رواية ازاي اطفش عروسة بابا الفصل الخامس 5 - بقلم اليا
زاي_اطفش_عروسة_بابا
الفصل الخامس
غفـران غمزت لـها بحركة من شفايفـها لفظت كلام صامت _ " أنا حذرتك من اللعب معايا يا خالتو عمود النور اتمنالك إضاءة سعيدة في حته بعيدة .. "
عمـر طلعها من حضنه ، حاوط خدها بين كفـوفه _ " هي خلاص مشيت غفـران نت كويسة يا قلب بابا بصيلي اسف معـرفتش اخد بالي منك .. "
غفـران سبلت عيونـها _ " مش المفروض نلوم نفـسنا على أغلاط غيرنا صح ؟.. "
عمـر ابتسم _ " صح يا بابا .. "
غفـران سابت حضن أبـوها جريت مسكت فبنطلون جابر بتبصله بمنتهى البراءة ، بتتشاو عليه ينزل لمستواها _ " بابا ، بص عمـو ده عيونه حلوين زاي .. "
عمـر برق _ " غفـران .. "
غفـران مش واخده بالـها من تأذيب أبوها _ " عمـو ملقيش عندك ولد يكون شبهك كده .. "
حديثها العفـوي ضحكه شدته قدرة الطفـلة على نخطي اللي حصل قبل شوية بمنتـهى البساطة بروحها حلوه دخلت قلبه ، جاوب على اسئلتها الفضولية ، بصعوبة قدر عمر يقنعـها ترجع معاه على مكتبه باقي ساعات شغله ..
عمـر بحنية شالها على ايده و شنطتها بإيد _ " غفـران يلا هنرجع على بيتنـا عايزة أجبلك ايه في طريق الرجعة مكافئة لبنـوتي على هداوتها .. "
غفـران بتثني صباعها واحد ورا الثاني _ " لو ينفـع تجيبني بكره معاك هبقى متشكرة ، متبقـاش تفكر في موضوع الزواج الغيه من دماغك خالص و .. "
عمـر قاطعها _ " و ايه كمان يا رغاية بقلك حاجة نجيبـها فطريق الرجعة بنبوني ، لعـبة .. "
غفـران دورت وشـها الناحية الثانية _ " لا شكرا .. "
جابـر التقى بيهـم في الطرقة و اتضح انه جاي مخصوص عشان يشوف غفـران _ " ايه رأيك لو بابا معـندوش مانـع تجي نلتقي في الحديقة .. "
غفـران بحماس بتتنطط _ " بجد يعـني هتجيب ولادك لي قلتلي عليهم .. "
جابـر ضحك _ " ايوه وعدتهم اخدهم بعد الشغـل ، اجيت أشوف لو الأميرة تحب تتنـازل تلعب معاهم .. "
رغبتها ظاهرة على وشها بس لفت تشوف رأي أبوها هز راسه دلالة على الموافقـة بعد تقصيره في حقـها اليوم هيعـملها كل اللي نفسها فيه ..
في المـوعد المحدد ، الحديقة المعـلومة قاعدة جنب أبوها بتمرجح رجليها ، شواربـها مغـرقين عصير بتشربه نطت أول ما لمحت جابر جاي عليهم بقت تلف حولـين ولاده الإثنين هما نسخ مصغـرة طبق الأصل عنه ..
غفـران بتصفـق _ " الله دول شبهـك خالص خالـص اسمك ايه انا غفـران .. "
" ده علي و ده أخوه الصغـير سليم و أنا مامـتهم ياسمـين واضح شديتي انتبـاه جابر لـيه عسل يا غفـران " بتمسح العصير من بقـها بشويش ..
جابـر _ " مراتي ياسمين هتاخد بالـها من الولاد هيتسلو سـوى و احنا هنمشي نشرب قهـوة مع بعض مش كده يا عمـر بلاش رسمية بقينـا صحاب .. "
غفـران نفخت خدودها _ " افرح يا عمـر هتاخد بريك مني تلاقي أعضاءك الداخلية و الخارجية بتزغـرت .. "
فنانة في اختيار كلمانـها خلتهم يمـوتو من الضحك بعـدها ياسمين أخدت الولاد تلعب معـاهم ، ادتهـم كورة و هـما بسرعة انسجمو مع بعـض ..
سليـم ساب الكـورة و جري عند والـدته _ " ماما ، اربطيلي الشوز بتاعـي .. "
عـلي هـو الثاني ساب اللعـب ، جري عـند مامته _ " ماما عطـيني اشرب عطشان .. "
ياسمـين بحنية _ " حاضر يا حبيبي استنى شـوية .. "
غفـران بتبصلهم من بعـيد بتلعب بالكورة لحالـها _ " انا معـنديش ماما لـيه هو ربنا مبيحبنيش عشان كده أخدها مني بس معـملتش حاجة وحشة .. "
قعـدت على كرسي مرضيتش بعدها تقـوم تلعب معاهم بس قاعدة بتعيط حتى ياسمين فشلت تهديها بس قعدتها على رجلها بتستنى رجعة أبـوها بعد ما اتصلت على زوجها تستعجله في رجعـته البنت مش مبطلة عياط ..
عمـر اتنهد بثقـل خباها فحضنه بيطبطب عليها _ " خلاص يا بابا اهدي بطلي عـياط اجيب أهـو .. "
جابـر _ " هي مالـها ؟.. انتو تخانقـتو معاها يا ولاد .. "
عمـر بيبص على وشها محمر زاي _ " لـو هما اللي مزعلينها كانت عضتهم بسنانـها بنتي و حافظها بتوصل للحالة ديه لما تفـتكر امها الله يرحمـها .. "
الساعة ثلاثـة بالليل بتتقلب على السـرير يمين شمال وشـها عرقان فجأة فزت قايمـة من السرير ، جريت على أوضة أبـوها تفـيقه في نص الليل ..
غفـران بتهـز ذراعه في الظلمة _ " بابا اصحى بسرعـة بابا يلا بقا فوق .. "
عمـر قام مخضوض شغـل كل الأضوية بص عليـها بخوف فاكرها تعـبانة _ " مالك يا غفـران فيكي حاجة ؟.. "
غفـران بـوزت _ " ينفـع تطلب من عمـو جابر يتبناني ..
يتبـع ..
•تابع الفصل التالي "رواية ازاي اطفش عروسة بابا" اضغط على اسم الرواية