رواية ليتني تأخرت الفصل الثاني 2 - بقلم روان ريحان
«2»
_انا اسف انتي كويسه
=كويسه ايه الفستان باظ هدخل المقابله ازاي دلوقتي
_مقابله! انتي جايه عشان مقابله الشغل
=اومال جايه اتفرج علي المكان
_علي فكره انتي اللي خابطه فيا وانا بشرب القهوه عادي
=بصتله بقرف وسابته ومشيت
الساعه 8ونص
البنت اللي جايه للانترڤيو واقفه بره يا فندم
_طب خليها تدخل
ليلي دخلت وفضلت واقفه
كان ضهره ليها: المعاد الساعه كام
_تمانيه بس والله اتأخرت بسبب واحد متخلف تحت دلق عليا القهوه وكان لاز...
=لف بالكرسي: بقا انا متخلف
_انت
**************
حاضر ي ماما هجبلك كل اللي انتي عايزاه وانا جاي
الام: تيّم خلي بالك من نفسك
تيّم بهزار: هو انا مهاجر يلا ي ماما انا همشي اتأخرت من اول يوم بدايه مبشره
« بعد نص ساعه »
_ما بسرعه شويه ي سطا لو سمحت
=ي استاذ يعني هو بايدي اديك شايف الطريق عامل ازاي
_بصوت واطي: يوووه بقا لو اخدتها مشي من هنا لهناك هاخد 10 دقايق ولو جريت يبقي خمسه
_خلاص ي سطا نزلني هنا
وبعد ربع ساعه كان تيّم قاعد في غرفه الانتظار
شاف واحده خارجه من الاوضه مبتسمه ولابسه دريس لونه بيبي بلو وخمار ابيض بفراشات نفس لون الدريس سرح شويه فيها لحد ما خرجت
السكرتيره: استاذ تيّم اتفضل
_هاا اه حاضر
بعد فتره من الوقت
=مبروك حضرتك اتقبلت معانا في الشركه
_بفرحه: بجد اقصد يعني شكرا اقصد تمام هبدأ من امتي
=من بكره ان شاء الله
_تمام وخرج
برا الشركه لقاها واقفه نفس البنت فاتحرك ببطء ناحيتها:ممكن اعمل مكالمه من عند حضرتك ضروري اصل موبايلي فصل شحن
_اه طبعا اتفضل
بعد 10 دقايق بابتسامه: تمام شكرا ومشي
*************
_ايه ليلي عملتي ايه
دخلت وقفلت الباب بحزن مزيف: للاسف وبفرحه وتنطيط اتقبلت يس يس يس
ندي بفرحه: طب الحمدلله وحضنتها
الام بابتسامه وعينها مدمعه: علي عيني والله يا حبيبتي تنزلي وتتمرمطي في الدنيا اللي مبترحمش حد دي
ليلي حضنتها وباست راسها: في ايه يا فوز انتي هتقلبيها نكد فرفشي كدا وضحكوا كلهم
ندي قامت و شغلت اغنيه "يابوي يا مصر اما الواحد بيحبك حب"
وقعدوا يرقصوا وبيضحكوا من قلبهم
ليلي: اااه خلاص مش قادره انا جوعت قومي يا ندي اعملي اكل
ندي: يخربيت بجاحتك دا انا في بيتك يا بنتي
ليلي بنظره مكر: يا بنتي انتي قاعده فيه اكتر مني انا شخصيا
ندي لفوز: عاجبك كدا يا طنط
فوز بضحك: ربنا يخليكم لبعض يارب وميحرمنيش منكم ابدا
« بعد فتره طويله من الوقت »
ندي لـ ليلي تعالي يا ليلي عايزاكي ودخلوا البلكونه
_ندي: احكيلي بقا حصل ايه بالظبط
_ندي بشهقه: وطلع هو نفس الشخص
=ليلي: اه وانا اعتذرت منه وكنت همشي بس قالي: استني لولا اني محتاج ناس تشتغل انا لا يمكن كنت اقبل بيكي
واللي فهمته ان الشركه لسه مفتوحه جديد
_ندي بهزار: لالا اكيد معجب بيكي عشان كدا قبل
=ليلي بضربه خفيفه علي كتفها: معجب ايه يا هبله انتي دا تلاقيه متجوز وعنده عيال
_ندي بحزن مزيف: شكله كبير اوي كدا
=ليلي بهدوء وتوهان: لاء بصراحه هو قمور بس اكيد محدش هيفتح شركه غير لما يكون كبير في السن ومتجوز
_ندي بتريقه: وانا برضه استغربت ان حد وافق يقابلك اهي كدا معقوله شويه اه اشربي الشاي اشربي
**************
=الف مليون مبروك يا عم تيّم
_الله يبارك فيك يا عم سيف
=يا عم مالك مش المفروض تكون فرحان
_يعني هتفرق ما انت عارف انا كنت رايح الشغل دا عشان مين
=عشان نفسك يا تيّم عشان نفسك
الام دخلت عليهم الغرفه: ايه ي ولاد سايبني قاعده لوحدي وقاعدين هنا
=سيف: ماما! انتي جيتي امتي
_تيّم بضحك: ٠هو احنا بنشوفك مانتي علطول عند خالتي
_جيت اهو يلا قولولي بقا عملت ايه ي تيّم في المقابله
=تيّم حكي اللي حصل وحكالها علي ريم
الام بحزن: يا حبيبي متزعلش ربنا هيعوضك خير عنها باذن الله ربنا رحيم اوي يا تيّم وفكر من النص الايجابي لو مكنتش ريم قالتلك كدا مكنتش فكرت تدور علي شغل في مكان غير اسكندريه ومكنتش هتدخل الشركه اللي لسه مفتوحه جديد سبحان الله والمدير يقبلك
احمد ربنا "وعسي ان تكرهوا شيئاً ويجعل الله فيه خيراً كثيرا"
تيّم حضنها: الحمدلله يا ماما انا بحبك اوي
الام: انا روحي فيكم افديكم بيها مليش غيركم في الدنيا بعد ما ابوكم سافر
سيف حط ايده في خصره : والله!! هو انا مليش في الطيب نصيب ولا ايه وراح حضنهم
وضحكوا كلهم
******************
صباح يوم جديد
تيّم وليلي ذهبوا الي الشركه وكل منهم استلم مقر شغلهم
ويا للقدر كان مقرهم بجانب بعض يفصل بينهم حائط زجاجي الذي يتحوط غرفه كل منهم
تيّم جالس علي كرسيه ويلتفت يمينه ليجدها ويتذكر تلك البنت اللتي خطفت قلبه من اول نظره
وقف مره واحده بدون وعي وذهب عندها وخبط علي الباب
_ليلي بصتله: اتفضل
=تيّم دخل وهو مبتسم: هو حضرتك جديده هنا
_ليلي باستغراب : اه "بتذكر" هو مش انت نفس الشخص اللي اخـ..
=تيّم: اه انا شوفتي الصدف
_ليلي بتنهيده: صدف غريبه فعلا
=تيّم قعد علي الكرسي قدام مكتبها: انتي اول يوم بقا علي كدا
_ليلي: اه وحاسه اني تايهه بصراحه
=تيم: ممكن اساعدك علي فكره
_بجد انت شغال هنا بقالك قد ايه
=تيم بجديه: النهارده اول يوم
_ليلي بصتله وفضلت ساكته شويه وبعدين ضحكت: لاء واضح انك هتساعدني طب يلا بعد اذنك علي مكتبك بقا عشان مش عايزه مشاكل من اول يوم
_طب ممكن نتعرف
=لاء
_انا تيّم جمبك في المكتب اللي هنا لو احتاجتي حاجه في اي وقت شاوريلي بس ي آنسه "سكت لوهله" ليلي
وسابها ومشي
ليلي بصدمه : عرف اسمي منين دا
«بعد 4 ساعات في الشركه»
_المدير عايزك يا استاذه ليلي
=حاضر هخلص الملف دا واطلع
طلعت ليلي وخبطت ودخلت لقت تيّم قاعد علي الكرسي قدام عبدالرحمن "المدير"
ليلي: حضرتك طلبتني
_تعالي يا استاذه ليلي اقعدي، انتوا الاتنين قدامكوا فرصه تثبتوا فيها كفائتكم، في تصميم محتاجه يخلص بعد 3 ايام ابتدائاً من بكره كل الديتالز هتلاقوها علي الفلاشتين دول "لكل واحد واحده "
اللي هيطلع التصاميم مظبوطه وتعجب العميل هياخد مكافئه ماليه كبيره
=ليلي وتيّم لسه مصدومين
_عبدالرحمن: متتصدموش التصميم دا بالذات مش اي حد هيعرف يعمله فعشان كدا مكافئته كبيره
لقاهم لسه ساكتين
_خلاص لو مش عايزيـ..
=ليلي: لاء طبعا عايزه واخدت الفلاشه: هشوف كل التفاصيل النهارده ومن بكره هبدأ شغل ان شاء الله وخرجت راحت المكتب
« بعد انتهاء دوام العمل »
ليلي ماشيه لقت تيّم واقف علي باب الشركه
_تيّم: انتي بصيتي علي التصميم دا تقيل اوي ومحتاج شغل كتير ازاي هنخلص دا كله في 3 ايام
=ليلي بصتله بمكر: نخلص ليه حاطط حرف النون انا مالي ومالك وسبته ومشيت
_تيّم مشب وراها: هو مش احنا بقينا صحاب
=ليلي بصتله وهي ماشيه: صحااب! انت مجرد زميل في العمـ....
تيّم بصوت عالي: ليلي بصي قدااامك.... يتبع
رأيكم يهمني وبقرأ كل كومنت 🥰♥
•تابع الفصل التالي "رواية ليتني تأخرت" اضغط على اسم الرواية