رواية ابناء الجبالي الفصل الثالث 3 - بقلم رنا احمد
ابناء الجبالي ❤️❤️❤️
رنا احمد عماد.
بارت 3...
في ڤيلا الجبالي...
كان واقف ريان وهو حاسس ان الدنيا من حواليه وقفت اخوه بيحب البنت الي هو بنفسه قضا عليها كانت جواه حرب ..
/ياااه يا ريان انتقام ربنا منك كبير اوووي دمرت اخوك وقضيت عليه ...
كانوا واقفين ادهم وجاسر بيتكلموا دخل حسن بهيبته ..
/متجمعين عند النبي ان شاء الله.
جاسر بأس أيده باحترام /عايشين بحسك في الدنيا دي يا جدي ..
ادهم بابتسامه /ربنا يخليك لينا يا سيد الكل .
جاسر باستغراب /صحيح يا جدي ايه حكايه جواز سليم دي ..
ادهم بجديه /صحيح ايه الحكايه دي يا جدي
حسن بجديه /الي حصل انا معنديش حريم تقعد
في البيت مع شباب اكده بقت علي ذمه راجل ب
قت مرات اخوكم وبالتالي بقت متحركه عليكم
وربنا يقدم الي فيه الخير وافرح بيكم أنتوا كمان
وأشوف احفاد الجبالي مالين عليا الدنيا ....
جاسر بابتسامه /في حياتك أن شاء الله يا جدي .
ريان بتنهيده /انا خارج حد عاوز مني حاجه .
حسن بحده /رايح علي فين يا اخويا هو مفيش
غير كده والله ما حد هيحط راسي في الطين غيرك
انت ....
ادهم بابتسامه/بعد الشر عليك يا جدي راسك دائما مرفوعه أن شاء الله كل حاجه هتبقا زي الفل .
جاسر ل ريان بابتسامه /رايح فين متأخر كده يا ريان ده خلصت مستشفي النهارده بدري علشان اقعد معاك واشوفك انت عارف انك اغلا ما عندي ..
ريان بوجع ومراره /وانت كمان يا جاسر معلش مشوار صغير ومش هتاخر ...
❤️❤️❤️
في جناح سليم....
كان خارج من الحمام أنصدم من الي قاعده بلبسها ونقابها زي ما هي ..
سليم باستغراب /ايه ده فيه ايه ايه السواد ده فوكيها كده ربنا يفكها عليكي ....
داليا بحده/هي ايه دي الي افكها ما تحترم نفسك انا بنت ناس ومحترمه مش جايه من الشارع...
سليم بغيظ شديد /احترم نفسي هو انا قولتلك كلام سافل ولا ايه وبعدين وطي صوتك انا جوزك يا هانم لو ناسيه مش هتفضلي في وشي بالسواد ده واقلعي النقاب وهي مش طاعه الزوج واجب برضه يا شيخه داليا .
داليا مسكت لبسها ودخلت الحمام رما سليم الفوطه في الأرض بضيق ..
/ربنا يسامحك يا جدي اوووف .
راح نام علي السرير وحاطط أيده علي عينيه خرجت داليا وهي بتفرك أيدها بارتباك ..
/لما حضرتك تنام علي السرير انا هنام فين .
سليم من غير ما يبصلها/جمبي يا مدام اتفضلي .
قربت داليا بارتباك وهي بتحاول تنام رفع سليم أيده واتفاجا بجمالها الي يخطف القلب ..
/يا لهووي علي جمال امك نامي نامي الله يهديكي علشان انا مش مسؤؤل علي الي ممكن يحصل ..
داليا بخجل وغيظ /استغفر الله العظيم يارب ..
نام سليم وهو بيبتسم عليها وعلي طفولتها ..
❤️❤️❤️
في جناح منه وهند...
كانت واقفه منه في الحمام وهي حاطه أيدها علي بطنها ...
/يا نهار اسود ومنيل يا نهار اسود اهو ده الي معملتش حسابه منك لله يا ريان منك لله..
خبطت هند بقلق ...
/مالك يا منه آخرتي كده ليه ..
منه قعدت علي الارض بدموع وقهره..
/ادخلي يا هند ادخلي شوفي المصيبه الي احتك فيها ..
دخلت هند برعب وخوف ..
/مالك يا حبيبتي فيه ايه.
منه وهي بتلطم علي وشها بدموع/انا شكلي حامل يا هند اختك خلاص ضاعت ....
هند ضمتها بدموع وقهره/متخافيش يا حبيبتي
متخافيش هيصلح غلطته غصبن عنه خلاص مبقاش ينفع نسكت اكتر من كده ...
❤️❤️❤️
في شقه ريان ....
كان قاعد بعد ما المأذون مشي وهو سرحان في اكبر صدمه كان ممكن يتوقعها قعدت حياه قصاده بقلق ...
/كده خلاص بقيت مرائتك رسمي يا ريان بيه ...
ريان بصلها بسخريه /شوفتي الهنا الي انتي فيه
مش مصدقه نفسك صح بس انتي عارفه لو حد
عرف انا ممكن اعمل ايه يا حلوه ..
حياه وقفت قصاده بدموع /اطمن يا ريان بيه انا عارفه حجمي كويس عارفه انك اتجوزتني لمزاجك مش اكتر وعارفه كمان لو كنت رفضت كان ايه الي حصل عن اذنك هدخل اجهز ..
ريان بجديه /اعملي حسابك انك بايته معايا النهارده يا عروسه واطمني علي نور اختك اكلها هيروحلها..
حياه بكسره ووجع/كتر الف خيرك عن اذنك .
بصلها ريان وهمس ..
/ايه مالك مستغرب ليه أنها بتبصلك باحتقار مانت فعلا كده يا ريان ده انت حتي اخوك لما دمرته ...
❤️❤️❤️
في جناح جاسر ....
كان قاعد بيقرا قران خبطت زينب الشغاله بناعتهم هي الي مربياهم ..جاسر قفل المصحف واذن ليها بالدخول ..
/اتفضلي يا داده ...
زينب بابتسامه وارتباك /مساء الخير يا جاسر يا ابني ..
جاسر بحب ليها /مساء النور يا ست الكل اتفضلي ...
زينب وهي ماسكه في ايديها الملايه بارتباك ..
/مالك يا داده فيه ايه وايه الملايه الي في ايدك دي اتكلمي ....
زينب بارتباك/هقولك يا جاسر يا ابني بس علشان خاطري خليك هادي يا ابني ...
بعد وقت ...
كان قاعد جاسر وهو مش مصدق الي شايفه ولا الي سمعه ...
زينب بجديه /طلع زي ما توقعت يا جاسر يا ابني صح ...
جاسر بصدمه/ايوه يا داده ده دم عزريه واضح جدا بس الي هيجنني ده حصل ازي ومين دي الي كانت مع ريان ...
زينب بدموع /الي قهرني يا جاسر يا ابني أنها واحده من البنات يا منه يا هند .
الي عند هذا الحد نزلت دموع جاسر دون سيطره منه ...
/ربنا يستر ويكونش الي بالي ياررررب متكسرنيش الكسره دي ابدا ...
❤️❤️❤️
صباااحا ....
في جناح سليم....
كانت واقفه داليا وهي لابسه وبتستعد للكليه خرج سليم من الحمام وهو لافف نفسه بفوطه لفت وشها الناحيه التانيه بخجل ...
/ايه ده مش تاخد بالك وانت خارج من لبسك فيه واحده معاك هنا ...
سليم حب يستفزها /هي فين دي ده انا حاسس اني متجوز واحد صاحبي يا شيخه اسكتي ..
داليا بغيظ /مش هرد عليك ألمهم انا لازم اروح الجامعه النهارده ضروري ...
سليم وهو بيلبس /نعم يا اختي هتروحي الجامعه يوم صباحيتك عايزه الناس تاكل وشي .
داليا قربت منه /ارجوك يا سليم انا فعلا الاسبوع ده عندي امتحان مهم ولازم اروح ..
سليم غمزها بعينه الجميله /وايه المقابل يا قمر بوسه ولا حضن ..
داليا اتكسفت جدا /قسما بالله انت مشوفتش اي تربيه ...
وجرت علي بره تحت ضحكته ..
/ههههه شكلي انا وانتي حكايتنا هتكون حكايه يا داليا ....
❤️❤️❤️
علي مائده الطعام....
كانوا قاعدين كلهم علي الفطار ...كان حسن عمال يبص علي منه الي شكلها تعبان ومش مريح ..اتكلم بحده..
/مالك يا بت يا منه شكلك تعبان كده ليه وكانك قرفانه من الوكل ...
هند بسرعه /أصلها تعبانه اووي يا جدي فعلا روحنا كشفنا امنبارح عندها برد في معدتها الدكتور قال يومين وان شاء الله هتبقا زي الفل ....
جاسر برعب دب في قلبه من حالتها /الف سلامه عليكي يا ست البنات ..
منه وهي ماسكه دموعها بالعافيه /ربنا يخليك يا جاسر ...
سليم وهو ماسك ايد داليا وقعدها جمبه/صباح الخير..
حازم بمرح /صباح الفل يا عريس .
حسن بجديه /استنا يا حازم لما نطمن الاول .
الرجاله بصوا لبعضهم وضحكوا ..
داليا بجديه /الحمد لله شبعت هستنك في الجنينه يا سليم عن اذنكم ..
منه قامت بتعب /وانا كمان هطلع ارتاح شويه .
حسن بحده /اعملي حسابك أن بليل هجيب دكتور يكشف عليكي ويطمني ..
منه بخوف وهمس /ربنا يسترر شوف الي انا فيه والباشا هايص ولا همه لازم اشوف حل لازم ..
هند بقلق وارتباك /عن اذنكم انا كمان لازم اروح الجامعه ..
حسن بجديه /كويس اوي أن الحريم قاموا ..
سليم بجديه /جدي فهمني قصدك ايه بالي قولته من شويه انت متخيل أن انا وداليا المفروض كنا نقضي ليله جوازنا زي العرسان انت عارف ظروف جوازنا ...
حسن بحده /ايه هي الظروف يا سليم انك متعرفهاش قبل كده دي مش حجه زمان كان الواحد مبيشوفش الواحده الا يوم الچواز وعاشوا وكانوا احسن الناس انا عايز الجوازه دي تتم شرعا وقانونا اظن انك فاهم قصدي زين ..
سليم بضيق من اوامر جده /ربنا يسهل يا جدي ..
حازم بقلق بالغ/ادعولي النهارده نتيجتي .
ادهم بابتسامه/أن شاء الله ناجح يا حبيبي ..
دخلت تفاحه وهي فرحانه اوووي ...
/نجحنا يا زوما نجحنا ..
حازم جري بسرعه عليها بفرحه /بجد يا تفاحه ..
تفاحه بفرحه /اه والله العظيم انا جبت النتيجه انت 96 وانا 92 مبروك يا زوما ...
حازم بفرحه لا توصف /الله يبارك فيكي ي تفاحه .
حسن بحده /امشي يا بت روحي شوفي شغلك جبتي زي ما جبتي برضه هتفضلي بنت البواب فاهمه يالا روحي ...
جرت تفاحه وهي بتعيط ..
حازم بضيق /عن اذنكم ...
ادهم بحزن عليها /ليه كده يا جدي كسرت بخاطرها دي متربيه معانا طول عمرها ..
حسن بحده /قصدك بنعطف عليها يا ادهم انا لازم اعمل كده علشان متبصش لفوق كفايه زمان معرفتش احمي ولادي الموضوع ده مش عاوز حد يتكلم فيه خالص كل واحد يشوف حاله ....
❤️❤️❤️❤️
في الشركه ....
دخلت شهد اخت حياه وهي بتصرخ بصوت عالي ...
/فين اختي ودتوها فين ده انا هوديكم في ستين داهيه ...
دخل ادهم وشاف ده كله اتعصب جدا..
/فيه ايه حضرتك انتي مين وبتتكلمي كده ليه ..
شهد بحده وزعيق /لا يا اخويا انا مش حضرتي انا شهد الراقصه يا عني الحوارات دي متاكلش معايا ...
ادهم بغضب/حوارات ايه يا ست انتي ومين اختك دي انتي بتتدوري علي عيله تايهه ولا ايه..
شهد بدموع وخوف /اختي حياه الي بتشتغل عندكم هنا مرجعتش البيت من امنبارح وانا عارفه انها كانت عامله مشاكل هنا بس مش كل الطير الي يتاكل لحمه ولو حد فكر ياذيها اكله باسناني هي صحيح بتستعر مني ومخرجاني بره حياتها لكن هي لحمي اختي لو مرجعتش النهارده انا هولع في الشركه بالي فيها ...
خرجت شهد بسرعه لكنها لا تعلم أنها بالقاء ده دخلت قلب ادهم لتخلد قصه عشق من نوع اخر ...
❤️❤️❤️
في جناح ريان ....
رجع ريان بعد ما روح حياه دخلت منه بغضب ..
ريان بحده /ايه الهبل ده في حد يدخل علي حد كده ...
منه بحده /الهبل الي انت لسه معرفتش هتشوفه دلوقتي لو معترفتش بغلطتك واتجوزتني حالا ....
ريان ضحك ضحكه عاليه بسخريه /ههههه لا بجد خوفتيني تصدقي خوفت بقولك ايه اخفي من وشي دلوقتي انا مش ناقص ومتقوليش غلطتك كله كان بمزاجك يا حلوه ...
منه بدموع وقهره/افهم يا بنادم انا حامل فاهم يا عني ايه حامل ..
ريان بصدمه /بتقويلي ايه ...
منه بدموع وصراخ /الي سمعته ابوس ايدك يا ريان اتجوزني حتي لو شهر واحد وبعدها ملكش دعوه ل بيا ولا بابني ..
ريان بحده وهو بيفكر في جاسر /الي في بطنك ده لازم ينزل ونعملك عمليه ترجعي بنت بنوت تاني ومحدش يعرف حاجه ...
منه بصتله بدموع واحتقار وخرجت بسرعه ...
خبط ريان المرايه كسرها بحده ولكن لا يعلم بأن هناك شخص سمع كل حاجه وقلبه اتكسر كسره مش هتدوا ..
❤️❤️❤️❤️
في جناح منه ...
كانت قاعده تعيط وتخبط في بطنها بكره وحده ..
/بكرهك يا ريان بكرهك اقسم بالله بقيت فعلا بكرهك ...
دخل حسن بهيبته قامت بسرعه وهي بتحاول تمسح دموعها ...
منه بحزن /اتفضل يا جدي ...
حسن بجديه/جهزي حالك الدكتور تحت .
منه بدموع وقهره/دكتور لا مش عايزه دكتور ..
حسن بغضب /ايه شغل العيال الصغيرين ده اتعدلي يا بت لحد ما يچي الدكتور ..
مشي حسن لكن رجله وقفت في الأرض لما سمع كلامها ...
/انا حامل يا جدي عايز تجيب دكتور يعرف أن بنت ابنك حامل في الحرام ...
❤️❤️❤️
بعد وقت ...
كان الكل واقف بصدمه من الي بيسمعه بس محدش يقدر يدخل مسكها حسن من شعرها ..
/يا نهار ابوكي اسود ومنيل حبله من مين يا بنت الك*لب ده اني هشرب من د*مك..
منه بدموع وقهره/ابوس ايدك يا جدي ارحمني ارحمني.
هند بدموع وهي بتبوس ايد جدها /ابوس ايدك يا جدي سيبها سيبها هتم*وت في ايدك ...
حسن باعصار /انطقي يا بت مين الي عملتي معاه كده ده انا هجطع خبرك .
دخل في وسطهم بقهره ووجع عليها وعلي حاله ..
جاسر بالم ووجع /انا يا جدي انا الخاين الي ضيع شرف بنت عمه انا ابو الي في بطنها .....يتبع .
الي جاي دمارررررر 🔥🔥🔥🔥🔥🔥🔥🔥
هستنا تفاعلكم الكبير وتعليقاتكم مش عايزه ملصقات ولا تم عايزه اعرف رايكم توقعاتكم دمتم بخير وعافية....
ابناء الجبالي ❤️❤️❤️.
رنا احمد عماد..
•تابع الفصل التالي "رواية ابناء الجبالي" اضغط على اسم الرواية