رواية عشق بالخطأ الفصل الحادي والثلاثون 31 - بقلم نجمة براقه

 رواية عشق بالخطأ الفصل الحادي والثلاثون 31 - بقلم نجمة براقه

#ميرال 

مكنتش شايفة شكله كويس يدوب عينيه بس اللي شايفة شكلهم، وقبل ما اتكلم دخل وكتم نفسي،.. وبعدها قومت من النوم مفزوعه وانا بتنفس بسرعة والعرق يصوب مني وكأني كنت بجري مسافة اميال 

مسكت التليفون بسرعة علشان ابعتله ويفهمني ايه الحلم دة، وهو صحيح ممكن يعمل معايا كده ولا لأ...

ميرال _ انت مين وعاوز مني ايه...  لما تفتح رد عليه..  الكلام ده مش هينفع معايا،  لو مقولتش انت مين انا هعملك بلوك وهبلغ عنك،،.. 

بعتله الكلام وسبت التليفون وطلعت في البلكونة  لقيت بابا قاعد تحت في الجنينة، ف نزلت وقعدت معاه شويه 

ميرال _ صباح الخير يا بابا 

خالد _ صباح النور  ...  مالك 

ميرال _ مفيش 

خالد _ انتي كويسه 

ميرال _ اه تمام بس كنت حابه اخرج شويه اتخنقت من القعدة في البيت

خالد _ تمام خدي السواق واخرجي

ميرال  _ اوكي،  هروح اغير هدومي وارجع 

خالد _ اه صح نسيت اقولك،  انا رتبتلك المعاد والمكان عشان تشوفي فارس 

ميرال _ اسمه فارس؟

خالد _ ايوه 

ميرال _ امتي؟

خالد _ بكره 

ميرال _ تمام ابقا قولي فين و اوصفلي شكله وانا هروح 

خالد _ مش هوصف انتي لما تشوفيه هيعجبك دونآ عن الكل 

ميرال _ بابا متحسسنيش انك بتتكلم عن سوبر ستار،  هيكون شكله ايه يعنى علشان يعجبني دونآ عن غيره 

خالد _ وسيم ورياضي وشعر سايح فيه كل الصفات اللي بتحبها البنات 

ميرال _ اما نشوف 

سبته وطلعت فوق غيرت هدومي ورجعت تاني خدت السواق   وروحنا السوبر ماركت عشان اشتري شيكولاته، مع العلم ان الشيكولاتة هي الوحيدة اللي بتخرجني من التوتر..

 بقيت ادور علي النوع اللي بحبه ومركزه اوي انا وبدور،  ليقطع تركيزي صوت بيقول "ميرال"  التفت حوليه علشان اشوف الصوت جاي منين،  وملقتش حد،  رجعت تاني ادور علي الشيكولاته ف رجعت سمعت الصوت من الجهه التانيه،  بيقولي" استنيتك كتير " وقفت شويه اشوف اذا الكلام موجه ليه ولا لأ،  ف اتكلم تاني  وقال " اقصدك انتي  " جيت الف الجهه التانيه علشان اشوفه ف قالي " وقفي عندك " ف فهمت انه هو " أسير عينيها "

ميرال _ أسير عينيها؟

أسير عينيها _ عرفتيني ازاي

ميرال_ عرفتك!  عاوزة اشوفك!

أسير عينيها _ مش دلوقتى

ميرال_ انت قولتلي هشوفك لو حلمت بيك

اسير عينيها _ وانتي حلمتي بيه؟

ميرال _ اه .، من فضلك خليني اشوفك مره واحده لازم افهم في ايه

أسير عينيها _ هتشوفيني متستعجليش 

ميرال _ طيب ما انت هنا اهو ايه اللي يمنع

أسير عينيها _ هحتفظ بسبب لنفسي

ميرال _ طيب بلاش دي... انت بتعمل معايا كده ليه وتعرفني منين 

أسير عينيها _ بعمل كده علشان بحبك

ميرال _ بس انا معرفكش 

أسير عينيها _ المهم ان انا اعرفك

( مردتش عليه وبدأت أمشى بحذر علشان اوصل لجهه التانيه و اشوفه)

أسير عينيها _ يعني يتيهالك اني مش عارف انك بتحاولي تيجي عندي

ميرال تقف _ انت بتوترني على فكره، انا مبحبش كده

أسير عينيها _ هريحك قريب 

ميرال _ امتي طيب

أسير عينيها _ بعد اسبوع

ميرال _ اشمعنا بعد اسبوع ليه مش دلوقتي

أسير عينيها _ هتعرفي بعدين

ميرال _ طيب انت قولتلي لو حلمت بيك،... في حآجه لازم اعملها 

أسير عينيها _ هقولك لما اقابلك 

ميرال _ علي فكره انا ممكن اتجاهل اللي انت بتعملو ده ومسألش فيك

أسير عينيها _ مش هتقدري

ميرال _ مش هقدر عشان عايزة اعرف السبب واعرف عرفت منين كل التفاصيل دي عني،.. مش عشانك انت

أسير عينيها _ ميرال!

ميرال _ ايه 

أسير  عينيها _ ريلاااكس..... اللي بتدوري عليه من الصبح، هتلاقيه في العربيه بتاعتك

ميرال _ بتتكلم عن ايه؟،........... انت روحت فين'  يا اسير، الووو

بقيت اكلمه ومبيردش في روحت جري على الجهه التانيه عشان الحقه قبل ما يختفي،.. لقيت رجاله وستات واطفال، بقيت ابصلهم يمكن اعرف هو مين فيهم، بس محستش انه واحد منهم.. وعرفت انه اختفا ولو دورت لصبح مش هلاقيه، ف  رجعت،  ولما  دخلت  العربية لقيت علبه شيكولاته من نفس النوع اللي بحبه 

ميرال _ مين جاب دي هنا 

السواق _ واحد  جابها وقال حضرتك بعتيها 

ميرال _ شكله ايه ده 

السواق _ شاب عادي 

ميرال _ يعني ايه شاب عادي،، مش المفروض كنت تعرف مين اللي بيحط حآجه في العربيه 

السواق _ يافندم هو قالي انك انتي بعتيها 

ميرال _ طيب قالك اسمه ايه؟

السواق _ لا يافندم مقالش هو حطها وقالي الانسه ميرال قالتلي احطهالها هنا ومشي

ميرال _ طيب تقدر توصف شكله 

السواق _ شاب طويل ولبسه اسود في اسود      

ميرال بحيرة _ وبعدين معاه ده 

السواق _ في  حاجه يافندم؟

ميرال _ مفيش  اطلع بينا 

#سليم

سليم يتكلم في التليفون

سليم _ انت خايف من ايه

الطرف الأخر _ يعني ايه خايف من ايه ياسليم،.. خايف علي منظري ياسيدي 

سليم _ مفيش  حآجه  هتشوه منظرك،  بس اوقف معايا المره دي متنساش اني كنت بغششك في الإمتحانات

الطرف الأخر _ عبوأم دا سؤال اللي غششتهوني، ياسيدي خد تمنه وارحمني

سليم _ هتتخلي عني يعني

الطرف الأخر _ لا ياعم يغور منظري، حاضر يا سليم انا هنفذ كلامك

سليم _ حبيبي متشكر، يلا وبلغني الجديد اول بأول

الطرف الأخر _ هي هتكون بكره في كافيه ***** 

سليم _ المقابله هتحصل هناك مش في البيت يعني

الطرف الأخر _ لأ هي شرطها تشوف من بعيد

سليم _  بنت ذكيه اوي،  وهتعرف ازاي بقا مين في الموجودين هو العريس 

الطرف الأخر _ هيسيبها لاحساسها هو يعرفه بنفسه،... على أساس احساسها ده GPS

سليم _ ههههه ااااه يا خالد باين عليه كبير وخرف، بس حلو خلينا نشوف 

الطرف الاخر _ شكلك ناوي تظهرلها ولا انا غلطان

سليم _ لو خالد مكنش هناك هظهر... مش عاوزة يشوفني هو دلوقتي

الطرف الاخر _ يعني انت كده هتقص المده اللي قولتلها عليها

سليم _ لا 

الطرف الاخر _ ما انت بتقول اهو انك ممكن تظهر ازاي لأ

سليم _ ظبط الدنيا انت بس وانا هقولك لما اخلص

الطرف الاخر _ طيب اجهز،، انا هتصرف مع خالد

سليم _ اوك

(قفلت معاه وعملت اتصال تانى)

سليم _ طمنيني 

الطرف الاخر _ كله تمام زي ما انت مخطط بظبط،  بس انا خايفه خالد يعرف اللي بيحصل وقتها مش هيرحم حد فينا 

سليم _ سيبك منه وركزي معاها هي،  

الطرف الاخر _ هي لسه راجعه ودخلت اوضتها

سليم _ اه....  طيب حاولي تعرفي اي حآجه جديدة عنها، اي تفصيله بتحبها بلغيني بيها حتي لو كان لون 

الطرف الأخر _حاضر

سليم _ متشكر... خلي بالك من نفسك 

الطرف التاني _ استنا يا سليم

سليم _ ها 

الطرف _ بعد ما توصل للي عاوزة هتعمل معاها ايه 

سليم _ خلي بالك من نفسك، سلااام

هكون هعمل معاها ايه يعني،.. ولا حآجه...  هي  متفرقش معايا  ... انا مش عاوز منها حآجه غير انتقم من ابوها وبس، وبعدين تروح لحالها 

بعد ما قفلت معاها المكالمة، فتحت المسنجر وبعت ل ميرال

سليم _ يارب تكون الشيكولاتة عجبتك 

ميرال _ مدوقتهاش وهرميها في الزبالة 

سليم _ هجبلك غيرها 

ميرال _ طيب ما تخليك شجاع وتواجهني وجهآ لوجه احسن

سليم _ هنتواجهه مستعجله ليه

ميرال _ امتي، ولا عاجبك لعبة توم وجيري دي 

سليم _ لازم تتوهي الاول زي ما عيونك توهتني 

ميرال _ بمناسبة العيون انا مقدرتش اشوف غير عيونك في الحلم، 

سليم _ ومين قالك انهم  عيوني انا مش عيون حد تانى مشغوله بيه

ميرال _ انت كلمتني في الحلم وقولتلي انك هو

سليم _ طيب اوصفيلي شكلي 

ميرال _ مشوفتش ملامحك، شوفت هيئتك وعينيك بس 

سليم _ كانو عاملين ازاي

ميرال _ عينيك لونهم اسود، وجسمك طويل وعريض، دا اللي انا حددته 

سليم _ زعلتيني اوي، ده مش انا خالص

ميرال _ لا انت ولو شوفتك دلوقتي هعرفك من بين مليون

سليم _ متأكده؟

ميرال _ ايوه

سليم _ ولو معرفتنيش؟

ميرال _ خليني بس اقابلك في اي مكان وانا هاجي لغيت عندك واكلمك 

سليم _  اووووك، بكره هتشوفيني، بس امتي وفين وازاي مش هقولك

ميرال _ اوك موافقه، بس لو عرفتك تيجي وتفهمني انت مين وعرفت التفاصيل دي عني ازاي

سليم _ ولو معرفتينيش 

ميرال _ مستعده اعمل اللي انت تطلبه

سليم _ كده هيبقو طلبين ملزمه تنفذيهم

ميرال _ موافقه

سليم _ اوك معادنا بكره

عرفتني او لأ في الحالتين هطلعها غلطانه وهتنفذ الطلبين... بس غريبه انها شافتني في حلمها بشكلي الحقيقي، بس ياترا هتقدر تتعرف عليه بجد اما نشوف يابنت خالد 

#احمد

العربية عاوزة تتصلح وصاحبها لزمني بتصليحها وقالي ارجعهالو بعد ما اصلحها وانا مش معايا فلوس دلوقتي وحالي وقف خالص،... الله يخربيتك علي بيت اللي رباكي يا شيخه،... مبقتش عارف اتصرف ازاي، ف جاتني فكرة اني انقل الخط بتاعها عندي واشوف اي رقم يوصلني ليها او لحد من اهلها اشتكيلهم منها ويدفعو مصاريف التصليح.. وفعلا حطيت خطها عندي، لقيت ارقام كتير ومن ضمنهم اسم بابا، ف اتصلت بيه

زين _ تليفونك رجعلك؟

احمد _  انت ابو صاحبة الرقم ده؟

زين _ ايوه انا انت مين

احمد _ طيب اسمع يا أستاذ مين ما تكون،.. انت تيجى دلوقتي تشوف الخساير اللى بنتك سببتهالي وتدفع تمنها وتاخد تليفونها وتمشي 

زين _ انت مين وخساير ايه اللي بتتكلم عنها

احمد_ هي مقالتلكمش؟،... طبعا وهتقول ايه

زين _ ممكن تفهمني في ايه

احمد _ الحكاية يا حج، اني كنت سايق العربيه  ف قابلتها و وركبت معايا،.. ف بنت حضرتك اللي عايزة ربايه متزعلش مني يعني،، نسيت تليفونها في عربيتي بعد ما بقت تقل ادبها عليه،.. وانا عشان ابن ناس،، خبتهولها معايا ومرضتش ابيعه،  ولما قبلتها مره تانيه وقفت عشان اقولها انه معايا،، وقبل ما تعرف هقولها ايه، فشفشت ازاز العربيه بتاعت الراجل اللي انا باكول منها عيش، ورشت في وشي ميه بشطه ولمون،.. وقطعت عيشي،. عاجبك كده،  .. هي هربت مني وألا والله كنت جبتهالكم متعبيه في اكياس

زين _ شدن عملت كل ده 

احمد _ شا ايه، شدن ايه الاسم ده، ما كنتو تسموها زينب كانت نفعت

زين _ هدي نفسك ولاحظ انك غلطت فيه كتير، حقك هيرجعلك 

احمد _ اما نشوف قدامك خمس ساعات لو مجبتوش تمن التصليح هبيع التليفون، 

زين _ طيب تقدر تقابلني دلوقتي

احمد _ اقدر

#عائشة

أسر اتصل بيه وطلب مني اروحلوه مكتبه بسرعه وانا روحتله لقيته بيلف حولين نفسه 

عائشة _ مالك

أسر _ الزفت اللي اسمه امجد، مش عارف مين وصلو تصميمات الشنط الجديده، انا هتجنن، في خاين معانا هنا

عائشة _ دي عمرها ما حصلت، هنا كلهم معانا من زمان أكيد وصلهم بطريقة تانيه 

أسر _  التصميمات مفارقتش مكتبي،، يعني حد دخل خدهم ومشي

عائشة _ طيب ما نبلغ البوليس 

أسر _ نبلغ نقول ايه، 

عائشة _ نقول سرق التصميمات 

أسر _ انتي طيبه اوي، مش هنوصل لحاجه، ودي مش مشكلتي يغور التصميم، المهم دلوقتي اعرف مين الخاين اللي هنا

عائشة _ هيكون مين يعني، كلهم هنا صحابنا 

أسر _ معرفش انا هتجنن حتي الكاميرات مش ظاهر فيها مين اللي عمل كده

عائشة _ طيب روق متعكرش مزاجك واكيد هنعرف 

أسر _ تمام...... هي فين روما مش موجوده على مكتبها ليه

عائشة _ معرفش

أسر _ طيب اقعدي عايزة اتكلم معاكي في موضوع مهم 

عائشة _ خير

أسر _ كنت عاوزك تظبطلي حفله صغيره للموظفين 

عائشة _ ايه المناسبة

أسر يطلع خاتم من الدرج _ ايه رأيك في ده 

عائشة _ حلو!   لمين؟

أسر _ ل روما.. عاوز اطلب ايدها  في الحفلةاللي بقولك عليها

عائشة _ اه..... مبروك 

أسر _ هتظبطي الحفله؟

عائشة _ أكيد، 

أسر _ حبيبتي يا أش،... هيجي يوم واظبطلك حفلتك 

عائشة بإبتسامه باهته _ تسلملي... هقوم يدوب الحق اجهز كل حآجه 

أسر _ مش النهارده، خليها بكره 

عائشة _ زي ما تحب، بس انا دلوقتي ورايا شغل لازم اخلصه... عن اذنك

أسر _ ماشي خلصي بسرعه علشان نخرج نتغدا سوا 

عائشة بإبتسامه _ بلاش،.. حافظ على مشاعر روما الفتره الجايه

أسر _ يعني إيه

عائشة _ يعني هتخطبها وهي اكيد هتغير عليك من كل البنات،

أسر _ انتي مش بنات، بطلي هبل 

عائشة _ مش بنات؟

أسر _ بنات! وبنات قمر كمان بس قصدي انتي غيرهم، وروما مش هتزعل

عائشة بإبتسامه _ اها، طيب نكمل بعدين، زمان باسم قالب عليه المكتب عشان يغلس عليه زي عادته 

أسر _ اه.... طيب 

حبست دموعي وطلعت من عنده، روحت الحمام، بكيت شويه طلعت كل الكبت اللي  جوايا وبعدين غسلت وشي ورجعت المكتب، وقابلت  باسم هناك و كعادته مبيرتحش غير لما يضايقني 

باسم _ مالك  يا عائشة 

عائشة _ مالي  يا باسم 

باسم _ شكلك  زعلانه من  حاجه، وباكيه كمان  

عائشة  _ العدسات بيحرقوني، ف بدمع 

باسم  _ انا فكرت بقا عندك  دم وبتحسي ههههه 

عائشة  _ باسم حل عن دماغي 

باسم  _ هو  انتي  بتكلمي  قرد  ،  ايه حل عن دماغي  دي

عائشة  _ القرد يزعل لو شبهتك بيه

باسم  _ امممم انتي  ليه دبش 

عائشة _ عشان  انت مستفز،  وامشي بقا 

باسم  _ اقولك  يا عائشة 

عائشة  _ ارغي 

باسم  _ اااا 

عائشة  _ اااااا ايه

باسم _ خليها  بعدين 

عائشة  _ يستحسن متقولش خالص 

باسم  _ مش  عارف  امتي هتستطلفيني شويه 

عائشة  _ باسم انا بجد  مصدعه حل عني  ياخي 

باسم  _ ماشي،  رايح  ل أسر 

عائشة _ روح 

طول الوقت  بيغلس عليه وميعرفش يكون  جد أبداً 

#باسم  

بحبها من زمان وهي. ولا حاسه بيه، كل تركيزها مع أسر وبس، انا عارف انها بتحبه، ، وزملائنا اوقات بيقولو كده بس انا بقولهم مش حب وانهم صحاب قريبين وبس،  .. مش حابب اسمع من اي حد انها بتحب غيري، مع انا كمان عارف انها بتحب غيري

#أسر 

كنت مستني روما تيجي وفي الوقت ده جه باسم 

باسم _ ازيك يا بروف 

أسر _ حلو.... لوي بوزك ليه 

باسم _ مفيش،.. ايه الاخبار

أسر _ مفيش جديد غير اني هفاجئ روما واخطبها هنا بكره

باسم _ كويس اوي...، مبروك

أسر _ عقبالك 

باسم _ شكرا

أسر _ انت قولتلي قبل كده ان في واحده زميلتنا انت بتحبها، ايه اخبارها صحيح

باسم _ بتحب غيري ياسيدي 

أسر _ هي قالتلك 

باسم _ مش محتاجه تقول، كله حآجه باينه 

أسر _ غلط تحكم عليها من غير ما تقول هي،... روح كلمها وشوف هتقولك ايه 

باسم _ كل ما احاول اقولها اتراجع خايف تقولهالي بلسانها 

أسر _ هي مين صحيح، انت مقولتليش قبل كده

باسم _ مش مهم

أسر _ هو سر؟

باسم _ ملهاش لازمه كده كده هي مش بتفكر فيه

اسر _ متبقاش سلبي، 

باسم _ اعملها ايه يعنى

أسر _ قربلها  ،  حسسها باهتمامك  وخوفك عليها

باسم _ مش بتدينى فرصه 

أسر _ حاول مره وعشره لغيت ما تلين

باسم _ طيب ما تقولي انت ابتدي ازاي، انت البنات بتحبك وفاهم

أسر _ اقولك 

باسم _ قول 

أسر _ انا عارفك اهبل وخفيف، بطل هزار من غير داعي وخليك كاريزما، كده، واتقل شويه دي اول خطوه 

باسم _ صعب بس نحاول 

أسر _ مش صعب 

باسم _ طيب وتاني خطوه 

أسر _ تميزها عن غيرها، في المعاملة، وتشوف هي بتحب ايه واعمله بشكل غير مباشر، وميمنعش انك تتجاهلها بين فتره لتانيه 

باسم _ ليه التجاهل ده 

أسر _ هيخليها تركز معاك اكتر ههههه اسألني انا

باسم _ انت هتقولي.... طيب ابتدي بالتجاهل ولا الإهتمام

أسر _ انت اكيد اهتميت كتير ف ابتدي بالتجاهل مرتين تلاته كده وبعدين ارمي السلام مثلا 

باسم _  ايه المتاهه دي ما انا اقولها بحبك علي طول أسهل

أسر _ اسمع الكلام هتكسب، ويلا قوم ظبط هدومك كده، وروح ومتعبرهاش  

باسم _ هحاول 

أسر _ تمام وقولي علي النتيجة 

باسم _ ماشى

باسم بيهزر مع الكل ومش قادر احدد هي مين، بس من الواضح انه بيحبها فعلاً، وانا مش هسكت غير لما هي تحبه كمان وتوافق عليه 

#فرح 

عدا يومين من وقت ما الدكتور كان هنا، والنهارده جه تاني ولما شافني سأل علي حالي 

سامح _ ازيك  يا فرح 

فرح  بإبتسامة  _ كويسه  يادكتور وحضرتك  عامل  ايه 

سامح  _ كويس،..  ايه مرتاحه  هنا 

فرح  _ انت عارف  يادكتور احساسنا  بسبب اللى  بيحصل كل يوم،  .. مفيش  راحه  فى  المستشفيات للأسف لا لمرضا ولا لممرضين 

سامح بإبتسامة _ عندك حق، بس انت قويه رغم شكلك الرقيق ده، ومعرفش ليه مشبه عليكي

فرح بإبتسامة _ محصليش الشرف اني قابلتك قبل كده والله، ولو حضرتك مش مصدقني تقدر تسأل عني

سامح _ ههههه اسأل عنك ايه، كل الحكاية اني بشبه عليكي بس 

فرح _ اه فاهمه،  

سامح _ طيب ممكن تيجي معايا نلف علي المرضي 

بقينا نلف علي  المرضا ساعتين  كاملين،  وهو  كتر خيرة  ساعد كام واحد  محتاجين،  وفجأه لقيت ظابط داخل  وبيرفع المسدس علي  الدكتور  

جواد _ ااااارفع ايدك فوق وارمي سلاحك يا سااامح

سامح  _ حضرت  الظابط انت هنا

( قلقت علي الدكتور وكان لازم اساعده لانه طيب)

فرح _ لو سمحت اطلع بره

جواد _ بتكلميني انا

فرح _ اه بكلمك انت، اطلع لو سمحت المريض محتاج هدوء

جواد _ تحبي اخدك معاه 

فرح تمسك ايده وتطلعه وتقفل الباب وتجري علي سامح _ انا هساعدك تهرب متقلقش 

سامح  _ ايوه  ساعديني اهرب لو سمحتي  دا ظابط مفتري 

فرح بتوتر _  طيب طيب مش  عاوزة حضرتك  تخاف انا  هتصرف  ،  خليك هنا 

سامح  _ الله  يباركلك  يابنتي  انقذيني 

طلعت  عند الظابط وقفلت الباب  ورايا _ احم الدكتور  بيعمل عمليه  للمريض 

جواد _ انا فاهمك،.. انتي  بتتستري عليه  وحسابك معايا  في  القسم قدامي

فرح بارتباك _ اتستر عليه  ايه  ماهو  جوه يافندم  بس  القصه ان بيعمل  عمليه  دقيقة  فى  القلب تقدر تمشي  وترجع  اخر النهار 

جواد  يصوب عليها  المسدس _ دكتور بطنه هيعمل عملية  في  القلب،  قدااامي انتي  مقبوض عليكي 

فرح  يدها ترتجف وتبكي  _ انا. معملتش حاجه 

سامح  يطلع من جوه  _ قولتلك ظابط مفتري 

فرح  ببكاء  _ الحقني  يا دكتور  ماما  ممكن  تروح  فيها  

سامح  ياخد منه  المسدس _ خلاص  علشان  خاطري  المره  دي 

جواد  _ لولاش بس انك عشره  كنت  عدمتها

سامح _ ههههه  انت ايه  جايبك ورايا

جواد ينظر ل فرح  بإبتسامة  _ اصلك وحشني  يا دوك

(فرح  تبصلهم ببلاهه) 

سامح  _ ههههه  ده  ابني بس  متخلف شويه وفرحان بالمسدس وكل  شويه يعمل  كده  متخديش عليه 

جواد بإبتسامة  _ اسمي الرائد جواد ولسه  سنجل

فرح _ ايه يا دكتور  ده  وانا  ذنبي ايه اتخض كده،  الله  يسامحكم، 

جواد _ تانى مره متعمليش فيها شرلوك هولمز وتهربي مجرمين، ها

فرح _ حاضر

 سبتهم وروحت اشوف المرضا وانا مستغبيه نفسي، يعني لو طلع هربان بجد.. كان  سهل اني اخبيه عادي كده، ايه التخلف ده 

#جواد

بنت رقيقه رايحه تهرب مجرم هارب من العداله دا لو بجد كانت راحت ورا الشمس علي مسكتها ايدي بس

جواد _ ههههه مين الحلوه دي 

سامح _ دي ممرضه هنا بس بنت طيبة زي مانت شايف 

جواد _ شكلها حلو تصدق

سامح _ ارحم نفسك، انت ايه جابك هنا مش عندك مأموريه 

جواد _ ما خلصنا هي المأموريه دي هتخلد،... المهم انت جاي تتفسح ولا تشتغل،

سامح _ الشغل وحشني ف باجي الف شويه واروح

جواد _ طيب يلا عشان سماح بتجهزلنا اكل 

سامح _ ماشي يلا 

جواد _ هي البنت دي اسمها ايه صحيح

سامح _ سيب البنت في حالها ياض انت، دي باين عليها غلبانه 

جواد _ ايه يا دوك، بسأل مسألش يعني

سامح _ عارف لو انت جد مستعد اخطبهالك

جواد _ ههههه خطوووبه مره واحده، يلا يلا، محدش يفك معاك بكلمتين 

سامح _ يلا يا خويا 

تاني يوم

#شدن 

صحيت الصبح وجهزت نفسي ونزلت بسرعه علشان اخرج ف لقيت بابا تحت

زين _ كسرتي عربيه احمد ليه

شدن باستغراب _ مين احمد 

زين _ اللي رشيتي ف وشه شطه ولمون، حد قالك انه بطاطس رايحه ترشيه  بشطه ولمون

شدن _ مها قالتلك

زين _ يعني عملتي كده فعلاً

شدن _ يستاااهل، دا ولد قليل الادب ومترباش 

زين _ انتي عارفه انه بقا من غير شغل بسببك وصاحب العربيه هياخدها منه 

شدن _ يستاهل 

زين _ طيب عقاب ليكي بقا هيكون هو السواق بتاعك

شدن بصدمه _ سواق مين 

زين _ ااادخل يا احمد

احمد يدخل _ صباح الخير يا انسه شجن

زين _ اسمها شدن 

شدن _ بابااااا طلعو بره 

زين _ لا، و وريني هطفشيه ازاي،.... زي ما فهمتك يا احمد

احمد _ بااااشا، معاك ابرد واحد في مصر، متقلقش يا نجم

بابا يعمل فيه.كده.مستحيل يكون ده اب، ومستحيل ده يكون سواقي مستحيل،... 

وقف ورا بابا يعملي بأيده اشاره بأنه هيد*بحني

شدن _ بابا بص بص بيعملي ازاي قال يعني هيد*بحني 

زين يبصله يلاقيه حاطط ايد على ايد وباصص للارض _ خلصنا هو هيكون السواق بتاعك، ويلا،.. احمد خد المفاتيح دي بتاعت عربيتها اللي لسه جايه من التصليح امبارح 

شدن _ باباااااا دا مجرم انت مشفتهوش

احمد _ ربنا يسامح حضرتك

شدن تفتح بوقها بذهول_ حضرتك؟

زين _ الولد محترم، عاوزة ايه تاني

شدن _ دا بيمثل  عليك صدقني

(احمد يرقص حواجبه)

شدن _ طيب بص كده، بصله والله بيرقصلي حواجبه

زين _ شدن انتها، يلا روحي مشوارك 

فاكر نفسه انتصر عليه ميعرفش انه مش هيستحملني يوم واحد بس

طلعت معاه و وقفت جمب الباب الامامي

شدن _ افتحلي بابا العربيه يا شوووفير

احمد يدخل في مقعد القيادة ويتجاهلها ويشغل اغاني 

شدن تفتح وتدخل وترزع الباب _ انت اللي اخترت تدخل بيت الاشباح برجليك اشرب بقا

احمد _ يمي يمي خوفت الحقوني رجليه بتخبط علي الجيران

شدن ترفع صوباعها في وشه _ هوريك

احمد ببرود _ هتوريني ايه 

شدن بغيظ _ سوق يلا وبلاش قلت ادب

احمد يشغل فجأه لتقع علي وشها 

احمد _هههههههههههههههههههههههههههههه

شدن تعتدل وتسند انفها وتبكي _ يا ماماااا

احمد يسوق بسرعة شديدة وهي تمسك بالعربية _ برااااحه هنموت، ياغبي، وقف نزلني، يااااماما

احمد يزيد السرعه وهي تصرخ ليقف فجأه 

احمد  _ عاوزة  تروحي  فين 

شدن بدوخه _ الله  يخربيتك  

احمد  _ استني كده ( يميلها ويضربها علي  ضهرها ضربه قويه) 

شدن تفتح الباب وتقع بره  و ترجع علي الارض  

احمد  _ يااااع جاكي القرف ههههههههههههههه 

شدن  تقعد وتستند على  العربيه  من الخارج وتمد رجليها على  الطريق  وهو  ينزل ويروح عندها

احمد  يشدها من ايدها  يوقفها _ قومي لا بلدوزر يعدي على  رجليكي يكسرهم

شدن  تميل على  العربيه  بدوخه _ عاوزة  اروح  عند  ماما 

احمد  _ طيب  تعالي....  بيسندها ويفتح الباب الخلفي ويقلبها علي  وشها ويسحب رجليه ويدخلهم جوه

شدن  تعتدل وتبكي _ ياااامامااااا،  عاوزة  ماما 

روحت  البيت  وانا  لسه  فيه الروح وبتنفس الحمدلله  

#احمد 

ابوها وصاني اربيها من غير  اي كسر وانا  نفذت وصيته ورجعتها البيت  تتمطوح....  ولسه  لغيت  ما انسا الشطه  والمون اللي  تبلتني بيهم زي  الشيبسي

عشق_بالخطأ

  •تابع الفصل التالي "رواية عشق بالخطأ" اضغط على اسم الرواية