رواية في زمن الحب الفصل الرابع 4 - بقلم همس كاتبة
جاسر : تتجوزيني ؟
انصعقت من كلامه و نظرت له بصدمة
حياة : ايه ؟؟؟؟
جاسر بهدوء : بقولك تتجوزيني ؟
حياة : لااا دي شكلها راحت منك خالص … انا همشي
جاسر بسرعة : استني بس … طب ممكن تفكري كويس و انا هستناكي
حياة بجدية : بص يا جاسر بيه … انا فاهمة حضرتك كويس … انت مقدرتش توصل لطلبك بسهولة فقولت اتجوزها و اتسلى بيها يومين .. و بعدين ارميها و لا ايه الي خليك تطلب وحدة للجواز انت متعرفهاش كويس …. بس انا اسفة انا مش من النوع ده … و اعتبر طلبك مرفوض
جاسر بانفعال : انتي ليه مصممة تفهميني غلط ؟؟ اقسملك بالله انا غرضي شريف و فعلا انا عايز اتجوزك على سنة الله و رسوله … و مفيش عندي اي نوايا اني اضرك لو واحد بالميه … انا بجد شايف فيكي البنت الي انا عايزها … انا ما صدقت لاقيتك و عايزك بالحلال .. طب اقولك .. اسالي تمارة بنت عمي عني … انا لو من النوع الي انتي بتقولي عليه كان زماني نصبت على يارا و غيرها قبلك
حياة : بس انا ليا اهل يا جاسر بيه و لو كان غرضك شريف زي ما بتقول كنت دخلت البيت من بابه
جاسر : انتي هتشليني ؟ هو انا بقولك تعالي نتجوز عرفي ؟ انا عايز اعرف لو في قبول و لا لا عشان اتقدم رسمي
حياة بتفهم : بص يا جاسر انا اسفة على الي قولته ده .. بس انا فعلا مش جاهزة للجواز و انا مش رافضاك انت بالتحديد .. انا رفضة الفكرة من الاساس … و بعدين انا معرفكش كويس .. و لو فرضنا انك جيت و اتقدمتلي تقدر تقولي هتيجي مع مين ؟ و لو حصل و جيت لوحدك تفتكر اهلي هيوافقو يجوزوني لواحد مقاطع اهله ؟
جاسر : حياة ارجوكي ما تقطعيش نصيبنا بايديكي … خدي وقتك و فكري كويس و من ناحية اهلي ما تخافيش هجيب اخواتي و امي و تيتة معايا … بس انتي فكري و هكون اسعد انسان بالدنيا لو وافقتي
حياة نظرت له بسرحان و قالت : قد ايه انت غريب .. معقول عايز تتجوز بنت ما تعرفهاش غير من يومين
جاسر : بصي يا حياة صحيح انه انا و انتي ملناش مدة عارفين بعض بس انا لاقيت فيكي الصفات الي انا عايزها بالزبط .. انا محتاجلك بحياتي … و لو عندك اي شروط انا جاهز .. و ممكن اساعد اخواتك يزبطو شغلهم و يوقفو على رجليهم تاني و انا هتكفل بعلاج ابن اخوكي و ممكن اعملك الي انتي عايزاه و هدخلك هندسة و اساعدك تحققي كل احلامك بس انتي وافقي و هتلاقيني خاتم بصباعك
وقفت حياة و قالت بهدوء : انا لازم امشي .. هفكر و اكلمك
جاسر بسرعة : طب هاتي رقم موبايلك
**************
تمارة : يارا انتي ليه عايزة جاسر ؟ طالما هو مش بيحبك سبيه بحاله .. انا بتكلم علشانك … بكرا هتندمي اوي على الي بتعمليه ده … ما تضيعيش نفسك عشان حد مش سائل فيكي اصلا
يارا بدموع : تمارة انا بحبه … يمكن مش هتقدري تفهمي كلامي بس انا بجد مش قادرة اعيش من غيره … انا وصلت بيا اني فكرت بالانتح..ار …. انا بعشقه حتى لو مهما عمل فيا .. مستعدة اعيش خدامة تحت رجليه بس يفضل جنبي … انتي مش فاهمة انا بحبه ازاي
تمارة بشفقة : يارا انتي بنت عندك كل المميزات الي اي حد يتمنى ربعها بس … انتي بنت حلوة و رشيقة و ذكية و ناجحة و غنية و اي حد يقدر يتسند عليكي … بس جاسر مش شايف الحاجات دي … صدقيني ممكن تحبي حد تاني هيصونك و يحبك بجد بس انتي افتحي قلبك و انسي جاسر بقا
يارا بانهيار و دموع : مش قاااادرة يا تمارة مش قادرة … جاسر ده هو حياتي .. انا عايشة عشانه … من غيره مش هقدر اعيش
قربت تمارة من اختها و حضنتها بقوة
دلفت نجاح و قالت : مالكم في ايه
مسحت يارا دموعها بسرعة
تمارة : مفيش يماما بس كنا بنحضر مسلسل و عيطنا
نجاح : انتو مش هتكبرو بقا .. هتفضلو تافهين طول عمركم .. قومي انتي و هيا ساعدوني بالغدا
تمارة : ماما صحيح طنط نرجس ( والدة جاسر ) هترجع من الدنمارك ؟
نجاح : اه كلمتني و قالت عايزة تشوف جاسر و تطمن على اولادها
يارا : حلو اوي .. يعني ممكن تقنعه يرجع لبيت عمي
نجاح : الله اعلم
*******************
عند حياة
كانت تمشي بالطريق سرحانة و بتفكر بكلام جاسر
فجأة توقفت و قالت : ايه ده ؟؟ هو ازاي عرف عن شغل اخواتي و كمان ان ابن ادم تعبان ! يعني هو مراقبني كويس
فتحت باب الشقة و دخلت بدون حس … كانت سارحة تماما و دخلت اوضتها
حنين : مالك يا حياة ؟
حياة بشرود : طلب ايدي
حنين بصدمة : هو مين
حياة : جاسر
حنين : جاسر مين يا بت انطقي
حياة : ابن عم تمارة
حنين : يا بت ركزي معايا … انتي مهنجة كدة ليه ؟
حياة بانتباه : حنين انا خايفة و متوترة جامد … اعمل ايه ؟
حنين : اتكلمي بالتفصيل حصل ايه بالزبط
حياة : جاسر بقاله كام يوم ملاحقني … ده حتى مأجر شقة بالشارع ده … تخيلي عرض عليا الجواز
حنين بابتسامة : و على كدة انتي بتحبيه ؟
حياة بسرحان : مش لدرجة اني احبه .. بس انا معجبة بيه اوي …. وحاسة كأن حاجة ضايعة مني ولاقيتها
حنين : شكلك بتحبيه يا بت
حياة : يا حنييين .. الله بقا
حنين : ما تتكسفيش .. عادي ده هيبقى خطيبك و بعدين جوزك … مفيهاش حاجة لو اعترفتي بحبك
حياة : انتي اكيد راحت منك … ايه سرحتي بخيالك … هو شكله عايز يتسلى و خلاص
حنين : ما تبقيش فقرية … الراجل شاريكي و قلبك مايله .. هتلاقي زيه فين
حياة : مش عارفة يا حنين بس انا مش مطمنة
************************
مرت عدة ايام
جاسر : طلبتي تقابليني …في ايه
يارا : جاسر … انت ابن عمي و اكتر حد انا بأمنله …. انا عايزة اقولك اني تغيرت .. انا محتاجالك كاخ و صديق ليا … مبقتش عايزة موضوع الجواز ده … انا فعلا كنت انانية … و دلوقتي نفسي تكون جنبي .. انت عارف انا معنديش اخوات اولاد … و صدقني عمري ما هكرر الي عملته ابدا
جاسر بهدوء : بصي يا يارا ..انا طول عمري بعتبرك انتي و تمارة زي اختي لينا بالزبط و عمري ما هبصلك غير كدة … و انا فعلا مبسوط من الكلام الي قولتيه ده و بتمنى يكون حقيقي
يارا بابتسامة جذابة : اوعدك انه بجد .. و هتشوف بعنيك
جاسر بابتسامة : حلو اوي ..ربنا يقويكي
يارا : جاسر انا بفكر اسيب الشغل مع بابا .. اصله ما بقاش يجيب همه
جاسر : بس دي حركة مش حلوة منك ده مهما كان باباكي و هتسيبيه بوقت صعب و انتي عارفة انه بيعتمد عليكي بكل حاجة
يارا : انت شايف كدة ؟
جاسر : طبعا … لازم توقفي جنبه و تساعديه
يارا : اوك … صحيح سمعت انك اشتريت مصنع .. ده حقيقي ؟
جاسر : اممممم .. عايز ابدا لوحدي … و ان شاء الله بفترة بسيطة هكبر المشروع
يارا : ان شاء الله ربنا يكون معاك
*********************
عصام : حياة تعالي شوية عايز اتكلم معاكي بحاجة
حياة : اتفضل
عصام : بصي يا حياة … انتي من ساعة ما خلصتي الثانوية و بيتقدملك عرسان بالهبل و كنتي بترفضي من غير اسباب واضحة صح ؟
حياة : تقريبا
عصام : كنا بنقول لسا صغيرة بس دلوقتي سنك بقا مناسب للجواز .. و المرادي متقدملك حد مناسب جدا و ما يترفضش … عايز اقولك اني عايزك تقعدي معاه و تاخدي وقتك و تفكري كويس
حياة : حاضر
عصام : حياة انا مش بهزر و حركات التطفيش بتاعتك ما تمشيش عليا … بصي من الاخر الراجل ده داخل معايا شغل و لولاه مش هنقدر انا و ادم نشتغل و انتي طبعا عارفة انه بابا ما بيبعتش فلوس تاني و قال انه مش هيبعتلنا حاجة … انا مش بضغط عليكي يا حياة .. انتي اختي و مصلحتك تهمني و مش هرميكي لاي حد … بس الي بطلبه منك دلوقتي هو انك تديه فرصة و تفكري كويس …بلاش شغل التطفيش و المقالب ده
حياة اخذت نفس و قالت : حاضر
***************
بعد وقت
في الكلية
تمارة : مالك يا حياة في ايه ؟؟ انتي الفترة دي مش طبيعية خالص
حياة اخذت نفس عميق و قالت : مفيش بس بابا وحشني عشان كدة
ريم : معلش يحببتي ان شاء الله هيرجع بالسلامة
تمارة : طب هو ليه سافر يشتغل في المانيا .. يعني مش غريبة بعد العمر ده كله يسافر و لوحده
حياة : لا عادي ده رزقه … المهم احكيلي انتي حصل ايه مع يارا
تمارة : مش عارفة البنت دي مالها … هتجنني .. مش هتتنازل عن جاسر ولا باي شكل …نفسي تفهم انه مش بيحبها و تبعد عنه بقا اما زهقت
حياة : طب و هو عمل معاها ايه
تمارة : منفضلها و لا حتى بيسال على حد .. تخيلي مامته رجعت من الدنمارك علشانه … قال عايزة تحل الخلاف الي حصل مع اهله .. و يارا فرحت اوي عشان تستعملها ورقة ضغط على جاسر
ريم : هو احنا كل ما هنقعد مع بعد لازم نتكلم على يارا و قصصها .. و انتي يا حياة ليه مهتمة اوي كدة بموضوعها
حياة : لا مفيش بس انتي عارفة يارا كانت تقعد معانا كتير زمان و اخت صاحبتي اكيد يعني موضوعها يهمني
تمارة : صحيح و الله يارا بتحبك اوي يا حياة
حياة : القلوب عند بعض … المهم تعالو نشرب حاجة عشان هروح بسرعة
******************
محمد : انت بتقول ايه ؟ هتتجوز يا جاسر من غير علم اهلك ؟
جاسر : اه
محمد : يا جاسر بلاش الاندفاع ده .. كدة هتأدي نفسك و هتزعل عمي جامد … و ده ممكن يوقعك بمصيبة
جاسر : ولا فارق معايا … انا لاقيت البنت المناسبة و عايزك توقف معايا
محمد ؛عشان كدة ماما عايزة ترجع بسرعة
جاسر : بالزبط ..انا كلمتها
محمد : ماشي يا اخويا انت عارفني مستحيل اسيبك لوحدك و الف مبروك مقدما
جاسر : الله يبارك فيك .. انت اجدع واحد في اخواتي
قاطعمهم خبط الباب
قام جاسر و فتح الباب
جاسر بصدمة : حياة ؟
حياة بهدوء : انت سبق عرضت عليا الجواز قبل كدة و انا جاية ابلغك ردي
جاسر اخذ نفس و قال : اتفضلي
حياة : ************
- يتبع الفصل التالي اضغط على ( رواية في زمن الحب) اسم الرواية