رواية جنون الحب الفصل الثاني و الثلاثون 32 - بقلم نور السبكي
_*روايه جنون الحب البارت الثاني والثلاثون🙂♥️*_
ادهم : كنت عايز اقولك حاجه مهمة حصلت انهاردة
فارس : اه اتفضل
ادهم : الصراحة الدكتورة ندى بنت خال حضرتك جت انهاردة تزور هيثم
فارس بخوف : تمام شكراً ليك يا حضرة الظابط
ادهم : على ايه يلا سلام
فارس : سلام
حور: فيه ايه مالك
فارس : مفيش
حور : قالك ايه مخليك خايف اوي كدا
فارس : ممكن تاخدي بالك من نفسك اليومين دول
حور : ليه
فارس : عادى يا حور المهم تاخدي بالك من نفسك بالله عليكى
حور : تمام
فارس : يلا نمشي
حور : لا بالله عايزه افضل قاعدة هنا شوية انا مكتئبة اوي بسبب هرمونات الحمل وكمان قرب الامتحانات خلينا شوية يا فارس خلينا
فارس بأببتسامة: تاخدي اوسكار فى الزن بجد حاضر يستي هنخلينا قاعدين
حور : اشطا اوي
فارس بحب : بحبك
حور قامت و وقفت على طرف المركب اتنهد بحزن و راح عندها
فارس : بقولك بحبك يا حور ايه مسمعتيش
حور : اممم وانا المفروض اعمل ايه يعني
فارس : على الاقل بصيلي وقوليها بعينيكي لو زعلانة ومش عايزة تقوليها قوليها بعينيكي يا حور انا والله تعبت حاسس اني مبقاش عندي طاقة نفسي نعيش مع بعض بسلام
حور : هو انت بجد عندك شك فى حبي ليك انا لو مكنتش بحبك مكنتش وافقت اعيش معاك واديك فرصة بس الموضوع بالنسبالي مش سهل انا مش عارفه انسى والله يا ريت متضغطش عليا انا وقت اما احس اني ارتاحت ونسيت هقولها بنفسي تمام
فارس وهو بياخدها فى حضنه: تمام
حور وهي بتطلع من حضنه : يلا نمشي
فارس : مش كنتي عايزة تعقدي شوية
حور : بدأت ادوخ من البحر
فارس : تمام يحبيبى يلا انتي كويسة صح
حور: اها انا تمام متخافش
استغفر الله العظيم الذي لا اله الا هو الحي القيوم و اتوب اليه ♥️
ليلى كانت قاعدة على السرير وبتقلب فى فونها بس فجأة جتلها رسالة من رقم غريب
" قريب اوي هتكون معايا اجهزي عشان مفضلش كتير يا اللى اخدتي قلبي من اول ثانية شوفتك فيها بحبك "
ليلى بصيت للرسالة وابتسمت : ايه القمر دا اكيد واحد غلطان فى الرقم حقيقى يبختها وانتي أمتي هتلاقي اللى يحبك بقى يا لولي مكتوب عليا اشوف قصص الحب ومعشهاش
اللهم صلي وسلم وبارك على سيدنا محمد وعلى اله وصحبه اجمعين ♥️
فارس : حور انتي رايحة فين
حور : هنام
فارس : مش احنا قولنا هنام مع بعض وهتنامي فى حضـ'ني بعد كدا
حور : احنا مقولناش كدا انا قولت هنشوف الموضوع دا لما نرجع بس موافقتش على فكرة
فارس بدموع : طب معلش يا مدام حور ممكن ترحميني بقى شوية وتوافقي
حور : ماشي مش عارفه انا اعمل ايه فى قلبي الطيب دا
فارس : هههههه
راح عندها وسحبها من ايدها: تعالي يهبلة
حور : هدخل اخاد شاور وانام
فارس : ماشي يحبيبى
قعد فارس على السرير وهو بيفكر فى كلام ادهم
فارس : يا ترا ندى راحت عند هيثم تعمل ايه كمل بخوف شديد معقول تعمل حاجة فى حور اكيد لا مش هتعرف لوحدها وهيثم فى السجن انا لازم اخاد بالي من حور بعد كدا
خرجت حور وهي لابسة بيجامة وشعرها مبلول راحت وقفت قدام المرايا فارس بصلها بحب و توهان كبير فيها راح عندها و حضـ'نها من ضهرها ودفـ'ن رأسه فى عنقها واتكلم بهمس
: ايه القمر دا انتي حلوة اوى يا حور
حاولت تبعد عنه بس مسك فيها بقوة وهو خايف تبعد عنه
فارس : متبعديش
حور : متندمنيش اني جيت اقعد معاك فى نفس الاوضة لو سمحت ابعد
فارس : مش قادر
حور : هعيط
فارس بسخرية وهو بيبعد عنها: عارفة يا حور احنا نطلق احسن من اللي انا فيه بجد
حور بصدمة: ايه
فارس بغضب مفرط: انا تعبت يا حور تعبت من رفضك ليا وبعدك عني تقدري تقوليلى انتي امتى قبلتيني زوج ليكي هاا يا حور ما تنطقي
حور وهي بتنتفض من خوفها منه وبتفتكر كل حاجه حصلت وهي بتبص على السرير جت تخرج مسك ايديها واتكلم بعصبية
: استني رايحة فين
حور بخوف : انت هتعملي ايه
فارس بغضب مفرط: بطلي بقى بطلي كفاية انسي بقى اعمل ايه اكتر من كدا عشان تنسي اعمل ايه يا حور قوليلي اعمل ايه عشان تنسي
حور بدموع: ممكن تبطل تتكلم كدا انا بخاف والله
فارس خرج وهو بير'زع الباب وراه اتكلم بصوت عالى
: دي بقيت عيشة تقر"ف
خرج وقف فى البلكونة واتنهد بضيق
: ايه اللى انا عملته دا طب ما هي اللى مش راضية تفهمني بس هي لسه صغيرة وانا معودها على الدلع مش العصبية الله يلعـ'نك يا فارس خلتيها تخاف منك
حور قعدت على السرير وهي ساندة براسها على رجلها وبتعيط دخل فارس لاقها بتعيط
فارس : حور
حور ببكاء طفولي : طلقني يلا مش هي بقيت عيشة تقر"ف
فارس راح وقعد جانبها: انا اسف حقك عليا
ما صدقت انه جيه عندها دفنـ'ت رأسها فى صدره اتكلمت بشهقات وعتاب : انا انا خفت منك واضايقت عشان قولت ان عشتك عشتك معايا بقيت تقر"ف فاكر فاكر برضوا اما قولتها واحنا كانا على السلم طب اعمل ايه انا مش عارفه انسى مش قصدي اوجعك و اوجع قلبي والله
فارس : شششش خلاص اهدي يا حور انا اللى المفروض كنت افهم دا ومتعصبش عليكي مش هكررها تاني
حس بأنتظام انفاسها بصلها لاقها نامت ابتسم بحب عليها اتعدل فى نومته وهو مش عارف يبعدها عنه وذهب فى نوم عميق
فى الصباح صحي فارس وكانت حور لسه نايمة صحيت بنوم
فارس : صباح الخير يحبيبى
حور : صباح الخير
فارس: هقوم احضر الفطار عشان تاخدي علاجك
حور : مش عايزة اكل
فارس : حور
حور : ماشي
فارس قام و راح عند المطبخ حضر الفطار وكلوا مع بعض
فارس: انا هروح المستشفى
حور : هتيجي امتى
فارس ببأبتسامة: ايه بوحشك اوي كدا
حور بخجل : عادي مجرد سؤال
فارس: ماشي يستي هاجي بعد الضهر عشان مستر علي هيجيب هنا عشان الدرس هتاخدوه هنا
حور : هو اللى هيجيب هنا
فارس : ايوا فيه حاجه ولا ايه
حور : لا مفيش
راح عندها وقبل راسها: عايزة حاجة
حور : سلامتك
فارس : سلام ومش هتأخر عليكي هاجي قبل ما يجوا باذن الله
حور : عادي لو جيه وانت مش موجود
فارس بعصبية وغيرة : لا والله
حور : دا المستر بتاعي وبعدين موثوق فيه
فارس : حور لما بتعصب عليكي بتعيطي فاسكتي احسن عشان انتي اللي بتزعلي فى الأخر
حور : تمام
فارس : يلا سلام
حور : سلام
لا حول ولا قوة الا بالله العلي العظيم ♥️
خرج فارس و ركب عربيته وهو بيفكر فى حور وبيبتسم قاطع تفكيره فيها رنين تلفيونه بص وخاف اما لاقى المتصل ادهم
فارس : الو
ادهم : دكتور فارس فيه حاجه مهمة جدا حضرتك لازم تعرفها هيثم هر"ب
يتبع......
•تابع الفصل التالي "رواية جنون الحب" اضغط على اسم الرواية