رواية عشق بالخطأ الفصل الحادي والاربعون 41 - بقلم نجمة براقه

 رواية عشق بالخطأ الفصل الحادي والاربعون 41 - بقلم نجمة براقه

P41

#سليم 

مكنتش عاوز فلوس لنفسي،   انا هاخدهم منهم لسببين... السبب الاول اني هفتح بيهم مستشفى لعلاج السرطان بأسم ماما، والسبب التاني اني اعلمه الأدب واكسر شوكته 

خالد بذهول _ خمسين مليون ايه

سليم  _ متتخضش كده  انا عاوزهم بجنيه  مش  بالدولار 

خالد _ ومين قالك  اني  هديلك 

سليم  _ يا حمايا،  تتخيل انت اني اجي لغيت عندك اطلب الطلب ده وانا مش متأكد انك هتدفع

خالد _ولو مدفعتش

سليم _ تبقا جنيت علي بنتك لاني كل يوم هبعتلك منها صوباع ومره رجل ومره ايد ومره كبد ومره طحال لغيت ما نوصل لدماغها ومش  بس كده  ده انا هنشر الفيديو بتاع ماما وبعدين اسلمه للبوليس،  يعني قول 15 سنه سجن  وانت كبرت.. في كام 15 سنة في عمرك تاني 

(خالد يسرح)

سليم _ انا  ماشي  وانت معاك يوووومين بحالهم تقرر فيهم 

خالد _ هدفع،  بس بنتي تجيني الاول والفيديو يتحذف

سليم  _ انت طماع اوي...  الفلوس  دي  مقابل سلامتها وعدم الفضيحة 

خالد _ طيب وبنتي ترجعلي ازاي دلوقتي 

سليم _ زي ما  قولتلك  هنلعب علي مراحل،  اول مرحلة  هي الفلوس  وبعدين  ندخل  في  باقي المراحل يا حمايا العزيز 

خالد بغضب _ مااااشي حقك بس لما توقع تحت ايدي مش هرحمك 

سليم _ حبيبي تسلم  ...  يلا اسيبك 

سبته يزعق ومشيت، وبقيت الف شويه في الشوارع علشان  اتوه اللي ماشي ورايا، وبعدين روحت الشقه اللي فيها ميرال،  ودخلت الاوضه لقيتها نايمه نومه مش مريحه بسبب الكلبش،  روحت بشويش فكيته وريحت ايدها جمبها،  وطلعت تاني من الاوضه ونمت في الصاله 

#ميرال 

سمعت صوت الباب بيتفتح ف عملت نفسي نايمه، علشان مشوفش وشه، لكن اللي حصل انه فك الكلبش وريح ايدي جمبي براحة....... في تناقض في تصرفاته معايا، لما هو خاطفني وضحك علية علشان ينتقم من بابا وبيخوفني،... لية فك ايدي علشان ارتاح في نومتي...... محبتش افترض انه طيب بس بيقسا علشان حقه،.. محبتش اديلو عذره أبداً مع اني من جوايا زعلانه اوي من بابا وفقدت الثقه فيه 

طلعت من الاوضه اتسحب ولقيته نايم على الكنبة وحاطط ايده على عينيه... قربت منه بحذر عشان اتاكد اذا كان نايم ولا لأ، وركزت معاه لقيته بيتنفس نفس نوم، ف اتسحبت تاني لغيت الباب وحاولت افتحه بس كان مقفول بالمفتاح.. فرجعت تانى عنده يمكن اقدر اخده  منه، 

قعدت جمبه وبدات افتش فى جيبوبه بشويش عشان ميصحاش 

سليم _ يعني تفتكري هتقدري تهربي

ميرال تقوم بفزع _ انت صاحي

سليم يشيل ايده _ ارجعي الأوضة

ميرال _ لأ.. انت  لازم تخرجني من هنا دلوقتى

سليم _ مش هتكلم تانى

ميرال بعصبيه _ انت لو مخرجتنيش هنط من الشباك

سليم _ تبقي عفيتيني من ذنبك 

ميرال تضربه بغيظ _ قوم مشيني من هنا، يلا قووم 

سليم يقوم ويمسكها من رقبتها _ ايدك لو اتمدت عليه تاني مش هيعدي عليكي يوم 

ميرال تشد في ايده _ سيبني 

سليم بحده _ خافي واقعدي علي جمب مفهوم

ميرال تاخد نفسها بصعوبه وتضرب في ايده وهو يسيبها 

سليم _ جربي تضايقني تاني بس

ميرال وهي تاخذ نفسها _ اقتلني وارتاح مني.. بس انا مش هبطل 

سليم _ حابة تضربي صح

ميرال توقف قدامه _ اضربي انا قدامك اهو

سليم _ طيب امشى من قدامي

ميرال تضربه في صدره _ ما تضربني ( تعيد الضربه) قدامك اهو ماتضرب يلا

سليم يزفر بزهق _ انا ماسك نفسي بالعافيه، اهدي وعدي يومك 

ميرال بانفعال _ مش هعديها و يا انا يا انت... مشيني من هنا ( تضرب به وتبداء بالبكاء) مشيني من هنا بقولك

سليم _ طيب بطلي عياط

ميرال بانفعال وبكاء _ انا عاوزة امشى من هنا دلوقتي حالا لاما  هاموتلك نفسى هنا

سليم _ السكا"كين في المطبخ 

ميرال تفتح عينيها بشده _ يعني عادي عندك 

سليم _ ايوه، يلا مستنيه ايه 

ميرال _ ماشي ( بتجري علي المطبخ وهو يروح وراها ويلحقها هي وبتفتح الدرج)

سليم _ هتعملي إيه

ميرال بعصبيه _ ابعد عن وشي 

سليم يمسكها من ذراعيه ويهزها بقوه _ اااهدي.... اهدي لا اقتلك انا 

ميرال تغمض عينيها وتبكي _ ومستني ايه 

سليم _ متستعجليش، هتموتي علي ايدي في يوم

ميرال تفتح عينيها _ انا بكرهك يا سليم 

سليم _ ماشي،،، يلا ارجعي الأوضة

ميرال تذق ايديه وتمشي 

رجعت الاوضه ودخلت الحمام و وقفت تحت الدش بهدومي وبعد وقت طلعت لقيته قاعد علي السرير 

ميرال _ اطلع عاوزة اغير

سليم _ تغيري ب ايه مفيش هدوم ليكي هنا

ميرال _ عاوزة هدوم

سليم _ هجبلك، بس دلوقتي غيري ولفي نفسك ب  الملايه مش عاوزك تموتي دلوقتي بسبب البرد 

ميرال بغيظ _ مش هغييير وهقعد كده خليني اموت وارتاح منك

سليم _ انتي ادلعتي كتير بس هنا مفيش دلع،،، خدي دي واقلعي دول ولفيها علي نفسك بسرعه 

ميرال تمسك منه الملايه وترميها على الأرض _ مش هغير، وقوم يلا هاتلي هدوم

سليم _ انتي هتغيري بذوق ولا اغيرلك انا

ميرال _ انت قليل الادب 

سليم _ الله يرحم اليخت والحركة اللي عملتيها عشان.... ولا بلاش

ميرال باحراج _ معملتش حآجه انا، قوم من هنا

سليم يقوم _ خمس دقايق وراجع الاقيكي مغيره الهدوم دي

ميرال بغيظ _ طيب اطلع يلا 

طلع من الاوضه وانا قلعت الهدوم ولبست الملايه علي شكل فستان وظبطت معايا،.. وبعدين هو جه، و وقف يبصلي شويه 

ميرال _ بتبص على ايه 

سليم يبعد نظره _ طلعتي بتعرفي تفكري اهو 

ميرال بقرف _ مش بفكر احسن منك 

سليم _ طيب اقعدي يلا علشان اربطك 

ميرال _ لا، انا ايدي وجعتني 

سليم يمسك بها وهي تتراجع للخلف 

وهي تضع يدها علي صدره وتحاول اقافه _ ارجوك بلاش ايدي وجعتني، 

سليم بارتباك _ لأ.. اقعدي 

ميرال تتشبث ب قميصه _ مش ههرب ومش هطلع من الاوضه بس بلاش الكلبش

سليم يمسك يدها ويضع بها الكلبش _ قولت لأ 

ميرال وهي تمسك قميصه باليد الاخرى _ والله مش ههرب بس سيبني كده

سليم يشعر بربكه ليتهرب من النظر إليها ويربطها سريعا ويريد ان يمشي ولكنها تظل ممسك بثيابه ليعود وينظر لها 

ميرال _ سليم ارجوك صدقني مش ههرب 

سليم  بتوتر _ ت تمام 

ميرال بإبتسامه _ يعني هتفكني 

سليم وهو يفكها _ بس لو عملتي اي حركه غلط، هعاقبك 

ميرال بإبتسامة _ ماشي 

سليم ينظر لها لثواني سريعة ويبتعد عنها فوراً

وهي تذهب خلفه 

........

ميرال _ انا جعانه 

سليم _ الاكل عندك في التلاجه

ميرال _ طيب ما تجبلي 

سليم _ وانتي صغيره 

ميرال _ مبعرفش 

سليم بحده _ اعرفي انتي مخطوفه مش رايحه فسحه 

ميرال توقف قدامه بخبث _ سليم

سليم _ عاوزة ايه

ميرال وهي تنظر له بإبتسامة _ انا مش زعلانه منك وبحبك لسه

سليم يرفع حاجبه _ وبعدين

ميرال تحضنه _ انا عارفه انك بتحبني انت كمان، بس اللي حصل مش سهل عليك

سليم وهو يتنهد بتوتر _ ابعدي 

ميرال تنظر له بإبتسامه _ لسه بتتكسف، انا مش خلاص بقيت مراتك

سليم يشرد في ابتسامتها _ لا 

ميرال وهي تضع يدها علي وجهه _ خلينا ننسا كل حآجه انا مستعده اعيش معاك عادي خالص 

سليم يرمش بتوتر _ انا، انا فاهمك كويس، ومش هتمشي من هنا 

ميرال بإبتسامة _ انا مش عايزة امشي خالص، انا عايزة اعيش معاك في اليخت لوحدنا

سليم ينظر لها في صمت 

ميرال _ قولت ايه

سليم _ قولت مش هتمشي من هنا

ميرال وهو تقترب منه بدلع _ مش عااوزه اهرب صدقني يا حبيبي

سليم يمسك يدها التي تتسلل لجيبه لسحب المفتاح_ هتجيبي الخبث من برا يعني

ميرال تضغط على اسنانها وتدفعه بعيد _ ماشي، أكيد هعرف اسحبهم منك في يوم

سليم _  لو عرفتي تعملي كده،، تبقي حره ومش هقربلكم تاني 

ميرال _ يعني لو مسكت المفتاح وفتحت هتسبني امشي

سليم _ ايوووه 

ميرال ترفع حاجبها _ اووكي... يلا عاوزة اكول جهزلي

#سليم

كنت عارفها بتضحك عليه علشان تهرب.... بس محاولتها عجبتني وخوفتني في نفس الوقت.... خبثها وابتسامتها وعيونها يشدو اي حد ولازم انتبه علشان متنجحش في اللي عاوزاه 

قفلت عليها،، وروحت البيت لقيت بابا وماما هناك 

سيف _ اخر حاجه اتخيلها انك تطلع بدهاء ده

سليم _ عامل إيه... عامله إيه يا ماما

مسك _ بقا كده ياسليم

سليم _ انتو زعلانين اني جيت  ولا  إيه 

مسك _ مش عارف زعلانين ليه 

سليم _ لا مش عارف 

سيف _ خطفت بنت خالد وتقول مش عارف 

سليم  _ انا اتجوزتها بعقد رسمي علي يد مأذون 

سيف  _ يابني انت كده  بتلعب بالنار 

سليم بتنهيده _ النار دي كانت تاكل فيه  من صغري ودلوقتي بس بدأت تبرد  

مسك _ بردت بجوازك من بنته يعني 

سليم _ اه....  خدتها منه وهو  معندهوش اغلي منها 

سيف _ يعني  ده  السبب  مش  علشان  حبيتها 

سليم  _ حبيتها،  امال هتجوزها ليه 

مسك _ طيب  وهتعمل ايه  مع  ابوها

سليم _ هتعرفو كله في  وقته 

سيف _ انا  خايف  عليك يا سليم 

سليم _ متخافوش.......  فين  أسر 

مسك  _ راح يحجز القاعه  ويشتري خاتم الخطوبه 

سليم _ خطوب مين 

مسك  _ خطوبته على  روما 

سليم يزفر بزهق _ يااربي،  ملقاش غير  دي يعني

سيف  _ هو  أصر عليها  نعمله ايه 

سليم _ طالما أصر لازم  يتجوزها طبعا.....  داخل  اخد حآجه  وامشي

مسك _ استنا.! انت تعرف  حآجه  عنها  ومخبيها 

سليم  _ لأ 

مسك _ امال ايه معنا كلامك ده 

سليم _ يعني انتو عاجبكم  طريقه  لبسها وكلامها 

سيف  _ انا  عن نفسي  معجبنيش 

مسك _ ولا  انا  ،  عائشة  احسن  منها  بكتير بس  هو  عاوزها نعمله  ايه

سليم _ هو  حر 

#شدن   

كنا في الاستديو انا  وبابا واحمد والملحن،  وبابا  كان  فاتح  الاب توب وفجأه  سكت وشكله شاف حآجه 

شدن  _ في  ايه يا بابا 

زين _ مش  عارف  ايه الاخبار  دي...  شوفي 

شدن  تاخد الاب توب وتقرا خبر هروب ميرال مع سليم 

شدن  تداري دموعها _ اه شوفته

زين  _ معقول  يكون  حقيقه 

شدن  _ لحظه  وراجعه 

طلعت  من الاستديو  واتصلت ب أسر ولما  سألته قالي  ان الخبر  صحيح،  كتمت حزني واحساسي بالخيبه في  نفسي  ورجعتلهم تانى، وحاولت ابان عادي، واحمد شكله لاحظ، ولما  حسيت  اني  مش  قدره اتحمل  واني هيبان عليه  ، سبتهم وطلعت   واحمد  جه ورايا يجري 

احمد  _ شدن  استني.....  انسه شدن   

(شدن توقف) 

أحمد _ مشيتي ليه 

شدن تحبس دموعها _ مش هكمل 

أحمد _ ليه بقا 

شدن دموعها تلمع في عينيها _ هكمل ليه،  ..  اللي  كنت  هعمل  كده  عشانه راح  لغيري

أحمد _ تعملي  كده  علشان  نفسك 

شدن _ خلاص يا احمد،  انسا كل  حآجه،   

أحمد _ ما تروحي  تمو*تي نفسك  احسن...  كل ده  علشان  واحد  مش  عاوزك 

شدن بدموع _ ولا اموت نفسك  ولا  حآجه  ،  بس انا  مش  هغني،  ولا عاوزة  اعمل  حآجه  خالص  ...  

أحمد _   مكنتش  فاكرك ضعيفه  كده 

شدن _ انا كان  قدامي  هدف عاوزة اوصله بس  دلوقتي  خلاص  مبقاش  موجود 

أحمد _ براحتك...  اتفضلي 

شدن _ ايه ده 

أحمد  _ مفاتيح عربيتك 

شدن  _ وبتدهملي ليه 

أحمد _ مش هشتغل تاني معاكي،  شوفي  حد غيري 

شدن _ أحمد  انت برا الموضوع  من فضلك  مدخلش الدنيا  في  بعضها 

أحمد _ انا  مش  أحسن  منك...  انتي  كنتي  بتعملي  كده  علشان  سليم يحبك  وانا  كنت  بساعدك عشان تنجحي ف حاجه...  بس  فشلت معاكي...  هنسحب زيك اتفضلي  ( يمسك يدها ويضع بها المفتاح  ويمشي)  

شدن تروح  وراه وتوقفه _ انا  مش  موافقه انك تسيب الشغل  دي ملهاش  علاقه  ب دي

احمد _ انسه شدن   انا  مش  هرجع في  قراري

شدن _ هزعل منك بجد 

أحمد  _ مش هرجع في كلمتي 

شدن بتنهيده _ طيب  خلاص  انا  هكمل 

أحمد _ هتكملي ايه

شدن _ هكمل الاغنيه

أحمد _ مش واثق

شدن _ هكمممل،  خلاص  اسكوت بقا عشان انت  بقيت  استغلالي

أحمد بإبتسامة _ وانا  عملت ايه 

شدن  _ بتهدد انك  هتمشي 

أحمد _ يعني  يفرق معاكي امشي  ولا  لأ 

شدن  _ أكيد،  

أحمد بإبتسامة  _ متشكر 

شدن _ العفو  بس  ممكن  منرجعش الاستديو  دلوقتى  وخلينا نمشي بالعربية  شويه

أحمد  _ طيب  ،  يلا بينا 

............ 

في  العربيه 

أحمد _ مالك 

شدن  بشرود _ نفسي  اعرف  فيها  إيه  زيادة  عني 

أحمد _ هي  مين 

شدن  _ اللي  هرب معاها 

أحمد _ يمكن  حبها

شدن _ ومحبنيش انا  ليه،  هو  عارف  اني  بحبه  من زمان،  معقول  ولا  مره  حس بحاجه  نحيتي 

أحمد  _ قلوبنا مش  بأدينا،  هو  محبكش ومخدعكش ولعب بيكي  ...  المشكله عندك  انتي 

شدن _ المشكله عنده هو...  اللي  يلاقي حب واهتمام من حد طول سنين وميفكرش فيه لحظه  ،  يبقا هو  قلبه قاسي و وحش

أحمد _ طيب  خلينا نفترض حآجه صغيره 

شدن  _ إيه 

أحمد  _ يعني  فرضآ،  حد  تاني  كان  بيحبك في  الوقت  اللي  انتي  مشغوله  ب سليم  ده،  واظهرلك حبه،  هتحبيه لمجرد انه بيلفت انتباهك

شدن  _ في. كتير  حاولو معايا  وحسيت انهم بيحبوني فعلاً،  بس  انا  ولا  مره  فكرت فيهم  عشانه هو 

أحمد _ يعني  انتي  خليتي ناس  تانيه  تحس نفس احساسك ده،  واكيد في. منهم كويس  ومفهوش عيب ميتحبش عشانه 

شدن  _ صح 

أحمد  _ طيب  زعلانه  ليه  بقا 

شدن _ عندك  حق،. بس مش  سهله  زي مانت  بتحكي،  احساس  صعب  صدقني  ...  عارف  يعني  ايه  تفكر  في  حد طول  الوقت وبعد  الصد والرفض تلاقيه مع حد  تاني 

أحمد _ عارف احساسك كويس، اقدر  احسه دلوقتى 

شدن  _ مش  هتحس غير  لما  تجرب،  الموضوع  مش  بالكلام 

أحمد  بإبتسامة  خفيفه _ عندك  حق 

#أحمد 

مش  عارف  حصل  امتي  وازاي،  بس بقا التفكير فيها  حآجه  أساسية  في  يومي،  بقيت  حاسس انها مسؤله مني،  وكأنها بنتي،  بحب  اوي اشوفها مبسوطه،  وبحب حبها لصداقتنا اللي  جت فجأه،  وبحب رقتها وجنانها،  بحبها كلها على  بعضها،  لكن  للأسف مينفعش حتي  احلم اقربلها اكتر من  سواق وصديق بالكتير 

في  حديثنا ده كررت كلمة مش  هتحس احساسي اكتر من مره،  ومتعرفش ان كلامها بيأذيني وبيقطع فيه،  مش  عارف  ازاي  قدرت اكون بالبرود ده  قدامها وموصلهاش احساسي اني  نفسي  انفجر فيها  واقولها تبطل او اضرب دماغها في  العربيه واخرسها 

شدن تنظر لخارج السياره لتسقط دمعه منها  وتمسحها سريعآ 

أحمد _ انتي  كويسه 

شدن بصوت متحشرح _ اه

أحمد  يوقف العربيه _ في  اية،  انسه شدن 

شدن بدموع  _ مخنوقه 

أحمد يحاول مسك  يدها ولكنه لا يتجراء

شدن  بدموع _ انا تعبانه اوى 

أحمد _ مفيش  حد  يستاهل  دموعك دي،  بتعملي  في  نفسك  كده  ليه 

شدن  بدموع  _ دي علشان  نفسي،  ازاي  قدرت  اقلل منها  بشكل  ده 

أحمد _ اسكوتي بس  تعرفي ايه  انتي  عن التقليل من  النفس... كنتي  جيتي  شوفتيني لما  وقفت شعري بالجيل وفتحت القميص لغيت الصره في  وقت ما كنت  معضم وعضمي مكسي بالجلد بس

شدن تركز معاه _ كمل 

أحمد _ كان  عندي بنت جارتي  حلوة  اووووي ومكنتش تعبرني ف روحت  سرحت  شعري  وحطتله جيل وفتحت  القميص ولبست سلسه وجبت ورده و وقفت تحت  البلكونة  وندهت قولت  يا محمد،  ف طلعتلي هي  ف هوب حطيت الورده  بين  سناني وعملتلها قلب بينبض بأيديه 

شدن  _ وعملت معاك ايه

أحمد  _ ندهت اخوها. و ابوها  وعيال عمها اللي كانو  عندهم   ،  ونزلو فيه  ضرب ضرب  وفين يوجعك واتحجزت شهرين  في  المستشفى  وجسمي كله كان مربط زي نصه في  الغبي منه فيه 

شدن  _ هههههههههههههههههههههههه

أحمد  يبتسم لضحكتها _ شوفتي الحب وعمايله 

شدن  _ ههههههههههههههه،  انا  دلوقتي  متخيله شكلك  وانت معضم وفاتح القميص  وشعرك الواقف زي ما يكون  حد  مكهربك 

أحمد _ الكلام  ده  كان  في  ثانوي،  بس اوووعي حد  يعرف،  انا  سبت الحته كلها  بسبب الموقف  ده 

شدن  _ ههههه مش  هقول  لحد 

أحمد  بإبتسامة  _ شكراً 

شدن  تتلاشا ابتسامتها _ انا  عارفه  انك  مألف القصة  دي 

أحمد  _ لا،  دي حقيقه 

شدن  _ مش  حقيقه،  انا  فاهمه 

أحمد  _ امال  ضحكتي ليه 

شدن  _ تخيلت اللي  بتقوله 

أحمد  بإبتسامة  _ انفع امثل يعني 

شدن  _ اه تنفع 

أحمد  _ الله  يكرم اصلك 

شدن  _ ههههه...  اقولك  حآجه 

أحمد  _ قولي 

شدن  _ انا  محظوظه ان عندي  صديق  زيك

أحمد بغرور مصتنع _ انا  كده مكسب لأي  حد 

شدن  _ ههههه  سحبت الكلمه 

أحمد  _ مفيش حاجه تتسحب عندي،  انا  خدت كلامك  وسجلته هنا  ( يأشر علي  راسه) 

شدن _ ههههه  طيب  ....  ايه  ده  شايف 

أحمد _ ايه 

شدن  _ بتاع غزل البنات  

أحمد _ عاوزة 

شدن  _ اه دقيقه  هجيب واجي 

أحمد  _ لا خليكي  انا  هجيب 

شدن تفتح  العربيه  _ لا خليك انت

طلعت  تجري وراه زي العيال  الصغيره،  وجابت منه  اتنين ورجعت وهي  مبسوطه وكنت  شايف  ابتسامتها  وشعرها بيتموج وراها،  بقيت  ابصلها شويه لغيت ما قربت وبعدين لميت نفسي علشان متخدش بالها

شدن تدخل  وتقفل باب  العربيه  _ خد 

أحمد _ لا 

شدن _ لا ليه  انا  جايبه علشانك 

أحمد  _ ماهو 

شدن  _ ماهوشي،  خد يلا 

انا  الحلو  بيتعبني وبيخليني مصدع ومش  بعرف  افتح  عيني،  بس اطريت اخده منها  ،  وهي  بدأت  تاكول وبهدلت وشها   

شدن  بإبتسامة  _ جميل  الشخص  اللي  اخترع غزل البنات 

أحمد  بإبتسامة  _ طيب مليتي وشك

شدن _ انا  بحب  اكول غزل البنات  بشراسه كده 

أحمد _   شعرك لزق في  وشك بسببه 

شدن  _ ههههه لو لمسته هيتبهدل اكتر،  سيبه لما  اروح 

أحمد يمد يده ويبعدهم عن وجهها لتنظر ليده ثم تنتقل بعينها  له وهو مستمر في  ازحة شعرها  الملتصق بوجهها، ويده تلامس  وجهها، لتلتقي عيناهم للحظات،  وبعد  ذلك  تنظر ليده  مره  اخرى وتبعدها 

أحمد  بارتباك  _ كدا  تمام 

شدن  وهي  تنظر من الشباك  _ شكرا 

أحمد  _ احم....  خدي دي 

شدن  _ لا دي بتاعتك  انت 

أحمد  _ هركز في  السواقه ومش  هينفع  اكول

شدن _ كلها وبعدين  اطلع 

احمد _ بصراحه  الحلو  بيتعبني، 

شدن تنظر له _ اه....  طيب  مش  مشكلة  ،  هاتها

احمد  _ اتفضلي 

#عائشة

قال بيحبني قال، والنهارده خطوبته علي روما.... انسان مهزوز  ومش عارف هو عاوز ايه

اشتريت فستان جديد وشيك وغير استايلي خالص بس مقفول وباكمام، وحطيت مكياج ، وكنت طالعه شكلي حلو اوووي، وانا كنت قاصده اني اطلع حلوه علشان يعرف انه ولا فارق معايا،وروحت بس باسم مراحش عشان عنده ظروف تمنعه  

#أسر 

بدأت الحفلة والناس كلها جت، الا هي وباسم، كنت فاكرهم مش هيجو، بس خلفت ظني وجت وهي متشيكه اوي،ولابسه فستان موڤ طالع شكلها حلو بيه،، وانا مجرد ما شوفتها داخله وانا مقدرتش اركز مع حد غيرها، وشايفها هي وبتحضن البنات ومبتسمه، وبعد ما خلصت مع البنات، جت عندنا وهي لسه محافظة علي ابتسامتها، قال يعني عاوزة تفهمني انها ميفرقش معاها

عائشة تحضن روما _ ااالف مبروك، عقبال الفرح

روما تمط شفتيها وتبصلها بكيد _ ميرسي 

عائشة ترد عليها بإبتسامة، وتنتقل ل أسر وتمد يدها وتسلم عليه

عائشة بإبتسامة _ الف مبروك

أسر وهو متمسك بيدها _ الله يبارك فيكي 

عائشة تحاول افلات يدها ولكنه يظل متمسك بها لتنظر حولها لتاكد ان لا أحد يلاحظ

عائشة _ هروح اسلم على الباقين، سيب ايدي

أسر بصوت خافت _ أول مره اشوفك متشيكه كده، وكمان فرحانه

عائشة تشد يدها _ ومفرحش ليه، لصديقي 

أسر _ طيب وريني هتقدري تبتسمي كده ل امتي،

أسر يحتضن روما التي كانت تنظر للباب بترقب_ مبروك حبيبتي 

روما _ هه... الله يبارك فيك ياقلبي 

أسر يمسك وجهها بيده ويقبلها ثم يبتعد عنها وينظر ل عائشة _ انتي لسه واقفه هنا... اتفضلي اقعدي مع البنات

عائشة بإبتسامه ظاهريه _ اه طبعاً

قعدت مع البنات وطول الوقت بتضحك وتهزر،.. مع استمرار محاولاتي إني اضايقها، بس هي اللي قدرت تضايقني، علشان كده روحت و وقفت قدامها وطلبت منها تيجي معايا 

عائشة _ قاعده مع البنات

أسر بغيظ _ قولت قومي 

عائشة تنظر حولها بتوتر _ طيب 

طلعت واستنيتها بره في حته جمب القاعه بعيد عن الرايح والجاي 

عائشة _ في ايه

أسر بغيظ _ مبسوطه باللي بيحصل ده... وكمان جايه لابسة فستان لاول مره في حياتك، واي المكياج ده

عائشة _ انت جايني هنا علشان تسأل علي المكياج

أسر بنرفزه _ هضربك يا عائشة

عائشة _ وانا عملت ايه، مش انت اللي عزمتني 

أسر _ عزمتك عشان تحسي على دمك وتعرفي اننا ممكن نخسر بعض مش علشان تيجى وتضحكي 

عائشة _ شوفو ازاي... مين بيتكلم.... امال ايه الاحضان والبوس اللي في العلن دي

أسر _ وياريت نفع فيكي، بالعكس دي انتي قاعدة ومبسوطه وبتضحكي عادي ولا حسيتي 

عائشة _ ومضحكش وامبسط ليه، واحد وخطيبته بيحبو في بعض انا مالي

أسر يمسكها من دراعتها بغيظ _ بطلي برود،   تعرفي تبطلي ولا اموتك دلوقتي 

عائشة تنظر له _ اتعلمت البرود بسببك.... سنين وانا مرزوعه جمبك وانت علي طول بارد.... فرصتي ابرد شويه 

أسر _ يعني بتعترفي انك بتحبيني

عائشة تبعده عنها _ لأ

أسر يدور بزهق ويعود لها _ أش ، احنا لسه في الاول، بطلي عناد

عائشة _ أنا بنسبالي معنديش اي مشاعر ليك،.. وانت روح خطيبتك مستنياك 

أسر يضع يده على وجهها وهي تحاول ابعاده ولكنه يتمسك بها اكثر 

عائشة _ أسر كفايه لو حد جه هتبقا مشكله 

أسر _ بحبك 

عائشة تشد يده وهو يبعد يدها _ أسر قولتلك كفاية مينفعش كده 

أسر يهزها بيده _ انتي مينفعش معاكي غير كده، وغصب عنك هتعترفي انك بتحبيني لاما هطلع روحك ف ايدي  

عائشة  _ بردو مش بحبك 

أسر بنرفزه _ بقولك هموتك 

عائشة ببرود _ مش بحبك 

أسر _ متعصبنيش 

عائشة _ اتعصب، وبردو مش بحبك، ولا هحبك،انت كفاية عليك روما، وسع بقا لا الم عليك الناس

أسر يدفعها بغيظ _ عارفه انا دلوقتي اللى مش بحبك، وروحي يلا من هنا هو انا هشحت منك...  يلا روحي

عائشة تمشي خطوات وهو يمسك بها وتدمع عينه _ رايحة فين

عائشة _ ماشيه

أسر بدموع _ عمرك ما كنتي قاسيه كده

عائشة  _ عشان كده كنت بتيجي عليه كتير، انا مش امك علشان تغلط واعدي

أسر _ انتي اللي عودتيني انك هتفضلي معايا مهما اعمل.. اشمعنا دلوقتي هتمشي وتسبيني 

عائشة _ علشان كبرت ولازم تعتمد على نفسك بقا... يلا ارجع ل روما 

أسر يوقفها امامه _ اخر فرصه لينا، فكري 

عائشة _ ارجع لخطيبتك يا أسر 

أسر _ بس انا عاوزك انتى

عائشة تبدء بالبكاء _ بقولك ارجعلها، وامشي زمان باسم جاي 

أسر ينظر لعينيها مره وشفتيها المرتجفه مره،  ليمسح دموعها ويمسك وجهها  بين يديه ويقبلها وهي  تغمض عينيها تاركه خلفها كل شئ  ،  

مسك _ أسر 

أسر  يبتعد  عنها  وينظر  له لتبادله النظرات ويدها ترتجف ثم  يهمس لها _ متخافيش 

عائشة بدموع _ انا  ماشيه  ،  ( تبعده عن طريقها وتمشي  وهي  تشعر بالحرج من مسك) 

أسر  يحك حاجبه وهو  يشعر بالحرج _ ماما 

مسك  تضربه بالقلم  _ دلعتك كتير  لدرجة  مش  عارف  الغلط  من الصح 

أسر  يغمض عينه ويتنهد _ انا  وهي  بنحب  بعض 

مسك  _ ولما  انتو بتحبو بعض  كل  واحد. مخطوب لواحد  تانى  ليه  ...  ولا  فاكرين نفسكم في  مسلسل  تركي 

أسر  _ انا  قولتلك  اني  مفهمتش غير  لما  اتخطبت،  ولما  حاولت اعمل  حآجه  صدتني ف خطبت عشان  اغيظها

مسك  _ بس ده  غلط،  مينفعش تخونو اللي  مرتبطين بيهم بشكل  ده 

أسر  _ هي  مش  راضيه  تتنازل وتعترف....  لو هي  قالت  انها  عاوزاني  انا  هسيب روما  فوراً 

مسك  _ يااااحبيبي،  يعني  مقالتش عاوزاك وبتبوسها عادي  كده 

أسر  _ اللى  حصل  ده  مكنش  مترتبله،  

مسك  _  طيب  انت لازم  تنهي علاقتك ب روما  دي وبعدين  نشوف  صرفه مع  عائشة 

أسر  _ مش  قبل  ما اعرف اخري معاها

مسك  _ يابني  ده  غلط  ميصحش

أسر _ كله هيتظبظ،  متشغليش بالك 

  

#سليم 

روحت  الخطوبه  في  اخر  لحظة  علشان  أسر  ميزعلش،  ولما  وصلت  دخلت  سلمت عليه  

أسر  يحضنه _ وحشتني  ....  انا  اسف 

سليم  يبتعد  عنه _ ولا يهمك... الف مبروك 

أسر  _ الله  يبارك  فيك  ،  بس  ينفع  تخطف البنت وتجوزها من ورانا 

سليم  ينظر لروما ويعاود النظر ل أسر _ اصلي بحبها  ،  وقعتني بخجلها وأدبها واحترامها لنفسها 

(روما  تنظر له وهي  تستشيط غضبآ) 

أسر _ يااااه ده  انا كنت صدقت  انك  مبتحسش

سليم  _ لا بحس،  ربنا  يخليهالي...... احم، مبروك انسة روما 

روما _ شكرا

سليم _ طيب يا حبيبي انا همشي بقا

أسر _ انت لسه وصلت

سليم _ عريس جديد بقا وهي بتخاف لوحدها 

أسر _ ههههه لا حقك طبعا، 

سليم يرمقها بنظرات احتقار ويذهب وهي تذهب خلفه علي غفله من أسر وتصله عند سيارته 

روما _ مبروك يا عريس

سليم بدون النظر إليها _ كان نفسي اباركلك انا كمان بس للأسف مش هتوصلي للفرح ( ثم يدلف لسياره)

روما _ هيتم وهسكن معاكم في نفس البيت

سليم يتجاهل كلماتها ويذهب 

دي عاوزة الواحد يفضالها وبعدين نربيها براحه، بس اخلص من خالد وافوقلك

#فرح

روحت المستشفى، ولفيت علي المرضا، ولما دخلت الاوضة اللي عمي ياسر كان فيها، لقيته هناك مع انه خف خلاص ومش محتاج يقعد هنا تاني، ومش عارفه الدكتور سامح بكده ليه

فرح _ حضرتك لسه هنا لية

ياسر بإبتسامة _ السرير هنا مريح، واتعودت اشوف الوش الحلو ده كل يوم

فرح بإبتسامة مجاملة _ اه...... على العموم حضرتك منور... استاذنك 

ياسر _ مدتنيش الدوا 

فرح _ اه..... حاضر، لحظه واحده 

ادتله الدوا وجيت امشي ف وقفني بكلامه

ياسر _ ولدتك عامله إيه

فرح _ كويسه 

ياسر _ عارفه انك تشبهيها بشكل كبير

فرح _ اه ماهي امي 

ياسر بإبتسامة _ انتو الاتنين جميلات 

فرح _ طيب حضرتك عاوزة حآجه منى

ياسر _ اقعدي معايا شويه 

فرح بوجه عابس _ لازم اشوف المرضى، عن اذنك 

ياسر _ طيب خلصي وتعالي اقعدي معايا شويه

فرح تتنهد بزهق _ في ايه يافندم، هو مفيش غيرك اشوفه... حضرتك خفيت قاعد ليه تانى

ياسر _ الدكتور سامح نفسه مرضيش وقال لازمني رعاية

فرح _ اه طيب... عن اذنك 

طلعت من عنده وانا مخنوقه منه ومن اسلوبه، الراجل يطلع قد ابويا ومش مراعي سنه... كنت عاوزة اشتكى ل دكتور سامح بس مش عاوزة ازعلهم من بعض،وخصوصآ انهم بيحبوه

بعد  ما خلصت شغل  طلعت  من المستشفى،  ف لقيت  جواد واقف بالعربية ولما  شافني فتحلي باب  العربيه وانا  دخلت 

فرح  _ انا  كنت  فكراك سافرت 

جواد  _ انا  مسافر  على  كده  بس  حبيت  اشوفك قبل  ما امشي   

فرح  بإبتسامة  _ وانا  كمان  كنت  بتمنا اشوفك 

جواد  يغمز _ شكلنا وقعنا ولا  إيه 

فرح  _ ههههه  مش  بوقع انا 

جواد _ امال  انا  ليه  حاسس  انك  وقعتي

فرح  بإبتسامة  _ احساسك  غلط 

جواد  _ يا خسارة  .....  مش  مشكله  مسيرك توقعي زي ما  انا  وقعت كده 

فرح  بخجل  _ ماشي 

جواد  ينظر لها  بإبتسامه  _ بحبك يافرح 

فرح  يحمر وجهها خجلآ _ انا  لازم  انزل  

جواد _ ههههه،  طيب  روحي  ،  مش  هقولك  اوصلك  علشان  امك بتزعل

فرح _ لما  توصل  كلمني

جواد  _ حاضر  ...  خلي بالك  من نفسك 

عشق_بالخطأ

  •تابع الفصل التالي "رواية عشق بالخطأ" اضغط على اسم الرواية