رواية عشق بالخطأ الفصل السابع والثلاثون 37 - بقلم نجمة براقه

 رواية عشق بالخطأ الفصل السابع والثلاثون 37 - بقلم نجمة براقه

#ميرال 

عدا  يومين من وقت الخطوبه وبابا مانعني من الخروج و وخد مني التليفون وقالي مش هتجوزي غير فارس، وبعد ما زهقت من الوضع ده نزلت علشان اكلمه 

ميرال _ بابا!

خالد _ ايه نزلك من اوضتك

ميرال _ عاوزة اتكلم معاك 

خالد _ مفيش بينا كلام،  ارجعي اوضتك 

ميرال _ بابا من فضلك مستستغلش حبي ليك بانك تبتزني عاطفيآ عشان انفذ كلامك 

خالد _ حبك ليه  ...  هو  فين  الحب  ده،  انتي  كدبتي عليه  وروحتي تحبي واحد من ورايا 

ميرال _ ايوه بس انا جيت وقولتلك،  ف ليه  تجبرني اتجوز واحد تاني وانت عارف اني مش عاوزاه 

خالد _ عشان مستحيل تجوزي سليم ده 

ميرال _ ليه طيب، " سليم " شاب كويس، وكون نفسه بنفسه وبيحبني عاوز ايه تاني اكتر من كده 

خالد _  مين  بقا قالك انه كون نفسه بنفسه 

ميرال _ هو قالي 

خالد _ وصدقتيه؟

ميرال _ قصدك ايه يا بابا  ....  انت تعرفه  

خالد _ لأ؛ بس شباب الايام دي كلهم بيكدبو عشان يوصلو للبنات الهبله اللي زيك

ميرال _ سليم مش زيهم وانا بحبه وهو كمان بيحبني 

خالد بغضب _  انت نسيتي انك بتكلمي ابوكي وكررتيها اكتر من مره

ميرال _ وهكررها تاني.. بابا  انا لو متجوزتش سليم هموت عشان خاطري لو بتحبني وافق 

خالد بغضب _  انا قولت لا يعني لا،  وقسمآ عظمآ ما اسمع كلمه تانيه لا ارجعك لندن تعيشي لوحدك هناك

ميرال بدموع _ والله حرام اللي بيحصل ده 

خالد _ حرام عليكي انتي عاوزة توطي رقبتي قدام الناس اللي ادتلهم كلمه 

ميرال _ طيب وانا مهمكش

خالد _ وعشان تهميني،.. انتي لازم تنسي الولد ده ومتفكريش غير في فارس وبس 

  

بعد كلام  كتير مقتنعش وانا رجعت اوضتي تاني وانا مش عارفه اعمل ايه ولا اقنعه ازاي  ...  و  مش هقدر اخسره في النهايه انا مليش غيره،  وفي نفس الوقت انا بحب سليم ومش هقدر اتجوز غيره.... مبقتش عارفه اعمل ايه 

#خالد 

حتي لو وافقتني دلوقتي هتفضل بتفكر فيه وهو مش هيبطل يزاول لها،، ف كان لازم الاقي طريقه اخليها هي بنفسها تقول مش عاوزاه..  وعشان كده كلفت حد يراقب كل تحركاته واقل تفصيله يبلغني بيها  ...  ويارب يطلع ليه في سكة البنات او المخد*رات او حتي الق*تل 

#سليم 

يتحدث بالهاتف 

سليم _ مش هينفع كده انا لازم اقابلها او اكلمها والأ ممكن  يقدر يقنعها انها تنساني 

الطرف الأخر _ طيب وانا اعملك ايه 

سليم _ اتصرف،  انا مش هقولك تعمل ايه 

الطرف الأخر _ طيب ما تكلم الست اياها وهي تتصرف هي اقربلها 

سليم _ امممم،  خلاص انا عرفت هوصلها ازاي،.. بس المهم ان خالد يمشي من البيت ساعه علي الاقل 

الطرف الأخر _ سهله ندبرله حآجه 

سليم _ تقدر تعمل كده امتي 

الطرف _ دلوقتي لو تحب 

سليم _ لا استنا، انا هعمل تليفون كده وبعدين اقولك تتصرف 

الطرف الأخر _ اوك 

قفلت معاه وعملت تليفون تاني 

سليم _ الو

الطرف الأخر _ ايوة يا سليم 

سليم _ بقولك ايه  .....  انا عاوزك تنومي كل اللي في البيت بعد ما يمشي خالد 

الطرف الأخر _ انومهم ازاي يعني 

سليم _ بمنوم،  تطلعي دلوقتي تجيبي منوم وتحطيهلهم في ايه حآجه 

الطرف _ انت ناوي علي ايه 

سليم _ عاوز اقابل ميرال 

الطرف الأخر _ يا نهار اسود تقابلها فين البيت كله كاميرات 

سليم _ انا هقولك تحذفي كل حآجه ازاي انا وماشي 

الطرف _ والله نهايتنا علي ايدك 

سليم _ هتنفذي ولا لأ 

الطرف الأخر _ وانا اقدر اتكلم هنفذ طبعاً بس براحه علينا الله يباركلك 

سليم _ يوووه هنقضي النهار كله في الرغي،  يلا اطلعي دلوقتي هاتي المنوم وكلميني 

الطرف الأخر _ حاااضر رايحه  اهو 

قفلت معاها وقعدت في انتظار مكالمتها وبعد وقت اتصلت تانى وقالتلي جبت المنوم ف طلبت منها تحط للخدم والأمن منه بعد ما خالد يمشي،  وبعدين كلمت صاحبي وطلبت منه يتصرف مع خالد،  وانا روحت علي طول على هناك

#ميرال

كنت نايمه على السرير وحاضنه المخده، وفي الوقت ده الباب اتفتح،  ف غمضت عنيا علشان محدش يعرف اني صاحيه ويجي يحكي معايا،..  وبدات احس ان اللي داخل جه نحيتي وقعد جمبي وحط ايده على شعري...  قلبي انتفض وحسيت ان في حآجه غلط،  قومت بفزع وبصيت عليه لقيته سليم 

ميرال بصدمه _ سليم 

سليم _ وحشتيني

ميرال _ انت ايه جابك ودخلت ازاي

سليم  _ زي ما دخلت 

ميرال _ زي ما دخلت  ازاي.... انت جيت هنا ازاي والامن في كل مكان

سليم _ المهم اني جيت.

ميرال تقوم وتشد ايده _ طيب  امشي  قبل ما بابا يجي 

سليم يقوم معاها _ خليه يجي انا مش هسيبك 

ميرال  _ عشان خاطري امشي دلوقتي 

سليم _ قولتلك لأ.. احنا هنتجوز وملناش دعوة بحد

ميرال _ يعني ايه ملناش دعوه بحد ده بابا 

سليم _ بابا بابا،  طيب وانا وانتي.....  اقولك  .. خلينا نهرب ونسيب كل حآجه مش هنلاقي فرصه تانيه

ميرال  _ مقدرش اخذل بابا واحرجه قدام الناس

سليم _ تبقي مش بتحبيني 

ميرال _ انت عارف اني بحبك،  وكمان عارف اني مقدرش اهرب

سليم _ تقدري،  وهو هيجي يوم وينسا وترجعو زي الاول واحسن...  ميرال عشان خاطري مضيعيش كل حآجه بينا 

ميرال  _ سليم عشان خاطري افهمني انا مينفعش اعمل حآجه زي دي  ......  انساني ياسليم انت هتلاقي مليون واحده تحبك  

سليم وهو يقترب _ بس انا عمري ما هحب غيرك 

ميرال _  متضغطش عليه والله انا اعصابي ما مستحمله 

سليم يحتضن كفيها _ ولا انا هستحمل تكوني لحد غيري 

ميرال وهي تنظر لعينيه بشرود _ امشي ياسليم

سليم بصوت خافت _ ميرال انا بحبك 

ميرال بنفس نبرة الصوت _ بابا هيجي 

سليم وهو يقترب اكثر _ خليه يجي

تزداد ضربات قلبها وهي تتنقل بعينيها في تفاصيل وجهه.. وهو يتقرب منها اكثر حتى شعر بحرارة انفاسها واغلق عينيه كأنه يعيش حلم جميل وبعد لحظات يبتعد لتنظر هي بعيد  بارتباك 

سليم _ احم....  قو قولتي ايه 

ميرال _طيب.... سيبني افكر 

سليم بارتباك _  فكري ولما تقرري اديني اي اشاره، حتي لو رنه وانا هفهم 

ميرال _ طيب 

سليم _  انا  انا همشي قبل ما حد يجي 

ميرال تمسك ايده _ ده كسوف ولا ايه 

سليم _ مش فاهم 

ميرال _ ارتباكك مش ماشي مع شخصيتك ولا الثقه اللي بتتكلم بيها 

سليم _ اصل،  مش حابب اعمل حآجه قبل ما تكوني مراتي 

ميرال _ ده السبب 

سليم _ اه 

ميرال _   فهمت 

سليم _ طيب انا ماشي 

ميرال _ انت دخلت هنا ازاي صحيح 

سليم _ بطريقتي بقا، يلا علشان اعرف اطلع 

ميرال  _ ماشي خلي بالك من نفسك 

#سليم 

بضايق من نفسي لما اتصرف اي تصرف انا مش مخططله،  الحاجه الوحيده اللي خايف منها اني اتهاون في الهدف اللي انا مخططله،  او اتراجع خطوه واحده 

#فرح 

جواد كان بيزور عمي ياسر هو والدكتور سامح ولما عرف اني مروحه طلب يوصلني وانا وافقت ومشيت معاه بالعربية 

جواد _ كنا هنجيلكم من يومين علشان نتفق علي الخطوبه بس عمي ياسر تعب 

فرح _ ربنا يتم شفاه علي خير 

جواد _ يارب  ..  انا وبابا اتكلمنا ولقينا ان انسب وقت هو اليوم اللي قبل الاخير يكون اطمنا علي عمي ياسر ايه رأيك انتي

فرح _ انت مستعجل ليه خليها مره تانيه 

جواد _ عاوز يكون في ارتباط رسمي علشان اقدر اتكلم معاكي  

فرح بإبتسامة _ زي ما تحب 

جواد _ طيييب طالما بقينا لوحدنا خليني اسألك سؤال 

فرح _ اسأل 

جواد _ انا شغلي واخد كل وقتي تقريبا و اوقات كتير مش ببات في البيت،  انتي بقا هتتحملي الوضع ده ولا هتحسي بالظلم 

فرح بإبتسامة _ لا عادي معنديش مشكله 

جواد _ أكيد 

فرح _ اكيد 

جواد _ ريحتيني... طيب حابه تسأليني عن حآجه قبل ما نوصل

فرح _ ايوه 

جواد _ اتفضلي 

فرح _ اشمعنا انا ما في بنات كتير احسن  مني...  ومتقولش حبتني 

جواد _ ههههه  الحقيقه لما طلبت ايدك مكنتش وصلت معايا للحب...  تقدري تقولي كان اعجاب بشخصيتك  

فرح بخجل _ طيب 

جواد _ طيب وانتي وافقتي ليه 

فرح _ مش  شايفه  فيك حآجه  تترفض عشانها 

جواد _ يعني مفيش  اعجاب او حب خالص 

فرح بإبتسامة _ لأ 

جواد _ عارفه انا حاسس اننا وصلنا مرحلة الحب 

فرح _ متتكلمش عني 

جواد _ انا بتكلم عن نفسي 

فرح بخجل _ طيب 

يمكن مش حب بس عمري ما كنت احلم ان واحد زيه يتقدملي،  هو  فوق احلامي بكتير بالاضافة ان الدكتور سامح يكون والده،.....  وحاسه اني مش هتأخر عشان احبه، تقدرو تقولو بدأت احبه 

لما وصلت البيت ودخلت انا وجواد حسيت ان ماما اضايقت بس  سكتت علشانه  ولما  مشي وقفتني عشان تتكلم معايا

مريم _ فرح 

فرح _ نعم يا ماما 

مريم _ انتي  ازاي  تسمحيلوه يوصلك 

فرح _ فيها ايه  

مريم _ يعني مش عارفه فيها ايه 

فرح _ ماما  جواد خطيبي فيها ايه لما يوصلني

مريم _ لسه مبقاش خطيبك رسمي  وحتي لما  يخطبك مينفعش  يوصلك 

فرح  _ اه.... انا  اسفه مش هتتكرر 

مريم _ تلاقيه كل يوم يروحلك المستشفى وياخدك وتخرجو

فرح _ لا طبعا، وبعدين  هو مش بيجي عشاني 

مريم _ انتي بلسانك قيلالي ان ابوه مش موظف في المستشفى يبقا بيروح لمين غيرك 

فرح _ بيجي ل ابوه واليومين دول بيجي لقريبه العيان 

مريم _ يجي للي يجيلوه،، بس انا  مش  هكرر كلامي تاني ولغيت الفرح تعتبريه غريب عنك

فرح _ فيه ايه يا ماما،  لزمته ايه الحرص الزيادة ده ما انا  بقولك انه مش  بيجي  علشاني 

مريم _ ماشي،  هنشوف 

فرح بنرفزه _ الله،  دا انتي  مصره تطلعيني بكدب عليكي....  في  ايه  يا ماما  مش  شايفه  انك مزوداها اوي

مريم _ اعتبريها زي ما تعتبريها وكلامي يتسمع 

فرح _ ماااما لازم  تفهمي اني  كبرت وعارفه حدودي كويس  بلاش  تعامليني علي  اني  عيله حد هيجي  يقولي  خدي حلاوه وهروح معاه 

مريم _ ايه الاسلوب الجديد ده 

فرح _ خلاص يا ماما لا أسلوب جديد ولا قديم عن اذنك داخله استحما ريحتي بينج 

مريم _ خدي هنا 

فرح _ لما استحما 

مريم _ قولت خدي 

فرح _ نعم 

مريم  _ انتي عندك شك اني بخاف عليكي 

فرح _ لأ 

مريم _ طيب  زعلانه ليه من كلامي 

فرح _ عشان انا كبرت واتعلمت كل حآجه وانتي كتر خيرك تعبتي وعلمتيني الصح والغلط سيبيني بقا اعتمد علي نفسي واشوف هغلط ولا لأ 

مريم _ مفيش مجال للغط عندنا، ولغيت ما تكوني واثقه انك مش  هتغلطي انا  علي  دماغك وهحذرك من كل كبيرة وصغيره

فرح _ لو مش عرفاكي كنت قولت انك غلطتي وخايفه اغلط غلطك 

مريم بعصبيه _ انتي  بنت مش  متربيه،  ازاي  تتكلمي  معايا  كده  ،  انتي  نسيتي انك بتكلمي امك 

فرح _ مش ناسيه،  بس  انتي  اللي  مش  واثقه في تربيتك 

مريم بانفعال _ انا  غلطانه انى بخاف عليكي،...  اقولك  انتي  حره اخرجي براحتك  وارجعي متأخر..  اقولك حآجه كمان،  روحي  اشربي سجاير ما انتي كبرتي بقا

فرح _ ماما انا اسف والله حقك عليه 

مريم بانفعال _ حقي عند  ربنا  ،،  ادخلي وسيبيني 

فرح _ ماما  

مريم _ قولت  ادخلي وسيبيني 

انا عارفه اني غلطت في طريقتي معاها بس طريقتها وتشددها بسبب وبدون سبب بيخنقني،  مفيش  تربية  كده  أبداً  ورغم كل. حرصها ده  الا انها مش  مطمنه ودايما وقفالي على  الواحدة   ..  مش  عارفه  مطلوب  مني اكبر قد  إيه  علشان  تديني حريتي شويه 

#أسر 

جت تاني يوم ومحاولتش تدخل مكتبي،.. و انا روحتلها مكتبها ولقيت باسم قاعد جمبها 

أسر _ هي القعدة دي مش هتبطل...  ايه  يا استاذ  باسم مفيش وراك شغل ولا ايه 

باسم _ جيت  اطمن عليها 

أسر _ طيب  اتفضل  شوف شغلك 

باسم _ حاضر  ( بيمشي) 

أسر _ وانتي مش نخف رغي معاه في وقت الشغل 

عائشة _ مفيش  شغل  معايا دلوقتي 

أسر _ ومجتيش صبحتي عليه ليه 

عائشة _ حضرتك المدير، محدش يدخل عندك غير لضروره

أسر _ مدير على  الكل  الا انتي  ...  أش انتي  وحشتيني 

عائشة  _ وانت مبقتش تفرق معايا، ومن فضلك  خلي كلامنا في  حدود الشغل  بس 

أسر _ حصل  ايه  ل ده كله  ما احنا  ياما زعلنا وبنرجع 

عائشة _ كنا بنزعل بكل الطرق الا انك تجبرني البس فستان  عريان و.... 

أسر _ انا عارف اني غلطان،  وزودتها معاكي  ،  بس ده ملفتش نظرك لحاجه، مفكرتيش انا  بعمل معاكي كده ليه 

عائشة _ عشان ست روما اللي مش بتستحمل عليها الكلمه....  روما جت روما راحت  ..  روما جالها احتلال ان شاءلله  ...  دا حتى  المثل بيحظرك منها وانت مش  بتفهم 

أسر _ قصدك كل الطرق تؤدي إلى روما 

عائشة _ لا فهيم اوي حضرتك 

أسر بإبتسامه _ تصدقي  اول مره افهم 

عائشة _ وفهمت ايه  بقا 

أسر  _ قوليلي صحيح..... انتي  بتعتبري الكل هنا صحابك صح؟

عائشة _ ايوه 

أسر  _ ولو حد  فيهم  خطب هتزعلي؟ 

عائشة  _ اكيد لا طبعاً 

أسر _ امال ليه  زعلتي لما انا خطبت.....  دموعك نزلت ليه فى  المرتين،  وليه  بكيتي وعورتي نفسك لما  شوفتيني مع  روما في المكتب

عائشة بارتباك  _ لا مش  هو  دة  السبب اللي  خلاني  أبكى،  انت فاهم  غلط 

أسر _ كنت  فاهم  غلط.......  دلوقتى  فهمت  صح  وحاجات كتير بدأت  توضح قدامي واولهم اننا مش صحاب وبس 

عائشة تنظر له _ يعني إيه 

أسر بإبتسامه _ هقولك  لما  ترمي  خاتم باسم  فى  وشه وانا اطير روما

عائشة _ لا قول  الأول 

أسر  _ تؤ لما  تسيبي باسم الأول 

عائشة  _  قول بالله عليك

أسر بإبتسامه  _ هقولك لما تكوني جاهزة

عائشة بدموع _  يعني اللي وصلني صح 

أسر _ صح 

عائشة بدموع _ لا أكيد انت قصدك علي حآجه تانيه، مستحيل يكون اللى فهمته صح

(أسر يقاطعها بقبله ثم يبتعد مره اخرى)

أسر بإبتسامه _ خلصي وكلميني 

عائشة تنظر له بذهول وهو ذاهب  وتحاول إدراك ما حصل ثم يدخل بعد ذلك باسم

#عائشة 

 بصيت حولية علشان اتأكد انى صاحيه،  وبردو مستوعبتش اللي  حصل،  لغيت ما باسم قطع تفكيري  

باسم _ حصل ايه 

عائشة بإبتسامه _ مفيش حآجه 

باسم _ ازاي مفيش،، امال  مبسوطه ليه 

عائشة _ باسم انا اسفه 

باسم _ على ايه 

عائشة _ مش  هقدر  اكمل 

باسم _ ااااه فهمت...... زي ما توقعت بظبط،  اني  كنت  سد خانه ودوري انتها لما  أسر اتكلم 

عائشة _ انا اسفه بجد يا باسم عارفه اني غلطت  في  حقك 

باسم  _ لا عادي  متشغليش بالك،  مبروك  مقدمآ

عائشة _ يعني انت مش زعلان 

باسم _ لأ  مش  زعلان ربنا يسعدك 

عائشة بإبتسامه _ متشكره اوي 

باسم _ العفو علي  ايه  ....  يلا اسيبك دلوقتي 

عائشة _ ماشي اتفضل 

الدنيا مكنتش سيعاني من الفرحة كنت عايزة ارقص بس خدت بالى  اني في المكتب ف اكتفيت بأني اقعد واشغل اغنيه بحبها وخلاص  ،  وبعد وقت دخل عليه واحد واداني شيك 

عائشة _ ايه ده

الرجل _ استاذ أمجد بعتهولك،  وبيقولك متشكر ومستني الجديد 

عائشة _ أمجد مين  وجديد أيه اللي مستنيه 

الراجل _ معرفش  تقدري  تكلميه وتشوفي بنفسك  عن اذنك 

عائشة  _ يا استاذ  استنا 

مشي  من عندي وتليفوني رن 

عائشة _ الو 

أمجد _ ازيك يا عائشة

عائشة _ تمام مين حضرتك

امجد _ خليني الأول، اقول  اني مبسوط اني بسمع صوتك 

عائشة _ حضرتك مين  وتعرفني منين 

أمجد _ اوكي  اوكي أكيد  حد جمبك،  قابليني في  ****** علشان  نتكلم  براحتنا 

عائشة _ حضرتك انا مش  فاهمه  حآجه هو في ايه بظبط 

أمجد  _ مش  انتي  عائشة بردو 

عائشة _ اه انا 

أمجد _ حد جمبك؟ 

عائشة  _ لأ 

أمجد _ طيب امال  في  إيه 

عائشة _ حضرتك  مين  وعاوز ايه 

أمجد _ انا  أمجد  اللي  بعتلك  الشيك حالا،  وبكلمك عشان  اشكرك 

عائشة _ تشكرني علي  ايه  بظبط

أمجد _ علي  الشغل  اللي  بينا  في  ايه  انتي  بتنسي ولا حد  جمبك ولا  إيه 

عائشة _ لأ  دا انا  جيالك بقا  افهم  في  إيه 

أمجد  _ ياريت  انا  نفسي  اوي نتقابل اوي

#أسر 

كنت  شايفها في  الكاميرات  هي  وبتتكلم في التليفون وقبلها واحد  جه وادالها حاجه...  مكنتش  فاهم الموضوع  كويس  بس  حسيت  ان في  حآجه  غلط علشان كده  طلعت من المكتب ولما  وصلت مكتبها  لقيتها  مشيت،، روحت وراها لخارج الشركه وشفتها  ركبت التاكس ومشيت  وبقيت اتصل بيها وهي تقفل  

#احمد 

انا  وشدن بقينا صحاب  ويمكن بنسا اني  السواق بتاعها  وانا  بتكلم  معاها،.... والنهارده روحنا الاستديو في  وقت  كان  فاضي من الناس

شدن _ انت فاهم  حآجه  من كل  الزراير دي 

احمد _ لا خالص  ،  المفروض  انتي  اللي  تفهمي انتي  ابوكي  بيغني

شدن _ مكنتش  باجي  معاه  هنا 

احمد _ تيجي  نلخبط ونشوف بيشتغل ازاى 

شدن  _ يلا وانا هروح  هناك  ونمثل اننا فنانين وموسيقين وكده 

احمد  _ ههههه  يلا

راحت  الجهه التانيه وحطت السماعه 

احمد _ يلا غني

شدن _ احم  احم الله الله

احمد _ ههههه انتي بتبيعي خضار 

شدن_  متوتره اسكوت 

احمد _ خدي نفس وغمضي عينك وغني 

شدن _ اغني إيه؟

احمد _  تغني ايه، تغني ايه

شدن _ لا استنا انا جايه عندك كده كده البتاعه مش شغاله 

احمد _ تعالي 

(جت وقعدت جمبي)

شدن بتنهيده _ حاسه اني هفشل انا بفكر انسحب 

احمد _ بلاش احباط من اولها

شدن_ دا مش احباط دي ثقه اني هفشل

احمد _ طيب غني كده وانا اقولك هتفشلي ولا لأ

شدن_ طيب بص الجهه التانيه

احمد _ ماشي 

استدرت وبعد تردد بدأت تغني، اغنية قديمه (  وانا رمشي ما داق النوم... وهو عيون تشبع نوم... روح يانوم من عين حبيبي روح) وبعدين وقفت

احمد _ وقفتي ليه

شدن بتنهيده _ تفتكر بعد ده كله هيحبني 

احمد يستدير وينظر لها_ حتى لو محبكش تبقي نجحتي لنفسك 

شدن _ انا هعمل كدا علشانه هو،، لو مش هيحبني في الاخر هحس اني معملتش حآجه 

احمد _ صدقيني هيحبك وهيجي يركع ويطلب ايدك

شدن _ تفتكر 

احمد _ انا متأكد

شدن_ وافرض محبنيش 

احمد _ تبقي هتكوني تستاهلي حد يحبك  لشخصيتك، مش لنجاحك 

شدن _ انا مش عايزة حد يحبني غيره،.. لنفسي بقاا او لنجاحي اللي لسه معرفش هنجحو ولا لأ.... نفسي سليم يحس بيه مره واحده يا احمد

احمد _ احم.... اذن ف هي بنا الي العمل... وانا بقولك اهو هيحبك وهيجي لغيت عندك راكع يطلب ايدك

شدن _ احمد، لو سليم مجاش هرفدك 

احمد _ هو انا مغسل وضامن جنه

شدن بخيبه _ صح 

احمد  _ طيب بطلي إحباط  وابدئي

بديها أمل انه هيجي يوم ويحبها، بس انا مقتنع اننا مش  محتاجين نبذل مجهود عشان  نتحب، لكن  نجرب تجربه لو منفعتش مش  هيكون  فيها  ضرر 

شق_بالخطأ

  •تابع الفصل التالي "رواية عشق بالخطأ" اضغط على اسم الرواية