رواية زوجتي الجريئه الفصل الخامس 5 - بقلم منة محمد
دخلت غرفتهم ويحي دخل ووقف ع عتبه الباب شكله مش طبيعي
ريشه بأبتسامه: ادخل
يحي دخل خطف بيجامته وخرج بسرعه
ريشه بتعجب : هو مكسوف ولا خايف , مش المفروض انا الي اتكسف دي اوضته مش اوضتي
اما يحيي نازل يتسحب بعد ما رنت عليه كتير حبيبته
امه قفشته: ليه نزلت مش لطيف تسيب عروستك لوحدها دي اولي ليله ليكم سوي
يحيي بضيق :ماما ممكن متتكلميش اظن انا
خديجه قطعته بغيظ: عارفه عشان دا بنصحك يله انا طالعه انام اتهلكت في فرحك ومتعملش مشاكل واطلع جنب عروستك
يحيي خلاها طلعت وهو طلع يمد ع بره وفتح باب العربيه وركب بسرعة وبصلها
يحيي: انا اسف بجد اسف
توتا بدموع: ده سهل جدا انك تعتذر بمتتهي السهوله حاول تحط نفسك مكاني فكر ياتري هيبقى سهل اعتذرلك
يحيي: انا اتجوزتها لما اهلي ضغطوا عليا وانتي عارفه اقسم لك ماكنت اعرفها ولا عمري شوفتها غير يوم الفرح
توتا :وقابلتها بالطريقه دي وكمان عايز تقنعني
يحيي اتعصب : انتي الي رفضتي اننا نتجوز كذا مره بتلوميني ع ايه وانتي اكتر واحده عارفه تحكمات ابويا وفرضي سيطرته والمره دي مقدرتش اقف قصاده لانه مهما عمل مش هبقي ابن عاق انا متربتش ع كده اظن انتي عارفه طبعي كويس, عمري ما عصيت عايلتي ولا هعصيهم ابدا
توتا : حتي لو كان الامر متعلق بحياتك ومستقبلك
يحيي: انا الابن الوحيد ليهم وحقهم اخلف طفل يخلد اسمهم مين انا عشان اقهرهم حطي نفسك مكاني هتفهمي الي بمر بيه دلوقت
توتا صرخت في وشه : لا قادره افهم ولا عايزه افهم ابدا تقدر تقول اي حاجه لكن انت دلوقت متجوز واحده غيري
يحيي اتك ع اسنانه: ومكنتش عايز ده وانجبرت اتجوزها ارجوكي افهمي
توتا : مراتك مستنياك في اوضتك وده قهرني ومخليني معترضه سبع سنين يا يحيي نهيت سبع سنين في ليله معاها
يحيي بصلها شويه وفتح الباب ونزل لانه متحملش دموعها وهي مسحت دموع التماسيح وقررت تسترده ليها بأي طريقه حتي لو هدوس عليه هو نفسه مش مهم
يحيي راجع البيت مقهور وشكله حزين وداخل شافه بصصله نظرات ناريه
علام رفع السبابه في وشه بتحذير: اتمني تبقي دي اخر مره تشوف فيها توتا
يحيي: بس يا بابا
علام قطعه بحده: انت راجل متجوز توتا مش ليك
يحيي: انت عارف كنت معاها سبع سنين وبحبها
علام: وانا مدخلتش في علاقتكم واياك تنسي اني عطتها كل الفرص انها ترتبط بيك
يحيي: انا فاهم يابابا بس انا بشر محتاج وقت عشان اقدر انساها
علام: انساها وركز ع الي عندك وبلاش ترفض نعمه ربنا عليك وتسيب الحلال وتروح للحرام
علام مشي ويحي قعد وحط راسه بين ايديه
ليلي حطت ايدها ع كتفه : يحيي ابوك مش بيهزر
يحي اتنهد: هو مش مديني فرصه من زمان وهو كده
ليلي: بس المره دي توتا الي غلطانه وهي الي حطتك في الوضع الصعب ده ورفضت تكون مراتك
يحيي: نفسي افهم ليه بتقول بتحبني والنهارده انهارت قدامي رغم لما طلبت اتجوزها رفضت ليه فهميني
ليلي: يحيي الصوره واضحه وانت مطالب منك تنسها اطلع لعروستك الي سايبها لوحدها هي ملهاش ذنب
✿ قصص منه محمد كاتب ✿
زوجتي الجريئة
لبست قميص نوم مثير جدا وعليه روب طويل وعملت شعرها كيرلي وحطت روج احمر فاقع وكحل ازرق كانت فاتنه ونزلت تتسحب عنده تحت لقته ممدد ع الكنبه مشت ع اطرف صوابعها وجثت ع ركبها وبهمس يجنن: حبيبي يا حبيبي
يحيي قام مخضوض وبصلها اوي
رشا مثلت و شهقت : ايه اتخضيت من مراتك
يحيي: هش وطي صوتك بتشهقي ليه اهلي نايمين
رشا : طيب قوم انت كمان نام فوق
يحيي بصلها وبلع ريقه من جمالها الصارخ وقام يطلع فوق وهي قايمه وراه ركبتها اتخبطت في التربيزه اتالمت وطلعت حصلته بتعرج وراحت جابت ورد لافندر وهزته من كتفه
يحيي اتعدل وبصلها: ايه ده هاكله ولا اقوم اروشه عليكي ولا اعمل بيه ايه شوفي بما اننا متجوزين دلوقت عايز اقولك ع حاجه مهمه انا بحب واحدة تانيه واسمها تي ده اسم الدلع اسمها الحقيقي توتا وبحبها وكنت معاها سبع سنين متعتبريش نفسك مراتي من دلوقت لاء , لان دي حياتي اوكية وانا حر في حياتي الخاصه ولو حصل بينا علاقه هبقي بخون تي فاهمه وافتكري اتجوزتك بس عشان خاطر اهلي والا كنت اتجوزتها من زمان وتاكدي ان علاقتنا هتفضل واقفه ع كده مش هتاخد شكل تاني اه انا جوزك بس ع الورق مش ع الواقع واخر حاجه وليس الاخيره من فضلك خلي علاقتي انا وتوتا سر عن الكل وخصوصا بابا لاني بحبه جدا وبحترمه افهمي ده كويس وحطيه حلقه في ودنك
رشا ببرود: خلاص خلصت
يحيي: خلصت
رشا: اوعدك اني هحترم علاقتك مع _عملت نفسها بتفتكر) كان اسمها ايه اه اي بي تي هي دي اوعدك مش هضايق اطلاقا مع علاقتك معاها بتاتا حتي مش عايزه اعرف كنت بتعمل معاها ايه ومتفقه جدا مع شروطك بشرط انت كمان توافق ع شروطي وتوعدني تنفذها
يحيي ربع وبصلها: ايه شروطك
رشا : الشرط الاول تنطق الاسم الي بحبه تناديني و تقولي خدي يا ريشه تعالي يا ريشه وانا اقولك يا حبيبي عادي دي الطريقه الي هظهر بيها احترامي ليك ولما نكون قدام الاصحاب والاقارب وخصوصا اهلي تقولي يا حبيبتي
يحيي: اوكيه سهل ايه الشرط التاني
رشا: منمش كل واحد في ناحيه لاننا متجوزين لازم ننام ع نفس السرير ومخده واحده ودلوقت ياحبيبي مش عايز تقرب وتنام
يحيي: تقصدي ايه
رشا غمزته: انت فاهم قصدي ايه
يحيي ارتبك واتوتر: اه قصدك انا وانتي
رشا اتكت ع شفتها : اه انا وانت
يحيي بعد عنها: لاء مش عايز
رشا لعبت حواجبه: بجد مش عايز بجد
يحيي: بجد
رشا: اوكيه لو مش عايز تقدر تنام نضيف
يحيي : وانتي مش هتنامي
رشا لعبت حواجبها: لاء مش هنام
يحيي خاف من جرائتها وحط مخده ما بينهم ورشا شدت المخده وحطت دماغها جنبه
…………………………
في بيت توتا
مراد دخل واتخض من منظرها: توتا ليه معيطه حصلت حاجه؟
توتا مره واحده هجمت ع شفايفه لحد ما اخدها ودخلوا سوي غرفه النوم وبعد وقت طلعت قعدت ع الكنبه بره
توتا ببكاء بصوت عالي: بسبب يحيي ضيعت نفسي
مراد طلع من غير تي شيرت وقعد جنبها وحط ايده ع كتفها: حياتي مالك
توتا زقت ايدي وقامت بنفعال: مفيش واخرج حالا من بيتي
مراد عقد حواجبه: ممكن تهدي خالص وتحكيلي حصل ايه
توتا فضلت تصرخ وتنطتت : قلت اخرج
مراد قام ورمى عليها نظره حاده: : مفيش داعي تتصرفي بالطريقه دي اظن انتي الي اتصلتي بيا اجيلك
توتا: ودلوقت بقولك مش طايقه اشوفك
مراد: انا عملت ايه
توتا: عملت ايه انت ضيعتني وبتسألني عملت ايه انا مينفعش ابقي لراجل تاني
مراد: انتي الي طلبتي مني كده
توتا بعصبية و صرخه : امشي يله امشي
مراد: تمام هخش اوضه تانيه ومش هضايقك
توتا بكت بحرقه : كله بسببك يايحيي لوثت نفسي
……………….قصص منه محمد كاتب…………………
ع السفره
خديجه: ها ناوين ع ايه ياولاد
يحيي: بعد الغداء هاخد ريشه بيت اهلها
خديجه: وشقتك دي هتسكنها العفاريت
ريشه: بصراحه وعدنا مامي نبات عندها الليله وبكره هنطلع ع شقتنا
يحيي: فعلا محتاجين نبقي لوحدنا
خديجه بضيق: ماهو ده الي المفروض كان يحصل من ليله امبارح
يحيي: ياماما متضايقيش انا اخدت اجازه شهر هنقضيهم سوي
علام: احسن ترجع بيتك وتبدء حياه جديده مع مراتك
ريشه: مامي كانت بتتمناه نعيش معاهم بس انا رفضت وقلت من حقي يبقالي حياه مستقله
خديجه: طبعا عين العقل انتم لسه متجوزين لازم يبفي ليكم خصوصيه
يحيي ابتسم : فعلا كلام سليم
ريشه بصتله بسخريه: استرخي احنا بنتنقاش
علام: يله كلوا
ريشه: ممكن حبيبي يأكلني بأيده
يحيي نسي نفسه وخبطها في رجلها من تحت التربيزه : ما تاكلي الفراخ قدامك خديها بنفسك
ريشه بنبره تهديد: قلت ايه مسمعتش
يحيي: مقلتش حاجه عايزه منها ايه
ريشه بربشت بعيونها بمرح: عايزه الجناح لاني قررت اطير
يحيي: هتطيري فين
ريشه: لقلبك
يحيي بدون نفس: هي مضحكه كده
خديجه: طب اكل مراتك واهتم بيها
ريشه: سامع عشان نطير سوي
خديجه ببتسامه: ها مش ناوين تسافروا شهر عسل
ريشه: طبعا هنسافر
علام: فين
ريشه: لسه مش عارفه يا بابا علام بصراحه انا مش عايزه اسافر بس يحيي مصمم نسافر الساحل اصله طلع رومانسي مـ وت
خديجه: كويس ع الاقل تعرفوا بعض اكتر امتي ناوين
يحيي: مش بكره
ريشه: حبيبي معقول تكون نسيت وربنا هعيط
يحيي: لاء مستحيل انسي عيد ميلادك
ريشه: لو كنت نسيت كنت هزعل منك اوي
يحيي: لاء هنحتفل بيه
ريشه مسكت دراعه :ثانكيو حبيبي واملي نتعرف ع بعض اكتر ونحب بعض اكتر
يحيي بين اسنانه :متزودهاش
ريشه بعدت وابتسمت: حلو العصير يا ماما خديجه
………………….قصص منه محمد كاتب………………
…………قصص منه محمد كاتب…………………….
في شقه توتا
………………………
مراد: قومي حضرتلك الفطار افطري وتعالي نخرج تفكي عن نفسك
توتا :مراد انا غصب عني انفعلت عليك
مراد :ولا يهمك مفيش حد هيعرف الي حصل بينا لو حصل انا هتحمل المسؤليه
توتا بدموع :انا عايزه انسي الليله بكل تفاصلها ممكن
مراد مسح دموعها: ليه هو انتي رافضه تكوني معايا ولا جبتيني تتنفسي عن غضبك معايا
توتا :ايوه فاكر يحيي الي كلمتك عنه اتجوز امبارح
مراد بقهر: اه عشان كده محبطه فهمت
توتا مسكت دقنه: هو انت زعلت
مراد مسك ايدها :توتا انا مش واحد انتهازي انا ماشي بنفذ رغباتك لو كنتي زعلانه او محتاجه تطلعي غضبك اتصلي بيا وهكون تحت امرك
توتا: شكرا
دخلوا شقتهم وكانت دوبلكس بس روعه
ريشه بسعاده كبيره: الله دي شقتنا
يحيي بسخريه: لاء شقه الجيران
ريشه كشرت فيه: منا عارفه انه بيتنا
يحيي: ده بيتي لوحدي فاهمه
ريشه حطت ايدها في وسطها: ياسلام من اولها متحكم
يحيي: انا مش متحكم بس هو فعلا بيتي
ريشه: احنا متجوزين سوء قابل ولا لاء انا شريكه معاك في البيت
يحيي: استني شريكه ازاي ليه عطتيني كام عشان اشتريها
ريشه: تمام مدفعتش مقدم لكن من النهارده هدفع بالتقسيط
يحيي ببلاهه: ها
ريشه: مش انت اشتريت الشقه بقرض من البنك وانا هخدم في البيت هنا مدي الحياه قدر وشوف انا هدفعلك قد ايه اعتقد كتير
يحيي جعد ملامحه :تعرفي كل ما بتتكلمي معايا بضايق عشان كدا اسكتي ومسمعش صوتك
ريشه شدته من دهره: اظن انت الي فتحت موضوع يبقي الاول تقفله ولا نسيت اتفاقنا ارجع للشرط الاول هتبقي غلطان كتير لو منفذتهوش
يحيي: وانتي مفكراني ههتم
ريشه: يعني مش مهتم اوكيه لو حصلت حاجه في علاقتك انت وتوتا
يحيي: انتي
ريشه رفعت حاجب: كمل انا ايه مسمعتش قلت ايه
يحيي: خلاص موافق
ريشه: ايوه كده ادخل غير هدومك وعلقهم في الدولاب الي شبه الدرج الصغير
يحيي اخد نفس ودخل غير هدومه وطلع عشان هي تاخد راحتها
ريشه بصوت عالي من جوه: يحيي ادخل غيرت خلاص هدومي
يحيي قام وبيفتح الباب لقاها لابسه قميص نوم قصير جدا
ريشه لفت ايدها حوالين رقبته: ايه مغري جدا
يحيي اتوتر ومسك ايدها ونزلهم : ممكن متتصرفيش كده مش هتثريني ابدا باللبس المثير ده ولو كنتي هتقعدي من غير هدوم خالص مش هبصلك
ريشه ضحكت: وليه جسمك عرق وارتعش كده وتمثل انك محستش بحاجه
يحيي بلع ريقه بصعوبه وقال: برضه مش هتثريني انا عايز توتا وبس
ريشه: بس توتا مش جميله زي مش كده
يحيي: انتي مش جميله انا مش شايف غير توتا وبس
ريشه: امال ليه طلبت اغير هدومي هو انا وحشه للدرجه
يحيي: اخير ادركتي ده
ريشه: رغم اني وحشه بقيت مراتك يا حوحو
يحيي: وايه يعني لو بقيتي مراتي
ريشه قامت وضربت الكنبه جنبه: فين المنفضه
يحيي: افندم
ريشه قعدت ع رجله: المنفضه
يحيي ارتبك من قربها بالشكل ده ورد : في المطبخ
ريشه ابتسمت: اوكيه
يحيي بينه وبين نفسه: ياربي لو استمر الحال كده انا هنتهي توتا لازم تساعدني لا مقدرش اسيب ده يحصل وانا راجل واكيد هضعف وهي مش بس جميله دي صاروخ
………………..
ريشه قربت منه: يحيي انا خلصت الاكل
يحيي مكشر: مليش نفس
ريشه: بس انا طبخت لك بأيدي عشانك عايزك تدوق اكلي لان دي مسؤليتي
يحيي حرك راسه بـ لا ولف وشه عنها الناحيه التانيه
ريشه نبره تهديد: لو سامعني ممكن اقولك عن شرط خامس
يحيي اتغاظ وبصلها : تمام لو كان طعم اكلك حلو هاكله
ريشه نامت ع كتفه: حبيبي لازم تاكل ده مش اختيار سواء عجبك ولا معجبكش لازم توافق واسمع هنخرج مره واحده في اللاسبوع
يحيي: افندم
ريشه: ترجع مش شغلك ع البيت ع طول لاننا يوميا هنتغدي مع بعض والسؤال الاهم هو انت عايز تفضل ع علاقه مع البنت توتا دي
يحيي: ايوه
ريشه: تمام فاضل شرط واحد بس استني هقلهولك لما يجي وقته
يحيي: انا بجد محتاج افهم كام عدد شروطك الي هتدهالي
ريشه رفعت كتافها: مين عارف كل ما زادت المشاكل الي هتعملها كل ما زادت الشروط الي هضيفها
يحيي: هو انتي متعرفيش تقولي كلمتين من غير تهديد
ريشه: اه
يحيي بغيظ: الشارع الي وراه
ريشه قامت وفتحت الموبيل ع صوره صديقتها نيلي وكلمتها: مش مستغربه انه بيتصرف معايا كده هو محبنيش ابدا يا نيلي عنده توتا
نيلي :خليكي صبوره هو يعرفها بقاله سنين وانتم لسه متجوزين لسه ميعرفكيش ازاي هيحبك
ريشه بدموع :هو مش عايز حتي يعرفني ازاي هيحبني ده واضح انه صعب بس انا بحبه وانتي عارفه بعشقه قد ايه من غير مقابل وهفضل احبه
نيلي: انتي قويه وهتتغلبي ع كل ده الاهم دلوقت تخالي بالك من نفسك ومتعذبيش قلبك الي بيعشق يحيي من سنين وسيبي الوقت يقرر لو كان بيحب توتا ولا هيحبك انتي اكتر منها
- يتبع الفصل التالي اضغط على (رواية زوجتي الجريئه) اسم الرواية