رواية عشق بالخطأ الفصل التاسع والعشرون 29 - بقلم نجمة براقه
#أسر
انا أسر 28 سنه(" Fashion designer. مصمم ازياء") وعندي شركة (Misk Fashion) لتصميم الازياء ، وسميتها بأسم ماما علشان هى اللى بتشجعني، وساعدتني من البداية لغيت ما بقالي اسم في المجال ده،
عائشة تدخل المكتب بدون استأذن كعادتها _ أسر شوف كده
أسر _ أش نفسي مره تخبطي قبل ما تدخلي
عائشة _ وانا بدخلك غير لو في حاجه مهمه، اتفضل شوف
أسر _ ايه ده
عائشة _ شوفي التصميمات دي ودي
أسر _ مالهم يا أش
عائشة _ مسروقين يابني، مش ده نفس التصميم بتاعك
أسر _ أش الموضوع مش مستاهل، خلي اللي يقلد يقلد، عمرهم ما هيوصلو لينا، فكك بقا
عائشة _ يابرودك مش شغلك ده
أسر _ شغلي يا حبيبتي بس في فرق كبير بين ده وده
عائشة _ ايه بقا الفرق
أسر _ درجة الون، والتطريز اللي على الرقبه غير فتحت الرقبه نفسها محتاجه أسر بس علشان يطلعها بالروعه دي
عائشة _ ويقولو علينا احنا اللي بنلاحظ التفاصيل اه منك عينيك دي ولا ردار
أسر _ مين طفا النور، أش متهزريش وشغلي النور
عائشة _ بطل بقا
أسر _ حبيبتي انا معنديش غير عينيا من غيرهم حالنا يوقف وانتي عينيك مدوره وانا بخاف منك
عائشة _ اسر بطل رزاله على الصبح انا مش نقصاك
أسر _ انتي مش ملاحظه انك بتكلمي مديرك وممكن ارفدك
عائشة _ ياعم اتنيل مدير علي نفسك
أسر _ انا مش عارف ليه شغلتك معايا ما كانت علاقتنا انتهت في الجامعة وخلاص
عائشه _ يعني امشي دلوقتي ومرجعش
أسر _ يابنت انتي هبله بتقولي شكل للبيع روقي دمك ليه دايما حاميه كده
عائشة تعدل النضارة _ انا رايحه مكتبي...... اه وبالمناسبه نص ساعة وتكون مستني علشان البنات هيجو ... سلام
أش صحبتي من ايام الثانويه دخلنا الكليه مع بعض وبعد التخرج بدأت شغل بسيط في البداية وهي اول حد يشتغل معايا
هي بنت طيبه وجميله بس عصبيه ومعندهاش حاجه اسمها هزار وغير نضارتها اللي مبتقلعهاش نهائي، بس رغم طبعها الحامي، لكن هي اقرب حد ليه وبتهتم بشغلي ، و اذا اكلت ولا لا، ولو في غبار على البدله بتنفضها، ومطفشه نص العارضات عشان شيفاهم مايعين، وانا بصراحه نفسي اوي ارتبط ب بنت حلوه وهي مش مدياني فرصه
#عائشة
انا عائشة 27 سنه شغاله مع أسر من بدايته لغيت النهارده، وانا اعرفه من اوله ثانوي، وانا وهو صحاب، او تقدرو تقولو انا صحبته ، لكن انا مش بعتبره صاحبي ،... انا بحبه وهو شايفني صحبته وبس ، وعمره ما بصلي بشكل تاني ، وانا كمان عمري ما حسسته بحاجه ، وخايفه يعرف اخسره ك صديق و حبيب في نفس الوقت،
اكتر حآجه بضايقني لما بينبهر بالعارضات علشان شكلهم الغريب ده، كلهم مش مفهوم ضهرهم من وشهم مفيش اونوثه خالص،.. والنهارده المفروض اننا عاملين اعلان للعارضات وفي بنات كتير هيجو يقدمو، وطبعآ أسر هو اللي هيعاين البضاعه وينقي *
جه وقت المقابلات وكنت انا وأسر واتنين تاني بنشوف البنات،... دخلت كام بنت واختار منهم اتنين ومبقاش غير اخر بنت المفروض انها تدخل،.... ولما دخلت ، هنا كانت الصدمه ليا انا وأسر،.. انا صدمتي اني كنت اتمنا اني اعما ولا اشوفها تانى وبردو شوفتها.... وأسر صدمته انه مش مصدق عينيه أنه شافها مره تانية ...، ف قام من علي الكرسي بسرعه وبفرحه وحضنها.. وهي كانت لابسه ميني جيب مقطوع،، يعني ميني جيب وكمان مقطوع،، وبلوز او ايشرب مربوط على الصدر مش قادره احدد،، وروج احمممممر ،... ولا رجليها اللي رفعت واحده منهم للخلف وهي بتضحك وتقول " اااااسر ههههههههههههههه يا حبيببببي انا مش مصدقه عينيا اني شوفتك تانى ".. وهو يرد وابتسامته من الودن للودن " روما حبيبة قلبي كنتي فين كل ده انتي وحشاني ".... ردت عليه بمياعه وقالت... " مانت عارف يا حبيبي اني منفعتش في الدراسة هنا ف بابي سفرني اوروووبا ادرس هناك،.. بس ايه المفاجأة الحلوه دي انا كنت جايه ومكنتش اعرف اني هشوفك هنا خاااالص.".. ودورت بوقها هي وبتقولها... وانا كنت بتابع كل ده بصمت خارجي انما من جوه كنت بتخيل اني بمسح بشعرها السراميك، ،.. لغيت ما أسر خرم ودني وقالي،... "أش" روما فكراها؟.... ودي تتنسي ... دي حته اسمها روما بنشوفها علي الخريطه في المكتب
عائشة تقرب منها وتحضنها وتضغط عليها بغيظ _ مش معقوووول روما هنا، سبحان الله لسه زي مانتي بس كأنه ظهرلك تجاعيد مش كده أسر
روما _ امممم ازيك،، ياااا، كان أسمك اية؟
عائشة بإبتسامة ظاهريه _ اسمي عائشة يا حبيبتى" عائشة "،،، الا قوليلي مين شقلك الجيبه بتاعتك، اكيد المسامير اللى عاوزة تدق على دماغها كويس، مش كده يا أسر
أسر يخفي ضحكته _ انا بقول نطلب اكل علشان انا جعان
روما ترمقها بنظرات استكبار _ اوك يا حبيبي ناكول منكووولش ليييه،
عائشة تقلد حراكتها _ وانا كمان اكوووول مكووولش ليه
أسر _ ههههه أش اطلبي بيتزا و وديها المكتب واحنا جاين وراكي
عائشة _ وانا مالي حد قالك اني خدامه، ما تطلب لوحدك،.. روح روح وانا هقعد مع روووما شويه اصلها وحشتني
روما _ نؤ انا هقعد مع أسر عندي كلام كتييير عايزة اقوله ليه
أسر _ طيب حبيبتي خلينا نروح نتغدا برا ونتكلم
عائشة _ ماشي يلا
أسر _ انتي خليكي هنا الشغل محتاجك ولو في حآجه كلميني
عائشة بخيبه _ ماشي
(روما تبصلها من تحت لفوق وتمشي)
طول عمره يموت في الرمرمه كسفني قدمها، والله لا ماشي يا أسر
#روما
انا روما 27 سنه الوحيدة لبابي ومامي، الكل بيشهد اني جميله،
كنت في الجامعة مع أسر وبعدين سبتها وسافرت، بعد ما فشلت في الدراسة هنا، وبعد 7 سنين رجعت تاني، وعرفت ان أسر بقا معاه شركة خاصة بيه، و انه عاوز عارضات، ف روحت مع اني مش محتاجه الشغل، بس احساس صداقة المشاهير مغريه اوي، ...
ولما روحت لقيت المعقده اللي اسمها عائشة بتشتغل معاه، من يوم ما شوفتها لا انا بحبها ولا هي بتحبني، وطبعآ عشان أسر كان معجب بيا انا، وهي بتحبه و هو مكنش يعرف شعورها وقتها،.. ومعرفش دلوقتي ارتبطو ولا لأ.. ف حبيت اعرف ولما وصلنا المطعم سألته
روما _ انت ارتبطت يا أسر
أسر _ لسة
روما _ امال البتاعه دي قاعده بتعمل ايه جمبك
أسر _ مين البتاعه
روما _ عائشة
أسر _ لا عائشة صحبتي بس مانتي عارفه
روما _ يعني مفيش بينكم ايه حاجه
أسر _ لا ياحبيبتي احنا صحاب بس
روما _ امال انا ليه حاسه انها بتحبك من زمان
أسر _ ههههههههههههههه أش تحبني انا ... لا لا بيتهيألك
روما _ طمنتني
أسر _ طيب وانتي ارتبطتي؟
روما بمياعه _ تؤ ملقتش اللي بحلم بيه
أسر _ وهي ايه احلامك دي
روما بعد تفحص لمظهره _ نفسي في شاب قوي وجسمه رياضي، وشيك و وسيم ونكون فهمين بعض كويس
أسر بإبتسامه _ ايوه،
روما _ عارف، انا فرحت اوي اني شوفتك تاني، وكمان شكلك اتغير عن الاول، عملتها ازاي دي
أسر بإبتسامه _ اتغير للأحسن ولا الأوحش
روما _ للأحسن طبعاً، انتي بتروح جيم؟
أسر _ اكيد
روما _ برافووو،، انا بحب الشباب اللي بيهتمو بجسمهم ومظهرهم الخارجي
أسر بإبتسامه _ خليني اقول ان انتي كمان اتغيرتي شويه
روما _ احلي ولا اوحش
أسر بإبتسامه _ طول عمرك حلوه، بس دلوقتي بقيتي رشيقه وقوامك حلو،
روما _ ههههه ميرررسي
أسر _ انتي هتشتغلي معايا من دلوقتي
روما _ في عرض قريب يعني
أسر _ مش قريب اوي بس بحتاج موديل نشوف عليها التصميمات بشكل دائم
روما _ نوووو لااا ايه ده مينفعش، انا ممكن اشتغل في العروض بس
أسر _ طيب انا عاوزك تشتغلي معايا علي طول
روما _ اوك. ممكن اكون السكرتيرة بتاعتك لو تحب
أسر بإبتسامه _ شور، موافق
روما _ ميرررسي
#ميرال
صحيت الصبح،، مسكت التليفون وشوفت الرسايل ، لقيت عدد من الرسايل ومنهم رساله من أسير عينيها وكان ظاهر انه فاتح
أسير عينيها _ صباح الخير
ميرال _ انت تاني
أسير عينيها _ وتالت ورابع،
ميرال _ انت مين وتعرفني منين
أسير عينيها _ بصي من الشباك وانتي تعرفي
قومت من مكاني وطلعت في البلكونه، ف شوفت بلالين بطير ومتعلق فيهم من تحت اسم ميرال ، رجعت ابعتله تاني
ميرال _ ايه اللي انت بتعمله ده .. ايه شغل المجانين ده
أسير عينيها _ الجرس هيرن روحي افتحي
ميرال _ مين علي الباب.... انت بكلمك روحت فين
مردش عليه ف نزلت بسرعه لقيت الجرس بيضرب والشغاله كانت هتفتح
ميرال _ انا هفتح خليكي
فتحت ملقتش حد ولما بصيت لتحت شوفت صندوق هدايه فيه فتحات صغيره خدته وطلعت اوضتي تاني، ولما فتحته لقيت قطه لونها ابيض وفي رقبتها فيونكه.....
رجعت اكتبله تانى
ميرال _ انت مين قالك اني بحب القطط
أسير عينيها _ انا اعرفك اكتر من نفسك
ميرال _ انت باين عليك مجنون... روحت فين. هاااي يا اسير!
قفل ومردش عليه تاني، مش عارفه عاوز مني ايه وليه بيعمل. كده ويعرفني منين، انا هنا محدش يعرفني غير بابا
#شدن
انا شدن 23 سنه ، متخرجه من سنه وقاعده في البيت مش بشتغل، والنهارده روحت بيت عمي سيف لنفس السبب اللي بروح عشانه كل يوم، وهو سليم، سليم اللي مش شايفني وكأني شئ خفي،
اول ما وصلت لقيتهم قاعدين على السفرة وهو قاعد معاهم وقدامه الاب توب ومركز فيه اكتر من تركيزه في الاكل
مسك _ تعالي حبيبتي اقعدي
شدن _ شكرا ياعمتي لسه واكله
سيف _ فين ابوكي
شدن _ في الشركه ..... ازيك يا سليم
سليم _ هه... تمام ( ويعود للاب توب مره اخرى )
شدن _ انت على طول مشغول كده
سليم يرفع عينيه_ افندم
شدن _ اسفه
سليم يتجاهلها ويقوم _ بابا انا رايح المكتب
سيف _ يابني كمل اكل
سليم _ شبعت ... عاوزة حاجه يا ماما
مسك _ لا ياحبيبي خلي بالك من نفسك ومتتأخرش
سيف _ ماشي حبيبتي، باي
مشي وانا استأذنت وروحت وراه ولحقته قبل ما يركب العربيه
شدن _ سليم استنا
سليم يقف ولا ينظر إليها
شدن _ ممكن توصلني في سكتك
سليم بدون النظر إليها _ سكتنا مش واحد، تقدري تخلي سواق بابا يوصلك
شدن _ طيب ممكن أسألك سؤال
سليم بزهق _ ايوة
شدن _ انت ليه بتعملني كده
سليم يلتفت إليها _ وبعاملك ازاي بقا
شدن _ بتصدني دايما
سليم _ طيب بصي يااا شدن، علشان اريحك، انا مش بتاع حب ومشاعر، وانتي لسه صغيره ف شوفي حد تاني، عن اذنك ( بيدخل العربيه)
شدن بانفعال _ انت فاكر نفسك مين علشان تكلمني كده، انا مليون واحد يتمنو ابصلهم
سابني اتكلم مع نفسي ومشي... حسيت بالقهر من تصرفه ده وكنت بتمنا اقت*له وبعد لحظات مشيت في الشارع وانا متعصبه ومش مركزه في الطريق وفجأه طلعت عربيه كانت هتخبطني لكن وقفت فجأه لينزل منها ولد
احمد يجري عليها بسرعه _ انتي كويسه، جرالك حآجه
شدن _ مش تفتح
احمد _ انا مفتح انتي اللي ماشيه سرحانه
شدن بعصبيه _ ايوه يعني انا عايزة اموت نفسي قصدك
احمد _ يا انسه انتي متعصبه ليه دلوقتي، انا بطمن عليكي
شدن _ روح لحالك ( وبتمشي وتسيبه)
احمد_ يابنت المجنونة
#احمد
انا احمد 29 سنه شغال سواق علي عربيه ملاكي
فجأه طلعت في وشي ولما روحت اطمن عليها بقت تزعق ، وبعدين سابتني ومشيت، ف رجعت العربيه، وطلعت، وبعد مسافه شوفتها بتشاور لتاكس، ف وقفت عندها
احمد _ انا سواق علي فكره ممكن اوصلك لو تحبي
"شدن تدخل من غير ما ترد "
احمد _ تحبي اوصلك فين
شدن _ امشي بينا شويه
احمد _ مااااشي... تحبي تسمعي حاجه
شدن بعصبيه _ ممكن تسوق وانت ساكت ولا انزل
احمد بقرف _ مااااشي، توكلنا على الله يارب عدي اليوم
شدن _ ممكن تخرس
احمد _ عربيتي واعمل فيها اللي يعجبني
بصتلي بقرف ورجعت بصت قدامها.. ومشينا شويه و جالها اتصال، وبقت تتكلم مع الطرف التاني بعصبيه
شدن بعصبيه _ قالي شوفيلك حد تاني، انا مش عارفه شايف نفسه علي ايه امال لو مكنش يت...... هيخليني اقول كلام انا مش راضيه عنه....... متقوليش اهدي، انا خلاص مش هفكر فيه تاني أبداً..... متقوليش كدابه انا قولت مش هفكر يعني مش هفكر، واقفلي يلا
قفلت ووزعت التليفون جمبها علي الكرسي
احمد _ لا اله الا الله الناس بتموت عشان لقمة العيش وناس بتموت عشان سي فجله مش معبرها
شدن بعصبيه _ how dare you
احمد _ هاو دير يووووو، بعرف اتكلم انجليزي علي فكره متتنكيش علينا اوي
شدن بعصبيه_ نزلني
احمد _ مش قبل ما تدفعي 100 جنيه
شدن تطلع فلوس وترمهالو _ خد
احمد _ الفلوس تجيني في ايدي
شدن _ انت بتحلم، وقف العربيه يلا
احمد _ طيب اهو، العربيه مش هتوقف غير لما تسلميني الفلوس في ايدي
شدن _ انت مش عارف بتكلم مين
احمد _ بكلم بنت قليلة الادب متسلطه ومتعجرفه، هكون بكلم مين يعني
شدن _ انت متخلف يا جدع انت بقولك نزلني لا اعملك فضيحه
احمد _ طيب وديني ما انتي ماشيه غير لما تديني الفلوس في أيدي
شدن تمسك الفلوس _ اهم خد
احمد يخد منها الفلوس ويقبلهم _ من ايد ما نعدمها، اتفضلي يا برنسيسه يارب ما نشوف وشك العكر تانى
شدن بغيظ _ زباله
احمد_ امشي يابت
مشيت وبعد مسافه سمعت رنة تليفون ولما بصيت حوليه لقيت تليفونها واقع تحت، نزلت اجيبه وقبل ما ارد الاتصال كان قفل،... و هي قفلاه برمز ف معرفتش افتحه،، ف رجعت بسرعه علشان الحقها بس ملحقتهاش،.. لفيت عليها شويه واخر ما تعبت رجعت البيت وكان التليفون بتاعها فصل وانا معنديش شحن ينفع ليه، اصله تليفون ايفون
#شدن
روحت البيت وانا متعصبه علي الاخر
نسمه _ مااالك
شدن بعصبيه _ سواق قليل الادب غلط فيه
نسمه _ غلط فيكي ازاي وعملتي معاه ايه
شدن _ نزلت وسيبته طبعا هعملو ايه يعني
نسمه _ اوعي يكون اذاكي
شدن _ يأذي مين انا كنت قطعته
نسمه _ ماهو انتي السبب لو بتحافظي علي عربيتك اسبوع مكنش ده حصل
شدن _ ماما بليز انا مش حمل دروس،
نسمه _ طيب علشان قلت ادبك دي،، باباكي قالك هنجبلك سواق
شدن _ مستحيل، انا مبحبش يكون لي سواق وانتو عارفين
نسمه _ انتي تسكوتي عاوزة تعملي حادثه في مره بسبب جنانك
شدن _ طيب وديني لا اطفشه من اول ساعه، وانتو عارفيني
زين يجي من فوق _ خناقة كل يوم
شدن _ بابا قال عاوز تجبلي سواق
زين _ ايوه صحيح
شدن _ انتو عارفين اني مبحبش السواقين بيقيدو حريتي يا بابا
زين _ مش احسن ما تتقلبي بالعربية،
شدن _ يا بابا
زين _ شدن خلاص
شدن بنرفزه _ خليكم فكرين بس ان انتو اللي قولتو
زين _ المره دي هجبلك واحد جبله متعرفيش تطفشيه
شدن _ دي مش عيشه دي انا اتخنقت
نسمه _ اطلعي علي اوضتك
شدن _ دا اسمه ايه دا بقا
نسمه _ شدددن خلصنا يلا
شدن تدب برجلها بغيظ _ انتو مبتحبونيش
زين _ شدددن ماما قالت خلصنا، على اوضتك
شدن ببكاء مصتنع _ انتوووو بتكرهوني ليه هو انا مش بنتكم
نسمه _ شددددن علي اوضتك وبطلي حركاتك دي حفظناها
#زين
عدا 26 سنه وانا دلوقتي عندي 52 سنه بس لسه رشيق و وسيم والبنات بيجرو ورايا ومش بيصدقو ان شدن بنتي علشان كده مبخرجش معاها في اماكن عامة عشان منظري لما يكتبو عليه اشاعات مع بنتي، اللي مطلعه عينيا بتصرفاتها المراهقه، بنت غير مسؤله بالمره ومعندهاش طموحات ولا هوايات وعايشه حياتها تصرف وتسافر وخلاص، وعربيتها كل شويه تخبطها في الرصيف، حتي السواق بقا يحلفني انه ميطلعش معاها علشان بتبهدله وبتزعق فيه وبتحرجه قدام صحباتها،.. جبتلها حارس شخصي وقولت شخصيته قويه بس طلع مش اقوى من شخصيتها ولا لسانها،
نسمه _ هنعمل معاها ايه
زين _ بنتك محتاجه حد يكسر شوكيتها
نسمه _ وليه نستنا حد ما نكسرها احنا
زين _ حد تاني غيرنا، احنا بنعطف عليها،.. هي عاوزة حد عنيد دماغه ناشفه انشف منها ، مستبيع، معندهوش دم ، حد كده ميزعلش من الكلام،، حد يرد عليها
نسمه _ ههههه نوديها القسم يعني ولا ايه
زين _ دي مينفعش معاها غير امن الدوله
نسمه _ عندك حق، قادره ومفتريه وما يقدر عليها غير ربنا
زين _ انا هدور على حد ينفع معاها
نسمه _ يارب تلاقيه
زين يقترب منها _ بقولك ايه، سيبك منها دلوقتي وتعالي معايا، عاوزك خمس دقايق
نسمه _ ههههه يووه يازين حرام عليك
زين _ عاوز اقولك سر، فى ايه
نسمه بإبتسامه _ وبتستأذن ليه
زين _ عندك حق،( يحاوطها بزاعيه ليقترب منها)
شدن _ بتعملووووو ايه، اعقلو
زين يتركها _ الظاهر اني لازم ادور بسرعه مش هينفع.كده
نسمه _ ههههه
زين _ ايه طلعك من اوضتك
شدن _ فوني ضاع وبتصل عليه من فون ماما بلاقيه مقفول
زين _ الايفون ابو تفاحه الي لسه جايبه من يومين
شدن _ ايوه
زين _ ياااحبيبتي......، خلاص هنعمل ايه، اجبلك غيره
شدن _ دا عليه ارقامي وحساباتي على الانترنت وصوري كلهم نقلتهم عليه
زين _ انتي عامله ليه باسورد
شدن _ اه
زين _ اوك روحي غيري الباسورد بتوع حساباتك والباقي سهل
شدن _ شكلك عاوزني اسيبه
زين _ وانتي هتجيبيه منين
شدن _ اتصل بمعارفك خليهم يتصلو بمعارفهم في مجلس الامن ويرجعولي فووني مليش دعوه
زين يهمس لنسمه _ بنتك دي؟
نسمه _ لأ
#سليم
كبرت وكبرت معايا رغبة انتقامي من خالد،.. كل ما ابص ل أيدي افتكره وكل ما ابص علي دراعي في المرايا واشوف شكل الشوكه معلم فيه افتكره، وزاد عليهم الفيديو بتاع ماما اللي لقيته بعد سنين عند بابا، وبدل ما كان تار واحد بقو اتنين،... وعلي عكس الي في سني بيدورو على الحب والجواز... انا عمرى ما فكرت في الحاجات دي وكان كل تفكيري بس ازاي انتقم من خالد واكسره.....
لما كبرت شويه ودخلت الجامعه بابا طلب اسامحه علشان مقدرش يجبلي حقي من خالد، ميعرفش اني كنت هزعل اوي لو حد غيري جابلي حقي وحق ماما
خلصت شغل وفي طريقي عديت علي أسر وانا في مدخل الشركه ، بنت خبطت فيه وبدل ما تعتذر وقفت متنحه، ف عديتها ومشيت وانا قرفان منها... لبسها غريب وكاشف اكتر من اللى ساتره، بس نقول ايه.. هما كده معارف أسر اخويا
"داخل مكتب أسر"
أسر يحمل الهاتف _ سولي حبيبي تعاله.. ارتاح شويه اخلص المكالمة وارجعلك
( ينهي المكالمة ويرجعله)
سليم _ عامل ايه حبيبي
أسر _ حلو، وانت
سليم _ كويس ، عامل ايه في شغلك
أسر _ المكالمة دي تبع مشاكل الشغل
سليم _ خير
أسر _ واحد منافس لينا، عرفت ان لبه جاسوس هنا،... والمنافس ده كل حياته يسرق تصميمات الناس وينسبها لنفسه، .. بس على مين
سليم _ تحب اتصرف معاه
أسر _ شايلك لتقيله، انت اخبار شغلك ايه
سليم _ ماشي
أسر _ طيب انا كنت رايح الجيم دلوقتي يلا نروح مع بعض ؟
سليم _ تمام، بس نعدي على البيت نغير الهدوم دي ونروح
أسر _ ماشي حبيبي، يلا بينا
عائشة بتدخل وفي يدها ورق و ساندوتش _ سليم انت هنا ازيك، اخبارك ايه،، عمي وطنط عاملين ايه،، وليه محدش بيشوفك، والله اسأل أسر دايما بسأل عليك مش كده يا أسر
سليم _ تمام ، بس واحده واحده
أسر _ ههههه دايما كسفاني
عائشة تعدل نضارتها _ احم... شوف التصميم ده من ده كده
أسر _ مش فاضين دلوقتي خلي كل حاجه بعدين، . اقولك شوفي المشكلة مع باسم ولو في حآجه كلميني
عائشة تتحدث بسرعة _ اسر، انت عارف اني مبرتحش للواد ده علشان بارد ودايما مبتسم من غير سبب وانا مبحبش النوع ده، ولا ايه رايك انت؟، بلاش انت عشان بتحبه، اتكلم انت يا سليم مش غلط يبتسم من غير سبب
سليم بهمس _ انت مبتصدعش، يلا يابني
أسر _ ههههه ماشى دقيقة وجاي وراك
سليم _ ماشي ( بيمشي)
أسر _ أش ارجوووكي خفي رغي وعصبيه من غير سبب انتي انثي فين الرقه في اسلوبك
عائشة _ اسر متنرفزنيش، هو انا علشان اكون انثي لازم البس زي اللي بتعرفهم، ولا عاجبك لبس روما وسهوكتها،( تقلد حراكتها) اااااسر مش معقوووول مكنتش اعرف انك هناااا... عاجبك كلامها يعني، وبعدين تعاله هنا انت ازاي تحرجني قدامها
أسر _ تووووت، افصلي صدعتلك، انا ماشي
عائشة _ استنا، طفحت ولا لسه
أسر _ اه اتغديت ما روما
عائشة بخيبه _ كنت جيبالك ده،،، اكلو انا بقا
أسر _ سوري أش بس انتي عارفه اني معجب بيها من زمان ودي فرصتي
عائشة بإبتسامه ظاهريه _ عارفه، مش مشكله
أسر يشد خدها بلطف _ حبيبي يا صاحبي، يلا باي
يتركها لتتحسس موضع يده وقلبها يؤلمها لتنزل دمعه من عينيها، تمسحها سريعآ وتعدل نظارتها وتعود لعملها
عشق_بالخطأ
•تابع الفصل التالي "رواية عشق بالخطأ" اضغط على اسم الرواية