دا مش دمها …………علشان خاطري قولي انه مش منها
_بقولك ايه يا رُفيدة انا معرفش انتي بتتكلمي عن ايه يا ريت تمشي دلوقتي لاني تعبانه ومحتاجة انام
_انا مش همشي من هنا قبل ما اعرف انتي عملتي فيها ايه يا راندا لاني واثقة ومتاكدة انها جاتلك هنا قوليلي عملتي فيها اية
_قتلتها
بصينا ناحيه الباب لقيناها بتقرب مننا بهدوء
_فاطمة انتي اتجننتي ايه اللي بتقوليه دا
_ليه اتجننت هو اللي بقوله دا كذب ولا اية
_انتي بتقولي ايه يا فاطمة
_بقول اللي حضرتك سمعتيه مدام راندا هي وصاحبتها قتلوا مدام خديجة ولما شوفتهم هددوني انهم هيموتني انا كمان لو اتكلمت بس انا مقدرتش اسكت وجيت علشان اريح ضميري
_الكلام دا صح يا راندا متتكلمي ساكته ليه
بدات تتكلم وهي بتعيط
_والله العظيم انا معملتش حاجة كله بسبب ياسمين مرات جوزها الاول هي اللي قتلتها ومنعتني اني اتصل بالاسعاف يلحقها حتي دفنتها في الجنينه بس والله انا معملتش حاجة ليها ولا كُنت ناويه اعمل
جريت بسرعة علي الجنينه وانا مصدومة ومش مصدقة اللي بسمعه جريت علي الجنينه وانا بدور علي المكان اللي دفنوها فيه ………..خليتها تطلب البوليس……….خرجت من الفيلا وبدات تتكلم من وسط دموعها
_دفنها هنا
شاورت علي المكان جريت بسرعه وبدات ابعد التراب ……..لقيت ايديها……….فضلت باصه بصدمة عليها وكملت لحد ما بعدت التراب كله عنها
………..يتبع………..
رايكم
بكرا الفصل الاخير ان شاء الله
•تابع الفصل التالي "رواية حب بالإجبار" اضغط على اسم الرواية