رواية عيب الشوم الفصل الثالث والعشرون 23 - بقلم مريم احمد

  رواية عيب الشوم الفصل الثالث والعشرون 23 - بقلم مريم احمد 

23

رانيا...من الاخر انا جايباكي عشان تحسسيني بوجود هيا ف البيت لأني خلاص قربت اكتئب و انا مش لاقياها ف البيت عايزاكي تبقي موجوده بس لحد م هي تفوق بالسلامه و ترجع و الشركه في كمية ايميلات و شغل متعطل كله على وجودها مش طالبه منك غير انك تبقي هنا معانا و تبقي ف الشركه بدالها بس و بعدين مش انتي كان نفسك اني اكلمك و تبقي عايشه معانا و كل الكلام دا خلاص اهو انا الي بقولك خليكي معانا يا هيا

دمعت عيون همس بصدمه من كلام امها الي بتسمعه 

للدرجادي هي مش فارق معاها مشاعر همس ..؟!!!!

للدرجادي بتحب هيا اكتر منها لدرجة انها مش فارقلها حتى زعل همس ..!!!

رانيا...قولتي ايه يا هيا..؟

ردت عليها همس بجمود و هي بتحاول تتحكم في دموعها قدر الامكان عشان متعيطش

همس...انا مش هيا يا رانيا هانم انا همس بنتك الي انتي مبتحبيهاش للأسف ..انا الي كنتي بتتمني انها هي الي تكون خبطتها العربيه مش هيا ...انا الي يمكن لو جيه لحضرتك تليفون بيقولك فيه ان بنتك همس عملت حادثه ولا ف المستشفى ولا ما.تت حتى مش هيفرق معاكي و هيبقى بالنسبالك خبر ملوش اي لازمه

فضلت رانيا تسمع كلامها و ساكته 

ابتسمت همس و كملت و هي بتقول

همس...تلاقيكي دلوقتي بتفكري هل انا هوافق بعد كل الكلام الب انا قولتهولك و الي تقريبا مفرقش معاكي اصلا ولا لا 

هزت رانيا راسها بتأكيد على كلامها و هي بتقولها بقلق

رانيا...موافقه تيجي تعيشي معانا هنا ..؟مقدرتش تتحكم ف دموعها اكتر من كدا و عيطت و هي بتقولها و نبرة صوتها كلها قهر

همس...بعتذرلك 

ظهرت ملامح الحزن على وش رانيا و همس الي كملت كلامها و هي بتقول

همس...عن اذنك لازم امشي

قامت همس و خرجت من الاوضه و هي الدموع مغرقه وشها لدرجة ان الخدامين استغربوا جدا و زعلوا عليها

و ساميه كبيرة الخدم اتضت و قالتلها 

ساميه....مالك يا بنتي ايه الي مزعلك

بس همس مكنتش سامعاها اصلا و كملت لباب الفيلا و هي دموعها نازله بغزاره و بتعيط جامد و هي بتفتكر كلام مامتها ليها 

اول م خرجت من الفيلا مسحت دموعها و اتصلت على مالك 

فضلت مستنيه لحد م يرد معداش شويه و لاقيته رد 

مالك...الو 

حاولت تبين صوتها طبيعي و انها مش معيطه 

همس... ازيك يا مالك

استغرب من نبرة صوتها و خس ان في حاجه مزعلاها قالها باستغراب

مالك...مالك يا همس انتي في حاجه مزعلاكي

هزت راسها برفض و كأن الدموع م صدقت انها تتجمع في عيونها تاني و قالت بنبرة صوتها الي اتخنقت 

همس...لا لا

اتأكد انها كانت بتعيط من نبرة صوتها الي اتغيرت و قالها بشك

مالك...مامتك زعلتك ..؟؟؟

اضطرت انها تكذب عشان ميحصلش مشاكل بسببها و قالتله

همس...لا يا مالك ممكن بس تبعتلي السواق يروحني 

قفل مالك اللاب توب و شال اوراق الشغل و قالها

مالك...انا جاي سلام

هزت راسها و قالتله

همس....سلام 

قفلت التليفون و سمعت صوت هي تعرفه كويس

بصت لمصدر الصوت لاقيتها خالتها اليةكانت بتقول لـ ساره بغضب

شيماء...يعني قلقتيني و خوفتيني ع الفاضي و ف الاخر هيا كويسه اهي

هزت ساره راسها يمين و شمال بنفي و هي بتحاول تقولعا ان دي همس 

بس قالت همس بابتسامه

همس...انا همس يا خالتو ادعي لـ هيا تبقى كويسه 

حضنتها شيماء بفرحه انها شافتها و بعدين قالتلها

شيماء...طيب واقفه بره البيت ليه يا حبيبتي

ابتسمتلها همس و قالتلها

همس...انت مستنيه مالك يجي بس. و هروح على طول

استغربت شيماء جدا و قالتلها

شيماء... طب م تستنيه ف الفيلا ة لما يجي اخرجي 

هزت همس راسها يمين و شمال و قالتلها

همس...لا دا هو خلاص زمانه قرب يوصل و همشي على طول

سكتت شيماء و بعدين قالتلها بلوم 

شيماء.. اخص عليكي يا همس عايزه تسيبي امك لوحدها و انتي عارفه قد ايه هي زعلانه 

هزت همس راسها و قالتلها

همس...انا كنت لسه عندها هبقى اجيلها مره تانيه ان شاء الله 

بس شيماء مكنتش موافقه نهااائي و كانت لسه هتعترض على كلامها بس لاقت همس بتبتسملها و هي بتسلم عليها هي و ساره و بتقولهم

همس...مالك جيه يلا سلام هبقى اشوفك تاني يا خالتو 

ملحقتش شيماء ترد عليها حتى لأن همس راحت بسرعه للعربيه و كأنها بتهرب منهم قبل م دموعها تخونها و تعيط 

....استغفر الله العلي العظبم الذي لا اله الا هو الحي القيوم و اتوب اليه عدد خلقه و رصا نفسه و زنة عرشه و مداد كلماته

طلعت همس العربيه و قالت لـ مالك بابتسامه 

همس ...مكنش له لزوم تسيبك شغلك يا مالك

رد عليها و هو بيقولها بنبرة مضحكه

مالك...يو.لع الشغل مش مشكله 

ضحكت همس و قالتله

همس...ايوا بس انت كدا هترجعني البلد و ترجع تروح تاني للقاهره يا مالك!!!

اتحرك بالعربيه و هو بيقولها 

مالك...ياستي كله يهون المهم اني اعرف ايه الي مضايقك

قفلت حواجبها باستغراب مصطنع و قالتله

همس....هيكون ايه مضايقني يعني

رفع حاجبه و هو متأكد ان في حاجه كانت مزعلاها و قالها

مالك...همس 

ردت عليه و هي بتحاول تخفي نبرة الحزن الي اتشكلت مره واحده ف صوتها

همس...نعم

مالك...مامتك قالالك حاجه خليتك تزعلي او تعيطي

اضطرت انها تكذب عشان تنهي الموضوع و قالتله

همس...لأ يا مالك

شكه انها ممكن تكون بتكذب و انها فعلا كانت بتعيط بسبب مامتها خلاه يتعصب و زعقلها و هو بيقول

مالك بزعيق...اوماااال لما كلمتيني كان صوتك زعلان و معيط لييييه

اتنفضت بخوف و خضه من صوته العالي و متكلمتش

و هو لما لاقاها ساكته اتعصب اكتر و قالها بغضب

مالك...مااااا تررررردييييي

مضيقتها من زعيقه ليها خلاها تتعصب هي كمان 

و تتكلم بغضب و عصبيه

همس....متزعقلييييش يا مااالك 

اتفاجئ من زعيقها و بصلها بزهول من صوتها العالي 

رجع بص تاني للطريق و هو لسه مصدوم من زعقيها ليه 

هو عشان بيحبها و مبيحبش حد يزعلها ولا يخليها تعيط تزعقله كدا !!!

حست انه هيزعل منها ف اتكلمت و هو صوتها كله حزن و هي بتقول

همس...شايف يعني ان هيا ف المستشفى و اكيد خبقى وعلانه عليها و بعيط مش محتاجه لكل زعيقك دا و انت عارف اني مبحبش حد يزعقلي يا مالك و غصب عني اتعصبت انا كمان 

مردش عليها و فضل باصص للطريق

اتنهدت بحزن و قالتله

همس...متزعلش 

بس هو مردش عليها اصلا و دا خلاها تزعل جدا

بصت للشباك جمبها و هي بتلوم نفسها على زعيقها 

و نزلت دموعها بحزن و صمت لدرجة ان مالك مخدش باله اصلا انها بتعيط و كل احداث اليوم بتتعاد تاني ف بالها من كلام والدتها لتعب اختها لمالك الي زعل منها 

بس مره واحده حست بصداع رهيب من كتر عياطها خافت تقوله يقف عند اي صيدليه و تجيب دوا للصداع احسن يتعصب عليها او يضايق منها زياده

ملقتش حل غير انها تغمض عينيها شويه يمكن الصداع يقل و معداش دقايق و كانت نامت و كأنها بتهرب من الواقع 

..... لا اله الا الله وحده لا شريك له له الملك و له الحمد يحيي و يميت و هو على كل شئ قدير عدد خلقه و رضا نفسه و زنة عرشه و مداد كلماته

._انتييي اتجننتيييي يا رااانياا ولااااا ايييييييه

قالتها شيماء بغضب من اختها لما عرفت بالي قالته لـ همس 

نزلت دموع رانيا بحزن و قالتلها

رانيا...عايزاني اعمل ايه يعنييي انتي شايفه البيت مفهوش روح ازاي عشان هيا مش موجوده...ايه عايزاني اموت من كتر اكتئابي

ردت عليها شيماء بسخريه و هي بتقولها

شيماء...لا طبعا ازاي تمو.تي البت بقهر.تها

سكتت رانيا و هي دموعها نازله بحزن على هيا و ساره الي كانت متابعه الحوار كله و ساكته و مقالتش ولا كلمه 

قالت شيماء لـ رانيا بتحذير

شيماء...لو عرفت يا رانيا انك قولتيلها كلمه تانيه زعلتها ولا جرحتها انا الي هبقى ضدك قبل اي حد 

بصتلها رانيا بزهول من كلامها 

و شيماء الي كملت كلامها بغضب و هي بتقول بزعيق

شيماء...دمرتيييي نفسييييية البنتتتت

...لا اله الا الله وحده لا شريك له له الملك و له الحمد يحيي و يميت و هو على كل شئ قدير عدد خلقه و رضا نفسه و زنة عرشه و مداد كلماته

بعد وقت كان مالك و همس وصلوا الصعيد 

قالت امال بابتسامه 

امال...حمدلله على السلامه

ابتسملها مالك و قالها

مالك...الله يسلمك يا حبيبتي 

لاحظت فرحه وش همس الي متغير 

فرحه...مالك يا همس انتي كويسه..؟

بصتلها نعيمه باستنكار و فرحه الي تجاهلتها اصلا

هزت همس راسها يمين و شمال و قالتلها

همس...لا يا مرت عمي انا بس دماغي مصدعه شويه محتاجه برشامة صداع و انام بس شويه و هبقى كويسه بإذن الله 

امال...طب استني 

وجهت كلامها لـ ورد و رهف و هي بتقول

امال...تعالوا حولوا الاكل على السفره

قاموا دخلوا المطبخ و موسى الي قال لـ همس

موسى...متروحيش الشركه بكره يا همس

قالتله همس باستغراب

همس...ازاي يعني يا جدي بس 

قالها موسى بحده

موسى...هو ايه دا الي ازاي يعني بصي شكلك بقى عامل ازاي ايه المشكله لما متروحيش الشركه يومين 

سكتت همس و متكلمتش و مرتضى الي قال

مرتضى.. خلاص يا ابوي هي مش هتروح هتابع شغلها من و هي اهنيه

حست همس ان ظا حل كويس و هزت راسها بالمواقفه 

بس الصداع مكنش راضي يسيبها و فضلت دماغها مصدعه لدرجة انها مكنتش حتى مستحمله صوت قطتتها الي جاتلها على طول اول م شافتها رجعت البيت 

همس...عن اذنكوا 

و قامت و هي ناويه تروح على اوضتها

مرتضى...يا بنتي استني اتغدي الاول

بس هي شاورتله بمعنى لا و كملت طريقها لأوضتها

و كل دا كان مالك ساكت تماما و مبيتكلمش مع حد يا دوبك سلم على عمته و خلاص 

شك موسى انهم متخانقين و ان مالك هو السبب ف زعلها و قال بحده خفيفه

موسى...مالك

بصله مالك و قاله باحترام

مالك...ايوا يا جدي

موسى...همس مالها

هز مالك راسه بعدم معرفه 

و فرحه الي قالت بغضب خفيف

فرحه.. يعني ايه متعرفش يعني البت كانت خارجه من البيت كويسه رجعت معيطه و من كتر عياطها صدعت يبقى اكيد في حاجه زعلتها

مالك...معرفش الصبح كانت عند امها عشان كلمتها امبارح و كانت عايزاها تروحلها عشان تتكلم معاها و همس قالتلها خليها بكره على انهارده وصلتها عند فيلا جدها و روحت الشركه معداش كام ساعه و لاقيتها بترن عليا و هي صوتها معيط و كانت عايزاني ابعتلها السواق مرضتش اسيبها لما عرفت انها كانت معيطه سبت الشغل و رحتلها فضلت اقولها مالك و ايه الي زعلك طب مامتك قالتلك حاجه ضايقتك و هي كل الي بتقوله مفيش حاجه مش زعلانه غصب عني اضايقت عشانها و قولتلها امال كنتي بتعيطي ليه راحت مزعقه و هي بتقولي ان اختها ف المستشفى و اكيد هتبقى زعلانه عليها 

كمل بغضب و هو بيقول

مالك....بعد خوفي و قلقي ان يكون حد زعلهاااا بتزعقلي انا

سكتوا كلهم و هما مش عارفين همس مالها قال مرتضى بأسف لـ مالك

مرتضى...حقك عليا انا يبني متزعلش منها 

مالك..انت ملكش ذنب يا عمي شكرا ليك

وجه كلامه للكل و هو بيقول

مالك... انا راجع الشركه سلام

و قام خرج شافته امال الي كانت خارجه من المطبخ و قالتله

امال...رايح فين يا مالك استنى اتغدى الاول 

بس هو مردش عليها اصلا و خرج و رزع باب البيت جامد 

اتنهد مرتضى بحزن و استغراب من بنته و فرحه الي قالت

فرحه...في سبب تاني خلى همس تتعصب كدا في حاجه تانيه زعلتها مش معقول يعني مره واحده كدا تتعصب عشان اختها 

قال وليد بشك

وليد...تفتكروا امها قالتلها ايه 

هز مرتضى راسه يمين و شمال بعدم معرفه و فرحه الي قالتلهم

فرحه...انا هطلع اتكلم معاها

و طلعت على اوضة همس 

....سبحان الله و بحمده سبحان الله العظيم عدد خلقه و رضا نفسه و زنة عرشه و مداد كلماته

كاتت همس قاعده على الكتبه الي تحت الشباك 

كانت بتبص للشارع ف محاوله منها انها تشتت تفكيرها عن كلام امها الي مش راضى يسيبها 

لاقت دوما جت و قعدت قدامها و هي بتنونو لها

ابتسمت همس و شالتها و هي بتقولها بأسف

همس...عارفه انك زعلانه مني و اني بقالي فتره كبيره اوي سايباكي 

نونوت قطتها و كأنها بتقولها "ايوا"

ابتسمت همس و قالتلها

همس...معلش بقى ..صاحبتك بتمر بفتره ف حياتها متامنهاش لألد اعدائها

مسحت على راس القطه الي كانت مبسوطه ان همس باتكلم معاها

خبط الباب و همس سابت دوما على الكنبه و قامت راحت ناحية باب الاوضه عشان تشوف مين 

و دوما الي افتكرتها هتخرج و تسيبها و نزلت جري و راحتلها

همس...مش همشي انا موجوده اهو 

فتحت الباب لاقت فرحه 

همس..اهلا يا مرات عمي

بعدت عن الباب و قالتلها

همس...تعالي

دخلت فرحه و قعدت على الكنبه و همس راحت قعدت هي كمان 

قالتلها فرحه بحنان

فرحه...انا عارفه اني الفتره الاخيره دي كنت بعاملك وحش حبتين بس مكنش قصدي انتي عارفه مرت عمك فرحه بتحبك قد ايه من و انتي صغيره 

ابتسمتلها همس و قالتلها

همس...اكيد يا حبيبتي و انا عمري م ازعل منك واصل

فرحه...احكيلي يا همس امك قالتلك حاجه تزعلك 

هزت همس راسها برفض بس فرحه قالتلها

فرحه...لما سيبتينا و طلعتي كلنا اضايقنا من مالك لأننا افتكرناه زعقلك عشان كدا كنتي معيطه بس هو حكالنا كل حاجه و قال انه زعيقه كان من خوفه عليكي ان يكون حد ضايقك ولا امك قالتلك كلمه زعلتك ولا حاجه

هزت همس راسها و فضلت باصه للأرض

لاحظت فرحه الي قالتلها

فرحه...بصيلي يا همس 

غمضت همس عينيها ف محاوله منها انها تمنع الدموع الي اتجمعت ف عينيها

و بعدين بصت لفرحه الي لاحظت انها كانت هتعيط 

زعلت فرحه جدا عشانها و قالتلها

فرحه...يا حبيبتي طب حصل ايه بس

لحد هنا و همس مكانتش قادره تتحكم ف دموعها اكتر من كدا و عيطت جامد 

اتخضنت فرحه عليها جدا و حضنتها و هي بتطبطب على كتفها و بتقولها

فرحه...اهدي طيب يا حبيبتي متعيطيش اهدي

مسحت همس دموعها و قالت لفرحه

همس...انا هحكيلك بس الكلام الي هقولهولك دا مش عايزه اي حد يعرفه يا مرت عمي 

هزت فرحه راسها بتأكيد على كلام همس

و همس الي بدأت تحكيلها و هي بتقولها

همس...روحت لاقيتها بتقولي انها عايزاني اروح اعيش معاهم هناك لحد م هيا تفوق بالسلامه و اني امسك شركة هيا بدالها و كل حاجه تبع هيا اللاب و التليفون و كل حاجه كانت مجهزهوملي يا مرات عمي

نزلت دموعها و هي بتقول بقهر

همس...دا حتى اسمي مكنتش عايزه تقوله كانت بتقولي يا هيا 

كانت فرحه مصدومه من الي بتسمعه و همس الي قالتلها بحزن و قهر

همس...انا كنت فاكراها هتعتذرلي عن معاملتها السيئه ليا يا مرت عمي متوقعتش اصلا انها تقولي الكلام دا 

دمعت عيون فرحه بحزن عليها كانت هترد عليها بس اتفاجئوا لما لاقوا باب الاوضه بيتفتح جامد و مالك رايح ناحية همس بغضب 

شدها من دراعها و هو بيقولها بزعيق

مالك.....ازااااي تخبييي عليااااا ازااي متعرفينيبش كل الكلام دا يا هممسسس كدبتي عليااا ليييه

كانت همس ف حالة صدمه من انه سمع و افتكرت فرحه متفقه معاه انه يسمع كلامها لأنها اصلا مكنتش تعرف ان مالك كان مشي راح شغله حتى فرحه نفسها اتفاجئت من وجوده

نفضت ايدها بغضب و بصت لفرحه و قالتلها بعصبيه

همس....لييييه عملتيي كدااا هااا. ...هتفضلي طول عمرك زي م انتييي انا مش عارفه انااا ازاي صدقتك اصلاااا انتي كذااابه

بس اتفاجئت بالقلم الي نزل على وشها من مالك 

رفعت وشها و هي مصدومه لاقيته بيقولها بغضب

مالك....صوتك ميعلاش على امييييي ووووو

 

•تابع الفصل التالي "رواية عيب الشوم" اضغط على اسم الرواية