رواية ماسه الاركان الفصل الثاني 2 - بقلم ميفو السلطان
ما ان سمع حسام كلام ماسه حتي تلبسته الشياطين هتف غاضبا.. ورث ايه انت اتخبلتي علا صوته لتاتي صفاء…. فيه ايه يا حسام بتزعق ليه.
هتف…. تعالي شوفي الهانم بتقولي ورثي الهانم بتدور علي ورثها.
هتفت…. صفاد ايه يا ماسه اتهبلتي دا هيبقي جوزك.
هتفت…… ماقولتش حاجه يا طنط كنت بس عايزه اعرف نصيبي فيه ايه.
صرخ….. ليه مخوناني امال هنتجوز ازي انت من دلوقتي بتقولي ورثي امال بعدين هتعملي فيا ايه.
هتفت…… انت بتصرخ ليه ماقولتش حاجه.
هتف ….ماقولتيش عايزه ورثك وتدوري ورايا يبقي مخوناني يا هانم ياللي بشتغل وبتعب عشانكو انا مش مصدق.
هتفت صفاء….. اهدي يا حبيبي.
صرخ…. اهدي اهدي ايه وزفت ايه دي اخرتها يا بنت عمي …اقترب يمسك ذزاعها بعنف.. لما انت مخوناني مخطوبالي ليه هاه ما تفضيها.
شهقت وهتفت…… حسام انت بتقول ايه مخونه ايه هو انا نطقت.
هتف….. لا انطقي انطقي ياختي ما دي اخرتها ليدفعها ويستدير ويترك البيت …..
وقفت امه غاضبه تهتف…. مبسوطه يا نكد مبسوطه من الغم ده .معيشانا في هم دا جوازه هم هو فيه ايه والا عشان مالكيش كبير اتعدلي يا بنت رقيه انا حايشه حسام عنك وبقول دي غلبانه ويتيمه .اما تخشي بقه في سكه اللوع والخبث لا دانا اطلع روحك ياختي اعقلي وبطلي تنحري في الواد ورث ايه ناقصك ايه هاه انطقي بتدوري عالفلوس كل اللي همك فلوس والواد التعبان ده.
هتفت…… يا مرات عمي فلوس ايه اللي بدور عليها هو السوال حرم.
هتفت…… اه حرم.. لما يبقي مش ناقصك حاجه يبقي حرم لما تبقي متشاله عالراس يبقي حرم.. اتعدلي يا ماسه عشان انا قلبتي وحشه كفايه مالكيش حد َو مستحملينك .مبسوطه اهو ساب البيت من غمك لتتركها وتستدير .
انفجرت ماسه تنتحب بقهر وتصعد تشعر بالوجع يمزق جسدها …. ايه انا عملت ايه ليه عمل كده حرام عليه ليه يوجعني كده دانا بحبه مخوناه ايه دا هو اللي ليا في الدنيا.. مرت فتره مقهوره تنهدت ومسحت عيونها وجلست لتتذكر شيء رفعت تليفونها لتهمس ….ازيك يا عم جلال.
سمعته يرد عليها سمعها تبكي هتف….فيه ايه يا ماسه.
هتفت…… هقولك يا عم جلال لتحكي له ….يا ريتني ماسالت بيقولي انا مخوناه.
هتف…. حد يخون حد في حاجته ماسه الواد ده مش مضبوط انت واثقه انه بيحبك.
اندفعت…. اه يا عمو بيحبني والله هو بس مضغوط وانا زعلته.
هتف.. لا يا ماسه دي مش رد فعل حد زعلان من التخوين دا عايزك ماتجيبيش سيره ورثك ودا مايطمنش.
هتفت…. مانا هبقي مراته هعمل ايه بالفلوس انا مش بتاعه فلوس يا عم جلال المهم يفضل جنبي ويعشش عليا انا لوحدي ماليش حد.
هتف….. يا بنتي انت كيبه ليه كده وهبله برضه خليكي ورا حقك الحق مايزعلش.
هتفت…. لا خلاص مش عايزه المهم مايزعلش مني.
هتف…. طب مش هشوفك.
لتبتسم وتهتف….. طب بكره هنزل واقابلك في نفس المكان ماشي وجلست تتكلم معه بالساعات سعيده ان هناك من يهتم بها ويكلمها …قفلت الخط وتحس ان ذلك الرجل اصبح قريبا من قلبها تفضفض له عن هموما فليس لها احد .
*********
رحل حسام الي شقته ودخل غاضبا اتت صديقته…… ايه يا حس مالك زعلان كده.
هتف بغضب.. بنت الجزمه عايزه تنكش علي الورث.
هتفت…. مين ماسه. ليه مش هتبقي مراتك.
هتف.. قولي انت مستحمل قرفها ونقها وهتم الجوازه بالعافيه وورام وتيجي تقولي ورثي.
هتفت صديقته طب …..ماهو يابني حقها.
صرخ…. كسر حقك ياختي انا اللي بدير كل حاجه تاخد عالجاهز دا شركه ومحل وبيت بملاين الهانم بتدور ورايا والله مايحصل.
هتفت….. طب وهتعملها ازاي.
هتف …..مش عارف بس لا استحاله اسيبها تاخد حاجه.
هتفت الفتاه….. طب خلاص اخرتها مراتك وتكوش علي كل حاجه.
هتف ….اه طايقها بالعافيه ودي جايه تقولي ورث.
ضحكت الفتاه…… لا ماحبكش وانت مقريف كده انا همشي.
شدها…. راحه فين وسيباني والع ربنا يولع في جتتها. تعالي روقيلي بالي منها لله اما اشوفلها صرفه لياخذ الفتاه وينغمس في شهواته ونيته السوده لتلك الجميله.
************
دخل وليد علي اركان ….بقولك انت تقعد مع بهاء انا نش كل يوم هنسك في محمود ايه القرف ده دا راجل مدود .
تنهد اركان .،نفسي ربنا ياخده محمود لوحده لو غار من حياتنا الباقي هبطل حربقه عمل ايه .
هتف ..عمايله ملها سوده بيلف من ورانا ينغز في المستثمرين ويقلل مننا .
تنهد اركان خلاص هكلم بهاء بس هو بهاء هيعمل ايه في شره امتي جدي يرجع والله تعبت وجوده كان بيخرسهم انما فرعنته زادت .
هتف وليد ،،،ماهو مرعوب عالربع اللي فاضل من المجموعه وخصوصا ان بهاء ربنا هاديه وموافق جدك و مبسوط كمان .
تنهد اركان ..بهاء طيب ومحترم مالوش في الغل دوغري وبيجيب من الاخر عارف ان اسم السويفي لازم يكمل وفاهم جدي وفاهم ابوه كويس وبعد نفسه وانا بحترم فيه ده .
هتف ..انا مش عارف ابن محمود ازاي ربنا يهديه . اه بقولك رد عالهانم كلت ودني يابني انا كت الكاميريرا بتاعتك كل اما حد يعوزك يكلموني تليفوني شغال لاهلك انا تعبت منكو عايز اقطععلاقتي بيكو .
تنهدت اركان لا مش هد سيبها خليها تموت ليها اسبوع بتدور ورايا زي المجنونه.
ضحك وليد …..والله انت بعقلك حاجه واد يا اركان انت لو حبيت البت دي ممكن تقتلهالك .
ضحك اركان…. حبيت ..خبط علي قلبه ..منين ناشف والله يا وليد كان علي عيني ماكنش انعذر ولا باع جزر .
هتف وليد ..والله انت كت عيل وفاكر انك حبيت لا يا اركان لو حبيت بجد عمرك ماهتسيب حبيبك .
تنهد اركان ..احب ليه ومين .،ماعتقدش هتحصل تاني ومش عايزها تحصل اصلا وبدعي اني ماشوفش ذل تاني الحب ذل ونتشه قلب .
هتف وليد ،،انت عبيط دا احلي حاجه حد طايل يا ريت بس الاقيها انت لو قابلت حد حنين هتحب لانك انت من جواك حنين ا اركان وطيب لو لقيت بت حنينه هتدخل قلبك .
هتف بسخريه ..بت حنينه ماتو مافيش بت حتينه قول بت مصعوره بتاعت مصلحتها بتاعه فلوس .،بطل بطل سيره غم وعيله هم ..تنهد وليد وصمت فاركان صعب النراس وخصوصا في اراءه عن الحب .
*******
دخل سالم علي محمود يهتف…. بطل تنطح في اركان اركان مش سهل.
هتف محمود بغل…. عايزني اعمل ايه الراجل الاهبل ربنا ياخده ركبه علينا وال ايه بقي رئيس مجلس الاداره حته عيل يتمريس علينا.
هتف.. اهدي يا محمود مالناش حيل قدام جده دا راجل خبث الدنيا فيه ومش سهل ومشرب اركان خبث البلد كله دانا بخاف منه.
هتف محمود بغل ….انا بقه مابخافش لو خفت اتنهب عايز يكوش علي كل حاجه ابن السويفي بس فين انا هقفله.
هتف ……هتعملها ازي يا حزين دا خد نص المجموعه بيع وشرا والنص التاني جدك هيكتبله ربعه ودا الخطه واحنا نقعد نشمس جنبه من القهر وبهاء ابنك هياخد الربع. والربع بتاع بهاء شركات منفصله عشان لو عايز ينفصل واحنا هيدينا عالربع التاني فلوس هو قال بحيث اركان يكوش ماحد يقفله عشان مايملكهاش لحد ..وابنك الاهبل مبسوط وموافق .
هتف محمود….. لا ماهيحصلش دا فيها روحه ابن السويفي دانا اخد قلبه.
هتف سالم ….طب قولي ناوي علي ايه اركان َمابيعديش حاجه والبيت بقي غابه كلو بينحر في كلو.
هتف.. كتر خيرها مراتك نافره وبتخطط لوحدها قولتلها تخطط معايا انما لا دماغها سم ومضيعاه في هيافه وهم ازرق.
هتف سالم .. ايه مش بتخطط نجوز البت للواد هنستفاد.
صرخ.. اركان مايجيش من وراه خير تستفاد ايه احنا عايزين المجموعه جواز ايه وطين ايه .
هتف سالم….. يابني ماتنقهرش كده ما الراجل قال هيدينا فلوس.
صرخ محمود…. اعمل بيها ايه اكولها انا عايز المجموعه عايز الرياسه انا احق بيها من حته العيل ده الفلوس دي يلعب بيها اللي عايز يهوي علي مراوحه انا عايز حقي في المجموعه وهاخده من نن عين الطخين بهاء هياخد الربع يبقي لسه ربع بروحه تتنقله لو فيها موته. انا مش هقعد استني يديني فلوس انا عايز المجموعه اخد نصيبي منها وافركشها ويبقي يعرفني بعد ماتتخرب يقعد بقه علي تلها. يمريس عيل عليا جلال السويفي انا عايز الربع الفاضل يبقي نص بالنص واخرب بيتهم ايه الفرعنه دي حقي وفلوسي يكبش ليه هو لوحده دانا اقتله ..فلوس تعويض ولا تعويض الدنيا .
تنهد سالم … ايوه هتعملها ازاي كل حاجه متجهزه ومترتبه …هو خلاص خد النص وبقي رئيس مجلس الاداره ابن ابنه الكبير خليفته وراكان كايح وقادر وانت عارفه ومتمرس من صغره وبقي شارب من الراجل العقر كان بيقعده معاه من هو اد كده لما فحر علينا وخلاص اتكتب كل حاجه وبهاء خد ربعه واحنا هناخد فلوس كتير بزياده اهدي هنعمل شركه وهنبقي تمان .
صرخ محمود ..دا بعيد عن شنبه لااا يمين الله مايحصل الربع ده انا قتيله حد يقرب منه ووقف بغل يفكر كيف يحصل عليه .
********
دخل اركان البيت قبل امه لتهتف …..ايه يا حبيبي تاخيرك ده مش قصه كل يوم.
هتف …..شغل يا ماما هعمل ايه.
هتفت….. طب يا حبيبي نفسك ودنيتك يا اركان انت كبرت وعايزه افرح بيك.
تنهد….. لا وحياتك مش قصه كل يوم انا فبا اللي مكفيني.
هتفت…. انت هتقعدلي راهب عشان بت زباله َماشي تعط مع الستات ودا اخرك.
هتف.. ماما قلت قفلي بقه والله اقوم اغور من هنا.
لتدخل علبهم ساندي بنت عمته.. انت جيت يا روكي وحشتني لتقترب وتقبله وتجلس بجواره وتلتصق به ليستغفر ربه فهيا ملتصقه به رغم صده لها..
هتفت امه ……اعمل ايه يا ساندي قاهرني.
لتقترب ساندي من اركان وتقبله علي خده.. لا يا طنط دا روكي عسل وقريب هيريح قلبك.
قام هو …..لا بقه انا طالع اتخمد اسيبكو تفرحو ببعض وتركهم وذهب .
لتشير لها امه ان تذهب وراءه اندفعت ساندي تذهب اليه تقف امامه عالسلم ….ايه يا روكي انا زعلتك تنهد لتضع يدها حول عنقه.. بطل تغضب كده بتبقي وحش اوي.
هتف.. ساندي انا تعبان وعايز انام.
لتلتصق به وتهتف …..طب مانا موجوده احكيلي اريحك.
هتف.. كتر خيرك انا هرتاح لوحدي.
لتحتضنه وتهمس …..روكي بطل تبقي وحش والنبي داحنا كلنا بنحبك لتشب وتقبل جانب شفتيه انصدم وابتعد هتف بغضب…..ساندي خلي بالك فيه حدود.
اقتربت….. انا ماعنديش حدود يا روكي معاك .. بطل بقه وخرج نفسك مش كل حاجه شغل.
هتف ….لا انا دي حياتي.
التصقت به وهتفت بمياعه.. مش علي طول يا قلبي.
ابعدها وهتف …..لا انت حالتك صاعبه انا رايح اتخمد وتركها وذهب.
وقفت…… لا انت اللي حالتك صعبه بس ليك مدخل بدل مانت بومه كده لتستدير وتذهب الي زوجه خالها تلتصق بها لتكون حليفه لها في خطتها.
*********
ظل حسام اسبوع لا ياتي البيت لتتصل به ماسه …..ايه بقالك اسبوع ماجيتش كل ده ليه يعني.
هتف.. اجي لمين للهانم اللي بتخوني.
صرخت…. اخون ايه هو اللي يطلب حقه يبقي بيخون.
هتف …..لا والله عايزه حقك.
لتنفعل.. اه يا حسام عايزه ايه مشكلتك.
صمت قليلا …..لا والله طب يا ماسه عيوني حقك هتاخديه وفوقه بوسه ليرزع الخط ويقف يغلي لتاتي له الفتاه …..ايه هو انر كل شويه هيتحرق دمك بسببها. Mevo ll حكايات
هتف.. هموت نفسي اطبق في زماره رقبتها.
هتفت الفتاه بخبث…. واللي يخلصك منها.
استدار وهتف.. هاه اخلص منها ازاي انت هبله اقتلها.
ضحكت….. لا حاجه زي القتل كده..
هتف ازاي.. لتقول انت حضر الورق وكل حاجه علي الامضي وانا هخليهالك تمضي عالورق وتبوس رجلك كمان.
نظر اليها باستغراب.. ازاي هتمضي عالبيع ازاي انت بتخرفي تقولي ايه دول ملاين .
هتفت…. خلاص مش عايز اديلها نصيبها.
صرخ….. خدها ربنا انا مفيش مليم هتطوله.
هتفت….. خلاص انا بقه هخليها تديلك فلوسها وتتحايل عليك كمان بس تسمع الكلام انا هخطط وادبر بس ليا حلاوتي.
هتف….. هاه حلاوتك ماشي.
هتفت….. نص مليون.
صرخ….. نعم ياختي انت اتهبلتي.
هتفت…. خلاص بلاش خليها تاخد وتقش وتحصرك.
هتف….. لا كتير ربع مليون.
هتفت تلتميت الف اخري..
تنهد وهتف …..ماشي.
لتقول ….حضر الورق ولما تحضره قولي.
هتف بكره ……هحضره .
هتفت….. هلاص ننفذ بكره بس بقولك ساعه الجد ماتجيش تنح وتقول بنت عمي.
هتف ……لا بقولك ايه طلعي روحها بس اخد الفلوس .
هتفت….. عيوني ليجلسا معا يخططا كيف سيخلعا قلب تلك البريئه ويستوليا علي مالها .
*********
كانت ماسه تجلس حزينه فزوجه عمها نهرتها بشده ان تنزل عندها الا اذا اعتذرت لحسام عن فعلتها وطلبها .جلست حزينه تفكر ماذا تفعل اتصلت بجلال تتكلم معه كانت لا تفعل شيئا سوي البكاء ومكالمه ذلك الرجل الذي اعتبرته كابيها تحكي له وتفضفض له وهو ينصحها هتف….. بصي يا ماسه الواد ده شر استحاله يكون بيحبك.
لتقول …..يا عم جلال حسام طيب والله بس هو زعل اني بخونه وطلبت منه الورث بس والله كنت غضبانه انا مش عايزه حاجه دا حتي طنط صفاء قاطعتني عشان قولتله عايزه الورث.
هتف….. ودا مش عيب حقك.
هتفت…… انا مش عايزه فلوس انا عايزه حنيه انا تعبت لوحدي في الدنيا من غير حد انا موجوعه قوي راح فين حبه ليا وحنيته.
هتف.. هو ماكنش موجود يا ماسه دا كان وش كده ولما كوش علي كل حاجه ظهر وشه.
هتفت…. لا يا عم جلال ماتقولش كده حسام بيحبني انا هقوله مش عايزه حاجه وهصالحه.
هتف…. هتتنازلي عن ورثك عادي كده دول ملاين .
هتفت بقهر…… واتنازل عن الدنيا بس يحن عليا .الدنيا مش فلوس يا عم جلال الدنيا حب ومراعيه وقلب يخاف عليك. عيشه الوحده صعبه ومرار انك تعيش مكروه عشان ايه عشان فلوس هيا الفلوس بتداوي القلوب.
هتف.. والله انت يا بنتي في حته لوحدك ماشفت حد كده.
هتفت…… لا يا عم جلال القلوب موجوده بس اللي يدور عليها وانا خلاص ماعتش عايزه حاجه انا غلطانه اصلا دا هيبقي جوزي فلوس ايه بس.
سكت جلال قليلا يفكر بشئ ما ثم هتف ..اللي هتحبيه يا ماسه هيكسب دنيا واخره انت قلبك دهب لو مين قلبه حجر هتملسي علي قلبه ..صمت برهه …والله يا بنتي انت خساره في الواد ده عايزه راجل عن حق يصونك راحل ضهر بجد …عقد حبينه ابتسم وقال ..،انت عايزه ايه من جوازك يا ماسه جوزك تتمنيه ايه .
ابتسمت ..اتمناه ايه ماهو موجود يا عم جلال بس زعلان…. يا عم جلال حسام كان طيب. اه صحيح كان بيغضب كتير واصالحه بس طيب. نفسي يرجع تاني انا عايزه قلب وضهر اتسند عليه لو كنوز الدنيا اسيبها عشانه احبه واديله قلبي .ازاي الواحد يعيش وحيد من غير قلب دا اللي له قلب يراعي ويطبطب يبقي ملك الدنيا غير كده دنيته تبقي كالحه وناشفه انا خايفه ابقي لوحدي انا عايزه ادي حب وحنيه الوحده بتوجع .
تنهد جلال وسهم في كلامها .،اه والله يا بنتي اللي من غير قلب وحب في حياته دنيته ناشفه وغلبان ربنا يريح النفوس بس برضه حقك لازم تخافي .
ابتسمت ،،اخاف من ايه هو الفلوس هتنيمني مبسوطه الفلوس مابتعلمش بيوت يا عم جلال الفلوس اللي يجري وراها من غير حب تقلبك مصعور وقلبك يتمسح منه الحنان .
تنهد… جلال بوجع اه يا بنتي فعلا الفلوس بتنصعر الناس .
ظلت ماسه تحادثه حتي انهي الحديث وجلست عازمه ان تصالح حسام وتترك كل شيء .. وبينما هيا جالسه حزينه حتي اتاها رساله لتفتحها هوي قلبها.. لتجد رساله من مجهول.. كانت فحواها…… خطيبك دلوقتي مع حبيبته في العنوان الفلاني..
لتحس هيا بالانهيار وتقوم مسرعه وتلبس وتذهب الي العنوان فهو متغير عليها خبطت عليه فتح لها هتف.. ماسه بتعملي ايه هنا.
هتفت….. انت اللي بتعمل ايه هنا لتدفعه وتندفع تبحث في الشقه وهو ينظر اليها بخبث هتف….. بتدوري علي ايه فيه ايه.
لترتبك.. هاه مفيش انت قاعد هنا ليه.
هتف.. هكون قاعد ليه زعلان من الهانم اللي هتبقي مراتي ومخوناني. ميفو السلطان
تنهدت واقتربت منه.. يا حسام ماتقولش كده انت عندي حاجه كبيره انت هتبقي جوزي. وحبيبي وابويا وكل ماليا.
جلس وهتف….. مش باين وجايه بدل ماتصالحيني جايه تزعقي وتهجمي عليا.
هتفت بارتباك.. هاه ازعق. لا اصل.. هتفت…. معلش خلاص حقك عليا انا خايفه بس ….ارجع زي الاول فين حنيتك.
قام َيحتضنها …..موجوده بس انت اللي مش عايزاها.
هتفت…… مش عايزاها ازاي دانا ماليش الا انت وقلبك لتنام علي صدره…. حسام انا حبيبتك مش كده.
هتف.. امااال دانت الحب كله.
احست بالسعاده لتقول…. طب خلاص ماتزعلش َمش هسالك تاني بس ترجع حنين.
هتف….يعني خلاص كده متصالحين بس كده عيوني.
لتقول بسعاده …كنت عارفه انك طيب وبتحبني اقتربت تمسك يده ….هو احنا مش هنحدد ميعاد الفرح.
هتف …..اه طبعا قريب.
هتفت…… انا بحبك اوي لتظل نائمه علي صدره تشعر بحبه الذي فقدته منذ مده .
هتف….. استني بقه اجبلك حاجه تشربيها ونسهر شويه واخدك ونروح نفرح مامت .. ليقوم ويحضر لها عصيرا و يعطيه اياها .
ظلا جالسان يتكلمان وهيا سعيده انها استعادت حبيبها بدا ….مر الوقت لتتراخي شيئا هتفت…… حسام انا دايخه وعايزه انام .
هتف……هتف وماله يا حبي نروح تنامي وتتهني .
تنهدت..لا دماغي تقيله وي فيه ايه .
ابتسم …. فيه كل خير يا ماسه نامي نامي هتصحي تلاقي دنيتك اتغيرت.. لتنام هيا مرغمه وتتوه عيونها علي وجه حسام لتفيق رويدا رويدا تنظر حولها لترتعب وتطلق صرخه عاليه عندما …..
ان ان ااااان …والملاحه وحبيبتي لابسه الطراحه …اشوفك متلقح علي اقرب مصرف يحسام😡😡😡😡
- يتبع الفصل التالي اضغط على (رواية ماسه الاركان) اسم الرواية