رواية عشق بالخطأ الفصل الثاني 2 - بقلم نجمة براقه

 رواية عشق بالخطأ الفصل الثاني 2 - بقلم نجمة براقه

استنيتها ساعات وبقيت ارن عليها وهي مبتردش ولما اتأخرت زياده عن اللزوم  روحتلها الشركة وقابلت ريماس  اللي شغاله عندها

ريماس بإبتسامة _ ازيك يا استاذ سيف نورت الشركه 

سيف بجديه _ شكرا..  مسك هنا

ريماس _ لأ دي في التصوير دلوقتي 

سيف _ وفين التصوير ده 

ريماس _ في مصر الجديده 

سيف بخنقه _ ماشي  متشكر 

ريماس _ في حاجه 

سيف _ لأ  مفيش  عن اذنك 

ريماس _ استنا

سيف _ افندم

ريماس _ متزعلش هي اطرت تروح غصب عنها بس هي بتحبك اوي وزعلانه من نفسها عشانك

سيف يبصلها شويه ويمشي من غير رد 

روحت البيت ولقيتها هناك،  ودخلت اوضتي من غير  ما اكلمها،  وهي  جت  ورايا 

مسك _ سيف 

سيف _ ها

مسك _ انا اسفه  

سيف _ طيب 

مسك _ انت زعلان منى 

سيف _ لأ 

مسك تقعد جمبه _ حاولت ارجع بدري بس مقدرتش 

سيف _ مش مشكله 

مسك _ عشان خاطري متزعلش مش هكررها تانى 

سيف _ مش زعلان

مسك _ طيب بصلي 

سيف ينام _ عاوز انام،  تصبحي على خير، 

مسك _ طيب خلينا نتكلم 

سيف يتغطا ويسيبها تتكلم 

مسك _ طيب تصبح على خير.

 محاولتش تكلمني تاني،  وانا كنت عايزها تتكلم،  وتبرر افعالها دي، حتي لو نمت وسبتها عشان احس اني ليه قيمه عندها،  وبعد شويه شيلت الغطا من علي وشي لقيتها واقفه جمبي وبتبصلي

مسك _ نمت كويس 

سيف بخنقه _ مسك انا بجد اتخنقت من العيشه دي...  لو مبقتيش بتحبيني قوليلي احسن ما انا  مش هشحت منك اهتمامك 

مسك تنام علي دراعه  _ انا كل يوم بحبك اكتر من الاول وياريتك تعرف مقدار حبي ليك،،  بس ظروفي بتطرني اسيبكم 

سيف _مفيش حاجه اسمها مطره، انا كتير بحس انك مبقتيش حابه العيشه معايا،  و بحس ان هيحصل بينا ملل وفتور ومفيش حاجه هتصلح علاقتنا بعدين..  انتي  حابه  يحصل كده 

مسك _ لأ مش حابه طبعا،  مقدرش اوصل للمرحله دي معاك 

سيف _ مش محتاج اثبتلك ان لو استمرينا كده  ،  هيحصل 

مسك _ مش هسمح بكده،  اوعدك من بكره هظبط الدنيا وهجيب ناس تشتغل معايا وتسد مكاني 

سيف _ هنشوف،  ودي هتكون اخر فرصه ادهالك يامسك 

مسك بتنهيده _ حاضر 

#نسمه

صحيت تاني يوم استحميت وسرحت شعري وطلعت في البلكونة شويه ف شوفت ان بابا الڤيلا اللي قدامنا  مفتوح وفي اتنين بيدخلو الات موسيقيّة وشوفت واحد واقف جوه ومقدرتش اشوف وشه كويس،  وبقيت اميل دماغي يمين شمال عشان اشوفه وبردو مقدرتش.. لغيت ما دخل جوه...  وفهمت انه الساكن الجديد واتمنيت يكون في بنات من سني يكونو  معاه عشان  اصاحبهم 

وبعد شويه جت اسراء وفتحت الباب فجأه زي عادتها 

أسراء _ بتعملى ايه 

نسمه _ يابنتي  مش تبقي تخبطي في  مره هقطع الخلف بسبيك 

اسراء _ المفروض انك تكوني اتعودتي 

نسمه _ ولا هتعود،  جايه تهببي ايه علي الصبح 

اسراء _ اخص عليكي دا بدل ما تفطريني 

نسمه _ هفطرك يختي، انا كمان مفطرتش،  وعاوزه افطر

اسراء _ امال فين امك 

نسمه _ مش هي اللي فتحتلك 

اسراء _ لأ،  اللي  فتحلي خاله حسنيه

نسمه _ يبقا خرجت 

اسراء _ احسن متزعليش منى بس امك مش عارفه ليه مبتقبلنيش 

نسمه _ بتحبك يابنتي متقوليش كدا 

اسراء _  هو انا عيله مش هعرف بصاتها ليه معناها ايه  طيب اقطع دراعي من هنا لو ماكنت بتقولك متكلمهاش وانا عارفه السبب..  

نسمه _ ايه السبب 

اسراء _ عشان انا بنت فقيره وعلى قد حالي 

نسمه _ انتي مش فقيره انتي هبله،  امشي قدامي خلينا نجهز 

اسراء _ يلا يختي 

فعلاً ماما مبتحبهاش ودايما تحذرني منها برغم انها كويسه اوي وبتحبني وانا كمان بحبها ومليش صحاب غيرها..

دخلنا المطبخ وبقينا نرغي احنا وبنجهز الفطار 

اسراء _عملتي ايه مع حسام دا

نسمه _ ولا حاجه، بس امه تعبانه وهتعمل عمليه 

اسراء _ عملية ايه 

نسمه_ المراره 

اسراء _  تلاقيه زعلان عليها اوي 

نسمه _  صح، انا بفكر اروح معاهم لما تعمل العمليه 

اسراء _ تروحي فين افرضي ابوكي سمع 

نسمه_ وهو هيسمع منين

اسراء _ ابوكي دكتور واكيد يعرف كل الدكاترة ده مش بعيد تكون هتعملها في المستشفى عنده 

نسمه _ تصدقي صح، طيب وبعدين انا عايزة اوقف معاه في المحنه دي اعمل ايه 

اسراء _ كلميه فون وخلاص

نسمه _ صح، 

اسراء _ امتي بقا اقابل اللي يحبني واحبه زيك انتي وحسامك ده

نسمه _ يختي وانتي شيفاني متهنيه، ما على يدك بقابله من وراهم، حتي حالته زفت مش راضيه تتعدل عشان يجي يتقدم

اسراء _ طيب ما تساعديه انتي حتي يفتحلوه مشروع ويقب على وش الأرض عشان يقدر يتقدملك 

نسمه _ اساعده ازاي يعني

اسراء _ اديلو فلوس عشرين الف مثلا  حتي يفتحلو كوشك سجاير

نسمه _ انا لو معايا مش هتأخر بس انتي عارفه يدوب مصروفي الف في الشهر ومش بيزيد

اسراء _ فيزة ابوكي، خديها وقولي هشتري شوية حاجات، وهو يعني ابوكي هيقولك لأ

نسمه _ الله يقطع سنينك انتي عاوزاني اسرق، ينيلك يا شيخه

اسراء_ وانا مالي هو انا اعرف حسام ده ولا شوفته مش انتي اللي بتحبيه ومش عارفه هيتقدملك ازاي

نسمه  _ مقدرش  اعمل  كده،  بس  ممكن  ابيع من مجوهراتي، تصدقي بتفهمي يابت، انا هعمل  كده،  بس  يارب  يقبلهم،  ده  بيطلع عيني 

اسراء  _ مش  سهل  عليه  انه ياخد فلوس  منك،  بس  انتي  اعملي  انك زعلتي منه وهو هيخاف ويقبل 

نسمه _ عندك حق هو فعلاً بيخاف يخسرني، خلاص نفطر، واروحلو واديله من المجوهرات

اسراء _ والله محظوظ بيكي عشان جدعنتك دي...

بعد ما خلصنا فطار خليتها تمشي وانا روحت جبت خاتم واسوره تمنهم يعدي الخمسين الف، واستأذنت من بابا اللي كان لسه داخل ومشيت، ولما وصلت عند الفيلا اللي قدامنا سمعت اغنية زين قابيل، بس زي ما يكون حد جوه بيغنيها مش تسجيل، ف فضولي خدني وقربت منها، وكان في باب ازاز بصيت منه، لقيت واحد قاعد جمب الالات وبيعزف ويغني، و وشه كان متداري ورا اله من الالات،.. وحاولت اشوفه بكل الطرق ومقدرتش، ف بالغلط الباب اتفتح وهو خد باله وقام وانا اتدريت ورا الحيط  والشنطه وقعت مني، ف مسكتها ولميت الحاجات اللي وقعت منها بسرعه وطلعت اجري قبل ما يشوفني 

#زين 

اتخاليت حد فتح الباب، ولما روحت لقيت بنت بتجري.. وقفت شويه ابص عليها، وقبل ما امشي، شوفت خاتم واسوره وفلاشه واقعين على الأرض، نزلت جبتهم، وطلعت للخارج شويه عشان الحقها وادهملها بس ملحقتها ف رجعت وقولت خليني اشغل الفلاشة على الاب واشوف فيها ايه، وقفلت الباب كويس ودخلت اوضتي وقعدت على السرير بالاب توب وشغلت الفلاش، لقيت عليها معظم اغانيه وصور ليه كتير،  وشوية صور لبنات شكلهم كده صحابها، بس معرفتش هي مين فيهم، لكن لفت انتباهي ان في فيديوهات لبنت بترقص زومبا بلبس  من قطعتين  صغيرين، علي الأغاني بتاعتي، وليها صور كتير مع راجل وست وبنت صغيره، وتوقعت انها هي دي صاحبة الفلاشة

وابتسمت  لحبها ليه  اللي مخليها مش  حافظة  اغاني  لاي حد  غيري  وكل فيديوهاتها بترقص علي  اغنياتي انا وبس،...  بقا عندي  فضول اعرفها من قريب،  والطريقه الوحيدة  اللي  تخليني اعرفها  هي الاسوره والخاتم بتوعها اكيد  هترجع تدور عليهم،    

#ياسر 

بعد ما حققو معايا وقولتلهم اللي  حصل حبسوني في  الحجز لغيت ما جه بابا وطلعوني من الحجز علشان  اقابله

فريد _ حضرتك  ابني مستحيل يعمل كده انا مربيه كويس 

الظابط _ يافريد باشا اعقل الكلام،  البنت  تم الاعت'داء عليها في شقة ابنك وكل الجيران  شهدو باللي حصل  ولما دخلو عليه  لقوه من غير  هد'وم وبيحاول يسكتها بالعافية 

ياسر _ انا معرفش هي دخلت عندي  ازاي يافندم 

الظابط _ حد  غيرك  معاه مفتاح  الشقه 

ياسر  بخنقه _ لأ  

الظابط _ يبقا دخلت  من تحت  عقب الباب  واغت'صبت نفسها علي  سريرك 

ياسر  بانفعال  _ يافندم دي كدابه،  دي بتلف ورايا بقالها شهر  وامبارح راحت  ورايا ال  Nightclub وعرضت عليه  الجواز

الظابط  ببرود _ الشهود اللي  هناك  قالو انك شديتها غصب وحاولت تضايقها وكمان طلبتلها مشروب على  حسابك وفي  نفس  المشروب ده  كان  في  ماده مخ'دره.  اعترف  احسنلك 

ياسر  بانفعال  _ محصلش محدش  سمع هي قالتلي  ايه وهي زعقت عن قصد عشان  كانت  مخططه لكل  ده 

الظابط _ صوتك  ميعلاش 

فريد  _ خلاص  يا ياسر  مفيش  داعي  تنكر علاقتكم،  اكتر من كده 

ياسر  _ علاقه  ايه يا بابا

فريد  _ صح يافندم  هي  كانت  معاه في  الشقة،  بس  هما  كانو متفقين علي  الجواز لكن  طيش الشباب بقا مخلهمش يستنو 

الظابط _ وهي  هتصرخ ليه  لما  هو  بينهم علاقة من الاول 

ياسر _ مفيش  بين..... 

فريد  بمقاطعه _ عشان  تخليه ياخد خطوه جاده في موضوعهم   ..  مش  كده  يا ياسر

ياسر  بخنقه  _ كده 

الظابط _ هنشوف هي هتقول  ايه في  الموضوع  ده 

فريد _ طيب ممكن اتكلم معاه شويه

الظابط _ ماشي فريد بيه عن اذنكم 

مشي الظابط وهو وقف قدامي وضربني بالقلم 

فريد بغضب _ انا لسه محذرك لو وقعتنا في مشكله هتبرا منك، وبردو رايح تغلط غلطه زي دي

ياسر بانفعال _ مغلطتش معاها انا مش محتاج اغت'صب، دي كدابه 

فريد باستحقار _ الله يفضحك خليت سيرتنا علي كل لسان يا نج'س، طيب لما تكدب اكدب كدبه تتصدق، الدكاترة اثبتو ان تم الاعت'داء عليها، والجيران وال  Nightclub اللي سهرتو فيه كلهم شهدو ضدك يا خايب

ياسر _ دي مخطط لكل حاجه صدقني، انا مش.محتاج اعمل كده، مش من قلت البنات اللي بيتمنو ابصلهم عشان اغت'صب

فريد بحده _ ولا كلمه، انا رايح اسكتها قبل ما يحققو معاها، وبعد ما تطلع هتجوزها 

ياسر _ مش ممكن

فريد بتحذير _ لو متجوزتهاش هخليك تعفن هنا، وشوف مين المحامي اللي هيترافع عنك بعد ما انا ازعل منك 

ياسر بانفعال _ يعني اتجوز واحده غلطت مع واحد غيري وعاوزه تلزقها فيه، ترضاها عليه

فريد يضربه بالقلم _ ما تبطل كدب بقا، بطل كدب انا تعبت من عمايلك ومصايبك اللي مبتخلصش 

ياسر بنرفزه _ اضرب بس مش هتجوزها يا بابا 

فريد بحده _ هتجوزها غصب عنك.... 

ياسر بانفعال _ وانا  بنت قدامك عشان  تجوزني بالعافيه 

فريد _ اذا  كنت كاسفني دايما يبقا هجوزك غصب واضربك كمان،  وهتجوزها انت فاهم 

ياسر _ انا عاوز شاهر  دلوقتى 

فريد _ هو  حد  مضيعنا غيره،  رايح تصاحبهولي وهو  طمعان في  فلوسنا 

ياسر بغيظ  _ انااا عاوز شاهر،  بلغه يجيني النهارده 

بعد وقت جاني شاهر والظابط سابنا لوحدنا 

ياسر _ شاهر اتصرف انا لا يمكن اتجوز البنت دى

شاهر _ وانا اعمل ايه مانت عارف عمي، محدش يقدر يتحداه

ياسر بنرفزه_ ومقولتلهمش ليه علي اللي حصل وانها بتجري ورايا من زمان

شاهر _ قولت لعمي كل حاجه بس هي كانت مظبطه لكل ده وحبكاها، وكله الادله ضدك انت 

ياسر بغيظ _ بس اطولها والله لا اندمها علي اليوم اللي عرفتني فيه

#مريم 

فوقت في  المستشفي لقيت بابا وماما  ورحيم جمبي و على  وشهم الكسره والحزن،، مقدرتش  ابصلهم وانا  اللي  عملت  فيهم كده  ...  انا  الغبية  اللي  روحت  عنده رغم علمي بوسا،خته مع البنات 

انور بخزلان _ ايه وداكي الكباريهات 

مريم ببكاء _  مكنتش اعرف انه هيعمل فيه كده والله يا بابا

انور يضربها بالقلم بغضب _ وانتي عاوزااه يعمل ايه وهو شايفك في مكان زي ده، يا خساره تربيتي فيكي.. يا خسارة تعبك وشقاك يا انور، انتي عملي الاسود اللي ربنا ابتلاني بيه 

صبا ببكاء _ صحتك مش كده 

رحيم بغضب _ ما تنطقي وتقولي ايه وداكي هناك.. عاجبك منظرنا دلوقتي،، ياما قولتلك عيشي عيشتك اهلك وانتي متمرده ومبتفكريش غير في نفسك 

مريم ببكاء _ اقتـ.لوني انا استاهل 

انور بانفعال _ اخررراسي انتي تخرسي وبس

ياسين يدخل عليهم_ ايه اللي انا سمعته ده 

انور بقهر _ مش انت لوحدك اللي سمعت احنا اتفضحنا وكله بسبب الهانم، 

ياسين _ طول بالك يا انور كله هيتصلح 

انور _ هه يتصلح.. يتصلح ازاي، دا مش هيصلح غير بموتها، وبيهجم عليها ويمسكها من رقبتها بغضب، ورحيم يحوشه منها بالعافيه

مريم ببكاء _ سيبو يا رحيم، 

فريد يدخل عليهم _ السلام عليكم 

انور بغضب _ انت ايه جابك هنا، اطلع برا 

ياسين _ مش كده يا انور، اتفضل يا فريد 

انور بغضب _ يتفضل فين وابنه بوظلنا حياتنا 

فريد _ مش ابني الوحده اللي غلطان، بنتك كمان غلطت 

انور بغضب _ اخرس  بنتي كل غلطتها انها راحت الكباريه مكنتش تعرف ان الكلب ابنك هيعمل فيها كده

فريد _ طيب اهي قدامك واسالها بتلف ورا مين بقالها شهر 

انور يبصلها بحده _ بيقول ايه الراجل ده 

مريم تبص الجهه التانيه وتبكي 

رحيم _ يعني حصل 

مريم ببكاء _ ايوه بس والله ما اعرف انه هيعمل فيه كده صدقوني 

رحيم _ الله يلعنك، 

انور _ قال وانا اللي فاكر نفسي مربي، طلعت غلطان، انا لازم اموتها وسع يابني لا اقتلك معاها 

ياسين يمسكه_ اهدا يا انور موتها مش هيصلح حاجه تعاله اقعد 

انور _ طيب والفضيحه امشي في الشارع ازاي دلوقتي

فريد_ انا جاي اعرض عليكم حل هيطلعنا من المشكلة دي 

ياسين _ ايه هو 

فريد _ يتجوزها 

مريم بانفعال _ مستحيل اتجوز واحد زيه ده لازم يتعدم

انور يضربها بالقلم بغضب _ وليكي عين تتكلمي،.. موافقين تقدرو تكتبو عليها دلوقتي 

مريم ببكاء _ بابا..  لا عشان خاطري متعملش فيه كده... ماما قوليلوه حاجه 

فريد _ دا لمصلحتكم، يابنتي اتجوزو شهر او اتنين وبعدين لو عاوزين تطلقو مفيش مشكله 

مريم ببكاء _ انا عندي اموت ولا اتجوزه، 

انور بحده _ روح هات المأذون وتعاله 

مريم ببكاء _ رحيم اتكلم متخلهوش يعمل فيه كده ونبي يا رحيم 

رحيم _ ملهاش حل تانى، عشان نداري الفضيحة دي 

انور بغضب _ لو سمعت صوتك تاني قسمآ عظمآ لا هقـ.تلك.. يلا روح هات المأذون 

فريد _ هنجيبه بس هي لازم تقول لظابط انهم كانو مخطوبين وانه كله برضاها 

مريم تبصله بصدمه _ برضايه 

انور بغضب _ قولت اخرسي،... ماشي هتقول كده 

مريم ببكاء _ وحقي يا بابا.. ماما اتكلمي 

صبا ببكاء _ اللي يشوفه ابوكي انا موافقه عليه

مريم ببكاء _ رحيم انا عارفه اني علي طول وحشه معاك، بس انا اختك وحيات اغلي حاجه عندك تمنعهم 

اجبروني اقول لظابط انه برضايه والظابط بعد ما خد اقوالي اللي كلها كدب، قاله انه هيخرج، وبعدين جه فريد وقال انه بكره الصبح هيجيبو ويجي علشان نكتب الكتاب

#شاهر

حمدت ربنا ان ياسر مجاش علي باله اني ممكن اكون انا اللي عملت كده، وفهم ان هي اللي مخطط لكل ده 

وبعد ساعات في الحجز طلع ياسر وروح البيت ولم شنطته علشان يسافر و فريد لحقه قبل ما يطلع 

فريد _ على فين 

ياسر _ مسافر 

فريد _ ببساطة كده 

ياسر بانفعال _ هسافر ومحدش هيقدر يمنعني 

فريد _ لا يا حبيبي انا اقدر وزي ما خرجتك من السجن اقدر ارجعك ليه تاني... وانت وعي صاحبك علشان لو اتحبس مش هتلاقي واحد يصرف على مزاجك 

شاهر _ ياسر تعاله عاوز 

ياسر بغضب _ مش هاجي، انا مسافر واعمل اللي تعمله 

فريد _ عقل صاحبك

شاهر _ تعاله يا ياسر بس 

رجعته اوضته بالعافيه وبدات اقنعه انه يتجوزها

ياسر بغيظ _ اتجوزها ايه انت كمان، ماهو على يدك اللي بتعمله بقالها شهر، انت مش كنت شايف كل حاجه

شاهر _ شايف وسامع وعارفها بتخطط لكل ده، بس انت لو مجوزتهاش، مش هتقدر تخلص منها اللي عملته وهتتحبس

ياسر _ مش مهم.. المهم اني مستحيل اتجوز واحد وsخه زيها 

شاهر _ انت هتجوزها عشان تطلع نفسك من المشكله وكمان تربيها وتندمها علي اللي عملته معاك خليك عملي وبلاش تعقيد

ياسر بخنقه _ اقدر اربيها من غير جواز 

شاهر _ مش هتعرف، لانك هتتحبس وانت عارف ابوك 

ياسر بانفعال _ انت  ترضا تتجوزها وانت عارف هي عملت ايه

شاهر _ انا لو مكانك هتجوزها، واربيها واحده واحده، ماهو انا جوزها بقا

ياسر يشرد شويه _ ماشي موافق واقسم اني هدفعها تمن اللي عملته غالي اوي..

#نسمه 

وصلت الكافية اللي بقابل فيه حسام ولقيته مستنيني هناك 

حسام _ وحشتيني 

نسمه _ وانت كمان..  مامتك عامله اية دلوقتي 

حسام _ بتسلم عليكي.. كنتي عاوزاني في ايه قلقتيني

نسمه _ كنت عاوزة اقابلك عشان اتكلم معاك في موضوع مهم ويارب ما تكسفني

حسام _ اكسفك..  مستحيل  طبعا  ،  انا  موافق  من قبل  ما تتكلمي 

نسمه بإبتسامة _ طيب  اوعدني وعد انك  هتوافق 

حسام _ اوعدك هوافق..  ايه بقا 

نسمه _ انت عارف اني عندي مجوهرات كتير وبيجيني هدايه غاليه في  عيد ميلادي  

حسام _ وبعدين 

نسمه _ وانت لازم تبتدي بمشروع عشان تقدر تتقدم لبابا..  والمشررع محتاج فلوس 

حسام _ مش فاهم بردو اتكلمي  علي  طول 

نسمه تفتح شنطتها وتدور على السلسلة والخاتم متلقهمش 

نسمه _ يانهار ابيض راحو فين انا كنت حطاهم هنا 

حسام _ بتدوري على  ايه 

نسمه_ كنت جايبه سلسله وخاتم  بس مش لاقيهم وشكلهم وقعو 

حسام _ وقعو ازاي يعني وانتي حارسه ايه لما يوقعو منك

نسمه _ ايه النبره دي

حسام_ وانتي عاوزاني اكلمك ازاي وانتي بتضيعي حاجتك اكيد دهب 

نسمه _ فيهم فص الماس 

حسام بذهول _ يادين النبي، طيب قومي دوري عليهم قبل ما حد يلاقيهم 

نسمه تشرد شويه _ انا عرفت هما فين خلاص اقعد

حسام _ يعني في امان

نسمه _ معرفش بس ان شاءلله الاقيهم 

حسام _ هما فين

نسمه _ قدام بيت واحد جارنا 

حسام _ طيب  قومي دوري عليهم قبل ما ياخدهم

نسمه _ مفتكرش انه ممكن  ياخدهم شكله مش  محتاج 

حسام _ حبيبتي  قومي دوري  وبلاش سذاجه 

نسمه  _ طيب ماشي  انا هروح  هشوفهم ويارب الاقيهم 

#حسام 

غبيه ومتخلفه في حد يوقع حاجات غاليه  كده  ...  كنت هتنقط بسببها وبعد  ما مشيت  اتصلت  ب اسراء 

اسراء _ جابتهم ولا  لسه 

حسام بنرفزه _ وقعو منها بنت الفالحه

اسراء _ لا يااااحبيبي  مش  عليه  الكلام  ده،  انت عاوز تلهفهم زي العشر الاف اللي  امبارح 

حسام بغيظ _ انتي  غبيه  بقولك  وقعو منها وبعدين  ما انا. مديكي تلات الاف منهم امبارح  ولا  انتي  بتنسي

اسراء _ تلاته من عشره اي الافترا بتاعك ده  امال  لو مكنتش  انا اللي  دليتك عليها 

حسام  _ وانا  اللي  بمثل مش  انتي،  وانا  اللي  بعزمها كل  شويه علي  عصير وسنادوتشات مش انتي

اسراء  _ خلاص  انت لسه  هتزن..  المهم دلوقتي  هما  ضاعو ازاي  .  وازاي الغبية  دي متاخدش بالها 

حسام _ معرفش،  الله  يقطعها دا انا  كنت  متفق مع  الراجل  علي  الموتسيكل وهيجيبهولي النهارده 

اسراء _ يا حيلتها مش  كنت  استنيت لما  تجيبهملك الاول.  اجري ياخويا كلمه وقوله خلاص 

حسام _ هعمل  كده  ..  بس  بقولك، ايه  رأيك  نغير الجو ده  وندخل في  التقيل 

اسراء _ التقيل اللي  هو  ايه

حسام _ نهددها بصور مثلا وكده هتدفع اكتر 

اسراء _ صوره  ازاي  يعني، ماهي  كده  كده  بتعرض صورها علي  الانترنت  وليها حساب علي  كل  المواقع 

حسام _ متقدريش تصوريها في  وضع حساس او تحطي كاميرات في  الحمام  مثلا 

اسراء  _ مش  هعرف  ،  بس استنا،  هي  معاها  فلاشه متصوره عليها  صور وفيديوهات تقيله ولو وصلو للانترنت هتبقا فضيحه 

حسام بنرفزه _ طيب  ومستنيه ايه  علشان  تجيبيها انتي  عبيطه 

اسراء _ متزعقش

حسام _ ماشي  اخلصي هتجيبيها امتي 

اسراء  _ لما  اقابلها تاني،  هي دايما  حطاها في  شنطتها

حسام _ طيب  روحي  دلوقتي  هاتيها 

اسراء  _ انا. كنت. معاها  من شويه خليها  بكره 

#مسك 

جه  تاني  يوم  وخدت أسر وديته لماما قبل  ما اروح  الشغل  بس  لقيتها  بتشتكي من التعب 

مسك _ سلامتك حبيبتي ايه  اللي  تاعبك

رودينا _ السن بقا مبقاش فيه  حيل اعمل  حاجه 

مراد  _ قولتلها اجبلك واحده  تساعدك هي  اللي  مش  موافقه 

رودينا  _ خلاص  موافقه  انا  مبقاش فيه  حيل بصراحه 

مسك _ الف سلامة  حبيبتي،  خلاص  ارتاحي 

رودينا  _ كان نفسي  اخده منك  النهارده  بس  زي مانتي  شايفه  مش  قادره  اصلب طولي 

مسك _ مش  مشكله  انا  هاخده معايا  الشغل  

رودينا  _ يادي الشغل  وقرفه يابنتي  ابنك وجوزك محتاجينك 

مسك _ هفضالهم والله  هفضالهم بس  ما اخلص  الشغل  اللي  ورايا

رودينا _ وهيخلص امتي  الشغل  ده  بقا 

مسك  _ بصور مسلسل  ولازم  يخلص قبل  شهر رمضان 

رودينا  _ ماشي  الله  معاكي،  بس  بردو فضي نفسك  شويه الراجل  هيطفش

مسك _ هو  اتكلم  معاكي  في  حاجه

رودينا  _ مش  محتاج  يتكلم ياحبة عيني 

#رودينا 

قولت اني  تعبانه  علشان  تقعد شويه في  بيتها ومتتكلش عليه.. وهي خدت أسر معاها الشغل ويارب يجي  بفايده

مراد _ انا مش عارف انتو عايزين تضيعو تعب سنين  عشان المحروس يرتاح ليه..  

رودينا _ مش  كده  بردو هي  لازم  تهتم بيه  ده مبيشوفهاش و أسر بيقولي  انا  ماما  مش  هي 

مراد  _ مسك ليها اسمها اللي  تعبت عشانه،  وهو  سيف صغير  عشان تهتم بيه ما يهتمو بنفسه 

رودينا  بخبث _ انت مش  هتفهم حاجه اقعد  ساكت يا مراد 

مراد  _ قصدك  ايه 

رودينا  _ وانا  اتكلمت 

مراد  _ لا اتكلمي،  لعلمك انا  فاهم  وفاهم كل  حاجه كمان 

رودينا _ وفهمت ايه 

مراد  _ ولا  حاجه انا  جعان.... يتبع

  •تابع الفصل التالي "رواية عشق بالخطأ" اضغط على اسم الرواية