رواية في زمن الحب الفصل الثالث 3 - بقلم همس كاتبة
حياة بخضة : يخربيبتك … خضتني يا شيخ منك لله
جاسر بضحك : و الله ما قصدت اخضك بس شكلك كان يضحك اوي
وضعت يدها على خصرها و ضيقت عنيها و قالت : و انت جاي هنا ليه ها ؟؟ لاحقني من حتة لحتة ليه ؟؟ اوعا يكون الي في بالي و الله الم عليك كل الي في الشارع
جاسر بصدمة : استني استني … يا بنتي و الله انا جيت اعتذرلك على سوء التفاهم الي حصل الصبح
حياة : ليه ان شاء الله ؟ هو انا اعرفك اصلا
جاسر : هعزمك ع الغدا
حياة باندفاع : هتغديني ايه ؟
جاسر بضحكة رجولية : الي انتي عايزاه
حياة : عايزة شاورما
جاسر بضحك : اوك بس بشرط نبقى صحاب
حياة : لا يا عم انا ما بصاحبش ولاد … و كنت بهزر معاك … اكيد مش هروح اتغدا مع حد ما اعرفوش كويس و انت شكلك عيل قليل ادب و انا مش مطمنالك
جاسر بصدمة : يااااااه … هو انا للدرجادي واطي بنظرك ؟ ….ده انتي دبش دبش يعني … مش معقول تقولي كل ده بوشي .. ما بالك بقفايا بتقولي ايه
حياة برفعة حاجب : و انا اتكلم عليك ليه اصلا …. انا مروحة …. تحب توصلني ؟
جاسر بعدم تصديق : ده بجد ؟
حياة : اه طبعا
جاسر بابتسامة : طب اتفضلي
حياة بضحك : هو انت صدقت ؟؟ بشتغلك يعم
جاسر اتنرفز و جاب اخره منها قام مسكها من تلابيبها و قال بصوت عالي : تركبي معايا و لا تحبي اسيحلك هنا و اعملك فضيحة
حياة : لا يعم ما تزعلش نفسك اتفضل وصلني
فتحت باب المقعد الخلفي
جاسر بحزم : هتقعدي قدام
حياة : و الله
جاسر : اه و الله
حياة : عارف لو مش متاخرة ع البيت و مش لاقية مواصلات عمري ما كنت هعبرك بس طبعا لو عايز من الكلب حاجة قوله يا سيدي
جاسر : طب عارفة لو لسانك ما لمتيه لاكون عامل فيكي حادثة تمسح ملامحك
حياة بضحكة : طب ممكن طلب صغنن قد كدة ؟
جاسر بهدوء : اتفضلي
حياة : ممكن اسوق العربية ؟ و الله هكون مطمنة اكتر
جاسر : و انتي تعرفي تسوقي ؟
حياة بحماس : طبعا يعم .. دنا هبهرك… هات المفاتيح بس
جاسر : ماشي اتفضلي
********************
يارا : اخبار جاسر ايه
سالم : مفيش … جاسر هادي اوي الايام دي و شكله بيخطط لحاجة كبيرة
يارا : زي ايه يعني
سالم : انا حاسس انه ناوي ينفصل عننا
يارا بخضة : يا لهوي .. معقول يا بابي ينجح بده ؟
سالم : ما اعتقدش … جاسر معهوش سيولة يبدا مشروع كويس .. يعني اخره يفتح محل صغير
يارا بحزم : انا شايفة ان حضرتك مش مهتم بالموضوع ده … اعتبرني باجازة مفتوحة لغاية ما تحققلي الي انا عايزاه و بعدين ارجع استلم تاني
سالم : ايه الي بتقوليه ده ؟ … يارا مينفعش تتسرعي كدة … انا داخل مشروع مهم و محتاجلك اوي و لو عايزة اساعدك لازم تساعديني
يارا : اساعدك ازاي بقا ؟
سالم : بصي يا يارا المشروع ده لو نجح انا اضمنلك مليون في المية ان جاسر هيجي تحت رجلك و يطلب رضاكي…. احنا هنكسر السوق و الاجهزة الجديدة الي هتنزل هتكون بعروض مغرية و عايزك تحطيلي خطة تسويقية تكون ممتازة و لو فعلا حصل الي ببالي هنكسب شيء و شويات .. و شوفي بقا جاسر ازاي هيتمنى يرجع الشغل معانا و ملهوش سكة غيرك
يارا بتفكير : تمام هكمل معاك و نشوف بس لو جاسر ما رجعش مش هتشوف وشي تاني بالشركة
قاطهم اتصال هاتف سالم
سالم : الو ايوة يا فتحي فيه ايه
فتحي : يا بيه انا مراقب جاسر بيه اهو .. و شوفت معاه بنت و ركبت معاه عربيته
سالم بدهشة : ايه ؟ جاسر ! اعرفلي مين البنت دي و هاتلي كل بياناتها
قفل الخط
يارا بانفعال : مالو جاسر ؟ و مين البنت الي عايز معلومات عنها ؟؟
سالم بهدوء : في بنت ركبت معاه العربية و طلبت بياناتها .. نشوف مين دي بقا
يارا بجنون : يعني ممكن تكون حبيبته ؟؟ يعني جاسر هيضيع مني !!! اتصرف اعمل اي حاجة
سالم : اهدي يا يارا .. يا بنتي الموضوع محتاج صبر و انا وعدتك جاسر ليكي
يارا بحزم : انا قولتلك قبل كدة يا جاسر يجيلي يا اما مش هتشوف وشي هنا
****************
جاسر بزعيق : حاسبي يا بنت المجنونة … هتموتينا
حياة : اسكت انت فاهم حاجة
جاسر : هنموت … و الله هنموت
مسك الدركسيون و وجهه
جاسر : هدي السرعة شوية .. فرملييي في ناس في الشارع
اوقفت العربية في منتصف الطريق و قالت بنرفزة : انت وترتني اوي مش عارفة اسوق بسببك
جاسر : هو انتي تعرفي تسوقي اصلا .. دي سواقة دي … انزلي اقعدي مكاني
حياة اخذت نفس عميق و قالت : على فكرة .. انا ما بفهمش بالسواقة … و عملت كدة عشان اعرفك ان العوج معايا ما ينفعش و الوقعة بموتة .. مش انا البنت الي تقدر تضحك عليها بكلمتين يا جاسر .. يا ابن عم صاحبتي
جاسر : يا ساتر .. هو انا زبالة بنظرك ؟ انتي ليه مصرة تفهميني غلط ؟
حياة بابتسامة : مش عايزة افهم اصلا .. انا مليش في الجو ده يا بيه .. عن اذنك هكمل لوحدي
كان جاسر لسا هيتكلم بس قاطعه شرطي المرور : في حد يوقف كدة وسط الشارع .. اتحركو بدل ما اسحب الرخص
جاسر : تمام ..اتفضل حضرتك … هنتحرك حالا
نزل جاسر و نزلت حياة
جاسر : اركبي العربية .. هوصلك
حياة : لا
جاسر بحدة : اركبي مش كفاية فضحتينا
حياة بحدة ايضا : عن اذنك
تركته و ذهبت و هو ركب العربية و هو متعصب جدا و رزع الباب
********************
بعد عدة ايام
عصام : ايه الجنان الي قولتيه لبابا قبل ما يسافر ؟ ده زعلان منك جدا
حياة : عصام لو سمحت مش عايزة اتكلم بالموضوع ده
ادم : حياة ده ابوكي .. عارف انه قصر معانا كلنا بس ده ما يديكيش الحق تبجحي معاه بالكلام
كريمة : هي طول عمرها كدة .. لسانها ما بتعرفش تلمه
حياة : حتى انتي يماما بتدافعي عنه ؟ ده سابنا عشان وحدة زبالة
عصام : حياة اسكتي احسن … لما يكلمك اعتذريله و طيبي خاطره ده مهما كان باباكي و عيب الكلام ده
خبط الباب و دلفت حنين اختها و تحمل بيدها طفلها
كريمة بشهقة : مالك يا بت بتعيطي ليه
ادم : مالك يا حنين ؟
حنين بدموع : انا مش قادرة استحمل كل ده … يماما انا مش قادرة اعيش معاه .. انا بقيت خدامة ليه و لاهله … وفوق كل ده يشتمني و يعايرني ان امي مطلقة و بيغلط في عيلتي .. انا مستحيل ارجعله .. انا عايزة اطلق
خبط كريمة يدها على صدرها
عصام : طلاق ايه انتي التانية … مفيش طلاق .. اقعدي ريحيلك يومين و بعدين ارجعي ما تخربيش على نفسك
حياة : اتفضلي … و هو احنا لينا سند يا حنين .. عرفتو ليه انا زعلت من بابا ؟
ادم : حياة خليكي محضر خير .. و بعدين ايه الكلام ده يا عصام .. دي اختك … اقعدي يا حنين دلوقتي هنا و بعدين نشوف هنعمل ايه يا حببتي … احنا عمرنا ما هنسيبك
حياة بملل: انا هروح الجامعة احسن … سلام
********************
سالم بجنون : مصيبة و نزلت على دماغنا
يارا : مصيبة ايه ؟
سالم : حاتم بيه رفض المشروع و جاسر اشترى مصنع و شكله هيبتدي لوحده كده
يارا : يعني ايييه؟؟؟
سالم : يعني اتخرب بيتنا
يارا بحدة : و معرفتش مين البت الي كان ماشي معاها دي
سالم : لا و فتحي قالي انه مرجعش شافها معاه خالص
يارا : خلاص يبابي سيب موضوع جاسر ده عليا … انا هعرف اتصرف
سالم : يعني مش هتسيبي الشغل صح ؟
يارا : لا … بس مش هبقى فاضية كتير .. انا لازم ابدا من دلوقتي
سالم : يارا ما تسبينيش لوحدي انا بتسند عليكي
يارا : مش هسيبك .. بس اول حاجة لازم نعملها هي انك تخصم من مرتبات اخواته … عشان يعرف هو بيلعب مع مين
******************
جاسر : المرادي انا فعلا بلاحقك و عايز اتكلم معاكي
حياة : تصدق انك بجح .. قولتلك مش فاضية
جاسر : حياة انا بجد محتاج اتكلم معاكي
حياة باستغراب : هو في ايه ؟ حضرتك عايز مني ايه ؟ انت ما تعرفنيش كويس و لا انا اعرفك .. ليه بتنطلي بكل حته
جاسر : تقدري تقولي سامع عنك كتير و حاسس انك هتفهميني …انا فعلا محتاج حد اكلمه و انا مستريح
حياة بتاثر : ماشي اتفضل
جلسو في كافيه هادىء
حياة : اتفضل .. عايز تقول ايه
جاسر : بصي يا حياة .. انا انسان طول عمري بحب اسند نفسي بنفسي … اول ما تخرجت من الكلية كان لازم اشتغل مع عمي غصب عني عشان اهلي كلهم كانو بيشتغلو معاه .. كنت بسمع كلام بابا و انا مغمض و قضيت سنتين من عمري بشتغل حاجة مش بحبها .. بس بعدين رفضت اكمل معاهم خصوصا لما شوفت تدخلاتهم بحياتي الخاصة …. عشان كدة انا بعدت عنهم و قررت ابدا لوحدي … ربنا بقا كرمني الحمدلله و قدرت اشتري مصنع لصياغة الدهب و المجوهرات .. مكانش معايا سيولة كفاية بس زبطت اموري و شاركت صاحب ابويا … بس انا مخنوق جدا من تصرفات اهلي معايا و ازاي بيخربو كل حاجة ببنيها … الدنيا كلها ضاقت بيا و مش عارف اعمل ايه .. حتى شغفي للمشروع بدا يقل … خايف اخسر الحاجة الي طول عمري بحلم اعملها
حياة : اوعى .. اوعى تقول الكلام ده … لازم تستمر بشغلك و تثبت للكل انك قادر تسند نفسك و مش محتاج ليهم … عارف .. اسوأ حاجة بالدنيا انك تدرس و تشتغل حاجة انت مش بتحبها .. زي حالتي كدة
جاسر باستغراب : ليه انتي مش بتحبي دراستك
حياة : لا .. انا طول عمري نفسي ادخل هندسة .. و جبت مجموع عالي اقدر ادخل طب كمان .. بس بابا و ماما ضغطو عليا جامد عشان مصاريف الكلية .. اطريت ادرس فنون جميلة مع اني مش بحبها … المشكلة ان انا عندي طموح كبير و احلام كتيرة اوي نفسي احققها .. بس مش هقدر اضغط على عيلتي و احطهم بموقف صعب
جاسر : هو انا سمعت انك عايشة مع مامتك مش كدة ؟
حياة : اه .. اصل بابا مسافر عنده شغل برا
جاسر : يعني مين راجل البيت عندكو
حياة : ليا اخوات اتنين ولاد .. متجوزين .. بس واخدين بالهم مننا جدا
جاسر : انتي روحك حلوة اوي يا حياة
حياة بخجل : ميرسي
جاسر : تتجوزيني ؟ ……
- يتبع الفصل التالي اضغط على ( رواية في زمن الحب) اسم الرواية