رواية امل الحياة الفصل السابع والثلاثون 37 - بقلم يارا عبد العزيز
اتكلمت بحده و غيره و دموعها مليت عينيها
= يعني انت بتعقد انت و البنت اللي بتراعي مامتك في البيت كدا مع بعض عادي
استغرب طريقتها و الحزن اللي شافه في عينيها اتكلم بحنان
= طبعاً لا هي بتمشي لما انا باجي
انتي بتعيطي!
هزيت راسها بالنفي و كانت لسه هتطلع من العربيه
وققها و هو بيتكلم بهدوء
= مالك يا رندا انتي تعبانه
اتكلمت ببعض الحده و هي حاسه بالغيره بتنهش في قلبها
= انا ممكن اجاي اقعد مع مرات عمي لحد ما انت ترجع ملوش لزوم سلوى دي انا هفضل معاها
التفتت بوشه ليها و اتكلم بحنان
= بقولك ماما كلها شهر و هترجع زي الاول و البنت دي هتمشي و بعدين ماما واخده عليها و بتستريح معاها
اتكلمت بغضب و دموع
= انا اللي وحشه يعني!
و مش هعرف اقعد معاها
و بعدين بما إن مرات عمي بتحبها اوي كدا ما تتجوزها و تقعدها معاكوا على طول
لمتابعه باقي الروايه اعمل متابعه لصفحه الكاتبه يارا عبدالعزيز
اتكلم بحزن و الم
= انتي عايزيني اتجوزها يعني!
هزيت راسها بالنفي و الدموع في عينيها و اتكلمت بصوت مخـ.نوق
= بس انت حر اعمل اللي انت عايزاه
قالت كلامها و خرجت من العربيه و طلعت على طول من قبل ما تديله اي فرصه يتكلم
اتنهد بحزن و استغراب من تصرفاتها اللي مش مفهومه بالنسباله
طلعت رندا لفردوس ، فتحتلها سلوى
اتكلمت رندا ببعض الحده
= مرات عمي هنا
بقلمي يارا عبدالعزيز
سلوى بهدوء = ايوا اتفضلي
دخلت و قعدت على الكنبه و اتكلمت بغضب
= هو انتي كمان اللي هدخلني بيت ابن عمي
سلوى باحترام= مش قصدي و الله أنا مجرد شغاله هنا و دا بيتك
رندا كانت لسه هتتكلم بس قاطعتها فردوس اللي خرجت و هي سانده على عكازين و بتتحرك بعض الشئ
رندا بصتلها بفرحه و جريت عليها و اتكلمت بدموع الفرحه و هي بتساعدها
= الف حمد لله على سلامتك ربنا يكمل شفاكي على خير يا رب يمرات عمي انا مبسوطه اوي و الله
فردوس ببأبتسامه و هي بتعقد
= باين فرحتك يحبيبتى هتعقدي تتغدي معانا انهارده
رندا ببأبتسامه
= اكيد
كملت و هي بتبص لسلوى و بتتكلم بهدوء
= ممكن انتي تروحي و انا هفضل مع مرات عمي لحد ما ابيه محمود يجي دا بعد اذنك يا مرات عمي
فردوس مكنتش فاهمه تصرفات رندا و لا فاهمه هي ليه مضايقه من وجود سلوى اوي كدا ، هزيت راسها بهدوء و مشيت سلوى تحت نظرات الفرحه من رندا و اللي شافتهم فردوس
كريم كان قاعد في بيته في الركنه و نرمين كانت في المطبخ بتحضر الاكل
سمعوا صوت الجرس ، قام كريم يفتح لينصدم بشده و هو بيتكلم بصدمه كبيره
= محمود!
ازاي!
متأخرتش عليكوا زي ما قولتلكم اهو و الفصل هيكون كبير كمان انتظروا الفصل الساعه حداشر و نص باذن الله 🥰
دا عشان الناس القمر اللي فضلت مستحمله تأخيري و بتدعمني بحبكم يولاد خالتي اوي 🥰🩷
•تابع الفصل التالي "رواية امل الحياة" اضغط على اسم الرواية