رواية النصيب الفصل الرابع 4 - بقلم رحاب القاضي
النصيب
_الحلقه الرابعه
ـــــــــــــــــــــــــــ
_وبالليل في بيت شهد. كانت واقفه قدام ابوها وقالتله….
شهد
انا اطلقت يا بابا..
ضربها باباها بالقلم وقال
انتي بتقولي ايه اطلقتي ليييه عملتي ايه؟..
شهد ببكاء
ما عملتش حاجه انا تعبت بجد من العيشه دي، انتو جوزتوني لواحد ابن امه واخوه واهله. وانا اقل حاجه غنده انه يتحمل اهانتي من الكل، بس انا تعبت انا هناك شغاله عندهم مش بني ادمه..
الام فاطمه
خلاص يا بنتي تعالي بس اهدي وارتاحي هنا..
شهد بقلق
انا هشتغل اصلا لقيت شغل من فتره عند دكتور محترم وهظبطله مواعيد الكشوفات وهصرف علي نفسي
صابر
هو انا بتكلم علي الشغل انا بتكلم علي الفضيحه اللي هنبقي فيها طيب بصي لاخواتك اللي هتوقفي حالهم..
شهد
الفضيحه اني اقعد مع ناااس زي اللي كنت عندهم دول، ابوس ايدك يا بابا اوعي تخليني ارجع هناك تاني…
صابر بغضب
انتي هتترزعي هنا في البيت ومش هتشوفي الشارع لحد ما نشوف حل للمصيبه اللي انتي فيها دي..
_ وتاني يوم الصبح في بيت ادهم كان واقف في المطبخ بيجهز الفطار لنفسه وموبيله رن برقم سيده اللي شغلت شهد عنده رد عليها وقال..
ادهم
ايوه يا مدام سيده صباح الخير..
سيده
صباح النور يا دكتور ادهم، انا كنت عايزه اعتذر لحضرتك ان شهد مش هتقدر تكمل مع حضرتك الشغل..
ادهم
ليه كده هو حصل حاجه ولا ايه، دي كانت بنت كويسه..
سيده
ما هي اطلقت وبعدين كانت حماتها اللي بتشغلها ودلوقتي خلاص هتتحمل نصيبها..
ادهم
ازاي يعني هتتحمل نصيبها مش فاهم؟..
سيده
اصل اهلها من الناس المقفله ومن عداتهم لو البنت اطلقت بتقعد في البيت وما تشوفش الشارع لحد ما يجيلها نصيبها من تاني او جوزها يرجعها..المهم انا هشوفلك بنت تانيه تكون احسن من شهد وتستمر مع حضرتك..
ادهم
طيب علي خير مع السلامه..
_ قفل معاها ادهم وشال الفطار اللي جهزه وراح شغله، وعدي كام يوم وكان مدايق فعلا عشانها وفي بوم كان قااعد مع حسام صاحبه اللي قاله..
حسام
يا عم ادهم مالك من لما جيت وانت قاعد قالب خلقتك كده..
ادهم
فاكر البنت اللي كانت شغاله عندي شهد اللي قولتلك عليها قبل كده..
حسام
ايوه فاكرها مش دي اللي اطلقت واهلها حبسوها في البيت..
ادهم
ايوه مش عارف اطلعها من دماغي ما اعرفش بقي صعبانه عليا ولا ده تأنيب ضمير ان انا السبب في طلاقها..
حسام غمزله وقال
انت وقعت ولا ايه يا دوك..
ادهم
مش كل حاجه زي اللي في دماغك دي، بص انا عايز اشوفها وجيبت عنوانها من المدام. سيده اللي شغلتها عندي بس مش عارف اروحلها اقول ايه ولا اعمل ايه..
حسام بخبث
خد معاك ورد واخطبها واهو تلاقي واحده تاخد بالها منك بدل ما انت محتاس كده..
ادهم
دي عيله صغيره والله اشك انها اصغر من ال18 سنه واهلها مزورين سنها عشان يجوزوها، بص انا هروح واللي يحصل يحصل..
حسام
طيب استني هاجي معاك وهستناك في العربيه بس لاحسن تحصلك حاجه هناك..
_ وراحو فعلا للحاره اللي ساكنه فيها شهد واهلها، وحسام بص للمكان بقرف وقال..
حسام
الله يخربيتك ايه المكان ده؟..
ادهم
معقول شهد ساكنه هنا؟..
حسام
بقولك ايه يلا نرجع، وطلعها من دماغك البنت دي..
ادهم
مستحيل خليك انت هنا في العربيه وانا هروحلها..
حسام
طيب ماشي يعني هتروح تعمل ايه؟..
ادهم
هطمن عليها هريح دماغي من كمية الافكار السلبيه اللي فيها..
_ ونزل ادهم وفضل ماشي في الشارع وهو مستغرب الناس اللي حواليه لحد ما وقف قدام قهوه وسأل محمد اخو سعيد اللي كان قاعد هناك وقاله.
ادهم
لو سمحت يا استاذ هو بيت المدام شهد صابر فين؟..
محمد
اممم وانت تعرفها منين المدام شهد يا هندسه؟..
ادهم
شغل ممكن تقولي بيتها فين؟..
محمد
البيت اللي في وشك هناك ده الدور التاني..
ادهم
شكرا جداً..
_ مشي ادهم وراح محمد بسرعه للمحل اللي شغال فيه سعيد وقاله..
محمد
انت با خيبتها بتنيل ايه؟..
سعيد
في ايه يا محمد قاعد بشوف شغلي هكون لعمل ايه يعني..
محمد
طيب روح يا حبيبي شوف مراتك اللي جايبه رجاله لحد هنا ومش اي رجاله دول زي اللي بيبانو في التلفزيون..
سعيد
قصدك طليقتي وبعدين ما تفرقش معايا تعمل اللي عايزاه..
محمد
انت يا واد انت ايه، ما تبطل برود بقي مراتك كنت بنت حلال وصغيره وحلوه ابقي راجل بقي ورجعها بدل ما هتفضل ماشي ورا امك لحد ما العمر بعدي عليك وانت زي ما انت..
سعيد
طيب هبقي اشوف روح شوف ورااك ايه يا محمد..
_سابه محمد اخوه ومشي، وفي بيت شهد كان ابوها في الشغل وهي كانت بتغسل الاطباق في المطبخ لما الباب خبط، فنشفت ايدها ولبست حجابها واول ما فتحت الباب وشافته اتصدمت وقالت..
شهد
دكتور ادهم..
ابتسم بهدوء وقالها
كنت قلقان اووي عليكي وسألت علي عنوانك وجيت اطمن عليكي..
شهد بخوف
اا انت لو حد. شافك هنا هتبقي مصيبه..
ادهم
ليه يعني مصيبه انت جاي اطمن عليكي وهمشي علي طول..
قالت مامتها من جوه
مين عندك يا شهد ليكون حد. من اخواتك عمل مشكله في المدرسه..
شهد بتوتر
لا لا يا ماما مم مافيش حد…
وطلعت وقفلت الباب وقالتله
يا دكتور انت كده بتعملي مشاكل لو حد عرف انك جاي عشاني هتبقي مصيبه..
ادهم
كل ده عشان جاي اسأل عليكي..
شهد
واكتر من كده كمان والله..
ادهم
طيب همشي خلاص بس اا لما احب اطمن عليكي اعمل ايه؟..
شهد بتوتر
وو وحضرتك تطمن عليا ليه اا انا كويسه اصلا يعني ما فيش داعي..
ادهم
انتي معاكي موبيل؟..
شهد بقلق
لا مش معايا واتفضل امشي لو سمحت..
طلع ادهم موبيله بسرعه وقال
طيب امسكي ده موبيلي الشخصي خليه معاكي وانا هبقي اكلمك عليه..
شهد بصدمه
هو حضرتك بتعمل ايه ازاي تديني تليفونك كده ما ينفعش بجد و…
فاطمه من جوه بحده
انتي يا بت روحتي فين؟..
ادهم
لو ما اخدتيش الموبيل انا هفضل كل يوم اجيلك هنا..
اخدته منه شهد وقالت
اخدته اهو حاجه تاني باريت بقي تتفضل تمشي..
ابتسم بهدوء وقالها
لو حد. كلمك قوليلو انك المساعده بتاعتي وانا مش فاضي تمام..
شهد
تمام بعد اذنك..
_ ودخلت شقتهم البسيطه وقفلت الباب وهو نزل وهو مبتسم وكان سعيد واقف قدام المحل بتاعه واول ما شافه قرب منه وقال..
سعيد
خير يا استاذ في حاجه ولا ايه؟..
ادهم
لا ما فيش انت في حاجه؟..
سعيد
بيقولو انك جاي لبيت الاستاذ صابر..
ادهم بهدوء
لا لا ده تشابه اسماء انا جيت عندهم بالغلط..
_ قال كده عشان ما يعملهاش مشاكل ومشي راح ركب العربيه جنب حسام اللي قاله..
حسام
كل ده بتهبب ايه ده انا العيال بهدلوني هنا..
ادهم وهو لسه مبتسم
شوفتها هي كويسه واديتهة موبيلي..
حسام
قصدك رقمك اديتها رقمك..
ادهم
لا لا اديتها الموبيل كله..
حسام
لا استني هو الموبيل اتقلب منك وانت بتحمي وشك مش كده؟..
ادهم
لا انا اديته لشهد عشان اطمن عليها..
حسام
ما شالله عنك ما اطمنت بتديها موبيل ب30 الف جنيه عشان تطمن عليها لييييه انت عبيط يا ابني..
ادهم
انت مالك انت انا حر ويلا امشي بينا من هنا..
_ مشي حسام بالعربيه وهو متغاظ. من تصرفات ادهم، وبالليل في اوضة شهد كانت نايمه هي واخواتها في الاوضه بتاعتهم ومسكت موبيل ادهم وابتسمت بهدوء اول ما افتكرت الحوار اللي حصل بينهم وانه جالها مخصوص عشان يطمن عليها، وفجأه الموبيل رن وهو في ايدها فكتمت صوته بسرعه وراحت وقفت في البلكونه وردت علي الرقم اللي بيكلمها وقالت..
شهد
الو..
ادهم
ادهم معاكي ما تقلقيش..
شهد بتوتر
هو انت بتعمل كده ليه يعني…
ادهم
سيبك من اللي انا بعمله يا شهد، المهم انتي اطلقتي بجد زي ما سمعت..
شهد
ايوه من اسبوع تقريباً، سمعت كلامك وقرىت اريح نفسي انا كمان..
ادهم
جدعه انا فرحتلك بجد، بس ممكن بقي تيجي تشتغلي عندي في العياده..
شهد بحزن
للاسف مش هينفع تفكير الناس هنا في الحته وحش اووي يعني وخصوصاً ابويا بالنسبالهم المطلقه او الارمله حاجه عيب وغلط زحرام ولازم تداري من الناس لحد ما تتجوز تاني..
ادهم بضيق
وانتي هتسكتي علي تفكيرهم المتخلف ده يا شهد؟..
شهد
هو انا هعمل ايه يعني كفايه زعل ابويا مني دي حاجه وحشه اوي..
ادهم بحزن
مش عارف اقولك ايه بجد، اا طيب ما تحاولي تقوليلو انك هتشتغلي ممكن بوافق..
شهد
ممكن ما تشغلش بالك بيا يعني انا كده كده متعوده علي العيشه هنا من زمان، انا كل مشكلتي موبيلك اللي معايا ده لو حد شافه هتبقي مشكله وانا اصلا مش هينفع اخده..
ادهم بخبث
تمام هاتيه لحد عندي علي الاقل اشوفك واعرف اتكلم معاكي كويس..
شهد
مش هينفع بقولك مش هقدى اخرج من البيت..
ادهم
اللي خلاكي تقدري تطلقي هيخليكي تقدري تيجي لحد عندي باسورد الموبيل خمس تمنيات وقت ما تقدري تخرجي من البيت كلميني عشان اقولك علي المكان اللي هنتقابل فيه، تصبحي علي خير يا شهد..
_ ابتسمت شهد وقفلت معاه وبصت لصورته اللي كانت خلفيه علي الموبيل وقالت بقلق…
شهد
انت عايز مني ايه يا دكتور ادهم انت كمان دلوقتي..
_ وتاني يوم في بيت سعيد طليق شهد كان قاعد بيتغدي هو وامه وقالها..
سعيد
بقولك ايه يا اما ما ارجع البت شهد..
ام محمد
نعمم ترجع مين البت دي مش هتدخل بيتي تاني..
سعيد
ما خلاص يا اما بقي انا اهو هشتغل وهساعدك في المصاريف لازمتها ايه بقي البت تتمرمط..
ام محمد
قوتك عليا العيله خلتك تقف قدامي وتتكلم وتقول كلام عكس كلامي..
سعيد بضيق
خلاص يا اما اللي عايزااه اعمليه، انا داخل انااام..
_ وسابها ودخل اوضته وام محمد اخدت طىحتها ونزلت راحت لبيت شهد اللي كانت قاعده مع رحمه صاحبتها..
شهد
دقيقه واحده يا رحمه هشوف مين بيخبط علينا دلوقتي..
رحمه
ليكون ابوكي يا بت انا همشي..
شهد
لا مش ابويا، ابويا هيرجع الساعه 10 مش دلوقتي..
_وفتحت شهد الباب ولقيت ام محمد قدامها وقالت. بضيق..
شهد
خير ان شاء الله..
ام محمد
اوعي كده من وشي ياا فااااطمه انتي يا وليه تعالي هنا..
طلعت فاطمه من اوضتها وقالت
في ايه يا اختي داخله تزعقي كده وكأنك داخله زريبه ليه؟..
ام محمد بحده
ما فرقتش حاجع عن الزريبه يا حبيبتي، هو مس احنا فضيناها سيره واخدتو حاجتكم وابني طلق بنتك بنتك بتلف حواليه ليه تاني وبتقلب ابني عليا..
شهد
انتي ايه اللي بتقوليه ده الف علي مين ده انا ما قت خلصت منه..
فاطمه
اسكتي يا شهد وخدي زميلتك واقعدو جوه، وانتي يا ست انتي اتفضلي امشي من هنا بزياده اللي عملتوه في البت والجهاز اللي كسرتووه قبل ما تبعتوه لينا عايزين مننا ايه تاني..
ام محمد
هي كلمه ومش هقولها تاني بتك ما تقربش من ابني وانا هجوزه ست ستها يا جعانين يا خطافين الرجاله..
_ قالت كلامها ومشيت وشهد دنوعها نزلت بحزن من جبروت حماتها القديمه عليها وعلي اهلها..
فاطمه
استغفر الله العظيم يارب عجبك كده يا شهد..
شهد بحزن
هو انا يعني اللي كنت جيبتها واتجوزت ابنها من نفسي ما هو اختياركم..
ومسكت ايد صاحبتها وقالت
تعالي يا بت يا رحمه نقعد علي السلم في الهوا احسن من هنا..
فاطمه
علي السلم يا شهد اوعب رجلك تعتب بره عتبت البيت..
_ وطلعو بره وقعدو علي السلم ورحمه قالتلها بصوت واطي..
رحمه
سيبك من القرف ده كله خلينا في المهم هتروحي تقابلي الدكتور ده امتي؟..
شهد
انتي اتجننتي انا ما ينفعش اخرج من البيت اصلا..
رحمه
لا ينفع وبعدين سيبك من عداتهم والتخلف بتاعهم ده فيها ايه اما اطلقتي هو حرام يعني ده الطلاق مذكور في القرآن ده ربنا نزل سوره كامله عن الطلاق، وءنبك ايه انتي انك اتجوزتي واحد ابن ستين في سبعين ما عرفش قيمتك لا هو ولا اهلك..
شهد بدموع
احنا هنا حاره شعبيه يا رحمه ونصها ناس جايه من الارياف ودماغهم مقفله واولهم ابويا، غير اهلك انتي المتعلمين واللي فاهمبن الدنيا كويس..
رحمه
طيب سيبك من الكلام ده وانا وغلاوتك عندي لاخليكي تقابليه وتعيشي حياتك وتعملي اللي نفسك فيه كمان..
شهد بدموع
وانا هعملها ازاي يا اختي ان شاء الله؟..
_ تفتكرو رحمه هتخلي شهد تقابل ادهم ازاي ولو حد من الحاره عرف هيحصل فيها ايه؟..
ــــــــــــــــــــــــــــــــــــــــــــ
- يتبع الفصل التالي اضغط على (رواية النصيب) اسم الرواية