رواية حب بالإجبار الفصل الثامن عشر والاخير 18 - بقلم رنا سليمان

 رواية حب بالإجبار الفصل الثامن عشر والاخير 18 - بقلم رنا سليمان

"١٨"

_طمنا عليها يا دكتور هي كويسة مش كدة

_للاسف هي فضلت من غير اكسجين لفترة طويلة ودا اتسبب في انها دخلت في غيبوبة وصعب جدا نعرف هي هتفوق منها ولا لا

_يعني في احتمال انها متفوقش منها يا دكتور 

_للاسف ايوه.........بعد اذنكم

سابنا ومشي قعدت علي الارض وبدات اعيط

_انا السبب انا اللي عملت كدة...........لو مكنتش اديتها عنوان راندا مكنش كل دا حصل ...........كل اللي حصل دا بسببي انا

_وانتي ذنبك اية يا بنتي انتي كنتي تعرفي ان دا هيحصل 

_مكنش ينفع اديها العنوان واخليها تروح ل راندا برجلها ..........كان لازم اروح معاها حتي لو كانت رافضة دا 

_متلوميش نفسك علي حاجة .........انتي مكنتيش عارفه ان دا هيحصل ولا كان هيجي في بالك وبعدين انا واثقه في ربنا انه هيرجعلنا خديجة وهتكون كويسة روحي انتي اقعدي مع اخوكي وخليكي جمبه وانا لو حصل اي حاجة هكلمك يا حبيبتي 

_مش هقدر اوري وشي ل معتز ولا هقدر اسيبها في الظروف دي

_انا هفضل معاها انتي لازم تروحي ل اخوكي وتخليكي جمبه ولو علي خديجة متقلقيش عليها انا هفضل معاها ومش هسيبها بس خليكي مع اخوكي احسن............واوعي يا رُفيده  تخليه يحس ان خديجة فيها حاجة 

هزيت راسي ب حاضر .........قومت بتعب من علي الارض بصيت علي العنايه الموكزة بحَزن.........مشيت بخطوات بطيئة وروحت الاوضة اللي هو فيها..........فتحت باب الاوضة ودخلت بتعب

_اخيرا ظهرتي يا رُفيدة...........كُنتي فين من الصبح 

_روحت الشركة اشوف الشغل عامل اية

_طيب خديجة مكلمتكيش خالص

_اه كلمتني...........يزن تعبان شوية وقالتلي مش هتقدر تنزل وتسيبه علشان كدة مجاتش

_انا مش عارفة انت قلقان عليها ليه هتموت يعني

_يا ماما أرجوكي كفاية مش كل شوية هنعيد في نفس الكلام...........انا مش عارف انتي ليه بتكرهيها كل الكره دا

_شكلك ناسي انها السبب في اللي وصلتله انت دا

_راندا حاولت تقتل خديجة وهي دلوقتي في العناية المركزة 

_اية!.........انتي بتقولي ايه يا رُفيدة

_اللي سمعتوه يا معتز..........راندا اللي انتي بتحبيها يا ماما حاولت تقتل خديجة وتدفنها في بيتها وانا اللي روحت انقذتها ...........لولا اني روحت ل راندا في بيتها كان زمان خديجة ميتة دلوقتي..........هي دلوقتي في العناية المركزة بين الحياة والموت والسبب في دا راندا ومرات ياسين جوز خديجة الاول..........اية يا ماما لسه مصممة تدافعي عنها وتقولي انها كويسة واننا ظلمناها 

_انا عايز اروحلها

_مينفعش يا معتز ممنوع عنها الزياره لان حالتها صعبه...........ارتاح انت دلوقتي وانا بكرا هخليك تشوفها

_ارتاح!..........انتي عايزاني ارتاح بعد اللي قولتيه دا يا رُفيده انا مش هرتاح ولا هطمن غير لما اشوفها بعيني

_لو سمحتي خديني عندها دلوقتي حالا 

_يا معتز

_متحاوليش يا رُفيدة لاني هروح اشوفها يعني اروحلها 

هزيت راسي بحاضر بيأس..........خرجت علشان انده علي اي حد يجي يساعدني انقله علي الكرسي بتاعه............لقيت ممرض جاه وساعدني ............نقلناه علي الكرسي بتاعه وروحت علي العناية المركزة........اول ما شافتنا وقفت وبصتلي

_كدة بردو يا رُفيدة...........مش قولتلك بلاش تقوليله 

_مقدرتش اسكت ومقولهوش يا طنط

_حضرتك مكنتيش عايزاني اعرف ازاي

_علشان عارفة انك هتطلب تجيلها ومش هتسكت غير لما تشوفها وانت تعبان يبني 

_هكون تعبان اكتر لو مشوفتهاش 

_الزيارة ممنوعة عنها والدكتور قال مينفعش اي حد يدخل 

_يبقي لازم اقابله واقنعه اني ادخل

_علشان خاطري يا معتز تعال نرجع الاوضه وبكرا ابقي تعالي شوفها 

_قولتلك يا رُفيدة مش همشي قبل ما اشوفها وديني لو سمحتي ل اوضه الدكتور 

شديت الكرسي وبدات امشي بيه لحد مكتب الدكتور..........كان رافض ان اي حد يدخل يشوفها بس معتز حاول معاه بكل الطرق لحد ما وافق انه يدخلها خمس دقايق بس...........راح معانا واخد مني الكرسي ودخله العنايه المركزة

"معتز"

_معاك خمس دقايق وبس

_شكرا يا دكتور 

خرج وسبني معاها..........قربت الكرسي لحد عندها ومسكت ايديها وبدات اتكلم وانا بعيط 

_كدة بردو يا خديجة............لية عملتي كدة و روحتي ليها برجلك..........قولتلك انها مش سهله وانها مش هتسيبك في حالك..........ليه روحتلها بنفسك ...........لما تقومي بالسلامة هنتكلم وهنتخانق بسبب كدة..........بس انتي تقومي الاول .........انا واثق انك هتقومي منها علشاني وعلشان يزن اللي عمرك ما هتسبيه لوحده انتي استحملتي اللي اصعب من كدة وكنتي قوية اكيد هتكوني قويه المرة دي كمان ...........علشان خاطري يا خديجة خليكي قوية واخرجي منها يزن وانا محتاجين ليكي اكتر من اي وقت فات

فضلت ماسك في ايديها وباصص عليها وانا بعيط………الدكتور دخل علشان يخرجني……….فضلت باصص عليها لحد ما خرجت من الاوضة………..كانوا واقفين قدام العناية……….بدات اتكلم بحَزن

_حضرتك روحي وانا و رُفيده هنفضل معاها

_اروح ازاي يبني واسيبها في الحالة دي وبعدين انت كمان تعبان ومحتاج ترتاح

_انا راحتي هنا ومش همشي من حتي قبل ما تفوق……….انا واثق في ربنا انها هتخرج وهتكون كويسة بس حضرتك لازم ترتاحي وكمان معاد خروج يزن من المدرسة جاه لازم حضرتك تروحي تاخديه وتروحي تقعدي معاه

_اسمعي كلام معتز يا طنط حضرتك تعبتي من الصبح وانتي قاعده هنا ويزن محتاجك دلوقتي اكتر من خديجة روحي خديه من المدرسة و روحوا ارتاحوا وانا لو حصل اي حاجة هتصل بيكي متقلقيش 

_امري لله يا بنتي……….بس بالله عليكي لو حصل اي حاجة ابقي طمنيني 

_حاضر من عنيا

سابتنا ومشيت ……….فضلنا قاعدين قدام الاوضة كنت باصص علي الاوضه وانا بعيط 

عدا تلات شهور وهي لسه في غيبوبة………..كنت في الاوضه جمبها وشايلها ب ايدي بدات اتكلم وانا باصص عليها

_مش كفايه لحد كدة يا خديجة……….عدا تلات شهور وانتي لسه مفوقتيش  الكل قال انك مستحيل تفوقي بعد كل الوقت دا بس انا متاكد انك هتفوقي وهتكوني كويسة………..يزن طول الوقت بيسال عنك وانا قولتله انك سافرتي علشان الشغل………..احب اعرفك ب بنتنا الجديدة عـائـشـة……….عندها شهرين اول ما راندا ولدت اخدتها منها علطول………واثق انك هتكوني احن ام ليها اكتر من امها …………ياسين وراندا الاتنين اتحبسوا وياسمين اتقتلت واللي قتلها كان ياسين كان فاكر انه كدة بيكفر عن ذنبه اللي عمله معاكي ……….خديجة انتي وحشتيني اوي نفسي تفوقي علشان في حاجات كتيرة عايز اتكلم فيها معاكي

مسكت في ايديها………..لاول مرة ايديها تتحرك في ايدي وتمسك ايدي………..فضلت باصص علي ايديها وانا مش مصدق نفسي من الفرحة بدات تفتح عينها وتبص ناحيتي بدات اتكلم وانا مش مصدق نفسي

_خديجة انتي فوقتي………..حمدلله علي سلامتك يا حبيبتي ……….اخيرا يا خديجة فوقتي يا حبيبتي 

الدكتور دخل وكان معاه الممرضة وكان لسه هيتكلم بصتله واتكلمت

_فاقت يا دكتور خديجة فاقت

_مش معقوله……….مريم بعد اذنك خرجي استاذ معتز برا

_لا يا دكتور انا عايز ابقي معاها

_حضرتك مينفعش وكمان الطفلة اللي مع حضرتك مينفعش تكون هنا اكتر من كدة من فضلك اخرج برا لو سمحت

خرجتني من الاوضه انا وعائشة اول ما خرجت كانوا واقفين قدام الاوضه كلهم اتكلمت بفرحة

_فاقت يا طنط فاقت

_بتتكلم بجد يا معتز………..الف حمد وشكر ليك يا رب الحمدلله انها قامت منها

_طيب يا بتتي احنا ممكن نشوفها امتي

_اول ما الدكتور يخرج هيقولكم علي كل حاجة ………..بعد اذنكم

دخلت العناية تاني ……….اخدت مني عـائـشـة وفضلنا واقفين مستنين الدكتور……….اول ما خرج قربنا منه كلنا

_طمنا يا دكتور هي عامله اية دلوقتي 

_الحمدلله هي فاقت وبقيت كويسة احنا هننقلها اوضه عاديه وبعدين هتقدروا تشوفها ………….بعد اذنكم

بعد شويه نقلوها اوضة عاديه وكلنا دخلنا علشان نطمن عليها

_حمدلله علي سلامتك يا بنتي 

_الله يسلمك يا ماما 

_حمدلله علي سلامتك يا خديجة 

_الله يسلمك يا معتز

_طيب يلا يا طنط علشان نجيب يزن من المدرسة ونرجع تاني

_يلا يا حبيبتي 

خرجوا وسبونا لوحدنا

_مالك يا معتز

_هيكون مالي يا خديجة………..انتي نسيتي اللي عملتيه

_عملت اية

—نسيتي انك روحتي ل راندا من غير حتي ما تاخدي رايي………..اللي عملتيه دا كان اكبر غلط يا خديجة والنتيجة اهي انتي كنتي هتموتي وقعدنا تلات شهور بنموت من القلق

_كنت فاكرة اني بعمل حاجة صح لما اروحلها واني هعرف ابعدها عننا بس غلطت ومكنتش اني غلطت غلط كبير اوي كدة يا معتز

_يا خديجة انا اكتر واحد فاهم راندا وعارف انها مكنتش هتبعد عننا مهما حصل وكنت عارف انها هتعمل اي حاجة علشان تبعدنا عن بعض ولو كنتي جيتي واخدتي رايي كنت هرفض انك تروحلها

_خلاص يا معتز انا اسفه مكنتش اعرف ان دا هيحصل 

_ماشي يا خديجة بس بلاش تقرري حاجة من دماغك تاني

_حاضر

مسكت في ايديها وابتسمت

"خديجة "

عدا اسبوع والدكتور سمحلي بالخروج………..كُنت قاعده مستنياه في المكتب بتاع الظابط الباب اتفتح اول ما شوفته قومت وقفت……….العسكري كان ماسك في ايده وقفوا قدامي ساب ايده وبدا يتكلم…………قدامكم خمس دقايق 

خرج وسبنا احنا الاتنين 

—ازيك يا ياسين عامل اية

_الحمدلله يا خديجة انتي عامله اية دلوقتي 

_الحمدلله كويسة ………..ليه عملت في نفسك كدة يا ياسين 

_كان لازم اعمل كدة دا كان جزاء ياسمين وجزائي علي كل اللي عملته معاكي دا

_انت صح ظلمتنني وظلمتني اوي كمان بس دا مش معناه ان دي تكون نهايتك ………..مكنش لازم تعمل كدة وياسمين كانت هتاخد جزائها ب اي حال

_انتي جايه ليه يا خديجة 

_جايه علشان اقولك اني مسمحاك يا ياسين……….مسمحاك لان انت اخذت جزاء كبير مكنتش تستحقه وانا هسامحك لان اللي عملته معايا انا ممكن اسامحك عليه لكن اللي عملته مع ياسمين مش هتقدر تسامحك عليه………..هحاول اجيبلك يزن تشوفه لاخر مرة قبل تنفيذ الحكم يا ياسين 

اخدت شنطتي وخرجت من الاوضه قبل ما اسمع منه رد…………..رغم كل اللي عمله معايا مكنش يستحق اللي حصل معاه ولا يستحق العقوبة دي كان لازم اسامحه وانسي كل اللي فات وابدا صفحة جديدة بس صفحة جديدة فيها معتز ويزن وعائشة لازم نبدا حياه جديده ونربي ولادنا كويس

روحت لبيته كان قاعد في مكتبه……….فتحت المكتب ودخلت وبدات اتكلم 

_ممكن اعرف انت بتعمل ايه عندك

_مفيش بس

_بس ايه يا معتز احنا مش اتفقنا انك مش هتشتغل ولا هتدخل المكتب دا غير لما تخلص علاجك وترجع احسن من الاول

_ايوه يا خديجة بس في شكل كتير اوي لازم اخلصه

_حد قالك اني مبعرفش اخلصه مانا بقالي ٣ سنين ماسكة الشغل اكتر منك في الشركة 

_طيب ممكن تقعدي علشان عايز اتكلم معاكي في موضوع 

_اتفضل قول

_خديجة انا عايز نعمل فرحنا وتيجي تعيشي معايا انتي ويزن وطنط هنا

_طيب مش لما تقوم بالسلامة الاول يا معتز 

_مانا عايزك تكوني جمبي وانا بكمل علاجي قولتي ايه

_ماشي يا معتز انا موافقه بس لازم اخد رايي ماما الاول

_ماشي وانا هستني 

_طيب يلا علشان اشوف الشغل اللي ورايا 

سابته وبدات اشتغل 

بعد شهر كان الفرح الكل كان فرحان لينا ومبسوطين كنت فرحانه اني قدرت اختار شخص زي معتز بيخاف عليا وعلي ابني اكتر من نفسه كنت واثقه انه هيكون احسن اب ل يزن زي ما انا هعمل كل اللي اقدر عليه علشان اكون ام كويسة ل عـائـشـة 

مسك في ايدي وبدا يتكلم

_انهاردة اسعد يوم في حياتي علشان بقيتي معايا ………..خديجة انا بحبك اوي

_وانا كمان بحبك يا معتز ربنا يخليك ليا وتفضل جمبي علطول 

ابتسمنا وفضلنا ماسكين في ايدين بعض

النهاية 

اتمني تكون عجبتكم وحابة اعرف رايكم

"وٌکْلَمًآ نِظُرتٌ آلَيَکْ تٌوٌقُفُ آلَعٌآلَمً مًنِ حًوٌلَيَ🌺"

وٌآعٌتٌقُدٍتٌ ❤آنِهّآ نِهّآيَهّ آلَحًيَآهّ.. ثًمً آرآدٍ آلَلَهّ لَهّآ بًدٍآيَهّ جّدٍيَدٍهّ سِعٌيَدٍهّ  🌺

يتبع الفصل كاملا اضغط هنا ملحوظه اكتب في جوجل "رواية حب بالإجبار دليل الروايات" لكي تظهر لك كاملة 

  •تابع الفصل التالي "رواية حب بالإجبار" اضغط على اسم الرواية