رواية عشق بالخطأ الفصل الثالث والثلاثون 33 - بقلم نجمة براقه

 رواية عشق بالخطأ الفصل الثالث والثلاثون 33 - بقلم نجمة براقه

P33

#شدن 

بعد ما وقعته في المشكله ومشيت،  حسيت بذنب،  حرام يتحبس كان ممكن اعمل اي حاجه تانيه غير الحركه دي.. ف بعتله مها تدفعلو.  وقبل ما اروح البيت عديت علي بيت عمي سيف علشان اشوف سليم،  ولما وصلت لقيته داخل الڤيلا 

شدن _ سليم 

سليم يوقف ولا ينظر لها 

شدن تقف امامه _ ازيك 

سليم _ كويس  

شدن_ جاي منين

سليم يخطو خطوتين وهي تمسك يده

شدن _ هو انت ليه بتكرهني انا زعلتك في حآجه 

سليم بزهق _ لا ياشدن مزعلتنيش بس هزعل لو كملتي كده  

قال كده ومشي،  ...  مش عارفه مُصره اقلل من نفسي ليه،  ينقصني ايه انا علشان احاول مع واحد بيضايق لما يشوفني،  ...  حسيت اني رخيصه اوي للمره المليون،  ..... مشيت وناويت مرجعش هنا تاني  ..

مشيت  في الشارع وانا حابسه دموعي بالعافيه،  وبحاول اقنع نفسي انه عادي هو الخسران،  بس   الحقيقة ان مفيش خسران غيري.... لأنه طالما مشافنيش من البدايه عمره ما هيحس بالخساره ولا هيلاحظ غيابي،  انا اللي غبيه قللت من نفسي 

#أحمد 

صحبتها جت ودفعتلي بس انا بردو مكنتش هعدهالها ف خدت العربية ورجعت وفي طريقي لقيتها ماشية علي الرصيف،  هديت وزمرتلها وهي منتبهتش ف وقفت العربيه ونزلت روحت عندها ومسكتها من قفاها،  

احمد _ مسكتك يا شيطانه 

شدن تشيل ايده وتمشي 

احمد _ في ايه...  استني... يا انسه... خلاص مش هبهدلك بس استني

شدن توقف _ عاوز اتمشا لوحدي،  ارجع 

احمد _ انتي زعلانه 

شدن تنزل دمعتها _ وايه يزعلني،  انت بتخرف،  ارجع يلا واياك تيجي ورايا 

احمد _ طيب اركبي العربيه ومش هتكلم 

سابتني ومشيت وانا رجعت للعربيه ومشيت وراها لغيت ما وصلت عندها وهديت السواقه 

احمد _ مش هينفع تسيبي عربيتك وتمشي  ....  يا انسه انتي سمعاني 

مردتش عليه خالص وانا سبتها علي راحتها...

  مكنتش اعرف انها بتحس...  يعني بعتت صحبتها تدفعلي وكمان بتبكي كله ده في وقت واحد،  حآجه غريبه فعلاً 

#ميرال 

بعد ما رجعنا،  سبته وروحت اشتري هدوم ورجعت البيت لقيت بابا مستنيني 

خالد _ كنتي فين 

ميرال _ كنت بشتري هدوم

خالد _ هدوم؟ 

ميرال _ ايوة،  في ايه 

خالد _  مين اللي مشيتي معاه من الكافيه 

ميرال بارتباك _ مفيش حد 

خالد _ ميرال انا بسألك مين اللي مشيتي معاه 

ميرال _ يابابا مفيش حد...  مين قالك انت 

خالد _ فارس 

ميرال _ وشافني فين فارس ده،  هو مشي قبلي أصلا 

خالد _ كان مستنيكي بره وشافك ماشيه مع واحد،...  قوليلي مين ده 

ميرال _ اه....  ده واحد،  صاحب محل هدوم لما سمعني بكلمك قالي انه عنده محل هدوم حلو 

خالد _ امالي بتكدبي ليه من الاول 

ميرال _ عشان متزعلش 

خالد _   انتي غلطتي غلطتين...  اول حآجه  روحتي  مع واحد  غريب وتاني حاجه كدبتي عليه  ...  من النهارده  مش  هتخرجي لوحدك 

ميرال _ انا مبقتش صغيره علشان تعاملني كده 

خالد _ صغيره ومش عاوز نقاش،  اطلعي علي اوضتك 

ميرال _احنا لازم نتكلم 

خالد _ بقول اطلعي علي اوضتك 

ميرال _ حاضر  

طلعت اوضتي ورميت الهدوم وانا مضايقه من فارس ده،  من اولها كده،  طيب مش موافقه عليه ويارب اشوفه تاني عشان اشتمه 

قطع حديثي مع نفسي رسالة من اسير عينيها 

سليم _ زعلانه ليه 

ميرال _ ايه 

سليم _ بقولك زعلانه ليه 

ميرال باستغراب _ وانت عرفت منين،  

سليم _ حسيت 

ميرال _ حسيت؟  هو في ايه؟

سليم _ مش مصدقه 

ميرال _ لا مش مصدقه،  انت ايه عرفك 

سليم _ مش مصدقه اني حسيت،  طيب ممكن تصدقي اني نمت خمس دقايق وحملت بيكي 

ميرال _ لأ مش هصدق بردو

سليم _ ليه مانتي عرفتيني بسبب حلم 

ميرال _ اه....  بس يعني 

سليم _ مبسش،   انا حلمت بيكي  

ميرال _ طيب الحلم كان ايه 

سليم _ شوفتك قاعده لوحدك، وبتبكي،  

ميرال _ بس 

سليم _ مش بس

ميرال _ طيب كمل 

سليم _ هحتفظ بالباقي لنفسي

ميرال بإبتسامة _ شكلك كده حاولت تخرجني من حزني 

سليم _ وقدرت،...  وشوفتك ضحكتك 

ميرال بإبتسامة _ اه 

سليم _ نفسي اشوفها في الحقيقه مره تانيه 

ميرال _ تشوفها ازاي 

سليم _ بكره 

ميرال _ بكره ايه 

سليم _ بكره نتقابل واشوفها

ميرال _ مش هينفع نخرج تاني 

سليم _ ليه 

ميرال _ حد قال ل بابا اني خرجت معاك 

سليم _ وايه يعنى 

ميرال _ بابا معترض اني اعرف شباب،  وانا كدبت عليه عشان اروح معاك 

سليم _ انا هتقدملك 

ميرال _ تعمل ايه...  ههههه  طيب مش لما احبك الاول 

سليم _ وانتي  لسه محبتنيش يا ميرال 

ميرال بإبتسامة _ أكيد لا 

سليم _ بجد

ميرال _ بجد 

سليم _ ياشيخه قولي كلام غير ده 

ميرال _ انت مش مصدق ليه...  هحبك امتي يعني 

سليم _ من قبل ما تشوفيني 

ميرال _ ههههه انت بتسمع افلام رومانسيه كتير 

سليم _ طيب لو قولتلك اني هختفي من حياتك دلوقتي هتحسي ب أية 

ميرال _ ولا حآجه انت حر

سليم _ طيب بلاش دي،...  لو قولتلك انك هترفضي العريس علشاني 

ميرال _ وانت عرفت منين موضوع العريس 

سليم _ فهمت انه ده عريس لما شوفتك معاه،  بس مش موضعنا،  ردي علي  سؤالي

ميرال _ انا هرفضه علشان مش عاوزاه مش علشانك 

سليم _ صدقيني هترفضيه علشان انشغلتي بيه 

ميرال _ ههههه انت واثق في نفسك اوي 

سليم _ واثق في  احساسك نحيتي

ميرال _ طيب ولو قولتلك هوافق عليه يبقا ايه 

سليم _ مش هصدقك،  

ميرال _ امممم معاك بدله جديده تحضر بيها الخطوبه والفرح 

سليم _ معايا،  بس اقسملك مش هتقدري تكوني لحد تاني غيري 

ميرال _ هنشوف،  خليك جاهز عشان هتكون اول المعازيم 

سليم _ بردو مش هتوافقي

ميرال بإبتسامة _ تمام،  استنا وشوف

سليم _ هستنا كتير 

ميرال _ امممم طيب لحظه كده متبعتش خالص عشان نازله ل بابا 

سليم _ اوك مستنيكي 

نزلت تحت واتكلمت مع بابا وضغطت علي تسجيل الصوت 

ميرال _ بابا 

خالد _ ايه 

ميرال _ انا  موافقه  علي  فارس 

خالد بإبتسامة _ حبيبتي....  فرحتيني

ميرال _ حبيبي  

خالد _ طيب انا هتصل بيهم وابلغهم الموافقه 

ميرال _ ماشي  حبيبي، 

خلصت كلام وبعتله التسجيل وطلعت تاني فوق،  واتصلت بيه صوت

سليم بانفعال _ ميراال،  مش  ممكن  ازاي توافقي 

ميرال _ مش انت واثق في نفسك اوي اهو اثبتلك اني اقدر اتجوز غيرك وانك متهمنيش

سليم _ انتي اخدتيها عِند،  انا  متأكد انك مستحيل تفكري في غيري،...  انا  كنت  شايفك  انتي  وقاعده معاه تركيزك كله كان  معايا انا 

ميرال _ كنت مركزه عشان اعرف انت مين

سليم _ طيب وتفسري ب أيه انك حلمتي بيه وعرفتيني من غير ما اعرفك  بنفسي 

ميرال _ انا بحس

سليم _ اقفلي يا ميرال،  اقفلي 

ميرال _ استنا 

سليم _ عاوزة  ايه

ميرال _ مقولتليش اسمك 

سليم _ ومش هقوله، انتي بوظتيلي احلامي كلها...  

قفل معايا ورجعت  ابعتله ومكنش يرد 

انا  ورطت نفسي مع  فارس ده  علشان  اثبتله اني محبتهوش زي ما بيقول،   انما  انا  محبتش فارس ده  نهائي  والنهارده كرهته بسبب اللي  قاله ل بابا

#سليم 

يتحدث بالهاتف

سليم _ وافقت 

الطرف الاخر _ ازاي ده 

سليم _ قولتلك اني هخليها توافق 

الطرف الأخر _ كويس بس يعني  هي  كده  مش  بتحبك،  ف مش  هتقدر تكمل الخطه ولا  هتقدر تكلمها تاني 

سليم _ هكلمها وهحب فيها كمان،  كده مش  باقي غير ان خالد يبتدي يعرف اني بتعامل معاها وبنحب بعض 

الطرف الأخر _ دلوقتي دلوقتي 

سليم _ مش  علي طول،  ...  في  يوم الخطوبه كده،  بس عاوزين الخطوبه  تتم بدري شويه

الطرف الأخر _ دا دورك انت...  تخليها تحبك وتستفزها عشان  تكمل الخطوبه 

سليم _ احبها بالليل واستفزها الصبح  مش كده 

الطرف الأخر _ ههههه ايوه....  انت  تحببها فيك وفي  نفس  الوقت  ذود جرعت انك واثق انها بتموت  فيك  ومتقدرش تكمل مع غيرك 

سليم _ صح كده 

الطرف الأخر _ بس تعرف  انا  بحسدك،  البت  قمر،  عيونها لوحدهم حكايه،  ولا شفايفها يابختك ياعم 

سليم _ بقولك ايه 

الطرف الأخر _ قول

سليم _ بلاش الشويه دول،  مش  هغير،  ماشي 

الطرف الأخر _ ريحتني،  بعد  ما تخلص  سبهالي تلزمني واهو ادويها من جرحك 

سليم _ اممم،  اقفل ورايا شغل مهم 

الطرف _ اضايقت ولا ايه 

سليم _ مضايقتش ها،  مضايقتش،  انا  ورايا  شغل  بجد  ...  ومبروكه عليك ياسيدي...  سلام 

عبيط،  فاكر اني هغير،...  اغير ليه  هي  متفرقش معايا  اصلا،  

قفلت  معاه واتمددت على السرير وفتحت صورتها،  وبقيت  ابصلها شويه،  شكلها  متغيرش اوي عن زمان،  عينيها بنفس الون وبشرتها لسه  ناعمه وابتسمتها جميله،  كلها حلوه،  بس فيها  عيب واحد بس،  هو  ابوها،  ف حتي  لو كانت  اجمل  بنت في  العالم  مستحيل  احبها،  ومش  مقتنع ببرائتها دي،  واتمنا تغلط غلطه واحده  معايا  علشان اطلع كل الكره اللي جوايا  ليهم،...  ويارب  تنولهالي، 

#ميرال 

كنت واقفه قدام المرايا وفجأه ظهر ورايا،  استدرت بسرعه وملقتهوش،...  فكرت اني  موهومه ف خدت نفس ورجعت  ابص تاني  للمرايا، وفجأه  لقيته  قاعد  علي  السرير،  استدرت تاني والمره دي شوفته بجد 

ميرال بصدمه _ انت ازاي دخلت هنا 

سليم يقوم ويدور حولها _ وافقتي ليه

ميرال تستدير وتنظر له _ من فضلك  لو حد  جه هتبقا مصيبه اطلع

سليم _ وافقتتتي ليه،  

ميرال _  علشان  انت بتتحداني،  وانا  مبحبش  حد  يتحداني

سليم _ طيب لو مطلعتيش قولتي مش  عاوزاه انا هاخدك معايا غصب عنك 

ميرال _ مش هقول 

سليم _ وانا مش هسيبك لحد غيري ( ثم يضع يده علي فمها لتنهض من نومها مفزوعه 

ميرال بفزع _ ايه ده،  ..  لا مش  ممكن 

تمسك التليفون  وتبعتله 

ميرال _ انت ايه اللي عملته ده

سليم _ عملت ايه

ميرال_ اللي عملته في الحلم...  دي تاني  مره  تكتم نفسي 

سليم _ انا 

ميرال _ اه انت،  متجيش في  حلمي تاني  والا هقول  ل بابا

سليم _ وانتي بتحلمي  بيه ليه  مش  خلاص  اتخطبتي 

ميرال _ سيبك من الموضوع ده  وقولي انت صحيح ممكن تكتم نفسي  زي ما بيحصل  في  الحلم 

سليم _ ايوه،  لو كملتي في  الخطوبه  دي هعمل  كده 

ميرال _ طيب هكمل ولو عندك الجراءه اعمل  كده 

سليم _ تحبي تجربي

ميرال _ مش هتقدر،  انا  بحذرك اهو  ...  ابعد عني 

سليم _ مش  هبعد،  

ميرال _ انا  مش  عاوزاك اقولك ايه تاني علشان تحس

سليم _ امال بتحلمي بيه ليه 

ميرال _ معرفش،  اسأل  نفسك 

سليم _ سألتها قالتلي  انك بتحبيني

ميرال  بإبتسامة  _ اقفل 

قفلت معاه ورجعت  انام،  بس مفيش نوم، وقضيت ساعات  في  التفكير في  اللي بيحصل...  وفي  اللي  بعمله،  ازاي  سمحتله يتكلم  كده معايا..  والمشكله اني  مبسوطه  باقتحامه حياتي  كده...  والمشكله  الأكبر  اني  بحلم بيه....   من الواضح  ان هيكون  ليه قصه  كبيره  معاه، مع اني  لسه  معرفش  اسمه.... 

#سليم 

الموضوع  دخل في  الجد وبقت تحلم بيه،  ومكلماني تقولي  انا  ايه اللي  عملته في  الحلم...  فالحه زي ابوها

#أسر

روحت الشغل ودورت علي  أش،  قالولي مجتش لسه  ،  استنيتها ساعتين  علشان  تيجي  وبردو مجتش،  ف اتصلت  بيها 

أسر _ انتي فين 

عائشة _ في  البيت 

أسر _ مجتيش ليه 

عائشة _ لسه  صاحيه 

أسر _ تعبانه  ولا  إيه 

عائشة _ لا خالص 

أسر _ امال ليه  لسه  نايمه 

عائشة _ سهرت ارغي في التليفون 

أسر _ اها  ....  كملي

عائشة _ كنت  اتكلم  معاه،  ومسبنيش انام لساعه اربعه الفجر 

أسر  _ فعلاً 

عائشة _ شوفت بقا،  اتدهولت علي  عيني اوي معاه  ....  مكنتش  فكراه لطيف كده 

أسر  _ ايوه

عائشة _ طيب  اقفل هصبح عليه واجيلك 

أسر _ ربع ساعة  لو مكنتيش هنا،  اعتبري نفسك  مرفوده

عائشة _ اوك متقلقش هكلمه في  الطريق..  كده  كده  هقابله في  الشركة 

أسر _ يعني  هو  معانا  هنا 

عائشة _ معقول  معرفتهوش غريبه  دي

أسر _ وانا  اعرفه منين...  قولي  هو  مين 

عائشة _ مش  دلوقتي لما  اتاكد من مشاعري الأول 

أسر _ امممم براحتك...  خمسه والاقيكي هنا،،  في  شغل كتير  تعمليه،  ومش  عايز لعب،  ابقي حبي فيه بره مش  هنا 

عائشة _ انت لسه  زعلان منى  ...  هي  مكلمتكش ولا  ايه 

أسر  _ ملكيش  دعوه،  حآجه  بيني وبين  حبيبتي متخصكيش،  اخلصي تعالي،  اه ومخصوملك تلات ايام  علي  التاخير  

"قفلت  عليها  خليه بقا ينفعها "

عدو اربعين دقيقه  ومجاتش ف اتصلت  بيها  تانى 

أسر  بعصبيه _ انتي فين 

عائشة _ في  مكتبي 

أسر _ ومجتيش هنا  ليه 

عائشة _ مليش شغل  معاك  دلوقتي 

أسر _ اممم...  ماشي  اقفلي 

قفلت  معاها وفتحت كاميرات المراقبه وشوفتها قاعده علي مكتبها وشكلها زعلانه ف اتصلت بيها تانى

أسر _ بتعملي  اية 

عائشة  _ عاوزة  ايه  يعني  ...  نفسك  تكمل  خناقة امبارح  شكلك 

أسر  _ انتي  ازاي  تكلميني كده 

عائشة _ عاوزني اكلمك  ازاي  يعني 

أسر  _ تعاليلي المكتب فوراً 

عائشة  _ طيب  

قفلت  معاها  واستنيتها في  المكتب لغيت  ما جت

أسر _ اقعدي 

عائشة _ لا ورايا  شغل 

أسر _ اقعدددي 

عائشة  تقعد _ قعدت  خير 

أسر _ اااا....  هو  الاستاذ  ده  حلو  اوي علشان  تشوفي  نفسك  علينا من وقت  ما جه

عائشة _ حلو  وأسلوبه الجديد  حببني فيه  بالعافيه،  ولا  تجاهله ليه  دوبني دوب

أسر _ أسلوووبه  ..  وتجااااهله،  .. من النوع  اللي  بيحب  التجاهل  انتي  يعني 

عائشة  _ اوي،  انت طلعت  فاهمني اكتر من نفسي  والله 

 أسر  _ اه.... اووووف...  ارجعي مكتبك

عائشة _ امال جايبني ليه 

أسر _ اصل روما  اتأخرت عليه  و وحشتني  ف اتصلي  بيها  قوليلها تيجي  أسر مش  طايق حد  في  المكتب  وانتي  مش  فيه

عائشة  بغيظ _ طييييب هتصل 

مسكت  التليفون  واتصلت بيها

أسر _ كلميها حلو علشان  متضايقش بسببك 

عائشة  ترمي  التليفون  علي  الارض  تكسره _ انت ايه...  مفيش  احساس  ولا  دم،...  لسه  شايف  اني  بضايقها،...  تكون  مين دي علشان  اهتم اضايقها ولا  تشغلني

أسر _ تكون  حياتي. كلها واخر مره  تتكلمي  عنها. كده 

عائشة _ اولعو انتو الاتنين متفرقوش معايا 

أسر _ نولع 

عائشة بعصبيه _ اه اولعو،  تعرفو تولعو ولا  اولع فيكم

أسر _ انتي  غايره منها  علشان  هي  حلوه عنك

عائشة _ انت اللي  بتعشق الرمرمه والحاجات الرخيصة 

أسر _ بس بس بلاش  الشويه دول،  مانتي من وقت  ما شيلتي النضارة  وبتعملي حاجات  غريبه  بما فيهم السهر  لساعه اربعه مع  حبيب القلب 

عائشة  بدموع _ انت  شايفني كده 

أسر _ ايوة  

عائشة  بدموع _ شكرآ  اوي،  عن اذنك  

أسر _ عائشة  وقفي عندك  ...  اش بقولك  استني 

#عائشة  

طلعت  اجري علي. مكتبي وانا  ابكي،  وهناك قابلت باسم ولما  شافني كده  قرب مني وبقا يسألني في  أيه،  ومجرد ما حط ايده  علي  كتفي دخل  أسر 

أسر _ ايه اللي  بيحصل  هنا 

باسم _ عائشة  بتبكي معرفش  ليه،  ايه اللي  حصل  

أسر _ سيبك من انها  بتبكي ليه،   انت ايه اللي  بتعمله  معاها  ده 

عائشة _ خطيبي وبيهديني في  حآجه 

أسر _ ايه،  ودا من امتي 

عائشة _ من زمان....  اه بالمناسبة  انت كنت  قايلي هتظبطلي حفله بأيدك...  فين بقا

أسر _ اه....  أكيد...  واحلي حفله  كمان  ...  باسم تعاله  عاوزك 

باسم _ حاضر 

عائشة _ متتاخرش عليه  يا باسم 

اسر  بغضب _ اخلص يا باسم انا  مش  بقولك  تعاله 

باسم _ حاضر  جاي اهو  ....  خمسه  وجايلك يا عائشة...  اطلبي لمون علشان  تهدي 

أسر  يشده من قفاه _ يلااا

اما عرفتك ازاي  تغلط فيه،  دلوقتي  تعرف  قيمتي لما  متلاقيش صاحب  يستحملك زيي

#أسر 

مكنتش  اعرف  انه بيتكلم عن عائشة،  بس  ده  قالي  بتحب  واحد  تاني  وعائشه مش  بتحب  حد 

خدته وروحت  المكتب 

أسر _ مقولتليش ليه  انها  أش من الأول 

باسم_ كنت  حابب اشوف  رايها الاول 

أسر _ وشوفت رأيها 

باسم _ ايوه  و وافقت

أسر _ بس  انت  قولتلي  ان البنت  اللي  بتحبها بتحب  غيرك،  واش مش  بتحب..  كنت  تقصد ايه بكلامك

باسم _ طلعت  غلطان،  وهي  طلعت  بتحبني  انا  وكانت مستنيه اعترفلها الاول 

أسر _ قالتلك بتحبك 

باسم _ ايوه  

أسر  _ اه.....  فرحتلكم،  مبروك 

باسم _ الله  يبارك  فيك...  طيب  هروح  اشوفها  عامله  ايه دلوقتي 

"أسر يحدث نفسه بعصبيه "

  مكنتش  اعرف  اني  هضايق كده  ....  عائشة  صحبتي  انا  وبس ازاي  تحب  وتجوز،...  عمرها ما حسستني ان في  حد  اهم مني عندها ودلوقتي بتحب  وهتجوز وتخلف عادي كده.....  ازااااي،.. اااه... حاسس  الدم بيغلي في  عروقي...  اكتر حآجه  قهراني،  اني  قولتله ازاي  يقرب منها...  بس هو  لو قالي  انها هي مكنتش  قولتله...  ودلوقتي  لازم  اعملها الحفلة، بنفسي  ....  افهمهااااا ازاي  اني  مش  عاوزها تجوزه وانها صحبتي  لوحدي  

#ياسر 

تعبت من  الشغل  والتفكير،  كنت  محتاج  اتكلم  مع  حد،  ف اتصلت  ب سامح اشوفه  رجع  من اسكندريه  ولا  لأ 

ياسر _ فينك مبتسالش ليه 

سامح _ اتصلت  بيك  امبارح  لقيتك قافل تليفونك 

ياسر _ بقفله عشان  ارتاح  من الدوشه...  رجعت  ولا  لسه؟

سامح _ لسه  قدامنا عشر ايام 

ياسر _ عشرررة ايام،  ليه  كده 

سامح  _ جواد خد اجازة  وجه ف هنكمل كام يوم  معاه 

ياسر _ ربنا  يباركلك فيه 

سامح _ وربنا  يجمعك ب ابنك او بنتك علي  خير 

ياسر  بخيبه  _ مش  باين  يا سامح شكلهم ماتو 

سامح _ ياخي خلي  ايامنك بالله  اقوى من كده 

ياسر _ ونعم  بالله،  بس  انا  تعبت يا سامح،  

سامح _ طول بالك،  فرجه قريب 

ياسر _ ونعم  بالله  

سامح  _ بقولك  ايه،  ما تيجي  تقضي معانا  كام  يوم،  وتغير جو

ياسر _ والشغل اسيبه لمين

سامح _ كله بيمشي بالتليفون 

ياسر _ هشوف...  انا  بصراحه  محتاجه  افصل كام  يوم  

سامح _ طيب  احنا  فيها،  ظبط دنيتك وتعاله 

ياسر  _ تمام،  هشوف  وارد عليك

#جواد 

جواد_ ايه حكاية ابنه او بنته دي،  هو  عمي ياسر متجوز اصلا 

سامح _ ايوة بس  مراته مشيت من سنين طويله وميعرفش عنها  حآجه 

جواد _ اول مره  اعرف  ...  طيب  وكانت حامل يعني  ولا  ايه

سامح _ ايوة  

جواد _ وسابها تمشي  ليه  وهي  حامل 

سامح _ مكنش  يعرف  غير  بعد  ما مشيت 

جواد  _ قصه غريبه  فعلاً،  بس دي تلاقيها ماتت هي  وابنها

سامح _ يارب تكون  عايشه،  هو  تعب كتير ودور اكتر 

جواد _ مفتكرش انه هيلاقيها دلوقتي 

سامح _ مش  عارف،،  

جواد  _ ربنا  يصبره،  زعلتني عليه  بجد 

سامح _ نصيبه كده 

جواد  _ طيب ابقا خليه يجبلي اسم مراته وانا  هعمل' محاوله بسيطه  يمكن  الاقيها  

سامح _ ياريت  يابني

جواد  _ ان شاءلله  خير  

غريبه  حكاية  عمي  ياسر،  واول مره  اعرفها،...  ان شاءلله  لو كانت  لسه  عايشه  هلاقيها هي  وابنها لو كان  عايش هو  كمان،  

نزلت  تانى  يوم  الصبح،  وروحت  المستشفى،  عشان  اضايق فرح واخوفها شويه، بسبب اللي  عملته معايا،  ولما  وصلت  لقيتها  بتلف في  المستشفي،  وقفت قدامها 

جواد _ اتفضلي  معايا،  انتي. مقبوض عليكي 

فرح  _ انا  عملت  ايه

جواد  _ هتعرفي كل  حآجه  في  القسم،  اتفضلي 

فرح _ انا  معملتش حآجه،  ومش  هروح. معاك غير  لما  اشوف  امر النيابة  

جواد  يمسكها  من دراعها _ قدامي  يا حيلتها،  انتي  لسه  هتحكي 

فرح  _ طيب  افهم تهمتي ايه الاول 

شديتها من ايدها  ودخلتهت العربيه  وطلعت  

فرح  ببكاء  _ والله  ما عملت  حآجه،  فهمني طيب  تهمتي ايه 

جواد _ هتعرفي  كل. حآجه  في  القسم 

فرح  تطلع  التليفون  وتطلب رقم وتحطه على  ودنها هي وتبكي وهو  يشده منها  ويقفل الخط

فرح  _ في  ايه،  كنت  بتصل  ب ماما 

جواد  _ ممنوع 

فرح  _ هتقلق عليه  لو مرجعتش،  لو سمحت  فهمني في  ايه

جواد  يوقف العربيه  _ اسمك وسنك وعنوانك والحاله الاجتماعية 

فرح  _ فرح 25 سنه من سيدي بشر

جواد _ والحاله الاجتماعية 

فرح  _ لسه  انسه،  

جواد _ يعني  مفيش  ارتباط  من اي نوع 

فرح  _ هو التحقيق  ده  علشان  ايه،  ممكن  تفهمني تهمتي ايه 

جواد _ جاوبي على  قد السؤال 

فرح  _ مش  مرتبطه 

جواد  _ معاكي  اخوات 

فرح  _ لأ  

جواد_ عايشه. مع  مين 

فرح  _ مع ماما 

جواد  _ وبابا؟ 

فرح  _ متوفي

جواد _ من امتي 

فرح  _ لما  ماما  كانت  حامل  فيه 

جواد  _ ومين بيصرف عليكي

فرح بحزن _ ماما  ،  معاها  محل بقاله صغير  بتصرف عليه منه لغيت ما بدأت  اشتغل 

جواد  _ اه.... 

فرح  _ ممكن  تفهمني تهمتي ايه

جواد _ مفيش  تهم،  انا كنت  حابب  اتعرف  عليكي  بس 

فرح تفتح  العربيه  وتطلع وهو  يطلع وراها

جواد _ استني عندك  ...  بقولك  استني

فرح  توقف _ انت انسان  مستهتر،  ومستغل لمنصبك،  وهقول لدكتور سامح  لما  اشوفه

جواد _ طيب  اهدي  علي  نفسك  شويه

فرح  بنرفزه  _ ابعد عني  انت فاهم 

جواد  _ تتجوزيني

فرح _ ايه

جواد _ هااا قولتي ايه

فرح _ انت باين  عليك  مجنون،  اتجوزك ايه هو  انت شوفتني غير  مرتين 

جواد _ تلاته 

فرح_ انا فاهمه نوعيتك كويس،  مش كل البنات هتترما عليك، شوفلك واحده غيري العب معاها

جواد _ انتي هبله، بقولك تجوزيني، فين العب في الموضوع

فرح _ ماهو انت لو بتتكلم بجد تبقا مجنون 

جواد _ مش عاجبك ولا ايه

فرح _ ياعم انت فاهم بتقول ايه... واحد ظابط ابن دكتور وما شاءلله عربيتك حديثه وغير مستواكم اللي باين عليه عالي، يبص لممرضه فقيره ليه غير لو كان عاوز يتسلي

جواد _ لأ مش بتسلي، انتي عجبتيني من اول مره، وكمان عاجبه بابا

فرح _ بجد يعني انا عاجبه الدكتور سامح 

جواد _ يعني فرحتي بالدكتور وحضرت الرائد لا

فرح _ دكتور سامح حاله خاصه

جواد _ طيب قولتي ايه

فرح بابتسامه _ لو دكتور سامح عاوزني وجه معاك يطلبني من ماما، انا موافقه

جواد _ وبنسبه لشحط الي قدامك.

فرح _ امممم عادي مش اوي يعنى

جواد _ حاااتي مث اوي يحني... مااااسخه اوي

فرح بإبتسامة _ انا ماشيه، ماما لو سمعت اللي حصل هتعلقني من رجل واحده

جواد _ فكريني لما اجيلكم اقولها 

.. قدامي عشان اوصلك

فرح _ لأ هرجع وحدي 

جواد _ متخلنيش استخدم معاكى القوه، وقدامي

فرح _ سيبني على راحتي

جواد_ ليه يابنتي

فرح _ وعدت ماما متكلمش مع حد، وبجد لو عرفت مش هتكلمني شهر كامل

جواد بإبتسامه _ ماشي، هسيبك على راحتك، بس ممكن تقوليلها اننا جاين بكره

فرح بإبتسامة _ ممكن 

جواد _ خلي بالك... 

مكنتش مخطط لكده بس لما عرفت حكايتها، شوفت اني مش هلاقي احسن منها

#فرح 

مجنون بس لطيف، وانا مكنتش احلم اني اتجوز ظابط، ف ليه لأ، دا كفايه انه ابن دكتور سامح

روحت البيت و قولت ل ماما عليه

مريم_ وانتي تعرفيه منين 

فرح _ دا ابن دكتور سامح اللي حكيتلك عنه، جه مرتين ل باباه، والنهارده قالي اقولك انهم جاين

مريم _ يعني.محصلش كلام بره بره بينكم 

فرح _ انتي مش عارفه بنتك متربيه ازاي يعني، انا وش بره بره... اخص عليكي يا ماما

مريم _ انا بطمن بس

فرح _ طيب ايه رأيك، يجي ولا اقوله خليك

مريم _ هو عاجبك؟

فرح _ الحقيقه انا معجبه ب ابوه ههههه، باباه عسل اوي يا ماما وطيب وبيعمل خير بدون مقابل

مريم _ ربنا يباركله... خلاص ربنا يقدم اللي فيه الخير، خليه يجي ونشوف 

فرح بإبتسامة _ حبيبتي يا ماما ربنا يخليكي ليه

مريم بدموع _ كبرتي يافرح، وهتبقي عروسة

فرح _ انتي هتبكي... والله اقوله ميجيش لو كده

مريم _ دي دموع الفرح ياحبيبتي

فرح _ لسه بدري عليها

مريم تحضنها _ ربنا يجعل حظك احسن من حظ امك 

فرح _ كنتى متجوزه بابا عن حب؟

مريم _ مش فاكره

فرح تبعد عنها _ مش فاكره كنتي بتحبيه ولا لأ

مريم _ كنت بحبه، بس مش فاكره اتجوزته عن حب ولالأ

فرح _ طيب وهو كان بيحبك

مريم _ كان بيعشقني، عمره ما زعلني بكلمه،.. عمره ما فكر يبعد عني دقيقة واحدة،... كان يجي من الشغل، يقعد معايا وميخرجش لتاني يوم

فرح بإبتسامة باهته _ كان شكله ايه

مريم بشرود _ كان حلو،... احلي واحد في صحابه، البنات كلها كانت تحبه، بس هو اختارني انا وعملت المستحيل علشان يوصلي

فرح _ اتمنا اللي هتجوزه يحبني كده

مريم بخنقه _ قومي اعملي شاي 

فرح _ انتي بتتحولي يا ماما

مريم _ بقولك قومي لا اضربك بشبشب

فرح _ حاضر قومت اهو، ولا تزعل يا جميل

بيجي عليها وقت تهب في وشي من غير سبب،،... غريبه في لحظه تتحول من الفرح للحزن،... بس كتر خيرها اترملت في عز شبابها  وتعبت كتير

#روما

عرفت  ان سليم  بيروح  الجيم ف اشتركت هناك،    وروحت  وراه بلبس رياضي مثير،  يمكن  ينتبهلي المره  دي،  ولما  وصلت لقيته بيمشي علي  المشايه وبيكتب علي  التليفون  وشكله  بيراسل،  حد  ف  وقفت جمبه 

روما  _ سليم  انت هنا  معقول  

سليم بقرف  _ شوفي الصدف

روما  بمياعه _ اجمل  صدفة 

سليم  يوقف المشياه،  ويروح مكان  تانى  وهي  تروح  وراه وتقف قدامه 

روما _ سليم وقف شويه نفسي اتعرف عليك 

سليم _ لا مبتعرفش ابعدي

روما _ ليه مش عجباك

سليم _ لأ، انتي متلفتيش انتباهي، وحافظي على حدودك معايا بعد كده 

روما تتنقل بعينيها فى أجزاء جسده و وجهه _ ابقا معنديش نظر لما ابعد عنك يا سولي

سليم يبعدها عن طريقه وياخد شنطته ويمشي

تقييييل، حاجه مش.موجود منها دلوقتى، بس انا وراه لغيت ما يجيني راكع

عشق_بالخطأ

  •تابع الفصل التالي "رواية عشق بالخطأ" اضغط على اسم الرواية