رواية زوجتي الجريئه الفصل الرابع 4 - بقلم منة محمد
وقفنا لحد ما يحيي توتا شدته وطلعت تجري بيه ناحيه العربيه
علام بصوت عالي وشديد: يحيييييي
توتا بصتله برجاء: اونكل من فضلك سيب يحيي يمشي
علام بصراخ: انتي الي تمشي حالا من هنا احنا عطناكي فرصه لمده طويله
توتا بكاء :بس انا ويحيي قضينا مع بعض فتره مش قليله يا اونكل
علام بأمر: يحييي يله ندخل
توتا بتشد يحيي: اونكل بلاش تجوزه لاني موافقه اتجوزه
علام بسخريه : سوري يا توتا احنا مش تحت امرك عشان ننفذلك رغبتك اتفضلي امشي وابني هيتجوز البنت الي جوه مستحيل اهين اسم العايله عشان حبكم العظيم
توتا: عارفه اني غلطت وضيعت الفرصه لكن اوعدك اسمع ليحيي بعدين
علام بنفاذ صبر من بين اسنانه: لاقبلين ولا بعدين وبلاش تنشفي دماغك وامشي من هنا
…………………….قصص منه محمد كاتب……………….
يحيي رجع القاعه مع ابوه وقعد ع الكرسي وريشه بصاله بعيون بتضحك من تحت الطرحه
المأذون: ها الجميع مستعد
علام :اكتب يا مولانا
المأذون :تمام نبدء بسم الله الرحمن الرحيم يله يا عريس حط ايدك في ايد ابو العروسه وقولوا ورايا زوجتك ابنتي رشا وجدي الخطاب
يحيي شد ايده وكأنه اتكهرب: معلش عيد اسمها مره تانيه
المأذون بتعجب: ليه متعرفش اسم مراتك
علام :لاء يا سيدنا الشيخ ابني بس متوتر وعشان كدا مرتبك
المأذون: اه متوتر مفيش مشكله اهدء يا عريس ده مش ختان ده جواز مش هتحس بالوجع
يحيي :لحظه ممكن اشوف العقد اخد نظره عايز احفظ اسمها
المأذون استغرب لما يحيي غمض عينه وفضل يسمع اسمها وبعدين رجعله العقد
المأذون: ها جاهز
يحيي لف لعلام ؛هو مش كان اسمها ريشه يا بابا
علام :هي نفسها بس ده اسمها الحقيقي رشا وجدي الخطاب
المأذون: يله يا بني جاهز هل تقبل الزواج من الانسه رشا
يحيي بصوت مرتجف : اقبل الزواج من رشا خطاب ع الصداق المسمي بيننا
المأذون: الف مبروك
فرئوا الفاتحه ويحيي قلبه وقع من بين ضلوعه بقهر وحزن اما ريشه قلبها فضل يدق بقوه من كتر الفرحه والسعاده والكل بارك وهنئ
في العربيه توتا اول ما سمعت صوت الزغاريت اتجننت وعيطت لحد ما نفسها راح
حاتم بملل : خلصتي عياط وبعدين ليه بتعيطي انتي اخدتي الاختيار ده بنفسك محدش غصبك
توتا بدموع:انت كمان هتحط اللوم عليا
حاتم: قولت لك وحذرتك
توتا :مجرد عذر بتحطه لنفسك انت كمان متورط في الي بيحصل
حاتم :وكله بمزاجك
توتا بنفعال:قول كده انك مبسوط ان صاحبك اتجوز واحده غيري
حاتم :انتي شايفه كده وده لايعنيني حتي لو يحيي اتجوزك برضه ده ولا يعنيني ولحد هنا وكفايه يحيي اتجوز بالفعل اوكيه وبدل العياط والنحيب زي المجنونه ارجعي بيتك لايمكن تغيري القدر ونصيحه ليكي لو كان مكتوب ومقدر تكوني معاه ان شاء الله في يوم من الايام هيكون معاكي اما دلوقت ارجعي بيتك وانسيه ووقفي تعذيب في قلبك
…………………قصص منه محمد كاتب…………….
ليلي : كنت بسأل نفسي ياتري ريشه دي شكلها عامل ازاي
هاله: دي طلعت فرتيكه وصاروخ ياليلي شبهه الممثله الينا بوز
ليلي ضربته في كتفه:مالك مش مصدق انك اتجوزت
يحيي :لاء بس انا
هاله غمزته: ايه متوتر
يحيي: لاء مش متوتر انا بس قلقان ومحتار
ليلي مسكت ضحكتها: وليه محتار هي ست ايقونه من الجمال
يحيي: لاء مش كده انا مش فاهم ليه حاطه طرحه ع وشها طول الفرح
هاله: امها قالت هي صممت تكون غير كل العرايس وتقريبا خايفين عليها من الحسد عشان جميله جدا وشكلي هقلدها واعمل زيها بعدين
ليلي قرصتها:انتي لسه صغيره لما تخلصي دراستك لكن قبل كده متفكريش في الجواز وفعلا يا يحيي عشان هي جميله جدا يا بختك ياعم الليله هتتمتع بالجمال ده كله
يحيي بغيط : تعرفي تسكتي
هاله : هي فعلا جميله زي الملاك وغير كده من عيله غنيه واحنا جنبها صفر ع الشمال
يحيي :وانا كل ده ميهمنيش حتي لو كان جمالها معدي بلاد بره مش هحبها ابدا فهمتوا
ليلي رفعت حاجب:رغم تمتلك كل حاجه بمقارنه بتوتا
يحيي زقهم وقام من وسطهم: لما اقوم من جنبكم احسن
حاتم: فيه ايه شكلك متوتر ياتري شوفت مراتك
يحيي: لاء لسه لما تتنيل تنزل من فوق, عايز اسألك عن حاجه مش شايف ان استعجال اهلها غريب جوزونا في شهر الموضوع مش منطقي كأن مفيش حد تاني صح
حاتم: تقصد ايه ان مفيش حد تاني اتعملك مفاجأه
يحيي: يا اخي مش مسأله مفاجأه ولا كبسه انا حاسس انها وحشه ولبسهوهالي فهمتني وبعدين مش شايف اسمها الي اختارته لنفسها ريشه رغم اسمها رشا انت قادر تتخيل
حاتم: قولت لك ابقي حازم مع ابوك قبل كده قلت لي ايه مش عايز تقف في وشه ومش هتجرؤ تعمل كده وبقيت متجوز بالفعل كل الي عليك تقبل الامر الواقع
يحيي: لاء مشـ
حاتم فتح بؤه بذهول : ماشاء الله يحيي ريشه جميله جدا
يحيي بصصله: بتتكلم عن ايه
حاتم انحرج ونزل راسه ونغزه في جنبه: بص هناك لو كنت اعرف كنت قبلت العرض الي قدمهولي ابوك
يحيي لسه باصص عليه بعدم فهم: اي عرض
حاتم : اسف ابوك قالي لو انت اصريت انك متتجوزش الليله انا اخد مكانك
يحيي بعصبيه: متخلقش مشكله يا حاتم والا
حاتم قطعه: سيب الا بعدين المهم دلوقت تدخل حالا
يحيي ارتبك : حالا
حاتم سحبه : حالا
يحيي دخل مكشر وقعد جنبها ورفع الطرحه عن رشا واذبهل وبعد لـ اخر الكنبه
حاتم ميل عليه بهمس: مالك مش متحمل تشوفها دي جميله اوي مش كده
يحيي: المشكله اني حاسس بالشفقه ع توتا قدامها
حاتم كتم ضحكته: لو باقي ع عمرك بطل كلام عن توتا ولا شوف وش ابوك لو قام مسح بيك الارض هتموت ارسم انك فرحان لحد ما يتقفل عليكم باب واحد
ريشه شدت يحيي واخدته ع جنب وفتحت الموبيل انهم يتصوره
يحيي: ابتسم ازاي
ريشه: ابتسم عادي
يحيي: اوكيه( واغتصب ابتسامه طالعه بالعافيه)
حاتم قرب: مش هتعرفها عليا
يحيي: ريشه ده ابن خالتي وصاحبي وصاحب الشركه الي بشتغل فيها
حاتم ببتسامه واسعه: اسمي حاتم اتشرفت بيكي والف مبروك
ريشه: ميرسي اسمي رشا وجدي وممكن تناديني بريشه
حاتم: بجد اسم جميل مش كدا يا يحيي
يحيي بغيظ: اممم
حاتم: ع اي حال يا مدام ريشه شكرا لانك اخيرا يحيي اقتنع يتجوز وصدقيني يحيي اغلي صاحب عندي عشان كدا عايزك تاخدي بالك منه بعدي
ريشه: وانا من الناحيه دي مش هقصر ولو يحيي زعلني عرفت اشتكي منه لمين مش كدا ولا ايه
حاتم: وانا تحت امرك
ريشه قالت والإبتسامه ماليه وشها: يله ناخد صوره تانيه مع بعض
حاتم : ربنا يسعدكم
ريشه لفت إيديه حوالين وسطها وابتسمت:يله مستعد
يحيي ارتبك من قربها بالشكل ده منه وورد قال : اه تمام
.يحيي تلفونه رن وحاتم بصله بـ لاء
ريشه :هو فيه حاجه
يحيي اتحرك بربكه: لا ء بس لازم ارد ع المكالمه دي راجعلك لحظه
حاتم :عن اذنك
يحيي اتسحب لبعيد وحاتم راح وراه: بلاش يايحيي مش مكسوف فكر في مراتك انت راجل متجوز
يحيي: انا بس عايز اطمن عليها افرض حصلت لها حاجه ولا عملت حادثه اعمل ايه
ريشه: لو المكالمه مهمه لازم يرد وبعدين ده فرح مش لجنه امتحان عشان الكل يسكتوا
حاتم: لاء يا انسه ريشه ده يومكم الخاص والمفروض يهتم بيكي
يحيي حط ايده ع كتفه:اظن عارف عندنا مشاريع كتير احنا شركه مقاولات لايمكن ناخد يوم اجازه مش كدا
ريشه فضلت واقفه وحاتم شاورله بعيونه بلاش
دلال قربت :يله ياولاد عشان تروحوا ع شقتكم
يحيي: لاء يا طنط مش هينفع احنا هنرجع الليله ع بيت ابويا
دلال: ها ليه
يحيي هرش في جبينه: لاء مفيش بس البواب اتصل بيا وقالي العماره حصل فيها قفله وهيصلحوها وبكره الصبح نطلع ع شقتنا
دلال: خلاص ارجعوا ع بيتنا
يحيي: اسف اعذريني انا هرتاح اكتر في بيتنا
ريشه:خلاص يا مامي عادي معنديش مانع طالما يحيي هيكون مرتاح كده
دلال: براحتكم اطلعوا الاول ع بيتنا عشان اجيبلك هدوم تنامي فيها
ريشه: تمام وبعدها نتحرك
يحيي في سره: كده احسن توتا مجنونه وممكن تيجي ع شقتي كده احسن اروح بيت ابويا
ريشه: ليه صممت ترجع بيتكم
يحيي: قلت لك الكهرباء قطعت هناك
ريشه: ماما خديجه عارفه اننا رايحين عندكم الليله
يحيي: لاء وبلاش تقوللها وتزعجيها
ريشه: طيب ما كنا قعدنا هنا وخلاص
يحيي: لو عايزه تفضلي خليكي انا عارف انك مجهده وتعبانه الليله واجي اخدك بكره الصبح
ريشه ابتسمت : انا بقيت مراتك هروح معاك في كل حته بما فيهم الحمام
يحيي: يله نتحرك
……………………………
في بيت عائله يحيي
ليلي نازله وراه برجاء: لو سمحت يا بلال خلينا الليله دي هنا
بلال: انا مش مرتاح
ليلي: عارفه انك مش مرتاح بس
سمعوا صوت باب الشارع اتفتحت واتفاجأو ان ريشه داخله مع يحيي
بلال: العريس وصل
خديجه شافته إستغربت: الله ايه الي جابكم مطلعتش ليه بعروستك ع بيتكم ليه جاي بيتنا
يحيي برتباك: الكهرباء قطعت عن العماره وهترجع الصبح
خديجه بغيظ : لحسن حظك اختك ليلي وهاله نضفوه اوضتك
ليلي: ايه يايحيي مش مبسوط اننا نضفنها وهتنام مع مراتك الجميله في نضافه
بلال رفع حواجبه بسخريه وخبث: الجمال نقمه وانت يا يحيي مسؤل تحمي مراتك وتدافع عنها وانتي يا عروسه لازم تسمعي كلام جوزك
ريشه اسلوبه معجبهاش ردت من تحت ضرسها: ان شاء الله
خديجه: هاله خدي مراه اخوكي طلعيها اوضه جوزها اكيد تعبانه
هاله قربت من يحيي وهمست بغيظ: افرد وشك ومتكشرش عشان واحده تانيه
يحيي ضربها ع دماغها: غوري
هاله ابتسمت ومسكت ريشه من دراعها : يله بينا ياريشه
خديجه: انا كمان تعبانه
ليلي: يله نروح يا بلال
بلال بخبث: لاء انا بايت هنا الليله ونمشي بكره الصبح
………………..قصص منه محمد كاتب……………
توتا كانت ميته من العياط: ده متجوزش وبس ده مش بيرد ع مكالماتي ولا رسايلي
لينا صحبتها: دي اول ليله ليهم سوي
توتا صرخت ودموعها انسابت : وعشان ليلتهم الاولي عايزه اعكنن عليه
لينا: دي مشكلتك انتي رفضتيه لما طلب يتجوزك وبالتالي اهله اجبروه لكن انتي مصدقتيش وترجعي تلوميه طبعك غريب
توتا وهي هتفور قهر وغضب: دي غلطتي لما رفضت طلبه لو قبلته كان زماني مراته مكانها
لينا: اخيرا عرفتي ده عشان كدا اهدي
توتا اتنرفزت واتنتطت : بس برضو ازاي قدر يتجوز واحده غيري
لينا تهدي الوضع : في دي عندك حق فاهمه انك مضايقه بس خلاص اقبلي انه بقي لغيرك
توتا ضيقت عيونها بشر : يحيي ليا وهيفضل ليا للابد والست الي خدها هخليها تخاف مني وتعرف ان يحيي ملكي انا محدش يقدر ياخده مني وهتشوفي انا هعمل فيها ايه
استوب تفتكروا توتا ممكن تعمل ايه في رشا
امجد فين من الاحداث وياتري ممكن يتفق مع توتا ع يحيي ورشا
ريشه بجرائتها هتعرف تحبب يحي فيها ولا هتفشل هنشوف
ويراً سرياً في مصر
- يتبع الفصل التالي اضغط على (رواية زوجتي الجريئه) اسم الرواية