رواية زوجتي الجريئه الفصل السابع 7 - بقلم منة محمد
في بيت وجدي رجع من السفر ودخل قعد
وجدي: بقالنا كتير مشفنكش يا امجد
امجد مبتسم: كنت مشغول جدا اظن عارف ضريبه النجاح, هي ريشه هنا؟
دلال: لاء امجد انا اتصلت بيك امبارح عشان متزعلش وتحس بالاهانه
وجدي: في الحقيقه كل حاجه حصلت بسرعه وريشه مكنتش عايزه فرح كبير
امجد : حصل خير انا بس مندهش لان حضرتك الي جبتلها العريس مكنتش اعرف ان ممكن رشا تتجوز واحد متعرفوش
وجدي: بس حصل والاهم انها وافقت ويحيي كمان وافق عليها وانا اعرف والده من لما كان اهله جيران امي وهما مع العشره هيتعرفوا ع بعض
امجد: ده مفيش مشكله فيه ع الاقل حضرتك عارف والده هو اسمه ايه
دلال: يحيي
امجد: يحيي بس انتم تعرفه يحيي شخصيا
وجدي: احنا منعرفوش لكن الانسان بيتعرف من نظره وهو شكله ابن حلال ومحترم
امجد بخبث: النظره مش كفايه يا عمي في الارتباط احنا بنحتاج نعرف الشخص من جوه ومن بره زي ما حضرتك تعرفني بس انا ممكن اعمل ايه خلاص رشا بقت ع اسمه ومراته
دلال: شكلك مش فرحان انها اتجوزت
امجد: ابدا يا طنط متقلقيش انا فرحان وسعيد لرشا بس انا بقول بلاش نثق في يحيي بسرعه كبيره
وجدي: ليه انت تعرفه
امجد: لا انا معرفوش بس ده عصر السيوشال وبنعرف من خلاله كل حاجه هو فين وعلاقاته بمين انا بقول كده لاني قلقان ع رشا لانها اعز صديقه عندي وبدعي ربنا يسعدها
دلال الي فهمت انه بيحب بنتها ردت: ان شاء الله
……………………..قصص منه محمد كاتب…………………
ماشيه جنبه ع الشط وبتتصور سلفي بشقاوه وحركات جذابه
يحيي وقف وبصلها: المكان ده جميل اول مره اجي فيها هنا
ريشه ابتسمتله: وانا بعتبرها اول مره ليا لانها معاك
يحيي: عارف لان شكلك حافظه المكان
ريشه: شكرا
يحيي عاقد حواجبه: ع ايه
ريشه: لانك وافقت تعاملني بلطف وموده
يحيي لما حس انه بدء يميل ناحيتها لف وشه للشط وهي شدته يبصلها
يحيي: فيه ايه
ريشه غمز تله ومشت قدامه وراحوا يلعبوا الدينمو
يحيي بحماس: ارمي بسرعه
ريشه: استني بدور ع الطريق
يحيي بسؤال: اي طريق ارمي الزهر وانتقلي هنا
ريشه: بدور ع الطريق لقلبك
يحيي: هو ده مضحك اخلصي ارمي الزهر
ريشه: استني انا شايفه نور هناك بس ضلم دلوقت
يحيي ضم حواجبه: اي نور
ريشه: النور الي ينور الطريق لقلبك
يحيي: بجد هضربك يله ارمي
ريشه ضربته في كتفه بغيظ : اتفضل اضربني
يحيي: لو اديتك قلم ع وشك هتنتهي
ريشه قرصت خده : جرب كدا واضرب لاني فزت عليك
يحيي: لاده اسمه غش كنتي هنا ازاي فوزتي
ريشه: شوف بنفسك فوز ده ولا مش فوز
يحيي: شكلك بتحبي الغش مش كده
ريشه: نفس توتا بتاعتك بتحب الغش
يحيي قفل اللعبه: خلاص خلصنا واقفلي ع كده
ريشه صلت الفجر ورقدت جنبه وقالت: تصبح ع خير يا حبيبي وسامحني لو كنت ضايقتك بس مش قادره ابعد عنك لازم تعرف مكانتي انت جوزي بس مش ليا
……………قصص منه محمد كاتب………………
ع التلفون
ريشه : مامي وحشتيني مشفتكيش من اربع سنين
دلال ضحكت: يا بكاشه
ريشه : بزمتك موحشتكيش
دلال :طبعا موحشتنيش الي وحشني يحيي فينه
ريشه : هو هنا قاعد جنبي
يحيي دخل في الكام وشاورلها : طنط عامله ايه
دلال بأبتسامه: انا كويسه ها قولي مبسوط وياتري اخدت حمام شمس ع الشط
ريشه: جدا ده اتمتع وانا سعيده معاه جدا
دلال: بقولك يا يحيي متسوقش البيدج باجي بسرعه كبيره امشي بحذر وع مهلك محدش بيجري وراك
ريشه رمت لها بوسه: باي مامي بحبك
دلال باستها: انا كمان بحبك باي
ريشه بصتله : مش قلت داخل تستحمي ولا عاوني ادعكلك دهرك
يحيي: لاء بس بحب الطريقه الي بتتكلمي بيها مع امك
ريشه: ليه
يحيي بحزن: لان اهلي مش كده معندش حريه اتكلم مع بابا بالطريقه دي لانه شخص قاسي شديد
ريشه شدته من خده بمرح:كويس انه شديد والا مكناش هنتجوز
يحي حط ايده ع وشها: غلسه داخل استحما
ريشه مسكت منه الباب: ادخل معاك
يحيي هو بيقفل باب الحمام: لاء
………………..قصص منه محمد كاتب…………………
يحيي: ريشه هو انا ممكن اسألك سؤال
ريشه بصتله: خير
يحيي: ليه بتحبي اسم ريشا عن رشا
ريشه: دي قصه طويله
يحيي: اختصريها
ريشه: شوف يا سيدي جدي الي سماني الاسم ده لما كنت طفله لان جدتي كانت بتحب اغنيه الدنيا ريشه في هواء
يحيي: اه عشان كده , اوكيه نامي شكلك تعبتي من الشوبنج
ريشه: ايوه عشان كده بكره الشوبنج
يحيي: مش بتحبيه لكن شكلك كنتي مبسوطه جدا
ريشه: لاني روحت مع جوزي حبيبي عشان كده مش حاسه بالتعب لسه مش عايزني الليله
يحيي ارتبك وهرش في جبينه وقال : لاء مش عايزك
ريشه قربت منه : متبقاش رخم دي اخر ليله لينا هنا
يحيي ارتبك من قربها وقال بتوتر : وانا قلت مش عايز
ريشه بعدت عنه : براحتك يا يحيي
…………………..
بعد وصولهم من السفر ريشه قعدت ع الكرسي واتصلت بأمها الي ردت عليها بضحكه: اهلا يا عروسه راجعه امتي
ريشه ابتسمت: انا لسه واصله بيتي حالا
دلال بتنهيده: الحمد لله وعريسك عامل ايه
ريشه: هو كويس محتاج شويه وقت لحد ما يتعود ع الوضع
دلال بقلق: بس ليه صوتك زي ما يكون زعلان
ريشه: وانا الي هيزعلني متعرفيش ان بنتك جامده
دلال : عارفه انا واثقه فيكي بس مش واثقه في يحيي
ريشه بحيره: ليه
دلال: يعني عشان هو لسه متعرفش عليكي
ريشه : مامي من فضلك
دلال: خلاص ماشي سيبينا من الكلام انا عارفه انك بتحبيه وهتعرفي تتعاملي معاه قوليلي اتصلي بـ امجد
ريشه : الدب بكلمه مش بيرد عليا شكله زعلان عشان معزمتهوش ع فرحي بس هو عامل زي البسكويت يغرق وبعدين يطوف ع الوش
دلال : ده مش بسكويت ده جوز الهند
ريشه:ايوه صح هو اتصل بيكي او ببابي من يوم ما سافر
دلال: ايوه جه زارنا امبارح وكان زعلان انك اتجوزتي حاولي تتصلي بيه وراضيه
ريشه : تمام سلام
……………..قصص منه محمد كاتب………………….
راحوا زياره لـ اهل يحيي وريشه وزعت عليهم الهدايا وشويه وصلت ليلي مع بنتها منه
خديجه بفرحه: شوفتي مين هنا يا ريشه
منه جريت ع ريشه وضمتها : وحشتيني
ريشه ضمتها لحضنها: اخيرا منه حبيبه قلبي هنا ده انا كنت شويه وهمشي
منه بحزن: كل ده بسبب بابا مش بيرضـ
ليلي بشخط: منننه ( ابتسمت وقالت) هو كدا بلال مش بيحبني اخرج كتير
ريشه: حصل خير شوفي يا منه جبتلك معايا ايه
منه نطت بفرحه : الله دي العاب كتير اوي
علام بحده: فين ادبك متعرفيش تقولي شكرا
منه بكسره وخوف : شكرا
ريشه مسكت دقنها: العفو ( بصتله بهدوء) يا عمو ده امر طبيعي اوقات الاطفال بينسوا
علام: واحنا واجبنا نفكرهم من صغرهم عشان لما يكبروا ميبقوش وقحين
خديجه : بهداوه يا ابو يحيي البنت كانت فرحانه ونسيت ودي عاده بالنسبه للاطفال
ريشه معدتها غمت عليها وحطت ايدها ع بؤها وجريت للحمام
خديجه: هي معدتها موعت عشان حامل
علام: يحيي هي مراتك حامل
يحيي: مش عارف
علام قام يصلي وخديجه جريت ع المطبخ تعملها ينسون وريشه طلعت قعدت معاهم
ليلي: مالك
ريشه: مش عارفه مره واحده معدتي قلبت
خديجه قربت: امسكي اشربي الينسون واكيد هتطلعي حامل
يحيي ببلاهه: حامل في ابن مين
خديجه بغيظ : مين يعني اكيد منك انت ولا جابته من قطه
يحيي ارتبك وبتبرير:لاء بس احنا لسه متجوزين وراجعين يادوب من شهر العسل لايمكن تطلع حامل
ليلي : هي مرجعتش دلوقت حالا
يحيي بصدمه : ريشه هو عشان رجعتي تبقي حامل
خديجه : هو ماله مصدوم كده
ريشه مسكت دراعه وبخبث قالت :ماما خديجه عايزني اطلع حامل
ليلي ضحكت بصوت عالي
خديجه: ده يحيي وشه احمر منه غطي ودنك
يحيي: هو انتي فاهمه يا منه مش كده
منه هزت له دماغها بأيوه وليلي ابتسمت
خديجه لريشه: اشربي الكوبايه كلها
……………………………قصص منه محمد كاتب…………………
في بيت يحيي دخل اخد شور وغير ملابسه وريشه واخده غيار ورايحه الحمام
يحيي: ريشه ممكن اسألك سؤال
ريشه لفت وبصتله: ايوه هو
يحيي بصلها اوي : ليه رجعتي
ريشه: معدتي قلبت عليا هيكون ليه يعني
يحيي: عارف ان معدتك قلبت بسأل ليه مستحيل يكون فار وقف في حلقك
ريشه ارتبكت: مقدرتش اشرب القهوه لانها بتموع معدتي وبحس بألم وصداع نصفي
يحيي هز دماغه بهدوء : انا اسف مكنتش اعرف
ريشه: حصل خير دي غلطتي لاني مقولتلكش قبل ما اشربها
يحيي: تحبي نروح لدكتور
ريشه: لاء معايا علاج
يحيي بستفسار: للمعده
ريشه: اكيد يعني للمعده وعندي ادويه لكل حاجه بستثتاء واحد
يحيي: ايه هو
ريشه: برشام منع الحمل
ريشه ابتسمت ومشت من قدامه وهو قال لنفسه : رغم تعبانه لسه قادره تضيقني وتتصرف دايما كأن مفيش حاجه حصلت
………………………..
دخلت لقته واقف يمشط شعره في المرايا
ريشه: انت رايح فين
يحيي: عندي معاد مهم
ريشه بشك: مع مين
يحيي رفع حاجب : انتي ليه فضوليه
ريشه: انا كده وبعدين ليه مش عايز تقولي مع مين
يحيي اخد نفس بملل: رايح مشوار
ريشه: ليه مقولتليش قبلها
يحيي كتف ايده ع صدره وقالها : اللهم طولك ياروح ليه لازم اقولك
ريشه: عشان اقدر اجهز بدري مش تقعد تستناني كتير استني هختار فستان يليق مع لون قميصك
يحيي مبقاش عارف يتخلص منها ازاي في نفس الوقت توتا عماله تبعت له رسايل وبتقوله هو انت نستني ولا ايه
يحيي كتبها: اهدي انا جايلك في السكه
توتا كتبت: كويس انك رديت عليا
يحيي كتب: انا جاي اخدك من البيت سلام
توتا: متتأخرش
يحيي بيلف لقاها لابسه وبتقوله يله نتحرك
يحيي: هو انتي رايحه فين
ريشه: معاك
يحيي: معايا فين
ريشه: المكان الي انت رايح عليه انا جايه معاك فيه
يحيي: امتي طلبت انك تيجي معايا
ريشه: اه انت رايح تقابل صحبتك توتا
يحيي: مش مهم مع مين المهم ميبقاش معاكي انتي
ريشه: تمام لو عايز تقابلها اتفضل معنديش مانع
يحيي: بجد
ريشه: بشرط اجي معاك
يحيي كشر فيها : ليه تيجي معايا
ريشه: ده الشرط السابع بمجرد ما ترجع لبيتك لايمكن تخرج منه تاني الا معايا مسموح بس لوحدك لما يكون فيه ظرف شديد او مستعصي حتي مش مسموح تخرج لو فيه شغل مهم انت طول النهار بره البيت وسيني لوحدي لازم الليل تقعده كله مع مراتك
يحيي اتك ع اسنانه بغيظ : امتي سبتك بس النهارده يوم اجازه
ريشه: ممكن متستخدمش المصطلح ده ممنوع تخرج حتي لو في اجازه ولا مريض ولا بتموت
يحيي: اسمعي انا ميهمنيش كلامك قلت مش هتيجي معايا يعني مش هتيجي معايا
ريشه فتحت شنطتها: فين رقم ابوك
يحيي بستهتار: بتهدديني مفكراني هخاف
ريشه: اوبس دوست ع رقمه بالغلط
علام رد: السلامو عليكم
ريشه: وعليكم السلام ازيك ياعمو انا ريشه
علام: ليه بتتصلي الساعه دي فيه حاجه لسه تعبانه
ريشه: لاء انا الحمد لله كويسه يحيي كان عايز يتكلم معاك
علام: يحي فينه
يحيي بصلها بغيظ وهو بيتكلم : بابا انا كنت عايز اقولك ان ريشه بخير دلوقت طمن ماما
علام: كويس انك قاعد معاها متسبش مراتك وتخرج وخصوصا بالليل خطر تقعد لوحدها افرض حصلها حاجه
يحيي اتنهد بقهر : تمام يا بابا مش هخرج
علام: تمام ريشه بلغيني لو زعلك
ريشه: تمام ياعمو هبلغك
علام: سلام
يحيي قفل ملامحه وقال: سلام
ريشه اخدت منه الموبيل وهو بصلها نظره حاده وطلع مضايق ع فوق
ريشه: والله ما عارفه احس بالفرح ولا الزعل
يحيي دخل وفضل يتعصب ع كل حاجه لحد ماموبيله رن خطفه من ع الكمدينو وقالها: توتا اسمعيني
توتا: ليه لغيت معادنا فجأه
يحيي: اسف جدا مش هقدر اخرج من البيت يوم اجازتي ده اتفاق
توتا بغيظ: قلت ايه
يحيي: توتا
توتا صرخت فيه: عيد الي قلته انت قلت ايه
يحيي: اظن قولت لك ليه اعيده
توتا: قولتلي انك مينفعش تطلع يوم الاجازه ولغيت ميعادنا بجد رائع خضوعك لبتزاز الست دي
يحيي: ممكن تحاولي تقدري وضعي انا مضغوط جدا افهمي
توتا بنفعال : اخرس ازاي قطعت وعد للست دي انت عارف لما بس بتخيل انها ممكن تحضنك وانا لاء
يحيي: محصلش
توتا عيطت بتمثيل: انا بكرهك يايحيي ومش عايزه اصدق كلامك بعد النهارده انت واحد كداب مش عايزه اصدق وعودك انا هشوف لي واحد تاني غيرك
يحيي: لاء يا توتا الو توتا ردي
ريشه دخلت قعدت ع السرير واتنهدت وقالت: خساره لبست ع الفاضي عادي نقعد سوي في الاوضه
يحيي بصلها بغيظ وشدها من ايدها واخدها لمكان لكن لقوا توتا وامجد في نفس المكان ويحصل غيره وختاقه
استوب بصوا انا بصراحه مكنتش هكمل فيها لاني شايفه انها مش شداكم فلو لقيت الاقبال ضعيف هوقفها وبعد فتره اكتب واحده جديده مختلفه
- يتبع الفصل التالي اضغط على (رواية زوجتي الجريئه) اسم الرواية