رواية عشق بالخطأ الفصل الخامس والعشرون 25 - بقلم نجمة براقه

 رواية عشق بالخطأ الفصل الخامس والعشرون 25 - بقلم نجمة براقه

#ياسر 

كنت في الشغل ف رجعت ودخلت اوضتي،  لقيت مريم نايمه وفارده ايدها جمبها وفي دم علي معصمها وجمبها سكين،  للحظه اتفزعت وفكرتها انتحر*ت، لغيت ما شوفت جمبها ازازة مكركروم ولما ركزت معاها أكتر شوفت نفس بيروح ويجي وغير ملامحها اللي بتتحول من االابتسامه ل الجديه،  ف فهمت ان ده مقلب منها ف قررت اجاريها و روحت عندها جري 

ياسر  _ مريم انتي عملتي ايه،...  يااااربي موتت نفسها،..  اعمل ايه دلوقتي المفرش ابيض مش هينضف بسهوله من الدم وانا بقرف

مريم تقوم بعصبيه _ لا والله 

ياسر بذهول مصتنع _ بسم الله الرحمن الرحيم،  اعوذ بالله،  انت مين

مريم بنرفزه _ يعني انت مهمكش في الموضوع غير الفرش الأبيض اللي اتوسخ

ياسر _ انتي مريم ولا عفريتها طمنيني انا بخاف

مريم بغيظ _ زفته.. قوم من جمبي

ياسر يتنفس براحه  _ ياشيخه خضتيني فكرت نفسي هعيش مع عفريتك 

مريم بغيظ _ ياسر قوم من جمبي لا ارتكب فيك جنايه دلوقتي

ياسر _ اوك،.. يلا قومي انتي كمان اغسلي الفرش علشان مبحبش لون الدم 

مريم تحدف عليه المخده _ يلا من هناا 

ياسر _ متعصبه ليه دلوقتي انا اللي مفروض اتعصب علشان وسختي الفرش 

(مريم تبص بعيد بضيقه )

ياسر  بإبتسامة  _ مالك 

مريم _ مفيش 

ياسر _ اوك 

( سبتها ودخلت  الحمام وبقيت أضحك  على  سذاجتها وبعد شويه طلعت لقيتها وافقه قدام المرايا ودموعها علي خدها و بتمسح ايدها ولما شافتني طلعت من الاوضه، وانا بعدها بشويه طلعت وراها لقيتها قاعده في الجنينة وبتقلب في التليفون،)

ياسر يقعد قدامها _ مالك

مريم _ مفيش

ياسر _ فيه، شكلك زعلانه 

مريم تحبس دموعها _ مفيش

ياسر _ طيب انا زعلتك فى حاجه 

مريم _ لأ

ياسر _ ماما زعلتك

مريم _ لأ 

ياسر _ كده مفيش غير كريم 

مريم _ اه  

ياسر _ عمل ايه الحيوان

مريم _ انا اللي عملت مش هو... انا الغبية اللي اديت لنفسي قيمه عنده ونسيت انه مش شايفني اصلا

ياسر _ انتي مش بتقولي بيحبك 

مريم _   انسا مش حابه اتكلم في الموضوع 

ياسر _ طالما اتكلمتي يبقا لازم اقولك حآجه....  اللي بيحب حد بيهتم بيه ومش بيخليه يحس احساسك دلوقتي.. عندك انا مثلا مستحيل اسمح ان روان تزعل بسببي لحظه واحده 

مريم _ اه 

ياسر بإبتسامة _ اه ايه

مريم _ مفيش

ياسر يمسك ايدها فجأه _ فين الجرح مش شايفه 

مريم _ انسا 

ياسر  _ ههههه لما تكوني عايزة تعملي ميته متبقيش تبتسمي وتتنفسي حاولي المره الجايه تكتمي نفسك علشان كشفتك من اول ثانيه

مريم _ يعني انت كنت عارف من الاول

ياسر _ ههههه اه

مريم _ يعني كنت عارف وبتستهبل 

ياسر _ ههههههههههههه مش من الذوق اسيبك تستهبلي لوحدك ههههه

مريم بإبتسامة _ يعني كده، طيب

ياسر _ تانى مره متتحدنيش علشان مش هتعرفي تهزميني ها

مريم _ اوك كده تعادل اعترف انك قدرت تهزمني مرتين ورا بعض 

ياسر بغرور مصتنع _ اقل حاجه عندي

مريم بإبتسامة _ طيب هقوم اتمشا علشان ابلع كلامك 

ياسر _ ههههه روحى

#مريم

طلعت غبيه وكشفني وقدر يضحك عليه تاني، بس بسيطه اكيد هلاقي طريقة انتقم منه بيها، لكن ازاي مش عارفه

طلعت اوضتي استحميت وخرجت سرحت شعري وبعدين وقفت شويه في البلكونة، وشوفته لسه قاعد مكانه، وقفت شويه ابصله وانا بفكر ازاي ممكن اخلص منه اللي عمله معايا

#ياسر 

شوفتها واقفه في البلكونة وبتبصلي، كنت عارف انها بتفكر تخلص منى ازاي، وكان نفسي اعرف اية المقلب الجديد اكتر من هي شخصيآ،    

#مريم

بعد تفكير ملقتش طريقه غير اني اعمل اني بكلم كريم، روحت جبت التليفون ورجعت للبلكونه و حطيت التليفون علي ودني وبقيت اتكلم  و اضحك على أساس بكلم كريم  ... هو مكنش سامعني بس شكلي يقول اني بكلم حد... بس اللي ضايقني انه طنشني ومسك تليفونه واتصل بحد ورفع رجلين علي التربيزه وبدا يضحك بصوت عالي ويرجع للخلف  ، وبعد شويه قفل و رجع الاوضه و وقف قدام المرايا وسرح شعره وهو بيصفر بروقان ف قررت اني اكمل قدامه 

مريم _ بس بقا يا كوكي ههههه، انت لسه كده متغيرتش 

ياسر يبصلها من المرايا _ سلميلي عليه

مريم بقرف _ بتقول مين بيكلمني... ده رحيم....... لا اتجوز ايه هو انا هلاقي زيك.. احترام ورقه وادب، وكمان بتحبني 

ياسر يستدير _ هاتى اكلمه

مريم تعض لسانها 

ياسر _ هاتى التليفون

مريم _ اااه تكلمه... لا ماهو ماهو مش فاضي دلوقتي لما يفضا هيكلمك 

ياسر _ لا هاتيه  دقيقه بس

مريم تنزل التليفون من علي ودنها _قفل، وتكلمه ازاي مش شايفني بقوله مش متجوزه

ياسر  _  كنت هوصيه عليكي

مريم _ توصيه ب أيه

ياسر _ كنت هقوله ياخد باله منك،  ولو زعلت اختي في يوم هموتك 

مريم _ اختك 

ياسر _ ايوه

مريم _ يعني انت بتعتبرني اختك 

ياسر _ ايوه في ايه

مريم تحبسه دمعتها _ شكرا ده العشم.. داخله اغسل وشي 

ياسر _ اقولك

مريم _ ايه

ياسر _ روان جايه ومش هوصيكي انك تفهميها اننا اخوات وبس عشان متزعلش

مريم _ طيب

ياسر بإبتسامة _ تسلميلي 

#ياسر

ههههه قال بضايقني قال مش عارف ايه البنات دي طيب كانت سألت عليه قبل ما تحاول

دخلت الحمام شويه وبعدين طلعت وهي غاسله وشها وعيونها لونهم احمر من العياط وبعدين سابتني ونزلت  المطبخ، وبعد وقت بتوصل روان وانا طلعتلها وزي عادتنا جرينا ورا بعض وروحنا المطبخ وبقينا نلف حولين مريم ونضحك، وهي واقفه وماسكه المغرفه وبتهز رجلها بغيظ 

روان _ ياااسر والله هزعل منك 

ياسر _ ههههه يابت بطلي شقاوه يا شقيه

روان _ اهئ اش هبطل غير لما اعضك عضه صغنونااا 

( مريم تضغط على المغرفة بغضب) 

ياسر _ في  حاجه يا مريم 

مريم  _ في  اني مش  عارفه  اطبخ بسببكم ممكن  تطلعو بره 

ياسر _ اوكي، رورو تعالي  جمب الحوض علشان  منضيقهاش 

روان  _ اوكي يا ياسوري 

وقفنا جمب  الحوض وبقينا نضحك ونهزر ومريم واقفه جمب البتوجاز وبتتعصب علي  الحلل والمعالق 

روان  _ في  حاجه يا مريم  

مريم  بعصبيه _ ملكيش  دعوه 

روان  _ ياااي انتي  بتزعقيلي،  ياسوري  جيبلي حقي 

ياسر _ خلاص  يا بيبي هي بس متعصبه عشان  الطبيخ بيطرطش عليها،  تعالي خلينا نقعد في الجنينة 

روان _ تؤ انا عاوزة ابلبط في حمام السباحه

ياسر _ ياااسلام دا انا  وحشتني البلبطه معاكي 

روان _ ههههههههههههههه يا شقي 

ياسر _ اهو انت بقا يا طعم

روان _ بس في مشكله يا ياسوري

ياسر_ ايه ياقلب ياسوري 

روان _ مش جايبه مايوه 

ياسر _ مش مهم هنكون تحت الميه ومفيش حاجه هتبان 

روان _ ههههههههههههههه يا شقي 

مريم تمسك كوب ميه وتدلقه عليهم 

مريم بعصبيه _ اطلعو بره لا ادلق عليكم الشربه 

روان _ اوووه شايف يابيبي 

ياسر _ ههههههههههههههه شايف يا روحي،

روان _ شايف غرقتنا ازاي 

ياسر _ تعالي انشفك

مريم بانفعال _ ما تطلعوووو لا اولع فيكم انتو الاتنين

ياسر _ ههههه اوك  يالا يا بيبي.... تشاااو 

( خدت روان وطلعنا الجنينة)

روان _ ههههه والله حرام عليك ليه بتعمل فيها كده

ياسر _ هي اللي بدأت خليها تتربا 

روان _ وافرض ما انت عارف انها بتكدب عليك وحتي لو مش بتكدب ف عادي يعني

ياسر _ عادي ايه انتي هبله 

روان _ اه عادي انت مش معتبرها مراتك وبعد فترة هتمشي فيها ايه لما تصاحب زيك 

ياسر _ تصاحب وهي على زمتي انتي باين ان عندك ربع ضارب 

روان _ ما انت بتصاحب وهي علي زمتك امال ايه الحوار اللي عملناه قدامها ده

ياسر _ انا بطلت اقابل بنات من وقت ما اتجوزتها اخري برقص معاهم وخلاص وانتي صحبتي ومفيش بينا حاجه 

روان _  واطي بردو 

ياسر _ واطي في ايه بقا

روان _ يعني لو هي جابت واحد وعملت زيك كده كنت هتسكت 

ياسر _ لأ طبعاً كنت جبت راسها علي صدرها 

روان _ وليه تدي لنفسك الحق ده وهي لأ

ياسر _ ما انا بقولك هي اللي بدأت 

روان _ انت قايلي انها كانت بتكلم نفسها في التليفون يعني معملتش حآجه، بس انت اللي متخلف يا صاحبي

ياسر _ انتي صحبتي ولا صحبتها ما تتلمي 

روان _ اصلها صعبانه عليه خسرت كل حاجه وكمان جاي تضايقها دا انت مفتري 

ياسر _ اه 

روان _ هو انت ليه متجوزهاش بجد البنت بتحبك وشكلها غلبانه 

ياسر _ انتي شكلك جعانه ومش فاهمه بتقولي ايه، يلا نقعد 

روان _ بتكلم جد.. ايه اللي يمنع يعني 

ياسر _ اللي يمنع اني مش انا اللي اكل حاجه حد مضغها قبلي 

روان _ كلامك قاسي اوي، طيب ما انت كمان.كنت كل ليله مع واحده يعني اتمضغت كتير وهي قبلاك من البداية

ياسر _ روااان قفلي على الموضوع 

روان _ تؤ مش هقفل، مكنتش اعرف انك اناني كده.. انا ماشية 

ياسر _ اقعدي

روان _ لأ  

كلامها صح انا اناني   بس  بردو مش  هقبل اني اتجوزها بعد  اللي  حصل 

#مسك 

روحت ل ماما ولقيت سيف  قاعد معاهم  ولما  وصلت  كان  هيدخل 

مسك  _ استنا 

سيف _ افندم 

مسك _ هتفضل كده  كتير 

سيف ينظر لمراد ورودينا _ اتكلمو انتو بلاش  انا 

مسك  _ في  ايه 

مراد  _ خالد خد بنته وسافر 

مسك _ طيب  وفين المشكله واحنا  مالنا بيه 

سيف _ مالنا بيه  ازاي  وحق سليم اللي  ضاع نرجعه ازاي  

مسك  _ انت ليه  مش  فاهم  اننا مهما نعمل  عمر صوباع سليم  ما هيرجع 

سيف بغضب  _ مش  عاوزين  صوباع سليم،  بس  خالد  ميبقاش حر بعد  اللي  عمله..  طيب احلفي ان لو كان  عمل  كده  في  أسر كنتي  هتبقي بالبرود ده 

مسك _ انت  ليه  عاوز تطلعني وحشه بالعافية..  محدش  فيكم سمع خالد  وهو  بيقولي  لو الفيديو  وصل  للبوليس مش  هخلي واحد  في  عيلتك عايش،  ولا  عشان  حق عمره ما هيرجع نروح  نضيع نفسنا كلنا، ما تتكلم  يا بابا 

مراد _ اقول ايه يابنتي

سيف  _ بقيتي  تتصرفي تصرفات مُهينه ليه  وحتي  كلامك مهين،  يعني انا  مش  هقدر  احمي عيلتي منه،  انتي  لدرجة  دي مستهونه بيه 

مسك  _ مقصدش كده  خالص  

سيف  _ ولا  تقصدي مبقتش  فارقه 

مسك _ طيب  ممكن  نخرج نتكلم  مع  بعض شويه

( تجاهل كلامي ودخل اوضته)

رودينا _ روحي وراه

مسك _ حاضر

روحت وراه ولحقته قبل ما يقفل الباب 

مسك_ ايه اللي يرضيك دلوقتي وانا اعمله

سيف _ انك تطلعي وتسبيني لوحدي

مسك _ سيباك تلات ايام لوحدك لسه عاوز تكون لوحدك تانى 

سيف _ اطلعي يا مسك 

مسك _ ماشي، هخليك علي راحتك لغيت ما تهدا 

سيف _ اها 

مسك _ ماشية اهو 

سيف _ أمشى

مسك_ ماشية اهو 

سيف _ طيب يلا 

مسك _ ماشية 

سيف يضع يد علي يد _ همم 

مسك بإبتسامة _ سلام 

كنت ماشية ف زين خبط ولما فتحت دخل وقفل الباب 

مسك _ في ايه 

زين _ اقعدي عاوزكم

سيف _ افتحلها كانت ماشية 

زين _ سيييف بربك مش وقته.. عاوز اتكلم معاكم في موضوع مهم 

مسك _ خير

زين بإبتسامة _ انا هتجوز 

سيف _ فجأه كده 

مسك بإبتسامة _ الصديقة صح 

زين _ هي 

سيف _ دا باين في اسرار انا معرفهاش 

زين  _ متعرفهاش ازاي ماهي دي البنت اللي اتقبض عليه عشانها

سيف _ ياسيدي، يعني اتسجنت عشانها ورايح تجوزها 

زين  _ بلاش انت 

مسك تداري ابتسامتها 

سيف _ زيييين اخلص قول ايه المطلوب

زين _ تيجو معايا 

مسك بإبتسامة _ طبعاً لازم نيجي ودي فيها كلام

سيف _ متبقيش تقرري عني 

زين _ ايه ده بقا، يعني ايه الكلام ده، اوعا تقول مش جاي 

سيف _ هاجي بس انا اللي اقول 

مسك _ ايه الجديد اللي ضفته من عندك نفسي افهم 

سيف _ اظن من حقي اقرر لوحدي في حآجه زي دي مش كل حاجه هتقرريها بنفسك 

مسك _ على فكره بقا انت...

زين بمقاطعه _ باااس انتو لسه هتتخانقو بقولكم هتجوز 

سيف _ ماشي شوف عاوزنا نروح امتي وانا هجيلك

مسك _ اسمها هنجيلك، بالجمع 

سيف _ كنتي افتكرتي الجمع ده لما حذفتي فيديو ريماس 

مسك _ انت ليه.مش فاهم اني كنت

زين بمقاطعه _ لحظه لحظه، هتتخنقو ليه، فيديو واتحذف بس هو معايا بسيطه مش مستاهله خناق 

مسك _ الله يخربيتك 

سيف _ يعني معاك

مسك _ لا مش معاه 

زين _ معايا بس في أيه 

مسك بنرفزه _ انت مين قالك تتكلم 

سيف _ ولا كلمه، اطلعي بره 

مسك _ زين اوعا تدهولو،  هيضيعنا كلنا لو خدو 

سيف  _ قولت  اطلعي  بره  

زين  _ ما حد  يفهمني في  ايه

سيف _ استناني 

مسكني من دراعي وطلعني بره  الاوضه 

مسك _ سيف  عشان  خاطري  بلاش،  عشان  خاطر  اسر طيب  

#سيف

طلعتلها ورجعت  ل زين وطلبت منه يبعتلي الفيديو 

سيف  _ ابعت الفيديو  

زين  _ طيب  ممكن  تفهمني في  ايه الاول 

سيف  _ انت ليه  رغاي ما تبعت وانت  ساكت 

زين  _   اوك،  ( بيطلع تليفونه ويبعتله الفيديو) 

سيف _ شكرا  

زين  _ هتعمل  إيه 

سيف  _ هبلغ عن خالد 

زين  _ طيب  مال مسك ليه  معترضه 

سيف  _ خايفه  علينا من الد*بح

زين  _ ههههه  خايفه  على  مين

سيف  _ علينا وبما فيهم انا تصور 

زين  _ عندها حق 

سيف  _ ما تخلنيش اغلط فيك    انت كمان 

زين  _ وانا  مالي..  بس  متعملش حاجه قبل  ما تروح  معايا عند  نسمه

سيف  _ هروح  يا مصلحجي

زين _ ههههه  افرض خوف مسك حصل  اقعد كده  من غير  ما اتجوزها 

سيف  _ يااا الهيافه،  اخلص قول  عاوزنا نروح  امتي

زين  _ النهارده  الساعه  خمسه 

سيف _ اوك هجيلك 

زين  _ انت مش مبسوط  علشاني ولا  إيه  

سيف يحضنه _ اكيد  مبسوط،  زين الصغير  بيتجوز ومكونش مبسوط بردو

زين  بإبتسامة  _ ما كبرنا  خلاص يا بروف

سيف  _ طيب  تعاله اقعد واحكيلي عرفتها ازاي وتكون  بنت مين

زين _ هحكيلك 

#مراد

طلعها من عنده وبقت تلف يمين شمال قدام اوضته، ف روحت جبتها عندنا وفهمت منها اللي حصل

مسك بترجي _ بابا ارجوك اقنعه ميبلغش 

مراد _ يابنتي وحقك سليم 

مسك _ مفيش حقوق هترجع، انتو ليه مش مقدرين حجم المشكله

مراد _ يعني انتي عاوزاه يسيبه بعد اللى عمله في سليم وفيكم

مسك _ اه يا بابا يسيبه... بابا انت اكتر حد المفروض يفهمني 

مراد _ لا مش فاهم وجهة نظرك اللى تخليكي عاوزه تضيعي حق سليم

مسك _ تقدر تقولي حصل ايه معاك انت وانا وسيف و ماما لما جبتلها حقها من..... من حمزه

مراد _ يعني إيه

مسك _ يعني القصة هتتكرر وانا مش مستعده يحصل لابني او سليم زي اللي حصل ل سيف، ومش مستعده اشوف حد منكم مقتول، 

رودينا _ خلاص يامسك متقلبيش في اللي فات

مسك بنرفزه _ متقوليليش اسكت، انا اكتر حد فيكم اتأذا بسبب المشاكل دي، انا اللي لسه بمشي اقنع الناس اني متجوزتش اخويا،... بابا عوض رجله بطرف صناعي، وسيف في النهاية رجع لاهله وانتي اتجوزتي اللي حبيتيه،، وانا بس اللي مليش اسم، وعايشه باسم تاني غير اسم ابويا الحقيقي انا بس اللي بنت حرام... محدش يقولي اسكوت 

مراد _ متقوليش كده انتي بنتي انا وبس 

رودينا بدموع _ حرام عليكي بتفكرينا ليه احنا ما بنصدق ننسا 

مريم بانفعال _ انتو بتنسو انما انا لأ مبنساش ولا هنسا... محدش فيكم هيحس احساسي دلوقتي..  وانتو مُصرين تكررو القصة تانى

( بقت تتكلم وتزعق وسيف وزين طلعو علي صوتها)

سيف _ ارتاحي يامسك مفيش كلام هتقوليه هيمنعني اني ابلغ 

مسك بانفعال _ يبقا متعلمتش من اللي حصلك وشكلك حابب تشوف حد من الاولاد زيك 

سيف _ زيي؟

مسك _ ايوه زيك ولا انت كنت مبسوط وانت شغال في السلاح والمخدرات وماشي تقتل في الناس 

سيف _ يلا يابني 

مسك _ متسبنيش كده... انت عاوز يحصل للولاد نفس اللي حصلك يعني ولا حابب تشوف خالد خاطفني وعمل فيه زي ما حصل مع ماما 

سيف يضربها بالقلم بغضب _ اخرسي

زين يمسكه _ انت ايه اللي بتعمله ده 

مراد _ ليه يابني كده 

سيف يمشي ويسيبهم ومسك تحط ايدها على خدها وهي مش مستوعبه انه ضربها 

رودينا تمسكها _ معلش حبيبتي هو مضايق شويه 

مسك تسيبها وترجع البيت 

#سيف 

معرفش عملت كده ازاي بس هي نرفزتني، ازاي مستهونه بيه كده معقول مش حاسه اني اقدر احميها واحمي ولادنا 

بعد شويه جه بابا ودخل  عندي  وفي  عينه نظرات عتاب 

مراد  _ كان  لازم  تمسك نفسك  شويه،  مينفعش  تضربها قدامي 

سيف  _ مش  شايفها بتتكلم  ازاي،.  ليه  خايفه منه وانا معاها، 

مراد  _ حقها تخاف  اللي  حصلها مش  قليل والمفروض انت تكون  فاهم  ده 

سيف  _ بابا انا زعلان علشان  عدم ثقتها فيه،  انا  فاهم  احساسها وكنت  طالع  علشان  اصالحها رغم  اللي  عملته،  بس هي  زودتها 

مراد _ معلش تعاله على نفسك وصالحها المره دي

سيف _ مش دلوقتي، لما ابلغ عشان متحاولش تمنعني 

مراد _ انا مش موافق انك تبلغ 

سيف _ انت كمان يا بابا 

مراد _ ايوه يابني بلاش احنا في غنا عن عداوة جديده

سيف _ انا مش مصدقك... مالكم لدرجه دي خايفين منه، وانا روحت فين لما تخافو كده

مراد _ انا قولت زيك كده واتغاشمت، وخسرتك وخسرت رجلي.. بلاش يا حبيبي علشان خاطري بلاش

سيف بغضب _ كفاااايه، محدش ليه دعوه بيه... انتو عايزين تجننوني 

مراد_ علشان خاطرنا..  ولا احنا ملناش خاطر عندك، طيب فكر في أسر 

سيف _ وسليم مين يفكر فيه،.. ولد يتيم زي ده مين هيجيبله حقه... انت لو خايفين قصتنا تتعاد ف انا خايف علي سليم يطلع متعقد طول عمره ولما يكبر هيجي يسألني ليه سيبت حقي، اقوله مقدرتش عشان اهلي خايفين من خالد

مراد _ يابني والبلاغ هيرجعله صوباعه ازاي،.. خلاص كفايه مشاكل وصراعات احنا في غنا عنها

سيف _ بابا انا مش خايف زيكم وهبلغ عنه مجرد نا يرجع مصر، بس انا مش هدفن راسي في الرمل 

مراد _ يارب ما يرجع

سيف _ وقتها بقا يبقا ربنا بيحبه

عشق_بالخطأ

  •تابع الفصل التالي "رواية عشق بالخطأ" اضغط على اسم الرواية