رواية اه من سكر (كاملة جميع الفصول) حصريا عبر دليل الروايات بقلم زهرة الربيع
رواية اه من سكر الفصل الاول 1 - بقلم زهرة الربيع
قلع التيشرت بتاعو وفتح الدولاب بس اتصدم لما لقاها قاعده في الدولاب وبتبصلو بارتباك
بصلها بزهول وقال..انتي مين يا بت انتي وايه الي دخلك دولابي
البنت بلعت ريقها بارتباك وطلعت من الدولاب وكانت لابسه خمار طويل وهيه قصيره شويه وشكلها مضحك قالت ...انا...انا كنت مستخبيه
قال ايوه مستخبيه من مين وانتي مين اصلا
ضحكت بتوتر وقالت..انا...انا سكر
قال بسخريه حصلنا التلزيق ايوه يعني مين س...
بس قطع كلامو وهو بيبصلها من فوق لتحت بزهول وقال..انتي سكر..انتي العروسه
سكر هزت راسها بايوه
اتسعت عنيه وقال بابتسامه..ازيك يا سكر انتي مش فكراني انا يامن
بقلم...زهرة الربيع
سكر ابتسمت وقالت ايوه انا عرفاك علشان كده جيت استخبيت في دولابك
يامن ضحك وقال..وتستخبي ليه اصلا فيه عروسه تستخبى يوم فرحها
سكر اتنهدا وقعدت على السرير ةقالت ..انا مش عايزه اتجوز..انا عايزه اعيش سني عايزه افضل في بلدنا
يامن ابتسم وقال..ليه بقى مش عجباكي القاهره...وبعدين انا بذات مشوفتكيش من سنين طويله من وقت ماكونتي عيله مفعوصه..مش عيزانا نشوفك لما بقيتي قمر كده
سكره ضحكت وقالت..زي ما انت متغيرتش يايامن..وقالت بغيظ..وابن عمك زي ما هو كمان مستفز قوي يا باااايي
يامن ضحك وقال.. عادل طيب قوي وهيسعدك بس هو مبيعرفش يعبر كويس ..ها قوليلي بقى وصلتو امتى
سكره قالت...بص انا عايزه استعمل الحمام معلش هدخل هنا علشان ميلاقونيش واطلع احكيلك الي حصل
تحت كانو بيدورو على سكره ووالدتها كانت هتتجنن قالت بخوف..هتكون راحت فين بقالتا ساعه بندور
كان معاهم شاب في العشرينات قال بضيق..بنت مستهتره..جايبنلي طفله اتجوزها ايه القرف ده
والدتو قالت ..معلش يا عادل يبني.. بص من شويه يامن طلع فوق اطلع ناديلو هو عندو معارف كتيره يمكن خرجت ومعرفتش ترجع خدو واطلعو دورو عليها يا ابني واحنا هندور تاني في البيت
عادل نفخ بضيق وطلع على اوضة يامن
بقلم...زهرة الربيع
يامن كان في الاوضه مستني سكر تطلع وطلع تيشرت يلبسو لانو كان هيغير لما لقاها في الدولاب وقبل ما يلبسو سمع صرخه من الحمام
جري بسرعه وخبط على الباب وقال سكر..سكر انتي كويسه
سكر قالت ببكا والم..لا لا الحقني اتزحلقت يا يامن
يامن فتح الباب ولقاها واقعه على الارص وماسكه رجلها بألم قال ...مالك ايه الي حصل
قالت بغيظ والم..مالي. موقع الصابون على الارض وبتسال مالي رجلي رجلي اتكسرت
يامن قال بقلق يا خبر قومي معايا تعالي بس حاول يوقفها وكانت رجلها وجعاها جدا وبتبكي شالها بسرعه وطلع بيها
يادوب طلعو من الحمام وعادل فتح الباب وشافو شايلها وهو مش لابس التيشرت بتاعو وهيه متعلقه في رقبتو بصلهم بصدمه وقال..ايه الي بيحصل هنا
يامن سابها بسرعه وقعت على الارض ورفع اديه وقال..انا صلي على النبي واوعى تفهم غلط وووو
يلاااا اجماع لو عايزين نكملها بارتات اقوى تفاعل علشان اكمل 👍❤
•تابع الفصل التالي "رواية اه من سكر" اضغط على اسم الرواية